ﺧﻪﻟﻘﺌﺎﺭﺍ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﻰ ﺑﺎﻫﺎﻻﺵ ﻧﻪﺗﯩﺠﯩﺴﻰ، ﻣﯘﺷﯘ ﭼﺎﺭﺷﻪﻧﺒﻪ ﻛﯜﻧﻰ 21 - ﺋﯚﻛﺘﻪﺑﯩﺮ ﻛﯜﻧﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، 2008 - ﻳﯩﻠﻰ 9 - ﺋﺎﻳﻨﯩﯔ 1 - ﻛﯜﻧﯩﺪﯨﻦ 2009 - ﻳﯩﻠﻰ 8 - ﺋﺎﻳﻨﯩﯔ 31 - ﻛﯜﻧﯩﮕﻪ ﻗﻪﺩﻩﺭ ﺑﻮﻟﻐﺎﻥ ﺋﺎﺭﯨﻠﯩﻘﺘﯩﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﺋﻪﻫﯟﺍﻟﻰ ﺑﺎﻫﺎﻻﭖ ﭼﯩﻘﯩﻠﻐﺎﻥ.

ﺑﯘ ﻧﯚﯞﻩﺗﻠﯩﻚ ﺑﺎﻫﺎﻻﺷﺘﺎ ﺋﺎﻟﺪﯨﻨﻘﻰ 5 ﺩﻩﺭﯨﺠﯩﮕﻪ ﺋﯧﺮﯨﺸﻜﻪﻥ ﺩﯙﻟﻪﺗﻠﻪﺭ، ﺷﯩﻤﺎﻟﻰ ﻳﺎﯞﺭﻭﭘﺎﺩﯨﻜﻰ ﺩﯦﻤﻮﻛﺮﺍﺗﯩﻚ ﺩﯙﻟﻪﺗﻠﻪﺭ ﺑﻮﻟﯘﭖ، ﺭﻩﺕ ﺗﻪﺭﺗﯩﭙﻰ ﺑﻮﻳﯩﭽﻪ، ﺩﺍﻧﯩﻴﻪ، ﻓﯩﻨﻼﻧﺪﯨﻴﻪ، ﺋﯩﺮﯦﻼﻧﺪﯨﻴﻪ، ﻧﻮﺭﯞﯦﮕﯩﻴﻪ ﻫﻪﻡ ﺷﯟﯦﺘﺴﯩﻴﻪ ﺑﻮﻟﻐﺎﻥ، ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻧﺎﭼﺎﺭ ﺑﻮﻟﻐﺎﻥ 3 ﺩﯙﻟﻪﺕ ﺗﯜﺭﻛﻤﻪﻧﯩﺴﺘﺎﻥ، ﺷﯩﻤﺎﻟﻰ ﻛﻮﺭﯦﻴﻪ، ﻫﻪﻡ ﺷﯩﻤﺎﻟﻰ ﺋﺎﻓﺮﯨﻘﯩﺪﯨﻜﻰ ﺳﯘﺩﺍﻥ ﺑﯩﻠﻪﻥ ﺋﯧﭙﻮﭘﯩﻴﻪ ﭼﯧﮕﺮﯨﺴﯩﺪﯨﻜﻰ ﺋﯧﺮﯨﺘﺮﯦﺌﺎ ﺩﯙﻟﯩﺘﻰ ﺑﻮﻟﻐﺎﻥ. ﺑﯘ 3 ﺩﯙﻟﻪﺗﺘﻪ ﭼﻪﺗﺌﻪﻟﻠﻪﺭﻧﯩﯔ ﺋﺎﺧﺒﺎﺭﺍﺕ ﺋﯘﭼﯘﺭﻟﯩﺮﻯ ﭘﯜﺗﯜﻧﻠﻪﻱ ﻗﺎﻣﺎﻝ ﻗﯩﻠﯩﻨﻐﺎﻥ ﺑﻮﻟﯘﭖ، ﭘﯘﻗﺮﺍﻻﺭ ﻫﻪﺭ ﻗﺎﻧﺪﺍﻕ ﺑﯩﺮ ﺩﯙﻟﻪﺗﻨﯩﯔ ﺧﻪﯞﻩﺭ - ﺋﯘﭼﯘﺭﻟﯩﺮﯨﻨﻰ ﺋﺎﯕﻠﯩﻴﺎﻟﻤﺎﻳﺪﯨﻜﻪﻥ.

ﺑﯘ ﻧﯚﯞﻩﺗﻠﯩﻚ ﺑﺎﻫﺎﻻﺷﺘﺎ ﺧﯩﺘﺎﻱ ﺋﺎﺭﻗﯩﺪﯨﻦ ﺳﺎﻧﯩﻐﺎﻧﺪﺍ 8 - ﺋﻮﺭﯗﻧﺪﺍ ﺗﯘﺭﻏﺎﻥ ﺑﻮﻟﯘﭖ،ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻛﯘﺑﺎ، ﻻﺋﻮﺱ، ﺑﯧﺮﻣﺎ، ﻫﻪﻡ ﺋﯩﺮﺍﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﺑﯩﻠﻪﻥ ﺑﺎﺭﺍﯞﻩﺭ ﺗﯘﺭﻏﺎﻥ. ﺧﻪﻟﻘﺌﺎﺭﺍ ﭼﯧﮕﺮﯨﺴﯩﺰ ﻣﯘﺧﺒﯩﺮﻻﺭ ﺗﻪﺷﻜﯩﻼﺗﯩﻨﯩﯔ ﺋﺎﺳﯩﻴﺎ ﺑﯚﻟﯜﻣﻠﯩﺮﻯ ﻣﻪﺳﺌﯘﻟﻰ، ﯞﯨﻨﭽﯧﻨﺖ ﺑﺮﻭﺳﺴﯧﻞ ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ، ﺑﯘﻟﺘﯘﺭﻗﯩﻐﺎ ﺳﯧﻠﯩﺸﺘﯘﺭﻏﺎﻧﺪﺍ ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻳﻪﻧﻪ 1 ﺩﻩﺭﯨﺠﻪ ﺋﺎﺭﻗﯩﻐﺎ ﭼﯧﻜﯩﻨﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ.

ﯞﯨﻨﭽﯧﻨﺖ ﺑﺮﻭﺳﺴﯧﻞ ﺧﯩﺘﺎﻳﻨﯩﯔ ﺑﯘ ﻳﯩﻞ ﺑﯘﻗﻪﺩﻩﺭ ﻧﺎﭼﺎﺭ ﺑﺎﻫﺎ ﺋﯧﻠﯩﺸﯩﻨﯩﯔ ﺳﻪﯞﻩﺑﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ: " ﺧﯩﺘﺎﻳﺪﯨﻜﻰ ﺑﯩﺮ ﻗﺎﻧﭽﻪ ﻣﯘﺳﺘﻪﻗﯩﻞ ﻳﺎﺯﻏﯘﭼﻰ ﯞﻩ ﻣﯘﺧﺒﯩﺮﻻﺭﻧﯩﯔ ﻣﯘﺷﯘ ﺑﯩﺮ ﻳﯩﻞ ﺋﯩﭽﯩﺪﻩ ﺋﺎﺭﻗﺎ - ﺋﺎﺭﻗﯩﺪﯨﻦ ﻗﻮﻟﻐﺎ ﺋﯧﻠﯩﻨﯩﭗ، ﺋﯘﻻﺭﻧﯩﯔ ﺗﻮﺭ ﺑﯧﻜﻪﺗﻠﯩﺮﯨﻨﯩﯔ ﺗﺎﻗﯩﻠﯩﺸﻰ ؛ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﺩﯨﻦ ﻛﯧﻴﯩﻦ،ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﻯ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺋﯜﺭﯛﻣﭽﯩﮕﻪ ﻛﯩﺮﯨﺸﯩﮕﻪ ﺭﯗﺧﺴﻪﺕ ﻗﯩﻠﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺯﯨﻴﺎﺭﻩﺕ ﺟﻪﺭﻳﺎﻧﯩﺪﺍ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﻨﻰ ﻛﯜﭼﻪﻳﺘﯩﭗ، ﻣﯘﺧﺒﯩﺮﻻﺭﻧﯩﯔ ﺧﯩﺘﺎﻱ ﺳﺎﻗﭽﯩﻠﯩﺮﻯ ﺗﻪﺭﯨﭙﯩﺪﯨﻦ ﺗﻪﻗﯩﺐ ﻗﯩﻠﯩﻨﻐﺎﻧﻠﯩﻘﻰ، ﻫﻪﺗﺘﺎ ﺧﻮﯕﻜﻮﯓ، ﻳﺎﭘﻮﻧﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺕ ﯞﻩ ﺭﺍﻳﻮﻥ ﻣﯘﺧﺒﯩﺮﻟﯩﺮﯨﻨﯩﯔ ﺯﯨﻴﺎﺭﻩﺕ ﺟﻪﺭﻳﺎﻧﯩﺪﺍ، ﺳﺎﻗﭽﯩﻼﺭﻧﯩﯔ ﺋﯘﺭﯗﭖ ﻫﺎﻗﺎﺭﻩﺗﻠﯩﺸﯩﮕﻪ ﺋﯘﭼﺮﯨﺸﻰ؛ "5 - ﺋﯩﻴﯘﻝ ﯞﻩﻗﻪﺳﻰ"ﺩﯨﻦ ﺑﯘﻳﺎﻥ ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﯩﺮﯨﻨﯩﯔ ﭘﯜﺗﯜﻧﻠﻪﻱ ﺗﺎﻗﺎﻟﻐﺎﻧﻠﯩﻘﻰ، ﺋﯘﻳﻐﯘﺭ ﺋﯩﻠﯩﺪﯨﻜﻰ ﭘﯘﻗﺮﺍﻻﺭﻧﯩﯔ ﭼﻪﺗﺌﻪﻟﻠﻪﺭ ﺑﯩﻠﻪﻥ ﺑﻮﻟﻐﺎﻥ ﻧﻮﺭﻣﺎﻝ ﺗﯧﻠﯧﻔﻮﻥ ﯞﻩ ﺋﯩﻨﺘﯧﺮﻧﯧﺖ ﺋﺎﻻﻗﯩﺴﯩﻨﯩﯔ ﻗﺎﻣﺎﻝ ﻗﯩﻠﯩﻨﯩﭗ، ﺋﻪﺭﻛﯩﻦ ﺋﯘﭼﯘﺭ ﻳﻮﻟﯩﻨﯩﯔ ﭘﯜﺗﯜﻧﻠﻪﻱ ﺋﯧﺘﯩﻠﮕﻪﻧﻠﯩﻜﻰ؛ ﺧﯩﺘﺎﻳﻨﯩﯔ ﺩﯙﻟﻪﺕ ﺑﺎﻳﺮﯨﻤﯩﻨﯩﯔ 60 ﻳﯩﻠﻠﯩﻘﯩﻨﻰ ﺑﯩﺨﻪﺗﻪﺭ ﺋﯚﺗﻜﯜﺯﯛﺵ ﺑﺎﻫﺎﻧﯩﺴﯩﺪﻩ،ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻐﺎ ﻗﺎﺭﺍﺗﻘﺎﻥ ﺯﯨﻴﺎﺩﻩ ﭼﻪﻛﻠﻪﺵ ﺳﯩﻴﺎﺳﯩﺘﻰ ﻗﺎﺗﺎﺭﻟﯩﻘﻼﺭ ﺧﯩﺘﺎﻳﻨﯩﯔ ﺑﯘ ﻳﯩﻠﻠﯩﻖ ﺑﺎﻫﺎﻻﺷﺘﺎ ﺑﯘﻟﺘﯘﺭﻗﯩﺪﯨﻦ ﻳﻪﻧﻪ ﺑﯩﺮ ﺩﻩﺭﯨﺠﻪ ﻧﺎﭼﺎﺭ ﻫﺎﻟﻪﺗﻜﻪ ﭼﯜﺷﯜﭖ ﻗﯧﻠﯩﺸﯩﻐﺎ ﺳﻪﯞﻩﺏ ﺑﻮﻟﻐﺎﻥ ﺋﺎﺳﺎﺳﻰ ﺋﺎﻣﯩﻠﻼﺭ ﻫﯧﺴﺎﺑﻠﯩﻨﯩﺪﯗ".

ﺑﯘ ﻳﯩﻞ ﺋﯚﻛﺘﻪﺑﯩﺮ ﺋﯧﻴﯩﻨﯩﯔ ﺑﯧﺸﯩﺪﺍ، ﺧﻪﻟﻘﺌﺎﺭﺍ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﺋﯘﭼﺮﯨﺸﯩﺶ ﻳﯩﻐﯩﻨﻰ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ ﺑﻮﻟﯘﭖ،ﻳﯩﻐﯩﻨﺪﺍ ﺧﯩﺘﺎﻱ ﺭﻩﺋﯩﺴﻰ ﺧﯘ ﺟﯩﻨﺘﺎﯞ ﺧﯩﺘﺎﻱ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﻯ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺋﯩﺪﻯ.

ﺧﯘ ﺟﯩﻨﺘﺎﯞﻧﯩﯔ ﺑﯘ ﺳﯚﺯﯨﮕﻪ ﻗﺎﺭﯨﺘﺎ، ﯞﯨﻨﭽﯧﻨﺖ ﺑﺮﻭﺳﺴﯧﻞ ﺋﯚﺯﯨﻨﯩﯔ ﮔﯘﻣﺎﻧﯩﻲ ﻗﺎﺭﯨﺸﯩﻨﻰ ﺋﯩﭙﺎﺩﯨﻠﻪﭖ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻏﻪﺭﺏ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻐﺎ ﺑﻪﺭﮔﻪﻥ ﺑﯘ ﯞﻩﺩﯨﺴﻰ، ﻏﻪﺭﺏ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻳﺪﺍ ﺯﯨﻴﺎﺭﻩﺕ ﻗﯩﻠﯩﺶ ﺟﻪﺭﻳﺎﻧﯩﺪﺍ ﺋﯘﭼﺮﯨﻐﺎﻥ ﺭﯦﺌﺎﻝ ﺋﻪﻫﯟﺍﻟﻼﺭﻏﺎ ﺯﺍﺩﯨﻼ ﻣﺎﺱ ﻛﻪﻟﻤﻪﻳﺪﯗ. ﺑﯧﻴﺠﯩﯔ ﻫﯚﻛﯜﻣﯩﺘﻰ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺧﯩﺘﺎﻳﺪﯨﻜﻰ ﺯﯨﻴﺎﺭﯨﺘﯩﮕﻪ ﻗﺎﺭﯨﺘﺎ ﺗﯧﺨﯩﻤﯘ ﻛﻪﯕﺮﻩﻙ ﺳﯩﻴﺎﺳﻪﺗﻨﻰ ﻳﻮﻟﻐﺎ ﻗﻮﻳﯘﺷﻰ، ﺩﯙﻟﻪﺕ ﺋﯩﭽﯩﺪﯨﻜﻰ ﻣﯘﺧﺒﯩﺮﻻﺭﻏﯩﻤﯘ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻐﺎ ﻗﺎﺭﺍﺗﻘﺎﻥ ﺧﻪﯞﻩﺭﺩﻩ ﺋﻪﺭﻛﯩﻦ ﺑﻮﻟﯘﺵ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﯘﺷﻰ، ﺧﯩﺘﺎﻱ ﻣﯘﺧﺒﯩﺮﻟﯩﺮﯨﻐﯩﻤﯘ ﺋﺎﺧﺒﺎﺭﺍﺗﺘﺎ ﺗﯧﺨﯩﻤﯘ ﻗﯘﻻﻳﻠﯩﻖ ﭘﯘﺭﺳﻪﺗﻠﻪﺭﻧﻰ ﻳﺎﺭﯨﺘﯩﭗ ﺑﯧﺮﯨﺸﻰ ﻛﯧﺮﻩﻙ."

ﺧﻮﯕﻜﻮﯓ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯘﭼﯘﺭ ﻛﻪﺳﭙﻰ ﻓﺎﻛﯘﻟﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﻟﻰ ﺟﯩﯖﭽﯜﻩﻥ ﺋﻪﭘﻪﻧﺪﯨﻤﯘ، ﺏ ﺏ ﺱ ﺋﺎﮔﯧﻨﺘﻠﯩﻘﯩﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﯩﻨﯩﺪﺍ، ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﮕﻪﻥ:"ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﻗﻮﺭﺍﻝ ﻛﯜﭼﻰ ﯞﻩ ﺗﻪﺷﯟﯨﻘﺎﺗﯩﻐﺎ ﺗﺎﻳﯩﻨﯩﭗ ﯞﻩﺯﯨﻴﻪﺗﻨﻰ ﻛﻮﻧﺘﺮﻭﻝ ﻗﯩﻠﯩﭗ ﻛﯧﻠﯩﯟﺍﺗﯩﺪﯗ، ﻫﺎﻟﺒﯘﻛﻰ ﺋﺎﺧﺒﺎﺭﺍﺕ ﻣﻪﻳﺪﺍﻧﻰ ﺑﻮﻟﺴﺎ ﺋﯘﻻﺭﻧﯩﯔ ﺋﺎﺧﯩﺮﻗﻰ ﺋﯩﺴﺘﯩﻬﻜﺎﻣﻰ. ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﭼﯘﻥ ﺑﯩﺮ ﺗﻪﺭﻩﭘﻠﯩﻤﻪ ﯞﻩ ﻳﺎﻟﻐﺎﻥ ﺧﻪﯞﻩﺭ ﺑﯧﺮﯨﺶ ﺋﺎﺩﻩﺗﻜﻪ ﺋﺎﻳﻠﯩﻨﯩﭗ ﻛﻪﺗﻜﻪﻥ، ﺋﻪﮔﻪﺭ ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻳﻮﻝ ﻗﻮﻳﯘﻟﻤﯩﺴﺎ، ﺧﯩﺘﺎﻳﻨﯩﯔ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻠﯩﺮﻯ ﻏﻪﺭﺏ ﺩﯗﻧﻴﺎﺳﯩﻐﺎ ﻛﯩﺮﮔﻪﻥ ﺗﻪﻗﺪﯨﺮﺩﯨﻤﯘ، ﺑﯘﻧﯩﯔ ﻫﯧﭻ ﺋﻪﻫﻤﯩﻴﯩﺘﻰ ﻳﻮﻕ، ﭼﯜﻧﻜﻰ ﺧﯩﺘﺎﻳﻨﯩﯔ ﺧﻪﯞﻩﺭﻟﯩﺮﯨﻨﯩﯔ ﺋﯩﺸﻪﻧﭽﻠﯩﻚ ﺩﻩﺭﯨﺠﯩﺴﻰ ﺑﻪﻛﻼ ﺗﯚﯞﻩﻥ."

ﻟﻰ ﺟﯩﯖﭽﯜﻩﻥ ﺋﻪﭘﻪﻧﺪﻯ ﻳﻪﻧﻪ، ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺕ ﻛﻮﻧﺘﺮﻭﻟﻠﯘﻗﯩﻨﯩﯔ ﻫﻪﺭ ﻗﺎﻳﺴﻰ ﺋﯚﻟﻜﯩﻠﻪﺭﺩﯨﻜﻰ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻳﻨﯩﯔ ﻳﯧﻘﯩﻨﻘﻰ ﺑﯩﺮ ﻗﺎﻧﭽﻪ ﻳﯩﻠﺪﯨﻦ ﺑﯘﻳﺎﻧﻘﻰ ﺋﺎﺧﺒﺎﺭﺍﺕ ﺳﺎﻫﻪﺳﯩﮕﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻗﯩﻨﻰ ﺳﯧﻠﯩﺸﺘﯘﺭﯨﺪﯨﻐﺎﻥ ﺑﻮﻟﺴﺎﻕ، ﺧﯩﺘﺎﻳﻨﯩﯔ ﺷﯩﻤﺎﻟﯩﺪﯨﻜﻰ ﺋﯚﻟﻜﯩﻠﻪﺭﺩﯨﻜﻰ ﺋﺎﺧﺒﺎﺭﺍﺕ ﻛﻮﻧﺘﺮﻭﻟﻠﯘﻗﻰ، ﺟﻪﻧﯘﺑﯩﻲ ﺋﯚﻟﻜﯩﻠﯩﺮﯨﮕﻪ ﻗﺎﺭﯨﻐﺎﻧﺪﺍ ﻛﯜﭼﻠﯜﻙ ﺑﻮﻟﻤﺎﻗﺘﺎ. ﮔﯘﺍﯕﺪﯗﯓ ﺋﯚﻟﻜﯩﺴﯩﺪﻩ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﻪ ﺋﯧﭽﯩﯟﯦﺘﯩﺶ ﺳﯩﻴﺎﺳﯩﺘﻰ ﻳﻮﻟﻐﺎ ﻗﻮﻳﯘﻟﻐﺎﻧﻠﯩﻘﻰ ﻫﻪﻡ ﻫﯚﻛﯜﻣﻪﺕ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﻛﯚﯕﻠﻰ ‏ - ﻛﯚﻛﺴﻰ ﻛﻪﯓ ﺑﻮﻟﻐﯩﻨﻰ ﺋﯜﭼﯜﻥ، ﺋﯘﭼﯘﺭﻏﺎ ﺑﻮﻟﻐﺎﻥ ﻗﺎﻣﺎﻟﻤﯘ ﺑﯩﺮ ﻗﻪﺩﻩﺭ ﺑﻮﺷﺮﺍﻕ، ﻣﻪﺳﯩﻠﻪﻥ"ﺟﻪﻧﯘﺑﯩﻲ ﺟﯘﯕﮕﻮ ﺷﻪﻫﻪﺭ ﮔﯧﺰﯨﺘﻰ"، " ﺟﻪﻧﯘﺏ ﻫﻪﭘﺘﻪ ﺋﺎﺧﯩﺮﻯ"ﻗﺎﺗﺎﺭﻟﯩﻖ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﺪﺍ ﺧﯩﺘﺎﻳﺪﯨﻜﻰ ﭘﺎﺭﯨﺨﻮﺭﻟﯘﻕ ﻫﻪﻡ ﻣﯘﻫﯩﺖ ﺑﯘﻟﻐﯩﻨﯩﺸﻰ ﻗﺎﺗﺎﺭﻟﯩﻖ ﺟﻪﻣﺌﯩﻴﻪﺗﻨﯩﯔ ﻗﺎﺭﺍﯕﻐﯘ ﺗﻪﺭﻩﭘﻠﯩﺮﻯ ﺋﻪﻛﺲ ﺋﻪﺗﺘﯜﺭﯛﻟﮕﻪﻥ ﺧﻪﯞﻩﺭﻟﻪﺭ ﺑﯩﺮ ﻗﻪﺩﻩﺭ ﻛﻪﯓ ﺑﯧﺮﯨﻠﺪﻯ، ﺋﯘﻧﯩﯖﺪﯨﻦ ﺑﺎﺷﻘﺎ، ﺷﺎﯕﺨﻪﻳﺪﻩ ﭼﯩﻘﯩﺪﯨﻐﺎﻥ"ﺋﯩﻘﺘﯩﺴﺎﺩ ﮊﯗﺭﻧﯩﻠﻰ"ﻫﻪﻡ ﺑﯧﻴﺠﯩﯖﺪﺍ ﭼﯩﻘﯩﺪﯨﻐﺎﻥ "ﻳﯧﯖﻰ ﺑﯧﻴﺠﯩﯔ ﮔﯧﺰﯨﺘﻰ"ﻗﺎﺗﺎﺭﻟﯩﻘﻼﺭﺩﯨﻤﯘ ﺑﯩﺮ ﻗﻪﺩﻩﺭ ﺋﻪﺭﻛﯩﻦ ﭘﯩﻜﯩﺮﻟﻪﺭ ﺋﻮﺗﺘﯘﺭﯨﻐﺎ ﻗﻮﻳﯘﻟﻤﺎﻗﺘﺎ. ﻟﯧﻜﯩﻦ ﺑﯘ ﺑﯩﺮ ﻧﻪﭼﭽﻪ ﮔﯧﺰﯨﺖ ﺧﯩﺘﺎﻳﻨﯩﯔ ﺑﯩﺮ ﭘﯜﺗﯜﻥ ﺋﺎﺧﺒﺎﺭﺍﺕ ﻗﯘﺭﯗﻟﻤﯩﺴﯩﻐﺎ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ. ﺧﯩﺘﺎﻳﻨﯩﯔ ﺷﯩﻤﺎﻟﯩﺪﯨﻜﻰ ﺋﯚﻟﻜﯩﻠﻪﺭﺩﻩ ﺑﻮﻟﯘﭘﻤﯘ ﺗﯩﺒﻪﺕ ﯞﻩ ﺷﯩﻨﺠﺎﯓ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﺑﻮﻟﻐﺎﻥ ﻛﻮﻧﺘﺮﻭﻟﻠﯘﻕ ﻧﺎﻫﺎﻳﯩﺘﻰ ﻛﯜﭼﻠﯜﻙ ﺑﻮﻟﻤﺎﻗﺘﺎ."

"5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﻳﯜﺯ ﺑﻪﺭﮔﯩﻨﯩﮕﻪ 4 ﺋﺎﻱ ﺑﻮﻟﯘﭖ ﻗﺎﻟﻐﺎﻥ ﺑﻮﻟﺴﯩﻤﯘ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯩﻨﺘﯧﺮﻧﯧﺖ ﯞﻩ ﺗﯧﻠﯧﻔﻮﻥ ﺋﺎﻻﻗﯩﺴﯩﻐﺎ ﺑﻮﻟﻐﺎﻥ ﻗﺎﻣﺎﻟﯩﻨﻰ ﺗﯧﺨﯩﭽﻪ ﺑﯩﻜﺎﺭ ﻗﯩﻠﻤﯩﻐﺎﻥ ﺑﻮﻟﯘﭖ،ﻫﺎﺯﯨﺮ ﺋﯘﻳﻐﯘﺭ ﺗﯩﻠﯩﺪﯨﻜﻰ ﺗﻮﺭ ﺑﯧﻜﻪﺗﻠﯩﺮﯨﺪﯨﻦ ﺧﯩﺘﺎﻳﻨﯩﯔ " ﺷﯩﻨﺨﯘﺍ ﺗﻮﺭ ﺑﯧﺘﻰ"، " ﺧﻪﻟﻖ ﮔﯧﺰﯨﺘﻰ ﺗﻮﺭ ﺑﯧﺘﻰ" ﻗﺎﺗﺎﺭﻟﯩﻖ ﻗﯩﺴﻤﻪﻥ ﻫﯚﻛﯜﻣﻪﺕ ﺗﻮﺭ ﺑﻪﺗﻠﯩﺮﯨﺪﯨﻦ ﺑﺎﺷﻘﺎ ﺑﺎﺭﻟﯩﻖ ﺋﯘﻳﻐﯘﺭﭼﻪ ﺗﻮﺭ ﺑﯧﻜﻪﺗﻠﯩﺮﻯ ﺗﺎﻗﯩﯟﯦﺘﯩﻠﮕﻪﻥ ﺑﻮﻟﯘﭖ، ﭼﻪﺗﺌﻪﻟﻠﻪﺭﺩﯨﻜﻰ ﺋﺎﺧﺒﺎﺭﺍﺕ ﯞﺍﺳﯩﺘﯩﻠﯩﺮﯨﻨﯩﯔ ﺗﻮﺭ ﺑﯧﻜﻪﺗﻠﯩﺮﯨﻤﯘ ﺗﻮﺳﯘﯞﯦﺘﯩﻠﮕﻪﻥ.