ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺗﻪﺳﯟﯨﺮﻟﯩﺸﯩﭽﻪ، ﺑﯧﺮﻣﺎ 10 ﭘﻮﻟﻚ ﺋﻪﺳﻜﯩﺮﯨﻲ ﻛﯜﭼﻰ ﺑﯩﻠﻪﻥ ﻛﻮﻛﺎﯓ ﺭﺍﻳﻮﻧﯩﻐﺎ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﺋﺎﻗﺘﯘﺭﯗﺵ ﺋﯜﭼﯜﻥ ﻛﯩﺮﮔﻪﻧﺪﻩ ، ﻗﺎﺭﯨﻤﯘ - ﻗﺎﺭﺷﻰ ﺗﻪﺭﻩﭘﻠﻪﺭ ﺋﯚﺯ - ﺋﺎﺭﺍ ﺋﯧﺘﯩﺸﯩﭗ ﻛﻪﺗﻜﻪﻧﺪﯨﻦ ﻛﯧﻴﯩﻦ، ﺑﯘ ﺭﺍﻳﻮﻧﺪﯨﻜﻰ ﺧﯩﺘﺎﻳﻼﺭ ﭘﯩﺘﺮﺍﭖ ﻛﻪﺗﻜﻪﻥ. 1989‏ - ﻳﯩﻠﻰ ﺑﯧﺮﻣﺎ ﻫﯚﻛﯜﻣﯩﺘﻰ ﺑﯩﻠﻪﻥ ﺑﯘ ﺭﺍﻳﻮﻥ ﺋﻮﺗﺘﯘﺭﯨﺴﯩﺪﺍ ﻳﻪﺭﻟﯩﻚ ﻗﻮﺭﺍﻟﻠﯩﻖ ﻗﯩﺴﯩﻤﻼﺭﻧﻰ ﺳﺎﻗﻼﭖ ﻗﯧﻠﯩﺶ ﺷﻪﺭﺗﻰ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﯛﻟﮕﻪﻧﺪﯨﻦ ﻛﯧﻴﯩﻦ ﺩﺍﯞﺍﻣﻠﯩﺸﯩﯟﺍﺗﻘﺎﻥ ﭼﯧﮕﺮﺍ ﺳﻮﺩﯨﺴﻰ ﻫﺎﺯﯨﺮ ﺗﻮﺧﺘﯩﻐﺎﻥ.

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯧﺮﻣﯩﻨﯩﯔ ﻛﻮﻛﺎﯓ ﺭﺍﻳﻮﻧﯩﺪﯨﻜﻰ ﻫﯚﻛﯜﻣﻪﺗﻜﻪ ﻗﺎﺭﺷﻰ ﻗﻮﺭﺍﻟﻠﯩﻖ ﻛﯜﭼﻠﻪﺭ 27‏ - ﺋﺎﯞﻏﯘﺳﺖ ﻛﯜﻧﻰ ﺑﯧﺮﻣﯩﻨﯩﯔ ﻻﺋﻮﺱ ﺑﯩﻠﻪﻥ ﭼﯧﮕﺮﯨﻠﯩﻨﯩﺪﯨﻐﺎﻥ ﺟﺎﻳﺪﯨﻜﻰ ﺑﯩﺮ ﺳﺎﻗﭽﻰ ﺋﯩﺪﺍﺭﯨﺴﯩﻐﺎ ﻫﯘﺟﯘﻡ ﻗﯩﻠﯩﭗ، ﺋﯘﻧﻰ ﺋﯩﺸﻐﺎﻝ ﻗﯩﻠﯩﯟﺍﻟﻐﺎﻥ. ﺷﯘﻧﯩﯖﺪﯨﻦ ﻛﯧﻴﯩﻦ ﺑﯘ ﺭﺍﻳﻮﻧﺪﺍ ﯞﻩﺯﯨﻴﻪﺕ ﺗﯧﺨﯩﻤﯘ ﺟﯩﺪﺩﯨﻴﻠﻪﺷﻜﻪﻥ.

ﭼﯩﻦ ﮔﺎﯕﻨﯩﯔ ﺑﯘ ﻫﻪﻗﺘﯩﻜﻰ ﺑﺎﻳﺎﻧﺎﺗﻰ

ﺭﻭﻳﺘﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺑﯧﻴﺠﯩﯖﺪﯨﻦ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﯩﺘﯩﺮﻟﯩﻘﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﯩﻦ ﮔﺎﯓ ﺑﯜﮔﯜﻥ ﺑﯘ ﻫﻪﻗﺘﻪ ﺑﺎﻳﺎﻧﺎﺕ ﺋﯧﻼﻥ ﻗﯩﻠﯩﭗ، ﻗﺎﺗﺘﯩﻖ ﺗﻪﻟﻪﭘﭙﯘﺯ ﺑﯩﻠﻪﻥ 'ﺑﯧﺮﻣﺎ ﺋﯚﺯﯨﻨﯩﯔ ﺋﯩﭽﻜﻰ ﻣﻪﺳﯩﻠﯩﻠﯩﺮﯨﻨﻰ ﻳﺎﺧﺸﻰ ﺑﯩﺮ ﺗﻪﺭﻩﭖ ﻗﯩﻠﯩﺸﻰ ﻻﺯﯨﻢ' ﺩﯦﮕﻪﻥ ﯞﻩ ﻳﻪﻧﻪ 'ﺑﯧﺮﻣﯩﺪﯨﻜﻰ ﺧﯩﺘﺎﻱ ﭘﯘﻗﺮﺍﻟﯩﻠﯩﺮﯨﻨﻰ ﻳﺎﺧﺸﻰ ﻗﻮﻏﺪﯨﺸﻰ ﻻﺯﯨﻢ' ﺩﻩﭖ ﺗﻪﻛﯩﺘﻠﯩﮕﻪﻥ.

ﺑﯜﮔﯜﻧﮕﻪ ﻗﻪﺩﻩﺭ ﺑﯧﺮﻣﯩﺪﯨﻦ ﺧﯩﺘﺎﻳﻨﯩﯔ ﻳﯜﻧﻨﻪﻥ ﺋﯚﻟﻜﯩﺴﯩﮕﻪ ﻗﯧﭽﯩﭗ ﻛﻪﻟﮕﻪﻥ ﺋﺎﺩﻩﻡ ﺳﺎﻧﻰ 30 ﻣﯩﯖﻐﺎ ﻳﻪﺗﺘﻰ

ﺏ ﺩ ﺕ ﻣﯘﺳﺎﭘﯩﺮﻻﺭ ﻣﻪﻫﻜﯩﻤﯩﺴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺋﺎﻧﺪﯨﺮﻩﺝ ﻣﺎﺧﯩﺠﻰ ﺑﯜﮔﯜﻥ، ﺑﯧﺮﻣﺎ ﻗﯩﺴﯩﻤﻠﯩﺮﻯ ﺑﯩﻠﻪﻥ ﺑﯧﺮﻣﯩﻨﯩﯔ ﻛﻮﻛﺎﯓ ﺭﺍﻳﻮﻧﯩﺪﯨﻜﻰ ﺧﯩﺘﺎﻳﻼﺭﻧﯩﯔ ﻗﻮﺭﺍﻟﻠﯩﻖ ﻛﯜﭼﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺗﻮﻗﯘﻧﯘﺵ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، ﺑﯜﮔﯜﻧﮕﻪ ﻗﻪﺩﻩﺭ ﺑﯧﺮﻣﯩﺪﯨﻦ ﺧﯩﺘﺎﻳﻨﯩﯔ ﻳﯜﻧﻨﻪﻥ ﺋﯚﻟﻜﯩﺴﯩﮕﻪ ﻗﯧﭽﯩﭗ ﻛﻪﻟﮕﻪﻥ ﺋﺎﺩﻩﻡ ﺳﺎﻧﻰ 30 ﻣﯩﯖﻐﺎ ﻳﻪﺗﻜﻪﻥ.

ﺧﯩﺘﺎﻳﻨﯩﯔ ﺑﯧﺮﻣﯩﻐﺎ ﭼﯧﮕﺮﯨﺪﺍﺵ ﺑﻮﻟﻐﺎﻥ ﻳﯜﻧﻨﻪﻥ ﺋﯚﻟﻜﯩﺴﯩﻨﯩﯔ ﻧﻪﻧﺴﻪﻥ ﺷﻪﻫﻪﺭﭼﯩﺴﻰ ﺑﯧﺮﻣﯩﺪﯨﻦ ﻗﺎﭼﻘﺎﻥ ﺧﯩﺘﺎﻱ ﻣﯘﺳﺎﭘﯩﺮﻻﺭﻧﻰ ﺗﻮﺭﺍﺭ ﺟﺎﻱ ﯞﻩ ﻳﯧﻤﻪﻙ ﺑﯩﻠﻪﻥ ﺗﻪﻣﯩﻨﻠﻪﺷﻜﻪ ﺑﺎﺷﻠﯩﻐﺎﻥ. ﻓﺮﺍﻧﺴﯩﻴﻪ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺏ ﺩ ﺕ ﻧﯩﯔ ﻣﯘﺳﺎﭘﯩﺮﻻﺭ ﻣﻪﻫﻜﯩﻤﯩﺴﻰ ﻫﺎﺯﯨﺮ ﻳﯜﻧﻨﻪﻧﺪﯨﻜﻰ ﺑﯘ ﻣﯘﺳﺎﭘﯩﺮﻻﺭ ﻻﮔﯩﺮﻯ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ.

ﺑﯧﺮﻣﺎ ﺩﺍﺋﯩﺮﯨﻠﯩﺮﻯ ﭼﯚﻛﯜﭖ ﻛﻪﺗﻜﻪﻥ ﺑﯩﺮ ﺑﯧﻠﯩﻘﭽﯩﻠﯩﻖ ﭘﺎﺭﺍﺧﻮﺗﯩﻨﻰ ﺳﯜﺯﯛﺵ ﺟﻪﺭﻳﺎﻧﯩﺪﺍ ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﭘﯘﻗﺮﺍﺳﯩﻨﯩﯔ ﺟﻪﺳﯩﺘﯩﻨﻰ ﺑﺎﻳﻘﯩﻐﺎﻥ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، 8‏ - ﺋﺎﻳﻨﯩﯔ 24 ‏ - ﻛﯜﻧﻰ ﺩﯨﻠﻮﯞﺍ ﭘﻮﺭﺗﯩﺪﯨﻦ 3 ﺩﯦﯖﯩﺰ ﭼﺎﻗﯩﺮﯨﻢ ﻳﯧﺮﺍﻗﻠﯩﻘﺘﺎ (ﺭﺍﻧﮕﯘﻥ ﺷﻪﻫﯩﺮﯨﺪﯨﻦ 10 ﭼﺎﻗﯩﺮﯨﻢ ﻳﯧﺮﺍﻗﻠﯩﻘﺘﯩﻜﻰ ﺩﯦﯖﯩﺰ ﻳﯜﺯﯨﺪﻩ ) ، ﻫﺎﯞﺍ ﺭﺍﻳﻰ ﻧﻮﺭﻣﺎﻝ ﺋﻪﻫﯟﺍﻝ ﺋﺎﺳﺘﯩﺪﺍ ﭼﯚﻛﯜﭖ ﻛﻪﺗﻜﻪﻥ ﺑﯩﺮ ﺑﯧﻠﯩﻘﭽﯩﻠﯩﻖ ﭘﺎﺭﺍﺧﻮﺗﯩﻨﻰ ﺑﯧﺮﻣﺎ ﺩﺍﺋﯩﺮﯨﻠﯩﺮﻯ ﺳﯜﺯﯛﺵ ﺟﻪﺭﻳﺎﻧﯩﺪﺍ، ﺋﯩﻜﻜﻰ ﻧﻪﭘﻪﺭ ﺧﯩﺘﺎﻱ ﭘﯘﻗﺮﺍﺳﯩﻨﯩﯔ ﺟﻪﺳﯩﺘﯩﻨﻰ ﺑﺎﻳﻘﯩﻐﺎﻥ، ﻳﻪﻧﻪ 14 ﻧﻪﭘﻪﺭ ﺧﯩﺘﺎﻱ ﭘﯘﻗﺮﺍﺳﻰ ﺗﯧﺨﯩﭽﻪ ﺗﯧﭙﯩﻠﻤﯩﻐﺎﻥ.

ﺗﯜﻧﯜﮔﯜﻥ ﺧﯩﺘﺎﻳﻨﯩﯔ ﺑﯧﺮﻣﯩﺪﺍ ﺗﯘﺭﯗﺷﻠﯘﻕ ﺑﺎﺵ ﺋﻪﻟﭽﯩﺨﺎﻧﯩﺴﯩﻨﯩﯔ ﺋﯧﻨﯩﻘﻠﯩﺸﯩﭽﻪ، ﺑﯘ ﭘﺎﺭﺍﺧﻮﺕ ﺧﯩﺘﺎﻳﻨﯩﯔ ﻧﯩﯖﺒﻮ ﺷﻪﻫﯩﺮﯨﺪﯨﻜﻰ ﺑﯩﺮ ﺑﯧﻠﯩﻘﭽﯩﻠﯩﻖ ﺷﯩﺮﻛﯩﺘﯩﻨﯩﯔ ﺑﯧﺮﻣﺎ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﭗ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻥ ﭘﺎﺭﺍﺧﻮﺗﻰ ﺋﯩﻜﻪﻥ.

ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﻨﯩﺴﯩﺘﯩﺮﻟﯩﻘﻰ ﺑﯧﺮﻣﺎ - ﺧﯩﺘﺎﻱ ﭼﯧﮕﺮﯨﺴﯩﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﺯﯨﻴﻪﺗﻨﻰ ﺟﯩﺪﺩﯨﻲ ﻛﯚﺯﯨﺘﯩﯟﺍﺗﯩﺪﯗ

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯧﺮﻣﯩﺪﺍ ﺩﯙﻟﻪﺗﻨﯩﯔ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﯚﻛﯜﻣﻪﺗﻜﻪ ﻗﺎﺭﺷﻰ ﻳﻪﺭﻟﯩﻚ ﻗﻮﺭﺍﻟﻠﯩﻖ ﻛﯜﭼﻠﻪﺭ ﺋﻮﺗﺘﯘﺭﯨﺴﯩﺪﺍ ﺟﯩﺪﺩﯨﻲ ﺋﯘﺭﯗﺵ ﻳﯜﺯ ﺑﯧﺮﯨﭗ، ﺑﯧﺮﻣﯩﻨﯩﯔ ﻛﻮﻛﺎﯓ ﺭﺍﻳﻮﻧﺪﯨﻜﻰ ﭼﯧﮕﺮﺍ ﺧﻪﻟﻘﻰ ﺧﯩﺘﺎﻳﻐﺎ ﻗﯧﭽﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﻛﯧﻴﯩﻦ، ﺋﺎﻣﯧﺮﯨﻜﺎ ﺗﺎﺷﻘﻰ ﺋﯩﺸﻼﺭ ﻣﻨﯩﺴﯩﺘﯩﺮﻟﯩﻘﻰ ﺑﯘ ﺭﺍﻳﻮﻧﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﺯﯨﻴﻪﺗﻨﻰ ﺟﯩﺪﺩﯨﻲ ﻛﯚﺯﯨﺘﯩﯟﺍﺗﯩﺪﯗ.

'ﻳﻪﺭ ﺷﺎﺭﻯ ﯞﺍﻗﯩﺘﻰ ﮔﯧﺰﯨﺘﻰ'ﻧﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺑﯘ ﺭﺍﻳﻮﻧﺪﯨﻜﻰ ﺗﻮﻗﯘﻧﯘﺷﻨﯩﯔ ﺧﯩﺘﺎﻱ ﺭﺍﻳﻮﻧﻠﯩﺮﯨﻐﺎ ﻛﯧﯖﯩﻴﯩﭗ ﻛﯧﺘﯩﺸﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ، ﺧﯩﺘﺎﻱ ﻫﯚﻛﯜﻣﯩﺘﯩﻤﯘ ﺋﺎﻟﻠﯩﻘﺎﭼﺎﻥ ﺑﯧﺮﻣﺎ ﺑﯩﻠﻪﻥ ﭼﯧﮕﺮﯨﺪﺍﺵ ﺭﺍﻳﻮﻧﻼﺭﻏﺎ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻢ ﺋﻪﯞﻩﺗﯩﭗ ﺑﻮﻟﻐﺎﻥ . ﻫﺎﺯﯨﺮ ﺑﯘ ﺭﺍﻳﻮﻧﺪﺍ ﺋﻮﻕ - ﺯﻩﻣﺒﯩﺮﻩﻙ ﺋﺎﯞﺍﺯﻯ ﺋﯜﻛﺴﯩﻤﻪﻳﯟﺍﺗﯩﺪﯗ.

ﺑﯘ ﯞﻩﺯﯨﻴﻪﺕ، ﻣﻪﻳﻠﻰ ﻗﺎﻳﺴﻰ ﺟﻪﻫﻪﺗﺘﯩﻦ ﺑﻮﻟﻤﯩﺴﯘﻥ، ﺧﯩﺘﺎﻳﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺋﯩﻨﺘﺎﻳﯩﻦ ﺯﯨﻴﺎﻧﻠﯩﻖ

ﮔﯧﺮﻣﺎﻧﯩﻴﻪ ﺋﺎﯞﺍﺯﯨﻨﯩﯔ ﺑﯜﮔﯜﻥ ﺋﯧﻼﻥ ﻗﯩﻠﻐﺎﻥ ﺋﻮﺑﺰﻭﺭﯨﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻫﺎﺯﯨﺮ ﺧﯩﺘﺎﻱ ﺑﯧﺮﻣﯩﺪﺍ ﺳﯘ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ، ﺳﯘ ﺗﻮﺳﻤﯩﺴﻰ ﻳﺎﺳﺎﯞﺍﺗﻘﺎﻥ ﯞﻩ ﭼﻪﺗﺌﻪﻟﻠﻪﺭﺩﯨﻦ ﺋﺎﻟﻐﺎﻥ ﻧﯧﻔﯩﺘﻠﯩﺮﯨﻨﻰ ﺑﯧﺮﻣﺎ ﺋﺎﺭﻗﯩﻠﯩﻖ ﺋﻪﻛﯩﻠﯩﺶ ﺋﯜﭼﯜﻥ ﻧﯧﻔﯩﺖ ﺗﯘﺭﯗﺑﯩﺴﻰ ﻳﺎﺳﺎﺷﻘﺎ ﺟﯩﺪﯨﺪﯨﻲ ﺗﻪﻳﻴﺎﺭﻟﯩﻖ ﻗﯩﻠﯩﯟﺍﺗﻘﺎﻥ ﺋﯩﺪﻯ. ﻳﯧﻘﯩﻨﺪﺍ ﺑﯧﺮﻣﺎ ﻫﯚﻛﯜﻣﻪﺕ ﺋﺎﺭﻣﯩﻴﯩﺴﻰ ﺑﯩﻠﻪﻥ ﺑﯧﺮﻣﯩﻨﯩﯔ ﻛﻮﻛﺎﯓ ﺭﺍﻳﻮﻧﯩﺪﯨﻜﻰ ﻗﻮﺭﺍﻟﻠﯩﻖ ﻛﯜﭼﻠﻪﺭ ﺋﻮﺗﺘﯘﺭﯨﺴﯩﺪﺍ ﻳﯜﺯ ﺑﻪﺭﮔﻪﻥ ﺗﻮﻗﯘﻧﯘﺵ ﺋﻮﻥ ﻣﯩﯖﻠﯩﻐﺎﻥ ﺋﺎﺩﻩﻣﻨﯩﯔ ﺧﯩﺘﺎﻳﻐﺎ ﺋﯧﻘﯩﭗ ﻛﯧﺮﯨﺸﮕﻪ ﺳﻪﯞﻩﺑﭽﻰ ﺑﻮﻟﺪﻯ.

ﮔﻪﺭﭼﻪ ﯞﻩﻗﻪ ﻳﯜﺯ ﺑﻪﺭﮔﻪﻥ ﺭﺍﻳﻮﻧﺪﯨﻜﻰ ﻛﻮﻛﺎﯕﻼﺭﻧﯩﯔ ﺋﻪﺳﻜﯩﺮﯨﻲ ﻛﯜﭼﻰ 1500 ﺩﯨﻦ ﺋﺎﺷﻤﯩﺴﯩﻤﯘ، ﺋﻪﻣﻤﺎ ﺋﯘﻻﺭ ﻫﺎﺯﯨﺮ ﺷﯘ ﺭﺍﻳﻮﻧﺪﯨﻜﻰ ﺑﯧﺮﻣﺎ ﻫﯚﻛﯜﻣﯩﺘﯩﮕﻪ ﻗﺎﺭﺷﻰ 20 ﻣﯩﯔ ﺋﻪﺳﻜﯩﺮﻯ ﺑﺎﺭ ﯞﺍ ﻗﯘﺷﯘﻧﻠﯩﺮﻯ ﺩﻩﭖ ﺋﺎﺗﯩﻠﯩﺪﯨﻐﺎﻥ ﻳﻪﻧﻪ ﺑﯩﺮ ﻫﻪﺭﺑﯩﻲ ﻛﯜﭺ ﺑﯩﻠﻪﻥ ﺑﯩﺮﻟﯩﺸﯩﭗ ﻫﻪﺭﯨﻜﻪﺕ ﻗﯩﻠﯩﺸﻘﺎ ﻳﯜﺯﻟﯩﻨﯩﭗ، ﯞﻩﺯﯨﻴﻪﺕ ﺗﯧﺨﯩﻤﯘ ﻣﯘﺭﻩﻛﻜﻪﭘﻠﯩﺸﯩﯟﺍﺗﯩﺪﯗ. ﺑﯘ، ﻣﻪﻳﻠﻰ ﻗﺎﻳﺴﻰ ﺟﻪﻫﻪﺗﺘﯩﻦ ﺑﻮﻟﻤﯩﺴﯘﻥ، ﺧﯩﺘﺎﻳﻨﯩﯔ ﻣﻪﻧﭙﻪﺋﻪﺗﻰ ﺋﯜﭼﯜﻥ ﺋﯩﻨﺘﺎﻳﯩﻦ ﺯﯨﻴﺎﻧﻠﯩﻖ. ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺗﻠﻪﺭ ﻧﻮﻗﺘﯩﺴﯩﺪﯨﻦ ﺋﯧﻴﺘﻘﺎﻧﺪﯨﻤﯘ، ﺑﯧﺮﻣﺎ ﻫﺎﺯﯨﺮ ﺧﯩﺘﺎﻳﺪﯨﻦ ﺋﯩﺒﺎﺭﻩﺕ ﺑﯘﻧﺪﺍﻕ ﺑﯩﺮ ﭼﻮﯓ ﺩﯙﻟﻪﺗﻨﯩﯔ ﺗﻪﻟﻪﭘﻠﯩﺮﯨﮕﻪ ﭘﺴﻪﻥ ﻗﯩﻠﻤﺎﻳﯟﺍﺗﯩﺪﯗ، ﺧﯩﺘﺎﻱ ﺑﯘﻧﯩﯖﺪﯨﻦ ﻗﺎﺗﺘﯩﻖ ﺧﺎﭘﺎ ﺑﻮﻟﯩﺪﯨﻐﺎﻧﻠﯩﻘﻰ ﺋﯧﻨﯩﻖ.

ﺑﯧﺮﻣﯩﺪﯨﻜﻰ ﺧﯩﺘﺎﻱ ﻗﺎﭼﻘﯧﭽﻰ ﺑﯧﺮﻣﺎ ﻗﯩﺴﯩﻤﻠﯩﺮﻯ ﺑﯩﺮ ﻣﺎﺷﯩﻨﯩﺴﺎﺯﻟﯩﻖ ﺯﺍﯞﯗﺗﯩﻐﺎ ﻛﯩﺮﻣﻪﻛﭽﻰ ﺑﻮﻟﻐﺎﻧﺪﯨﻦ ﻛﯧﻴﯩﻦ ﭘﻪﻳﺪﺍ ﺑﻮﻟﻐﺎﻥ

ﻳﯧﻘﯩﻨﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻣﻪﺑﻠﯩﻐﻰ ﺋﯚﺗﻜﯜﺯﯨﯟﯦﻠﯩﻨﻐﺎﻥ . ﺩﻭﯞﯦﻲ ﺋﺎﮔﯧﻨﺘﻠﯩﻘﯩﻨﯩﯔ ﺑﯜﮔﯜﻥ ﺋﺎﺷﻜﺎﺭﯨﻠﯩﺸﯩﭽﻪ، ﺑﯧﺮﻣﯩﺪﯨﻜﻰ ﺧﯩﺘﺎﻱ ﻗﺎﭼﻘﯧﻘﻰ، ﺑﯧﺮﻣﺎ ﻫﯚﻛﯜﻣﯩﺘﻰ 8‏ - ﺋﺎﻳﻨﯩﯔ 8‏ - ﻛﯜﻧﻰ ﺩﯗﻧﻴﺎﻧﯩﯔ ﺯﻩﻫﻪﺭﻟﯩﻚ ﭼﯧﻜﯩﻤﻠﯩﻚ ﻣﻪﺭﻛﯩﺰﻯ ﺩﻩﭖ ﺋﺎﺗﯩﻠﯩﺪﯨﻐﺎﻥ ﺑﯘ ﺭﺍﻳﻮﻧﻐﺎ ﺯﻭﺭ ﺋﻪﺳﻜﯩﺮﯨﻲ ﻛﯜﭼﻰ ﺑﯩﻠﻪﻥ ﻛﯧﻠﯩﭗ، ﺑﯩﺮ ﻣﺎﺷﯩﻨﯩﺴﺎﺯﻟﯩﻖ ﺯﺍﯞﯗﺗﯩﻐﺎ ﻛﯩﺮﻣﻪﻛﭽﻰ ﺑﻮﻟﻐﺎﻧﺪﺍ ﭘﻪﻳﺪﺍ ﺑﻮﻟﻐﺎﻥ ﺗﻮﻗﯘﻧﯘﺷﺘﯩﻦ ﻛﯧﻴﯩﻦ ﻛﯧﻠﯩﭗ ﭼﯩﻘﻘﺎﻥ. ﻫﺎﺯﯨﺮ ﺑﯘ ﺭﺍﻳﻮﻧﺪﯨﻜﻰ ﺧﯩﺘﺎﻳﻼﺭ ﺗﯩﺠﺎﺭﯨﺘﯩﻨﻰ ﯞﻩ ﭘﯜﺗﯜﻥ ﻣﯜﻟﻜﯩﻨﻰ ﺗﺎﺷﻼﭖ ﺧﯩﺘﺎﻳﻐﺎ ﻗﺎﭼﻤﺎﻗﺘﺎ.

ﺧﯩﺘﺎﻱ - ﺑﯧﺮﻣﺎ ﭼﯧﮕﺮﯨﺴﯩﺪﺍ ﺟﯩﺪﺩﯨﻴﻠﯩﻚ ﭘﻪﻳﺪﺍ ﺑﻮﻟﯘﯞﺍﺗﻘﺎﻧﺪﺍ، ﺳﯧﻜﻜﯩﻤﺪﯨﻤﯘ ﺧﯩﺘﺎﻱ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﯩﻨﯩﺪﺳﺘﺎﻥ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺋﯧﺘﯩﺸﯩﺶ ﻳﯜﺯ ﺑﻪﺭﮔﻪﻥ

ﺑﯘ ﺋﺎﮔﯧﻨﺘﻠﯩﻘﻨﯩﯔ ﻫﯩﻨﺪﯨﺴﺘﺎﻥ ﯞﺍﻗﯩﺖ ﮔﯧﺰﯨﺘﻰ، ﺱ ﻥ ﻥ ﯞﻩ IBN ﻟﻪﺭﻧﯩﯔ ﺋﯘﭼﯘﺭﻟﯩﺮﯨﺪﯨﻦ ﻧﻪﻗﯩﻞ ﻛﻪﻟﺘﯜﺭﯛﭖ ﺑﺎﻳﺎﻥ ﻗﯩﻠﯩﺸﯩﭽﻪ ﻳﻪﻧﻪ، ﺧﯩﺘﺎﻱ - ﺑﯧﺮﻣﺎ ﭼﯧﮕﺮﯨﺴﯩﺪﺍ ﺟﯩﺪﺩﯨﻴﻠﯩﻚ ﭘﻪﻳﺪﺍ ﺑﻮﻟﯘﯞﺍﺗﻘﺎﻥ ﻣﯘﺷﯘ ﻛﯜﻧﻠﻪﺭﺩﻩ ﻳﻪﻧﻪ، 25 - ﺋﺎﯞﻏﯘﺳﺖ ﻛﯜﻧﻰ ﺧﯩﺘﺎﻱ - ﻫﯩﻨﺪﯨﺴﺘﺎﻥ ﭼﯧﮕﺮﯨﺴﯩﺪﯨﻤﯘ، ﺳﯧﻜﻜﯩﻤﻨﯩﯔ ﻧﺎﺩﯗﻻ ﺗﺎﻍ ﺋﯧﻐﯩﺰﯨﺪﺍ ﺧﯩﺘﺎﻱ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻫﯩﻨﯩﺪﺳﺘﺎﻥ ﻗﯩﺴﯩﻤﻠﯩﺮﻯ ﺋﻮﺗﺘﯘﺭﯨﺴﯩﺪﺍ ﺋﯧﺘﯩﺸﯩﺶ ﻳﯜﺯ ﺑﻪﺭﮔﻪﻥ، ﺋﯧﺘﯩﺸﯩﺶ 26 ‏- ﭼﯩﺴﻼ ﻛﯜﻧﻰ ﺗﯧﺨﯩﻤﯘ ﺟﯩﺪﺩﯨﻲ ﺗﯜﺱ ﺋﺎﻟﻐﺎﻥ، ﺋﻪﻣﻤﺎ ﺑﯘﻧﯩﯔ ﺗﻪﭘﺴﯩﻼﺗﻰ ﺗﯧﺨﯩﭽﻪ ﻣﻪﻟﯘﻡ ﺋﻪﻣﻪﺱ.