ﯞﺍﯓ ﻟﯧﭽﯜﻩﻧﻨﯩﯔ ﺋﺎﯞﻏﯘﺳﺖ ﺋﯧﻴﻰ ﻛﯩﺮﮔﻪﻧﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﯧﻠﯩﺪﻩ ﺋﺎﺭﻗﺎ ‏ - ﺋﺎﺭﻗﯩﺪﯨﻦ ﻳﯜﺯ ﺑﻪﺭﮔﻪﻥ ﯞﻩﻗﻪﻟﻪﺭﺩﯨﻦ ﻛﯧﻴﯩﻦ، ﻳﻪﻧﯩﻼ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﻛﯜﭼﻠﯜﻙ ﺗﻪﻛﯩﺘﻠﯩﺸﯩﮕﻪ ﻗﺎﺭﯨﺘﺎ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﻧﺎﺭﺍﺯﯨﻠﯩﻖ ﺋﯩﻨﻜﺎﺳﻼﺭﻧﻰ ﻗﺎﻳﺘﯘﺭﻣﺎﻗﺘﺎ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺖ ﺭﺍﺩﯨﺌﻮﻣﯩﺰﺩﺍ ﺑﺎﻳﺎﻧﺎﺕ ﺑﻪﺭﺩﻯ.

ﭘﻪﻳﺸﻪﻧﺒﻪ ﻛﯜﻧﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺋﯜﭺ ﺩﻩﺭﯨﺠﯩﻠﯩﻚ ﺭﻩﻫﺒﯩﺮﯨﻲ ﻛﺎﺩﯨﺮﻻﺭ ﻳﯩﻐﯩﻨﯩﺪﺍ ﯞﺍﯓ ﻟﯧﭽﯜﻩﻥ ﺳﯚﺯ ﻗﯩﻠﯩﭗ "ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﻛﯜﺭﻩﺷﺘﻪ، ﻫﯘﺟﯘﻣﻜﺎﺭ ﻫﺎﻟﻪﺗﺘﻪ ﺗﯘﺭﯗﺵ، ﺑﺎﺵ ﻛﯚﺗﯜﺭﮔﻪﻥ ﻫﺎﻣﺎﻥ ﺋﯘﺟﯘﻗﺘﯘﺭﯗﺵ، ﭘﯘﺧﺘﺎ ﻣﯘﺩﺍﭘﯩﺌﻪﻟﯩﻨﯩﺶ ﯞﻩ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺸﻨﻰ ﺩﺍﯞﺍﻣﻠﯩﻖ ﺗﯜﺭﺩﻩ ﻛﯜﭼﻪﻳﺘﯩﺸﻨﻰ ﻗﺎﻳﺘﺎ ﺗﻪﻛﯩﺘﻠﯩﮕﻪﻥ ﻫﻪﻣﺪﻩ ﻫﻪﺭ ﺩﻩﺭﯨﺠﯩﻠﯩﻚ ﻛﺎﺩﯨﺮﻻﺭﻧﯩﯔ ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻜﻜﻪ ﻗﺎﺭﺷﻰ ﺗﯘﺭﯗﺷﺘﺎ،ﻣﯩﻠﻠﻪﺗﻠﻪﺭ ﺋﯩﺘﺘﯩﭙﺎﻗﻠﯩﻘﻰ ﯞﻩ ﺩﯙﻟﻪﺗﻨﯩﯔ ﭘﯜﺗﯜﻧﻠﯜﻛﻰ ﻣﻪﺳﯩﻠﯩﺴﯩﺪﻩ ﻣﻪﻳﺪﺍﻧﻰ ﻗﻪﺗﺌﯩﻲ ﯞﻩ ﺑﺎﻳﺮﯨﻘﻰ ﺭﻭﺷﻪﻥ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﻗﺎﻳﺘﺎ ﺋﻪﺳﻜﻪﺭﺗﻜﻪﻥ.

ﯞﺍﯓ ﻟﯧﭽﯜﻩﻧﻨﯩﯔ ﻗﻪﺷﻘﻪﺭ ﻫﻪﻣﺪﻩ ﻛﯘﭼﺎﻻﺭﺩﺍ ﺋﯘﻳﻐﯘﺭﻻﺭﻧﯩﯔ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻨﻤﯘ ﻳﻪﻧﯩﻼ ﺑﺎﺳﺘﯘﺭﯗﺷﻨﻰ ﻛﯜﭼﻪﻳﺘﯩﺸﻨﻰ ﻗﺎﺗﺘﯩﻖ ﺗﻪﻟﻪﭘﭙﯘﺯﺩﺍ ﺗﻪﻛﯩﺘﻠﯩﺸﯩﻨﯩﯔ ﻧﯧﻤﯩﻠﻪﺭﺩﯨﻦ ﺳﯩﮕﻨﺎﻝ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺋﯚﺯﯨﻨﯩﯔ ﻛﯜﺯ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﺪﻯ.

ﺩﯨﻠﺸﺎﺕ ﺭﯨﺸﯩﺖ ﻳﻪﻧﻪ ﯞﺍﯓ ﻟﯧﭽﯜﻩﻧﻨﯩﯔ ﺟﻪﻣﺌﯩﻴﻪﺕ ﻣﯘﻗﯩﻤﻠﯩﻘﯩﻨﻰ ﻗﻮﻏﺪﺍﺷﺘﺎ ﺋﺎﺳﺎﺳﻰ ﻗﺎﺗﻼﻡ ﺧﯩﺰﻣﯩﺘﯩﻨﻰ ﻛﯜﭼﻪﻳﺘﯩﺸﻨﻰ ﺗﻪﻛﯩﺘﻠﯩﮕﻪﻧﻠﯩﻜﻰ ﻫﻪﻣﺪﻩ ﻛﺎﺩﯨﺮﻻﺭﻧﻰ ﻳﯧﻘﯩﻨﻘﻰ ﯞﻩﻗﻪﻟﻪﺭﺩﯨﻦ ﺳﺎﯞﺍﻕ ﺋﯧﻠﯩﭗ ﺑﺎﺳﺘﯘﺭﯗﺷﻨﻰ ﻛﯜﭼﻪﻳﺘﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﻐﺎﻧﻠﯩﻘﯩﻨﯩﯔ، ﺧﯩﺘﺎﻱ ﻫﺎﻛﯩﻤﯩﻴﯩﺘﯩﻨﯩﯔ ﺋﯘﻳﻐﯘﺭ ﺭﻩﻫﺒﯩﺮﯨﻲ ﻛﺎﺩﯨﺮﻻﺭﻏﺎ ﻫﺎﻣﺎﻥ ﮔﯘﻣﺎﻥ ﯞﻩ ﺋﻪﻧﺪﯨﺸﻪ ﺑﯩﻠﻪﻥ ﻗﺎﺭﺍﯞﺍﺗﻘﺎﻧﻠﯩﻘﻨﯩﯔ ﺋﯩﺴﭙﺎﺗﻰ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﺪﻯ.

ﺧﯩﺘﺎﻳﺪﺍ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﻟﯜﯞﺍﺗﻘﺎﻥ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺕ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﯩﻨﯩﯔ ﻳﺎﺧﺸﯩﻠﯩﻨﯩﺸﯩﺪﯨﻦ ﺋﯜﻣﯩﺪ ﻛﯜﺗﯜﯞﺍﺗﻘﺎﻥ ﺷﯘﻧﯩﯖﺪﻩﻙ ﻳﯧﻘﯩﻨﺪﺍ ﺗﯧﺨﻰ ﺋﺎﻣﯧﺮﯨﻜﺎ ﭘﺮﯦﺰﯨﺪﯦﻨﺘﻰ ﺟﻮﺭﺝ ﺑﯘﺷﻨﯩﯔ ﺧﯩﺘﺎﻱ ﺭﻩﻫﺒﯩﺮﻯ ﺧﯘ ﺟﯩﻨﺘﺎﯞﻏﺎ ﺋﯩﻨﺴﺎﻥ ﻫﻪﻗﻠﯩﺮﯨﮕﻪ ﻫﯚﺭﻣﻪﺕ ﻗﯩﻠﯩﺶ ﻣﻪﺳﯩﻠﯩﻠﯩﺮﻯ ﺋﯜﺳﺘﯩﺪﻩ ﺳﯚﺯ ﺋﺎﭼﻘﺎﻥ ﺑﯩﺮ ﭘﻪﻳﺘﺘﻪ، ﺋﯘﻳﻐﯘﺭ ﺋﯧﻠﯩﺪﻩ ﺑﻮﻟﺴﺎ ﯞﺍﯓ ﻟﯧﭽﯜﻩﻧﻨﯩﯔ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﺎﺭﺯﯗﺳﯩﻐﺎ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺋﯜﻣﯩﺪﯨﮕﻪ ﺧﯩﻼﭖ ﻫﺎﻟﺪﺍ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻳﻪﻧﯩﻤﯘ ﻛﯜﭼﻪﻳﺘﯩﺸﺘﻪ ﭼﯩﯔ ﺗﯘﺭﯗﯞﺍﺗﻘﺎﻧﻠﯩﻘﻰ ﺷﯘﻧﺪﺍﻗﻼ ﺋﯘﻧﯩﯔ ﺋﯜﭺ ﺧﯩﻞ ﻛﯜﭼﻠﻪﺭﮔﻪ ﻗﺎﺭﺷﻰ ﻛﯜﺭﯨﺸﯩﻨﻰ ﻫﺎﻳﺎﺕ ‏ - ﻣﺎﻣﺎﺗﻠﯩﻖ ﻛﯜﺭﻩﺵ ﺩﻩﭖ ﺋﺎﺗﯩﺸﻰ ﻧﯧﻤﯩﻨﯩﯔ ﺑﯩﺸﺎﺭﯨﺘﻰ ﺋﯩﻜﻪﻧﻠﯩﻜﻰ ﻫﻪﻗﻘﯩﺪﻩ ﺗﻮﺧﺘﺎﻟﻐﺎﻥ ﺩﯨﻠﺸﺎﺕ ﺭﯨﺸﯩﺖ، ﯞﺍﯓ ﻟﯧﭽﯜﻩﻧﻨﯩﯔ ﺳﯚﺯﻟﯩﺮﯨﻨﯩﯔ ﺷﯘﻧﺪﺍﻗﻼ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﻰ ﻣﯩﻘﻴﺎﺳﯩﺪﺍ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﻧﺎﻣﻰ ﺑﯩﻠﻪﻥ ﻫﻪﺭ ﺧﯩﻞ ﺷﻪﻛﯩﻠﺪﻩ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﻗﺎﻣﺎﻝ ﻗﯩﻠﯩﺶ، ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﻨﯩﯔ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻏﺎ ﻳﯜﺭﮔﯜﺯﯛﯞﺍﺗﻘﺎﻥ ﻗﺎﺗﺘﯩﻖ ﻗﻮﻝ ﺳﯩﻴﺎﺳﯩﺘﯩﻨﻰ ﻫﻪﺭﮔﯩﺰﻣﯘ ﺋﻮﻟﯩﻤﭙﯩﻚ ﻳﺎﻛﻰ ﻫﺎﺯﯨﺮﻗﻰ ﺧﻪﻟﻘﺌﺎﺭﺍﻧﯩﯔ ﺑﯧﺴﯩﻤﻰ ﺑﯩﻠﻪﻥ ﻳﯘﻣﺸﯩﺘﯩﺶ ﺧﯩﻴﺎﻟﯩﺪﺍ ﺑﻮﻟﻤﺎﻳﻼ ﻗﺎﻟﻤﺎﻱ، ﺋﻪﻛﺴﯩﭽﻪ ﻣﯩﻠﻠﯩﻲ ﻛﻪﻣﺴﯩﺘﯩﺶ ﻫﻪﻣﺪﻩ ﺯﻭﺭﺍﯞﺍﻧﻠﯩﻖ ﺳﯩﻴﺎﺳﯩﺘﯩﻨﻰ ﻳﻪﻧﯩﻤﯘ ﺋﯧﻐﯩﺮﻻﺷﺘﯘﺭﯨﺪﯨﻐﺎﻧﻠﯩﻘﯩﻨﯩﯔ ﺋﯩﭙﺎﺩﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.