ﺧﯩﺘﺎﻳﻨﯩﯔ ﺋﯚﺯ ﺩﯙﻟﯩﺘﻰ ﺋﯩﭽﯩﺪﯨﻜﻰ ﻛﺮﯨﺰﯨﺴﻼﺭﻧﻰ ﻫﻪﻣﺪﻩ ﺧﻪﻟﻘﺌﺎﺭﺍ ﺑﯧﺴﯩﻤﻼﺭﻧﻰ ﺑﯩﺮ ﭼﻪﺗﻜﻪ ﻗﺎﻳﺮﯨﭗ ﻗﻮﻳﯘﭖ ﺋﺎﻟﻪﻡ ﻗﺎﺗﻨﯩﺸﻰ ﭘﺮﻭﮔﺮﺍﻣﻤﯩﺴﯩﻨﻰ ﺟﺎﻥ - ﺟﻪﻫﻠﻰ ﺑﯩﻠﻪﻥ ﺩﺍﯞﺍﻣﻼﺷﺘﯘﺭﯗﺷﻰ ﻧﯧﻤﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ؟

ﺑﯘ ﻫﻪﻗﺘﻪ ﭘﯩﻜﯩﺮ ﺑﺎﻳﺎﻥ ﻗﯩﻠﻐﺎﻥ ﺳﯩﻴﺎﺳﯩﻲ ﻛﯚﺯﻩﺗﭽﯩﻠﻪﺭ ﺑﯘﻧﻰ ﺧﯩﺘﺎﻳﻨﯩﯔ ﺳﯩﻴﺎﺳﯩﻲ ﺋﻮﺭﻧﯩﻨﻰ ﺋﯚﺳﺘﯜﺭﯛﺷﺘﯩﻜﻰ ﺗﯩﺮﯨﺸﭽﺎﻧﻠﯩﻘﻰ ﺩﻩﭖ ﻗﺎﺭﯨﺴﺎ، ﺋﻪﻣﻤﺎ ﺧﯩﺘﺎﻱ ﺋﯚﻛﺘﯩﭽﯩﻠﻪﺭ ﺧﯩﺘﺎﻳﻨﯩﯔ ﺑﯘﻧﯩﯖﺪﯨﻜﻰ ﻏﻪﺭﯨﺰﯨﻨﯩﯔ ﭘﻪﻗﻪﺕ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﺋﻮﺭﻧﯩﻨﻰ ﻣﯘﻗﯩﻤﻼﺷﺘﯘﺭﯗﺵ ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻤﺎﻗﺘﺎ.

ﺧﯩﺘﺎﻱ ﺗﻪﺭﻩﭖ ﺑﯘ ﻗﯘﺭﯗﻟﯘﺷﯩﻨﻰ ﺋﯜﭺ ﺑﺎﺳﻘﯘﭼﻠﯘﻕ ﺋﺎﻟﻪﻡ ﭘﻮﻧﻜﯩﺘﻰ ﻗﯘﺭﯗﺵ ﭘﯩﻼﻧﯩﻨﯩﯔ ﻣﯘﻫﯩﻢ ﻗﻪﺩﯨﻤﻰ ﺩﻩﭖ ﻛﯚﺭﺳﯩﺘﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ، ﭼﻪﺗﺌﻪﻟﻠﻪﺭﺩﻩ ﻳﺎﺷﺎﯞﺍﺗﻘﺎﻥ ﺧﯩﺘﺎﻱ ﺋﯚﻛﺘﯩﭽﯩﻠﯩﺮﻯ ﺧﯩﺘﺎﻳﻨﯩﯔ ﻣﯘﻧﺪﺍﻕ ﻣﯩﻨﯘﺗﻼﺭﺩﺍ ﻧﻪﭼﭽﻪ ﻣﯩﻠﻴﻮﻥ ﺩﻭﻟﻼﺭﻟﯩﻖ ﺋﺎﻟﻪﻡ ﻗﺎﺗﻨﯩﺸﯩﺸﻰ ﭘﺮﻭﮔﺮﺍﻣﻤﯩﺴﯩﻨﻰ ﻳﻮﻟﻐﺎ ﻗﻮﻳﯘﺷﯩﻨﯩﯔ ﭘﻪﻗﻪﺕ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﻨﯩﯔ ﺋﻮﺭﻧﯩﻨﻰ ﻣﯘﻗﯩﻤﻼﺷﺘﯘﺭﯗﺵ ﺋﯜﭼﯜﻥ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﻣﻪﻛﺘﻪ.

ﺑﯘ ﻫﻪﻗﺘﻪ ﺗﻮﺧﺘﺎﻟﻐﺎﻥ ﺋﺎﻣﯧﺮﯨﻜﯩﺪﯨﻜﻰ ﻻﯞﮔﻪﻱ ﻓﻮﻧﺪﻯ ﺟﻪﻣﺌﯩﻴﯩﺘﯩﻨﯩﯔ ﺭﻩﺋﯩﺴﻰ ﺧﺎﺭﯨﻲ ﯞﯗ ( ﯞﯗ ﺧﻮﯓ ﺩﺍ) ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﻣﻪﻗﺴﯩﺘﻰ ﻧﻪﭼﭽﻪ ﻣﯩﻠﻴﻮﻥ ﺩﻭﻟﻼﺭﻟﯩﻖ ﺷﯘ ﺧﯩﻠﺪﯨﻜﻰ ﻗﯘﺭﯗﻟﯘﺷﻼﺭ ﺋﺎﺭﻗﯩﻠﯩﻖ ﺋﯚﺯ ﭘﺎﺭﺗﯩﻴﯩﺴﯩﻨﯩﯔ ﺧﻪﻟﻖ ﻧﻪﺯﯨﺮﯨﺪﯨﻜﻰ ﺋﯩﻨﺎﯞﯨﺘﯩﻨﻰ ﺋﯚﺳﺘﯜﺭﯛﺵ ﯞﻩ ﻛﻮﻣﻤﯘﻧﯩﺴﺘﯩﻚ ﺭﯦﺠﯩﻤﯩﻨﻰ ﻛﯜﭼﻪﻳﺘﯩﺶ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﺎﺭﯨﻲ ﯞﯗ ﻣﯘﻧﺪﺍﻕ ﺩﯦﺪﻯ: " ﺑﯩﺰ ، ﺧﯩﺘﺎﻱ ﻫﯚﻛﯜﻣﯩﺘﻰ ﻧﯧﻤﻪ ﺋﯘﭼﯘﻥ ﻧﺎﻣﺮﺍﺗﻼﺭﻧﻰ ﻳﯚﻟﻪﺷﻜﻪ ﻣﻪﺑﻠﻪﻍ ﺳﺎﻟﻤﯩﺪﻯ؟ ﺋﯘﻻﺭ ﻧﯧﻤﻪ ﺋﯜﭼﯜﻥ ﺋﺎﻣﯧﺮﯨﻜﯩﻐﺎ ﻣﻪﺑﻠﻪﻍ ﺳﺎﻟﯩﺪﯗ؟ ﻧﯧﻤﻪ ﺋﯜﭼﯜﻥ ﺋﯘﻻﺭ ﺋﺎﻳﻐﺎ ﺳﯜﻧﺌﯩﻲ ﻫﻪﻣﺮﺍ ﭼﯩﻘﯩﺮﯨﺪﯗ؟ ﺩﻩﭖ ﺳﻮﺋﺎﻝ ﻗﻮﻳﯩﻤﯩﺰ. ﺋﻪﮔﻪﺭ ﺑﯘ ﻣﯩﻠﻴﻮﻧﻠﯩﻐﺎﻥ ﺩﻭﻟﻼﺭ ﺧﻪﻟﻘﻘﻪ ﺳﯧﻠﯩﻨﻐﺎﻥ ﺑﻮﻟﺴﺎ ﺋﯘﻻﺭﻏﺎ ﻛﯚﭖ ﻣﻪﻧﭙﻪﺋﻪﺗﻰ ﺗﯧﮕﻪﺗﺘﻰ. ﭼﯜﻧﻜﻰ ﺧﯩﺘﺎﻳﺪﺍ ﻧﺎﻣﺮﺍﺗﻼﺭ ﺑﻪﻙ ﻛﯚﭖ. ﻧﯘﺭﻏﯘﻥ ﻣﻪﻛﺘﻪﭘﻠﻪﺭﻧﯩﯔ ﺋﻪﺳﻠﯩﻬﻪﻟﯩﺮﻯ ﺗﻮﻟﯘﻕ ﺋﻪﻣﻪﺱ، ﺧﻪﻟﻘﻨﯩﯔ ﻫﻪﺗﺘﺎ ﻗﺎﻧﺪﺍﻕ ﺯﯨﺮﺍﺋﻪﺕ ﺗﯧﺮﯨﺸﻨﻰ ﻗﺎﺭﺍ ﻗﯩﻠﯩﺪﯨﻐﺎﻥ ﻫﻮﻗﯘﻗﯩﻤﯘ ﻳﻮﻕ. ﺑﯘﻻﺭﻧﯩﯔ ﻫﻪﻣﻤﯩﺴﻰ ﻛﻮﻣﻤﯘﻧﯩﺴﺖ ﺭﯦﺠﯩﻤﯩﺪﯨﻦ ﺑﻮﻟﯘﯞﺍﺗﻘﺎﻥ ﮔﻪﭖ."

ﺋﯘ ﻳﻪﻧﻪ ﺧﯩﺘﺎﻳﻨﯩﯔ ﺳﯩﻴﺎﺳﯩﻲ ﺳﯩﺴﺘﯧﻤﯩﺴﯩﺪﺍ ﻫﯧﭽﻘﺎﻧﺪﺍﻕ ﺋﯚﺯﮔﯩﺮﯨﺶ ﺑﻮﻟﻤﯩﻐﺎﻧﻠﯩﻘﯩﻨﻰ ، ﻗﺎﺭﯨﻤﺎﻗﻘﺎ ﺋﻮﺧﺸﺎﺷﺘﻪﻙ ﻗﯩﻠﺴﯩﻤﯘ، ﻳﻪﻧﯩﻼ ﻣﺎﯞ ﺯﯦﺪﻭﯓ ﻫﯚﻛﯜﻣﺮﺍﻧﻠﯩﻖ ﻗﯩﻠﻐﺎﻥ ﺯﺍﻣﺎﻧﻼﺭﻏﺎ ﺗﯜﭘﺘﯩﻦ ﺋﻮﺧﺸﯩﺸﯩﺪﯨﻐﺎﻧﻠﯩﻘﯩﻨﻰ، ﺧﯩﺘﺎﻳﺪﯨﻜﻰ ﺭﯦﺠﯩﻢ ﯞﻩ ﺑﺎﺳﺘﯘﺭﯗﺵ ﺗﯜﭘﻪﻳﻠﻰ ﭘﯘﻗﺮﺍﻻﺭﻧﯩﯔ، ﺋﯚﺯﻟﯩﺮﻯ ﻳﻮﻟﯘﻗﯩﯟﺍﺗﻘﺎﻥ ﻧﺎﻣﺮﺍﺗﻠﯩﻘﻘﺎ ﺋﻮﺧﺸﺎﺵ ﻣﻪﺳﯩﻠﯩﻠﻪﺭ ﺋﯜﺳﺘﯩﺪﻩ ﺋﻮﭼﯘﻕ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻼﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﻫﺎﻟﺒﯘﻛﻰ، ﺏ ﺏ ﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﺪﺍ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﺎ ﭘﺎﻳﺘﻪﺧﺘﻰ ﯞﺍﺷﯩﻨﮕﺘﻮﻧﻐﺎ ﺟﺎﻳﻼﺷﻘﺎﻥ ﺩﯙﻟﻪﺗﻠﯩﻚ ﺋﺎﺳﯩﻴﺎ ﺗﻪﺗﻘﯩﻘﺎﺕ ﺋﯩﺸﺨﺎﻧﯩﺴﯩﺪﯨﻜﻰ ﺩﯨﻦ ﭼﯧﯔ، ﺧﯩﺘﺎﻳﻨﯩﯔ ﺋﺎﻟﻪﻡ ﻗﺎﺗﻨﯩﺸﻰ ﭘﺮﻭﮔﺮﺍﻣﻤﯩﻠﯩﺮﯨﻨﻰ ﻳﯩﻞ ﺋﯘﻻﭖ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺷﻰ، ﺧﯩﺘﺎﻳﻨﯩﯔ ﺧﻪﻟﻘﺌﺎﺭﺍ ﺳﻪﻫﻨﯩﮕﻪ ﭼﯩﻘﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺶ ﺋﯜﭼﯜﻥ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘ ﻳﻪﻧﻪ ﺧﯩﺘﺎﻳﻨﯩﯔ ﺩﯙﻟﻪﺕ ﺋﯩﭽﯩﺪﻩ ﺋﺎﻟﻪﻡ ﻗﺎﺗﻨﯩﺸﻰ ﻏﻪﻟﯩﺒﯩﺴﻰ ﺋﺎﺭﻗﯩﻠﯩﻖ ﺋﯚﺯ ﭘﺎﺭﺗﯩﻴﯩﺴﯩﻨﻰ ﻣﯘﺳﺘﻪﻫﻜﻪﻣﻠﻪﺵ ﻣﻪﻗﺴﯩﺘﯩﻨﯩﯔ ﺑﺎﺭﻟﯩﻘﯩﻨﯩﻤﯘ ﭼﻪﺗﻜﻪ ﻗﺎﻗﻤﯩﻐﺎﻥ.

ﻟﯧﻜﯩﻦ ﺑﯜﮔﯜﻥ ﻣﯘﺧﺒﯩﺮﻻﺭﻧﻰ ﻛﯜﺗﯩﯟﯦﻠﯩﺶ ﻳﯩﻐﯩﻨﺪﺍ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﺑﺎﻳﺎﻧﺎﺗﭽﯩﺴﻰ ﻟﻴﯘ ﺟﯩﻴﻪﻧﭽﺎﯞ، ﺧﯩﺘﺎﻳﻨﯩﯔ ﺋﺎﺩﻩﻡ ﺳﯧﻠﯩﻨﻐﺎﻥ ﺋﺎﻟﻪﻡ ﻛﯧﻤﯩﺴﯩﻨﻰ ﻗﻮﻳﯘﭖ ﺑﯧﺮﯨﺸﺘﯩﻜﻰ ﻣﻪﻗﺴﯩﺘﻰ ﺋﺎﻟﻪﻡ ﺑﻮﺷﻠﯘﻗﯩﺪﯨﻦ ﺗﯩﻨﭻ ﻳﻮﺳﯘﻧﺪﺍ ﭘﺎﻳﺪﯨﻠﯩﻨﯩﺶ، ﺧﯩﺘﺎﻱ ﺋﯩﻘﺘﯩﺴﺎﺩﯨﻨﻰ ﺋﯩﻠﮕﯩﺮﻯ ﺳﯜﺭﯛﺵ ﯞﻩ ﺧﯩﺘﺎﻱ ﺧﻪﻟﻘﯩﻐﻪ ﺑﻪﺧﯩﺖ ﻳﺎﺭﯨﺘﯩﺶ ﺩﻩﭖ ﻛﯚﺭﺳﻪﺗﻤﻪﻛﺘﻪ.

ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻧﯚﯞﻩﺕ ﺋﯘﭼﻘﯘﭼﯩﺴﯩﻨﻰ ﺋﺎﻟﻪﻡ ﺑﻮﺷﻠﯘﻗﯩﺪﺍ ﻣﻪﺷﻐﯘﻻﺕ ﻗﯩﻠﺪﯗﺭﯗﭖ ﺳﯩﻨﺎﺵ ﻫﻪﻣﺪﻩ ﻛﻪﻟﮕﯜﺳﻰ ﺋﻮﻥ ﻳﯩﻠﺪﺍ ﺋﺎﻟﻪﻡ ﭘﻮﻧﻜﯩﺘﻰ ﻗﯘﺭﯗﺷﻨﻰ ﭘﯩﻼﻥ ﻗﯩﻠﻐﺎﻥ ﺋﯩﺪﻯ.

ﻫﺎﻟﺒﯘﻛﻰ ﺧﯩﺘﺎﻳﻨﯩﯔ ﺋﺎﻟﻪﻡ ﻗﺎﺗﻨﯩﺸﻰ ﺗﯧﺨﻨﻮﻟﻮﮔﯩﻴﯩﺴﯩﻨﯩﯔ ﺗﯧﺨﻨﯩﻜﯩﻠﯩﻖ ﺳﻪﯞﯨﻴﯩﺴﯩﺪﯨﻦ ﺧﻪﯞﻩﺭﺩﺍﺭ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻳﻨﯩﯔ ﺋﯚﺯ ﺋﺎﻟﺪﯨﻐﺎ ﺋﺎﻟﻪﻡ ﭘﻮﻧﻜﯩﺘﻰ ﻗﯘﺭﯗﺵ ﺳﻪﯞﯨﻴﯩﺴﯩﮕﻪ ﺋﺎﻟﺪﯨﺮﺍﭖ ﻳﯧﺘﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ.

ﺏ ﺏ ﺱ ﺧﻪﯞﻩﺭﻟﻪﺭ ﺗﻮﺭﯨﺪﺍ ﺧﯩﺘﺎﻳﻨﯩﯔ ﺋﺎﻟﻪﻡ ﻗﺎﺗﻨﯩﺸﻰ ﺗﯧﺨﻨﻮﻟﻮﮔﯩﻴﯩﺴﻰ ﻫﻪﻗﻘﯩﺪﻩ ﺑﯧﺮﯨﻠﮕﻪﻥ ﺑﯩﺮ ﭘﺎﺭﭼﻪ ﻣﺎﻗﺎﻟﯩﺪﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﺋﺎﻣﯧﺮﯨﻜﺎ ﺩﯙﻟﻪﺗﻠﯩﻚ ﻫﺎﯞﺍ ﯞﻩ ﺋﺎﻟﻪﻡ ﻗﺎﺗﻨﯩﺸﻰ ﻣﯘﺯﯦﻴﻰ، ﺋﺎﻟﻪﻡ ﻗﺎﺗﻨﯩﺸﻰ ﺗﺎﺭﯨﺨﻰ ﺑﯚﻟﯜﻣﯩﺪﯨﻜﻰ ﺗﻪﺗﻘﯩﻘﺎﺗﭽﻰ ﺩﻭﻛﺘﯘﺭ ﺭﻭﮔﻪﺭ ﻻﻧﯩﯘﺱ، ﮔﻪﺭﭼﻪ ﺧﯩﺘﺎﻱ ﺋﺎﻟﻪﻡ ﺑﻮﺷﻠﯘﻗﯩﻐﺎ ﺋﯘﭼﻘﯘﭼﻰ ﺳﯧﻠﯩﻨﻐﺎﻥ ﺋﺎﻟﻪﻡ ﻛﯧﻤﯩﺴﯩﻨﻰ ﻳﻮﻟﻠﯩﻐﺎﻥ ﺋﯜﭼﯩﻨﭽﻰ ﺩﯙﻟﻪﺕ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﺟﻪﻫﻪﺗﺘﻪ ﺋﺎﻣﯧﺮﯨﻜﺎ ﯞﻩ ﺭﯗﺳﯩﻴﯩﻠﻪﺭ ﻳﻪﺗﻜﻪﻥ ﺳﻪﯞﯨﻴﯩﮕﻪ ﻳﯧﺘﯩﺶ ﺋﯜﭼﯜﻥ ﺋﯘﻧﯩﯔ ﺑﺎﺳﯩﺪﯨﻐﺎﻥ ﻣﯘﺳﺎﭘﯩﺴﻰ ﺋﯩﻨﺘﺎﻳﯩﻦ ﺋﯘﺯﯗﻥ ﺋﯩﻜﻪﻥ.

ﺩﻭﻛﺘﻮﺭ ﻻﻧﯩﯘﺱ ﺋﻪﭘﻪﻧﺪﯨﻢ ﺑﯘ ﻫﻪﻗﺘﻪ ﺗﻮﺧﺘﯩﻠﯩﭗ، ﺧﯩﺘﺎﻳﻼﺭﻧﯩﯔ ﺋﺎﻟﻪﻡ ﻗﺎﺗﻨﯩﺸﻰ ﭘﺮﻭﮔﺮﺍﻣﻤﯩﺴﯩﻨﻰ ﺳﯩﺮﺗﺘﯩﻦ ﻛﯜﺯﻩﺗﻜﻪﻧﺪﻩ، ﺋﯘﻻﺭﻧﯩﯔ ﺋﯘﭼﻘﯘﭼﻰ ﺳﯧﻠﯩﻨﻐﺎﻥ ﻫﻪﻣﺪﻩ ﺑﻪﺯﻯ ﻣﻪﻫﺴﯘﻻﺗﻼﺭﻧﻰ ﺋﯧﻠﯩﭗ ﺑﺎﺭﺍﻻﻳﺪﯨﻐﺎﻥ ﺋﺎﻟﻪﻡ ﻛﯧﻤﯩﺴﻰ ﻳﺎﺳﺎﺵ ﺟﻪﻫﻪﺗﺘﻪ ﻣﯘﺋﻪﻳﻴﻪﻥ ﻧﻪﺗﯩﺠﻪ ﻗﺎﺯﺍﻧﻐﺎﻧﻠﯩﻘﯩﻨﻰ، ﺋﻪﻣﻤﺎ ﺑﯘﻻﺭﻧﯩﯔ ﺋﺎﻟﻪﻡ ﻗﺎﺗﻨﯩﺸﯩﺪﺍ ﺧﯩﺘﺎﻳﻼﺭ ﻛﯚﺯﻟﯩﮕﻪﻥ ﻧﯩﺸﺎﻧﻐﺎ ﻳﯧﺘﯩﺸﻜﻪ ﻳﯧﺘﻪﺭﻟﯩﻚ ﺋﻪﻣﻪﺳﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﯞﻩ: " ﺋﯘﻻﺭ ﺑﯘ ﻧﯚﯞﻩﺕ ﺋﺎﻟﻪﻡ ﺑﻮﺷﻠﯘﻗﯩﺪﺍ ﻣﻪﺷﻐﯘﻻﺕ ﻗﯩﻠﯩﺸﻨﻰ ﭘﯩﻼﻥ ﻗﯩﻠﻤﺎﻗﺘﺎ. ﺋﯘﻻﺭﻧﻰ ﺑﯘ ﺟﻪﻫﻪﺗﺘﻪ ﻏﻪﻟﯩﺒﻪ ﻗﺎﺯﺍﻧﺪﯨﻤﯘ ﺩﻩﻳﻠﻰ، ﺋﻪﻣﻤﺎ ﺋﺎﻟﻪﻡ ﺑﻮﺷﻠﯘﻗﯩﺪﺍ ﺑﯩﺮ ﻗﯧﺘﯩﻢ ﻣﯧﯖﯩﺶ (ﻣﻪﺷﻐﯘﻻﺕ ﺋﯩﺸﻠﻪﺵ) ﺑﯩﻠﻪﻥ ﺋﯩﺶ ﭘﯜﺗﻤﻪﻳﺪﯗ،" ﺩﯦﮕﻪﻥ.

ﺧﯩﺘﺎﻱ ﺋﺎﻟﻪﻡ ﻗﺎﺗﻨﯩﺸﻰ ﺋﯩﺪﺍﺭﯨﺴﻰ 25 - ﺳﯧﻨﺘﻪﺑﯩﺮ ﺑﯧﻴﺠﯩﯔ ﯞﺍﻗﺘﻰ 21 ﺩﯨﻦ 10 ﻣﯩﻨﯘﺕ ﺋﯚﺗﻜﻪﻧﺪﻩ، ﺟﻴﯘﭼﯜﻩﻥ ﺋﺎﻟﻪﻡ ﻗﺎﺗﻨﯩﺸﻰ ﺑﺎﺯﯨﺴﯩﺪﯨﻦ ﺷﯧﻨﺠﯘ 7 ﺗﯩﭙﻠﯩﻖ ﺋﺎﻟﻪﻡ ﻛﯧﻤﯩﺴﯩﻨﻰ ﻗﻮﻳﯘﭖ ﺑﻪﺭﺩﻯ. ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﺋﺎﻟﻪﻡ ﻛﯧﻤﯩﺴﯩﮕﻪ ﺋﯩﻜﻜﻰ ﺧﯩﺘﺎﻱ ﺋﺎﻟﻪﻡ ﺋﯘﭼﻘﯘﭼﯩﺴﻰ ﺳﯧﻠﯩﻨﻐﺎﻥ ﺑﻮﻟﯘﭖ، ﺑﯘ ﻛﯧﻤﯩﻨﻰ ﺋﯘﺯﯗﻥ ﺳﻪﭘﻪﺭ ﺗﯩﭙﻠﯩﻖ ﺗﻮﺷﯘﻏﯘﭼﻰ ﺭﺍﻛﯧﺘﺎ ﺋﺎﻟﻪﻣﮕﻪ ﺋﯧﻠﯩﭗ ﻣﺎﯕﻐﺎﻥ.

ﺧﯩﺘﺎﻱ 1958 - ﻳﯩﻠﯩﺪﯨﻦ ﺑﯘﻳﺎﻥ ﺋﺎﻟﻪﻡ ﻗﺎﺗﻨﯩﺸﻰ ﻗﯘﺭﯗﻟﯘﺷﯩﻐﺎ ﺋﯩﺰﭼﯩﻞ ﻣﻪﺑﻠﻪﻍ ﺳﯧﻠﯩﭗ ﻛﯧﻠﯩﯟﺍﺗﻘﺎﻥ ﺑﻮﻟﯘﭖ، ﺷﯘ ﻳﯩﻠﻰ ﺧﯩﺘﺎﻱ ﺋﺎﺭﻣﯩﻴﯩﺴﻰ ﮔﻪﻧﺴﯘ ﺋﯚﻟﻜﯩﺴﯩﺪﯨﻜﻰ ﺟﻴﯘﭼﯜﻩﻥ ﺭﺍﻳﻮﻧﯩﻐﺎ ﺋﺎﻟﻪﻡ ﻛﯧﻤﯩﺴﻰ ﻗﻮﻳﯘﭖ ﺑﯧﺮﯨﺶ ﺑﺎﺯﯨﺴﻰ ﻗﯘﺭﻏﺎﻥ ﯞﻩ 2003 - ﻳﯩﻠﯩﻐﺎ ﻛﻪﻟﮕﻪﻧﺪﻩ ﺋﺎﻟﻪﻡ ﺋﯘﭼﻘﯘﭼﯩﺴﻰ ﺑﺎﺷﻘﯘﺭﯨﺪﯨﻐﺎﻥ ﺷﯧﻨﺠﯘ 5 ﺗﯩﭙﻠﯩﻖ ﺋﺎﻟﻪﻡ ﻛﯧﻤﯩﺴﯩﻨﻰ ﻗﻮﻳﯘﭖ ﺑﯧﺮﯨﭗ ﺧﻪﻗﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﻗﺎﺗﻘﺎﻥ ﺑﻮﻟﺴﺎ، ﺧﯩﺘﺎﻱ ﺋﺎﺭﻣﯩﻴﯩﺴﯩﻨﯩﯔ 2007 - ﻳﯩﻠﻰ ﻳﺎﻧﯟﺍﺭﺩﺍ ﻫﺎﯞﺍﺭﺍﻳﻰ ﺳﺎﻫﻪﺳﯩﺪﻩ ﺋﯩﺸﻠﯩﺘﯩﻠﯩﺪﯨﻐﺎﻥ ﺑﯩﺮ ﺳﯜﻧﺌﯩﻲ ﻫﻪﻣﺮﺍﻫﻨﻰ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﺪﺍ ﺋﯧﺘﯩﭗ ﭼﯜﺷﯜﺭﯛﺷﻰ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﻛﯜﭼﻠﯜﻙ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺋﯩﺪﻯ.