ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﺪﯨﻜﻰ ﺑﯜﮔﯜﻧﻜﻰ ﺑﯘ ﻧﺎﻣﺎﻳﯩﺸﻘﺎ، ﯞﺍﺷﯩﻨﮕﯩﺘﻮﻥ ﯞﻩ ﯞﺍﺷﯩﻨﮕﯩﺘﻮﻥ ﺋﻪﺗﺮﺍﭘﯩﺪﯨﻜﻰ ﺋﯘﻳﻐﯘﺭﻻﺭ ﻗﺎﺗﻨﺎﺷﺘﻰ. ﻧﺎﻣﺎﻳﯩﺸﭽﯩﻼﺭ " ﻗﯩﺮﻏﯩﻨﭽﯩﻠﯩﻘﻘﺎ ﺧﺎﺗﯩﻤﻪ ﺑﯧﺮﯨﻠﺴﯘﻥ!" "ﺗﯜﺭﻣﯩﻠﻪﺭﺩﯨﻜﻰ ﻗﯩﻴﯩﻦ - ﻗﯩﺴﺘﺎﻕ ﺗﻮﺧﺘﯩﺘﯩﻠﺴﯘﻥ!" "ﺧﯩﺘﺎﻱ ﺷﻪﺭﻗﻰ ﺗﯜﺭﻛﯩﺴﺘﺎﻧﺪﯨﻦ ﭼﯩﻘﯩﭗ ﻛﻪﺗﺴﯘﻥ!" ﻗﺎﺗﺎﺭﻟﯩﻖ ﺷﻮﺋﺎﺭﻻﺭﻧﻰ ﺗﻮﯞﻟﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺭﻩﺋﯩﺴﻰ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ، ﺧﯩﺘﺎﻳﻨﯩﯔ ﺑﯜﮔﯜﻧﻜﻰ ﺑﺎﻳﺮﯨﻤﯩﻨﯩﯔ، ﺋﯘﻳﻐﯘﺭ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﻣﯩﻠﻠﻪﺗﻠﻪﺭﻧﯩﯔ ﻗﯧﻨﻰ ﺑﻪﺩﯨﻠﯩﮕﻪ ﺗﻪﺑﺮﯨﻜﻠﯩﻨﯩﯟﺍﺗﻘﺎﻥ ﺑﺎﻳﺮﺍﻡ ﺋﯩﻜﻪﻧﻠﯩﻜﯩﻨﻰ، ﺧﯩﺘﺎﻳﻨﯩﯔ ﺑﯘ ﺗﯜﺭﻟﯜﻙ ﻏﻪﻳﺮﯨﻲ ﺋﯩﻨﺴﺎﻧﯩﻲ ﺗﻪﻥ - ﺗﻪﻧﯩﺴﯩﻨﯩﯔ ﺋﯘﺯﯗﻥ ﺩﺍﯞﺍﻣﻼﺷﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﯘﭼﯩﻼﺭﺩﯨﻦ، ﺋﺎﺗﺎﻗﻠﯩﻖ ﺋﻮﺑﺰﻭﺭﭼﻰ ﺳﯩﺪﯨﻖ ﻫﺎﺟﻰ ﺭﻭﺯﻯ ﺋﻪﭘﻪﻧﺪﻯ ﺳﯚﺯ ﻗﯩﻠﯩﭗ، ﺧﯩﺘﺎﻳﻨﯩﯔ 60 ‏- ﻳﯩﻠﻠﯩﻖ ﺩﯙﻟﻪﺕ ﺑﺎﻳﺮﯨﻤﻰ ﺧﻮﺷﺎﻟﻠﯩﻘﯩﻨﯩﯔ ﺋﯘﺯﯗﻧﻐﺎ ﺑﺎﺭﻣﺎﻳﺪﯨﻐﺎﻧﻠﯩﻘﯩﻨﻰ، ﭼﯜﻧﻜﻰ ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﻫﺎﻛﯩﻤﯩﻴﯩﺘﯩﻨﯩﯔ، ﺋﻪﻣﻪﻟﯩﻴﻪﺗﺘﻪ ﺑﯜﮔﯜﻥ ﺯﺍﯞﺍﻟﻠﯩﻘﻘﺎ ﻳﯜﺯ ﺗﯘﺗﻘﺎﻥ ﺑﯩﺮ ﻛﯜﻥ ﺋﯩﻜﻪﻧﻠﯩﻜﯩﻨﻰ، ﺷﯘﯕﺎ ﺧﯩﺘﺎﻱ ﺋﯚﺯ ﺑﺎﻳﺮﯨﻤﯩﻨﻰ ﺑﺎﻳﺮﺍﻡ ﻛﻪﻳﭙﯩﻴﺎﺗﻰ ﺋﯩﭽﯩﺪﻩ ﺋﻪﻣﻪﺱ، ﺑﻪﻟﻜﻰ ﺋﯧﻐﯩﺮ ﺗﻪﺷﯟﯨﺶ ﺋﯩﭽﯩﺪﻩ ﺋﯚﺗﻜﯜﺯﮔﻪﻧﻠﯩﻜﯩﻨﻰ ﺑﯩﻠﺪﯛﺭﺩﻯ. ﺷﯘﻧﺪﺍﻗﻼ، ﻧﺎﻣﺎﻳﯩﺸﻘﺎ ﻗﺎﺗﻨﺎﺷﻘﯘﭼﯩﻼﺭﺩﯨﻦ ﺯﯛﺑﻪﻳﺮﻩ ﺧﺎﻧﯩﻤﻤﯘ ﺋﯚﺯ ﺗﻪﺳﯩﺮﺍﺗﯩﻨﻰ ﺑﺎﻳﺎﻥ ﻗﯩﻠﯩﭗ ﺋﯚﺗﺘﻰ.

ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻢ ﺳﯚﺯﯨﺪﻩ ﯞﻩﺗﻪﻥ ﺋﯩﭽﯩﺪﯨﻜﻰ ﺧﻪﻟﻘﻘﻪ ﺧﯩﺘﺎﺏ ﻗﯩﻠﯩﭗ، ﺧﯩﺘﺎﻳﻨﯩﯔ ﺑﯘ 60 ‏- ﻳﯩﻠﻠﯩﻖ ﺩﯙﻟﻪﺕ ﺑﺎﻳﺮﯨﻤﯩﻨﯩﯔ ﺋﯘﻳﻐﯘﺭ ﺧﻪﻟﻘﻰ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺑﺎﺷﻘﺎ ﺋﯧﺰﯨﻠﯩﯟﺍﺗﻘﺎﻥ ﺧﻪﻟﻘﻠﻪﺭﻧﯩﯔ ﻗﺎﻥ - ﻳﯧﺸﻰ ﺑﻪﺩﯨﻠﯩﮕﻪ ﻛﻪﻟﮕﻪﻧﻠﯩﻜﯩﻨﻰ ﺋﯘﻧﺘﯘﭖ ﻗﺎﻟﻤﺎﺳﻠﯩﻘﻨﻰ ﺗﻪﻛﯩﺘﻠﯩﺪﻯ.

ﺧﯩﺘﺎﻱ ﻫﯚﻛﯜﻣﯩﺘﻰ ﺩﯙﻟﻪﺕ ﺑﺎﻳﺮﯨﻤﻰ ﺩﻩﭖ ﺋﺎﺗﯩﻐﺎﻥ ﺑﯘ ﻛﯜﻧﻨﻰ ﻣﯘﻫﺎﺟﯩﺮﻩﺗﺘﯩﻜﻰ ﺋﯘﻳﻐﯘﺭﻻﺭﻧﯩﯔ "ﺋﯘﻳﻐﯘﺭﻻﺭﻧﯩﯔ ﻣﺎﺗﻪﻡ ﻛﯜﻧﻰ،" ﻳﻪﻧﻰ ﺋﯘﻳﻐﯘﺭ ﻣﯩﻠﻠﯩﺘﻰ ﺑﯜﮔﯜﻥ ﺩﯗﭺ ﻛﯧﻠﯩﯟﺍﺗﻘﺎﻥ ﭘﺎﻻﻛﻪﺗﭽﯩﻠﯩﻜﻠﻪﺭﻧﯩﯔ ﺑﺎﺷﻼﻧﻐﯘﭺ ﻛﯜﻧﻰ ﺩﻩﭖ ﻗﺎﺭﯨﻤﺎﻗﺘﺎ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.