ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻫﻪﺭﺑﯩﻲ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯦﻦ ﺑﺎﺷﻠﯩﻘﻰ ﺷﯜ ﺳﻪﻳﺨﯘ ﻫﺎﺯﯨﺮ ﺋﺎﻣﯧﺮﯨﻜﯩﻨﻰ ﺯﯨﻴﺎﺭﻩﺕ ﻗﯩﻠﯩﯟﺍﺗﯩﺪﯗ، ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺷﯜ ﺳﻪﻳﺨﯘﻧﯩﯔ ﺋﺎﻣﯧﺮﯨﻜﺎ ﺯﯨﻴﺎﺭﯨﺘﻰ 11‏ - ﺋﺎﻳﻨﯩﯔ 3 ‏ - ﻛﯜﻧﯩﮕﯩﭽﻪ ﺩﺍﯞﺍﻡ ﻗﯩﻠﯩﺪﯨﻜﻪﻥ. ﺋﯘﻧﯩﯔ ﺑﯘ ﻗﯧﺘﯩﻤﻘﻰ ﺋﺎﻣﯧﺮﯨﻜﺎ ﺯﯨﻴﺎﺭﯨﺘﻰ ﺧﯩﺘﺎﻱ ﺑﯩﻠﻪﻥ ﺋﺎﻣﯧﺮﯨﻜﺎ ﺋﻮﺗﺘﯘﺭﯨﺴﯩﺪﯨﻜﻰ ﻫﻪﺭﺑﯩﻲ ﺟﻪﻫﻪﺗﺘﯩﻜﻰ ﺋﯚﺯ - ﺋﺎﺭﺍ ﺋﯩﺸﻪﻧﻤﻪﺳﻠﯩﻜﻨﻰ ﻳﻮﻕ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﯩﺪﯨﻜﻪﻥ. ﺷﯜ ﺳﻪﻳﺨﯘ ﺋﺎﻣﯧﺮﯨﻜﯩﻐﺎ ﻛﯧﻠﯩﭙﻼ، ﺋﺎﻟﺪﻯ ﺑﯩﻠﻪﻥ ﺋﺎﻣﯧﺮﯨﻜﯩﻨﯩﯔ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﻰ، ﺗﯩﻨﭻ ﺋﻮﻛﻴﺎﻥ ﺋﺎﺭﻣﯩﻴﯩﺴﻰ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﻰ ﯞﻩ ﻫﺎﯞﺍ، ﺩﯦﯖﯩﺰ، ﻗﯘﺭﯗﻗﻠﯘﻕ ﻗﯩﺴﯩﻤﻠﯩﺮﯨﻨﯩﯔ ﺋﯜﭺ ﻗﻮﻣﺎﻧﺪﺍﻧﻠﯩﻖ ﺷﯩﺘﺎﺑﯩﻨﻰ ﺯﯨﻴﺎﺭﻩﺕ ﻗﯩﻠﻐﺎﻥ.

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﯘ ﺋﺎﻟﯩﻲ ﺩﻩﺭﯨﺠﯩﻠﯩﻚ ﻫﻪﺭﺑﯩﻲ ﺋﻪﻣﻪﻟﺪﺍﺭﻯ ﺋﺎﻣﯧﺮﯨﻜﺎ ﺧﻪﻟﻘﺌﺎﺭﺍ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﺪﻩ ﻗﯩﻠﻐﺎﻥ ﺳﯚﺯﯨﺪﻩ 'ﺧﯩﺘﺎﻳﻨﯩﯔ ﺋﯘﺯﯗﻥ ﻣﯘﺳﺎﭘﯩﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﻫﻪﺭﺑﯩﻲ ﻗﻮﺭﺍﻟﻼﺭﻧﻰ ﺗﻪﺭﻩﻗﻘﻰ ﻗﯩﻠﺪﯗﺭﯗﺷﻰ ﺋﺎﻣﯧﺮﯨﻜﯩﻐﺎ ﻗﺎﺭﯨﺘﯩﻠﻐﺎﻥ' ﺩﯦﮕﻪﻥ ﺑﺎﻫﺎﻻﺭﻧﻰ ﺭﻩﺕ ﻗﯩﻠﯩﭗ 'ﺑﯩﺰﻧﯩﯔ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﯞﻩ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﻰ ﺗﻪﺭﻩﻗﻘﻰ ﻗﯩﻠﺪﯗﺭﯨﺸﯩﻤﯩﺰ ﺗﻪﻳﯟﻩﻥ ﻣﯘﺳﺘﻪﻗﯩﻠﭽﯩﻠﯩﺮﻯ، ﺋﯘﻳﻐﯘﺭ ﻣﯘﺳﺘﻪﻗﯩﻠﭽﯩﻠﯩﺮﻯ ﯞﻩ ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﯨﮕﻪ ﻗﺎﺭﯨﺘﯩﻠﻐﺎﻥ، ﭼﯜﻧﻜﻰ ﺩﯙﻟﯩﺘﯩﻤﯩﺰ ﺗﯧﺨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﻟﮕﯩﻨﻰ ﻳﻮﻕ' ﺩﻩﭖ ﭼﯜﺷﻪﻧﺪﯛﺭﮔﻪﻥ. ﺋﻪﻣﻤﺎ ﺷﯜ ﺳﻪﻳﺨﯘﻧﯩﯔ ﺑﯘ ﮔﻪﭘﻠﯩﺮﯨﮕﻪ ﻣﯘﺗﻪﺧﻪﺳﺴﯩﺴﻠﻪﺭ ﺋﯩﺸﻪﻧﻤﻪﻳﺪﯗ.

ﺑﯘﻧﯩﯖﺪﯨﻦ ﺑﯘﺭﯗﻥ ﺧﯩﺘﺎﻳﻨﯩﯔ ﺑﯩﺮ ﻫﻪﺭﺑﯩﻲ ﺋﻪﻣﻪﻟﺪﺍﺭﻯ ﺑﯩﺰﻧﯩﯔ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﻰ ﺋﯧﻠﯩﭗ ﻣﺎﯕﯩﺪﯨﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻤﯩﺰ ﺋﺎﻣﯧﺮﯨﻜﯩﻨﯩﯔ ﻟﻮﺱ ﺋﺎﻧﺠﯩﻠﯩﺲ، ﻧﻴﯘﻳﻮﺭﻙ ﺷﻪﻫﻪﺭﻟﯩﺮﯨﮕﻪ ﻳﯧﺘﯩﺪﯗ، ﺩﻩﭖ ﺗﻪﻫﺪﯨﺖ ﺳﺎﻟﻐﺎﻥ ﺋﯩﺪﻯ

ﺗﯜﺭﻛﯩﻴﯩﺪﯨﻜﻰ ﻫﺎﺟﻪﺗﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﻭﺗﺴﯧﻨﺘﻰ، ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭼﯜﺷﻪﻧﭽﻪ ﺋﯩﻨﯩﺴﺘﯩﺘﻮﺗﯩﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﺑﯘﻧﯩﯖﺪﯨﻦ ﺑﯘﺭﯗﻥ ﺧﯩﺘﺎﻳﻨﯩﯔ ﺑﯩﺮ ﻫﻪﺭﺑﯩﻲ ﺋﻪﻣﻪﻟﺪﺍﺭﻯ ﺑﯩﺰﻧﯩﯔ ﻳﺎﺩﺭﻭ ﻗﻮﺭﺍﻟﻠﯩﺮﯨﻨﻰ ﺋﯧﻠﯩﭗ ﻣﺎﯕﯩﺪﯨﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﯨﻤﯩﺰ ﺋﺎﻣﯧﺮﯨﻜﯩﻨﯩﯔ ﻟﻮﺱ ﺋﺎﻧﺠﯩﻠﯩﺲ، ﻧﻴﯘﻳﻮﺭﻙ ﺷﻪﻫﻪﺭﻟﯩﺮﯨﮕﻪ ﻳﯧﺘﯩﺪﯗ، ﺩﻩﭖ ﺗﻪﻫﺪﯨﺖ ﺳﺎﻟﻐﺎﻥ ﺋﯩﺪﻯ. ﺋﻪﻣﺪﻯ ﺧﯩﺘﺎﻱ ﺑﯘ ﻫﻪﺭﺑﯩﻲ ﺋﻪﻣﻪﻟﺪﺍﺭﯨﻨﯩﯔ ﺳﯚﺯﯨﻨﻰ ﻛﯩﺸﯩﻠﻪﺭ ﺋﺎﺩﻩﻡ ﺋﺎﻟﺪﺍﯞﺍﺗﯩﺪﯗ، ﺩﻩﭖ ﭼﯜﺷﯩﻨﯩﺸﻰ ﻣﯘﻣﻜﯩﻦ.

ﺧﯩﺘﺎﻳﻨﯩﯔ ﺋﯘﺯﯗﻥ ﻣﯘﺳﺎﭘﯩﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﻯ ﺋﻪﻣﻪﻟﯩﻴﻪﺗﺘﻪ ﺋﺎﻣﯧﺮﯨﻜﯩﻐﺎ ﻗﺎﺭﯨﺘﯩﻠﻐﺎﻥ

ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﺗﯘﺭﯗﯞﺍﺗﻘﺎﻥ ﺟﻪﻣﺌﯩﻴﻪﺗﺸﯘﻧﺎﺱ، ﺋﯩﻘﺘﯩﺴﺎﺩﺷﯘﻧﺎﺱ ﭼﯧﻦ ﺷﺎﯞﻧﯘﯓ ﺧﯩﺘﺎﻳﻨﯩﯔ ﺑﯘ ﺋﺎﻟﯩﻲ ﺩﻩﺭﯨﺠﯩﻠﯩﻚ ﻫﻪﺭﺑﯩﻲ ﺋﻪﻣﻪﻟﺪﺍﺭﯨﻨﯩﯔ ﺳﯚﺯﯨﮕﻪ ﻫﻪﺭﮔﯩﺰ ﺋﯩﺸﻪﻧﻤﻪﻳﺪﯨﻜﻪﻥ. ﺋﯘﻧﯩﯔ ﻗﺎﺭﯨﺸﯩﭽﻪ، ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻳﻨﯩﯔ ﺋﺎﺗﺎﻟﻤﯩﺶ ﻳﺎﺩﺭﻭ ﻗﻮﺭﺍﻟﯩﺮﻯ ﯞﻩ ﺋﯘﻧﯩﯖﻐﺎ ﻣﯘﻧﺎﺳﯩﭗ ﻫﺎﻟﺪﺍ ﺗﻪﻳﻴﺎﺭﻻﻧﻐﺎﻥ ﺋﻮﺗﺘﯘﺭﺍ ﯞﻩ ﺋﯘﺯﯗﻥ ﻣﯘﺳﺎﭘﯩﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﻯ ﺋﺎﻣﯧﺮﯨﻜﯩﻐﺎ ﻗﺎﺭﯨﺘﯩﻠﻐﺎﻥ. ﺋﯘﻧﯩﯔ ﻗﺎﺭﺍﺗﻤﯩﻠﯩﻘﻰ ﺭﯗﺳﯩﻴﯩﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ، ﺋﻪﻟﯟﻩﺗﺘﻪ. ﺑﯩﺮ ﻧﻪﭼﭽﻪ ﻣﯩﯔ ﻛﯩﻠﻮﻣﯧﺘﯩﺮ ﻣﯘﺳﺎﭘﯩﻨﻰ ﻛﯚﺯﻟﻪﭖ ﻳﺎﺳﺎﻟﻐﺎﻥ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻼﺭﻧﻰ، ﺳﯘ ﺋﺎﺳﺘﻰ ﭘﺎﺭﺍﺧﻮﺗﻼﺭﺩﯨﻦ ﺑﯩﺮ ﻧﻪﭼﭽﻪ ﻣﯩﯔ ﻛﯩﻠﻮﻣﯧﺘﯩﺮ ﻳﯧﺮﺍﻗﻠﯩﻘﻘﺎ ﺋﺎﺗﯩﺪﯨﻐﺎﻥ ﻳﺎﺩﺭﻭ ﻗﻮﺭﺍﻟﻼﺭﻧﻰ ﺗﻪﻳﯟﻩﻧﮕﻪ ﻗﺎﺭﯨﺘﯩﻠﻐﺎﻥ ﺩﯦﺴﻪ ﻫﯧﭽﻜﯩﻢ ﺋﯩﺸﻪﻧﻤﻪﻳﺪﯗ، ﭼﯜﻧﻜﻰ ﺗﻪﻳﯟﻩﻥ ﺋﺎﺭﺍﻥ ﺧﯩﺘﺎﻳﺪﯨﻦ ﺑﯩﺮ ﻧﻪﭼﭽﻪ ﻳﯜﺯ ﻛﯩﻠﻮﻣﯧﺘﯩﺮ ﻳﯧﺮﺍﻗﻠﯩﻘﺘﺎ.

ﺷﯜ ﺳﻪﻳﺨﯘﻧﯩﯔ ﺑﯘ ﮔﻪﭘﻠﯩﺮﻯ ﺋﺎﻣﯧﺮﯨﻜﺎ ﺗﻪﺗﻘﯩﻘﺎﺗﭽﯩﻠﯩﺮﯨﻨﻰ ﻫﺎﻣﺎﻗﻪﺕ ﭼﺎﻏﻠﯩﻐﺎﻧﻠﯩﻖ

ﭼﯧﻦ ﺷﺎﯞﻧﯘﯕﻨﯩﯔ ﻗﺎﺭﯨﺸﯩﭽﻪ، ﺷﯜ ﺳﻪﻳﺨﯘﻧﯩﯔ ﺑﯘ ﮔﻪﭘﻠﯩﺮﻯ ﺭﺍﺱ ﮔﻪﭖ ﺋﻪﻣﻪﺱ، ﻫﻪﺭﺑﯩﻲ ﺳﺎﯞﺍﺗﻼﺭﺩﯨﻦ ﺋﺎﺯﺍﺭﺍﻕ ﺧﻪﯞﯨﺮﻯ ﺑﺎﺭ ﻫﻪﺭ ﻗﺎﻧﺪﺍﻕ ﺋﺎﺩﻩﻡ ﺑﯘﻧﻰ ﺑﯩﻠﻪﻟﻪﻳﺪﯗ. ﺑﯘ ﻗﻮﺭﺍﻟﻼﺭ ﺋﯘﻳﻐﯘﺭ، ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﯨﮕﻪ ﺗﺎﻗﺎﺑﯩﻞ ﺗﯘﺭﯗﺵ ﺋﯜﭼﯜﻥ ﻳﺎﺳﺎﻟﻐﺎﻥ ﺩﯦﮕﯩﻨﻰ ﺗﯧﺨﯩﻤﯘ ﻗﺎﻣﻼﺷﻤﯩﻐﺎﻥ ﮔﻪﭖ، ﺋﯘﻳﻐﯘﺭﻻﺭﻧﯩﯔ، ﺗﯩﺒﻪﺗﻠﻪﺭﻧﯩﯔ ﺋﯩﭽﯩﺪﯨﻜﻰ ﺋﯚﺯﻟﯩﺮﯨﻨﯩﯔ ﻛﻪﻟﮕﯜﺳﯩﮕﻪ ﺋﻪﻫﻤﯩﻴﻪﺕ ﺑﯧﺮﯨﯟﺍﺗﻘﺎﻥ ﻛﯩﺸﯩﻠﻪﺭ ﻳﯧﺮﺍﻕ ﺑﯩﺮ ﺟﺎﻳﺪﺍ ﺋﻪﻣﻪﺱ، ﺧﯩﺘﺎﻱ ﺋﯘﻻﺭﻧﻰ ﻫﻪﺭﺑﯩﻲ ﻗﯩﺴﯩﻤﻠﯩﺮﻯ ﺑﯩﻠﻪﻥ ﻣﯘﻫﺎﺳﯩﺮﯨﮕﻪ ﺋﯧﻠﯩﭗ ﺗﯘﺭﯗﯞﺍﺗﯩﺪﯗ، ﺋﯘﻻﺭﻏﺎ ﺋﯘﺯﯗﻥ ﻣﯘﺳﺎﭘﯩﻠﯩﻖ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻐﺎ ﻳﺎﺩﺭﻭ ﺑﻮﻣﺒﯩﺴﻰ ﻗﺎﭼﯩﻼﭖ ﺋﯧﺘﯩﺶ ﻫﺎﺟﻪﺕ ﺋﻪﻣﻪﺱ، ﺷﯜ ﺳﻪﻳﺨﯘﻧﯩﯔ 'ﺟﯘﯕﮕﻮﻧﯩﯔ ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﯩﻠﯩﺮﻯ ﺗﻪﻳﯟﻩﻥ، ﺋﯘﻳﻐﯘﺭ، ﺗﯩﺒﻪﺕ ﻣﯘﺳﺘﻪﻗﯩﻠﭽﯩﻠﯩﺮﯨﮕﻪ ﻗﺎﺭﯨﺘﯩﻠﻐﺎﻥ' ﺩﻩﭖ ﭼﯜﺷﻪﻧﺪﯛﺭﮔﻪﻧﻠﯩﻜﻰ ﺋﺎﻣﯧﺮﯨﻜﺎ ﺗﻪﺗﻘﯩﻘﺎﺗﭽﯩﻠﯩﺮﯨﻨﻰ ﻫﺎﻣﺎﻗﻪﺕ ﭼﺎﻏﻠﯩﻐﺎﻧﻠﯩﻖ.

ﺋﻪﮔﻪﺭ ﺋﯘﻳﻐﯘﺭﻻﺭ ﺑﯘﻧﺪﺍﻕ ﮔﻪﭘﻠﻪﺭﮔﻪ ﺋﯩﺸﻪﻧﺴﻪ ﻧﺎﻣﺎﻳﯩﺶ ﻗﯩﻠﻤﺎﻳﺘﺘﻰ

ﺧﯩﺘﺎﻱ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﻪ ﻫﻪﺭﺑﯩﻲ ﻛﻮﻣﯩﺘﯧﺘﯩﻨﯩﯔ ﻣﯘﺋﺎﯞﯨﻦ ﺑﺎﺷﻠﯩﻘﻰ ﺷﯜ ﺳﻪﻳﺨﯘﻧﯩﯔ ﺑﯘ ﮔﯧﭙﯩﮕﻪ ﺋﯘﻳﻐﯘﺭﻻﺭ ﺋﯩﺸﯩﻨﻪﻣﺪﯗ؟ ﺋﻪﺭﻛﯩﻦ ﺋﻪﻛﺮﻩﻣﻨﯩﯔ ﻗﺎﺭﯨﺸﯩﭽﻪ، ﺋﻪﮔﻪﺭ ﺋﯘﻳﻐﯘﺭﻻﺭ ﺑﯘﻧﺪﺍﻕ ﮔﻪﭘﻠﻪﺭﮔﻪ ﺋﯩﺸﻪﻧﺴﻪ ﻧﺎﻣﺎﻳﯩﺶ ﻗﯩﻠﻤﺎﻳﺘﺘﻰ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز