ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﺍ ﺋﻪﻝ - ﻗﺎﺋﯩﺪﻩ ﺗﺎﻟﯩﺒﺎﻧﻼﺭﻏﺎ ﻗﺎﺭﺷﻰ ﺋﯘﺭﯗﺷﻰ 7 - ﻳﯩﻠﻐﺎ ﻛﯩﺮﮔﻪﻥ، ﻟﯧﻜﯩﻦ ﺋﻪﻝ - ﻗﺎﺋﯩﺪﻩ ﯞﻩ ﺗﺎﻟﯩﺒﺎﻧﻼﺭﻧﯩﯔ ﻫﻪﺭﯨﻜﯩﺘﻰ ﻳﯧﻘﯩﻨﺪﯨﻦ ﺑﯧﺮﻯ ﻗﺎﻳﺘﺎ ﺋﯘﻟﻐﺎﻳﻐﺎﻥ ﻣﻪﺯﮔﯩﻠﺪﻩ ﭼﺎﻗﯩﺮﯨﻠﺪﻯ. ﻳﯩﻐﯩﻨﺪﺍ ﺋﻪﺭﺑﺎﭘﻼﺭ ﺧﯩﺘﺎﻳﻨﯩﯔ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺗﯜﭘﻪﻳﻠﻰ ﺭﺍﻳﻮﻧﺪﺍ ﺩﯨﻨﯩﻲ ﺋﻪﺳﻪﺑﯩﻲ ﻛﯜﭼﻠﻪﺭﻧﯩﯔ ﻛﯜﭼﯩﻴﯩﺸﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ. ﻟﯧﻜﯩﻦ ﺧﯩﺘﺎﻱ ﻧﯧﻤﻪ ﺋﯜﭼﯜﻥ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺋﯘﺭﯗﺷﯩﻐﺎ ﻳﺎﺭﺩﻩﻣﺪﻩ ﺑﻮﻟﻤﯩﻐﺎﻧﻠﯩﻘﯩﻨﯩﯔ ﺳﻪﯞﻩﺑﻰ ﺋﯜﺳﺘﯩﺪﻩ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﺩﻩ ﺑﻮﻟﺪﻯ.

ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﯧﭽﯩﻠﻐﺎﻥ ﭼﺎﺭﺷﻪﻧﺒﻪ ﻛﯜﻧﻜﻰ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﻰ ﺋﺎﻣﯧﺮﯨﻜﺎ 11 - ﺳﯧﻨﺘﻪﺑﯩﺮ ﯞﻩﻗﻪﺳﯩﺪﯨﻦ ﻛﯧﻴﯩﻦ ﺋﺎﻓﻐﺎﻧﯩﺴﺘﺎﻧﺪﺍ ﻗﻮﺯﻏﯩﻐﺎﻥ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺋﯘﺭﯗﺵ 7 - ﻳﯩﻠﻐﺎ ﻛﯩﺮﮔﻪﻥ، ﻟﯧﻜﯩﻦ ﺑﯘ ﻳﯩﻠﻼﺭ ﻣﺎﺑﻪﻳﻨﯩﺪﻩ ﺗﺎﻟﯩﺒﺎﻧﻼﺭ ﯞﻩ ﺋﻪﻝ - ﻗﺎﺋﯩﺪﻩ ﮔﯘﺭﯗﻫﻰ ﻳﻮﻗﯘﺗﯘﻟﻤﺎﻳﻼ ﻗﺎﻟﻤﺎﻱ، ﺋﯘﻻﺭﻧﯩﯔ ﻗﺎﻳﺘﺎ ﺑﺎﺵ ﻛﯚﺗﯜﺭﯛﺵ ﺋﯧﻬﺘﯩﻤﺎﻟﻰ ﻛﯜﭼﻪﻳﮕﻪﻥ ﻣﻪﺯﮔﯩﻠﺪﻩ ﺋﯚﺗﻜﯜﺯﯛﻟﮕﻪﻥ ﻳﯩﻐﯩﻨﻼﺭﻧﯩﯔ ﺑﯩﺮﻯ ﺋﯩﺪﻯ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺗﯘﺭﯗﺵ ﻫﻪﺭﯨﻜﯩﺘﯩﺪﻩ ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺶ ﻣﯘﻣﻜﯩﻨﭽﯩﻠﯩﻜﯩﻨﯩﯔ ﺑﺎﺭ - ﻳﻮﻗﻠﯘﻗﻰ، ﻳﯩﻐﯩﻨﺪﯨﻜﻰ ﻣﯘﺯﺍﻛﯩﺮﻩ ﺗﯧﻤﯩﻠﯩﺮﯨﻨﯩﯔ ﺑﯩﺮﻯ ﺑﻮﻟﯘﭖ ﻗﺎﻟﺪﻯ. ﺷﯘ ﻛﯜﻧﻜﻰ ﻳﯩﻐﯩﻨﺪﺍ ﻛﻠﯩﻨﺘﻮﻥ ﻫﯚﻛﯜﻣﯩﺘﻰ ﺩﻩﯞﺭﯨﺪﻩ ﯞﻩﺯﯨﭙﻪ ﺋﯚﺗﯩﮕﻪﻥ ﺑﻪﺯﻯ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺩﯨﭙﻠﻮﻣﺎﺗﻼﺭ ﺋﯩﺴﭙﺎﺕ ﺑﻪﺭﮔﻪﻥ ﺑﻮﻟﯘﭖ، ﺋﯘﻻﺭﻧﯩﯔ ﺋﯩﭽﯩﺪﻩ ﺋﺎﻣﯧﺮﯨﻜﯩﻨﯩﯔ ﺳﺎﺑﯩﻖ ﻳﺎﺭﺩﻩﻣﭽﻰ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺭﯨﭽﺎﺭﺩ ﺧﻮﻟﺒﯘﺭﻙ، ﺋﺎﻣﯧﺮﯨﻜﯩﻨﯩﯔ ﺏ ﺩ ﺕ ﺩﯨﻜﻰ ﺳﺎﺑﯩﻖ ﺑﺎﺵ ﺋﻪﻟﭽﯩﺴﻰ ﺗﻮﻣﺎﺱ ﭘﻜﯧﺮﯨﯖﻼﺭ ﺑﺎﺭ ﺋﯩﺪﻯ.

ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﺪﻩ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﯞﻩﺯﯨﭙﯩﻠﻪﺭﻧﻰ ﺋﯚﺗﯩﮕﻪﻥ ﺑﯘ ﺩﯨﭙﻠﻮﻣﺎﺗﻼﺭﻧﯩﯔ ﭘﯩﻜﯩﺮ ﺟﻪﻫﻪﺗﺘﯩﻜﻰ ﺋﻮﺭﺗﺎﻗﻠﯩﻘﻰ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺭﺍﻳﻮﻧﺪﯨﻜﻰ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺳﯩﻴﺎﺳﯩﺘﯩﻨﻰ ﻛﻪﺳﻜﯩﻦ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ ﺋﯩﻜﻪﻧﻠﯩﻜﯩﺪﻩ ﺷﯘﻧﺪﺍﻗﻼ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﺋﺎﻓﻐﺎﻧﯩﺴﺘﺎﻧﺪﺍ ﻣﻪﻧﭙﻪﺋﻪﺕ ﺑﯩﺮﻟﯩﻜﯩﮕﻪ ﺋﯩﮕﻪ، ﺋﺎﻓﻐﺎﻧﯩﺴﺘﺎﻥ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻱ ﻫﻪﻣﻜﺎﺭﻟﯩﻘﯩﻨﻰ ﻛﯜﭼﻪﻳﺘﻪﻟﻪﻳﺪﯨﻐﺎﻥ ﺑﯩﺮ ﺳﺎﻫﻪ، ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﺪﺍ ﺋﯩﺪﻯ. ﻳﯩﻐﯩﻨﺪﺍ ﺭﯨﭽﺎﺭﺩ ﺧﻮﻟﺒﯘﺭﻙ ﺧﯩﺘﺎﻳﻨﯩﯔ ﺋﻪﺗﺮﺍﭘﯩﺪﯨﻜﻰ ﺧﻮﺷﻨﺎ ﺋﻪﻟﻠﻪﺭﺩﻩ ﯞﻩﺯﯨﻴﻪﺗﻨﯩﯔ ﻣﯘﻗﯩﻢ ﺑﻮﻟﯘﺷﯩﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﻰ، ﺑﯘﻧﯩﯔ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﻐﺎ ﺭﺍﻳﻮﻧﺪﺍ ﺋﯚﺯ ﺋﺎﺭﺍ ﻫﻪﻣﻜﺎﺭﻟﯩﺸﯩﺶ ﺋﯩﻤﻜﺎﻧﯩﻴﯩﺘﻰ ﻳﺎﺭﯨﺘﯩﯟﺍﺗﻘﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺋﯚﺯﯨﻨﯩﯔ ﻳﯧﻘﯩﻨﺪﺍ ﺑﯧﻴﺠﯩﯖﻐﺎ ﺑﺎﺭﻏﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﺭﯨﭽﺎﺭﺩ ﺧﻮﻟﺒﺮﯗﻛﻨﯩﯔ ﺑﯘ ﻫﻪﻗﺘﯩﻜﻰ ﺳﯚﺯﻧﻰ ﺋﺎﯕﻼﭖ ﺑﺎﻗﺎﻳﻠﻰ. ﺋﯘ،" ﻣﻪﻥ 4 - ﺋﺎﻳﺪﺍ ﺑﯧﻴﺠﯩﯖﻐﺎ ﺑﯧﺮﯨﭗ ﺧﯩﺘﺎﻱ ﺗﻪﺭﻩﭖ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻥ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﺳﯚﺯﻟﻪﺷﺘﯩﻢ. ﺋﯘﻻﺭ ﺋﺎﻓﻐﺎﻧﯩﺴﺘﺎﻥ ﯞﻩﺯﯨﻴﯩﺘﯩﮕﻪ ﻧﺎﻫﺎﻳﯩﺘﻰ ﺩﯨﻘﻘﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﺷﺘﻰ. ﻣﻪﻥ ﺋﻮﻳﻼﻳﻤﻪﻧﻜﻰ ﺋﯘﻻﺭ ﺑﯩﺰﮔﻪ ﺋﻮﺧﺸﺎﺷﻼ ﺋﺎﻓﻐﺎﻧﯩﺴﺘﺎﻥ ﻫﯚﻛﯜﻣﯩﺘﯩﻨﯩﯔ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﺑﻮﻟﯘﺷﯩﻨﻰ، ﺋﺎﻓﻐﺎﻧﯩﺴﺘﺎﻧﻨﯩﯔ ﻣﯘﻗﯩﻤﻠﯩﻘﯩﻨﻰ ﺋﺎﺭﺯﯗ ﻗﯩﻠﯩﺪﯗ. ﺋﺎﻓﻐﺎﻧﯩﺴﺘﺎﻥ ﺋﺎﻣﯧﺮﯨﻜﺎ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯚﺯ ﺋﺎﺭﺍ ﻫﻪﻣﻜﺎﺭﻟﯩﻘﯩﻨﻰ ﺯﻭﺭ ﺩﻩﺭﯨﺠﯩﺪﻩ ﻛﯜﭼﻪﻳﺘﻪﻟﻪﻳﺪﯨﻐﺎﻥ ﺑﯩﺮ ﺳﺎﻫﻪ،" ﺩﻩﻳﺪﯗ.

ﺧﯩﺘﺎﻱ ﻫﯚﻛﯜﻣﯩﺘﻰ ﺟﻴﺎﯓ ﺯﯦﻤﯩﻦ ﺩﻩﯞﺭﯨﺪﻩ ﺋﺎﻣﯧﺮﯨﻜﯩﻨﯩﯔ 2001 - ﻳﯩﻠﻰ ﺋﺎﻓﻐﺎﻧﯩﺴﺘﺎﻧﺪﺍ ﺗﺎﻟﯩﺒﺎﻧﻼﺭ ﯞﻩ ﺋﻪﻝ - ﻗﺎﺋﯩﺪﯨﮕﻪ ﻗﺎﺭﺷﻰ ﻗﻮﺯﻏﯩﻐﺎﻥ ﻫﻪﺭﺑﯩﻲ ﻫﻪﺭﯨﻜﯩﺘﯩﻨﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ، ﺋﺎﻣﯧﺮﯨﻜﺎ ﺑﻮﻟﺴﺎ ﺋﺎﻓﻐﺎﻧﯩﺴﺘﺎﻧﻨﻰ ﺑﺎﺯﺍ ﻗﯩﻠﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﺗﯧﺮﺭﻭﺭﯨﺰﻡ ﻣﯘﺩﺩﯨﺌﺎﺳﯩﺪﯨﻜﻰ ﺗﻪﺷﻜﯩﻼﺗﻼﺭ ﺗﯩﺰﯨﻤﻠﯩﻜﯩﮕﻪ ﻛﯩﺮﮔﯜﺯﮔﻪﻥ ﺋﯩﺪﻯ. ﺋﻮﺗﺘﯘﺭﯨﺪﺍ ﺧﯧﻠﻰ ﻳﯩﻠﻼﺭ ﺋﯚﺗﺘﻰ، ﺋﻪﻣﻤﺎ ﺵ ﺕ ﺋﻰ ﻫﻪﺭﯨﻜﯩﺘﯩﻨﯩﯔ ﻳﯧﻘﯩﻨﻘﻰ ﭘﺎﺋﺎﻟﯩﻴﯩﺘﯩﮕﻪ ﺋﺎﺋﯩﺖ ﺋﯘﭼﯘﺭﻻﺭ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﻳﻪﻧﻪ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ. ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻟﯩﻜﻰ ﺗﯧﺮﺭﻭﺭﯨﺰﯨﻤﻐﺎ ﻗﺎﺭﺷﻰ ﺗﯘﺭﯗﺵ ﺧﯩﺰﻣﯩﺘﯩﻨﯩﯔ ﻣﻪﺳﺌﯘﻟﻰ ﺩﯦﻠﻞ ﺩﯦﻴﻠﯧﻲ ﻳﯧﻘﯩﻨﺪﺍ ﺧﯩﺘﺎﻱ ﺗﻪﺭﻩﭘﻨﯩﯔ ﺑﯘ ﻫﻪﻗﺘﯩﻜﻰ ﺋﯘﭼﯘﺭﯨﻐﺎ ﺩﯨﻘﻘﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺷﯘﻧﺪﺍﻗﻼ ﺑﯘ ﺋﻪﻫﯟﺍﻟﻨﯩﯔ ﺋﺎﻓﻐﺎﻧﯩﺴﺘﺎﻥ ﯞﻩ ﭘﺎﻛﯩﺴﺘﺎﻧﺪﯨﻜﻰ ﯞﻩﺯﯨﻴﻪﺕ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯘﺵ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﯩﻨﻰ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﻧﯧﻤﻪ ﺋﯜﭼﯜﻥ ﺋﺎﻓﻐﺎﻧﯩﺴﺘﺎﻥ ﯞﻩﺯﯨﻴﯩﺘﯩﻨﯩﯔ ﻣﯘﻗﯩﻤﻠﯩﻘﻰ ﯞﻩ ﺗﯩﻨﭽﻠﯩﻘﯩﻨﻰ ﺋﯩﺴﺘﻪﻳﺪﯗ ؟ ﺋﺎﻣﯧﺮﯨﻜﯩﻨﯩﯔ ﺏ ﺩ ﺕ ﺩﯨﻜﻰ ﺳﺎﺑﯩﻖ ﺑﺎﺵ ﺋﻪﻟﭽﯩﺴﻰ ﺗﻮﻣﺎﺱ ﭘﻜﯧﺮﯨﯔ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﺎﻣﯧﺮﯨﻜﺎ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﺑﯘ ﻫﻪﻗﺘﯩﻜﻰ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ ﺑﯘﻧﯩﯔ ﺳﻪﯞﻩﺑﯩﻨﻰ ﭼﯜﺷﻪﻧﺪﯛﺭﺩﻯ. ﺋﯘ، ﺧﯩﺘﺎﻳﻨﯩﯔ ﺭﺍﻳﻮﻧﺪﯨﻜﻰ ﺩﯙﻟﻪﺗﻠﻪﺭﮔﻪ ﻗﯩﺰﯨﻘﯩﺸﯩﻨﻰ ﺋﯘﻳﻐﯘﺭﻻﺭﻧﯩﯔ ﺑﯘ ﺭﺍﻳﻮﻧﺪﺍ ﺋﯧﻠﯩﭗ ﺑﺎﺭﻏﺎﻥ ﭘﺎﺋﺎﻟﯩﻴﯩﺘﯩﮕﻪ ﺑﺎﻏﻼﻳﺪﯗ.

ﺗﻮﻣﺎﺱ ﭘﻜﯧﺮﯨﯖﻨﯩﯔ ﺋﻪﺳﻜﻪﺭﺗﯩﺸﯩﭽﻪ، " ﺧﯩﺘﺎﻱ ﺑﯘ ﺭﺍﻳﻮﻧﻨﯩﯔ ﯞﻩﺯﯨﻴﯩﺘﯩﮕﻪ ﻧﺎﻫﺎﻳﯩﺘﻰ ﻗﯩﺰﯨﻘﯩﺪﯗ. ﭼﯜﻧﻜﻰ ﺧﯩﺘﺎﻱ ﺋﯘﻳﻐﯘﺭﻻﺭﻧﯩﯔ ﺗﺎﻟﯩﺒﺎﻥ ﺩﻩﯞﺭﯨﺪﯨﻜﯩﮕﻪ ﺋﻮﺧﺸﺎﺵ ﺋﺎﻓﻐﺎﻧﯩﺴﺘﺎﻥ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﻗﻮﻟﻼﺵ ﯞﻩ ﻫﻪﺭﺑﯩﻲ ﺗﻪﻟﯩﻢ - ﺗﻪﺭﺑﯩﻴﻪ ﺋﯧﻠﯩﺸﯩﺪﯨﻦ ﺋﻪﻧﺴﯩﺮﻩﻳﺪﯗ. ﺷﯘﯕﺎ ﻣﻪﻥ ﺋﻮﻳﻼﻳﻤﻪﻧﻜﻰ ﺧﯩﺘﺎﻱ ﻣﻪﺯﻛﯘﺭ ﺭﺍﻳﻮﻧﺪﺍ ﺋﯩﻨﻘﯩﻼﺏ ﯞﻩ ﻗﺎﻻﻳﻤﯩﻘﺎﻧﭽﯩﻠﯩﻘﻨﯩﯔ ﺩﺍﯞﺍﻣﻠﯩﺸﯩﺸﯩﻨﻰ ﺋﻪﻣﻪﺱ، ﯞﻩﺯﯨﻴﻪﺗﻨﯩﯔ ﻣﯘﻗﯩﻤﻠﯩﺸﯩﺸﯩﻨﻰ ﺋﺎﺭﺯﯗ ﻗﯩﻠﯩﺪﯗ.

" ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﺪﻩ ﺋﯩﺴﭙﺎﺕ ﺑﯧﺮﯨﺶ ﻳﯩﻐﯩﻨﻰ ﺋﯚﺗﻜﯜﺯﯛﻟﮕﻪﻥ ﺷﯘ ﻛﯜﻧﻠﻪﺭﺩﻩ ﻫﯩﻨﺪﯨﺴﺘﺎﻥ ﯞﻩ ﭘﺎﻛﯩﺴﺘﺎﻧﺪﯨﻜﻰ ﺑﻪﺯﻯ ﻣﻪﺗﺒﯘﺋﺎﺗﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﻛﯩﻢ ﻗﻮﻟﻼﯞﺍﺗﯩﺪﯗ، ﺩﯦﮕﻪﻥ ﺗﯧﻤﯩﺪﺍ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻧﻰ ﺋﯩﻠﮕﯩﺮﻯ ﺳﯜﺭﮔﻪﻥ ﻣﻪﺯﮔﯩﻠﻰ ﺋﯩﺪﻯ. ﻫﯩﻨﺪﯨﺴﺘﺎﻥ " ﺋﺎﻟﺪﯨﻨﻘﻰ ﺳﻪﭖ" ﮊﯗﺭﻧﯩﻠﻰ ﻳﯧﻘﯩﻨﺪﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﻣﺎﻗﺎﻟﯩﺪﻩ، ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﻰ ﭘﺎﻛﯩﺴﺘﺎﻥ ﺋﯩﭽﻜﻰ ﺋﺎﺧﺒﺎﺭﺍﺕ ﺋﯩﺪﺍﺭﯨﺴﻰ ﻣﻪﺧﭙﯩﻲ ﻗﻮﻟﻼﯞﺍﺗﻘﺎﻧﻠﯩﻐﯩﻨﻰ ﺗﻪﻛﯩﺘﻠﯩﮕﻪﻥ. ﻣﺎﻗﺎﻟﯩﺪﻩ ﭘﺎﻛﯩﺴﺘﺎﻧﻨﯩﯔ ﻣﻪﻗﺴﯩﺪﻯ ﺵ ﺕ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﭘﺎﺋﺎﻟﯩﻴﯩﺘﯩﻨﻰ ﻛﻮﺯﯗﺭ ﻗﯩﻠﯩﭗ، ﺧﯩﺘﺎﻳﻨﻰ ﻗﻮﺭﻗﯘﺗﯘﺵ، ﺧﯩﺘﺎﻳﻨﯩﯔ ﭘﺎﻛﯩﺴﺘﺎﻧﻐﺎ ﺑﯧﺮﯨﺪﯨﻐﺎﻥ ﻳﺎﺭﺩﯨﻤﯩﻨﻰ ﻛﯚﭘﻪﻳﺘﯩﺶ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ . ﻟﯧﻜﯩﻦ ﭘﺎﻛﯩﺴﺘﺎﻥ ﺋﺎﺭﻣﯩﻴﯩﺴﯩﻨﯩﯔ ﭘﯧﻨﺴﯩﻴﯩﮕﻪ ﭼﯩﻘﻘﺎﻥ ﭘﺎﻟﻜﻮﯞﻧﯩﻜﻰ ﻏﯘﻻﻡ ﺳﻪﺭﯞﻩﺭ ﺑﯘﻧﯩﯖﻐﺎ ﺟﺎﯞﺍﺑﻪﻥ ﻣﺎﻗﺎﻟﻪ ﺋﯧﻼﻥ ﻗﯩﻠﯩﭗ، ﻫﯩﻨﺪﯨﺴﺘﺎﻥ ﻣﻪﺗﺒﯘﺋﺎﺗﯩﻨﯩﯔ ﻗﺎﺭﯨﺸﯩﻨﻰ ﺭﻩﺕ ﻗﯩﻠﯩﺪﯗ ﯞﻩ ﺵ ﺕ ﺋﻰ ﻫﻪﺭﯨﻜﯩﺘﯩﻨﻰ ﻏﻪﺭﺏ ﺩﯙﻟﻪﺗﻠﯩﺮﯨﻨﯩﯔ ﻗﻮﻟﻼﯞﺍﺗﻘﺎﻧﻠﯩﻐﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﺑﯘ ﻳﯧﻘﯩﻨﺪﺍ ﺋﯩﺴﻼﻣﭽﯩﻼﺭﻧﯩﯔ ﺑﯩﺮ ﺗﻮﺭ ﺑﯧﺘﯩﮕﻪ ﺟﻪﻧﯘﺑﯩﻲ ﯞﻩﺯﯨﺮﯨﺴﺘﺎﻧﺪﯨﻜﻰ ﺷﻪﺭﻗﻲ ﺗﯜﺭﻛﯩﺴﺘﺎﻥ ﻏﺎﺯﺍﺗﭽﯩﻠﯩﺮﯨﻨﯩﯔ 3 ﻧﻪﭘﻪﺭ ﺧﯩﺘﺎﻳﻨﻰ ﺋﯚﻟﺘﯜﺭﮔﻪﻧﻠﯩﻚ ﺳﯩﻨﺌﺎﻟﻐﯘ ﻟﯧﻨﺘﯩﺴﻰ ﭼﺎﭘﻼﻧﻐﺎﻥ ﻣﻪﺯﮔﯩﻠﻠﻪﺭ ﺋﯩﺪﻯ.

ﺷﯘ ﻣﻪﺯﮔﯩﻠﻨﯩﯔ ﺋﯚﺯﯨﺪﻩ ﺧﯩﺘﺎﻳﻨﯩﯔ ﭘﺎﻛﯩﺴﺘﺎﻧﺪﯨﻜﻰ ﺑﺎﺵ ﺋﻪﻟﭽﯩﺴﻰ ﺋﯩﺴﻼﻣﺌﺎﺑﺎﺩ ﺩﺍﺋﯩﺮﯨﻠﯩﺮﯨﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﻫﻪﺭﯨﻜﯩﺘﯩﻨﯩﯔ ﭘﺎﺋﺎﻟﯩﻴﯩﺘﻰ ﻛﯜﭼﯩﻴﯩﯟﺍﺗﻘﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯨﺪﯗ. ﺭﯨﭽﺎﺭﺩ ﺧﻮﻟﺒﯘﺭﻙ، ﺗﻮﻣﺎﺱ ﭘﻜﯧﺮﯨﯖﻨﯩﯔ ﭘﯩﻜﯩﺮ ﺟﻪﻫﻪﺗﺘﯩﻜﻰ ﺋﻮﺭﺗﺎﻗﻠﯩﻘﻰ ﺋﯘﻻﺭﻧﯩﯔ ﻫﻪﺭ ﺋﯩﻜﻜﯩﻠﯩﺴﻰ ﺑﯘﺵ ﻫﯚﻛﯜﻣﯩﺘﯩﻨﯩﯔ ﺭﺍﻳﻮﻧﺪﯨﻜﻰ ﺗﯧﺮﺭﻭﺭﯨﺰﻡ ﺳﯩﻴﺎﺳﯩﺘﯩﻨﻰ ﺗﻪﻧﻘﯩﺪ ﻗﯩﻠﻐﯘﭼﯩﻼﺭ ﺋﯩﻜﻪﻧﻠﯩﻜﯩﺪﻩ. ﺗﻮﻣﺎﺱ ﭘﻜﯧﺮﯨﯔ ﺋﺎﻓﻐﺎﻧﯩﺴﺘﺎﻧﺪﺍ ﯞﻩﺯﯨﻴﻪﺗﻨﯩﯔ" ﺋﯧﻐﯩﺮ ﺗﻪﻫﺪﯨﺖ" ﺋﺎﺳﺘﯩﺪﺍ ﺋﯩﻜﻪﻧﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﺋﺎﻓﻐﺎﻧﯩﺴﺘﺎﻧﻨﯩﯔ ﺩﻩﯞﺭ ﺑﯚﻟﮕﯜﭺ ﻧﯘﻗﺘﯩﺪﺍ ﺗﯘﺭﯗﯞﺍﺗﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ ﭘﻜﯧﺮﯨﯔ،" ﺋﯩﻜﻜﻰ ﻳﯩﻠﻨﯩﯔ ﺋﺎﻟﺪﯨﺪﺍ ﺑﯩﺰ ﺋﺎﻓﻐﺎﻧﯩﺴﺘﺎﻧﻨﯩﯔ ﻏﺎﻟﯩﺒﯩﻴﻪﺕ ﻳﻮﻟﯩﻐﺎ ﻛﯧﺘﯩﯟﺍﺗﻘﺎﻧﻠﯩﻘﯩﺪﯨﻦ ﺋﯩﻠﻬﺎﻣﻼﻧﻐﺎﻥ، ﻟﯧﻜﯩﻦ ﺑﯜﮔﯜﻧﻜﻰ ﻛﯜﻧﺪﻩ ﺋﺎﻓﻐﺎﻧﯩﺴﺘﺎﻥ ﻧﺎﻫﺎﻳﯩﺘﻰ ﺋﯧﻐﯩﺮ ﺗﻪﻫﺪﯨﺘﻠﻪﺭﮔﻪ ﺩﯗﭺ ﻛﻪﻟﻤﻪﻛﺘﻪ.

ﺑﯘ ﺗﻪﻫﺪﯨﺘﻠﻪﺭ ﺗﻮﭘﯩﻼﯕﭽﯩﻼﺭﻧﯩﯔ ﻫﻪﺭﯨﻜﯩﺘﻰ ﻛﯜﭼﯩﻴﯩﺶ، ﺧﻪﻟﻘﺌﺎﺭﺍ ﺟﻪﻣﺌﯩﻴﻪﺗﻨﯩﯔ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺋﯩﺮﺍﺩﯨﺴﻰ ﺑﻮﺷﺎﺵ، ﺭﺍﻳﻮﻥ ﺧﺎﺭﺍﻛﺘﯧﺮﻟﯩﻚ ﺭﯨﻘﺎﺑﻪﺗﻠﻪﺭﻧﯩﯔ ﻛﯚﭘﯩﻴﯩﺸﻰ، ﻳﻪﺭﻟﯩﻚ ﺧﻪﻟﻘﻠﻪﺭﺩﻩ ﺋﯩﺸﻪﻧﭽﺴﯩﺰﻟﯩﻜﻨﯩﯔ ﺋﺎﺭﺗﯩﺸﻰ ﻗﺎﺗﺎﺭﻟﯩﻘﻼﺭﺩﺍ ﺋﯚﺯ ﺋﯩﭙﺎﺩﯨﺴﯩﻨﻰ ﺗﺎﭘﻤﺎﻗﺘﺎ. ﺋﺎﻓﻐﺎﻧﯩﺴﺘﺎﻧﺪﺍ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺋﯘﺭﯗﺷﻰ ﻣﻪﻏﻠﯘﭖ ﺑﻮﻟﺴﺎ ﺑﯘ ﺗﺎﻟﯩﺒﺎﻧﻼﺭ ﯞﻩ ﺋﻪﻝ - ﻗﺎﺋﯩﺪﻩ ﭘﺎﻧﺎﻫﺠﺎﻳﻐﺎ ﺋﯧﺮﯨﺸﺘﻰ، ﺩﯦﮕﻪﻧﻠﯩﻜﺘﯘﺭ. ﺋﯘ ﭼﺎﻏﺪﺍ ﺋﺎﻣﯧﺮﯨﻜﯩﻨﯩﯔ ﺭﺍﻳﻮﻧﺪﯨﻜﻰ ﻣﻪﻧﭙﻪﺋﻪﺗﻰ ﯞﻩ ﺋﺎﻣﯧﺮﯨﻜﺎ ﺯﯨﻤﯩﻨﻰ ﺗﻪﻫﺪﯨﺘﻜﻪ ﺩﯗﭺ ﻛﯧﻠﯩﺪﯗ،" ﺩﻩﭖ ﻛﯚﺭﺳﻪﺗﺘﻰ. ﺧﻮﻟﺒﯘﺭﻙ ﺑﻮﻟﺴﺎ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺋﯘﺭﯗﺷﻨﯩﯔ ﺋﯘﺯﯗﻥ ﻣﯘﺩﺩﻩﺕ ﺩﺍﯞﺍﻡ ﻗﯩﻠﯩﺶ ﺋﯧﻬﺘﯩﻤﺎﻟﻰ ﺑﺎﺭﻟﯩﻘﻰ، ﺋﺎﻣﯧﺮﯨﻜﯩﻨﯩﯔ ﺑﺎﺭﺍ - ﺑﺎﺭﺍ ﻳﺎ ﭼﯧﻜﯩﻨﻪﻟﻤﻪﻳﺪﯨﻐﺎﻥ، ﻳﺎ - ﻏﻪﻟﯩﺒﻪ ﻗﯩﻼﻟﻤﺎﻳﺪﯨﻐﺎﻥ ﺑﯩﺮ ﻧﯘﻗﺘﯩﻐﺎ ﻛﯧﻠﯩﭗ ﻗﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﻟﯧﻜﯩﻦ، ﺧﯩﺘﺎﻳﻨﯩﯔ ﺋﺎﻣﯧﺮﯨﻜﺎ ﺑﯩﻠﻪﻥ ﺋﺎﻓﻐﺎﻧﯩﺴﺘﺎﻧﺪﺍ ﻫﻪﻣﻜﺎﺭﻟﯩﺸﯩﺶ ﻧﯩﻴﯩﺘﻰ ﺑﺎﺭ ﻳﻮﻗﻠﯘﻗﻰ ﻣﻪﺳﯩﻠﯩﺴﯩﺪﻩ ﺧﻮﻟﺒﯘﺭﻙ ﺑﯩﻠﻪﻥ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﺟﯘﻣﻬﯘﺭﯨﻴﻪﺗﭽﻰ ﺋﻪﺯﺍﻻﺭ ﺋﺎﺭﯨﺴﯩﺪﺍ ﭘﯩﻜﯩﺮ ﺋﯩﺨﺘﯩﻼﭘﻰ ﻣﻪﯞﺟﯘﺕ ﺋﯩﺪﻯ. ﺧﻮﻟﺒﯘﺭﻙ ﺩﯙﻟﻪﺕ ﻣﻪﺟﻠﯩﺴﯩﺪﯨﻜﻰ ﻳﯩﻐﯩﻨﺪﺍ ﺑﯘﺵ ﻫﯚﻛﯜﻣﯩﺘﻰ ﺋﺎﻓﻐﺎﻧﯩﺴﺘﺎﻧﺪﯨﻜﻰ ﺗﯧﺮﺭﻭﺭﯨﺰﻣﻐﺎ ﻗﺎﺭﺷﻰ ﺋﯘﺭﯗﺷﻨﻰ ﺧﯩﺘﺎﻱ - ﺋﺎﻣﯧﺮﯨﻜﺎ ﻫﻪﻣﻜﺎﺭﻟﯩﻘﯩﻐﺎ ﺋﺎﻳﻼﻧﺪﯗﺭﯗﺷﻰ ﻛﯧﺮﻩﻙ ﺋﯩﺪﻯ، ﺩﻩﭖ ﺗﻪﻧﻘﯩﺪﻟﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺟﯘﻣﻬﯘﺭﯨﻴﻪﺗﭽﻰ ﺋﺎﯞﺍﻡ ﭘﺎﻻﺗﺎ ﺋﻪﺯﺍﺳﻰ ﺗﺎﻡ ﺗﺎﻧﻜﯩﺮﯨﺪﻭ، ﺑﯘﺵ ﻫﯚﻛﯜﻣﯩﺘﻰ ﻫﻪﻣﻜﺎﺭﻟﯩﺸﯩﺸﻨﻰ ﺗﻪﻛﻠﯩﭗ ﻗﯩﻠﻐﺎﻥ ﺗﻪﻗﺪﯨﺮﺩﯨﻤﯘ ﺧﯩﺘﺎﻳﻨﯩﯔ ﺋﺎﻣﯧﺮﯨﻜﺎ ﺑﯩﻠﻪﻥ ﺋﺎﻛﺘﯩﭗ ﻫﻪﻣﻜﺎﺭﻻﺷﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺗﺎﻧﻜﺮﯨﺪﻭ:" ﺧﯩﺘﺎﻳﻨﯩﯔ ﺑﯩﺰﮔﻪ ﻳﺎﺭﺩﻩﻡ ﻗﯩﻠﯩﺶ ﻧﯩﻴﯩﺘﻰ ﻫﻪﺭﮔﯩﺰ ﻣﻪﯞﺟﯘﺕ ﺋﻪﻣﻪﺱ. ﺋﺎﻣﯧﺮﯨﻜﺎ ﺗﺎﺷﻘﻰ ﺳﯩﻴﺎﺳﯩﺘﯩﺪﻩ ﺩﯗﭺ ﻛﻪﻟﮕﻪﻥ ﻗﯩﻴﯩﻨﭽﯩﻠﯩﻘﻼﺭﻏﺎ ﻳﺎﺭﺩﻩﻡ ﺑﻪﺭﻣﻪﺳﻠﯩﻚ، ﺑﯩﺰﮔﻪ ﺋﺎﯞﺍﺭﯨﮕﻪﺭﭼﯩﻠﯩﻚ ﺗﯘﻏﺪﯗﺭﯗﺵ ﺧﯩﺘﺎﻱ ﺗﺎﺷﻘﻰ ﺳﯩﻴﺎﺳﯩﺘﯩﻨﯩﯔ ﺑﯩﺮ ﻗﯩﺴﯩﻤﻰ" ﺩﻩﻳﺪﯗ.