ﻳﯩﻐﯩﻨﺪﯨﻦ ﻛﯧﻴﯩﻦ، ﭼﻪﺗﺌﻪﻟﺪﯨﻜﻰ ﺧﯩﺘﺎﻱ ﺋﺎﺧﺒﺎﺭﺍﺗﭽﯩﻠﯩﺮﻯ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﮔﻪﻥ ﯞﯦﻦ ﺟﻴﺎﺑﺎﯞ، ﺳﯩﻴﺎﺳﻰ ﺗﯜﺯﯛﻟﻤﻪ ﺋﯩﺴﻼﻫﺎﺗﯩﻨﻰ، ﺧﯩﺘﺎﻳﺪﯨﻜﻰ ﭘﺎﺭﯨﺨﻮﺭﻟﯘﻗﻘﺎ ﺧﺎﺗﯩﻤﻪ ﺑﯧﺮﯨﺸﻨﯩﯔ ﺑﯩﺮﺩﯨﻦ ‏ - ﺑﯩﺮ ﻳﻮﻟﻰ ﺩﻩﭖ ﻛﯚﺭﺳﻪﺗﺘﻰ.

ﯞﯦﻦ ﺟﻴﺎﺑﺎﯞ ﺏ ﺩ ﺕ ﺩﺍ ﻗﯩﻠﻐﺎﻥ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﺗﻪﺭﻩﻗﻘﯩﻴﺎﺗﯩﻨﻰ ﺗﯧﻨﭻ ﺗﻪﺭﻩﻗﻘﯩﻴﺎﺕ ﺩﻩﭖ ﺷﻪﺭﻫﯩﻠﯩﺪﻯ ﯞﻩ ﺩﯗﻧﻴﺎﺩﯨﻜﻰ ﻫﯧﭽﺒﯩﺮ ﺩﯙﻟﻪﺗﻜﻪ ﺗﻪﻫﺪﯨﺖ ﺋﯧﻠﯩﭗ ﻛﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﺘﻰ. ﺋﯘ ﺳﯚﺯﯨﺪﻩ ﺧﯩﺘﺎﻳﻨﯩﯔ ﻧﯚﯞﻩﺗﺘﯩﻜﻰ ﻫﻪﺭﺑﯩﻲ ﺗﻪﺭﻩﻗﻘﯩﻴﺎﺗﯩﻨﻰ، ﺧﯩﺘﺎﻳﻨﯩﯔ ﺋﯩﮕﯩﻠﯩﻚ ﻫﻮﻗﯘﻕ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﯩﻨﻰ ﻗﻮﻏﺪﺍﺷﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻣﯘﺩﺍﭘﯩﺌﻪ ﺧﺎﺭﺍﻛﺘﯧﺮﻟﯩﻚ ﺗﻪﺭﻩﻗﻘﯩﻴﺎﺕ ﺩﻩﭖ ﻛﯚﺭﺳﻪﺗﺘﻰ ﯞﻩ ﺧﯩﺘﺎﻳﻨﯩﯔ ﻛﯧﯖﻪﻳﻤﯩﭽﯩﻠﯩﻚ ﻏﺎﻳﯩﺴﻰ ﻳﻮﻗﻠﯘﻗﯩﻨﻰ ﺗﻪﻛﯩﺘﻠﯩﺪﻯ. ﺋﯘ ﺳﯚﺯﯨﺪﻩ ﻳﻪﻧﻪ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﻧﯩﯔ ﺋﯚﺯ ﺷﺎﺭﺍﺋﯩﺘﯩﻐﺎ ﺋﺎﺳﺎﺳﻪﻥ ﺗﺎﻟﻠﯩﻐﺎﻥ ﺳﯩﻴﺎﺳﯩﻲ ﺗﯜﺯﯛﻟﻤﯩﺴﯩﮕﻪ ﻫﯚﺭﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﯞﻩ ﺑﺎﺷﻘﯩﻼﺭﺩﯨﻨﻤﯘ ﺷﯘﻧﻰ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﯞﯦﻦ ﺟﻴﺎﺑﺎﯞﻧﯩﯔ ﺑﯘ ﺳﯚﺯﻟﯩﺮﻯ ﺋﺎﻣﯧﺮﯨﻜﺎ ﺑﺎﺷﭽﯩﻠﯩﻘﯩﺪﯨﻜﻰ ﺩﯦﻤﻮﻛﺮﺍﺗﯩﻚ ﺋﻪﻟﻠﻪﺭﻧﯩﯔ ﺧﯩﺘﺎﻳﺪﯨﻦ ﻛﯜﺗﯜﯞﺍﺗﻘﺎﻧﻠﯩﺮﯨﻐﺎ ﺯﯨﺖ ﻛﻪﻟﻤﻪﻛﺘﻪ. ﻏﻪﺭﺏ ﺋﻪﻟﻠﯩﺮﻯ ﺧﯩﺘﺎﻳﻨﻰ ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺗﻰ ﺋﯧﻠﯩﭗ ﺑﯧﺮﯨﺸﻘﺎ، ﺩﯦﻤﻮﻛﺮﺍﺗﯩﻚ ﺳﺎﻳﻼﻣﻨﻰ ﻳﻮﻟﻐﺎ ﻗﻮﻳﯘﺷﻘﺎ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﻗﻮﻳﯘﯞﯦﺘﯩﺸﻜﻪ ﭼﺎﻗﯩﺮﯨﭗ ﻛﻪﻟﻤﻪﻛﺘﻪ. ﺑﯘ ﭼﺎﻗﯩﺮﯨﻘﻼﺭ ﺧﯩﺘﺎﻳﻨﯩﯔ ﺋﯩﮕﯩﻠﯩﻚ ﻫﻮﻗﯘﻕ ﯞﻩ ﺯﯦﻤﯩﻦ ﭘﯜﺗﯜﻧﻠﯜﻛﻰ ﺋﻪﻧﺪﯨﺸﯩﺴﻰ ﺑﯩﻠﻪﻥ ﺭﻩﺕ ﻗﯩﻠﯩﻨﯩﭗ ﻛﻪﻟﻤﻪﻛﺘﻪ.

ﯞﯦﻦ ﺟﻴﺎﺑﺎﯞﻧﯩﯔ ﺳﯚﺯﻟﯩﺮﻯ ﺧﯩﺘﺎﻳﻨﯩﯔ ﺑﯘﻧﺪﯨﻦ ﻛﯧﻴﯩﻨﻜﻰ ﺋﯩﭽﻜﻰ ﯞﻩ ﺗﺎﺷﻘﻰ ﺳﯩﻴﺎﺳﯩﺘﯩﺪﻩ ﻛﯚﺭﯛﻧﻪﺭﻟﯩﻚ ﺋﯚﺯﮔﯩﺮﯨﺶ ﺑﻮﻟﻤﺎﻳﺪﯨﻐﺎﻧﻠﯩﻘﯩﺪﯨﻦ ﺑﯩﺸﺎﺭﻩﺕ ﺑﻪﺭﻣﻪﻛﺘﻪ. ﺋﻪﻣﻤﺎ ﯞﯦﻦ ﺟﻴﺎﺑﺎﯞﻧﯩﯔ ﺧﯩﺘﺎﻱ ﺋﺎﺧﺒﺎﺭﺍﺗﭽﯩﻠﯩﺮﻯ ﺑﯩﻠﻪﻥ ﺋﯚﺗﻜﯜﺯﮔﻪﻥ ﺳﯚﻫﺒﯩﺘﻰ ﻳﻪﻧﻪ ﺑﺎﺷﻘﯩﭽﻪ. ﺋﯘ ﻣﯘﺧﺒﯩﺮﻻﺭ ﺑﯩﻠﻪﻥ ﺳﯚﻫﺒﯩﺘﯩﺪﻩ ﺳﯜﺕ ﭘﺎﺭﺍﺷﯘﻙ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ، ﻣﻪﺳﯩﻠﯩﻨﯩﯔ ﻳﯩﻠﺘﯩﺰﯨﻨﻰ ﭼﯩﺮﯨﻜﻠﯩﻚ ﺩﻩﭖ ﻛﯚﺭﺳﻪﺗﺘﻰ، ﭼﯩﺮﯨﻜﻠﯩﻜﻨﻰ ﺗﯜﮔﯩﺘﯩﺸﻨﯩﯔ ﭼﺎﺭﯨﺴﯩﻨﻰ ﺑﻮﻟﺴﺎ، ﺳﯩﻴﺎﺳﯩﻲ ﺗﯜﺯﯛﻟﻤﻪ ﺋﯩﺴﻼﻫﺎﺗﻰ ﺩﻩﭖ ﻛﯚﺭﺳﻪﺗﺘﻰ.

ﭼﯩﺮﯨﻜﻠﯩﻚ ﻣﻪﺳﯩﻠﯩﺴﻰ، ﺧﯩﺘﺎﻳﻨﯩﯔ 17 ‏ - ﻗﯘﺭﯗﻟﺘﯩﻴﯩﺪﯨﻤﯘ ﺧﯩﺘﺎﻳﺪﯨﻜﻰ ﺋﻪﯓ ﭼﻮﯓ ﻣﻪﺳﯩﻠﻪ ﺩﻩﭖ ﺗﯩﻠﻐﺎ ﺋﯧﻠﯩﻨﻐﺎﻥ، ﺋﻪﻣﻤﺎ ﻛﻮﻧﻜﺮﯦﺖ ﻫﻪﻝ ﻗﯩﻠﯩﺶ ﭼﺎﺭﯨﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﻐﺎﻥ ﺋﯩﺪﻯ. ﯞﯦﻦ ﺟﻴﺎﺑﺎﯞ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﻳﻪﻧﻪ، ﻫﯚﻛﯜﻣﻪﺗﻨﯩﯔ ﺧﯩﺰﻣﻪﺗﻠﯩﺮﯨﻨﻰ ﻫﯚﻛﯜﻣﻪﺕ ﺋﯚﺯﻯ ﺋﻪﻣﻪﺱ، ﺧﻪﻟﻖ ﺑﺎﻫﺎﻟﯩﺸﻰ ﻛﯧﺮﻩﻛﻠﯩﻜﯩﻨﻰ، ﺋﺎﺧﺒﺎﺭﺍﺕ ﺳﺎﻫﻪﺳﯩﻨﯩﯔ ﻫﯚﻛﯜﻣﻪﺗﻨﻰ ﻧﺎﺯﺍﺭﻩﺕ ﻗﯩﻠﯩﺶ ﻛﯧﺮﻩﻛﻠﯩﻜﯩﻨﻰ، ﺋﺎﺩﺍﻟﻪﺗﻠﯩﻚ ﺑﯩﺮ ﺟﻪﻣﺌﯩﻴﻪﺕ ﺷﻪﻛﯩﻠﻠﯩﻨﯩﺸﻰ ﺋﯜﭼﯜﻥ ﺋﻪﺩﯨﻠﯩﻴﻪ ﺋﻮﺭﮔﺎﻧﻠﯩﺮﯨﻨﯩﯔ ﻣﯘﺳﺘﻪﻗﯩﻞ ﺑﻮﻟﯘﺷﻰ ﻛﯧﺮﻩﻛﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ. ﺋﯘ ﺳﯚﺯ ﺋﺎﺭﯨﺴﯩﺪﺍ ﻳﻪﻧﻪ، ﺋﯚﺯﯨﻨﯩﯔ ﻫﻪﺭ ﯞﺍﻗﯩﺖ ﺋﯩﻨﺘﯧﺮﻧﯧﺘﺘﯩﻜﻰ ﻗﺎﺭﺷﻰ ﭘﯩﻜﯩﺮﻟﻪﺭﻧﻰ ﺋﻮﻗﯘﭖ ﺗﯘﺭﯨﺪﯨﻐﺎﻧﻠﯩﻘﯩﻨﻰ، ﺑﯘ ﭘﯩﻜﯩﺮﻟﻪﺭﻧﯩﯔ ﻛﯩﻢ ﺗﻪﺭﯨﭙﯩﺪﯨﻦ ﻳﯧﺰﯨﻠﯩﺸﯩﺪﯨﻦ ﻗﻪﺗﺌﯩﻴﻨﻪﺯﻩﺭ ﺟﻪﻣﺌﯩﻴﻪﺗﺘﯩﻜﻰ ﺑﯩﺮ ﺭﯦﺌﺎﻟﻠﯩﻘﻨﯩﯔ، ﻣﻪﻟﯘﻡ ﺑﯩﺮ ﺋﻪﻫﯟﺍﻟﻨﯩﯔ ﺋﯩﻨﻜﺎﺳﻰ ﺋﯩﻜﻪﻧﻠﯩﻜﯩﻨﻰ، ﺗﻪﻧﻘﯩﺪﯨﻲ ﭘﯩﻜﯩﺮﻟﻪﺭﮔﻪ ﻫﯚﺭﻣﻪﺕ ﻗﯩﻠﯩﻨﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﺩﻯ.

ﯞﯦﻦ ﺟﻴﺎﺑﺎﯞﻧﯩﯔ ﺑﯘ ﺳﯚﺯﻟﯩﺮﻯ، ﺋﯚﻛﺘﯩﭽﻰ ﭘﯩﻜﯩﺮﻟﻪﺭﻧﻰ ﺩﯙﻟﻪﺗﻨﻰ ﺋﺎﻏﺪﯗﺭﯗﺷﻘﺎ ﺋﯘﺭﯗﻧﯘﺵ، ﻣﯘﻗﯩﻤﻠﯩﻘﻨﻰ ﺑﯘﺯﯗﺵ ﯞﻩ ﺩﯙﻟﻪﺕ ﻣﻪﺧﭙﯩﻴﻪﺗﻠﯩﻜﯩﻨﻰ ﺋﺎﺷﻜﺎﺭﯨﻼﺵ ﺩﻩﭖ ﺟﺎﺯﺍﻻﭖ ﻛﯧﻠﯩﯟﺍﺗﻘﺎﻥ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺳﯩﻴﺎﺳﻪﺕ ﯞﻩ ﺋﯩﺠﺮﺍﺋﺎﺗﻠﯩﺮﻯ ﺑﯩﻠﻪﻥ ﻗﺎﺭﺷﻰ ﻗﯘﺗﯘﭘﺘﺎ ﺗﯘﺭﻣﺎﻗﺘﺎ. ﯞﯦﻦ ﺟﻴﺎﺑﺎﯞﻧﯩﯔ ﺑﯘ ﺳﯚﺯﻟﯩﺮﻯ ﺋﺎﺭﻗﯩﻠﯩﻖ ﺧﯩﺘﺎﻳﻨﯩﯔ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺳﯩﻴﺎﺳﯩﻲ ﺗﯜﺯﯛﻟﻤﻪ ﻳﯚﻧﯩﻠﯩﺸﯩﺪﯨﻦ ﺑﯩﺸﺎﺭﻩﺕ ﺑﯧﺮﯨﯟﺍﺗﻘﺎﻧﻠﯩﻘﻰ ﯞﻩ ﻳﺎﻛﻰ ﭘﻪﻗﻪﺕ ﺳﯚﻫﺒﻪﺗﺪﺍﺷﻠﯩﺮﯨﻨﯩﯔ ﻣﺎﻳﯩﻠﻠﯩﻘﯩﻨﻰ ﻗﺎﺯﯨﻨﯩﺸﻘﺎ ﺗﯩﺮﯨﺸﻘﺎﻧﻠﯩﻘﻰ ﺋﯧﻨﯩﻖ ﺋﻪﻣﻪﺱ. ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺧﻮﯕﻜﻮﯕﺪﯨﻜﻰ ﺳﯘﻣﺮﯗﻍ ﺗﯧﻠﯧﯟﯨﺰﯨﻴﯩﺴﯩﻨﯩﯔ ﻣﯘﺧﺒﯩﺮﻯ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﯘﻫﺎﺟﯩﺮﻩﺗﺘﯩﻜﻰ ﺧﯩﺘﺎﻱ ﺋﺎﺧﺒﺎﺭﺍﺗﭽﻠﯩﺮﯨﺪﯨﻦ ﻧﯧﻤﯩﻠﻪﺭﻧﻰ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﺳﻮﺭﯨﺪﻯ؛ ﯞﯦﻦ ﺟﻴﺎﺑﺎﯞ: "ﻣﻪﺳﯩﻠﯩﻠﻪﺭﺩﻩ ﻛﯚﺯ ﻗﺎﺭﺍﺷﻠﯩﺮﯨﻤﯩﺰ ﭘﻪﺭﻗﻠﯩﻖ ﺑﻮﻟﯘﺷﻰ ﻣﯘﻣﻜﯩﻦ، ﺋﻪﻣﻤﺎ ﻫﻪﻣﻤﯩﻤﯩﺰ 5 ﻣﯩﯔ ﻳﯩﻠﻠﯩﻖ ﺑﯩﺮ ﻣﻪﺩﻩﻧﯩﻴﻪﺗﻨﯩﯔ ﯞﺍﺭﯨﺴﻠﯩﺮﻯ، ﺑﯩﺰ ﺳﯩﻠﻪﺭﻧﯩﯔ ﺟﯘﯕﮕﯘ ﺑﯩﻠﻪﻥ ﺗﺎﺷﻘﻰ ﺩﯗﻧﻴﺎ ﺋﺎﺭﯨﺴﯩﺪﺍ ﻛﯚﯞﺭﯛﻛﻠﯜﻙ ﺭﻭﻝ ﺋﻮﻳﻨﯩﺸﯩﯖﻼﺭﻧﻰ ﺋﯜﻣﯩﺪ ﻗﯩﻠﯩﻤﯩﺰ ﺩﻩﭖ ﺟﺎﯞﺍﺏ ﺑﻪﺭﮔﻪﻥ.

ﯞﯦﻦ ﺟﻴﺎﺑﺎﯞ ﺳﯜﺕ ﭘﺎﺭﺍﺷﯘﻛﻰ ﻣﻪﺳﯩﻠﯩﺴﻨﻰ ﺋﺎﻣﯧﺮﯨﻜﺎ ﻣﯘﺧﺒﯩﺮﻟﯩﺮﻯ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺗﯩﺠﺎﺭﻩﺗﭽﯩﻠﻪﺭﺩﯨﻜﻰ ﺋﻪﺧﻼﻗﺴﯩﺰﻟﯩﻘﻘﺎ، ﺧﯩﺘﺎﻱ ﻣﯘﺧﺒﯩﺮﻟﯩﺮﻯ ﺑﯩﻠﻪﻥ ﻛﯚﺭﯛﺷﻜﻪﻧﺪﻩ ﺑﻮﻟﺴﺎ ﺗﯜﺯﯛﻟﻤﯩﺪﯨﻜﻰ ﺋﺎﺟﯩﺰﻟﯩﻘﻘﺎ ﺑﺎﻏﻼﭖ ﭼﯜﺷﻪﻧﺪﯛﺭﺩﻯ، ﺗﯜﻧﯜﮔﯜﻥ ﺏ ﺩ ﺕ ﺩﯨﻜﻰ ﺳﯚﺯﯨﺪﻩ ﺧﯩﺘﺎﻳﻨﯩﯔ ﺗﯜﺯﯛﻟﻤﯩﺴﯩﻨﻰ ﻣﯘﺩﺍﭘﯩﺌﻪ ﻗﯩﻠﺪﻯ.

ﯞﯦﻦ ﺟﻴﺎﺑﺎﯞ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭ ﯞﻩ ﺗﯩﺒﻪﺕ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺗﻮﺧﺘﺎﻟﻤﯩﺪﻯ، ﺋﻪﻣﻤﺎ ﺏ ﺩ ﺕ ﻳﯩﻐﯩﻨﯩﺪﺍ ﺯﯦﻤﯩﻦ ﭘﯜﺗﯜﻧﻠﯜﻛﻰ ﻣﻪﺳﯩﻠﯩﺴﯩﻨﻰ ﺋﺎﻻﻫﯩﺪﻩ ﺗﻪﻛﯩﺘﻠﯩﺸﻰ، ﺋﯘﻧﯩﯔ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﻩ ﺗﯩﺒﻪﺕ ﻣﻪﺳﯩﻠﯩﺴﯩﻨﻰ ﺋﻪﺳﺘﯩﻦ ﭼﯩﻘﺎﺭﻣﯩﻐﺎﻧﻠﯩﻘﯩﻨﻰ ﻛﯚﺭﺳﻪﺗﻤﻪﻛﺘﻪ.