ﻧﯚﯞﻩﺗﺘﻪ ﺩﺍﻻﻱ ﻻﻣﺎ، ﺗﯩﺒﻪﺗﻨﯩﯔ ﺧﯩﺘﺎﻳﻨﯩﯔ ﺑﯩﺮ ﻗﯩﺴﻤﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﺩﺍﻻﻱ ﻻﻣﺎﺩﯨﻦ ﺗﯩﺒﻪﺗﻨﯩﯔ ﻫﺎﺯﯨﺮﻻ ﺋﻪﻣﻪﺱ، ﺗﺎﺭﯨﺨﺘﯩﻤﯘ ﺧﯩﺘﺎﻳﻨﯩﯔ ﺑﯩﺮ ﭘﺎﺭﭼﯩﺴﻰ ﺑﻮﻟﻐﺎﻧﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﻐﺎﻥ.
 
ﺗﯩﺒﻪﺕ ﺳﯜﺭﮔﯜﻧﺪﻩ ﻫﯚﻛﯜﻣﯩﺘﯩﻨﯩﯔ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﺘﯩﺮﻯ ﺗﻪﻳﯟﻩﻥ ﺋﺎﺧﺒﺎﺭﺍﺗﯩﻐﺎ ﻗﯩﻠﻐﺎﻥ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﻣﻪﺯﻛﯘﺭ ﺗﻪﻟﯩﭙﯩﻨﻰ ﻗﻮﺑﯘﻝ ﻗﯩﻠﯩﺶ ﻣﯘﻣﻜﯩﻦ ﺑﻮﻟﻤﯩﻐﺎﻥ ﺑﯩﺮ ﺗﻪﻟﻪﭖ ﺩﻩﭖ ﺑﯩﻠﺪﯛﺭﮔﻪﻥ. ﺋﯘ ﻳﻪﻧﻪ، ﻫﯩﻨﺪﯨﺴﺘﺎﻥ ﻣﻪﺗﺒﯘﺋﺎﺗﻠﯩﺮﯨﻐﺎ ﻗﯩﻠﻐﺎﻥ ﺳﯚﺯﯨﺪﻩ، ﺧﯩﺘﺎﻳﻨﯩﯔ ﺗﯩﺒﻪﺕ ﺭﺍﻳﻮﻧﯩﻨﻰ ﭘﺎﺭﭼﯩﻼﭖ ﺑﺎﺷﻘﯘﺭﯗﺷﯩﻐﺎ ﻗﺎﺭﺷﻰ ﺋﯩﻜﻪﻧﻠﯩﻜﯩﻨﻰ، ﭘﯜﺗﯜﻥ ﺗﯩﺒﻪﺕ ﺭﺍﻳﻮﻧﯩﺪﺍ ﺋﺎﭘﺘﻮﻧﻮﻣﯩﻴﯩﻨﻰ ﺗﻮﻟﯘﻕ ﻳﻮﻟﻐﺎ ﻗﻮﻳﯘﺷﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻧﯚﯞﻩﺗﺘﻪ، ﺗﯩﺒﻪﺗﻨﯩﯔ ﺭﺍﻳﻮﻥ ﭼﯧﮕﺮﯨﺴﻰ ﻣﻪﺳﯩﻠﯩﺴﻰ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﭼﻮﯓ ﺋﯩﺨﺘﯩﻼﭘﻼﺭﺩﯨﻦ ﺑﯩﺮﻯ ﺑﻮﻟﯘﭖ، ﺗﯩﺒﻪﺕ ﺗﻪﺭﻩﭖ ﻧﯚﯞﻩﺗﺘﻪ، ﭼﯩﯖﺨﻪﻱ، ﮔﻪﻧﺴﯘ، ﺳﯩﭽﯜﻩﻥ ﻗﺎﺗﺎﺭﻟﯩﻖ ﺋﯚﻟﻜﯩﻠﻪﺭ ﺋﯩﭽﯩﺪﯨﻜﻰ ﺗﯩﺒﻪﺗﻠﯩﻜﻠﻪﺭ ﺋﻮﻟﺘﯘﺭﺍﻗﻼﺷﻘﺎﻥ ﺟﺎﻳﻼﺭﻧﻰ ﺗﯩﺒﻪﺕ ﺗﯘﭘﺮﯨﻘﻰ ﺩﻩﭖ ﻗﺎﺭﺍﻳﺪﯗ. ﺋﺎﻟﺪﯨﻨﻘﻰ ﺋﺎﻳﺪﯨﻜﻰ ﺧﻪﯞﻩﺭﻟﻪﺭﺩﻩ، ﺗﯩﺒﻪﺕ ﺗﻪﺭﻩﭘﻨﯩﯔ ﺑﯜﻳﯜﻙ ﺗﯩﺒﻪﺕ ﭘﯩﻼﻧﯩﺪﯨﻦ ﯞﺍﺯ ﻛﻪﭼﻜﻪﻧﻠﯩﻜﯩﻨﻰ، ﻳﻪﻧﻰ ﺗﯩﺒﻪﺕ ﭼﯧﮕﺮﯨﺴﯩﻨﯩﯔ ﻫﺎﺯﯨﺮﻗﻰ ﺷﯩﺰﺍﯓ ﺋﺎﭘﺘﻮﻧﻮﻡ ﺭﺍﻳﻮﻧﻰ ﭼﯧﮕﺮﯨﺴﻰ ﺋﯩﻜﻪﻧﻠﯩﻜﯩﻨﻰ ﻗﻮﺑﯘﻝ ﻗﯩﻠﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﻐﺎﻥ ﺋﯩﺪﻯ. ﺗﯩﺒﻪﺕ ﺳﯜﺭﮔﯜﻧﺪﻩ ﻫﯚﻛﯜﻣﯩﺘﯩﻨﯩﯔ ﻳﯘﻗﯩﺮﯨﻘﻰ ﺑﺎﻳﺎﻧﺎﺗﻰ، ﺗﯩﺒﻪﺗﻨﯩﯔ ﭼﯧﮕﺮﺍ ﻣﻪﺳﯩﻠﯩﺴﯩﺪﻩ ﺗﯧﺨﻰ ﺑﯩﺮ ﻧﯘﻗﺘﯩﻐﺎ ﻛﻪﻟﻤﯩﮕﻪﻧﻠﯩﻜﯩﻨﻰ ﻛﯚﺭﺳﻪﺗﻤﻪﻛﺘﻪ.
 
 ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺩﺍﻻﻱ ﻻﻣﺎﺩﯨﻦ، ﺗﯩﺒﻪﺗﻨﯩﯔ ﺗﺎﺭﯨﺨﺘﯩﻤﯘ ﺧﯩﺘﺎﻳﻨﯩﯔ ﺑﯩﺮ ﭘﺎﺭﭼﯩﺴﻰ ﺋﯩﻜﻪﻧﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺸﻰ، ﺋﯘﻧﯩﯔ ﺗﯩﺒﻪﺕ ﺗﻪﺭﻩﭘﻨﯩﯔ ﺋﺎﭘﺘﻮﻧﻮﻣﯩﻴﻪ ﭘﯩﻼﻧﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﯩﯔ ﺋﯩﭙﺎﺩﯨﺴﻰ؛ ﻳﻪﻧﻪ ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ ﺑﻮﻟﺴﺎ، ﺑﯘ ﺧﯩﺘﺎﻳﻨﯩﯔ ﺋﻪﺳﻠﯩﺪﻩ ﺗﯩﺒﻪﺕ ﺗﻪﺭﻩﭖ ﺑﯩﻠﻪﻥ ﺳﯚﻫﺒﻪﺕ ﺋﯚﺗﻜﯜﺯﯛﺵ ﻧﯩﻴﯩﺘﻰ ﻳﻮﻕ ﺋﯩﻜﻪﻧﻠﯩﻜﯩﻨﯩﯔ ﺋﺎﺷﻜﺎﺭﯨﻠﯩﻨﯩﺸﻰ. ﺑﯧﻴﺠﯩﯖﺪﯨﻜﻰ ﺋﺎﺳﺎﺳﯩﻲ ﻗﺎﻧﯘﻥ ﺗﻪﺗﻘﯩﻘﺎﺗﭽﯩﺴﻰ Chen Xiao miao ﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﺋﯚﺯ ‏ - ﺋﺎﺭﺍ ﺋﯩﺸﻪﻧﭻ ﻳﻮﻕ. ﻣﺎﻧﺎ ﺑﯘ ﺳﯚﻫﺒﻪﺗﻨﯩﯔ ﺭﺍﯞﺍﻥ ﺩﺍﯞﺍﻣﻠﯩﺸﺎﻟﻤﺎﻳﯟﺍﺗﻘﺎﻧﻠﯩﻘﯩﻨﯩﯔ ﺳﻪﯞﻩﺑﻰ. ﺋﯘﻧﯩﯔ ﻗﺎﺭﺷﯩﭽﻪ ﻳﻪﻧﻪ، ﺑﯘ ﻗﯧﺘﯩﻤﻘﻰ ﺳﯚﻫﺒﻪﺕ ﭘﯘﺭﺳﯩﺘﻰ ﺧﯩﺘﺎﻱ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ، ﭼﯜﻧﻜﻰ ﺩﺍﻻﻱ ﻻﻣﺎ ﺗﻪﺳﯩﺮﯨﻨﻰ ﻳﻮﻗﺎﺗﻤﯩﻐﺎﻥ ﻣﯘﺷﯘ ﻛﯜﻧﻠﻪﺭﺩﻩ ﺗﯩﺒﻪﺕ ﻣﻪﺳﯩﻠﯩﺴﻰ ﻫﻪﻝ ﻗﯩﻠﯩﻨﯩﺸﻰ ﻛﯧﺮﻩﻙ. ﺋﻪﮔﻪﺭ ﺋﯩﺶ ﺗﯩﺒﻪﺕ ﻳﺎﺷﻼﺭ ﺗﻪﺷﻜﯩﻼﺗﯩﻨﯩﯔ ﻗﻮﻟﯩﻐﺎ ﻗﺎﻟﺴﺎ، ﺗﯩﺒﻪﺕ ﻫﻪﺭﯨﻜﯩﺘﻰ ﺗﯧﻨﭽﻠﯩﻖ ﺳﯩﺰﯨﻘﯩﺪﯨﻦ ﭼﯩﻘﯩﭗ ﻛﯧﺘﯩﺪﯗ، ﺯﻭﺭﺍﯞﺍﻧﻠﯩﻖ ﻳﻮﻟﯩﻐﺎ ﻣﺎﯕﯩﺪﯗ.
 ﮔﻪﺭﭼﻪ ﺳﯩﻴﺎﺳﯩﻲ ﭘﺮﻭﮔﺮﺍﻣﻤﯩﺪﺍ ﺑﯩﺮ ﻧﯘﻗﺘﯩﻐﺎ ﻛﯧﻠﻪﻟﻤﯩﺴﯩﻤﯘ، ﺳﯚﻫﺒﻪﺕ ﺋﯜﭼﯜﻥ ﺑﯩﺮ ﺋﯜﺳﺘﻪﻟﮕﻪ ﻛﻪﻟﮕﻪﻧﻠﯩﻜﯩﻨﯩﯔ ﺋﯚﺯﻯ ﺑﯩﺮ ﺋﯩﻠﮕﯩﺮﯨﻠﻪﺵ ﺩﻩﭖ ﺑﯩﻠﺪﯛﺭﮔﻪﻥ ﻳﯘﻗﯩﺮﯨﻘﻰ ﻣﯘﺗﻪﺧﻪﺳﺴﯩﺲ، ﺧﯩﺘﺎﻳﻨﯩﯔ ﻣﯩﻠﻠﯩﻲ ﻣﻪﺳﯩﻠﯩﻠﻪﺭﻧﻰ ﻫﻪﻝ ﻗﯩﻠﯩﺸﺘﺎ ﻫﻪﺭﺑﯩﻲ ﻛﯜﭼﻜﻪ ﺋﯩﺸﻪﻧﻤﻪﺳﯩﻠﯩﻜﻰ ﻛﯧﺮﻩﻛﻠﯩﻜﯩﻨﻰ ﺋﻪﺳﻜﻪﺭﺗﻜﻪﻥ.

ﺑﯧﻴﺠﯩﯔ ﺑﺎﻫﺎﺭﻯ ﮊﯗﺭﻧﯩﻠﯩﻨﯩﯔ ﻣﯘﻫﻪﺭﺭﯨﺮﻯ ﺧﯘ ﭘﯩﯖﻨﯩﯔ ﭘﯩﻜﺮﯨﭽﻪ، ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﯨﻜﻰ ﺋﯚﺯ ‏ - ﺋﺎﺭﺍ ﺋﯩﺸﻪﻧﭽﺴﯩﺰﻟﯩﻜﺘﻪ ﻣﻪﺳﺌﯘﻟﯩﻴﻪﺕ ﺧﯩﺘﺎﻱ ﺗﻪﺭﻩﭘﺘﻪ. ﭼﯜﻧﻜﻰ ﺩﺍﻻﻱ ﻻﻣﺎﻧﯩﯔ ﻣﯘﺳﺘﻪﻗﯩﻠﻠﯩﻖ ﺋﻮﻳﻰ ﺑﺎﺭ ﺩﯦﮕﻪﻧﺪﯨﻤﯘ، ﺋﯘ ﺑﯩﺮ ﻧﯩﻴﻪﺕ، ﺭﯦﺌﺎﻟﻠﯩﻖ ﺋﻪﻣﻪﺱ، ﺧﯩﺘﺎﻳﻨﯩﯔ ﺗﯩﺒﻪﺗﻠﯩﻜﻠﻪﺭﻧﻰ ﺑﺎﺳﺘﯘﺭﯗﯞﺍﺗﻘﺎﻧﻠﯩﻘﻰ ﺩﯗﻧﻴﺎ ﻛﯚﺭﯛﭖ ﺗﯘﺭﯗﯞﺍﺗﻘﺎﻥ ﺋﺎﺷﻜﺎﺭﺍ ﺑﯩﺮ ﺭﯦﺌﺎﻟﻠﯩﻖ.
 
ﻳﻪﻧﻪ ﺑﻪﺯﻯ ﻛﯚﺯﻩﺗﻜﯜﭼﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﺳﯚﻫﺒﻪﺗﺘﻪ ﺑﯘ ﺧﯩﻞ ﻳﻮﻟﺴﯩﺰ ﺗﻪﻟﻪﭘﻠﻪﺭﻧﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﻰ ﻫﻪﺭﺑﯩﻲ ﻛﯜﭼﯩﮕﻪ ﺋﺎﺭﺗﯘﻗﭽﻪ ﺋﯩﺸﯩﻨﯩﺸﻨﯩﯔ ﻣﻪﻫﺴﯘﻟﻰ. ﺧﯩﺘﺎﻱ ﻳﺎﺯﻏﯘﭼﯩﺴﻰ ﯞﺍﯓ ﻟﯩﺸﻴﯘﯕﻨﯩﯔ ﻗﺎﺭﯨﺸﯩﭽﻪ، ﻫﻪﺭﺑﯩﻲ ﻛﯜﭺ ﺩﯙﻟﻪﺗﻠﻪﺭ ﺋﺎﺭﺍ ﻣﺎﺟﯩﺮﺍﻻﺭﻧﻰ ﻫﻪﻝ ﻗﯩﻠﯩﺸﺘﺎ ﻛﺎﺭﻏﺎ ﻛﻪﻟﮕﻪﻥ ﺑﯩﻠﻪﻥ ﺩﯙﻟﻪﺕ ﺋﯩﭽﯩﺪﯨﻜﻰ ﻣﺎﺟﯩﺮﺍﻻﺭﻧﻰ ﻫﻪﻝ ﻗﯩﻠﯩﺸﺘﺎ ﻛﺎﺭﻏﺎ ﻛﻪﻟﻤﻪﻳﺪﯗ، ﺋﯘ ﻣﺎﺟﯩﺮﺍﻻﺭﻧﻰ ﯞﺍﻗﯩﺘﻠﯩﻖ ﺑﯧﺴﯩﻘﺘﯘﺭﺍﻟﯩﺸﻰ ﻣﯘﻣﻜﯩﻦ، ﺋﻪﻣﻤﺎ ﺋﺎﺧﯩﺮﻗﻰ ﻏﻪﻟﯩﺒﯩﻨﻰ ﻗﺎﺯﺍﻧﺪﯗﺭﺍﻟﻤﺎﻳﺪﯗ. ﺋﯘﻧﯩﯔ ﻗﺎﺭﯨﺸﯩﭽﻪ، ﻣﯩﻠﻠﯩﻲ ﻣﯘﺳﺘﻪﻗﯩﻠﭽﯩﻠﻪﺭ، ﺧﻪﻟﻘﺌﺎﺭﺍﻧﯩﯔ ﻳﺎﺭﺩﯨﻤﯩﮕﻪ ﺋﯧﺮﯨﺸﻪﻟﻤﯩﮕﻪﻥ ﺗﻪﻗﺪﯨﺮﺩﻩ، ﺩﯙﻟﻪﺗﻨﯩﯔ ﺋﺎﺟﯩﺰ ﻧﯘﻗﺘﯩﻠﯩﺮﯨﻐﺎ ﻫﯘﺟﯘﻡ ﻗﯩﻠﯩﭗ، ﺟﻪﻣﺌﯩﻴﻪﺗﺘﻪ ﺋﯜﺯﻟﯜﻛﺴﯩﺰ ﭘﺎﺭﺍﻛﻪﻧﺪﯨﭽﯩﻠﯩﻚ ﭘﻪﻳﺪﺍ ﻗﯩﻠﯩﺪﯗ، ﺩﯙﻟﻪﺕ ﺋﯘﻻﺭﻏﺎ ﻗﯘﻻﻕ ﺳﯧﻠﯩﺸﻘﺎ ﻣﻪﺟﺒﯘﺭ ﺑﻮﻟﯩﺪﯗ. ﯞﺍﯓ ﻟﯩﺸﻴﯘﯕﻨﯩﯔ ﺑﯘ ﻗﺎﺭﯨﺸﻰ، ﺋﯘﻳﻐﯘﺭ ﻳﺎﺯﻏﯘﭼﯩﻠﯩﺮﯨﺪﯨﻦ ﺋﯩﺰﭼﯩﻤﻪﻧﻨﯩﯔ 'ﻣﯘﺳﺘﻪﻗﯩﻠﻠﯩﻘﯩﻤﯩﺰﺩﺍ ﺋﯜﻣﯩﺪ ﺑﺎﺭﻣﯘ؟' ﻧﺎﻣﻠﯩﻖ ﻛﯩﺘﺎﺑﯩﺪﯨﻤﯘ ﺗﻪﻛﺮﺍﺭﻟﯩﻨﯩﺪﯗ. ﻛﯩﺘﺎﺑﺘﺎ، ﺧﯩﺘﺎﻳﻨﯩﯔ ﺗﻪﻟﻪﭖ ﯞﻩ ﺗﻪﻛﻠﯩﭙﻠﻪﺭ ﺑﯩﻠﻪﻥ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﻛﻪﻟﻤﻪﻳﺪﯨﻐﺎﻧﻠﯩﻘﻰ، ﻛﻪﻟﺴﯩﻤﯘ ﻣﻪﺳﯩﻠﻪ ﻫﻪﻝ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺑﯩﻠﺪﯛﺭﯛﻟﮕﻪﻥ. ﻛﯩﺘﺎﺑﺘﺎ، ﺧﯩﺘﺎﻳﻐﺎ ﭘﻪﻗﻪﺕ ﺗﯧﻨﭻ ﺗﻪﺭﻩﻗﻘﯩﻴﺎﺕ ﭘﯘﺭﺳﯩﺘﻰ ﺑﻪﺭﻣﻪﺳﻠﯩﻚ ﺋﺎﺭﻗﯩﻠﯩﻘﻼ، ﺋﯘﻧﻰ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﺋﻪﻛﯩﻠﯩﺶ ﯞﻩ ﺳﻪﻣﯩﻤﯩﻲ ﺳﯚﺯﻟﯩﺸﯩﺸﻜﻪ ﻛﯚﻧﺪﯛﺭﯛﺵ ﻣﯘﻣﻜﯩﻦ ﺩﻩﭖ ﻛﯚﺭﺳﯩﺘﯩﻠﯩﺪﯗ.

ﺋﺎﻟﺪﯨﻨﻘﻰ ﻫﻪﭘﺘﻪ ﺋﻪﻧﮕﻠﯩﻴﯩﺪﻩ ﺯﯨﻴﺎﺭﻩﺗﺘﻪ ﺑﻮﻟﻐﺎﻥ ﺩﺍﻻﻱ ﻻﻣﺎ ﺑﯘ ﻫﻪﭘﺘﻪ، ﻳﻪﻧﻰ 11 ‏ - ﺋﯩﻴﯘﻧﺪﯨﻦ 15 ‏ - ﺋﯩﻴﯘﻧﻐﺎ ﻗﻪﺩﻩﺭ ﺋﺎﯞﺳﺘﺮﺍﻟﯩﻴﯩﺪﻩ ﺯﯨﻴﺎﺭﻩﺗﺘﻪ ﺑﻮﻟﻤﺎﻗﭽﻰ. ﺑﯘ ﻣﯘﻧﺎﺳﯩﯟﻩﺕ ﺑﯩﻠﻪﻥ ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﻳﺎﯓ ﺟﻴﯧﺠﻰ ﻳﻪﻛﺸﻪﻧﺒﻪ ﻛﯜﻧﻰ ﺑﺎﻳﺎﻧﺎﺕ ﺋﯧﻠﯩﭗ ﻗﯩﻠﯩﭗ، ﺩﺍﻻﻱ ﻻﻣﺎﻧﻰ ﺑﯚﻟﮕﯜﻧﭽﯩﻠﯩﻜﻜﻪ ﻗﯘﺗﺮﺍﺗﻘﯘﻟﯘﻕ ﻗﯩﻠﯩﺸﻨﻰ ﺗﻮﺧﺘﯩﺘﯩﺸﻰ ﻛﯧﺮﻩﻙ ﺩﻩﭖ ﺋﻪﻳﯩﺒﻠﯩﺪﻯ.