ﺑﺎﻳﺎﻧﺎﺗﭽﻰ ﻟﻴﯘ ﺟﻴﻪﻧﭽﺎﯞ ﺳﯚﺯﯨﺪﻩ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﯧﺮﺭﻭﺭﭼﯩﻠﯩﺮﻯ ﻣﻪﯞﺟﯘﺕ، ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺑﯩﺰﮔﻪ ﺑﯘ ﺟﻪﻫﻪﺗﺘﻪ ﻳﺎﺭﺩﻩﻣﻠﯩﺸﯩﺸﻨﻰ ﺋﯜﻣﯩﺪ ﻗﯩﻠﯩﻤﯩﺰ ﺩﯦﮕﻪﻥ.

ﻟﻴﯘ ﺟﻴﻪﻧﭽﺎﯞ ﺑﯜﮔﯜﻧﻜﻰ ﻳﯩﻐﯩﻨﺪﺍ ﺗﯘﻧﺠﻰ ﺩﯗﭺ ﻛﻪﻟﮕﻪﻥ ﺳﻮﺋﺎﻝ ﻛﯜﻧﻤﯩﯖﺪﯨﻜﻰ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﺑﻮﻟﻐﺎﻥ. ﻣﯘﺧﺒﯩﺮ ﺋﯘﻧﯩﯖﺪﯨﻦ ﻛﯜﻧﻤﯩﯖﺪﯨﻜﻰ ﭘﺎﺭﺗﻼﺵ ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﺗﻪﺳﯩﺮ ﻛﯚﺭﺳﯩﺘﻪﻣﺪﯗ، ﺑﯘ ﺳﻪﯞﻩﺑﻠﯩﻚ، ﺗﯧﺮﺭﻭﺭﻟﯘﻗﻘﺎ ﻗﺎﺭﺷﻰ ﺗﻪﺩﺑﯩﺮ ﻛﯜﭼﻪﻳﺘﯩﻠﻪﻣﺪﯗ ﺩﻩﭖ ﺳﻮﺭﯨﻐﺎﻥ. ﻟﻴﯘ ﺟﻴﻪﻧﭽﺎﯞﻧﯩﯔ ﺟﺎﯞﺍﺑﻰ ﻣﯘﻧﺪﺍﻕ ﺑﻮﻟﻐﺎﻥ: "
ﻣﻪﻥ ﻛﯜﻧﻤﯩﯖﺪﯨﻜﻰ ﺋﺎﭘﺘﻮﺑﯘﺱ ﭘﺎﺭﺗﯩﻼﺷﻨﯩﯔ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﺑﯩﻠﻪﻥ ﺑﯩﯟﺍﺳﺘﻪ ﺋﺎﻻﻗﯩﺴﻰ ﺑﺎﺭ ﺩﻩﭖ ﻗﺎﺭﯨﻤﺎﻳﻤﻪﻥ. ﺷﯘﻧﺪﺍﻗﺘﯩﻤﯘ ﺋﯘ ﭘﺎﺭﺗﻼﺵ، ﺑﯧﻴﺠﯩﯔ ﺋﻮﻟﯩﻤﭙﯩﻜﻰ ﻣﻪﺯﮔﯩﻠﯩﺪﻩ، ﻣﯘﻫﯩﻢ ﺟﺎﻣﺎﺋﻪﺕ ﺳﻮﺭﯗﻧﻠﯩﺮﯨﻤﯩﺰﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻛﯜﭼﻪﻳﺘﯩﺸﻨﯩﯔ ﺯﯙﺭﯛﺭﻟﯜﻛﯩﻨﻰ ﻫﯧﺲ ﻗﯩﻠﺪﯗﺭﺩﻯ."
 
ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﻨﯩﯔ ﺩﺍﯞﺍﻣﯩﺪﺍ ﻳﻪﻧﻪ ﺑﯩﺮ ﻣﯘﺧﺒﯩﺮ، ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺳﻮﺋﺎﻝ ﺳﻮﺭﯨﻐﺎﻥ: ﻛﯜﻧﻤﯩﯖﺪﯨﻜﻰ ﺋﺎﭘﺘﻮﺑﯘﺱ ﭘﺎﺭﺗﻼﺷﺘﯩﻦ ﻛﯧﻴﯩﻦ، ﺋﯚﺯﯨﻨﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﻰ ﺩﻩﭖ ﺋﺎﺗﯩﻐﺎﻥ ﺑﯩﺮ ﺗﻪﺷﻜﯩﻼﺕ ﻣﻪﺳﺌﯘﻟﯩﻴﻪﺗﻨﻰ ﺋﯜﺳﺘﯩﮕﻪ ﺋﺎﻟﺪﻯ، ﺑﯩﺮﺍﻕ ﺧﯩﺘﺎﻱ ﺗﻪﺭﻩﭖ ﺋﯘﻻﺭﻧﯩﯔ ﺑﺎﻳﺎﻧﺎﺗﯩﻨﻰ ﺭﻩﺕ ﻗﯩﻠﺪﻯ. ﺳﯩﻠﻪﺭﻧﯩﯔ ﺑﯘ ﺗﻪﺷﻜﯩﻼﺗﺘﯩﻦ ﻗﺎﻧﭽﯩﻠﯩﻚ ﺧﻪﯞﯨﺮﯨﯖﻼﺭ ﺑﺎﺭ؟ ﻫﯚﻛﯜﻣﯩﺘﯩﯖﻼﺭ ﻧﻪﺯﯨﺮﯨﺪﻩ ﻣﺎﻧﺎ ﻣﯘﺷﯘﻧﺪﺍﻕ ﺑﯩﺮ ﺗﻪﺷﻜﯩﻼﺕ ﻣﻪﯞﺟﯘﺗﻤﯘ؟ ﺑﯘ ﺳﻮﺋﺎﻟﻐﺎ ﻟﻴﯘ ﺟﻴﻪﻧﭽﺎﯞ ﻣﯘﻧﺪﺍﻕ ﺟﺎﯞﺍﺏ ﺑﻪﺭﮔﻪﻥ: "ﻛﯜﻧﻤﯩﯖﺪﯨﻜﻰ ﭘﺎﺭﺗﻼﺷﻨﻰ ﺑﯩﺮ ﭼﻪﺗﻜﻪ ﻗﻮﻳﯘﭖ ﺗﯘﺭﺍﻳﻠﻰ، ﺷﯘﻻﺭﻏﺎ ﺋﻮﺧﺸﺎﺵ ﺗﯜﺭﻛﯩﺴﺘﺎﻧﭽﻰ ﺗﯧﺮﺭﻭﺭﭼﯩﻼﺭ ﯞﻩ ﺗﯧﺮﺭﻭﺭﻟﯘﻕ ﻫﻪﺭﯨﻜﻪﺗﻠﯩﺮﻯ ﺟﯘﯕﮕﻮﺩﺍ ﻣﻪﯞﺟﯘﺕ، ﺷﯘﯕﺎ ﺑﯩﺰ ﺧﻪﻟﻘﺌﺎﺭﺍ ﺟﺎﻣﺎﺋﻪﺗﻨﯩﯔ ﺑﯩﺰﻧﯩﯔ ﺗﯧﺮﺭﻭﺭﻟﯘﻕ ﻫﻪﻗﻘﯩﺪﯨﻜﻰ ﺋﻪﻧﺪﯨﺸﯩﻠﯩﺮﯨﻤﯩﺰﻧﻰ ﭼﯜﺷﯩﻨﯩﺸﻨﻰ، ﺗﯧﺮﺭﻭﺭﻏﺎ ﻗﺎﺭﺷﻰ ﻛﯜﺭﯨﺸﯩﻤﯩﺰﻧﻰ، ﺟﯜﻣﻠﯩﺪﯨﻦ ﺷﻪﺭﻗﻰ ﺗﯜﺭﻛﯩﺴﺘﺎﻧﭽﯩﻼﺭﻏﺎ ﻗﺎﺭﺷﻰ ﻛﯜﺭﯨﺸﯩﻤﯩﺰﻧﻰ ﻗﻮﻟﻠﯩﺸﯩﻨﻰ ﯞﻩ ﻳﺎﺭﺩﻩﻣﻠﯩﺸﯩﺸﻨﻰ ﺋﯜﻣﯩﺪ ﻗﯩﻠﯩﻤﯩﺰ."

ﻟﻴﯘ ﺟﻴﻪﻧﭽﺎﯞ ﺟﺎﯞﺍﺑﯩﻨﯩﯔ ﺋﺎﺧﯩﺮﯨﺪﺍ ﻳﻪﻧﻪ، ﺑﯘ ﻗﻮﻟﻼﺷﻨﯩﯔ ﺑﺎﺷﻘﺎ ﺩﯙﻟﻪﺗﻠﻪﺭ ﺋﯜﭼﯜﻧﻤﯘ ﭘﺎﻳﺪﯨﻠﯩﻖ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ. ﻣﯘﺧﺒﯩﺮ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﻰ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺗﻪﺷﻜﯩﻼﺗﻰ ﺩﻩﭖ ﺋﺎﺗﯩﻐﺎﻥ، ﻟﻴﯘ ﺟﻴﻪﻧﭽﺎﯞﻣﯘ ﺷﯘ ﺑﯘﻳﯩﭽﻪ ﺟﺎﯞﺍﺏ ﺑﻪﺭﮔﻪﻥ.

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﻰ ﺑﯜﮔﯜﻥ ﻟﻴﯘ ﺟﻴﻪﻧﭽﺎﯞﻧﯩﯔ ﻳﯘﻗﯩﺮﯨﻘﻰ ﺳﯚﺯﻟﯩﺮﯨﮕﻪ ﻗﺎﺭﯨﺘﺎ ﺑﯩﺮ ﺗﯜﺭﻛﯜﻡ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﺍﺷﻠﯩﺮﯨﻨﻰ ﺋﯩﮕﯩﻠﯩﮕﻪﻥ. ﺋﺎﯞﺳﺘﺮﺍﻟﯩﻴﯩﺪﯨﻜﻰ ﺋﺎﺳﯩﻴﺎ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺗﻪﺗﻘﯩﻘﺎﺗﭽﯩﺴﻰ Michael Clarke، "ﺷﯩﻨﺠﺎﯓ ﺋﯜﺳﺘﻰ ﻳﯧﭙﯩﻖ ﺑﯩﺮ ﻗﺎﺯﺍﻥ، ﺋﯘ ﻳﻪﺭﺩﻩ ﻧﯧﻤﻪ ﺑﻮﻟﯘﯞﺍﺗﻘﯩﻨﯩﻨﻰ ﺑﯩﻠﯩﺶ ﻣﯘﻣﻜﯩﻨﺴﯩﺰ" ﺩﻩﭖ ﺑﯩﻠﺪﯛﺭﮔﻪﻥ ﯞﻩ ﺧﯩﺘﺎﻳﻨﯩﯔ ﺗﯧﺮﺭﻭﺭﻟﯘﻕ ﺗﻪﻫﺪﯨﺘﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﻠﯩﺮﯨﻐﺎ ﺋﯩﺸﯩﻨﯩﺸﻜﻪ ﺑﻮﻟﻤﺎﻳﺪﯗ ﺩﯦﮕﻪﻥ.

ﺋﺎﻣﯧﺮﯨﻜﯩﻨﯩﯔ ﺗﺎﻳﻼﻧﺪﺗﺎ ﺗﯘﺭﯗﺷﻠﯘﻕ ﻫﻪﺭﺑﯩﻲ ﻣﯘﺗﻪﺧﻪﺳﺴﯩﺴﻰ Robert Karniol ﺑﺎﺷﻘﺎ ﺟﺎﻳﻼﺭﺩﺍ ﺑﻮﻟﻐﯩﻨﯩﺪﻩﻙ، ﺋﯘﻳﻐﯘﺭﻻﺭ ﺋﺎﺭﯨﺴﯩﺪﯨﻤﯘ ﻗﻮﺭﺍﻟﻠﯩﻖ ﻛﯜﺭﻩﺵ ﻳﻮﻟﯩﺪﺍ ﻣﯧﯖﯩﯟﺍﺗﻘﺎﻥ ﯞﻩ ﺳﯩﻴﺎﺳﯩﻲ ﻛﯜﺭﻩﺵ ﻳﻮﻟﯩﺪﺍ ﻣﯧﯖﯩﯟﺍﺗﻘﺎﻥ ﺋﻮﺧﺸﯩﻤﯩﻐﺎﻥ ﮔﯘﺭﯗﭘﭙﯩﻼﺭﻧﯩﯔ ﺑﺎﺭﻟﯩﻘﯩﻨﻰ، ﺑﯘﻻﺭﻧﯩﯔ ﺗﻪﺑﯩﺌﯩﻲ ﻫﺎﻟﺪﺍ ﺧﯩﺘﺎﻳﻐﺎ ﻧﯩﺴﺒﻪﺗﻪﻥ ﺗﻪﻫﺪﯨﺖ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﮔﻪﻥ. ﺋﯘ ﻳﻪﻧﻪ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻳﻨﯩﯔ ﺗﯧﺮﺭﻭﺭ ﺗﻪﻫﺪﯨﺘﯩﻨﻰ ﺋﻪﯓ ﭼﻮﯓ ﺗﻪﻫﺪﯨﺖ ﺩﯦﮕﯩﻨﯩﮕﯩﻤﯘ ﺋﯩﺸﻪﻧﻤﻪﻳﻤﻪﻥ، ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﻰ ﺋﯘ ﭘﺎﺭﺗﻠﯩﺘﯩﺸﻼﺭﻧﻰ ﻗﯩﻠﻤﯩﺪﻯ ﺩﯦﮕﯩﻨﯩﮕﯩﻤﯘ ﺋﯩﺸﻪﻧﻤﻪﻳﻤﻪﻥ."

ﻛﯜﻧﻤﯩﯖﺪﯨﻜﻰ ﺋﺎﭘﺘﻮﺑﯘﺱ ﭘﺎﺭﺗﻼﺵ ﯞﻩﻗﻪﺳﻰ ﯞﻩ ﺗﯜﺭﻛﯩﺴﺘﺎﻥ ﺋﯩﺴﻼﻡ ﭘﺎﺭﺗﯩﻴﯩﺴﯩﻨﯩﯔ ﺑﺎﻳﺎﻧﺎﺗﻰ ﺧﯩﺘﺎﻳﺪﯨﻜﻰ ﺋﯘﭼﯘﺭ - ﺋﺎﻻﻗﻪ ﻛﻮﻧﺘﯩﺮﻭﻟﯩﻨﯩﯔ ﻗﺎﺗﺘﯩﻘﻠﯩﻘﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﻛﯜﻧﺘﻪﺭﺗﯩﭙﻜﻪ ﺋﻪﻛﻪﻟﺪﻯ. ﻣﻪﺯﻛﯘﺭ ﺗﯧﻤﯩﺪﺍ ﭘﯩﻜﯩﺮ ﺑﺎﻳﺎﻥ ﻗﯩﻠﻐﯘﭼﯩﻼﺭ، ﺋﻮﻣﯘﻣﯩﻴﯜﺯﻟﯜﻙ ﺧﯩﺘﺎﻱ ﺋﺎﺧﺒﺎﺭﺍﺕ ﻛﻮﻧﺘﺮﻭﻟﯩﺪﯨﻦ ﺷﯩﻜﺎﻳﻪﺕ ﻗﯩﻠﻐﺎﻥ. ﺑﯜﮔﯜﻧﻜﻰ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﯨﻤﯘ، ﻣﯘﺧﺒﯩﺮﻻﺭ، ﻟﻴﯘ ﺟﻴﻪﻧﭽﺎﯞﺩﯨﻦ ﺷﺎﯕﺨﻪﻱ ﯞﻩ ﻛﯜﻧﻤﯩﯖﺪﯨﻜﻰ ﭘﺎﺭﺗﻼﺵ ﻫﻪﻗﻘﯩﺪﻩ ﻧﯧﻤﻪ ﺋﯜﭼﯜﻥ ﺋﯧﻨﯩﻖ ﻣﻪﻟﯘﻣﺎﺕ ﺑﻪﺭﻣﻪﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﺎﻥ. ﻟﻴﯘ ﺟﻴﻪﻧﭽﺎﯞ ﺑﯘ ﺳﻮﺋﺎﻟﻐﺎ ﺑﯩﺨﻪﺗﻪﺭﻟﯩﻚ ﺗﻪﻫﺪﯨﺘﻰ ﺳﻪﯞﻩﺑﯩﺪﯨﻦ ﺩﻩﭖ ﺟﺎﯞﺍﺏ ﺑﻪﺭﮔﻪﻥ.