'ﯞﻭﻟﺖ ﺳﺘﺮﯦﺖ ﮊﯗﺭﻧﯩﻠﻰ'ﻧﯩﯔ ﻳﺎﺯﻏﯘﭼﯩﺴﻰ ﺋﺎﻧﺪﺭﯨﯟ ﺑﺎﺗﺴﻮﻧﻨﯩﯔ ﺑﯜﮔﯜﻥ ﺑﯧﻴﺠﯩﯖﺪﯨﻦ ﻳﻮﻟﻠﯩﻐﺎﻥ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯧﻴﺠﯩﯖﺪﺍ ﺗﯜﻧﯜﮔﯜﻧﺪﯨﻦ ﺑﺎﺷﻼﭖ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﺳﯩﻴﺎﺳﻪﺕ ﺑﻪﻟﮕﯩﻠﻪﺵ ﻳﯩﻐﯩﻨﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺩﯗﻧﻴﺎﯞﯨﻲ ﻣﺎﻟﯩﻴﻪ ﻛﺮﯨﺰﯨﺴﯩﮕﻪ ﺑﻮﻟﻐﺎﻥ ﺩﯨﻘﻘﯩﺘﯩﻨﻰ ﺋﯚﺯﯨﻨﯩﯔ ﺋﯩﻘﺘﯩﺴﺎﺩﯨﻲ ﻣﻪﺳﯩﻠﯩﻠﯩﺮﯨﮕﻪ ﻳﻪﻧﻰ 750 ﻣﯩﻠﻴﻮﻥ ﺩﯦﻬﻘﺎﻧﻐﺎ ﺗﺎﻗﯩﻠﯩﺪﯨﻐﺎﻥ ﻣﻪﺳﯩﻠﯩﮕﻪ ﻗﺎﺭﺍﺗﺘﻰ.

ﻣﻪﺯﻛﯘﺭ ﺩﻭﻛﻼﺗﺘﺎ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﻨﯩﯔ ﺑﯘ ﻗﯧﺘﯩﻤﻘﻰ ﻳﯩﻐﯩﻨﯩﺪﺍ ﻣﯘﺯﺍﻛﯩﺮﻩ ﻗﯩﻠﯩﻨﯩﺪﯨﻐﺎﻥ ﻣﻪﺳﯩﻠﯩﻠﻪﺭﻧﯩﯔ ﻣﯘﻫﯩﻢ ﻧﻮﻗﺘﯩﺴﻰ ﻳﻪﺭ ﻣﻪﺳﯩﻠﯩﺴﻰ. ﺧﯩﺘﺎﻳﺪﺍ ﻳﻪﺭ ﻫﯚﻛﯜﻣﻪﺗﻨﯩﯔ، ﻫﯚﻛﯜﻣﻪﺕ ﻳﻪﺭﻧﻰ ﺩﯦﻬﻘﺎﻧﻼﺭﻏﺎ 30 ﻳﯩﻠﻐﯩﭽﻪ ﺋﯩﺸﻠﯩﺘﯩﭗ ﺗﯘﺭﯗﺷﻘﺎ ﺑﻪﺭﮔﻪﻥ. ﺋﻪﻣﻤﺎ ﺩﯦﻬﻘﺎﻧﻼﺭﻧﯩﯔ ﻳﻪﺭﻧﻰ ﺳﯧﺘﯩﺶ ﻳﺎﻛﻰ ﺋﯚﺗﯜﻧﯜﭖ ﺑﯧﺮﯨﺶ ﻫﻮﻗﯘﻗﻰ ﻳﻮﻕ. ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﯧﺘﯩﻤﻘﻰ ﻳﻪﺭ ﺗﯜﺯﯛﻣﻰ ﺋﯩﺴﻼﻫﺎﺗﻰ ﺋﺎﺭﻗﯩﻠﯩﻖ ﺩﯦﻬﻘﺎﻧﻼﺭﻧﯩﯔ ﻳﻪﺭﻧﻰ ﺋﯚﺯﻯ ﺋﯩﺸﻠﯩﺘﯩﺶ ﻳﺎﻛﻰ ﺋﯚﺗﯜﻧﯜﭖ ﺑﯧﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﻤﺎﻗﭽﻰ ﺑﻮﻟﯘﯞﺍﺗﯩﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ ﻳﻪﺭ ﺗﯜﺯﯛﻣﻰ ﺋﯩﺴﻼﻫﺎﺗﻰ ﻫﻪﻗﻘﯩﺪﻩ ﺋﯘﻳﻐﯘﺭﻻﺭﻧﯩﯔ ﻧﯧﻤﻪ ﺩﻩﻳﺪﯨﻐﺎﻧﻠﯩﻘﯩﻨﻰ ﺗﯩﯔ - ﺗﯩﯖﻼﺷﻘﺎ ﺑﺎﺷﻠﯩﻐﺎﻥ

ﺧﯩﺘﺎﻱ ﻫﯚﻛﯜﻣﯩﺘﻰ ﻳﻮﻟﻐﺎ ﻗﻮﻳﻤﺎﻗﭽﻰ ﺑﻮﻟﻐﺎﻥ 'ﻳﻪﺭ ﺗﯜﺯﯛﻣﻰ ﺋﯩﺴﻼﻫﺎﺗﻰ'ﻧﯩﯔ ﺋﯘﻳﻐﯘﺭﻻﻏﺎ ﺑﻮﻟﻐﺎﻥ ﺋﻪﻫﻤﯩﻴﯩﺘﻰ ﻫﻪﻗﻘﯩﺪﻩ ﺧﻪﻟﻘﺌﺎﺭﺍ ﺋﯘﻳﻐﯘﺭ ﻗﻪﻟﻪﻣﻜﻪﺷﻠﯩﺮﻯ ﺗﻪﺷﻜﯩﻼﺗﯩﻨﯩﯔ ﺑﺎﺵ ﺗﻪﭘﺘﯩﺸﻰ ﻫﺎﺟﻰ ﺋﺎﺑﺪﯗﺭﯨﺸﯩﺖ ﻛﯧﺮﯨﻤﻰ ﻣﯘﻻﻫﯩﺰﻩ ﺋﯧﻼﻥ ﻗﯩﻠﺪﻯ.

ﺋﺎﺑﺪﯗﺭﯨﺸﯩﺖ ﻫﺎﺟﻰ ﻛﯧﺮﯨﻤﯩﻨﯩﯔ ﺋﯧﻴﺘﯩﺸﯩﭽﻪ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯩﻐﯩﻦ ﺋﯧﭽﯩﭗ ﻳﻪﺭ ﺗﯜﺯﯛﻣﻰ ﻣﻪﺳﯩﻠﯩﺴﯩﻨﻰ ﻣﯘﺯﺍﻛﯩﺮﻩ ﻗﯩﻠﯩﯟﺍﺗﻘﺎﻧﺪﺍ، ﺋﯘﻳﻐﯘﺭ ﻳﯘﺭﺗﻠﯩﺮﯨﺪﺍ ﻫﯚﻛﯜﻣﻪﺕ ﺋﺎﻟﻠﯩﻘﺎﭼﺎﻥ ﺋﯘﻳﻐﯘﺭﻻﺭﻧﯩﯔ ﺑﯘ ﻫﻪﻗﺘﻪ ﻧﯧﻤﻪ ﺩﻩﻳﺪﯨﻐﺎﻧﻠﯩﻘﯩﻨﻰ ﺗﯩﯔ - ﺗﯩﯖﻼﺷﻘﺎ ﺑﺎﺷﻠﯩﻐﺎﻥ.

ﺧﯩﺘﺎﻳﻨﯩﯔ ﻳﻪﺭ ﺗﯜﺯﯛﻣﻰ ﺋﯩﺴﻼﻫﺎﺗﻰ ﺋﯘﻳﻐﯘﺭﻻﺭﻏﺎ ﭼﻮﯓ ﺑﺎﻻﻳﻰ - ﺋﺎﭘﻪﺕ ﻛﻪﻟﺘﯜﺭﯨﺪﯗ

ﻫﺎﺯﯨﺮ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯧﻠﯩﭗ ﺑﯧﺮﯨﺸﻨﻰ ﺋﻮﻳﻼﯞﺍﺗﻘﺎﻥ ﻳﻪﺭ ﺗﯜﺯﯛﻣﻰ ﺋﯩﺴﻼﻫﺎﺗﻰ ﻳﻪﻧﻰ ﺩﯦﻬﻘﺎﻧﻼﺭﻏﺎ ﻳﻪﺭﻧﻰ ﺋﯩﺸﻠﯩﺘﯩﺶ ﻳﺎﻛﻰ ﺋﯚﺗﯜﻧﯜﭖ ﺑﯧﺮﯨﺸﻜﻪ ﺭﯗﺧﺴﻪﺕ ﻗﯩﻠﻤﺎﻗﭽﻰ ﺑﻮﻟﻐﺎﻧﻠﯩﻘﻰ ﺋﯘﻳﻐﯘﺭﻻﺭﻏﺎ ﺑﯩﺮ ﭼﻮﯓ ﺑﺎﻻﻳﻰ - ﺋﺎﭘﻪﺕ ﻛﻪﻟﺘﯜﺭﯨﺪﯗ.