ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺑﯜﮔﯜﻥ 2 - ﻧﻮﻳﺎﺑﯩﺮﺩﯨﻜﻰ ﺧﻪﯞﯨﺮﯨﺪﻩ، ﻳﯧﻘﯩﻨﺪﯨﻦ ﺑﯘﻳﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﻳﻪﺭﻟﯩﻚ ﺗﯧﻠﯧﯟﯨﺰﻭﺭ ﺋﯧﻜﺮﺍﻧﻠﯩﺮﯨﺪﺍ ﯞﺍﯓ ﻟﯧﭽﯜﻩﻥ ﻫﻪﻗﻘﯩﺪﯨﻜﻰ ﺧﻪﯞﻩﺭﻟﻪﺭ ﻛﯚﭘﯩﻴﯩﯟﺍﺗﻘﺎﻧﻠﯩﻘﻰ، ﺋﯘﻧﯩﯔ ﺑﯩﺮ ﻧﻪﭼﭽﻪ ﻛﯜﻧﻨﯩﯔ ﺋﺎﻟﺪﯨﺪﺍ ﺋﯧﭽﯩﻠﻐﺎﻥ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﭘﺎﺭﺗﻜﻮﻡ ﻳﯩﻐﯩﻨﯩﺪﺍ ﻧﯚﯞﻩﺗﺘﯩﻜﻰ ﺋﯘﻳﻐﯘﺭ ﺋﯧﻠﻰ ﯞﻩﺯﯨﻴﯩﺘﯩﺪﻩ، ﻣﯘﻗﯩﻤﻠﯩﻘﻨﯩﯔ ﻳﻪﻧﯩﻼ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﺩﻭﻛﻼﺕ ﺑﻪﺭﮔﻪﻧﻠﯩﻜﻰ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺭﻩﺋﯩﺴﻰ ﻧﯘﺭﺑﻪﻛﺮﯨﻨﯩﯖﻤﯘ ﻳﯩﻐﯩﻨﺪﺍ ﺑﺎﺭﻟﯩﻖ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﻰ ﯞﺍﯓ ﻟﯧﭽﯜﻩﻧﻨﯩﯔ ﺑﯘ ﻗﯧﺘﯩﻤﻠﯩﻖ ﻳﯩﻐﯩﻨﺪﺍ ﺑﻪﺭﮔﻪﻥ ﺩﻭﻛﻼﺗﯩﻨﻰ ﺋﯚﮔﯩﻨﯩﺸﻜﻪ ﭼﺎﻗﯩﺮﻏﺎﻧﻠﯩﻘﯩﻐﺎ ﻗﺎﺭﯨﺘﺎ ﻣﯘﻻﻫﯩﺰﻩ ﺋﯧﻠﯩﭗ ﺑﯧﺮﯨﻠﯩﭗ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﯞﺍﯓ ﻟﯧﭽﯜﻩﻥ ﻫﻪﻗﻘﯩﺪﻩ ﻫﺎﺯﯨﺮﻏﯩﭽﻪ ﻗﺎﺭﺍﺭ ﺋﺎﻟﻤﯩﻐﺎﻧﻠﯩﻘﯩﻨﯩﯔ ﺳﻪﯞﻩﺑﻰ ﺋﺎﻧﺎﻟﯩﺰ ﻗﯩﻠﯩﻨﻐﺎﻥ.

ﻣﺎﻗﺎﻟﯩﺪﻩ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﺋﺎﺧﺒﺎﺭﺍﺕ ﻣﻪﺭﻛﯩﺰﻯ ﺋﯩﺪﺍﺭﯨﺴﯩﻨﯩﯔ ﯞﺍﻗﯩﺘﻠﯩﻖ ﻣﻪﺳﺌﯘﻟﻰ ﻟﻰ ﺟﻴﻪﻧﻨﯩﯔ، ﺗﯜﻧﯜﮔﯜﻥ ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺑﯧﻴﺠﯩﯖﺪﯨﻜﻰ ﻣﯘﺧﺒﯩﺮﻯ ﺟﺎﯓ ﻧﻪﻧﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﯞﺍﯓ ﻟﯧﭽﯜﻩﻧﻨﯩﯔ ﻳﯧﻘﯩﻦ ﺋﺎﺭﯨﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻦ ﻛﻪﺗﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺩﯦﮕﻪﻥ ﺳﯚﺯﻯ ﻧﻪﻗﯩﻞ ﻛﻪﻟﺘﯜﺭﯛﻟﮕﻪﻥ.

"ﻫﺎﺯﯨﺮﻗﻰ ﺋﻪﻫﯟﺍﻟﺪﺍ، ﺑﯧﺮﯨﻨﭽﯩﺪﯨﻦ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭘﺎﺭﺗﻜﻮﻡ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻥ ﻛﯩﺘﯩﺸﻜﻪ ﺋﯘﻧﯩﻤﺎﻳﯟﺍﺗﯩﺪﯗ. ﻣﻪﺭﻛﯩﺰﻯ ﻫﯚﻛﯜﻣﻪﺗﻤﯘ ﻫﺎﺯﯨﺮﭼﻪ ﺋﯘﻧﯩﯔ ﺧﯩﺰﻣﯩﺘﯩﻨﻰ ﻳﯚﺗﻜﻪﺷﻨﻰ ﻗﺎﺭﺍﺭ ﻗﯩﻠﻤﯩﺪﻯ. ﻣﻪﻳﻠﻰ ﺩﯙﻟﻪﺕ ﻧﯘﻗﺘﯩﺴﯩﺪﯨﻦ ﺑﻮﻟﺴﯘﻥ، ﻳﺎﻛﻰ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﯞﻩﺯﯨﻴﯩﺘﻰ ﻧﯘﻗﺘﯩﺴﯩﺪﯨﻦ ﺑﻮﻟﺴﯘﻥ،ﺋﻮﻣﯘﻣﯩﻲ ﯞﻩﺯﯨﻴﻪﺗﺘﯩﻦ ﺋﺎﻟﻐﺎﻧﺪﺍ ﯞﺍﯓ ﺳﯧﻜﺮﯦﺘﺎﺭ ﻫﺎﺯﯨﺮﭼﻪ ﻛﻪﺗﻤﻪﻳﺪﯗ."

ﻣﺎﻗﺎﻟﯩﺪﻩ ﻳﻪﻧﻪ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﭘﯘﻗﺮﺍﻻﺭﻧﯩﯔ ﯞﺍﯓ ﻟﯧﭽﯜﻩﻧﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﻰ ﻫﻪﻗﻘﯩﺪﯨﻜﻰ ﺋﯩﻨﻜﺎﺳﻼﺭﻣﯘ ﺑﯧﺮﯨﻠﮕﻪﻥ. ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﻰ ﻣﯘﺧﺒﯩﺮﻯ ﺟﺎﯓ ﻧﻪﻧﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺗﯘﯕﮕﺎﻥ ﭘﯘﻗﺮﺍﺳﻰ، ﯞﺍﯓ ﻟﯧﭽﯜﻩﻥ ﺑﺎﺷﭽﯩﻠﯩﻘﯩﺪﯨﻜﻰ ﻫﯚﻛﯜﻣﻪﺗﻨﯩﯔ ﺷﺎﯞﮔﯜﻩﻧﺪﻩ ﻳﯜﺯ ﺑﻪﺭﮔﻪﻥ ﯞﻩﻗﻪﺩﯨﻦ ﻛﯧﻴﯩﻦ، ﻣﻪﺳﯩﻠﯩﻨﻰ ﯞﺍﻗﺘﯩﺪﺍ ﺋﺎﺩﯨﻞ ﺑﯩﺮ ﺗﻪﺭﻩﭖ ﻗﯩﻠﻤﺎﻱ، ﺋﯘﻳﻐﯘﺭﻻﺭﻧﯩﯔ ﻏﻪﺯﯨﭙﯩﻨﻰ ﻗﻮﺯﻏﺎﭖ، 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﻛﯧﻠﯩﭗ ﭼﯩﻘﯩﺸﯩﻐﺎ ﺳﻪﯞﻩﺑﻜﺎﺭ ﺑﻮﻟﻐﺎﻧﻠﯩﻘﯩﻨﻰ، ﯞﻩﺯﯨﻴﻪﺗﻨﯩﯔ ﻫﺎﺯﯨﺮﻗﯩﺪﻩﻙ ﻗﺎﺗﻤﺎﻝ ﻫﺎﻟﻪﺗﻜﻪ ﭼﯜﺷﯜﭖ ﻗﯧﻠﯩﺸﯩﺪﺍ ﯞﺍﯓ ﻟﯧﭽﯜﻩﻧﻨﯩﯔ ﺋﺎﺳﺎﺳﻠﯩﻖ ﻣﻪﺳﺌﯘﻟﯩﻴﯩﺘﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﯜﺭﯛﻣﭽﻰ ﺷﻪﻫﯩﺮﯨﺪﯨﻜﻰ ﺑﯩﺮ ﺧﯩﺘﺎﻱ ﭘﯘﻗﺮﺍﺳﻰ ﻣﯘﻧﺪﺍﻕ ﺩﯦﮕﻪﻥ.

"ﺷﯩﻨﺠﺎﯕﺪﯨﻜﻰ ﻫﻪﺭ ﻣﯩﻠﻠﻪﺕ ﺧﻪﻟﻘﻰ ﯞﺍﯓ ﻟﯧﭽﯜﻩﻧﻨﻰ ﺗﯩﻠﻠﯩﻤﺎﻗﺘﺎ. ﺋﯘﻳﻐﯘﺭﻻﺭﻣﯘ، ﺧﯩﺘﺎﻳﻼﺭﻣﯘ ﺋﯘﻧﻰ ﺗﯩﻠﻼﻳﺪﯗ. ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺑﺎﻳﻠﯩﻖ ﻣﻪﻧﺒﻪﻟﯩﺮﻯ ﺷﯘﻧﭽﻪ ﻣﻮﻝ ﺗﯘﺭﯗﻗﻠﯘﻕ، ﺑﯘ ﻳﻪﺭﺩﯨﻜﻰ ﭘﯘﻗﺮﺍﻻﺭ ﻧﺎﻣﺮﺍﺗﻠﯩﻖ ﺋﯩﭽﯩﺪﻩ ﻳﺎﺷﺎﯞﺍﺗﯩﺪﯗ."

ﻫﺎﺯﯨﺮ ﺗﻪﻳﯟﻩﻧﺪﻩ ﺧﯩﺘﺎﻱ ﺗﯩﻠﻰ ﺋﯚﮔﯩﻨﯩﯟﺍﺗﻘﺎﻥ، ﺋﻪﺭﻛﯩﻦ ﻳﺎﺯﻏﯘﭼﻰ ﭘﺎﺋﯘﻝ ﻣﻮﺯﯗﺭﻣﯘ ﺋﯚﺯﯨﻨﯩﯔ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻳﺎﺯﻏﺎﻥ،"ﻣﯜﺷﻜﯜﻻﺗﺘﺎ ﻗﺎﻟﻐﺎﻥ ﺯﯦﻤﯩﻨﻐﺎ ﺳﺎﻳﺎﻫﻪﺕ" ﻧﺎﻣﻠﯩﻖ ﻣﺎﻗﺎﻟﯩﺴﯩﺪﻩ، ﺋﯘﻳﻐﯘﺭ ﺋﯧﻠﯩﺪﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺑﯘ ﺑﯩﺮ ﻗﺎﺗﺎﺭ ﯞﻩﻗﻪﻟﻪﺭ ﻫﻪﻗﻘﯩﺪﻩ ﺋﯚﺯ ﻗﺎﺭﯨﺸﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ،" ﺑﯘ ﺭﺍﻳﻮﻧﺪﺍ ﺋﯘﭼﯘﺭﻧﯩﯔ ﻗﺎﻣﺎﻝ ﻗﯩﻠﯩﻨﯩﺸﻰ ﺑﯩﻠﻪﻥ، ﺋﯚﺳﻪﻙ ﺳﯚﺯﻟﻪﺭ ﻛﯚﭘﯩﻴﯩﭗ، ﻫﻪﻣﻤﻪ ﻳﻪﺭﻧﻰ ﺋﻪﻧﺴﯩﺰﻟﯩﻚ ﻗﺎﭘﻠﯩﻤﺎﻗﺘﺎ. ﺋﯜﺭﯛﻣﭽﯩﺪﻩ ﻳﺎﻣﺎﻥ ﻧﺎﻣﻰ ﭘﯘﺭ ﻛﻪﺗﻜﻪﻥ، ﺷﻪﭘﻘﻪﺗﺴﯩﺰ ﻳﻪﺭﻟﯩﻚ ﻫﯚﻛﯜﻣﺮﺍﻥ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻨﯩﯔ ﺳﯧﻜﺮﯦﺘﺎﺭﻯ ﯞﺍﯓ ﻟﯧﭽﯜﻩﻧﻨﯩﯔ ﺗﯧﺨﯩﭽﻪ ﺟﺎﺯﺍﻏﺎ ﺗﺎﺭﺗﯩﻠﻤﺎﺳﻠﯩﻘﻰ، ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﺗﯜﺭﻟﯜﻙ ﺑﺎﺳﺘﯘﺭﯗﺷﻼﺭ ﺳﻪﯞﻩﺑﯩﺪﯨﻦ ﻛﻪﺳﻜﯩﻨﻠﯩﺸﯩﭗ ﻛﻪﺗﻜﻪﻥ ﺷﯩﻨﺠﺎﯓ ﯞﻩﺯﯨﻴﯩﺘﯩﻨﻰ ﺋﻪﯓ ﻳﺎﻣﺎﻥ ﻫﺎﻟﻪﺗﻜﻪ ﻛﻪﻟﺘﯜﺭﯛﭖ ﻗﻮﻳﻤﺎﻗﺘﺎ" ﺩﯦﮕﻪﻥ ﺋﯩﺪﻯ.

ﺧﻮﯕﻜﻮﯕﺪﺍ ﭼﯩﻘﯩﺪﯨﻐﺎﻥ، "ﻳﻮﻧﯘﻟﯘﺵ" ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ، ﺑﯜﮔﯜﻥ ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﺧﻪﻟﻘﻨﯩﯔ ﯞﺍﯓ ﻟﯧﭽﯜﻩﻧﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﻰ ﺷﯘﻧﭽﻪ ﻛﯜﭼﻠﯜﻙ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﺍﯓ ﻟﯧﭽﯜﻩﻧﮕﻪ ﻗﺎﺭﯨﺘﺎ ﺗﯧﺨﯩﭽﻪ ﺑﯩﺮ ﻗﺎﺭﺍﺭ ﺋﺎﻟﻤﺎﺳﻠﯩﻘﯩﻐﺎ ﻧﯩﺴﺒﻪﺗﻪﻥ ﺋﯚﺯ ﻗﺎﺭﯨﺸﯩﻨﻰ ﺋﯩﭙﺎﺩﯨﻠﻪﭖ ﻣﯘﻧﺪﺍﻕ ﺩﯦﺪﻯ.

" ﯞﺍﯓ ﻟﯧﭽﯜﻩﻧﻨﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﻪﺭﻟﯩﻚ ﺋﯘﻳﻐﯘﺭ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭ ﺋﯜﺳﺘﯩﺪﯨﻦ ﻳﯜﺭﮔﯜﺯﯛﯞﺍﺗﻘﺎﻥ، ﺑﯩﺮ ﭘﺎﺭﺗﯩﻴﯩﻠﯩﻚ ﻣﯘﺳﺘﻪﺑﯩﺖ ﺗﯜﺯﯛﻣﻰ ﺋﺎﺳﺘﯩﺪﯨﻜﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻜﻰ ﺋﯩﺠﺮﺍﭼﯩﺴﻰ ﺩﯦﻴﯩﺸﻜﻪ ﺑﻮﻟﯩﺪﯗ. ﺷﯘﯕﺎ ﺋﯘ ﺑﯘ ﻳﻪﺭﺩﯨﻜﻰ ﭘﯘﻗﺮﺍﻻﺭ ﺋﺎﺭﯨﺴﯩﺪﺍ ﻣﯘﺳﺘﻪﺑﯩﺖ ﻫﯚﻛﯜﻣﺮﺍﻧﻠﯩﻘﻨﯩﯔ ﺳﯩﻤﯟﻭﻟﯩﻐﺎ ﺋﺎﻳﻼﻧﻐﺎﻥ، ﺧﻪﻟﻖ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﮕﻪ ﺑﻮﻟﻐﺎﻥ ﻧﺎﺭﺍﺯﯨﻠﯩﻘﯩﻨﻰ ﯞﺍﯓ ﻟﯧﭽﯜﻩﻥ ﻫﯚﻛﯜﻣﺮﺍﻧﻠﯩﻘﯩﻐﺎ ﺑﻮﻟﻐﺎﻥ ﻧﺎﺭﺍﺯﯨﻠﯩﻖ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﯩﻤﻪﻛﺘﻪ. ﻫﺎﺯﯨﺮ ﺧﻪﻟﻖ ﺋﺎﺭﯨﺴﯩﺪﺍ ﯞﺍﯓ ﻟﯧﭽﯜﻩﻧﻨﯩﯔ ﺗﻪﺧﺘﺘﯩﻦ ﭼﯜﺷﯜﺷﯩﻨﻰ ﺗﻪﻟﻪﭖ ﻗﯩﻠﻐﺎﻥ ﺳﺎﺩﺍﻻﺭﻧﯩﯔ ﻛﯜﭼﯩﻴﯩﺸﻰ ﻣﺎﻧﺎ ﻣﯘﺷﯘ ﺳﻪﯞﻩﺑﺘﯩﻦ ﺑﻮﻟﯘﯞﺍﺗﯩﺪﯗ. ﺧﻪﻟﻖ ﻫﺎﺯﯨﺮ ﺑﯘ ﺧﯩﻞ ﻣﯘﺳﺘﻪﺑﯩﺖ ﺗﯘﺯﯗﻣﻨﻰ ﺋﯚﺯﮔﻪﺭﺗﯩﺸﻨﻰ ﯞﺍﯓ ﻟﯧﭽﯜﻩﻧﻨﻰ ﺗﻪﺧﺘﺘﯩﻦ ﭼﯜﺷﯜﺭﯛﺷﻨﻰ ﺗﻪﻟﻪﭖ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯩﭙﺎﺩﯨﻠﻪﯞﺍﺗﯩﺪﯗ."

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﯞﺍﯓ ﻟﯧﭽﯘﻩﻧﻨﻰ ﻳﻪﻧﯩﻼ ﺋﯚﺯ ﺋﻮﺭﻧﯩﺪﺍ ﻗﺎﻟﺪﯗﺭﯗﯞﺍﺗﻘﺎﻧﻠﯩﻘﯩﻨﯩﯔ ﺳﻪﯞﻩﺑﻰ ﻫﻪﻗﻘﯩﺪﻩ، ﺋﯚﺯ ﻗﺎﺭﯨﺸﯩﻨﻰ ﻣﯘﻧﺪﺍﻕ ﺋﯩﭙﺎﺩﯨﻠﯩﺪﻯ.

" ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﯩﻨﯩﯔ ﺑﯘ ﻳﯩﻠﻼﺭﺩﺍ ﻳﯜﺭﮔﯜﺯﯛﯞﺍﺗﻘﺎﻥ ﺳﯩﻴﺎﺳﯩﺘﻰ ﺋﻪﻣﻪﻟﯩﻴﻪﺗﺘﻪ، ﻣﯘﺳﺘﻪﺑﯩﺘﻠﯩﻚ ﺗﯜﺯﯛﻣﻰ ﺋﺎﺳﺘﯩﺪﯨﻜﻰ ' ﻣﯘﻗﯩﻤﻠﯩﻖ ﻫﻪﻣﻤﯩﻨﻰ ﺑﯧﺴﯩﭗ ﭼﯜﺷﯩﺪﯗ' ﺩﻩﻳﺪﯨﻐﺎﻥ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﺑﻮﻟﻐﯩﻨﻰ ﺋﯘﭼﯘﻥ،ﺋﯘﻧﯩﯔ ﺋﯜﺳﺘﯩﮕﻪ ﺷﯩﻨﺠﺎﯕﺪﺍ ﺑﯘ ﺟﺎﻳﻨﯩﯔ ﺑﺎﺭﻟﯩﻖ ﺑﺎﻳﻠﯩﻘﻠﯩﺮﯨﻨﻰ ﺋﯚﺯ ﺋﺎﻟﺪﯨﻐﺎ ﺋﯧﮕﯩﻠﯩﯟﯦﻠﯩﭗ، ﻳﻪﺭﻟﯩﻚ ﺧﺎﻗﺎﻧﻐﺎ ﺋﺎﻳﻠﯩﻨﯩﯟﺍﻟﻐﺎﻥ ﯞﺍﯓ ﻟﯧﭽﯜﻩﻥ ﺑﯩﻠﻪﻥ ﻫﺎﺯﯨﺮﻗﻰ ﻣﻪﺭﻛﯩﺰﻯ ﻫﯚﻛﯜﻣﻪﺗﺘﯩﻜﻰ ﻫﯚﻛﯜﻣﺮﺍﻧﻼﺭﻧﯩﯔ ﺋﻮﺭﺗﺎﻕ ﻣﻪﻧﭙﻪﺋﻪﺕ ﭼﯧﺘﯩﺸﻠﯩﻘﻰ ﺑﻮﻟﻐﯩﻨﻰ ﺋﯜﭼﯜﻥ، ﺋﯚﻣﯜﭼﯜﻙ ﺗﻮﺭﻯ ﺷﻪﻛﻠﯩﺪﻩ ﺑﯩﺮ - ﺑﯩﺮﯨﮕﻪ ﭼﻪﻣﺒﻪﺭﭼﺎﺱ ﺑﺎﻏﻠﯩﻨﯩﭗ ﻛﻪﺗﻜﻪﻥ ﻛﻮﻣﭙﺎﺭﺗﯩﻴﻪ ﻫﯚﻛﯜﻣﺮﺍﻧﻠﯩﺮﻯ ﺋﺎﺭﯨﺴﯩﺪﯨﻜﻰ ﻣﻪﻧﭙﻪﺋﻪﺕ ﻧﯘﻗﺘﯩﺴﯩﺪﯨﻦ، ﻣﻪﺭﻛﯩﺰﻯ ﻫﯚﻛﯜﻣﻪﺕ ﻫﺎﺯﯨﺮﭼﻪ ﯞﺍﯓ ﻟﯧﭽﯜﻩﻧﺪﯨﻦ ﺋﯩﺒﺎﺭﻩﺕ ﺑﯘ ﻳﻪﺭﻟﯩﻚ ﺧﺎﻗﺎﻧﻨﻰ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﯨﻦ ﻳﯚﺗﻜﯩﻤﻪﺳﻠﯩﻜﻰ ﻣﯘﻣﻜﯩﻦ. ﺋﻪﮔﻪﺭ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺩﯦﻤﻮﻛﺮﺍﺗﯩﻚ ﺋﯩﺪﯨﻴﯩﻨﻰ ﻳﺎﻗﻼﻳﺪﯨﻐﺎﻥ، ﺧﻪﻟﻘﭙﻪﺭﯞﻩﺭ ﻫﺎﻛﯩﻤﯩﻴﻪﺕ ﺑﻮﻟﻐﺎﻥ ﺑﻮﻟﺴﺎ، ﻣﯘﺷﯘﻧﺪﺍﻕ ﻛﻪﺳﻜﯩﻦ ﯞﻩﺯﯨﻴﻪﺗﺘﻪ ﯞﺍﯓ ﻟﯧﭽﯘﻩﻧﻨﻰ ﺋﻪﻣﯩﻠﯩﺪﯨﻦ ﺋﯧﻠﯩﯟﯦﺘﯩﺶ ﺋﺎﺭﻗﯩﻠﯩﻖ ﯞﻩﺯﯨﻴﻪﺗﻨﻰ ﻳﯘﻣﺸﺎﺗﻘﺎﻥ ﺑﻮﻻﺗﺘﻰ، ﺋﻪﻣﻤﺎ ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺭﺍﻳﻮﻧﺪﺍ ﺋﯚﺯ ﺧﺎﺗﺎﻟﯩﻘﯩﻨﻰ ﺗﻮﻧﯘﭖ، ﻣﻪﺳﯩﻠﯩﻨﻰ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﻫﻪﻝ ﻗﯩﻠﯩﺸﻨﯩﯔ ﺋﻮﺭﻧﯩﻐﺎ، ﺋﯘﭼﯘﺭﻧﻰ ﻗﺎﻣﺎﻝ ﻗﯩﻠﯩﭗ، ﺋﯩﭽﻜﻰ ﺟﻪﻫﻪﺗﺘﯩﻦ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﻰ ﻗﻮﻟﻠﯩﻨﯩﭗ ﯞﻩﺯﯨﻴﻪﺗﻨﻰ ﺗﯧﺨﯩﻤﯘ ﻗﺎﺗﻤﺎﻝ ﻫﺎﻟﻪﺗﻜﻪ ﻛﻪﻟﺘﯜﺭﯛﭖ ﻗﻮﻳﯘﯞﺍﺗﯩﺪﯗ."

ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﻳﻪﻧﻪ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﻐﺎ ﻗﺎﺭﺍﺗﻘﺎﻥ ﺑﯘ ﺧﯩﻞ ﻗﺎﻣﺎﻝ ﻗﯩﻠﯩﭗ، ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﺋﯚﺯﮔﻪﺭﻣﯩﺴﻪ، ﯞﺍﯓ ﻟﯧﭽﯜﻩﻥ ﺋﯚﺯ ﺗﻪﺧﺘﯩﺪﻩ ﺩﺍﯞﺍﻣﻠﯩﻖ ﺗﯘﺭﯨﯟﻩﺭﺳﻪ، ﺑﯘﻧﺪﯨﻦ ﻛﯧﻴﯩﻦ ﯞﻩﺯﯨﻴﻪﺗﻨﯩﯔ ﺗﯧﺨﯩﻤﯘ ﻗﺎﺗﻤﺎﻟﻠﯩﺸﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ.

" ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ '5 - ﺋﯩﻴﯘﻝ ﯞﻩﻗﻪﺳﻰ' ﺩﯨﻦ ﻛﯧﻴﯩﻦ، ﺳﯩﺮﺕ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﻨﻰ ﺋﯜﺯﯛﯞﯦﺘﯩﺸﻰ، ﺋﯩﭽﻜﻰ ﺟﻪﻫﻪﺗﺘﯩﻦ ﻗﺎﻣﺎﻝ ﻗﯩﻠﯩﭗ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻗﻮﻟﻠﯩﻨﯩﺸﻰ، 5 - ﺋﯩﻴﯘﻝ ﯞﻩﻗﻪﺳﯩﮕﻪ ﭼﯧﺘﯩﺸﻠﯩﻖ ﺩﻩﭖ ﻗﺎﺭﯨﻐﺎﻥ ﻛﯩﺸﯩﻠﻪﺭﻧﻰ ﺋﯚﺯﻯ ﺑﻪﻟﮕﯩﻠﯩﮕﻪﻥ ﻗﺎﻧﯘﻧﻐﯩﻤﯘ ﺧﯩﻼﭖ ﻫﺎﻟﺪﺍ، ﻣﯘﺩﺩﻩﺗﺴﯩﺰ ﻗﺎﻣﺎﻕ ﺟﺎﺯﺍﺳﯩﻐﺎ، ﻫﻪﺗﺘﺎ ﺋﯚﻟﯜﻣﮕﻪ ﻫﯚﻛﯜﻡ ﻗﯩﻠﯩﺸﻰ، ﯞﺍﯓ ﻟﯧﭽﯜﻩﻧﻨﯩﯔ ﺋﯚﺯ ﺋﻮﺭﻧﯩﺪﺍ ﻳﻪﻧﯩﻼ ﺗﯘﺭﯗﯞﯦﺮﯨﺸﻰ ﻗﺎﺗﺎﺭﻟﯩﻘﻼﺭﻧﯩﯔ ﻛﻪﻟﮕﯜﺳﯩﺪﻩ ﻗﺎﻧﺪﺍﻕ ﻳﺎﻣﺎﻥ ﺋﺎﻗﯩﯟﻩﺗﻠﻪﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﻛﯧﺴﯩﭗ ﺑﯩﺮ ﻧﯧﻤﻪ ﺩﯦﻴﻪﻟﻤﯩﺴﻪﻛﻤﯘ، ﺋﻪﻣﻤﺎ ﺑﯘﻧﺪﺍﻕ ﻛﯩﺘﯩﯟﻩﺭﺳﻪ، ﻧﺎﺭﺍﺯﯨﻠﯩﻖ ﻛﯜﭼﯩﻴﯩﭗ ﺗﯧﺨﯩﻤﯘ ﭼﻮﯓ ﯞﻩﻗﻪﻟﻪﺭﻧﯩﯔ ﭼﯩﻘﯩﺸﻰ ﻣﯘﻗﻪﺭﺭﻩﺭ."

ﺋﺎﻣﯧﺮﯨﻜﯩﺪﯨﻜﻰ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﺋﯧﻠﺸﺎﺕ ﺋﻪﭘﻪﻧﺪﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﯞﺍﯓ ﻟﯧﭽﯘﻩﻧﻨﻰ ﻳﯚﺗﻜﯩﻤﻪﺳﻠﯩﻜﯩﺪﯨﻜﻰ ﺳﻪﯞﻩﺏ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺋﯚﺯ ﻗﺎﺭﯨﺸﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺋﯩﻠﺸﺎﺕ ﺋﻪﭘﻪﻧﺪﻯ، ﺋﻪﻣﻪﻟﯩﻴﻪﺗﺘﻪ ﯞﺍﯓ ﻟﯧﭽﯘﻩﻧﻨﻰ ﻳﯚﺗﻜﻪﺵ ﺑﯩﻠﻪﻧﻼ ﻣﻪﺳﯩﻠﻪ ﻫﻪﻝ ﺑﻮﻟﻤﺎﻳﺪﯨﻐﺎﻧﻠﯩﻘﻰ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﺎﺯﯨﺮﻗﻰ ﺗﯜﺯﯛﻟﻤﯩﺴﻰ ﺋﯚﺯﮔﻪﺭﻣﯩﺴﻪ، ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﻪﻫﯟﺍﻟﯩﺪﺍ ﻳﺎﺧﺸﯩﻠﯩﻨﯩﺶ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﺗﻮﺧﺘﺎﻟﺪﻯ.

ﺋﯩﻠﺸﺎﺕ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰ ﺋﺎﺧﯩﺮﯨﺪﺍ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺧﻪﻟﻘﻨﯩﯔ ﺷﯘﻧﭽﻪ ﻗﺎﺗﺘﯩﻖ ﻧﺎﺭﺍﺯﯨﻠﯩﻘﯩﻐﺎ ﻗﺎﺭﯨﻤﺎﺳﺘﯩﻦ ﯞﺍﯓ ﻟﯧﭽﯜﻩﻧﻨﻰ، ﻳﻪﻧﯩﻼ ﺋﯚﺯ ﺋﻮﺭﻧﯩﺪﺍ ﻗﻮﻳﯘﺷﯩﻨﯩﯔ ﺑﯘﻧﺪﯨﻦ ﻛﯧﻴﯩﻨﻜﻰ ﺋﺎﻗﯩﯟﯨﺘﻰ ﻫﻪﻗﻘﯩﺪﻩ ﺋﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﻗﻪﺩﯨﺮﻟﯩﻚ ﺋﻮﻗﯘﺭﻣﻪﻥ ﺩﻭﺳﺘﻼﺭ، ﯞﺍﯓ ﻟﯧﭽﯜﻩﻥ ﭘﻪﻗﻪﺕ ﺋﯘﻳﻐﯘﺭ ﺋﯧﻠﯩﺪﯨﻼ ﺧﻪﻟﻘﻨﯩﯔ ﻧﺎﺭﺍﺯﯨﻠﯩﻘﯩﻨﻰ ﻗﻮﺯﻏﺎﭖ، ﻗﺎﺗﯩﻞ ﺩﻩﭖ ﻗﺎﺭﯨﻠﯩﭗ ﺧﻪﻟﻖ ﺗﻪﺭﯨﭙﯩﺪﯨﻦ ﺟﺎﺯﺍﻻﺵ ﺗﻪﻟﻪﭖ ﻗﯩﻠﯩﻨﯩﯟﺍﺗﻘﺎﻥ ﺷﻪﺧﺲ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﻫﻪﻡ ﺧﯩﺘﺎﻱ ﻛﯩﺸﯩﻠﯩﻚ ﻫﻮﻗﯘﻕ ﺩﯦﻤﻮﻛﺮﺍﺗﻠﯩﺮﻯ ﺗﻪﺭﯨﭙﯩﺪﯨﻦ ﺋﻪﻳﯩﺒﻠﯩﻨﯩﯟﺍﺗﻘﺎﻥ ﺷﻪﺧﺲ ﺑﻮﻟﯘﭖ، ﻛﯩﺸﯩﻠﯩﻚ ﻫﻮﻗﯘﻕ ﻛﯚﺯﯨﺘﯩﺶ ﺗﻪﺷﻜﯩﻼﺗﻠﯩﺮﻯ ﺗﻪﺭﯨﭙﯩﺪﯨﻦ ﺗﻪﻧﻘﯩﺪﻟﯩﻨﯩﭗ ﻛﯧﻠﯩﻨﯩﯟﺍﺗﻘﺎﻥ ﺋﯩﺪﻯ، ﻫﻪﺗﺘﺎ ﺑﯘ ﻳﯩﻞ 5 - ﺋﺎﻳﺪﺍ ﺋﯩﺴﭙﺎﻧﯩﻴﻪ ﺳﻮﺗﻰ ﺗﻪﺭﯨﭙﯩﺪﯨﻦ ﺧﯩﺘﺎﻳﺪﯨﻜﻰ " ﺋﯩﻨﺴﺎﻧﯩﻴﻪﺗﻜﻪ ﻗﺎﺭﯨﺘﺎ ﺟﯩﻨﺎﻳﻪﺕ ﺋﯚﺗﻜﯜﺯﮔﻪﻥ ﻗﺎﺗﯩﻠﻼﺭ" ﺩﻩﭖ ﺋﻪﻳﯩﺒﻠﯩﻨﯩﭗ، ﺗﯘﺗﯘﺵ ﺑﯘﻳﺮﯗﻗﻰ ﭼﯩﻘﯩﺮﯨﻠﻐﺎﻥ 8 ﺋﺎﺩﻩﻣﻨﯩﯔ ﺑﯩﺮﻯ ﺋﯩﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز