ﺑﯘ ﺩﻭﻛﻼﺕ 'ﻛﯚﺯﯨﺘﯩﺶ ﮊﯗﺭﻧﯩﻠﻰ'ﺩﺍ ﻗﯩﺴﻘﺎﺭﺗﯩﭗ ﺋﯧﻼﻥ ﻗﯩﻠﯩﻨﻐﺎﻧﺪﺍ ﺋﻪﺳﻜﻪﺭﺗﯩﻠﯩﺸﯩﭽﻪ، ﺭﺍﻧﺪ ﺷﯩﺮﻛﯩﺘﯩﻨﯩﯔ ﺑﯘ ﺩﻭﻛﻼﺗﯩﺪﺍ ﺧﯩﺘﺎﻱ ﻫﻪﻗﻘﯩﺪﻩ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺋﻪﻗﯩﻠﮕﻪ ﻣﯘﯞﺍﭘﯩﻖ ﺑﺎﻫﺎ ﯞﻩ ﻛﻪﺳﻜﯩﻦ ﺗﻪﻧﻘﯩﺪﻟﻪﺭ ﻛﯩﺸﯩﻠﻪﺭﻧﻰ ﭼﯘﯕﻘﯘﺭ ﺋﻮﻳﻐﺎ ﺳﺎﻟﯩﺪﯗ. ﺗﯚﯞﻩﻧﺪﯨﻜﻰ ﺑﺎﻳﺎﻧﻼﺭ ﺑﯘ ﺩﻭﻛﻼﺗﻨﯩﯔ ﻗﯩﺴﻘﯩﭽﻪ ﻣﻪﺯﻣﯘﻧﻠﯩﺮﻯ.

ﺧﯩﺘﺎﻱ ﻫﺎﺯﯨﺮ ﻛﺎﭘﯩﺘﺎﻟﯩﺴﺘﯩﻚ ﺟﻪﻣﺌﯩﻴﻪﺗﺘﯩﻜﻰ ﺋﯩﻜﻜﻰ ﭼﻮﯓ ﻗﻪﺑﯩﻬ ﺋﯩﻠﻠﻪﺗﻨﯩﯔ ﭘﺎﺗﻘﯩﻘﯩﻐﺎ ﭘﯧﺘﯩﭗ ﻗﺎﻟﺪﻯ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻫﺎﺯﯨﺮ ﻣﯘﻫﯩﺖ ﯞﻩ ﺋﯩﻨﺴﺎﻧﭙﻪﺭﯞﻩﺭﻟﯩﻚ ﺑﯘﺯﯗﻟﯘﺷﯩﺘﯩﻦ ﺋﯩﺒﺎﺭﻩﺕ ﻛﺎﭘﯩﺘﺎﻟﯩﺴﺘﯩﻚ ﺟﻪﻣﺌﯩﻴﻪﺗﺘﯩﻜﻰ ﺋﯩﻜﻜﻰ ﭼﻮﯓ ﻗﻪﺑﯩﻬ ﺋﯩﻠﻠﻪﺗﻨﯩﯔ ﭘﺎﺗﻘﯩﻘﯩﻐﺎ ﭘﯧﺘﯩﭗ ﻗﺎﻟﺪﻯ. ﺧﯩﺘﺎﻳﻼﺭﻧﯩﯔ ﺗﻪﺑﯩﺌﯩﺘﯩﺪﯨﻜﻰ ﺋﺎﭼﻜﯚﺯﻟﯜﻙ، ﺋﯘﻻﺭﻧﯩﯔ ﻛﺎﭘﯩﺘﺎﻟﯩﺰﯨﻤﻨﯩﯔ ﻗﺎﺭﺍﯕﻐﯘ ﺗﻪﺭﻩﭘﻠﯩﺮﯨﻨﯩﻼ ﻗﻮﺑﯘﻝ ﻗﯩﻠﯩﺸﻐﺎ ﺳﻪﯞﻩﺏ ﺑﻮﻟﺪﻯ.

ﺧﯩﺘﺎﻳﻼﺭ ﺑﯘ ﺟﻪﺭﻳﺎﻧﺪﺍ، ﻏﻪﺭﺑﻨﯩﯔ ﺗﯧﺨﻨﯩﻜﯩﺴﻰ ﯞﻩ ﻣﻪﻫﺴﯘﻻﺗﻠﯩﺮﯨﻐﯩﻼ ﻗﯩﺰﯨﻘﯩﭗ، ﺋﯘﻧﯩﯔ ﺋﯩﮕﯩﻠﯩﻚ ﺑﺎﺷﻘﯘﺭﯗﺵ ﺟﻪﻫﻪﺗﺘﯩﻜﻰ ﺳﻪﻣﯩﻤﯩﻴﻠﯩﻚ، ﺋﻮﭼﯘﻕ - ﻳﻮﺭﯗﻗﻠﯘﻕ ﭘﻪﺯﯨﻠﯩﺘﯩﮕﻪ ﺳﻪﻝ ﻗﺎﺭﺍﭖ، ﭘﻪﻗﻪﺕ ﭘﺎﻳﺪﺍ - ﻣﻪﻧﭙﻪﺋﻪﺕ ﻗﻮﻏﻠﯩﺸﯩﺸﻘﯩﻼ ﻛﯩﺮﯨﺸﯩﭗ ﻛﯧﺘﯩﭗ، ﺋﯚﺯﻟﯩﺮﯨﻨﯩﯔ ﻛﯩﺸﯩﻠﯩﻚ ﻫﯚﺭﻣﯩﺘﯩﻨﻰ ﻳﻮﻗﺎﺗﺘﻰ.

ﺧﯩﺘﺎﻳﻼﺭ ﺋﯚﺯ ﺋﺎﺭﺯﯗ - ﺋﺎﺭﻣﺎﻧﻠﯩﺮﻯ ﺋﯜﭼﯜﻥ ﺗﻪﯞﻩﻛﻜﯜﻝ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻠﻤﺎﻳﺪﯗ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻣﻪﺩﻩﻧﯩﻴﯩﺘﻰ ﺟﯜﺭﺋﻪﺗﻠﯩﻚ ﺑﻮﻟﯘﺷﺘﯩﻦ ﺋﯩﺒﺎﺭﻩﺕ ﺋﯧﺴﯩﻞ ﺭﻭﻫﻨﻰ ﺭﯨﻐﺒﻪﺗﻠﻪﻧﺪﯛﺭﻣﻪﻳﺪﯗ. ﺷﯘﯕﻼﺷﻘﺎ، ﺧﯩﺘﺎﻳﻼﺭ ﺋﯚﺯ ﺋﺎﺭﺯﯗ - ﺋﺎﺭﻣﺎﻧﻠﯩﺮﻯ ﺋﯜﭼﯜﻥ ﺗﻪﯞﻩﻛﻜﯜﻝ ﻗﯩﻠﯩﺶ ﯞﻩ ﺗﯘﺭﻣﯘﺷﯩﻨﻰ ﻳﺎﺧﺸﯩﻼﺵ ﺋﯜﭼﯜﻥ ﭘﯘﺭﺳﻪﺕ ﺋﯩﺰﻟﻪﺷﻜﻪ ﺟﯜﺭﺋﻪﺕ ﻗﯩﻠﻤﺎﻳﺪﯗ. ﺧﯩﺘﺎﻳﻼﺭ ﻫﺎﻳﺎﺗﯩﻨﻰ ﺗﻪﯕﭙﯘﯕﻠﯘﻕ ﯞﻩ ﺋﻪﻫﻤﯩﻴﻪﺗﻠﯩﻚ ﺋﯚﺗﻜﯜﺯﯛﺷﻜﻪ ﺋﻪﻣﻪﺱ، ﭘﻪﻗﻪﺕ ﻣﺎﺩﺩﯨﻲ ﻣﻪﻧﭙﻪﺋﻪﺕ ﻗﺎﺯﯨﻨﯩﺸﻘﯩﻼ ﻛﯩﺮﯨﺸﯩﭗ ﻛﻪﺗﺘﻰ.

ﺧﯩﺘﺎﻳﻼﺭﻧﯩﯔ ﻛﯚﭘﯩﻨﭽﯩﺴﻰ 'ﻣﻪﻧﯩﯟﯨﻲ ﺋﯩﻠﻬﺎﻡ'، 'ﺋﻪﺭﻛﯩﻦ ﺋﯧﺘﯩﻘﺎﺩ'، 'ﺋﻪﻗﯩﻠﯩﻲ ﺳﺎﻏﻼﻣﻠﯩﻖ' ﺩﯦﮕﻪﻥ ﺋﯘﻗﯘﻣﻼﺭﻧﻰ ﭼﯜﺷﻪﻧﻤﻪﻳﺪﯗ. ﺋﯘﻻﺭ ﺗﻪﻥ ﺑﯩﻠﻪﻥ ﺭﻭﻫ ﺑﯩﺮﻟﻪﺷﻜﻪﻥ ﻫﺎﻳﺎﺗﻠﯩﻘﻨﯩﯔ ﻳﯘﻗﯩﺮﻯ ﭘﻪﻟﻠﯩﺴﻰ ﻫﻪﻗﻘﯩﺪﻩ ﺗﻪﭘﻪﻛﻜﯘﺭ ﻗﯩﻠﻤﺎﻳﺪﯗ. ﺋﯘﻻﺭﻧﯩﯔ ﺋﺎﺭﺯﯗ - ﻫﻪﯞﻩﺳﻠﯩﺮﻯ ﺗﯧﺨﯩﭽﻪ ﻫﺎﻳﯟﺍﻧﻼﺭﺩﺍ ﺑﻮﻟﯩﺪﯨﻐﺎﻥ ﺟﯩﻨﺴﯩﻲ ﯞﻩ ﻳﯧﻤﻪﻛﻠﯩﻚ ﺟﻪﻫﻪﺗﺘﯩﻜﻰ ﺋﺎﭼﻜﯚﺯﻟﯜﻙ ﺑﺎﺳﻘﯘﭼﯩﺪﺍ ﺗﯘﺭﻣﺎﻗﺘﺎ.

ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﯩﻴﺎﺳﯩﺘﻰ، ﺋﯘﻧﻰ ﺋﻪﺭﺯﺍﻥ ﺋﻪﻣﮕﻪﻙ ﻛﯜﭼﻠﯩﺮﻯ ﯞﻩ ﺋﻪﺭﺯﺍﻥ ﻣﻪﻫﺴﯘﻻﺕ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻜﻪ ﺋﺎﻳﻼﻧﺪﯗﺭﯗﭖ ﻗﻮﻳﺪﻯ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻱ ﻣﺎﺩﺩﻯ ﺋﻪﺷﻴﺎﻏﺎ ﺑﺎﻱ ﺩﯙﻟﻪﺕ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﻣﺎﺋﺎﺭﯨﭗ ﺳﯩﻴﺎﺳﯩﺘﻰ، ﺋﯘﻧﻰ ﭘﻪﻗﻪﺕ ﺋﻪﺭﺯﺍﻥ ﺋﻪﻣﮕﻪﻙ ﻛﯜﭼﻠﯩﺮﯨﻨﻰ ﯞﻩ ﺋﻪﺭﺯﺍﻥ ﻣﻪﻫﺴﯘﻻﺗﻼﺭﻧﻰ ﭼﻪﻛﺴﯩﺰ ﺋﯧﻜﺴﭙﻮﺭﺕ ﻗﯩﻠﯩﺪﯨﻐﺎﻥ ﺩﯙﻟﻪﺗﻜﻪ ﺋﺎﻳﻼﻧﺪﯗﺭﯗﭖ ﻗﻮﻳﺪﻯ.

ﺧﯩﺘﺎﻱ ﺋﯧﻜﺴﭙﻮﺭﺕ ﻗﯩﻠﯩﯟﺍﺗﻘﺎﻥ ﺋﻪﺭﺯﺍﻥ ﺋﻪﻣﮕﻪﻙ ﻛﯜﭼﻠﯩﺮﻯ ﺋﯩﭽﯩﺪﻩ ﻫﻪﺗﺘﺎ ﻳﯘﻗﯩﺮﻯ ﻣﺎﺋﺎﺭﯨﭗ ﺗﻪﺭﺑﯩﻴﯩﺴﻰ ﻛﯚﺭﮔﻪﻥ ﺋﻪﻣﮕﻪﻙ ﻛﯜﭼﻠﯩﺮﯨﻤﯘ ﺑﺎﺭ. ﻣﺎﺋﺎﺭﯨﭗ ﺳﻪﯞﯨﻴﯩﺴﻰ ﻳﯘﻗﯩﺮﻯ ﺋﻪﻣﮕﻪﻛﭽﯩﻠﻪﺭ ﺑﯩﻠﻪﻥ ﺋﺎﺩﻩﺗﺘﻪ ﺟﯩﺴﻤﺎﻧﯩﻲ ﻛﯜﭼﯩﺪﯨﻦ ﺑﺎﺷﻘﺎ ﺋﯩﺸﻠﻪﺵ ﻗﺎﺑﯩﻠﯩﻴﯩﺘﯩﮕﻪ ﺋﯩﮕﻪ ﺑﻮﻟﻤﯩﻐﺎﻥ ﺋﻪﻣﮕﻪﻙ ﻛﯜﭼﻠﯩﺮﻯ ﺧﯩﺘﺎﻳﺪﺍ ﺋﺎﻧﭽﻪ ﭘﻪﺭﻗﻠﻪﻧﺪﯛﺭﯛﻟﻤﻪﻳﺪﯗ.

ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ ﺋﺎﻟﻠﯩﻘﺎﭼﺎﻥ ﻣﻪﻏﻠﯘﭖ ﺑﻮﻟﻐﺎﻥ ﺳﯩﺴﺘﯧﻤﺎ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﻨﯩﯔ ﻣﺎﺋﺎﺭﯨﭗ ﺳﯩﺴﺘﯧﻤﯩﺴﻰ ﺋﺎﻟﻠﯩﻘﺎﭼﺎﻥ ﻣﻪﻏﻠﯘﭖ ﺑﻮﻟﻐﺎﻥ ﻳﺎﻛﻰ ﻛﯩﺸﯩﻨﯩﯔ ﻧﻮﻣﯘﺳﯩﻨﻰ ﻛﻪﻟﺘﯜﺭﯨﺪﯨﻐﺎﻥ ﺳﯩﺴﺘﯧﻤﺎ. ﺋﯘ ﻫﯧﭽﻘﺎﭼﺎﻥ ﻣﺎﺋﺎﺭﯨﭙﻨﯩﯔ ﺋﻪﺳﻠﯩﺪﯨﻜﻰ ﻣﯘﻻﺯﯨﻤﻪﺕ ﻧﯩﺸﺎﻧﻰ ﺑﻮﻟﻐﺎﻥ ﺟﻪﻣﺌﯩﻴﻪﺕ ﺋﯜﭼﯜﻥ ﺧﯩﺰﻣﻪﺕ ﻗﯩﻠﻤﺎﻳﺪﯗ. ﺟﻪﻣﺌﯩﻴﻪﺗﻨﻰ ﻛﯧﺮﻩﻛﻠﯩﻚ ﻧﻪﺭﺳﻪ ﺑﯩﻠﻪﻥ ﺗﻪﻣﯩﻨﻠﯩﻤﻪﻳﺪﯗ. ﺋﯘ ﺟﻪﻣﺌﯩﻴﻪﺗﻜﻪ ﻣﻪﻧﭙﻪﺋﻪﺕ ﻳﻪﺗﻜﯜﺯﯛﺷﻨﻰ ﺧﺎﻟﯩﻤﺎﻳﺪﯨﻐﺎﻥ، ﺑﻪﻟﻜﻰ ﭘﻪﻗﻪﺕ ﺟﻪﻣﺌﯩﻴﻪﺗﺘﯩﻜﻰ ﻣﻪﻧﭙﻪﺋﻪﺗﻠﻪﺭﺩﯨﻨﻼ ﺑﻪﻫﺮﯨﻤﺎﻥ ﺑﻮﻟﯘﺷﻨﻰ ﻛﯚﺯﻟﻪﻳﺪﯨﻐﺎﻥ ﭘﯘﺭﺳﻪﺗﭙﻪﺭﻩﺳﻠﻪﺭﻧﻰ ﺗﯜﺭﻛﯜﻡ - ﺗﯜﺭﻛﯜﻣﻠﻪﭖ ﻳﯧﺘﯩﺸﺘﯜﺭﯛﭖ ﺟﻪﻣﺌﯩﻴﻪﺗﻜﻪ ﺋﻪﯞﻩﺗﯩﺪﯗ.

ﺧﯩﺘﺎﻳﻼﺭﻧﯩﯔ ﻧﻪﺯﯨﺮﯨﺪﻩ ﻣﺎﺋﺎﺭﯨﭗ ﺗﻪﺭﺑﯩﻴﯩﺴﻰ ﻛﯚﺭﯛﺵ ﻫﻪﻗﯩﻘﻪﺕ ﺋﯩﺰﺩﯨﻨﯩﺶ ﻳﺎﻛﻰ ﻳﺎﺷﺎﺵ ﺳﯜﭘﯩﺘﯩﻨﻰ ﻳﯘﻗﯩﺮﻯ ﻛﯚﺗﯜﺭﯛﺷﻨﯩﯔ ﺩﺍﻏﺪﺍﻡ ﻳﻮﻟﻰ ﺋﻪﻣﻪﺱ، ﺑﻪﻟﻜﻰ ﭘﻪﻗﻪﺕ ﺋﯚﺯﯨﻨﯩﯔ ﻛﯩﻤﻠﯩﻜﻰ ﯞﻩ ﻣﻪﺭﺗﯩﯟﯨﺴﯩﻨﯩﯔ ﺑﻪﻟﮕﯩﺴﻰ ﺑﻮﻟﯘﭖ ﻗﺎﻟﺪﻯ. ﺧﯩﺘﺎﻳﺪﺍ ﺯﯨﻴﺎﻟﯩﻴﻼﺭ ﺑﺎﺷﻘﺎ ﻛﯩﺸﯩﻠﻪﺭﻧﯩﯔ ﺑﻪﺧﺖ - ﺳﺎﺋﺎﺩﯨﺘﻰ ﺋﯜﭼﯜﻥ ﺑﯩﺮﻩﺭ ﺋﯩﺶ ﻗﯩﻠﯩﺸﻨﻰ ﺋﻪﻣﻪﺱ، ﺑﻪﻟﻜﻰ ﺑﺎﺷﻘﯩﻼﺭ ﺗﻪﺭﯨﭙﯩﺪﯨﻦ ﻫﯜﺭﻣﻪﺗﻠﯩﻨﯩﺸﻨﻰ ﺋﯩﺰﻟﻪﻳﺪﯗ. ﺋﻪﻣﻪﻟﯩﻴﻪﺗﺘﻪ ﺋﯘﻻﺭﻧﯩﯔ ﻛﯚﭘﯩﻨﭽﯩﺴﻰ ﻫﻪﻗﯩﻘﻪﺕ ﺑﯩﻠﻪﻥ ﺋﻪﺧﻼﻗﻘﺎ ﺋﯩﻨﺘﯩﻠﻤﻪﻳﺪﯨﻐﺎﻥ، ﭘﻪﻗﻪﺕ ﺋﯧﻤﺘﯩﻬﺎﻥ ﺑﯧﺮﯨﺸﻨﯩﯔ ﺋﯧﭙﯩﻨﻰ ﺑﯩﻠﯩﯟﺍﻟﻐﺎﻥ ﻳﻪﻣﺨﻮﺭﻻﺭ.

ﺧﯩﺘﺎﻳﻼﺭﺩﺍ ﺋﻪﻗﯩﻞ ﻛﺎﻡ ﺋﻪﻣﻪﺱ، ﺋﻪﯓ ﻛﺎﻡ ﻧﻪﺭﺳﻪ ﺟﯜﺭﺋﻪﺕ ﺑﯩﻠﻪﻥ ﯞﯨﺠﺪﺍﻥ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺧﯩﺘﺎﻳﺪﺍ ﮔﻪﺭﭼﻪ ﻳﯘﻗﯩﺮﻯ ﻗﺎﺑﯩﻠﯩﻴﻪﺗﻠﯩﻚ ﺋﺎﺩﻩﻣﻠﻪﺭﻧﻰ ﻳﯧﺘﯩﺸﺘﯜﺭﯛﭖ ﭼﯩﻘﯩﺶ ﻣﯘﻣﻜﯩﻦ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﺍ ﻣﯘﺳﺘﻪﻗﯩﻞ ﻫﺎﻟﺪﺍ ﺋﯩﮕﯩﻠﯩﻚ ﺑﺎﺷﻘﯘﺭﺍﻻﻳﺪﯨﻐﺎﻥ ﻻﻳﺎﻗﻪﺗﻠﯩﻚ ﻣﯘﺗﻪﺧﻪﺳﺴﯩﺴﻠﻪﺭ ﻧﺎﻫﺎﻳﯩﺘﻰ ﺋﺎﺯ ﻳﯧﺘﯩﺸﯩﭗ ﭼﯩﻘﯩﺪﯗ. ﺟﻪﻣﺌﯩﻴﻪﺕ ﺋﯜﭼﯜﻥ ﻳﺎﻛﻰ ﺑﯩﺮ ﺷﯩﺮﻛﻪﺕ ﺋﯜﭼﯜﻥ ﺧﯩﺰﻣﻪﺕ ﻗﯩﻠﯩﺸﺘﺎ ﺗﯧﺨﻨﯩﻜﺎ ﺑﻮﻟﺴﯩﻼ ﻫﯧﺴﺎﺏ ﺋﻪﻣﻪﺱ، ﺋﯘﻧﯩﯖﻐﺎ ﺭﻩﻫﺒﻪﺭﻟﯩﻚ ﻗﺎﺑﯩﻠﯩﻴﯩﺘﯩﮕﻪ ﺋﯩﮕﻪ، ﺟﯜﺭﺋﻪﺗﻠﯩﻚ، ﺷﯩﺠﺎﺋﻪﺗﻠﯩﻚ، ﯞﯨﺠﺪﺍﻧﻠﯩﻖ ﺋﺎﺩﻩﻡ ﻛﯧﺮﻩﻙ. ﻣﺎﻧﺎ ﺑﯘ ﻛﯚﭖ ﺳﺎﻧﻠﯩﻖ ﺧﯩﺘﺎﻳﻼﺭﺩﺍ ﻛﺎﻡ ﺧﯩﺴﻠﻪﺕ.

ﺧﯘﺩﺩﻯ 11 ‏ - ﺋﻪﺳﯩﺮﺩﻩ ﺋﯚﺗﻜﻪﻥ ﻏﻪﺭﺏ ﻣﯩﺴﺴﯩﺌﻮﻧﯩﺮﻯ ﺳﯩﻤﯩﺲ ﺋﯧﻴﺘﻘﺎﻧﺪﻩﻙ، ﺧﯩﺘﺎﻳﻼﺭﺩﺍ ﺋﻪﻗﯩﻞ ﻛﺎﻡ ﺋﻪﻣﻪﺱ، ﺋﻪﯓ ﻛﺎﻡ ﻧﻪﺭﺳﻪ ﺟﯜﺭﺋﻪﺕ ﺑﯩﻠﻪﻥ ﯞﯨﺠﺪﺍﻥ. ﺑﯘ، ﮔﻪﺭﭼﻪ ﺑﯘﻧﯩﯖﺪﯨﻦ ﻳﯜﺯ ﻳﯩﻞ ﺑﯘﺭﯗﻧﻘﻰ ﺑﺎﻫﺎ ﺑﻮﻟﺴﯩﻤﯘ، ﺋﻪﻣﻤﺎ ﺋﯘ ﻳﻪﻧﯩﻼ ﺧﯩﺘﺎﻳﺪﯨﻜﻰ ﻫﺎﺯﯨﺮﻗﻰ ﺋﯘﻧﯩﯟﯦﺮﺳﺎﻝ ﻛﯧﺴﻪﻟﻠﯩﻜﻜﻪ ﻗﻮﻳﯘﻟﻐﺎﻥ ﺩﯨﺌﺎﮔﻨﻮﺯ ﺑﻮﻟﯘﭖ ﺗﯘﺭﯗﭘﺘﯘ.

ﺧﯩﺘﺎﻳﻼﺭﻧﯩﯔ ﻛﯚﭘﯩﻨﭽﯩﺴﻰ ﻫﺎﺯﯨﺮ ﻗﺎﻳﺴﻰ ﻳﻮﻟﻐﺎ ﻣﯧﯖﯩﺸﻨﻰ ﺑﯩﻠﻪﻟﻤﻪﻱ ﺋﯩﺘﺘﻪﻙ ﺗﯧﯖﯩﺮﻗﺎﭖ ﻳﯜﺭﯨﺪﯗ

ﺭﺍﻧﺪ ﺷﯩﺮﻛﯩﺘﯩﻨﯩﯔ ﺩﻭﻛﻼﺗﯩﺪﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﻫﺎﺯﯨﺮ ﺧﯩﺘﺎﻳﻼﺭﻧﯩﯔ ﻛﯚﭘﯩﻨﭽﯩﺴﻰ ﭼﻪﺗﺌﻪﻟﻠﻪﺭﮔﻪ ﻛﯚﭼﯜﭖ ﻛﯧﺘﯩﺸﻨﻰ ﻳﺎﻛﻰ ﭼﻪﺗﺌﻪﻟﻠﻪﺭﺩﻩ ﺋﯩﺶ ﺗﯧﭙﯩﭗ ﺟﺎﻥ ﺑﯧﻘﯩﺸﻨﻰ ﻧﻮﻣﯘﺱ ﺩﻩﭖ ﺑﯩﻠﻤﻪﻳﺪﯗ. ﺋﯘﻻﺭ ﺋﯚﺯﯨﻨﯩﯔ ﺧﻪﻟﻘﻘﻪ ﻣﺎﺋﺎﺭﯨﭗ ﻗﻪﺭﺯﻯ ﺑﺎﺭﻟﯩﻘﯩﻨﻰ ﻫﯧﺲ ﻗﯩﻠﻤﺎﻳﺪﯗ.

ﺧﯩﺘﺎﻳﺪﺍ ﺋﻪﻧﺌﻪﻧﯩﯟﯨﻲ ﻗﯩﻤﻤﻪﺕ ﻗﺎﺭﯨﺸﯩﻨﯩﯔ ﺑﯘﺯﻏﯘﻧﭽﯩﻠﯩﻘﻘﺎ ﺋﯘﭼﺮﺍﭖ ﻛﯜﻧﺪﯨﻦ - ﻛﯜﻧﮕﻪ ﺯﻩﺋﯩﭙﻠﯩﺸﯩﭗ ﻛﯧﺘﯩﺸﯩﮕﻪ ﺋﻪﮔﯩﺸﯩﭗ، ﺧﯩﺘﺎﻳﻼﺭﻧﯩﯔ ﻛﯚﭘﯩﻨﭽﯩﺴﻰ، ﻫﻪﺗﺘﺎ ﻳﯘﻗﯩﺮﻯ ﻣﺎﺋﺎﺭﯨﭗ ﺗﻪﺭﺑﯩﻴﯩﺴﻰ ﻛﯚﺭﮔﻪﻧﻠﻪﺭﻣﯘ، ﻫﺎﺯﯨﺮ ﻣﻪﻧﯩﯟﯨﻲ ﺩﯗﻧﻴﺎﻧﯩﯔ ﻣﻪﻧﺰﯨﻞ ﺑﻪﻟﮕﯩﻠﯩﺮﻯ ﺋﺎﻟﺪﯨﺪﺍ ﻗﺎﻳﺴﻰ ﻳﻮﻟﻐﺎ ﻣﯧﯖﯩﺸﯩﻨﻰ ﺑﯩﻠﻪﻟﻤﻪﻱ ﺋﯩﺘﺘﻪﻙ ﺗﯧﯖﯩﺮﻗﺎﭖ ﻳﯜﺭﯨﺪﯗ.