ﺋﺎﻣﯧﺮﯨﻜﺎ ﺳﻮﺩﺍ ﺩﺍﺋﯩﺮﯨﻠﯩﺮﻯ ﺧﯩﺘﺎﻳﻨﯩﯔ ﺋﯚﺯ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﻗﻪﺳﺘﻪﻥ ﺗﯚﯞﻩﻥ ﺗﯘﺗﯘﺵ ﺋﺎﺭﻗﯩﻠﯩﻖ ﺧﯩﺘﺎﻳﻐﺎ ﺗﺎﯞﺍﺭ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺋﺎﻣﯧﺮﯨﻜﺎ ﺷﯩﺮﻛﻪﺗﻠﯩﺮﯨﮕﻪ ﻧﯩﺴﺒﻪﺗﻪﻥ ﺋﺎﺩﺍﻟﻪﺗﺴﯩﺰ ﺭﯨﻘﺎﺑﻪﺕ ﻣﯘﻫﯩﺘﻰ ﻳﺎﺭﺍﺗﻘﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ. ﻣﯘﺗﻪﺧﻪﺳﺴﯩﺴﻠﻪﺭ، ﺑﯘ ﺧﯩﻞ ﺳﻮﺩﺍ ﻣﯘﻫﯩﺘﯩﻨﻰ ﺋﯚﺯﮔﻪﺭﺗﯩﺶ ﺋﯜﭼﯜﻥ ﺧﯩﺘﺎﻱ ﺧﻪﻟﻖ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﺋﯚﺳﺘﯜﺭﯛﺷﻨﯩﯔ ﻫﺎﻟﻘﯩﻠﯩﻖ ﺋﺎﻣﯩﻞ ﺋﯩﻜﻪﻧﻠﯩﻜﻨﻰ ﻛﯚﺭﺳﻪﺗﻜﻪﻥ ﺋﯩﺪﻯ.

ﺧﯩﺘﺎﻳﻨﯩﯔ ﺋﯚﺗﻜﻪﻥ 30 ﻳﯩﻠﻠﯩﻖ ﺗﺎﺷﻘﻰ ﺳﻮﺩﺍ ﺟﻪﺭﻳﺎﻧﯩﺪﺍ ﺋﯩﻜﻜﻰ ﺗﯩﺮﯨﻠﻴﻮﻥ ﺩﻭﻟﻼﺭﺩﯨﻦ ﺋﺎﺭﺗﯘﻕ ﺗﺎﺷﻘﻰ ﭘﯧﺮﯦﯟﻭﺕ ﺟﯘﻏﻼﻧﻤﯩﺴﻰ ﺗﻮﭘﻠﯩﻐﺎﻧﻠﯩﻘﻰ ﻫﻪﻣﺪﻩ ﺑﯘ ﭘﯘﻟﻼﺭﻧﯩﯔ ﺑﯩﺮ ﻗﯩﺴﯩﻤﻨﻰ ﺋﺎﻣﯧﺮﯨﻜﯩﻐﺎ ﻗﻪﺭﺯ ﺑﯧﺮﯨﭗ ﺋﺎﻣﯧﺮﯨﻜﯩﻨﯩﯔ ﺑﯩﺮ ﻗﯩﺴﯩﻢ ﺩﯙﻟﻪﺕ ﭼﯩﻘﯩﻤﯩﻨﻰ ﻣﻪﺑﻠﻪﻍ ﺑﯩﻠﻪﻥ ﺗﻪﻣﯩﻨﻠﻪﯞﺍﺗﻘﺎﻧﻠﯩﻘﻰ ﻣﻪﻟﯘﻡ.

ﺷﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺋﺎﻣﯧﺮﯨﻜﯩﺪﺍ، ﺋﺎﻣﯧﺮﯨﻜﺎ ﺧﯩﺘﺎﻳﺪﯨﻦ ﻛﯚﭖ ﻣﯩﻘﺪﺍﺭﺩﺍ ﭘﯘﻝ ﻗﻪﺭﺯ ﺋﺎﻟﻐﺎﻧﻠﯩﻘﻰ ﺋﯜﭼﯜﻥ ﺧﯩﺘﺎﻳﻐﺎ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﯩﻨﻰ ﺋﺎﻳﺎﻏﻼﺷﺘﯘﺭﯗﺵ ﯞﻩ ﺧﯩﺘﺎﻱ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﺋﯚﺳﺘﯜﺭﯛﺵ ﺟﻪﻫﻪﺗﻠﻪﺭﺩﻩ ﺑﯧﺴﯩﻢ ﺋﯩﺸﻠﯩﺘﯩﺶ ﻛﯜﭼﯩﻨﻰ ﻳﻮﻗﺎﺗﺘﻰ، ﺩﯦﮕﻪﻥ ﭘﯩﻜﯩﺮﻟﻪﺭ ﺋﯘﻟﻐﺎﻳﻤﺎﻗﺘﺎ ﺋﯩﺪﻯ.

ﺟﯜﻣﻠﯩﺪﯨﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻤﯘ ﺑﯘﻧﻰ ﺋﺎﻣﯧﺮﯨﻜﺎ ﺩﯨﭙﻠﻮﻣﺎﺗﯩﻴﯩﺴﯩﺪﯨﻜﻰ ﻛﻮﺯﯗﺭ ﻗﯩﻠﯩﭗ ﺋﯩﺸﻠﯩﺘﯩﺸﻜﻪ ﺗﯩﺮﯨﺸﻤﺎﻗﺘﺎ.

ﺑﯘ ﺗﯧﻤﺎ 7- ﺋﯚﻛﺘﻪﺑﯩﺮ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﯩﻨﯩﯔ ﺧﯩﺘﺎﻱ ﺋﯩﺸﻼﺭ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻠﯩﺮﯨﺪﺍ ﺋﯧﭽﯩﻠﻐﺎﻥ "ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﺶ" ﺗﯧﻤﯩﺴﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﮔﯘﯞﺍﻫﻠﯩﻖ ﺑﯧﺮﯨﺶ ﻳﯩﻐﯩﻨﯩﺪﯨﻤﯘ ﺋﻮﺗﺘﯘﺭﯨﻐﺎ ﻗﻮﻳﯘﻟﺪﻯ.

ﻳﯩﻐﯩﻨﺪﺍ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺋﻪﺯﺍﺳﻰ ﻛﯩﺮﺳﺘﻮﻓﯧﺮ ﺳﯩﻤﯩﺖ ﺋﻪﭘﻪﻧﺪﻯ، ﮔﯘﯞﺍﻫﻠﯩﻖ ﺑﯧﺮﯨﺶ ﻳﯩﻐﯩﻨﯩﻐﺎ ﻗﺎﺗﻨﺎﺷﻘﺎﻥ ﻣﯘﺗﻪﺧﻪﺳﺴﯩﺴﻠﻪﺭﺩﯨﻦ ﺋﺎﻣﯧﺮﯨﻜﯩﻨﯩﯔ ﺧﯩﺘﺎﻳﻐﺎ ﻗﻪﺭﺯﺩﺍﺭ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﻰ ﺟﻪﻫﻪﺗﺘﻪ ﺧﯩﺘﺎﻳﻨﯩﯔ ﺋﺎﻟﺪﯨﺪﺍ ﺋﺎﻣﯧﺮﯨﻜﯩﻨﯩﯔ ﺗﯩﻠﯩﻨﻰ ﻗﯩﺴﻘﺎ ﻗﯩﻠﯩﭗ ﻗﻮﻳﺎﻣﺪﯗ ‏- ﻗﺎﻧﺪﺍﻕ ﺩﯦﮕﻪﻥ ﺗﯧﻤﯩﺪﺍ ﺳﻮﺋﺎﻝ ﺳﻮﺭﯨﺪﻯ.

ﺑﯘ ﻫﻪﻗﺘﻪ ﺋﺎﻟﺪﻯ ﺑﯩﻠﻪﻥ ﺋﺎﻣﯧﺮﯨﻜﺎ ﺟﻮﺭﺝ ﯞﺍﺷﯩﻨﮕﺘﻮﻥ ﺋﯘﻧﯩﯟﯦﺮﺳﯩﺘﯧﺘﻰ ﻗﺎﻧﯘﻥ ﭘﺮﻭﻓﯧﺴﺴﻮﺭﻯ، ﺧﯩﺘﺎﻳﺪﺍ ﺑﯩﺮ ﻣﻪﺯﮔﯩﻞ ﺧﯩﺰﻣﻪﺕ ﻗﯩﻠﻐﺎﻥ ﻗﺎﻧﯘﻥ ﻣﯘﺗﻪﺧﻪﺳﺴﯩﺴﻰ ﺩﻭﻧﺎﻟﺪ ﻛﻼﺭﻙ ﺋﻪﭘﻪﻧﺪﻯ ﭘﯩﻜﯩﺮ ﺑﺎﻳﺎﻥ ﻗﯩﻠﺪﻯ.

ﺋﯘ ﺋﯚﺯﯨﻨﯩﯔ ﺋﯩﻘﺘﯩﺴﺎﺩﻯ ﻣﻪﺳﯩﻠﯩﻠﻪﺭﺩﻩ ﺗﻮﻟﯘﻕ ﻫﻮﻗﯘﻗﻠﯘﻕ ﻣﯘﺗﻪﺧﻪﺳﺴﯩﺲ ﺑﻮﻟﻤﯩﺴﯩﻤﯘ، ﻧﯚﯞﻩﺗﺘﯩﻜﻰ ﺧﯩﺘﺎﻱ ﺋﯩﻘﺘﯩﺴﺎﺩﻯ ﯞﻩﺯﯨﻴﯩﺘﻰ ﯞﻩ ﺧﯩﺘﺎﻳﻨﻰ ﭼﯜﺷﯩﻨﯩﺪﯨﻐﺎﻥ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﭘﯩﻜﯩﺮﻟﯩﺮﯨﻨﻰ ﻧﻪﻗﯩﻞ ﺋﯧﻠﯩﭗ ﺧﯩﺘﺎﻳﻨﯩﯔ ﺋﺎﻣﯧﺮﯨﻜﯩﻐﺎ ﺑﻪﺭﮔﻪﻥ ﻗﻪﺭﺯﻟﯩﺮﯨﻨﻰ ﻛﻮﺯﯗﺭ ﻗﯩﻠﯩﭗ ﺋﺎﻣﯧﺮﯨﻜﯩﻐﺎ ﺑﯧﺴﯩﻢ ﺋﯩﺸﻠﯩﺘﯩﺶ ﻛﯜﭼﻰ ﻳﻮﻕ ﺋﯩﻜﻪﻧﻠﯩﻜﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺋﯘ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻱ ﺑﯩﺰﮔﻪ ﺑﯘ ﻗﻪﺭﺯﻧﻰ ﺑﻪﺭﻣﻪﻱ ﺋﺎﻣﺎﻟﻰ ﻳﻮﻕ. ﺋﯘﻻﺭ ﺋﺎﻣﯧﺮﯨﻜﯩﻐﺎ ﺑﯘ ﭘﯘﻟﻼﺭﻧﻰ ﻗﻪﺭﺯ ﺑﻪﺭﻣﻪﺳﻠﯩﻜﻨﻰ ﺗﺎﻟﻼﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ. ﺋﻪﻣﻤﺎ ﺋﯘﻻﺭ ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﺎﻣﯧﺮﯨﻜﺎ ﺑﯩﻠﻪﻥ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺯﻭﺭ ﻣﯩﻘﺪﺍﺭﺩﯨﻜﻰ ﺳﻮﺩﺍ ﺋﺎﻻﻗﯩﺴﯩﻨﯩﻤﯘ ﺗﻮﺧﺘﯩﺘﯩﺸﻰ ﻛﯧﺮﻩﻙ. ﺷﯘﯕﻼﺷﻘﺎ ﺧﯩﺘﺎﻳﻨﯩﯔ ﺑﯘ ﺗﺎﺷﻘﻰ ﭘﯧﺮﯦﯟﻭﺗﻠﯩﺮﯨﻨﯩﯔ ﺑﺎﺷﻘﺎ ﺑﺎﺭﯨﺪﯨﻐﺎﻥ ﻳﯧﺮﻯ ﻳﻮﻕ. ﺧﯩﺘﺎﻳﻨﯩﯔ ﺑﺎﺷﻘﺎ ﺗﺎﻟﻼﺵ ﻳﻮﻟﻰ ﻳﻮﻕ."

ﺋﯘ ﻳﻪﻧﻪ، ﻧﯚﯞﻩﺗﺘﻪ ﺋﺎﻣﯧﺮﯨﻜﯩﺪﺍ ﭘﯘﻗﺮﺍﻻﺭﻧﯩﯔ ﺑﺎﻧﻜﯩﺪﺍ ﭘﯘﻝ ﻗﻮﻳﯘﺵ ﻧﯩﺴﺒﯩﺘﻰ ﻳﯘﻗﯩﺮﻯ ﻛﯚﺗﯜﺭﯛﻟﯜﯞﺍﺗﻘﺎﻥ ﺑﻮﻟﯘﭖ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺩﯙﻟﻪﺗﻨﯩﯔ ﺑﺎﺷﻘﺎ ﭼﯩﻘﯩﻤﻠﯩﺮﯨﻨﻰ ﻛﯚﺗﯜﺭﯛﺷﺘﻪ ﺑﯘ ﭘﯘﻟﻼﺭﺩﯨﻦ ﭘﺎﻳﺪﯨﻠﯩﻨﺎﻻﻳﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺧﯩﺘﺎﻳﺪﯨﻦ ﻳﻪﻧﻪ ﻗﻪﺭﺯ ﺋﯧﻠﯩﺸﻘﺎ ﻫﺎﺟﯩﺘﻰ ﭼﯜﺷﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﻳﯩﻐﯩﻨﺪﺍ ﮔﯘﯞﺍﻫﻠﯩﻖ ﺑﻪﺭﮔﯜﭼﯩﻠﻪﺭﺩﯨﻦ ﺗﺎﺷﻘﻰ ﻣﯘﻧﺎﺳﯩﯟﻩﺗﻠﻪﺭ ﺗﻪﺗﻘﯩﻘﺎﺕ ﻛﻮﻣﯩﺘﯧﺘﻰ ﺋﺎﺳﯩﻴﺎ ﺗﻪﺗﻘﯩﻘﺎﺕ ﺋﯩﻨﺴﺘﯩﺘﯘﺗﻨﯩﯔ ﺩﯨﺮﯦﻜﺘﻮﺭﻯ ﺋﯧﻠﯩﺰﺍﺑﯩﺖ ﺋﯧﻜﻮﻧﻮﻣﻲ ﺧﺎﻧﯩﻢ ﺧﯩﺘﺎﻳﺪﯨﻦ ﻗﻪﺭﺯ ﺋﯧﻠﯩﺶ ﻣﻪﺳﯩﻠﯩﺴﯩﺪﻩ ﺩﻭﻧﺎﻟﺪ ﻛﻼﺭﻙ ﺋﻪﭘﻪﻧﺪﯨﻨﯩﯔ ﺑﯘ ﻫﻪﻗﺘﯩﻜﻰ ﻗﺎﺭﺍﺷﻠﯩﺮﯨﻐﺎ ﻗﻮﺷﯘﻟﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺋﯘ ﻳﻪﻧﻪ، ﮔﻪﺭﭼﻪ ﺧﯩﺘﺎﻱ ﺗﺎﻟﻼﺵ ﺋﯜﺳﺘﯜﻧﻠﯜﻛﯩﮕﻪ ﺋﯩﮕﻪ ﺑﻮﻟﻤﯩﺴﯩﻤﯘ، ﺋﻪﻣﻤﺎ ﺋﺎﻣﯧﺮﯨﻜﯩﻐﺎ ﻗﻪﺭﺯ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ، ﺋﺎﻣﯧﺮﯨﻜﺎ ﺩﯨﭙﻠﻮﻣﺎﺗﯩﻴﯩﺴﯩﺪﯨﻜﻰ ﻛﻮﺯﯗﺭ ﻗﯩﻠﯩﭗ ﻗﻮﻟﻠﯩﻨﯩﺸﻘﺎ ﺩﺍﯞﺍﻣﻠﯩﻖ ﺗﯩﺮﯨﺸﯩﺪﯨﻐﺎﻧﻠﯩﻘﯩﻨﻰ، ﺷﯘﯕﺎ ﺋﺎﻣﯧﺮﯨﻜﺎ ﻫﯚﻛﯜﻣﯩﺘﯩﻨﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺧﯩﺘﺎﻳﺪﯨﻜﻰ ﻗﺎﻧﯘﻥ ﺑﯩﻠﻪﻥ ﺋﯩﺪﺍﺭﻩ ﻗﯩﻠﯩﺶ ﻣﻪﺳﯩﻠﯩﺴﯩﻨﻰ ﺧﯩﺘﺎﻱ ﺑﯩﻠﻪﻥ ﺋﯧﻠﯩﭗ ﺑﺎﺭﯨﺪﯨﻐﺎﻥ ﺑﺎﺭﻟﯩﻖ ﺩﯨﺌﺎﻟﻮﮔﻠﯩﺮﯨﻐﺎ ﺳﯩﯖﺪﯛﺭﯛﺷﻰ ﻻﺯﯨﻤﻠﯩﻘﯩﻨﻰ ﻛﯚﺭﺳﻪﺗﺘﻰ.

19- ﺋﯚﻛﺘﻪﺑﯩﺮ ﻧﻴﯘﻳﻮﺭﻙ ﯞﺍﻗﯩﺖ ﮔﯧﺰﯨﺘﯩﺪﻩ، ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺧﯩﺘﺎﻳﺪﯨﻦ ﺋﺎﻟﻐﺎﻥ ﻗﻪﺭﺯ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﭘﺎﺭﭼﻪ ﺋﻮﺑﺰﻭﺭﺩﺍ، ﺋﺎﻣﯧﺮﯨﻜﯩﻠﯩﻖ ﺋﯩﻘﺘﯩﺴﺎﺩﺷﯘﻧﺎﺱ ﯞﻩ ﭘﯩﺮﻧﺴﺘﻮﻥ ﺋﯘﻧﯩﯟﯦﺮﺳﯩﺘﯧﺘﻰ ﺋﯩﻘﺘﯩﺴﺎﺩ ﺋﯩﻠﻤﯩﻲ ﭘﺮﻭﻓﯧﺴﺴﻮﺭﻯ ﭘﺎﺋﯘﻝ ﺭﻭﺑﯩﻦ ﻛﺮﯗﮔﻤﺎﻥ ﺋﻪﭘﻪﻧﺪﯨﻤﯘ، ﺧﯩﺘﺎﻳﻨﯩﯔ ﻗﻪﺭﺯ ﻣﻪﺳﯩﻠﯩﺴﯩﻨﻰ ﯞﻩ ﺋﯚﺯ ﻗﻮﻟﯩﺪﯨﻜﻰ ﺋﺎﻣﯧﺮﯨﻜﺎ ﺩﯙﻟﻪﺕ ﺧﻪﺯﯨﻨﻪ ﭼﯧﻜﯩﻨﻰ ﻛﻮﺯﯗﺭ ﻗﯩﻠﯩﭗ ﺋﺎﻣﯧﺮﯨﻜﯩﻐﺎ ﺑﯧﺴﯩﻢ ﺋﯩﺸﻠﯩﺘﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ.

ﺋﯘ ﺋﻮﺑﺰﻭﺭﯨﺪﺍ، ﺋﻪﻛﺴﯩﭽﻪ ﺋﺎﻣﯧﺮﯨﻜﯩﻨﯩﯔ ﻳﻪﻧﯩﻼ ﺧﯩﺘﺎﻳﻨﻰ ﺧﯩﺘﺎﻱ ﭘﯘﻟﯩﻨﯩﯔ ﺋﺎﻟﻤﺎﺷﺘﯘﺭﯗﺵ ﻗﯩﻤﻤﯩﺘﯩﻨﻰ ﺋﯚﺳﺘﯜﺭﯛﺷﻜﻪ ﻗﯩﺴﺘﺎﺵ ﺋﯜﺳﺘﯜﻧﻠﯜﻛﯩﮕﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.