ﺑﯘ ﺩﻭﻛﻼﺗﻨﻰ 'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﺩﺍ ﺗﻮﻧﯘﺷﺘﯘﺭﻏﺎﻥ ﭼﯧﻨﺴﻰ ﺋﻪﭘﻪﻧﺪﯨﻨﯩﯔ ﺋﯧﻴﺘﯩﺸﯩﭽﻪ، ﺭﺍﻧﺪ ﺷﯩﺮﻛﯩﺘﯩﻨﯩﯔ ﺑﯘ ﺩﻭﻛﻼﺗﯩﺪﺍ ﺧﯩﺘﺎﻱ ﻫﻪﻗﻘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﻪﻗﯩﻠﮕﻪ ﻣﯘﯞﺍﭘﯩﻖ ﺑﺎﻫﺎ ﯞﻩ ﻛﻪﺳﻜﯩﻦ ﺗﻪﻧﻘﯩﺪﻟﻪﺭ ﻛﯩﺸﯩﻠﻪﺭﻧﻰ ﭼﯘﯕﻘﯘﺭ ﺋﻮﻳﻐﺎ ﺳﺎﻟﯩﺪﯗ. ﺑﯘ ﺩﻭﻛﻼﺗﻨﯩﯔ ﻗﯩﺴﻘﯩﭽﻪ ﻣﻪﺯﻣﯘﻧﻠﯩﺮﻯ ﺗﯚﯞﻩﻧﺪﯨﻜﯩﭽﻪ.

ﺩﯗﻧﻴﺎﻏﺎ ﺑﯩﺮ 'ﺳﺎﻏﻼﻡ ﺧﯩﺘﺎﻱ' ﻛﯧﺮﻩﻙ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﺋﻪﮔﻪﺭ 20 ‏ - ﺋﻪﺳﯩﺮﺩﻩ ﺧﯩﺘﺎﻱ ﺑﯩﺮ ﺑﺎﻱ ﻫﻪﻡ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺩﯙﻟﻪﺕ ﺑﻮﻟﯘﭖ ﺗﯘﺭﻏﺎﻥ ﺑﻮﻟﺴﺎ، ﺑﯩﺮﯨﻨﭽﻰ ﺩﯗﻧﻴﺎ ﺋﯘﺭﯗﺷﻰ ﺗﺎﻣﺎﻣﻪﻥ ﺋﯚﺯﮔﯩﭽﻪ ﺑﻮﻟﻐﺎﻥ ﺑﻮﻻﺗﺘﻰ.

ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﯩﻤﯘ، ﺋﯩﻜﻜﯩﻨﭽﻰ ﻗﯧﺘﯩﻤﻠﯩﻖ ﻳﺎﯞﺭﻭﭘﺎ ﺋﯘﺭﯗﺷﯩﻤﯘ ﻳﯜﺯ ﺑﻪﺭﻣﯩﮕﻪﻥ ﺑﻮﻻﺗﺘﻰ. ﺧﯩﺘﺎﻳﻤﯘ ﻳﺎﭘﻮﻧﯩﻴﯩﻨﯩﯔ ﺗﺎﺟﺎﯞﯗﺯﯨﻨﻰ ﺋﯚﺯﻯ ﺗﻮﺳﺎﻟﯩﻐﺎﻥ ﺑﻮﻻﺗﺘﻰ. 'ﻳﺎﭘﻮﻧﯩﻴﻪ ﭘﻪﻳﺪﺍ ﻗﯩﻠﻐﺎﻥ ﭘﯩﺮﻭﻟﺨﺎﺭﺑﻮﺭ' ﯞﻩﻗﻪﺳﯩﻤﯘ ﻳﯜﺯ ﺑﻪﺭﻣﯩﮕﻪﻥ ﺑﻮﻻﺗﺘﻰ ﯞﻩ ﺋﺎﻣﯧﺮﯨﻜﯩﻤﯘ ﺑﯘﻧﺪﺍﻕ ﺗﻮﻗﯘﻧﯘﺷﻼﺭﺩﺍ ﺋﯘﻧﭽﯩﯟﺍﻻ ﻛﯚﭖ ﭼﯩﻘﯩﻢ ﺗﺎﺭﺗﻤﯩﻐﺎﻥ ﺑﻮﻻﺗﺘﻰ، ﺑﯘﻧﯩﯖﻐﺎ ﺋﯘﻻﭖ ﻳﻪﻧﻪ ﻣﯩﻠﻴﺎﺭﺩ ﻧﻮﭘﯘﺳﻠﯘﻕ ﺧﯩﺘﺎﻱ ﺋﺎﺟﯩﺰ ﺑﻮﻟﻐﺎﻧﻠﯩﻘﻰ ﺋﯜﭼﯜﻧﻼ ﭘﯜﺗﯜﻥ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﯧﻐﯩﺮ ﺑﻪﺩﻩﻝ ﺗﯚﻟﯩﻤﯩﮕﻪﻥ ﺑﻮﻻﺗﺘﻰ. ﺷﯘﻧﯩﯔ ﺋﯜﭼﯜﻥ ﺩﯗﻧﻴﺎﻏﺎ ﺑﯩﺮ 'ﺳﺎﻏﻼﻡ ﺧﯩﺘﺎﻱ' ﻛﯧﺮﻩﻙ.

ﺋﯚﺗﻜﻪﻥ ﺋﻪﺳﯩﺮﺩﻩ ﺧﯩﺘﺎﻳﺪﺍ ﭘﻪﻳﺪﺍ ﺑﻮﻟﻐﺎﻥ ﻣﯘﻫﺘﺎﺟﻠﯩﻖ ﻳﺎﭘﻮﻧﯩﻴﯩﻨﻰ ﺯﻩﺋﯩﭙﻠﯩﻜﺘﯩﻦ ﻗﯘﺗﻘﯘﺯﻏﺎﻥ ﺋﯩﺪﻯ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﺋﯚﺗﻜﻪﻥ ﺋﻪﺳﯩﺮﺩﻩ ﻳﺎﭘﻮﻧﯩﻴﯩﻨﯩﯔ ﺋﯩﻘﺘﯩﺴﺎﺩﻯ ﺋﻪﻫﯟﺍﻟﻰ، ﺧﯘﺩﺩﻯ ﺑﯩﺮﻻ ﻗﻪﻏﻪﺯ ﺋﯧﭽﯩﻠﯩﭗ ﻛﻪﺗﺴﻪ، ﻗﺎﻟﻐﯩﻨﻰ ﭘﯜﺗﯜﻧﻠﻪﻱ ﺋﺎﺷﻜﺎﺭﺍ ﺑﻮﻟﯘﭖ ﻗﺎﻟﯩﺪﯨﻐﺎﻥ 'ﺩﻭﻣﯩﻨﻮ ﻛﺎﺭﺗﻰ' ﺩﻩﻙ ﺋﻪﻫﯟﺍﻟﻐﺎ ﭼﯜﺷﯜﭖ ﻗﯧﻠﯩﭗ، ﺩﯗﻧﻴﺎﻏﺎ ﺧﯩﻴﯩﻢ - ﺧﻪﺗﻪﺭ ﭘﻪﻳﺪﺍ ﻗﯩﻠﻐﺎﻧﺪﺍ، ﺧﯩﺘﺎﻳﺪﺍ ﭘﻪﻳﺪﺍ ﺑﻮﻟﻐﺎﻥ ﻣﯘﻫﺘﺎﺟﻠﯩﻖ ﻳﺎﭘﻮﻧﯩﻴﯩﻨﯩﯔ ﺯﻩﺋﯩﭙﻠﯩﻜﺘﯩﻦ ﻗﯘﺗﯘﻟﯘﭖ ﺑﺎﺵ ﻛﯚﺗﯜﺭﯛﺷﯩﻨﻰ ﺋﯩﻠﮕﯩﺮﻯ ﺳﯜﺭﺩﻯ. ﺋﯘ ﺧﯩﺘﺎﻳﻨﯩﯔ 'ﻳﺎﺭﺩﯨﻤﻰ' ﺑﯩﻠﻪﻥ ﺋﯚﺯﯨﮕﻪ ﻛﻪﻟﮕﻪﻥ ﺧﻪﺗﻪﺭﺩﯨﻦ ﻗﯘﺗﯘﻟﯘﭖ ﻗﺎﻟﺪﻯ.

ﺷﯘ ﯞﺍﻗﯩﺘﺘﯩﻜﻰ ﺋﻪﻫﯟﺍﻝ، ﺧﯘﺩﺩﻯ ﻫﺎﺯﯨﺮ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ﺧﯩﺘﺎﻳﻨﻰ ﻳﻪﺭﺷﺎﺭﯨﻼﺷﺘﯘﺭﯗﺷﺘﺎ، ﺧﯩﺘﺎﻱ ﺗﻪﺑﯩﺌﻲ ﻫﺎﻟﺪﺍ ﺋﺎﻣﯧﺮﯨﻜﯩﻨﯩﯔ ﻣﺎﻝ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺋﻪﯓ ﭼﻮﯓ ﺑﺎﺯﯨﺮﯨﻐﺎ ﺋﺎﻳﻠﯩﻨﯩﭗ، ﺋﯘ ﻧﯩﯔ ﻣﻪﻧﭙﻪﺋﻪﺗﻰ ﺋﺎﻣﯧﺮﯨﻜﯩﻐﺎ ﺗﻪﻛﻜﻪﻧﺪﻩﻙ ﺑﻮﻟﻐﺎﻥ ﺋﯩﺪﻯ.

ﺧﯩﺘﺎﻳﻨﯩﯔ ﺋﺎﻣﯧﺮﯨﻜﯩﻐﺎ ﻗﻮﺷﻘﺎﻥ ﺗﯚﻫﭙﯩﺴﻰ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﻛﻮﻛﺎﻛﻮﻻ ﺷﯩﺮﻛﯩﺘﯩﻨﯩﯔ 'ﺩﯗﻧﻴﺎﺩﺍ ﺑﯩﺮ ﻣﯩﻠﻴﺎﺭﺩ ﺑﻮﺗﯘﻟﻜﺎ ﻛﻮﻛﺎﻛﻮﻻ ﺳﺎﺗﺎﻻﻳﺪﯨﻐﺎﻥ ﺑﻮﻟﯘﺵ ' ﺩﯦﮕﻪﻥ ﺷﯩﺮﯨﻦ ﭼﯜﺷﻰ ﺧﯩﺘﺎﻱ ﺑﺎﺯﯨﺮﻯ ﺋﯧﭽﯩﻠﻐﺎﻧﺪﯨﻦ ﻛﯧﻴﯩﻦ ﺋﻪﻣﻪﻟﮕﻪ ﺋﺎﺷﺘﻰ. GM ﺷﯩﺮﻛﯩﺘﻰ ﻗﺎﺯﺍﻧﻐﺎﻥ ﭘﺎﻳﺪﯨﻨﯩﯔ ﻛﯚﭖ ﻗﯩﺴﻤﻰ، ﺋﯘﻧﯩﯔ ﺑﺎﺯﺍﺭﻏﺎ ﻳﺎﺭﯨﻤﯩﻐﺎﻥ ﺋﺎﭘﺘﻮﻣﻮﺑﯩﻠﻠﯩﺮﯨﻨﻰ ﺧﯩﺘﺎﻳﺪﺍ ﻧﺎﻫﺎﻳﯩﺘﻰ ﻛﯚﭖ ﺳﯧﺘﯩﺶ ﺋﺎﺭﻗﯩﻠﯩﻖ ﺋﻪﻣﻪﻟﮕﻪ ﺋﺎﺷﺘﻰ.

IBM ﺷﯩﺮﻛﯩﺘﯩﻨﻰ ﺧﯩﺘﺎﻱ ﺳﯧﺘﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﺋﯘ ﺷﯩﺮﻛﻪﺗﻨﻰ ﺯﺍﯞﺍﻟﻠﯩﻘﻘﺎ ﻳﯜﺯﻟﻪﻧﺪﯛﺭﮔﻪﻥ ﺋﯩﺸﺴﯩﺰﻟﯩﻖ ﻣﻪﺳﯩﻠﯩﺴﻰ ﻫﻪﻝ ﺑﻮﻟﺪﻯ. ﺧﯩﺘﺎﻳﻨﯩﯔ ﺋﻪﺭﺯﺍﻥ ﺑﺎﻫﺎﻟﯩﻖ ﻣﺎﻟﻠﯩﺮﻯ ﺗﯘﺭﻣﯘﺵ ﺳﻪﯞﯨﻴﯩﺴﻰ ﺗﯚﯞﻩﻥ ﺋﺎﻣﯧﺮﯨﻜﯩﻠﯩﻘﻼﺭ ﺋﯜﭼﯜﻥ ﻧﺎﻫﺎﻳﯩﺘﻰ ﺯﻭﺭ ﺗﯚﻫﭙﻪ ﻗﻮﺷﺘﻰ.

ﻗﺎﺭﯨﻤﺎﻗﻘﺎ ﺧﯩﺘﺎﻳﻼﺭ ﻫﺎﺯﯨﺮ ﺩﯗﻧﻴﺎﺩﯨﻜﻰ ﻫﻪﻣﻤﻪ ﻧﻪﺭﺳﯩﻨﻰ ﺳﯧﺘﯩﯟﺍﻻﻻﻳﺪﯗ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻨﯩﯔ ﭘﯘﻝ ﻣﯘﺋﺎﻣﯩﻠﻪ ﺳﯩﺴﺘﯧﻤﯩﺴﻰ ﺯﺍﻣﺎﻧﻐﺎ ﻣﯘﯞﺍﭘﯩﻖ ﻛﻪﻟﻤﻪﻳﺪﯨﻐﺎﻥ ﺳﯩﺴﺘﯧﻤﺎ، ﺩﯗﻧﻴﺎﺩﯨﻜﻰ ﺋﻪﯓ ﻧﺎﭼﺎﺭ ﺑﺎﻧﻜﺎ - ﺧﯩﺘﺎﻱ ﺑﺎﻧﻜﯩﻠﯩﺮﯨﺪﯗﺭ. ﺷﯘﻧﯩﯔ ﺋﯜﭼﯜﻥ ﺧﯩﺘﺎﻳﺪﺍ ﻗﯘﺭﯗﻟﻐﺎﻥ ﺷﯩﺮﻛﻪﺗﻠﻪﺭ ﻫﺎﻣﺎﻥ ﺗﯧﺰ ﺳﯜﺭﺋﻪﺕ ﺑﯩﻠﻪﻥ ﺯﺍﯞﺍﻟﻠﯩﻘﻘﺎ ﻳﯜﺯﻟﯩﻨﯩﺪﯨﻐﺎﻥ ﺷﯩﺮﻛﻪﺗﻠﻪﺭ ﺑﻮﻟﯘﭖ ﭼﯩﻘﯩﯟﺍﺗﯩﺪﯗ. ﺑﯘ ﺋﻪﻫﯟﺍﻝ ﺧﯩﺘﺎﻳﺪﺍ ﺋﯧﺸﯩﻨﭽﺎ ﺋﻪﻣﮕﻪﻙ ﻛﯜﭼﻠﯩﺮﯨﻨﯩﯔ ﻧﺎﻫﺎﻳﯩﺘﻰ ﻛﯚﭖ ﭘﻪﻳﺪﺍ ﺑﻮﻟﯘﺷﯩﻐﺎ ﺳﻪﯞﻩﺑﭽﻰ ﺑﻮﻟﺪﻯ.

ﻣﺎﻟﯩﻴﻪ ﺳﯩﻴﺎﺳﯩﺘﯩﻨﯩﯔ ﻧﻮﺭﻣﺎﻟﺴﯩﺰ ﺋﯚﺯﮔﯩﺮﯨﭗ ﺗﯘﺭﯗﺷﻰ ﻧﻪﺗﯩﺠﯩﺴﯩﺪﻩ، ﺧﯩﺘﺎﻳﺪﺍ ﻧﯘﺭﻏﯘﻧﻠﯩﻐﺎﻥ ﺋﯚﺗﻜﯜﻧﭽﻰ ﺩﻩﯞﺭ ﺧﺎﺭﺍﻛﺘﯧﺮﻟﯩﻚ ﻗﯘﺭﯗﻟﯘﺷﻼﺭﻻ ﺗﺎﻣﺎﻣﻼﻧﺪﻯ. ﺑﯘﻧﯩﯔ ﺑﯩﻠﻪﻥ ﺧﯩﺘﺎﻳﺪﺍ ﺗﯚﻣﯜﺭ، ﻗﻪﻟﻪﻱ، ﺳﯧﻤﻮﻧﺖ ﻗﺎﺗﺎﺭﻟﯩﻖ ﻗﯘﺭﯗﻟﯘﺵ ﻣﺎﺗﯧﺮﯨﻴﺎﻟﻠﯩﺮﯨﻐﺎ ﺑﻮﻟﻐﺎﻥ ﺋﯧﻬﺘﯩﻴﺎﺝ ﺋﺎﺷﺘﻰ. ﻫﺎﺯﯨﺮ ﻳﺎﭘﻮﻧﻼﺭﻣﯘ، ﺧﯩﺘﺎﻳﻼﺭﻣﯘ ﺩﯗﻧﻴﺎﺩﯨﻜﻰ ﻫﻪﻣﻤﻪ ﻧﻪﺭﺳﯩﻨﻰ ﺳﯧﺘﯩﯟﺍﻻﻻﻳﺪﯨﻐﺎﻧﺪﻩﻙ ﻛﯚﺭﯨﻨﯩﺪﯗ. ﺋﻪﮔﻪﺭ ﺋﯘﻧﯩﯔ ﻣﺎﻟﯩﻴﯩﺴﯩﺪﯨﻜﻰ ﻣﻪﺳﯩﻠﯩﻠﻪﺭﻧﻰ ﺋﻮﺑﺪﺍﻥ ﻛﯚﺯﯨﺘﯩﺪﯨﻐﺎﻥ ﺑﻮﻟﺴﺎ، ﺋﯘﻧﯩﯖﺪﺍ ﻧﺎﻫﺎﻳﯩﺘﻰ ﭼﻮﯓ 'ﻗﺎﺭﺍﯕﻐﯘ ﺋﺎﺯﮔﺎﻝ' ﺑﺎﺭﻟﯩﻘﯩﻨﻰ ﭘﻪﺭﻕ ﺋﯧﺘﯩﺶ ﻣﯘﻣﻜﯩﻦ. ﻳﺎﭘﻮﻧﻼﺭ 90 ‏ - ﻳﯩﻠﻼﺭﺩﺍ ﻣﯘﺷﯘﻧﺪﺍﻕ ﻗﺎﺭﺍﯕﻐﯘ ﺋﺎﺯﮔﺎﻟﻐﺎ ﻛﯩﺮﯨﭗ ﻗﺎﻟﻐﺎﻥ ﺋﯩﺪﻯ، ﺋﯘ ﻫﺎﺯﯨﺮﻣﯘ ﺗﯧﺨﯩﭽﻪ ﺑﯘ ﻗﺎﺭﺍﯕﻐﯘ ﺋﺎﺯﮔﺎﻟﺪﯨﻦ ﺋﯚﻣﯩﻠﻪﭖ ﭼﯩﻘﯩﺶ ﺋﯜﭼﯜﻥ ﺗﯩﺮﯨﺸﯩﯟﺍﺗﯩﺪﯗ.

ﺋﻪﻣﻤﺎ ﺧﯩﺘﺎﻱ ﺗﯧﺨﻰ ﺋﯘﻧﯩﯖﺪﯨﻦ ﺋﯚﻣﯩﻠﻪﭖ ﭼﯩﻘﯩﺸﻘﺎ ﺋﯩﻨﺘﯩﻠﮕﯩﻨﻰ ﻳﻮﻕ. ﻛﻪﻟﮕﯜﺳﯩﺪﻩ ﺧﯩﺘﺎﻳﻼﺭ ﺋﯚﺯﯨﻨﯩﯔ ﻫﺎﺯﯨﺮﻗﯩﺪﻩﻙ 'ﭼﻪﻛﺴﯩﺰ ﺋﺎﭼﻜﯚﺯﻟﯜﻛﻰ' ﺋﯜﭼﯜﻥ ﻧﺎﺩﺍﻣﻪﺕ ﭼﯧﻜﯩﺪﯨﻐﺎﻥ ﻛﯜﻧﮕﻪ ﻗﺎﻟﯩﺪﯨﻐﺎﻧﻠﯩﻘﻰ ﺋﯧﻨﯩﻖ.

2020 ‏ - ﻳﯩﻠﯩﻐﺎ ﻳﻪﺗﻜﻪﻧﺪﻩ ﺧﯩﺘﺎﻱ ﺋﯩﻨﺘﺎﻳﯩﻦ ﻧﺎﻣﺮﺍﺕ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯗ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﺪﺍ، ﻫﻪﺭ ﻳﯩﻠﻰ ﺳﺎﻧﻰ ﺋﺎﻣﯧﺮﯨﻜﺎ ﻧﻮﭘﯘﺳﯩﻐﺎ ﺑﺎﺭﺍﯞﻩﺭ ﺋﺎﺩﻩﻡ ﻳﯧﺰﯨﻼﺭﺩﯨﻦ ﺷﻪﻫﻪﺭﻟﻪﺭﮔﻪ ﻳﺎﻣﺮﺍﭖ ﻛﯧﻠﯩﺪﯗ. ﺋﯘﻻﺭﺩﯨﻦ 12 ‏ - 13 ﻣﯩﻠﻴﻮﻥ ﺋﺎﺩﻩﻡ ﺋﯩﺶ ﺋﯩﺰﺩﻩﻳﺪﯨﻐﺎﻥ ﻗﻮﺷﯘﻧﻐﺎ ﻗﺎﺗﻨﯩﺸﯩﺪﯗ. ﺑﯘﻧﯩﯔ ﺋﯩﺸﻠﻪﭘﭽﯩﻘﯩﺮﯨﺶ ﺳﺎﻫﻪﺳﯩﺪﻩ ﭘﻪﻳﺪﺍ ﻗﯩﻠﯩﺪﯨﻐﺎﻥ ﺗﻪﺳﯩﺮﯨﻨﯩﯔ ﻳﺎﻣﺎﻧﻠﯩﻘﻰ ﺋﺎﻣﯧﺮﯨﻜﯩﺪﯨﻦ ﻛﯚﭖ ﺋﺎﺭﺗﯘﻕ.

ﻫﺎﺯﯨﺮﻗﻰ ﺳﺘﺎﺗﯩﺴﺘﯩﻜﯩﻐﺎ ﻗﺎﺭﯨﻐﺎﻧﺪﺍ، 2020 ‏ - ﻳﯩﻠﯩﻐﺎ ﻳﻪﺗﻜﻪﻧﺪﻩ، ﺧﯩﺘﺎﻳﺪﺍ ﺋﯩﺸﻠﻪﻳﺪﯨﻐﺎﻧﻼﺭ ﺑﯩﻠﻪﻥ ﺋﯩﺸﻠﯩﻤﻪﻳﺪﯨﻐﺎﻧﻼﺭﻧﯩﯔ ﻧﯩﺴﺒﯩﺘﻰ ﺑﯘﺯﯗﻟﯘﭖ ﺩﯗﻧﻴﺎ ﺑﯘﻳﯩﭽﻪ ﺋﻪﯓ ﻳﺎﻣﺎﻥ ﺋﻪﻫﯟﺍﻝ ﭘﻪﻳﺪﺍ ﺑﻮﻟﯩﺪﯗ. ﺑﯘ ﺋﻪﻫﯟﺍﻝ ﻳﺎﭘﻮﻧﯩﻴﯩﺪﯨﻜﯩﺪﯨﻨﻤﯘ ﺋﯧﻐﯩﺮ ﺑﻮﻟﯩﺪﯗ. ﺑﯘﻧﻰ ﺧﯩﺘﺎﻳﺪﺍ ﻧﻮﭘﯘﺳﻨﯩﯔ ﻗﯧﺮﯨﭗ ﻛﯧﺘﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

ﺋﻪﮔﻪﺭ ﻫﺎﺯﯨﺮ ﺑﯘﻧﯩﯖﻐﺎ ﻗﺎﺭﯨﺘﺎ ﺋﯜﻧﯜﻣﻠﯜﻙ ﺗﻪﺩﺑﯩﺮ ﺑﻮﻟﻤﯩﺴﺎ، ﺋﯘ ﯞﺍﻗﯩﺘﺘﺎ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩﻯ ﺳﻪﺩﺩﯨﭽﯩﻨﮕﻪ ﺳﻮﻗﯩﻠﯩﺪﯗ. ﺋﺎﻣﯧﺮﯨﻜﯩﻨﯩﯔ ﺋﯚﻟﭽﯩﻤﻰ ﺑﯘﻳﯩﭽﻪ ﻗﺎﺭﯨﻐﺎﻧﺪﺍ، 2020 ‏ - ﻳﯩﻠﯩﻐﺎ ﻳﻪﺗﻜﻪﻧﺪﻩ ﺧﯩﺘﺎﻱ ﺋﯩﻨﺘﺎﻳﯩﻦ ﻧﺎﻣﺮﺍﺕ ﺩﯙﻟﻪﺗﻜﻪ ﺋﺎﻳﻠﯩﻨﯩﺪﯗ.

ﺧﯩﺘﺎﻱ ﺟﻪﻣﺌﯩﻴﯩﺘﻰ ﺳﺎﻏﻼﻡ ﺗﻪﺭﻩﻗﻘﻰ ﻗﯩﻼﻟﻤﺎﻳﯟﺍﺗﻘﺎﻧﻠﯩﻘﯩﻨﯩﯔ ﺗﯜﭖ ﺳﻪﯞﻩﺑﻰ ﻧﯧﻤﻪ؟

ﺭﺍﻧﺪ ﺷﯩﺮﻛﯩﺘﯩﻨﯩﯔ ﻗﺎﺭﯨﺸﯩﭽﻪ، ﺧﯩﺘﺎﻳﻼﺭﺩﺍ ﺳﻪﻣﯩﻤﯩﻴﻠﯩﻚ ﯞﻩ ﺟﻪﻣﺌﯩﻴﻪﺗﻜﻪ ﺑﻮﻟﻐﺎﻥ ﻣﻪﺳﺌﯘﻟﯩﻴﻪﺗﭽﺎﻧﻠﯩﻖ ﻳﻮﻕ. ﺋﯘﻻﺭ ﺟﻪﻣﺌﯩﻴﻪﺗﻨﯩﯔ ﺑﯩﺮ ﺋﻪﺯﺍﺳﻰ ﺳﯜﭘﯩﺘﯩﺪﻩ ﺋﯚﺯﯨﻨﯩﯔ ﺩﯙﻟﻪﺗﻜﻪ ﯞﻩ ﺟﻪﻣﺌﯩﻴﻪﺗﻜﻪ ﺋﯚﺗﻪﺷﻜﻪ ﺗﯩﮕﯩﺸﻠﯩﻚ ﻣﻪﺳﺌﯘﻟﯩﻴﯩﺘﯩﻨﻰ ﻳﺎﻛﻰ ﺑﯘﺭﭼﯩﻨﻰ ﭼﯜﺷﻪﻧﻤﻪﻳﺪﯗ. ﺧﯩﺘﺎﻳﻨﯩﯔ ﻣﻪﺩﻩﻧﯩﻴﯩﺘﻰ ﺋﯘﺭﯗﻗﺪﺍﺷﻠﯩﻖ ﻣﯘﻧﺎﺳﯩﯟﯨﺘﻰ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﻣﻪﺩﻩﻧﯩﻴﻪﺕ ﺑﻮﻟﻐﺎﭼﻘﺎ، ﺧﯩﺘﺎﻳﻼﺭ ﺋﺎﺩﻩﺗﺘﻪ ﭘﻪﻗﻪﺕ ﺋﯚﺯﻟﯩﺮﯨﻨﯩﯔ ﺋﺎﺋﯩﻠﯩﺴﻰ ﯞﻩ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻐﯩﻼ ﻛﯚﻳﯜﻧﯩﺪﯗ.

ﺧﯩﺘﺎﻳﻼﺭ ﺋﯜﭼﯜﻥ ﺋﯚﺯﻟﯩﺮﯨﻨﯩﯔ ﺑﯩﯟﺍﺳﺘﻪ ﺗﯘﻏﻘﺎﻧﻠﯩﺮﻯ ﻣﻪﻧﭙﻪﺋﻪﺕ ﺋﺎﻟﺴﯩﻼ ﺑﻮﻟﺪﻯ. ﺑﺎﺷﻘﯩﻼﺭﻧﯩﯔ ﺋﺎﺯﺍﭖ - ﺋﻮﻗﯘﺑﻪﺗﻜﻪ ﻗﯧﻠﯩﺸﻰ ﺑﯩﻠﻪﻥ ﺧﯩﺘﺎﻳﻼﺭﻧﯩﯔ ﻛﺎﺭﻯ ﻳﻮﻕ. ﺑﯘﻧﺪﺍﻕ ﺋﯘﺭﯗﻗﺪﺍﺷﻠﯩﻖ ﻣﯘﻧﺎﺳﯩﯟﯨﺘﻰ ﺋﯜﺳﺘﯩﮕﻪ ﻗﯘﺭﯗﻟﻐﺎﻥ ﻳﻪﻧﻰ ﺋﯚﺯﻟﯩﺮﯨﻨﯩﯔ ﺋﯘﺭﯗﻕ - ﺗﯘﻏﻘﺎﻧﻠﯩﺮﯨﻐﯩﻼ ﻛﯚﻳﯜﻧﯩﺪﯨﻐﺎﻥ ﺋﻪﺧﻼﻗﺘﯩﻦ ﭘﻪﻗﻪﺕ ﺷﻪﺧﺴﯩﻴﻪﺗﭽﯩﻠﯩﻚ ﯞﻩ ﺷﻪﭘﻘﻪﺗﺴﯩﺰﻟﯩﻜﻼ ﻛﯧﻠﯩﭗ ﭼﯩﻘﯩﺪﯗ، ﻣﺎﻧﺎ ﺑﯘ ﺧﯩﺘﺎﻱ ﺟﻪﻣﺌﯩﻴﯩﺘﯩﻨﯩﯔ ﺳﺎﻏﻼﻡ ﺗﻪﺭﻩﻗﻘﻰ ﻗﯩﻼﻟﻤﺎﻳﯟﺍﺗﻘﺎﻧﻠﯩﻘﯩﻨﯩﯔ ﺗﯜﭖ ﺳﻪﯞﻩﺑﻰ.