ﭼﻪﺗﺌﻪﻟﻠﯩﻜﻠﻪﺭ ﺋﯘﻳﻐﯘﺭﻻﺭﻧﻰ ﭼﯜﺷﻪﻧﻤﻪﻳﺪﯗ

ﻳﺎﻟﻐﯘﺯ ﮔﯧﺮﻣﺎﻧﯩﻴﯩﻨﯩﯔ ﺋﯚﺯﯨﺪﯨﻼ 3ﻣﯩﯔ ﻧﻪﭘﻪﺭﺩﯨﻦ ﺋﺎﺭﺗﯘﻕ ﺋﻪﺯﺍﺳﻰ ﺑﻮﻟﻐﺎﻥ ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ ﮔﯧﺮﻣﺎﻧﯩﻴﻪ ﺷﯚﺑﯩﺴﯩﻨﯩﯔ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﺋﯧﻼﻥ ﻗﯩﻠﻐﺎﻥ ﺑﯘ ﺑﺎﻳﺎﻧﺎﺗﯩﺪﺍ، ﻳﻪﻧﻪ ﺩ ﺋﯘ ﻕ ﺭﻩﺋﯩﺴﻰ، ﺋﯘﻳﻐﯘﺭ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﺭﻩﻫﺒﯩﺮﻯ ﺭﺍﺑﯩﻴﻪ ﻗﺎﺩﯨﺮ ﺧﺎﻧﯩﻤﻨﯩﯔ ﺗﯚﯞﻩﻧﺪﯨﻜﻰ ﺳﯚﺯﻯ ﻧﻪﻗﯩﻞ ﻗﯩﻠﯩﻨﻐﺎﻥ: "ﺗﺎﺷﻘﻰ ﺩﯗﻧﻴﺎﺩﯨﻜﯩﻠﻪﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺋﻪﻣﻪﻟﯩﻲ ﺋﻪﻫﯟﺍﻟﯩﻨﻰ ﺑﯩﻠﯩﺶ ﺋﯩﻤﻜﺎﻧﯩﻴﯩﺘﯩﮕﻪ ﺋﯩﮕﻪ ﺋﻪﻣﻪﺱ، ﭼﯜﻧﻜﻰ، ﺑﯩﺘﻪﺭﻩﭖ ﺋﺎﺧﺒﺎﺭﺍﺕ ﺋﻮﺭﮔﺎﻧﻠﯩﺮﯨﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻛﯩﺮﯨﺸﻰ ﺋﯩﻨﺘﺎﻳﯩﻦ ﻗﯧﻴﯩﻦ. ﺑﯩﺮ ﻳﯩﻞ ﺋﯩﻠﮕﯩﺮﻯ ﺧﯩﺘﺎﻱ ﺗﻪﺭﯨﭙﯩﺪﯨﻦ ﭼﯩﻘﯩﺮﯨﻠﻐﺎﻥ ﺑﯩﺮ ﻗﺎﻧﯘﻥ ﺑﻪﻟﮕﯩﻠﯩﻤﯩﺴﯩﺪﻩ، ﺋﻪﮔﻪﺭ ﺋﯘﻳﻐﯘﺭﻻﺭ ﭼﻪﺕ`ﺋﻪﻟﻠﯩﻜﻠﻪﺭﮔﻪ ﺋﯘﭼﯘﺭ ﺋﺎﺷﻜﺎﺭﯨﻼﭖ ﻗﻮﻳﺴﺎ، 3 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻣﻪﻫﻜﯘﻡ ﻗﯩﻠﯩﻨﯩﺪﯨﻐﺎﻧﻠﯩﻘﻰ ﺑﻪﻟﮕﯩﻠﻪﻧﮕﻪﻥ. ﺗﯧﺨﻰ ﻳﯧﺮﯨﻢ ﻳﯩﻞ ﺋﯩﻠﮕﯩﺮﯨﻼ، ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﻛﯩﺮﮔﻪﻥ ﺑﯩﺮ ﻧﻪﭼﭽﻪ ﻧﻪﭘﻪﺭ ﮔﻮﻟﻼﻧﺪﯨﻴﻪ ﻣﯘﺧﺒﯩﺮﻯ ﻗﻮﻟﻐﺎ ﺋﯧﻠﯩﻨﯩﭗ، ﺑﺎﺭﻟﯩﻖ ﻧﻪﺭﺳﯩﻠﯩﺮﻯ ﻣﯘﺳﺎﺩﯨﺮﻩ ﻗﯩﻠﯩﻨﻐﺎﻧﺪﯨﻦ ﻛﯧﻴﯩﻦ، ﭼﯧﮕﺮﯨﺪﯨﻦ ﻗﻮﻏﻼﭖ ﭼﯩﻘﯩﺮﯨﻠﺪﻯ. ﭼﻪﺕ`ﺋﻪﻟﻠﯩﻜﻠﻪﺭ ﻗﻮﻟﻐﺎ ﺋﯧﻠﯩﻨﻐﺎﻥ ﺋﯘﻳﻐﯘﺭﻻﺭﻧﯩﯔ ﺗﻪﻗﺪﯨﺮﯨﻨﻰ ﻫﯩﭻ ﭼﯜﺷﻪﻧﻤﻪﻳﺪﯗ. ﺏ ﺩ ﺕ ﻛﯩﺸﯩﻠﯩﻚ ﻫﻮﻗﯘﻕ ﻛﻮﻣﯩﺘﯧﺘﻰ ﺧﺎﺩﯨﻤﻰ ﻧﻮﯞﺍﻙ ﺋﻪﭘﻪﻧﺪﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻐﺎ ﺑﯩﺮ ﺗﻪﻛﺸﯜﺭﯛﺵ ﺋﯚﻣﯩﻜﻰ ﺋﻪﯞﻩﺗﯩﺸﻜﻪ ﺗﯩﺮﯨﺸﯩﯟﺍﺗﯩﺪﯗ. ﺗﻪﻛﺸﯜﺭﯛﺵ ﺋﯚﻣﯩﻜﯩﻨﯩﯔ ﺧﯩﺘﺎﻱ ﭼﯧﮕﺮﯨﺴﯩﺪﯨﻦ ﻛﯩﺮﻩﻟﻪﻳﺪﯨﻐﺎﻥ - ﻛﯩﺮﻩﻟﻤﻪﻳﺪﯨﻐﺎﻧﻠﯩﻘﻰ ﺗﯧﺨﻰ ﻣﻪﻟﯘﻡ ﺋﻪﻣﻪﺱ".

ﻏﻪﺭﯨﭗ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ

ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ ﮔﯧﺮﻣﺎﻧﯩﻴﻪ ﺷﯚﺑﯩﺴﯩﻨﯩﯔ ﺑﺎﻳﺎﻧﺎﺗﯩﺪﺍ، ﺋﯘﻳﻐﯘﺭﻻﺭﻧﯩﯔ ﺑﺎﺭﻟﯩﻖ ﺳﺎﻫﻪﻟﻪﺭﺩﯨﻜﻰ ﻫﻪﻕ - ﻫﻮﻗﯘﻗﻠﯩﺮﯨﻨﯩﯔ ﺩﻩﭘﺴﻪﻧﺪﻩ ﻗﯩﻠﯩﺸﻼﺭﻏﺎ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﺋﻪﺗﺮﺍﭘﻠﯩﻖ ﺋﯩﺰﺍﻫﻼﻧﻐﺎﻥ.

2008 - ﻳﯩﻠﻠﯩﻖ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﻰ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ، ﺩﯗﻧﻴﺎﻧﯩﯔ ﻧﻪﺯﯨﺮﻯ ﺗﯩﺒﻪﺕ ﻣﻪﺳﯩﻠﯩﺴﯩﺪﯨﻦ ﺑﺎﺷﻘﺎ، ﻳﻪﻧﻪ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﯩﮕﯩﻤﯘ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺋﺎﻏﺪﯗﺭﯗﻟﺪﻯ. ﺑﻮﻟﯘﭘﻤﯘ، ﻏﻪﺭﺏ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﯘﻳﻐﯘﺭﻻﺭ ﻣﻪﺳﯩﻠﯩﺴﻰ ﻫﻪﺭ ﻗﺎﭼﺎﻧﻘﯩﻐﺎ ﻗﺎﺭﯨﻐﺎﻧﺪﺍ ﺋﺎﻻﻫﯩﺪﻩ ﺩﯨﻘﻘﻪﺗﻨﻰ ﺗﺎﺭﺗﯩﺪﯨﻐﺎﻥ ﺑﯩﺮ ﺗﯧﻤﯩﻐﺎ ﺋﺎﻳﻼﻧﺪﻯ. ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ، ﺟﯜﻣﻠﯩﺪﯨﻦ ﮔﯧﺮﻣﺎﻧﯩﻴﯩﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﯨﻨﻰ ﻫﯩﻤﺎﻳﻪ ﻗﯩﻠﻐﯘﭼﻰ ﺋﻮﺭﮔﺎﻧﻼﺭﻧﯩﯔ ﺗﯜﺭﻟﯜﻙ ﺩﻭﻛﻼﺗﻠﯩﺮﻯ ﯞﻩ ﺑﺎﻳﺎﻧﺎﺗﻠﯩﺮﯨﺪﺍ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﺗﯧﻤﯩﻼﺭ ﻣﯘﻫﯩﻢ ﺳﺎﻟﻤﺎﻗﻨﻰ ﺋﯩﮕﯩﻠﻪﭖ ﻛﻪﻟﻤﻪﻛﺘﻪ.

ﺧﯩﺘﺎﻳﻐﺎ ﻗﺎﺭﯨﺘﺎ ﺑﯧﺴﯩﻤﻨﻰ ﻛﯜﭼﻪﻳﺘﯩﺶ ﻛﯧﺮﻩﻙ

ﮔﯧﺮﻣﺎﻧﯩﻴﻪ ﺩﻭﻟﻘﯘﻧﻠﯩﺮﻯ ﺭﺍﺩﯨﺌﻮﺳﯩﻨﯩﯔ 5 - ﺋﯩﻴﯘﻝ ﺋﯧﻼﻥ ﻗﯩﻠﻐﺎﻥ "ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻰ ﺧﯩﺘﺎﻳﺪﯨﻜﻰ ﺋﯩﻨﺴﺎﻥ ﻫﻪﻗﻠﯩﺮﻯ ﻣﻪﺳﯩﻠﯩﺴﯩﻨﻰ ﺗﻪﻛﯩﺘﻠﯩﺪﻯ" ﻧﺎﻣﻠﯩﻖ ﺧﻪﯞﯨﺮﯨﺪﻩ ﻧﻪﻗﯩﻞ ﻗﯩﻠﯩﻨﯩﺸﯩﭽﻪ، ﻣﻪﺯﻛﯘﺭ ﺗﻪﺷﻜﯩﻼﺕ ﺭﻩﻫﺒﻪﺭﻟﯩﺮﯨﺪﯨﻦ ﻗﺎﻧﯘﻥ ﭘﺮﻭﻓﯧﺴﺴﻮﺭﻯ ﺭﺍﺩﯦﻦ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﮕﻪﻥ: "ﺋﻪﻣﻪﻟﯩﻴﻪﺗﺘﻪ، ﺧﯩﺘﺎﻳﻨﯩﯔ ﻗﺎﻧﯘﻥ ﻣﺎﺩﺩﯨﻠﯩﺮﻯ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﻣﯘﻛﻪﻣﻤﻪﻝ. ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﻧﯘﺭﻏﯘﻧﻠﯩﻐﺎﻥ ﻛﯩﺸﯩﻠﯩﻚ ﻫﻮﻗﯘﻕ ﺩﻩﭘﺴﻪﻧﺪﯨﭽﯩﻠﯩﻜﻠﯩﺮﻯ، ﺧﯩﺘﺎﻳﻨﯩﯔ ﻣﻪﯞﺟﯘﺩ ﻗﺎﻧﯘﻧﯩﻐﯩﻤﯘ ﺗﯜﭘﺘﯩﻦ ﺧﯩﻼﭖ. ﻟﯧﻜﯩﻦ ﻣﻪﺳﯩﻠﻪ، ﺧﯩﺘﺎﻱ ﻗﺎﻧﯘﻧﯩﻨﯩﯔ ﺋﯩﺠﺮﺍﺳﯩﻨﯩﯔ ﺋﻪﻣﻪﻟﯩﻠﻪﺷﻤﻪﺳﻠﯩﻜﯩﺪﻩ. ﺋﻪﮔﻪﺭ ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻕ ﯞﻩﺯﯨﻴﯩﺘﻰ ﺋﯚﺯﮔﻪﺭﺗﯩﻠﻤﻪﻛﭽﻰ ﺑﻮﻟﯩﺪﯨﻜﻪﻥ، ﺋﻪﻟﯟﻩﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﮕﻪ ﻗﺎﺭﯨﺘﺎ ﺑﯧﺴﯩﻤﻨﻰ ﻛﯜﭼﻪﻳﺘﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ، ﺩﯨﺌﺎﻟﻮﮒ ﺋﯜﭼﯜﻧﻤﯘ ﺑﯩﺮ ﻗﺎﻧﺎﻝ ﻗﺎﻟﺪﯗﺭﯗﭖ ﻗﻮﻳﯘﺵ ﻛﯧﺮﻩﻙ."

ﺧﯩﺘﺎﻱ ﺋﯚﺯ ﺋﯚﺯﯨﮕﻪ ﻫﺎﻗﺎﺭﻩﺕ ﻗﯩﻠﻤﺎﻗﺘﺎ

ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ "ﻏﻪﺭﺑﺘﯩﻜﻰ ﺑﯩﺮ ﻗﯩﺴﯩﻢ ﺧﯩﺘﺎﻳﻐﺎ ﻗﺎﺭﺷﻰ ﻛﯜﭼﻠﻪﺭ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﻨﻰ ﺗﯘﺗﻘﺎ ﻗﯩﻠﯩﯟﯦﻠﯩﭗ، ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﻠﯩﺮﯨﻐﺎ ﺋﺎﺭﯨﻼﺷﻤﺎﻗﺘﺎ" ﺩﻩﻳﺪﯨﻐﺎﻥ ﻧﯘﻗﺘﯩﺌﻰ ﻧﻪﺯﯨﺮﯨﮕﻪ ﻗﺎﺭﯨﺘﺎ، ﻗﺎﻧﯘﻥ ﭘﺮﻭﻓﯧﺴﺴﻮﺭﻯ ﺭﺍﺩﯦﻦ ﺋﻪﭘﻪﻧﺪﻯ ﻣﯘﻧﺪﺍﻕ ﺩﯦﮕﻪﻥ: "ﺑﯩﺰ ﺧﯩﺘﺎﻳﻼﺭﻏﺎ ﻗﻪﺗﺌﻰ ﺭﻩﯞﯨﺸﺘﻪ ﺷﯘﻧﻰ ﺑﯩﻠﺪﯛﺭﯛﭖ ﻗﻮﻳﯘﺷﯩﻤﯩﺰ ﻛﯧﺮﻩﻛﻜﻰ، ﺑﯩﺰ ﻫﻪﻗﯩﻘﻪﺗﻪﻧﻤﯘ ﺧﯩﺘﺎﻳﺪﯨﻜﻰ ﻛﯩﺸﯩﻠﯩﻚ ﻫﻮﻗﯘﻕ ﻣﻪﺳﯩﻠﯩﺴﯩﮕﻪ ﺋﻪﺳﺘﺎﻳﯩﺪﯨﻞ ﻣﯘﺋﺎﻣﯩﻠﯩﺪﻩ ﺑﻮﻟﯘﯞﺍﺗﯩﻤﯩﺰ، ﻫﯧﭽﻘﺎﻧﺪﺍﻕ ﺳﯩﻴﺎﺳﯩﻲ ﻫﯩﻴﻠﻪ - ﻣﯩﻜﯩﺮ ﺋﻪﺳﻼ ﻣﻪﯞﺟﯘﺩ ﺋﻪﻣﻪﺱ. ﺧﯩﺘﺎﻳﻨﻰ ﭘﺎﺭﭼﯩﻠﯩﻤﺎﻗﭽﯩﻤﯘ ﺋﻪﻣﻪﺳﻤﯩﺰ. ﻣﻪﻥ ﺷﻪﺧﺴﻪﻥ ﻣﯘﻛﻪﻣﻤﻪﻝ ﺑﯩﺮ ﺧﯩﺘﺎﻱ ﻣﻪﺳﺘﺎﻧﯩﺴﻰ. ﺧﯩﺘﺎﻳﻨﯩﯔ ﺋﯘﺯﯗﻥ ﺗﺎﺭﯨﺨﻘﺎ ﺋﯩﮕﻪ ﻣﻪﺩﻩﻧﯩﻴﯩﺘﯩﮕﻪ ﻧﯩﺴﺒﻪﺗﻪﻥ ﻳﯧﺘﻪﺭﻟﯩﻚ ﻫﯚﺭﻣﯩﺘﯩﻢ ﺑﺎﺭ. ﻣﻪﻥ ﺧﯩﺘﺎﻳﻨﯩﯔ ﻛﯩﺸﯩﻠﯩﻚ ﻫﻮﻗﯘﻗﻘﺎ ﻫﯚﺭﻣﻪﺕ ﻗﯩﻠﻤﺎﺳﻠﯩﻘﻰ ﺋﯚﺯ ﺩﯙﻟﯩﺘﻰ ﯞﻩ ﻣﻪﺩﻩﻧﯩﻴﯩﺘﯩﮕﻪ ﻗﯩﻠﯩﻨﻐﺎﻥ ﻫﺎﻗﺎﺭﻩﺕ، ﺩﻩﭖ ﻗﺎﺭﺍﻳﻤﻪﻥ".

ﺧﯩﺘﺎﻱ ﻗﺎﻧﯘﻧﯩﻨﯩﯔ ﭼﯩﺮﯨﻜﻠﯩﻜﻰ

ﺧﯩﺘﺎﻳﺪﺍ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯦﻤﻮﻛﺮﺍﺗﯩﻴﯩﺪﯨﻦ ﺑﺎﺷﻘﺎ، ﻳﻪﻧﻪ ﻗﺎﻧﯘﻥ - ﺗﯜﺯﯛﻡ ﺋﯩﺪﯨﻴﯩﺴﯩﻨﯩﯔ ﺋﯩﻨﺘﺎﻳﯩﻦ ﻧﺎﭼﺎﺭﻟﯩﻘﻰ، ﻏﻪﺭﺏ ﻫﯚﻛﯜﻣﻪﺕ ﯞﻩ ﺧﻪﻟﻘﻠﯩﺮﯨﻨﯩﯔ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺗﻮﻧﯘﺷﯩﻐﺎ ﺋﺎﻳﻼﻧﻤﺎﻗﺘﺎ. ﺧﯩﺘﺎﻳﺪﺍ ﻣﯘﻛﻪﻣﻤﻪﻝ ﻗﺎﻧﯘﻧﻼﺭﻧﻰ ﺗﯘﺭﻏﯘﺯﯗﺷﻘﺎ ﻗﺎﺩﯨﺮ ﺯﺍﺗﻼﺭ ﺑﻮﻟﺴﯩﻤﯘ، ﻟﯧﻜﯩﻦ ﻗﺎﻧﯘﻧﻐﺎ ﻫﯚﺭﻣﻪﺕ ﻗﯩﻠﯩﺪﯨﻐﺎﻥ ﺧﻪﻟﻘﻨﯩﯔ ﻣﻪﯞﺟﯘﺩ ﺋﻪﻣﻪﺳﻠﯩﻜﻰ ﻛﯚﭖ ﺗﻪﻛﺮﺍﺭﻻﻧﻤﺎﻗﺘﺎ.
 
ﻟﻮﻧﺪﻭﻥ ﮔﯧﺰﯨﺘﯩﻨﯩﯔ 7 - ﺋﺎﻳﻨﯩﯔ 3 - ﻛﯜﻧﯩﺪﯨﻜﻰ ﺧﻪﯞﯨﺮﯨﺪﻩ، ﺧﯩﺘﺎﻳﺪﯨﻜﻰ ﻗﺎﻧﯘﻧﻨﯩﯔ ﭼﯩﺮﯨﻜﻠﯩﻜﻰ ﻳﻪﻧﻪ ﺑﯩﺮ ﻗﯧﺘﯩﻢ ﻛﻪﺳﻜﯩﻦ ﺗﻪﻧﻘﯩﺪﻟﻪﻧﮕﻪﻥ. ﺑﯘ ﺗﻪﻧﻘﯩﺪﻛﻪ ﺳﻪﯞﻩﭖ ﺑﻮﻟﻐﺎﻥ ﺋﺎﻣﯩﻠﻼﺭﻧﯩﯔ ﺑﯩﺮﻯ، ﺧﯩﺘﺎﻳﺪﯨﻜﻰ ﺋﯜﺯﻟﯜﻛﺴﯩﺰ ﺩﺍﯞﺍﻡ ﻗﯩﻠﯩﯟﺍﺗﻘﺎﻥ ﺋﺎﺩﻩﻡ ﺋﻪﺗﻜﻪﺳﭽﯩﻠﯩﻜﻰ ﺑﻮﻟﻐﺎﻥ. ﺧﻪﯞﻩﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﺋﻪﻧﮕﯩﻠﯩﻴﻪ ﻫﯚﻛﯜﻣﯩﺘﻰ ﺷﻪﻫﯟﺍﻧﯩﻴﻠﯩﻘﻘﺎ ﻗﺎﺭﺷﻰ ﻣﻪﻣﻠﯩﻜﻪﺕ ﺧﺎﺭﺍﻛﺘﯧﺮﻟﯩﻚ ﺋﻮﻣﯘﻣﻰ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ. 528 ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻥ. 170 ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻨﻰ ﻗﯘﺗﻘﯘﺯﯗﭖ ﻗﺎﻟﻐﺎﻥ. ﻗﺎﻧﭽﻪ ﻳﯜﺯﻟﯩﮕﻪﻥ ﺋﯚﻱ ﯞﻩ ﭘﺎﻫﯩﺸﯩﺨﺎﻧﯩﻼﺭﻧﻰ ﺗﻪﻛﺸﯜﺭﮔﻪﻥ. ﺑﯘ ﺗﻪﻛﺸﯜﺭﯛﺵ ﺋﻪﻧﮕﻠﯩﻴﯩﺪﯨﻦ ﺑﺎﺷﻘﺎ، ﺷﯩﻤﺎﻟﯩﻲ ﺋﯩﺮﻻﻧﺪﯨﻴﻪ ﻫﻪﻡ ﺷﻮﺗﻼﻧﺪﯨﻴﯩﻠﻪﺭﺩﯨﻤﯘ ﺋﯩﺠﺮﺍ ﻗﯩﻠﯩﻨﻐﺎﻥ. ﺋﻪﻧﮕﯩﻠﯩﻴﻪ ﻫﯚﻛﯜﻣﯩﺘﻰ ﺋﯩﭽﻜﻰ ﺳﯩﻴﺎﺳﻪﺕ ﺋﻮﺭﮔﯩﻨﯩﻨﯩﯔ ﺑﺎﻳﺎﻧﺎﺗﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺋﯘﻻﺭﻧﯩﯔ ﻣﯘﺗﻠﻪﻕ ﻛﯚﭖ ﻗﯩﺴﻤﻰ ﺧﯩﺘﺎﻳﻼﺭ ﺋﯩﻜﻪﻥ. ﺑﯘ ﺧﯩﺘﺎﻱ ﻗﯩﺰﻟﯩﺮﯨﻨﯩﯔ ﻛﯩﭽﯩﻜﻰ 14 ﻳﺎﺷﺘﺎ ﺑﻮﻟﯘﭖ، ﺑﻪﺯﯨﻠﯩﺮﻯ ﻫﻪﺗﺘﺎ ﻛﯜﻧﯩﮕﻪ 40 ﻗﯧﺘﯩﻢ ﺧﯧﺮﯨﺪﺍﺭ ﻛﯜﺗﯜﺷﻜﻪ ﻣﻪﺟﺒﯘﺭﻻﻧﻐﺎﻥ. ﺋﻪﻧﮕﯩﻠﯩﻴﻪ ﻫﯚﻛﯜﻣﯩﺘﻰ ﺑﯘ ﭘﺎﺟﯩﺌﻪﻟﻪﺭﮔﻪ ﺧﯩﺘﺎﻳﺪﯨﻜﻰ ﻗﺎﻧﯘﻧﻨﯩﯔ ﭼﯩﺮﯨﻜﻠﯩﻜﯩﻨﻰ ﺳﻪﯞﻩﭖ ﻗﯩﻠﯩﭗ ﻛﯚﺭﺳﻪﺗﻜﻪﻥ.
 
ﻣﯘﺗﻪﺧﻪﺳﺴﯩﺴﻠﻪﺭ، ﺧﯩﺘﺎﻳﺪﺍ ﺩﯦﻤﻮﻛﺮﺍﺗﯩﻴﯩﻨﯩﯔ ﺋﻪﻣﻪﻟﮕﻪ ﺋﯧﺸﯩﺸﻰ ﺋﯜﭼﯜﻥ ﺋﺎﻟﺪﻯ ﺑﯩﻠﻪﻥ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻛﺎﭘﺎﻟﻪﺗﻜﻪ ﺋﯩﮕﻪ ﺑﻮﻟﯩﺸﻰ، ﺋﯘﻧﯩﯖﺪﯨﻨﻤﯘ ﺋﯩﻠﮕﯩﺮﻯ ﻗﺎﻧﯘﻥ - ﺗﯜﺯﯛﻡ ﻣﯘﻛﻪﻣﻤﻪﻟﻠﻪﺷﻜﻪﻥ ﺑﻮﻟﯘﺷﻰ ﻛﯧﺮﻩﻙ. ﺋﺎﻧﺪﯨﻦ ﺧﯩﺘﺎﻳﺪﯨﻜﻰ ﺩﯦﻤﻮﻛﺮﺍﺗﯩﻴﯩﺪﯨﻦ ﺳﯚﺯ ﺋﺎﭼﻘﯩﻠﻰ ﺑﻮﻟﯩﺪﯗ، ﺩﻩﭖ ﻗﺎﺭﺍﺷﻤﺎﻗﺘﺎ.