'ﺑﻮﺷﯜﻥ ﺗﻮﺭ ﮔﯧﺰﯨﺘﻰ'ﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﺪﺍ ﻳﯧﻘﯩﻨﻘﻰ 50 ﻛﯜﻥ ﺋﯩﭽﯩﺪﻩ 6 ﻗﯧﺘﯩﻢ ﺑﺎﻟﯩﻼﺭ ﺑﺎﻏﭽﯩﺴﻰ ﻳﺎﻛﻰ ﺑﺎﺷﻼﻧﻐﯘﭺ ﻣﻪﻛﺘﻪﭘﻠﻪﺭﮔﻪ ﻫﯘﺟﯘﻡ ﻗﯩﻠﯩﭗ ﺋﯚﺳﻤﯜﺭﻟﻪﺭﻧﻰ ﭼﺎﻧﺎﻳﺪﯨﻐﺎﻥ ﻗﻪﺑﯩﻬ ﻗﯩﺮﻏﯩﻨﭽﯩﻠﯩﻖ ﻳﯜﺯ ﺑﻪﺭﺩﻯ. ﺋﺎﺗﺎ - ﺋﺎﻧﯩﻼﺭﻧﯩﯔ ﻳﯜﺭﻩﻙ - ﺑﺎﻏﺮﻯ ﺋﯚﺭﺗﻪﻧﺪﻯ. ﺟﻪﻣﺌﯩﻴﻪﺕ ﻗﺎﺗﺘﯩﻖ ﺳﯩﻠﻜﯩﻨﺪﻯ.

'ﺳﯘﻣﺮﯗﻍ ﺗﯧﻠﯧﯟﯨﺰﯨﻴﯩﺴﻰ'ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﺑﯘ ﻣﻪﺳﯩﻠﯩﮕﻪ ﭘﻮﺯﯨﺘﺴﯩﻴﻪ ﺑﯩﻠﺪﯛﺭﯛﭖ 'ﻫﯚﻛﯜﻣﻪﺕ ﺟﻪﻣﺌﯩﻴﻪﺕ ﺗﻪﺭﺗﯩﭙﯩﻨﻰ ﺳﺎﻗﻼﺷﺘﺎ ﻗﺎﺗﺘﯩﻖ ﺗﻪﺩﺑﯩﺮ ﻗﻮﻟﻠﯩﻨﯩﭙﻼ ﻗﺎﻟﻤﺎﻱ، ﺑﯘﻧﺪﺍﻕ ﻫﺎﺩﯨﺴﻪ ﻳﯜﺯ ﺑﯧﺮﯨﺸﻨﯩﯔ ﭼﻮﯕﻘﯘﺭ ﺋﯩﺠﺘﯩﻤﺎﺋﯩﻲ ﺳﻪﯞﻩﺑﻠﯩﺮﯨﻨﻰ ﺗﯧﭙﯩﺶ ﻻﺯﯨﻢ' ﺩﻩﭖ ﺑﯘﻳﺮﯗﻕ ﭼﯜﺷﯜﺭﮔﻪﻥ.

'ﺋﺎﺟﯩﺰﻧﻰ ﺑﻮﺯﻩﻙ ﻗﯩﻠﯩﺶ، ﻛﯜﭼﻠﯜﻛﺘﯩﻦ ﻗﻮﺭﻗﯘﺵ ﺧﯩﺘﺎﻳﻨﯩﯔ ﻣﯩﻠﻠﯩﻲ ﻣﯩﺠﻪﺯﻯ'

ﺗﻪﻳﯟﻩﻧﺪﻩ ﺗﯘﺭﯗﯞﺍﺗﻘﺎﻥ ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﻟﯩﻦ ﺑﺎﯞﺧﯘﺍﻧﯩﯔ ﻗﺎﺭﯨﺸﯩﭽﻪ، ﺑﯘ، ﺧﯩﺘﺎﻳﻨﯩﯔ ﻣﯩﺠﻪﺯﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ. ﺋﯘﻧﯩﯔ ﺋﯧﻴﺘﯩﺸﯩﭽﻪ، ﺋﺎﺟﯩﺰﻧﻰ ﺑﻮﺯﻩﻙ ﻗﯩﻠﯩﺶ، ﻛﯜﭼﻠﯜﻛﺘﯩﻦ ﻗﻮﺭﻗﯘﺵ، ﺑﯘ ﺧﯩﺘﺎﻳﻨﯩﯔ ﻣﯩﻠﻠﯩﻲ ﻣﯩﺠﻪﺯﻯ، ﺳﻪﻥ ﺋﯘﻧﯩﯖﻐﺎ ﻳﯧﻠﯩﻨﺴﺎﯓ، ﺳﯧﻨﻰ ﺑﻮﺯﻩﻙ ﻗﯩﻠﯩﺪﯗ، ﻗﺎﻧﭽﻪ ﻳﯧﻠﯩﻨﺴﺎﯓ ﺷﯘﻧﭽﻪ ﺑﻮﺯﻩﻙ ﻗﯩﻠﯩﺪﯗ، ﺋﻪﮔﻪﺭ ﺋﯚﺯﻩﯕﻨﻰ ﻛﯚﺭﺳﯩﺘﯩﭗ ﻗﻮﻳﺴﺎﯓ، ﺳﺎﯕﺎ ﭼﯧﻘﯩﻼﻟﻤﺎﻳﺪﯗ. ﺧﯩﺘﺎﻱ ﺋﯘﻳﻐﯘﺭﻻﺭﻧﻰ، ﺗﯩﺒﻪﺗﻠﻪﺭﻧﻰ ﺳﺎﻧﻰ ﺋﺎﺯ ﺑﻮﻟﻐﺎﻧﻠﯩﻘﻰ ﺋﯜﭼﯜﻧﻼ ﺑﻮﺯﻩﻙ ﻗﯩﻠﯩﯟﺍﺗﯩﺪﯗ. ﺋﻪﻣﻤﺎ ﻛﯜﭼﻠﯜﻛﺘﯩﻦ ﻗﻮﺭﻗﯘﺩﯗ. ﺧﯩﺘﺎﻱ ﻫﯚﻛﯜﻣﯩﺘﻰ ﺩﻩﻝ ﻣﯘﺷﯘﻧﺪﺍﻕ ﺧﯩﺘﺎﻱ ﻣﯩﺠﻪﺯ. ﺋﯘ، ﺋﺎﺟﯩﺰ ﻣﯩﻠﻠﻪﺗﻜﻪ ﻛﯚﺭﻩﯕﻠﯩﮕﻪﻥ ﺑﯩﻠﻪﻥ ﺋﺎﻣﯧﺮﯨﻜﯩﻠﯩﻘﺘﻪﻙ، ﺭﯗﺳﻼﺭﺩﻩﻙ ﻛﯜﭼﻠﯜﻙ ﻣﯩﻠﻠﻪﺗﺘﯩﻦ ﻗﻮﺭﻗﯘﺩﯗ.

ﮔﻪﺭﭼﻪ ﺑﻪﺯﯨﺪﻩ ﺋﺎﻣﯧﺮﯨﻜﺎ ﺋﺎﺩﻩﻣﮕﻪﺭﭼﯩﻠﯩﻚ ﻗﯩﻠﯩﭗ ﻗﻮﻳﺴﺎ، ﺋﯘﻧﯩﯖﻐﺎ ﻫﯚﺭﭘﻪﻳﮕﯩﻨﻰ ﺑﯩﻠﻪﻥ ﻳﺎﻛﻰ ﺋﯘﻧﻰ ﺋﺎﺧﻤﺎﻕ ﻗﯩﻠﻤﺎﻗﭽﻰ ﺑﻮﻟﻐﯩﻨﻰ ﺑﯩﻠﻪﻥ، ﺋﯘ ﻗﺎﭘﯩﻘﯩﻨﻰ ﺗﯜﺭﺳﯩﻼ ﺩﻩﺭﻫﺎﻝ ﻳﯧﻠﯩﻨﯩﭗ، ﺋﺎﻣﯧﺮﯨﻜﺎ ﻣﺎﻟﻠﯩﺮﯨﻨﻰ ﺳﯧﺘﯩﯟﺍﻟﯩﺪﯗ. ﺧﯩﺘﺎﻱ ﺭﯗﺳﯩﻴﯩﺪﯨﻨﻤﯘ ﻗﻮﺭﻗﯘﺩﯗ. ﺭﯗﺳﻼﺭ ﺧﯩﺘﺎﻳﻼﺭﻧﯩﯔ ﻣﯧﻠﯩﻨﻰ ﻣﯘﺳﺎﺩﯨﺮﻩ ﻗﯩﻠﯩﭗ ﻛﻪﺗﺴﻪ ﻳﺎﻛﻰ ﺑﻮﺯﻩﻙ ﻗﯩﻠﺴﺎ ﮔﻪﭖ ﻗﯩﻼﻟﻤﺎﻳﺪﯗ. ﻣﺎﻧﺎ ﺑﯘ ﺧﯩﺘﺎﻳﻨﯩﯔ ﻣﯩﻠﻠﯩﻲ ﻣﯩﺠﻪﺯﻯ. ﺗﯧﺨﯩﻤﯘ ﺋﯧﻨﯩﻘﺮﺍﻕ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﺑﯘ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﭘﺎﺭﺗﯩﻴﯩﯟﯨﻠﯩﻜﻰ.

'ﺋﯘﻳﻐﯘﺭﻻﺭ ﻗﻮﻟﯩﻐﺎ ﻗﻮﺭﺍﻝ ﺋﯧﻠﯩﭗ ﻛﻪﻟﮕﻪﻥ ﺳﺎﻗﭽﯩﻐﺎ ﻫﯘﺟﯘﻡ ﻗﯩﻠﺪﻯ، ﺑﯘ ﻧﻮﺭﻣﺎﻝ ﻣﯩﺠﻪﺯ'

‏ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﻟﯩﻦ ﺑﺎﯞﺧﯘﺍﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﻫﻪﻣﻤﻪ ﺋﺎﺩﻩﻣﻨﯩﯔ ﻣﯩﺠﻪﺯﻯ ﻣﯘﺷﯘﻧﺪﺍﻕ ﺧﯩﺘﺎﻱ ﻣﯩﺠﻪﺯﻣﯘ ﺋﻪﻣﻪﺱ، ﻣﻪﺳﯩﻠﻪﻥ، ﻳﺎﯓ ﺟﻴﺎ ﺋﺎﺟﯩﺰﻧﻰ ﺑﻮﺯﻩﻙ ﻗﯩﻠﻤﯩﺪﻯ، ﻗﻮﻟﯩﺪﯨﻜﻰ ﻗﻮﺭﺍﻟﻨﻰ ﺗﻪﯕﻠﻪﭖ ﻳﯜﺭﯛﭖ ﺋﺎﺩﻩﻡ ﺑﻮﺯﻩﻙ ﻗﯩﻠﻐﺎﻥ ﺳﺎﻗﭽﯩﻨﻰ ﺋﯚﻟﺘﯜﺭﺩﻯ.

ﺑﯘﻧﺪﺍﻕ ﺋﺎﺟﯩﺰﻧﻰ ﺑﻮﺯﻩﻙ ﻗﯩﻠﯩﺪﯨﻐﺎﻥ، ﻛﯜﭼﻠﯜﻛﺘﯩﻦ ﻗﻮﺭﻗﯘﺩﯨﻐﺎﻥ ﺧﯩﺘﺎﻱ ﻣﯩﺠﻪﺯ ﺋﻪﻣﻪﺱ ﻛﯩﺸﯩﻠﻪﺭﻣﯘ ﺑﺎﺭ. ﺋﯘﻳﻐﯘﺭﻻﺭﻣﯘ ﺩﻩﻝ ﺷﯘﻧﺪﺍﻕ، ﺋﯘﻻﺭ ﺋﺎﺟﯩﺰﻏﺎ ﺋﻪﻣﻪﺱ، ﻗﻮﻟﯩﻐﺎ ﻗﻮﺭﺍﻝ ﺋﯧﻠﯩﭗ ﻛﻪﻟﮕﻪﻥ ﺳﺎﻗﭽﯩﻐﺎ ﻫﯘﺟﯘﻡ ﻗﯩﻠﺪﻯ. ﺑﯘ ﻧﻮﺭﻣﺎﻝ ﻣﯩﺠﻪﺯ.

'ﻳﺎﻣﺎﻧﻐﺎ ﺗﺎﻗﺎﺑﯩﻞ ﺗﯘﺭﺍﻟﻤﺎﻱ ، ﺋﺎﭼﭽﯩﻘﯩﻨﻰ ﺑﺎﻟﯩﻼﺭﺩﯨﻦ ﺋﺎﻟﻐﺎﻥ ﺑﯘﻧﺪﺍﻕ ﺧﯩﺘﺎﻱ ﻣﯩﺠﻪﺯ ﺋﺎﺩﻩﻣﻠﻪﺭﻧﻰ ﻫﻪﺭﮔﯩﺰ ﻛﻪﭼﯜﺭﯛﺷﻜﻪ ﺑﻮﻟﻤﺎﻳﺪﯗ'

ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﻟﯩﻦ ﺑﺎﯞﺧﯘﺍ ﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ ﺑﺎﻟﯩﻼﺭﻏﺎ ﻗﯩﺮﻏﯩﻨﭽﯩﻠﯩﻖ ﻗﯩﻠﯩﺪﯨﻐﺎﻥ ﺑﯘﻧﺪﺍﻕ ﯞﻩﻫﺸﻰ ﯞﻩﻗﻪﻟﻪﺭ، ﺧﻪﻟﻖ ﺋﺎﺩﺍﻟﻪﺗﺴﯩﺰﻟﯩﻜﻜﻪ ﺋﯘﭼﺮﯨﻐﺎﻥ، ﺩﻩﺭﺩﯨﻨﻰ ﺋﯧﻴﺘﯩﺪﯨﻐﺎﻥ ﻳﻪﺭ ﻳﻮﻕ، ﻏﻪﺯﯨﭙﯩﻨﻰ ﺑﺎﺳﺎﻟﻤﺎﻳﯟﺍﺗﻘﺎﻥ ﺋﻪﻫﯟﺍﻟﺪﺍ ﻳﯜﺯ ﺑﻪﺭﮔﻪﻥ. ﺋﻪﻣﻤﺎ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﺎﻧﻼﺭ ﺋﯚﺯﯨﮕﻪ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﺎﻥ ﻳﺎﻣﺎﻧﻐﺎ ﺗﺎﻗﺎﺑﯩﻞ ﺗﯘﺭﺍﻟﻤﺎﻱ ، ﺋﺎﭼﭽﯩﻘﯩﻨﻰ ﺑﺎﻟﯩﻼﺭﺩﯨﻦ ﺋﺎﻟﻐﺎﻥ، ﮔﻪﺭﭼﻪ ﺋﯘﻻﺭﻣﯘ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺯﯨﻴﺎﻧﻜﻪﺷﻠﯩﻜﯩﮕﻪ ﺋﯘﭼﺮﯨﻐﺎﻥ ﻛﯩﺸﯩﻠﻪﺭ ﺑﻮﻟﺴﯩﻤﯘ، ﺋﻪﻣﻤﺎ ﺑﯘﻧﺪﺍﻕ ﺧﯩﺘﺎﻱ ﻣﯩﺠﻪﺯﻯ ﺑﯩﻠﻪﻥ ﺋﯩﺶ ﻗﯩﻠﻐﺎﻥ ﺋﺎﺩﻩﻣﻠﻪﺭﻧﻰ ﻫﻪﺭﮔﯩﺰ ﻛﻪﭼﯜﺭﯛﺷﻜﻪ ﺑﻮﻟﻤﺎﻳﺪﯗ.

'ﺧﯩﺘﺎﻳﻼﺭﻧﯩﯔ ﻣﯩﺠﻪﺯﯨﻨﻰ ﺋﻪﯓ ﻳﺎﺧﺸﻰ ﺑﯩﻠﯩﭗ، ﺋﻪﯓ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﻐﺎﻥ ﺋﺎﺩﻩﻡ ﻟﯘﺷﯜﻥ'

- ﺧﯩﺘﺎﻳﻼﺭﻧﯩﯔ ﻣﯩﺠﻪﺯﯨﻨﻰ ﺋﻪﯓ ﻳﺎﺧﺸﻰ ﺑﯩﻠﯩﭗ، ﺋﻪﯓ ﻗﺎﺗﺘﯩﻖ ﺗﻪﻧﻘﯩﺪ ﻗﯩﻠﻐﺎﻥ ﺋﺎﺩﻩﻡ ﺑﯘﻧﯩﯖﺪﯨﻦ 80 ﻳﯩﻞ ﺑﯘﺭﯗﻥ ﺋﯚﺗﻜﻪﻥ ﺋﻪﺩﯨﭗ ﻟﯘﺷﯜﻥ ، ‏ - ‏ ﺩﻩﻳﺪﯗ ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﻟﯩﻦ ﺑﺎﯞﺧﯘﺍ . ﺋﯘﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻟﯘﺷﯜﻥ 'ﺋﺎﺩﻩﺗﺘﻪ ﺑﺎﺗﯘﺭ ﻏﻪﺯﻩﭘﻠﻪﻧﺴﻪ، ﺋﯚﺯﯨﺪﯨﻦ ﻛﯜﭼﻠﯜﻙ ﺩﯛﺷﻤﯩﻨﯩﮕﻪ ﭘﯩﭽﺎﻕ ﺗﺎﺭﺗﯩﺪﯗ. ﻗﻮﺭﻗﯘﻧﭽﺎﻕ ﻏﻪﺯﻩﭘﻠﻪﻧﺴﻪ ﺋﯚﺯﯨﺪﯨﻦ ﺋﺎﺟﯩﺰﻏﺎ ﭘﯩﭽﺎﻕ ﺗﺎﺭﺗﯩﺪﯗ. ﺋﻪﻣﻤﺎ ﺧﯩﺘﺎﻳﻼﺭﺩﺍ ﺋﯘﻧﺪﺍﻕ ﺋﻪﻣﻪﺱ.

ﺧﯩﺘﺎﻳﻼﺭ ﺩﯛﺷﻤﻪﻥ ﺑﯩﺮﯨﻨﻰ ﺋﺎﭼﯩﻘﯩﭗ ﻣﯩﻠﺘﯩﻖ ﺑﯩﻠﻪﻥ ﺋﺎﺗﺴﺎ، ﻳﯜﮔﯜﺭﯛﭖ ﻛﯧﻠﯩﭗ ﺗﺎﻣﺎﺷﺎ ﻛﯚﺭﯨﺪﯗ. ﻗﯘﺗﻘﯘﺯﯗﺵ ﺋﯩﻨﺘﺎﻳﯩﻦ ﻗﯧﻴﯩﻦ ﺑﻮﻟﻐﺎﻥ ﺑﯘ ﻣﯩﻠﻠﻪﺗﺘﻪ ﻣﯘﻧﺪﺍﻕ 'ﺑﺎﺗﯘﺭ'ﻻﺭ ﺑﺎﺭ، ﺋﯘﻻﺭ ﭘﻪﻗﻪﺕ ﺑﺎﻟﯩﻼﺭﻏﯩﻼ ﻫﻮﻣﯩﻴﯩﺪﯗ. ﻛﯩﭽﯩﻜﯩﺪﯨﻦ ﺗﺎﺭﺗﯩﭗ ﻣﯘﺷﯘﻧﺪﺍﻕ ﻣﯘﺋﺎﻣﯩﻠﯩﮕﻪ ﺋﯘﭼﺮﺍﭖ ﭼﻮﯓ ﺑﻮﻟﻐﺎﻥ ﺑﺎﻟﯩﻼﺭﻣﯘ، ﻏﻪﺯﻩﭘﻠﻪﻧﺴﯩﻼ ﺋﯚﺯﯨﺪﯨﻦ ﻛﯩﭽﯩﻚ ﺑﺎﻟﯩﻼﺭﻏﺎ ﻫﻮﻣﯩﻴﯩﺪﯗ. ﻣﯘﺷﯘﻧﺪﺍﻕ ﻣﯩﺠﻪﺯﺩﻩ ﭼﻮﯓ ﺑﻮﻟﻐﺎﻥ ﺑﯩﺮﯨﻨﭽﻰ ﺋﻪﯞﻻﺩﻣﯘ ﺷﯘﻧﺪﺍﻕ، ﺋﯩﻜﻜﯩﻨﭽﻰ ﺋﻪﯞﻻﺩﻣﯘ ﺷﯘﻧﺪﺍﻕ، ﺋﯜﭼﯩﻨﭽﻰ ﺋﻪﯞﻻﺩﻣﯘ ﺷﯘﻧﺪﺍﻕ، ﺗﯚﺗﯩﻨﭽﻰ ﺋﻪﯞﻻﺩﻣﯘ ﺷﯘﻧﺪﺍﻕ' ﺩﻩﭖ ﻳﺎﺯﻏﺎﻥ. ﻟﯩﻦ ﺑﺎﯞﺧﯘﺍﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﻣﯩﺠﻪﺯﻯ ﺩﻩﻝ ﻣﯘ ﺷﯘﻧﺪﺍﻕ ﻣﯩﺠﻪﺯ، ﺋﯘﻻﺭ ﺋﯘﻳﻐﯘﺭﻻﺭﻧﻰ، ﺗﯩﺒﻪﺗﻠﻪﺭﻧﻰ ﺳﺎﻧﻰ ﺋﺎﺯ ، ﻗﻮﻟﯩﺪﺍ ﻫﻮﻗﯘﻕ ﻳﻮﻕ، ﭘﯘﻝ ﻳﻮﻕ، ﺑﯩﺰﮔﻪ ﻗﺎﺭﯨﺘﯩﭗ ﺋﺎﺗﯩﺪﯨﻐﺎﻥ ﻗﻮﺭﺍﻟﻰ ﻳﻮﻕ ﺩﻩﭖ ﺑﻮﺯﻩﻙ ﻗﯩﻠﯩﺪﯗ، ﻫﻪﺗﺘﺎ ﺳﯚﺯﻟﯩﮕﯩﻠﯩﻤﯘ ﻗﻮﻳﻤﺎﻳﺪﯗ.

'ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺑﺎﻳﻼﺭﻧﻰ ﺑﯘﻻﭖ ﻣﯜﻟﯜﻛﻜﻪ ﺋﯩﮕﻪ ﺑﻮﻟﯘﺷﻘﺎ ﺋﺎﺩﻩﺗﻠﻪﻧﮕﻪﻥ'

‏ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺗﺎﺭﯨﺨﯩﻨﻰ ﭘﯩﺸﺸﯩﻖ ﺑﯩﻠﯩﺪﯨﻐﺎﻥ ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﻟﯩﻦ ﺑﺎﯞﺧﯘﺍﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻗﯘﺭﯗﻟﻐﺎﻧﺪﺍ ﺋﯘﻧﯩﯔ ﺗﻪﺭﻛﯩﺒﯩﺪﻩ ﺑﯩﺮ ﻗﯩﺴﯩﻢ ﻏﺎﻳﯩﻠﯩﻚ ﺯﯨﻴﺎﻟﯩﻴﻼﺭ ﺑﺎﺭ ﺋﯩﺪﻯ، 1927‏ - ﻳﯩﻠﯩﺪﯨﻜﻰ ﻣﻪﻏﻠﯘﺑﯩﻴﻪﺗﺘﯩﻦ ﻛﯧﻴﯩﻦ، ﻳﯧﺰﯨﻼﺭﻏﺎ ﺑﯧﺮﯨﭗ، ﺧﯩﺘﺎﻳﺪﯨﻜﻰ ﺋﯩﺸﻠﯩﻤﻪﻱ ﻳﻪﭖ - ﻳﯧﺘﯩﺸﻨﻰ ﺋﻮﻳﻼﻳﺪﯨﻐﺎﻥ ﻫﻮﺭﯗﻥ، ﻟﯜﻛﭽﻪﻛﻠﻪﺭﻧﻰ ﺋﯩﺸﻠﯩﺘﯩﭗ، ﺋﺎﺭﺯﯗﻳﻰ ﺑﯘﻳﯩﭽﻪ ﺑﺎﻧﺪﯨﺘﻠﯩﻖ ﻗﯩﻠﯩﭗ ﺑﺎﻳﻼﺭﻧﻰ ﺑﯘﻻﭖ ﻣﯜﻟﯜﻛﻜﻪ ﺋﯩﮕﻪ ﺑﻮﻟﯘﺷﻘﺎ ﺋﺎﺩﻩﺗﻠﻪﻧﮕﻪﻥ. ﺧﯩﺘﺎﻳﺪﯨﻜﻰ ﻫﻪﺭﺑﯩﻲ ﺋﻪﻣﻪﻟﺪﺍﺭﻻﺭﻧﯩﯔ ﻛﯚﭘﯩﻨﭽﯩﺴﻰ ﻣﯘﺷﯘﻧﺪﺍﻕ ﺑﺎﻧﺪﯨﺘﻼﺭ. ﻣﺎﻧﺎ ﺑﯘ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﭘﺎﺭﺗﯩﻴﯩﯟﯨﻠﯩﻜﻰ ﯞﻩ ﺧﯩﺘﺎﻱ ﻣﯩﻠﻠﻪﺗﭽﯩﻠﯩﻜﻰ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.