ﻳﯧﻘﯩﻨﺪﺍ ﺧﯩﺘﺎﻳﻨﯩﯔ ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ 'ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﻣﯘﻧﻪﯞﯞﻩﺭ ﺋﻪﺯﺍﺳﻰ، ﺳﺎﺩﺍﻗﻪﺗﻠﯩﻚ ﻛﻮﻣﻤﯘﻧﯩﺰﻡ ﺟﻪﯕﭽﯩﺴﻰ، ﭘﻪﯞﻗﯘﻟﺌﺎﺩﺩﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﺎﻟﯩﻢ ﭼﻪﻥ ﺷﯚﺳﯧﻦ 98 ﻳﯧﺸﯩﺪﺍ ﺋﺎﻟﻪﻣﺪﯨﻦ ﺋﯚﺗﺘﻰ' ﺩﻩﭖ ﺧﻪﯞﻩﺭ ﻗﯩﻠﺪﻯ ﯞﻩ ﺋﯘﻧﻰ ﺑﯜﻳﯜﻙ ﯞﻩﺗﻪﻧﭙﻪﺭﯞﻩﺭ، ﭼﻪﺗﺌﻪﻟﻠﻪﺭﺩﻩ ﺋﻮﻗﯘﭖ ﻳﯧﺘﯩﻠﮕﻪﻥ ﺋﺎﻟﯩﻤﻼﺭﻧﯩﯔ ﺋﯜﻟﮕﯩﺴﻰ، ﺩﻩﭖ ﻣﻪﺩﯨﻬﯩﻴﯩﻠﯩﺪﻯ.

ﯞﺍﺷﯩﻨﮕﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﻰ 1955‏ - ﻳﯩﻠﻰ ﺋﺎﻣﯧﺮﯨﻜﯩﺪﯨﻦ ﻗﻮﻏﻼﭖ ﭼﯩﻘﯩﺮﯨﻠﯩﺸﺘﯩﻦ ﺑﯘﺭﯗﻥ، ﺋﺎﻣﯧﺮﯨﻜﯩﺪﺍ ﺋﻮﻗﯘﭖ ﻳﯧﺘﯩﻠﯩﺶ ﺟﻪﺭﻳﺎﻧﯩﺪﺍ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﮕﻪ ﺋﯩﺸﻠﻪﯞﺍﺗﻘﺎﻧﻠﯩﻘﻰ ﺑﺎﻳﻘﺎﻟﻐﺎﻥ، ﺧﯩﺘﺎﻳﻐﺎ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺋﯜﭼﯜﻥ ﺭﺍﻛﯩﺘﺎ ﻳﺎﺳﯩﻐﺎﻥ ﺋﺎﻟﯩﻢ ﺋﯚﻟﺪﻯ' ﺩﻩﭖ ﺧﻪﯞﻩﺭ ﻗﯩﻠﺪﻯ ﯞﻩ ﭼﻪﻥ ﺷﯚﺳﯧﻨﻨﯩﯔ ﺋﺎﻣﯧﺮﯨﻜﯩﺪﯨﻜﻰ ﺋﻮﻗﯘﺵ ﺗﺎﺭﯨﺨﯩﻨﻰ ﺑﺎﻳﺎﻥ ﻗﯩﻠﺪﻯ. ﺋﺎﻣﯧﺮﯨﻜﺎ ﺋﺎﯞﺍﺯﻯ ﺑﻮﻟﺴﺎ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﺑﯩﻠﻪﻥ ﺳﯩﻴﺎﺳﯩﻲ ﺟﻪﻫﻪﺗﺘﻪ ﺯﯨﭻ ﻫﻪﻣﻜﺎﺭﻻﺷﻘﺎﻥ ﺑﯘ ﺋﺎﻟﯩﻤﯩﻨﯩﯔ ﻛﯩﻤﮕﻪ ﭘﺎﻳﺪﯨﺴﻰ ﯞﻩ ﻛﯩﻤﮕﻪ ﺯﯨﻴﯩﻨﻰ ﻳﻪﺗﻜﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﻣﯘﻻﻫﯩﺰﯨﻠﻪﺭﻧﻰ ﺧﻪﯞﻩﺭ ﻗﯩﻠﺪﻯ.

ﺧﯩﺘﺎﻳﺪﺍ ﭼﻪﻥ ﺷﯚﺳﯧﻦ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺋﯘﭼﯘﺭﻻﺭﺩﯨﻦ ﻗﺎﺭﯨﻐﺎﻧﺪﺍ، ﭼﻪﻥ ﺷﯚﺳﯧﻦ 1929‏ - ﻳﯩﻠﻰ ﺷﺎﯕﺨﻪﻱ ﻗﺎﺗﻨﺎﺵ ﺋﯘﻧﯩﯟﯦﺮﺳﯩﺘﯧﺘﯩﻨﻰ ﭘﯜﺗﺘﯜﺭﮔﻪﻥ. 1935‏ - ﻳﯩﻠﻰ ﺩﯙﻟﻪﺕ ﺧﯩﺮﺍﺟﯩﺘﻰ ﺑﯩﻠﻪﻥ ﺋﺎﻣﯧﺮﯨﻜﯩﻐﺎ ﻛﯧﻠﯩﭗ ﺋﻮﻗﯘﭖ، ﻣﺎﺳﺎﭼﯘﺳﯧﺘﺘﺲ ﺷﯩﺘﺎﺗﯩﺪﯨﻜﻰ ﭘﻪﻥ - ﺗﯧﺨﻨﯩﻜﺎ ﺋﯩﻨﯩﺴﺘﯩﺘﻮﺗﯩﻨﯩﯔ ﺋﺎﯞﯨﺌﺎﺗﺴﯩﻴﻪ ﺗﯧﺨﻨﯩﻜﯩﺴﻰ ﭘﺎﻛﻮﻟﺘﯧﺘﯩﺪﺍ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻥ. ﺋﯘﻧﯩﯖﺪﯨﻦ ﻛﯧﻴﯩﻦ ﻳﻪﻧﻪ، ﻛﺎﻟﯩﻔﻮﺭﻧﯩﻴﺎ ﭘﻪﻥ - ﺗﯧﺨﻨﯩﻜﺎ ﺋﯩﻨﯩﺴﺘﻮﺗﯩﻐﺎ ﻛﯧﻠﯩﭗ ﺋﻮﻗﯘﭖ، 43‏ - ﻳﯩﻠﻰ ﻣﺎﺗﯧﻤﺎﺗﯩﻜﯩﺪﺍ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﻰ ﺋﺎﻟﻐﺎﻥ. 49‏ - ﻳﯩﻠﻰ ﻛﺎﻟﯩﻔﻮﺭﻧﯩﻴﺎ ﭘﻪﻥ - ﺗﯧﺨﻨﯩﻜﺎ ﺋﯩﻨﯩﺴﺘﻮﺗﻰ ﻫﺎﯞﺍ ﺩﯦﻨﺎﻣﯩﻜﺎ ﭘﺎﻛﺎﻟﺘﯧﺘﯩﻨﯩﯔ ﺑﺎﺷﻠﯩﻘﻰ ﺑﻮﻟﻐﺎﻧﺪﯨﻦ ﻛﯧﻴﯩﻦ 'ﻗﯘﺭﯗﻟﯘﺷﻨﻰ ﺗﯧﺰﮔﯩﻨﻠﻪﺵ ﻧﻪﺯﯨﺮﯨﻴﯩﺴﻰ' ﻧﻰ ﺋﯩﺠﺎﺩ ﻗﯩﻠﻐﺎﻥ. 1955‏ - ﻳﯩﻠﯩﺪﯨﻦ ﻛﯧﻴﯩﻦ، ﺧﯩﺘﺎﻱ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﯩﻨﯩﯔ ﺩﯦﻨﺎﻣﯩﻜﺎ ﺋﯩﻨﯩﺴﺘﻮﺗﻰ ﺑﺎﺷﻠﯩﻘﻰ ﯞﻩ ﻣﻪﻣﻠﯩﻜﻪﺗﻠﯩﻚ ﺳﯩﻴﺎﺳﻰ ﻛﯧﯖﻪﺵ ﺋﻪﺯﺍﺳﻰ ﺑﻮﻟﻐﺎﻥ. 58‏ - ﻳﯩﻠﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﺋﻪﺯﺍ ﺑﻮﻟﻐﺎﻥ.

'ﺋﯩﻜﻜﻰ ﺑﻮﻣﺒﺎ، ﺑﯩﺮ ﺳﯜﻧﺌﯩﻲ ﻫﻪﻣﺮﺍﻫ' ﻳﺎﺳﺎﭖ ﭘﻪﯞﻗﯘﻟﺌﺎﺩﺩﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﺎﻟﯩﻢ

ﺧﯩﺘﺎﻳﺪﺍ 1956 - ﻳﯩﻠﻰ ﻳﺎﺩﺭﻭ ﺳﯩﻨﯩﻘﻰ ﺑﺎﺷﻠﯩﻨﯩﭗ، 96‏ - ﻳﯩﻠﻰ ﺗﻮﺧﺘﯩﺘﯩﻠﻐﯩﭽﻪ ﺑﻮﻟﻐﺎﻥ ﻳﯩﻠﻼﺭﺩﺍ، ﭼﻪﻥ ﺷﯚﺳﯧﻦ ﺧﯩﺘﺎﻳﻨﯩﯔ ﻳﻪﺭ ﺋﺎﺳﺘﻰ، ﻳﻪﺭ ﺋﯜﺳﺘﻰ ﯞﻩ ﻫﺎﯞﺍ ﺑﻮﺷﻠﯘﻗﯩﺪﺍ ﻳﺎﺩﺭﻭ ﺳﯩﻨﯩﻘﻰ ﺋﯧﻠﯩﭗ ﺑﯧﺮﯨﺸﻨﻰ ﻻﻳﯩﻬﯩﻠﯩﮕﻪﻥ ﯞﻩ ﺑﺎﺷﺘﯩﻦ ‏ - ﺋﺎﺧﯩﺮ ﺋﯚﺯﻯ ﻣﻪﺳﺌﯘﻝ ﺑﻮﻟﯘﭖ ﺋﯩﺠﺮﺍ ﻗﯩﻠﻐﺎﻥ. ﭼﯧﻦ ﺷﯚﺳﯧﻦ ﺑﯘ ﺟﻪﺭﻳﺎﻧﺪﺍ 'ﺋﯩﻜﻜﻰ ﺑﻮﻣﺒﺎ ﯞﻩ ﺑﯩﺮ ﺳﯜﻧﺌﯩﻲ ﻫﻪﻣﺮﻫ'' ﻳﺎﺳﺎﭖ ﭼﯩﻘﻘﺎﻧﻠﯩﻘﻰ ﺋﯜﭼﯜﻥ ﭘﻪﯞﻗﯘﻟﺌﺎﺩﺩﻩ ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﺎﻟﯩﻢ، ﺑﯩﺮﯨﻨﭽﻰ ﺩﻩﺭﯨﺠﯩﻠﻚ ﻗﻪﻫﺮﯨﻤﺎﻥ، ﺋﺎﺯﺍﺩﻟﯩﻖ ﺋﺎﺭﻣﯩﻴﻪ ﮔﯧﻨﯧﺮﺍﻟﻰ ﺩﯦﮕﻪﻥ ﭼﻮﯓ ﺋﯘﻧﯟﺍﻧﻼﺭﻏﺎ ﺋﯧﺮﯨﺸﻜﻪﻥ.

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﭼﻪﻥ ﺷﯚﺳﯧﻨﻨﻰ 11 ﻧﻪﭘﻪﺭ ﺋﺎﻣﯧﺮﯨﻜﺎ ﺋﯘﭼﻘﯘﭼﯩﺴﻨﻰ ﻗﻮﻳﯘﭖ ﺑﯧﺮﯨﺶ ﺷﻪﺭﺗﻰ ﺑﯩﻠﻪﻥ ﻗﺎﻳﺘﯘﺭﯗﭖ ﻛﻪﺗﻜﻪﻥ

ﺋﺎﻣﯧﺮﯨﻜﺎ ﺗﻪﺭﻩﭖ ﺋﯧﻼﻥ ﻗﯩﻠﻐﺎﻥ ﺋﯘﭼﯘﺭﻻﺭﺩﯨﻦ ﻗﺎﺭﯨﻐﺎﻧﺪﺍ، ﭼﻪﻥ ﺷﯚﺳﯧﻦ ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﻰ ﺟﻪﺭﻳﺎﻧﯩﺪﺍ ﺋﺎﻣﯧﺮﯨﻜﺎ ﭘﯘﻗﺮﺍﻟﯩﻘﯩﻐﺎ ﺋﯚﺗﯜﭖ، ﺋﺎﻣﯧﺮﯨﻜﺎ ﻫﺎﯞﺍ ﺋﺎﺭﻣﯩﻴﯩﺴﯩﮕﻪ ﻗﺎﺗﻨﺎﺷﻘﺎﻥ. ﺷﯘﻧﺪﺍﻗﻼ ﺋﯘ، ﺋﺎﻣﯧﺮﯨﻜﯩﻨﯩﯔ ﺩﯦﻨﺎﻣﯩﻜﺎ ﺋﺎﻟﯩﻤﻰ، ﺗﯧﺰﮔﯩﻨﻠﻪﺵ ﻧﻪﺯﯨﻴﯩﺴﯩﻨﯩﯔ ﺋﯩﺠﺎﺩﭼﯩﺴﻰ ﯞﻩ ﺋﺎﻣﯧﺮﯨﻜﺎ ﻫﺎﯞﺍ ﺋﺎﺭﻣﯩﻴﻪ ﻗﯘﻣﺎﻧﺪﺍﻧﻰ ﺗﯩﺌﻮﺩﻭﺭ ﻛﺎﺭﻣﺎﻧﻨﯩﯔ ﺋﯘﺳﺘﺎﺯﻟﯩﻘﯩﺪﯨﻜﻰ 'ﻣﻪﻧﺨﺎﺗﻮﻥ ﻗﯘﺭﯗﻟﯘﺷﻰ' ﺩﻩﭖ ﺋﺎﺗﺎﻟﻐﺎﻥ ﺋﺎﺗﻮﻡ ﺑﻮﻣﺒﺎ ﻻﻳﯩﻬﯩﻠﻪﺵ، ﺋﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ، ﻳﯘﻗﯩﺮﻯ ﺳﯜﺭﺋﻪﺗﻠﯩﻚ ﺋﺎﻳﺮﯗﭘﯩﻼﻥ، ﺭﺍﻛﯩﺘﺎ ﻻﻳﯩﻬﯩﻠﻪﺵ ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﻫﻪﺭﺑﯩﻲ ﭘﯩﻼﻧﻼﺭﻧﻰ ﺋﯩﺠﺮﺍ ﻗﯩﻠﯩﺸﻘﺎ ﻗﺎﺗﻨﯩﺸﯩﭗ، ﺋﻪﯓ ﺋﺎﻟﻰ ﭘﻪﻥ - ﺗﯧﺨﻨﯩﻜﺎ ﺗﻪﺟﺮﯨﺒﯩﺨﺎﻧﯩﻠﯩﺮﯨﺪﺍ ﺋﯩﺸﻠﯩﮕﻪﻥ.

ﭼﻪﻥ ﺷﯚﺳﯧﻦ 1947‏ - ﻳﯩﻠﻰ ﺷﺎﯕﺨﻪﻳﮕﻪ ﺑﯧﺮﯨﭗ ﺟﺎﯓ ﻛﻪﻳﺸﯩﻨﯩﯔ ﺑﯩﺮ ﻫﻪﺭﺑﯩﻲ ﺋﯩﺴﺘﺮﺍﺗﯧﮕﯩﻴﯩﭽﯩﺴﯩﻨﯩﯔ ﻗﯩﺰﻯ، ﺧﯩﺘﺎﻳﻨﯩﯔ ﺋﻪﻳﻨﻰ ﯞﺍﻗﯩﺘﺘﯩﻜﻰ ﻣﻪﺷﻬﯘﺭ ﻳﯘﻗﯩﺮﻯ ﺋﺎﯞﺍﺯﻟﯩﻖ ﻧﺎﺧﺸﯩﭽﯩﺴﻰ ﺟﺎﯓ ﻳﯩﯔ ﺑﯩﻠﻪﻥ ﺗﻮﻱ ﻗﯩﻠﯩﭗ، ﺋﺎﻣﯧﺮﯨﻜﯩﻐﺎ ﻗﺎﻳﺘﯩﭗ ﻛﻪﻟﮕﻪﻧﺪﯨﻦ ﻛﯧﻴﯩﻦ ﺧﯩﺘﺎﻳﻐﺎ ﻗﺎﻳﺘﯩﺸﻨﻰ ﺋﯩﻠﺘﯩﻤﺎﺱ ﻗﯩﻠﻐﺎﻥ. ﺋﯘ ﺋﺎﻣﯧﺮﯨﻜﯩﻨﯩﯔ ﻫﻪﺭﺑﯩﻲ ﻣﻪﺧﭙﯩﻴﻪﺗﻠﯩﻜﯩﻨﻰ ﺋﻪﯓ ﻛﯚﭖ ﯞﻩ ﺑﯩﯟﺍﺳﺘﻪ ﺑﯩﻠﯩﺪﯨﻐﺎﻥ ﻛﯩﺸﻰ ﺑﻮﻟﻐﺎﻧﻠﯩﻘﻰ ﺋﯜﭼﯜﻥ، ﺋﺎﻣﯧﺮﯨﻜﺎ ﺩﺍﺋﯩﺮﯨﻠﯩﺮﻯ ﺋﯘﻧﯩﯔ ﺧﯩﺘﺎﻳﻐﺎ ﻗﺎﻳﺘﯩﺶ ﺋﯩﻠﺘﯩﻤﺎﺳﯩﻨﻰ ﺩﻩﺭﻫﺎﻝ ﺗﻪﺳﺘﯩﻘﻠﯩﻤﯩﻐﺎﻥ. ﺑﯘ ﯞﺍﻗﯩﺘﺘﺎ ﭼﻪﻥ ﺷﯚﺳﯧﻨﻨﯩﯔ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﮕﻪ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﻟﻠﯩﻘﺎﭼﺎﻥ ﺗﻪﻛﺸﯜﺭﯛﺷﻜﻪ ﺑﺎﺷﻠﯩﻐﺎﻥ ﺋﺎﻣﯧﺮﯨﻜﺎ ﺗﻪﻛﺸﯜﺭﯛﺵ ﺋﯩﺪﺍﺭﯨﺴﻰ ﺑﯘ ﺩﯦﻠﻮﻧﻰ ﺗﯧﺰ ﺧﯘﻻﺳﯩﻼﺷﻘﺎ ﻛﯩﺮﯨﺸﺘﻰ. ﭼﻪﻥ ﺷﯚﺳﯧﻨﻨﯩﯔ ﻣﻪﺳﯩﻠﯩﻠﯩﺮﯨﻨﻰ ﺋﯧﻨﯩﻘﻼﺵ ﺩﺍﯞﺍﻡ ﻗﯩﻠﯩﯟﺍﺗﻘﺎﻧﺪﺍ، 1955 ‏- ﻳﯩﻠﻰ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﻛﻮﺭﯨﻴﻪ ﺋﯘﺭﯗﺷﯩﺪﺍ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﻮﻗﻰ ﺗﯧﮕﯩﭗ ﺋﯚﺯ ﻓﺮﻭﻧﺘﯩﻐﺎ ﻗﺎﻳﺘﯩﭗ ﻛﯧﺘﻪﻟﻤﯩﮕﻪﻥ 11 ﻧﻪﭘﻪﺭ ﺋﺎﻣﯧﺮﯨﻜﺎ ﺋﯘﭼﻘﯘﭼﯩﺴﻨﻰ ﻗﻮﻳﯘﭖ ﺑﯧﺮﯨﺶ ﺑﻪﺩﯨﻠﯩﮕﻪ ﭼﻪﻥ ﺷﯚﺳﯧﻨﻨﻰ ﺧﯩﺘﺎﻳﻐﺎ ﺋﯧﻠﯩﭗ ﻛﻪﺗﻜﻪﻥ.

ﭼﻪﻥ ﺷﯚﺳﯧﻦ ﻳﺎﺳﯩﻐﺎﻥ ﺋﺎﺗﻮﻡ ﺑﻮﻣﺒﺎ ﯞﻩ ﺭﺍﻛﯩﺘﺎﻻﺭ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﻰ ﻛﯜﭼﻠﻪﻧﺪﯛﺭﯛﭖ ﺧﻪﻟﻘﻘﻪ ﺋﺎﺯﺍﭖ - ﺋﻮﻗﯘﺑﻪﺕ ﻳﺎﻏﺪﯗﺭﺩﻯ

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﭼﻪﻥ ﺷﯚﺳﯧﻦ 1955‏ - ﻳﯩﻠﻰ ﺧﯩﺘﺎﻳﻐﺎ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ، ﺋﯘﻧﯩﯔ ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﮕﻪ 25 ﻳﯩﻞ ﺟﺎﺳﯘﺳﻠﯘﻕ ﻗﯩﻠﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺩﯦﻠﻮﻻﺭ ﺋﺎﻣﯧﺮﯨﻜﯩﺪﺍ ﺋﯚﺯ ﭘﯧﺘﻰ ﺳﺎﻗﻠﯩﻨﯩﭗ ﺗﯘﺭﻣﺎﻗﺘﺎ. ﭼﻪﻥ ﺷﯚﺳﯧﻦ ﺧﯩﺘﺎﻳﻐﺎ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ، ﻣﺎﯞﺯﯦﺪﯗﯓ ﺋﯘﻧﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺧﯩﺘﺎﻳﻐﺎ ﺑﻪﺭﻣﻪﻛﭽﻰ ﺑﻮﻟﻐﺎﻥ ﻳﺎﺩﺭﻭ ﺋﻪﺳﻠﯩﻬﻪﻟﯩﺮﻯ ﻫﻪﻗﻘﯩﺪﯨﻜﻰ ﺳﯚﻫﺒﻪﺗﻜﻪ ﺋﻪﯞﻩﺗﺘﻰ.

ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﺎﺩﺭﻭ ﻣﯘﺗﻪﺧﻪﺳﺴﯩﺴﻠﯩﺮﯨﻨﻰ ﺧﯩﺘﺎﻳﺪﯨﻦ ﺋﯧﻠﯩﭗ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﻣﺎﯞﺯﯦﺪﯗﯓ ﻳﺎﺩﺭﻭ ﻗﻮﺭﺍﻟﻠﯩﺮﻯ ﻳﺎﺳﺎﺷﻘﺎ ﭼﻪﻥ ﺷﯚﺳﯧﻨﻨﻰ ﻣﻪﺳﺌﯘﻝ ﻗﯩﻠﺪﻯ ﯞﻩ ﭼﻪﻥ ﺷﯚﺳﯧﻨﻨﻰ ﭼﻪﺗﺌﻪﻟﻠﻪﺭﺩﯨﻦ ﻗﺎﻳﺘﻘﺎﻥ ﺯﯨﻴﺎﻟﯩﻴﻼﺭﻧﯩﯔ ﺋﯜﻟﮕﯩﺴﻰ، ﯞﻩﺗﻪﻧﭙﻪﺭﯞﻩﺭ ﺩﻩﭖ ﺟﺎﻛﺎﺭﻻﭖ، ﺳﯩﻴﺎﺳﻪﺗﻜﻪ ﺋﺎﺭﯨﻠﯩﺸﯩﺸﻨﻰ ﺭﻩﻩﺕ ﻗﯩﻠﻐﺎﻥ، ﺧﯘﺩﺩﻯ ﭼﻪﻥ ﺷﯚﺳﯧﻨﮕﻪ ﺋﻮﺧﺸﺎﺵ ﺋﺎﻣﯧﺮﯨﻜﯩﺪﺍ ﺋﻮﻗﯘﭖ ﻳﯧﺘﯩﻠﮕﻪﻥ ﺑﺎﺷﻘﺎ ﺋﯩﻜﻜﻰ ﻣﻪﺷﻬﯘﺭ ﺋﺎﻟﯩﻤﻐﺎ (ﺩﯦﻨﺎﻣﯩﻜﺎ ﺋﺎﻟﯩﻤﻰ ﭼﻪﻥ ﯞﯦﻴﭽﺎﯓ ﺑﯩﻠﻪﻥ ﻳﺎﺩﺭﻭ ﻓﯧﺰﯨﻜﺎ ﺋﺎﻟﯩﻤﻰ ﭼﻪﻥ ﺳﻪﻧﭽﺎﯕﻐﺎ ﺋﻮﺧﺸﺎﺵ ﺑﺎﺷﻘﺎ ﺯﯨﻴﺎﻟﯩﻴﻼﺭﻏﺎ) ﺋﻮﯕﭽﻰ ﺩﻩﭖ ﻗﺎﻟﭙﺎﻕ ﻛﻪﻳﮕﯜﺯﯛﭖ ﺟﺎﺯﺍﻟﯩﺪﻯ.

ﭼﻪﻥ ﺷﯚﺳﯧﻦ 'ﺋﯜﺳﯜﻣﻠﯜﻙ ﯞﻩ ﻧﯘﺭ' ﻧﻪﺯﯨﻴﯩﺴﯩﮕﻪ ﺋﺎﺳﺎﺳﻪﻥ، ﺑﯩﺮ ﻣﯘ ﻳﻪﺭﺩﯨﻦ 13 ﻣﯩﯔ ﺟﯩﯔ، ﻫﻪﺗﺘﺎ 30 ﻣﯩﯔ ﺟﯩﯔ ﻫﻮﺳﯘﻝ ﺋﯧﻠﯩﺶ ﻣﯘﻣﻜﯩﻨﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﺪﯨﻦ ﻛﯧﻴﯩﻦ، ﻣﺎﯞﺯﯦﺪﯗﯓ ﺑﯘ ﻧﻪﺯﯨﺮﯨﻴﯩﺪﯨﻦ ﭘﺎﻳﺪﯨﻠﯩﻨﯩﭗ ﭼﻮﯓ ﺳﻪﻛﺮﻩﭖ ﺋﯩﻠﮕﯩﺮﯨﻠﻪﺵ ﺩﯦﮕﻪﻥ ﻫﻪﺭﯨﻜﻪﺗﻨﻰ ﻗﻮﺯﻏﯩﺪﻯ ﯞﻩ ﻣﯘﺷﯘ ﻧﻪﺯﯨﺮﯨﻴﻪ ﺑﯘﻳﯩﭽﻪ ﻫﯧﺴﺎﺑﻼﭖ ﺩﯦﻬﻘﺎﻧﻼﺭﺩﯨﻦ ﺑﺎﺝ ﺋﺎﻟﺪﻯ. ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﺧﯩﺘﺎﻳﺪﺍ ﭼﻮﯓ ﺋﺎﭼﺎﺭﭼﯩﻠﯩﻖ ﻳﯜﺯ ﺑﯧﺮﯨﭗ 60 ﻣﯩﻠﻴﻮﻥ ﺋﺎﺩﻩﻡ ﺋﯚﻟﺪﻯ.

ﭼﻪﻥ ﺷﯚﺳﯧﻦ ‏ 1989 - ﻳﯩﻠﻰ ﻛﻮﻣﻤﯘﻧﯩﺴﺖ ﺋﺎﺭﻣﯩﻴﯩﺴﯩﻨﯩﯔ ﺗﻴﻪﻧﺌﻪﻧﻤﯧﻨﺪﻩ ﭘﺎﺭﺗﻠﯩﻐﺎﻥ ﺩﯦﻤﻮﻛﺮﺍﺗﯩﻚ ﻫﻪﺭﯨﻜﻪﺗﻨﻰ ﺑﺎﺳﺘﯘﺭﯗﺷﻨﻰ ﻗﻮﻟﻠﯩﺪﻯ. 2002 - ﻳﯩﻠﻰ ﻳﻪﻧﻪ 'ﺋﺎﺩﻩﻡ ﺑﻪﺩﯨﻨﻰ ﯞﻩ ﻧﻪﭘﻪﺱ' ﺗﻮﻏﺮﯨﺴﯩﺪﺍ ﺋﯩﻠﻤﯩﻲ ﺩﻭﻛﻼﺕ ﺑﯧﺮﯨﭗ، ﮔﻪﺭﭼﻪ ﺋﯘ ﺩﻭﻛﻼﺗﯩﺪﺍ ﺟﺎﯓ ﺯﯦﻤﯩﻨﻨﯩﯩﯔ ﻓﺎﻟﯘﻧﮕﻮﯕﻨﻰ ﺑﺎﺳﺘﯘﺭﯗﺷﯩﻨﻰ ﺋﻮﭼﯘﻕ ﻗﻮﻟﻠﯩﻤﯩﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺟﺎﯓ ﺯﯦﻤﯩﻨﻨﻰ ﭘﻪﻥ ﺑﯩﻠﻪﻥ ﺳﯩﻴﺎﺳﯩﻴﻨﻰ ﺑﯩﺮﻟﻪﺷﺘﯜﺭﯛﺷﻨﯩﯔ ﻧﻪﻣﯘﻧﯩﺴﻰ ﺩﻩﭖ ﻣﻪﺩﯨﻬﯩﻴﯩﻠﯩﺪﻯ. ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﺎﻫﺎ ﺑﯧﺮﯨﺸﯩﭽﻪ، ﭼﻪﻥ ﺷﯚﺳﯧﻨﻨﯩﯔ ﺳﯩﻴﺎﺳﯩﻴﻐﺎ ﺋﺎﺭﯨﻠﯩﺸﯩﺸﻰ ﺧﯩﺘﺎﻳﺪﺍ ﺯﯨﻴﺎﻟﯩﻴﻼﺭﻏﺎ ﭼﻪﻛﺴﯩﺰ ﺑﯧﺴﯩﻢ ﯞﻩ ﺯﯗﻟﯘﻡ ﺑﻮﻟﺪﻯ. ﺋﯘﻧﯩﯔ ﺟﺎﯓ ﻛﻪﻳﺸﯩﻨﯩﯔ ﭘﯘﻟﻰ ﺑﯩﻠﻪﻥ ﺋﺎﻣﯧﺮﯨﻜﯩﺪﺍ ﺋﻮﻗﯘﭖ ﺋﯚﮔﻪﻧﮕﻪﻥ ﺋﺎﺗﻮﻡ ﺑﻮﻣﺒﺎ ﯞﻩ ﺭﺍﻛﯩﺘﺎ ﺗﯧﺨﻨﯩﻜﯩﺴﻰ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﻰ ﻛﯜﭼﻠﻪﻧﺪﯛﺭﯛﭖ ﺧﻪﻟﻘﻘﻪ ﺋﺎﺯﺍﭖ - ﺋﻮﻗﯘﺑﻪﺕ ﻳﺎﻏﺪﯗﺭﺩﻯ.

ﭼﻪﻥ ﺷﯚﺳﯧﻨﻨﯩﯔ ﻣﻪﺳﺌﯘﻟﻠﯘﻗﯩﺪﺍ 46 ﻗﯧﺘﯩﻢ ﺋﯧﻠﯩﭗ ﺑﯧﺮﯨﻠﻐﺎﻥ ﻳﺎﺩﺭﻭ ﺳﻨﯩﻘﻰ ﺟﻪﺭﻳﺎﻧﯩﺪﺍ 750 ﻣﯩﯔ ﺋﺎﺩﻩﻡ ﺋﯚﻟﺪﻯ

ﻳﺎﭘﻮﻧﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺗﻪﻛﺸﯜﺭﯛﺷﯩﺪﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﻰ ﺋﯘﻳﻐﯘﺭﻻﺭ ﻳﺎﺷﺎﻳﺪﯨﻐﺎﻥ ﻟﻮﭘﻨﯘﺭ ﺭﺍﻳﻮﻧﯩﺪﺍ 46 ﻗﯧﺘﯩﻢ ﻳﻪﺭ ﺋﺎﺳﺘﻰ، ﻳﻪﺭ ﺋﯜﺳﺘﻰ ﯞﻩ ﻫﺎﯞﺍ ﺑﻮﺷﻠﯘﻗﯩﺪﺍ ﻳﺎﺩﺭﻭ ﺳﯩﻨﯩﻘﻰ ﺋﯧﻠﯩﭗ ﺑﺎﺭﺩﻯ. ﺑﯘ ﺭﺍﻳﻮﻧﻨﻰ ﻫﻪﺗﺘﺎ ﺑﺎﺷﻘﺎ ﺩﯙﻟﻪﺗﻠﻪﺭﮔﯩﻤﯘ ﻳﺎﺩﺭﻭ ﺑﻮﻣﺒﯩﻠﯩﺮﯨﻨﻰ ﺳﯩﻨﺎﻕ ﻗﯩﻠﯩﺶ ﺋﯜﭼﯜﻥ ﺋﯩﺠﺎﺭﯨﮕﻪ ﺑﻪﺭﺩﻯ. ﺑﯘ ﺭﺍﻳﻮﻧﺪﺍ 1964‏ - ﻳﯩﻠﯩﺪﯨﻦ 1996‏ - ﻳﯩﻠﯩﻐﯩﭽﻪ ﺑﻮﻟﻐﺎﻥ 32 ﻳﯩﻠﺪﺍ ﺳﯩﻨﺎﻕ ﻗﯩﻠﯩﻨﻐﺎﻥ ﻳﺎﺩﺭﻭ ﺑﻮﻣﺒﯩﻠﯩﺮﯨﻨﯩﯔ ﺋﻮﻣﯘﻣﻰ ﭘﺎﺭﺗﻼﺵ ﻛﯜﭼﻰ 20 ﻣﯩﻠﻴﻮﻥ ﺗﻮﻧﻨﺎ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺋﯧﻠﯩﭗ ﺑﺎﺭﻏﺎﻥ ﻳﺎﺩﺭﻭ ﺳﯩﻨﯩﻘﯩﺪﯨﻦ 10 ﻫﻪﺳﺴﻪ ﻛﯚﭖ.

ﭼﻪﻥ ﺷﯚﺳﯧﻨﻨﯩﯔ ﻣﻪﺳﺌﯘﻟﻠﯘﻗﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯘ ﻳﺎﺩﺭﻭ ﺳﯩﻨﺎﻗﻠﯩﺮﯨﺪﺍ ﻫﺎﺳﯩﻞ ﺑﻮﻟﻐﺎﻥ ﺭﺍﺩﯨﺌﺎﻟﺘﯩﭗ ﻧﯘﺭ ﯞﻩ ﻳﺎﺩﺭﻭ ﺗﻮﺯﺍﻧﻠﯩﺮﻯ ﻟﻮﭘﻨﯘﺭ ﺭﺍﻳﻮﻧﻰ ﯞﻩ ﺋﯘﻧﯩﯔ ﺋﻪﺗﺮﺍﭘﯩﺪﯨﻜﻰ ﺋﯘﻳﻐﯘﺭﻻﺭ ﻳﺎﺷﺎﻳﺪﯨﻐﺎﻥ ﻣﻪﻫﻪﻟﻠﯩﻠﻪﺭﺩﻩ ﺑﯩﺮ ﻣﯩﻠﻴﻮﻥ 290 ﻣﯩﯔ ﺋﺎﺩﻩﻣﻨﻰ ﺯﻩﻫﻪﺭﻟﯩﺪﻯ. ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﺴﯩﻨﯩﯔ ﻣﻪﺧﭙﯩﻲ ﻣﺎﺗﯧﺮﯨﻴﺎﻟﻠﯩﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﺳﯩﻨﺎﻗﻼﺭﺩﺍ ﺯﻩﻫﻪﺭﻟﻪﻧﮕﻪﻥ ﺋﺎﺩﻩﻣﻠﻪﺭﻧﯩﯔ 750 ﻣﯩﯖﻰ ﺋﯚﻟﯜﭖ ﺑﻮﻟﺪﻯ.

ﻣﯘﺷﯘ ﻳﯩﻠﻼﺭﺩﺍ ﻳﻪﻧﻪ، ﺋﯘﻳﻐﯘﺭ ﻣﻪﻫﻪﻟﻠﯩﻠﯩﺮﯨﺪﻩ ﺋﺎﻏﺰﻯ ﭘﯘﭼﯘﻕ ﻳﺎﻛﻰ ﻣﯧﯖﯩﺴﻰ ﻧﺎﻛﺎﺭ ﺗﯘﻏﯘﻟﻐﺎﻥ ﺑﺎﻟﯩﻼﺭ ﻛﯚﭖ ﺑﻮﻟﯘﭘﻼ ﻗﺎﻟﻤﺎﻱ، ﺑﻪﻟﻜﻰ ﻟﯩﻤﭙﺎ ﻳﺎﻛﻰ ﻗﺎﻥ ﺭﺍﻛﻰ ﻛﯧﺴﻪﻟﻠﯩﻜﻠﯩﺮﯨﻤﯘ ﺑﺎﺷﻘﺎ ﺭﺍﻳﻮﻧﻼﺭﺩﯨﻦ 30% ﻛﯚﭖ ﺑﻮﻟﺪﻯ. ﻟﻮﭘﻨﯘﺭﺩﺍ ﺋﯧﻠﯩﭗ ﺑﯧﺮﯨﻠﻐﺎﻥ ﻳﺎﺩﺭﻭ ﺳﯩﻨﯩﻘﯩﻨﯩﯔ ﺗﻪﺳﯩﺮﻯ ﻳﻪﺗﻜﻪﻥ - ﺑﯘﻟﻐﺎﻧﻐﺎﻥ ﺋﯜﺭﯛﻣﭽﻰ ﺷﻪﻫﯩﺮﯨﺪﻩ 1993‏ - ﻳﯩﻠﯩﺪﯨﻦ 2000 ‏- ﻳﯩﻠﯩﻐﯩﭽﻪ ﺑﻮﻟﻐﺎﻥ ﯞﺍﻗﯩﺖ ﺋﯩﭽﯩﺪﻩ ﭘﻪﻳﺪﺍ ﺑﻮﻟﻐﺎﻥ ﻫﻪﺭ ﺧﯩﻞ ﺭﺍﻙ ﻛﯧﺴﻪﻟﻠﯩﻜﯩﻨﯩﯔ ﻧﯧﺴﺒﯩﺘﯩﻤﯘ ﺑﺎﺷﻘﺎ ﺭﺍﻳﻮﻧﻼﺭﺩﯨﻜﯩﺪﯨﻦ ﺋﯩﻜﻜﻰ ﻫﻪﺳﺴﻪ ﻛﯚﭖ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز