ﺋﺎﭘﺘﻮﺭ ﻛﯩﺘﺎﺑﯩﺪﺍ ﺧﯩﺘﺎﻱ ﻫﻪﺭﺑﯩﻲ ﺋﺎﺧﺒﺎﺭﺍﺕ ﺋﻮﺭﮔﯩﻨﯩﻨﯩﯔ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺑﯩﺮ ﺋﻪﻣﻪﻟﺪﺍﺭﯨﻨﯩﯔ 2006 ‏ - ﻳﯩﻠﻰ ﻣﻪﺧﺴﯘﺱ ﭘﺎﻛﯩﺴﺘﺎﻧﻐﺎ ﺑﯧﺮﯨﭗ، ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻳﯩﻐﯩﻨﯩﻨﯩﯔ ﺑﯩﺨﻪﺗﻪﺭﻟﯩﻜﻰ، ﺋﻮﻟﯩﻤﭙﯩﻚ ﻳﯩﻐﯩﻨﯩﺪﺍ ﺋﻪﻝ - ﻗﺎﺋﯩﺪﯨﻨﯩﯔ ﺧﯩﺘﺎﻳﻐﺎ ﻗﺎﺭﺷﻰ ﭘﺎﺭﺗﻠﯩﺘﯩﺶ ﻫﻪﺭﯨﻜﯩﺘﻰ ﺋﯧﻠﯩﭗ ﺑﺎﺭﻣﺎﺳﻠﯩﻘﻰ ﺗﻮﻏﺮﯨﺴﯩﺪﺍ ﺳﯚﻫﺒﻪﺕ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ، ﺳﯚﻫﺒﻪﺗﻨﯩﯔ ﺑﺎﻟﯘﭼﯩﺴﺘﺎﻧﺪﺍ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﺋﻪﺳﻪﺭﺩﻩ ﺋﺎﭘﺘﻮﺭ 2006 ‏ - ﻳﯩﻠﻰ ﭘﺎﻛﯩﺴﺘﺎﻧﻨﯩﯔ ﺑﺎﻟﯘﭼﯩﺴﺘﺎﻥ ﺋﯚﻟﻜﯩﺴﯩﺪﻩ ﺋﯧﻠﯩﭗ ﺑﯧﺮﯨﻠﻐﺎﻥ ﺳﯚﻫﺒﻪﺗﻜﻪ ﺧﯩﺘﺎﻱ ﻫﻪﺭﺑﯩﻲ ﺋﺎﺧﺒﺎﺭﺍﺕ ﺋﯩﺪﺍﺭﯨﺴﯩﻨﯩﯔ ﮔﯧﻨﯩﺮﺍﻟﻰ ﭼﯧﻦ ﺷﺎﯞﮔﯘﯕﻨﯩﯔ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ ﺑﻮﻟﯘﭖ، ﭼﯧﻦ ﺷﺎﯞﮔﯘﯓ ﻫﺎﺯﯨﺮ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺑﺎﺵ ﺷﺘﺎﺏ ﺑﺎﺷﻠﯩﻘﯩﻨﯩﯔ ﻳﺎﺭﺩﻩﻣﭽﯩﻠﯩﻚ ﯞﻩﺯﯨﭙﯩﺴﯩﻨﻰ ﺋﺎﺗﻘﯘﺭﯨﯟﺍﺗﻘﺎﻥ ﮔﯧﻨﯩﺮﺍﻟﻼﺭﻧﯩﯔ ﺑﯩﺮﯨﺪﯗﺭ.

ﻓﺎﻟﯩﮕﻮﺕ 600 ﺑﻪﺗﻠﯩﻚ ﭼﻮﯓ ﻫﻪﺟﯩﻤﺪﯨﻜﻰ ﻣﻪﺯﻛﯘﺭ ﻛﯩﺘﺎﺑﯩﺪﺍ ﺧﯩﺘﺎﻱ ﺑﯩﻠﻪﻥ ﺋﻪﻝ - ﻗﺎﺋﯩﺪﻩ ﺋﺎﺭﯨﺴﯩﺪﯨﻜﻰ ﺳﯚﻫﺒﻪﺕ 2006‏ - ﻳﯩﻠﻰ ﭘﺎﻛﯩﺴﺘﺎﻧﺪﺍ ﺧﯩﺘﺎﻱ ﺋﯩﻨﮋﯦﻨﯧﺮﻻﺭﻧﯩﯔ ﺋﯚﻟﺘﯜﺭﯛﻟﯜﺵ ﯞﻩﻗﻪﺳﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯧﻠﯩﭗ ﺑﯧﺮﯨﻠﻐﺎﻧﻠﯩﻘﯩﻨﻰ، ﺧﯩﺘﺎﻳﻨﯩﯔ ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﭘﯩﻜﯩﺮ ﺑﯩﺮﻟﯩﻜﯩﮕﻪ ﻛﻪﻟﮕﻪﻧﻠﯩﻜﯩﻨﻰ ﯞﻩ ﺋﻪﻝ - ﻗﺎﺋﯩﺪﯨﻨﯩﯔ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﻰ ﺋﯚﻟﺘﯜﺭﯛﺷﻨﻰ ﺗﻮﺧﺘﺎﺗﻘﺎﻧﻠﯩﻘﯩﻨﻰ ﻳﺎﺯﯨﺪﯗ. ﻓﺎﻟﯩﮕﻮﺕ ﺋﻪﺳﻪﺭﺩﻩ ﻣﯘﻧﺪﺍﻕ ﺩﯦﮕﻪﻥ ": ﺧﯩﺘﺎﻱ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻣﯘﺟﺎﻫﯩﺪﻻﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻨﻰ ﻫﯧﭽﻘﺎﭼﺎﻥ ﺋﯜﺯﯛﯞﻩﺗﻤﯩﮕﻪﻥ ﺋﯩﺪﻯ. ﻫﻪﺗﺘﺎ ﺋﯘﻻﺭ11‏ - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻨﻤﯘ ﺑﯘ ﻣﯘﻧﺎﺳﯩﯟﻩﺗﻨﻰ ﺩﺍﯞﺍﻣﻼﺷﺘﯘﺭﺩﻯ. ﺷﯘﯕﺎ ﺑﯧﻴﺠﯩﯔ ﺋﻮﻟﯩﻤﭙﯩﻜﻨﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺋﯚﺗﻜﯜﺯﯛﺷﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ ﮔﯧﻨﯧﺮﺍﻝ ﭼﯧﻦ ﺷﺎﯞﮔﯘﯕﻨﻰ ﭘﺎﻛﯩﺴﺘﺎﻧﻐﺎ ﻳﻮﻟﻐﺎ ﺳﺎﻟﻐﺎﻥ ﺋﯩﺪﻯ. ﭼﯧﻦ ﺷﺎﯞﮔﯘﯓ ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﻳﯜﺯ ﺗﯘﺭﺍﻧﻪ ﺳﯚﻫﺒﻪﺕ ﺋﯚﺗﻜﯜﺯﯛﭖ، ﺧﯩﺘﺎﻱ ﺗﻪﺭﻩﭖ ﺑﻪﺯﻯ "ﺋﻪﻗﯩﻠﮕﻪ ﻣﯘﯞﺍﭘﯩﻖ ﺷﻪﺭﺗﻠﻪﺭﻧﻰ" ﻗﻮﺑﯘﻝ ﻗﯩﻠﻐﺎﻧﺪﯨﻦ ﻛﯧﻴﯩﻦ، ﺋﻪﻝ - ﻗﺎﺋﯩﺪﻩ ﺋﻮﻟﯩﻤﭙﯩﻚ ﻳﯩﻐﯩﻨﯩﻐﺎ ﻫﯘﺟﯘﻡ ﻗﯩﻠﻤﺎﺳﻠﯩﻘﻘﺎ ﯞﻩﺩﻩ ﺑﻪﺭﮔﻪﻥ."

ﺋﺎﻣﯧﺮﯨﻜﺎ ﺳﺎﺭﺍﻛﻴﯘﺯ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﺩﻭﻛﺘﻮﺭ ﻛﺎﻧﺪﯨﺪﺍﺗﻰ ﻗﯩﻠﯩﭻ ﻗﺎﻧﺎﺕ،ﺧﯩﺘﺎﻱ ﺋﺎﺧﺒﺎﺭﺍﺕ ﺋﻮﺭﮔﯩﻨﯩﻨﯩﯔ ﺋﻪﻝ - ﻗﺎﺋﯩﺪﻩ ﺑﯩﻠﻪﻥ ﺋﯘﭼﺮﺍﺷﻘﺎﻧﻠﯩﻘﯩﻐﺎ ﺩﺍﺋﯩﺮ ﺑﯘ ﺗﯜﺭﺩﯨﻜﻰ ﺧﻪﯞﻩﺭﻟﻪﺭﻧﻰ ﺋﯩﺴﭙﺎﺗﻼﺷﻨﯩﯔ ﻗﯩﻴﯩﻨﻠﯩﻘﯩﻨﻰ ﺑﯩﻠﺪﯛﺭﺩﻯ. ﺭﻭﮔﯧﺮ ﻓﺎﻟﯩﮕﻮﺕ "ﺧﯩﺘﺎﻳﻨﯩﯔ ﻣﻪﺧﭙﯩﻲ ﺧﯩﺰﻣﻪﺕ ﺋﯩﺪﺍﺭﯨﺴﻰ" ﺩﯦﮕﻪﻥ ﺋﻪﺳﯩﺮﯨﺪﻩ، ﺧﯩﺘﺎﻱ ﻣﻪﺧﭙﯩﻲ ﺧﯩﺰﻣﻪﺕ ﺋﯩﺪﺍﺭﯨﺴﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻣﯘﺟﺎﻫﯩﺪﻻﺭ ﺑﯩﻠﻪﻥ ﺑﻮﻟﻐﺎﻥ ﺋﺎﻻﻗﯩﺴﯩﻨﯩﯔ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﺎﻓﻐﺎﻧﯩﺴﺘﺎﻧﻐﺎ ﺗﺎﺟﺎﯞﯗﺯ ﻗﯩﻠﻐﺎﻥ ﻳﯩﻠﻼﺭﻏﺎ ﻗﻪﺩﻩﺭ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﺋﺎﭘﺘﻮﺭ ﺑﯘ ﺗﻮﻏﺮﯨﺴﯩﺪﺍ ﻣﯘﻧﺪﺍﻕ ﻳﺎﺯﯨﺪﯗ: "ﺧﯩﺘﺎﻳﻨﯩﯔ ﺩﯨﻨﯩﻲ ﺭﺍﺩﯨﻜﺎﻝ ﻫﻪﺭﯨﻜﻪﺗﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ 1979 ‏ - ﻳﯩﻠﻰ ﺋﺎﻓﻐﺎﻧﯩﺴﺘﺎﻧﻐﺎ ﺗﺎﺟﺎﯞﯗﺯ ﻗﯩﻠﻐﺎﻥ ﻳﯩﻠﻼﺭﻏﺎ ﻗﻪﺩﻩﺭ ﺗﯘﺗﯩﺸﯩﺪﯗ. ﮔﻪﺭﭼﻪ ﺧﯩﺘﺎﻱ ﺑﯩﻠﻪﻥ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺳﻮﺗﺴﯩﻴﺎﻟﯩﺴﺘﯩﻚ ﺩﯙﻟﻪﺗﻠﻪﺭ ﺑﻮﻟﺴﯩﻤﯘ، ﻟﯧﻜﯩﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﺑﻮﻟﻐﺎﻥ ﺋﯚﭼﻤﻪﻧﻠﯩﻜﻰ ﺳﻪﯞﻩﺑﯩﺪﯨﻦ ﻏﻪﺭﺏ ﺋﻪﻟﻠﯩﺮﻯ ﺑﯩﻠﻪﻥ ﺑﯩﺮ ﻣﻪﻳﺪﺍﻧﺪﺍ ﺗﯘﺭﯗﭖ، ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻏﺎﺯﺍﺕ ﻫﻪﺭﯨﻜﯩﺘﯩﻨﻰ ﻗﻮﻟﻠﯩﻐﺎﻥ ﺋﯩﺪﻯ. ﺧﯩﺘﺎﻱ ﺋﺎﺳﺎﺳﻠﯩﻘﻰ ﻏﺎﺯﺍﺗﭽﯩﻼﺭﻧﻰ ﭘﯩﻠﯩﻤﻮﺕ ﯞﻩ ﺋﺎﭘﺘﻮﻣﺎﺗﻼﺭ ﺑﯩﻠﻪﻥ ﺗﻪﻣﯩﻨﻠﯩﮕﻪﻥ."

ﺭﻭﮔﯧﺮ ﻓﺎﻟﯩﮕﻮﺕ، ﺋﻪﻳﻨﻰ ﭼﺎﻏﺪﺍ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻣﯘﺟﺎﻫﯩﺪﻻﺭﻧﻰ ﻗﻮﺭﺍﻝ - ﻳﺎﺭﺍﻗﻼﺭ ﺑﯩﻠﻪﻥ ﺗﻪﻣﯩﻨﻠﻪﺵ ﺋﯩﺸﯩﻐﺎ ﭘﺎﻛﯩﺴﺘﺎﻧﺪﯨﻜﻰ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻨﯩﯔ ﻫﻪﺭﺑﯩﻲ ﻣﻪﺳﻠﯩﻬﻪﺗﭽﯩﺴﻰ ﻛﯘﯓ ﺟﯩﻨﯩﯖﻨﯩﯔ ﻣﻪﺳﺌﯘﻝ ﺑﻮﻟﻐﺎﻧﻠﯩﻘﯩﻨﻰ، ﻛﯘﯓ ﺟﯩﻨﯩﯔ ﺑﻮﻟﺴﺎ ﻣﺎﯞ ﺯﯦﺪﻭﯕﻨﯩﯔ ﻧﻪﯞﺭﯨﺴﻰ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯘ، "ﺑﯘ ﺋﯩﺸﻼﺭﻏﺎ ﻛﯘﯓ ﺟﯩﻨﯩﯖﻨﯩﯔ ﺗﺎﻟﻼﻧﻐﺎﻧﻠﯩﻘﻰ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﻫﻪﺭﯨﻜﻪﺗﻨﯩﯔ ﻣﯘﻫﯩﻤﻠﯩﻘﯩﻨﻰ ﻧﺎﻣﺎﻳﻪﻥ ﻗﯩﻼﺗﺘﻰ. ﺑﯘ ﻣﯘﻧﺎﺳﯩﯟﻩﺕ ﺗﺎﻛﻰ ﺗﺎﻟﯩﺒﺎﻧﻼﺭ ﺩﻩﯞﺭﯨﮕﻪ ﻗﻪﺩﻩﺭ ﺩﺍﯞﺍﻡ ﻗﯩﻠﺪﻯ. 2001 ‏ - ﻳﯩﻠﻨﯩﯔ ﺋﺎﺧﯩﺮﻟﯩﺮﻯ ﺋﺎﻣﯧﺮﯨﻜﺎ ﺋﺎﻓﻐﺎﻧﯩﺴﺘﺎﻧﻐﺎ ﻣﯘﺩﺍﺧﯩﻠﻪ ﻗﯩﻠﻐﺎﻧﺪﺍ ﺗﺎﻟﯩﺒﺎﻧﻼﺭ ﭘﺎﺭﺗﻠﯩﻤﺎﻱ ﻗﺎﻟﻐﺎﻥ ﺋﺎﻣﯧﺮﯨﻜﺎ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻨﻰ ﺧﯩﺘﺎﻱ ﺩﻭﺳﺘﻠﯩﺮﯨﻐﺎ ﺑﻪﺭﮔﻪﻥ ﺋﯩﺪﻯ."

ﺋﺎﻣﯧﺮﯨﻜﺎ ﺳﺎﺭﺍﻛﻴﯘﺯ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﻗﯩﻠﯩﭻ ﻗﺎﻧﺎﺕ، 1970 ‏ - ﯞﻩ 80‏ - ﻳﯩﻠﻼﺭﻧﯩﯔ ﺑﺎﺷﻠﯩﺮﯨﺪﺍ ﺧﯩﺘﺎﻱ ﺳﻮﯞﯦﺘﻜﻪ ﻗﺎﺭﺷﻰ ﺋﺎﻓﻐﺎﻥ ﻣﯘﺟﺎﻫﯩﺪﻟﯩﺮﯨﻨﻰ ﻗﻮﻟﻠﯩﻐﺎﻥ ﺩﯦﻴﯩﺸﻨﯩﯔ "ﻣﻪﻧﺘﯩﻘﯩﻐﻪ ﺋﯘﻳﻐﯘﻥ" ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﯧﻜﯩﻦ ﭼﻪﺗﺌﻪﻟﺪﯨﻜﻰ ﺑﯩﺮ ﻗﯩﺴﯩﻢ ﺧﯩﺘﺎﻱ ﺗﻮﺭ ﺑﻪﺗﻠﯩﺮﯨﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯘ ﻫﻪﻗﺘﯩﻜﻰ ﺑﻪﺯﻯ ﺧﻪﯞﻩﺭﻟﻪﺭﺩﻩ ﺧﯩﺘﺎﻱ ﻣﻪﺧﭙﯩﻲ ﺧﯩﺰﻣﻪﺕ ﺋﻮﺭﮔﯩﻨﯩﺪﯨﻜﻰ ﺋﯩﺴﻤﯩﻨﻰ ﺋﺎﺷﻜﺎﺭﯨﻼﺷﻨﻰ ﺧﺎﻟﯩﻤﺎﻳﺪﯨﻐﺎﻥ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺭﻭﮔﯧﺮ ﻓﺎﻟﯩﮕﻮﺗﻨﯩﯔ ﻛﯩﺘﺎﺑﯩﺪﯨﻜﻰ ﻗﺎﺭﺍﺷﻼﺭﻧﻰ ﺭﻩﺕ ﻗﯩﻠﯩﭗ، "ﺟﯘﯕﮕﻮ ﺋﻪﻝ - ﻗﺎﺋﯩﺪﯨﮕﻪ ﻗﺎﻧﭽﯩﻠﯩﻚ ﻣﻪﻧﭙﻪﺋﻪﺕ ﺑﻪﺭﺳﻪ ﺋﯘﻧﯩﯔ ﻫﯘﺟﯘﻡ ﻗﯩﻠﻤﺎﺳﻠﯩﻘﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻼﻻﻳﺪﯗ ؟ ﺋﻪﯓ ﻣﯘﻫﯩﻤﻰ ﺟﯘﯕﮕﻮ ﺑﯩﻦ ﻻﺩﯨﻨﻨﯩﯔ ﯞﻩﺩﯨﺴﯩﮕﻪ ﺋﯩﺸﯩﻨﻪﻣﺪﯗ؟" ﺩﻩﭖ ﺳﻮﺭﯨﻐﺎﻧﻠﯩﻘﯩﻨﻰ، "ﺧﯩﺘﺎﻳﻨﯩﯔ ﭘﺎﻛﯩﺴﺘﺎﻧﻐﺎ ﺋﻮﺧﺸﺎﺵ ﻳﺎﺕ ﺋﻪﻟﺪﻩ ﺑﯘ ﺧﻪﺗﻪﺭﮔﻪ ﺗﻪﯞﻩﻛﻜﯜﻝ ﻗﯩﻠﻤﺎﻳﺪﯨﻐﺎﻧﻠﯩﻘﻰ"ﻧﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻟﯧﻜﯩﻦ ﺭﻭﮔﯧﺮ ﻓﺎﻟﯩﮕﻮﺕ ﺧﯩﺘﺎﻳﭽﯩﻨﻰ ﻳﺎﺧﺸﻰ ﺑﯩﻠﯩﺪﯨﻐﺎﻥ، ﺋﯘﺯﯗﻥ ﻳﯩﻠﻼﺭ ﺋﻪﻧﮕﯩﻠﯩﻴﻪ ﯞﻩ ﺷﯩﻤﺎﻟﯩﻲ ﺋﯩﺮﻻﻧﺪﯨﻴﯩﺪﻩ ﺧﯩﺰﻣﻪﺕ ﻗﯩﻠﻐﺎﻥ ﻓﺮﺍﻧﺴﯩﻴﯩﻠﯩﻚ ﮊﯗﺭﻧﺎﻟﯩﺴﺖ ﺑﻮﻟﯘﭖ، ﺑﻪﺯﻯ ﺑﺎﻫﺎﻟﯩﻐﯘﭼﯩﻼﺭﻧﯩﯔ ﻣﻪﺯﻛﯘﺭ ﻛﯩﺘﺎﺑﻨﻰ 20"‏ - ﺋﻪﺳﯩﺮﻧﯩﯔ 20‏ - ﻳﯩﻠﻠﯩﺮﯨﺪﯨﻦ ﺩﻩﯞﺭﯨﻤﯩﺰﮔﻪ ﻗﻪﺩﻩﺭ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﻛﻮﻣﭙﺎﺭﺗﯩﻴﯩﻨﯩﯔ ﺋﺎﺧﺒﺎﺭﺍﺕ ﯞﻩ ﻣﻪﺧﭙﯩﻲ ﻫﻪﺭﯨﻜﯩﺘﯩﮕﻪ ﺩﺍﺋﯩﺮ ﻳﯩﺮﯨﻚ ﺋﻪﺳﻪﺭ،" ﺩﻩﭖ ﺑﺎﻫﺎﻟﯩﻐﺎﻧﻠﯩﻘﻰ ﺗﻪﻛﯩﺘﻠﻪﻧﻤﻪﻛﺘﻪ. ﻣﻪﺯﻛﯘﺭ ﻛﯩﺘﺎﺏ ﻧﻪﺷﺮ ﻗﯩﻠﯩﻨﯩﺸﻰ ﺑﯩﻠﻪﻥ ﻓﺮﺍﻧﺴﯩﻴﻪ ﯞﻩ ﻳﺎﯞﺭﻭﭘﺎﺩﯨﻜﻰ ﺑﻪﺯﻯ ﻣﻪﺗﺒﯘﺋﺎﺗﻼﺭ "ﺧﯩﺘﺎﻱ ﺋﻪﻝ - ﻗﺎﺋﯩﺪﯨﮕﻪ ﺯﺍﺩﻯ ﻧﯧﻤﻪ ﻣﻪﻧﭙﻪﺋﻪﺗﻠﻪﺭﻧﻰ ﺑﻪﺭﺩﻯ ؟ ﺑﯘﻧﯩﯖﻐﺎ ﺋﯩﺰﺍﻫﺎﺕ ﺑﯧﺮﯨﺸﻰ ﻛﯧﺮﻩﻙ " ﺩﻩﭖ ﺗﻪﻛﯩﺘﻠﯩﮕﻪﻥ ﺋﯩﺪﻯ.