ﺷﻮﺗﻼﻧﺪﯨﻴﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯧﻨﯩﺮﮔﯩﻴﻪ ﺗﻪﺗﻘﯩﻘﺎﺕ ﻣﯘﺗﻪﺧﻪﺳﺴﯩﺴﻰ Philip Andrews ﺋﯚﺗﻜﻪﻥ ﻫﻪﭘﺘﻪ ﺭﺍﺩﯨﺌﻮﻣﯩﺰ ﻣﯘﺧﺒﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﻨﻰ ﺑﺎﺯﺍ ﻫﻪﻡ ﯞﺍﺳﺘﻪ ﻗﯩﻠﯩﭗ ﺗﯘﺭﯗﭖ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺋﯧﻨﯩﺮﮔﯩﻴﻪ ﺋﯩﺸﻠﻪﭘﭽﯩﻘﯩﺮﯨﺸﯩﻨﻰ ﻛﯩﭽﯩﻚ ﺑﯩﺮ ﺳﯧﯟﻩﺗﺘﻪ، ﻛﯚﭖ ﻣﯩﻘﺪﺍﺭﺩﺍ ﺗﯘﺧﯘﻡ ﺋﯧﻠﯩﭗ ﻣﯧﯖﯩﺸﻘﺎ ﺋﻮﺧﺸﺎﺗﻘﺎﻥ. ﺋﯘ ﺳﯚﺯﯨﺪﻩ ﺋﯘﻳﻐﯘﺭﻻﺭﻧﯩﯔ ﺋﻪﺭﻛﯩﻨﻠﯩﻚ ﺗﻪﻟﯩﭙﯩﻨﯩﯔ ﺑﺎﺭﻏﺎﻧﺴﯩﺮﻯ ﺋﯘﻟﻐﯩﻴﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ، ﺑﯘﻧﯩﯖﺪﯨﻦ ﻛﯧﻴﯩﻦ ﺧﯩﺘﺎﻳﻨﯩﯔ ﻧﯧﻔﯩﺖ ﻳﻮﻟﻠﯩﺮﯨﻨﯩﯔ ﻫﻪﺭ ﻗﺎﻳﺴﻰ ﻧﯘﻗﺘﻠﯩﺮﯨﻨﻰ ﻛﯚﭖ ﺳﺎﻧﺪﺍ ﺋﻪﺳﻜﻪﺭ ﺑﯩﻠﻪﻥ ﻗﻮﻏﺪﺍﺷﻘﺎ ﻣﻪﺟﺒﯘﺭ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﯞﻩﺯﯨﻴﯩﺘﯩﻨﻰ ﺗﯧﺨﯩﻤﯘ ﻳﺎﻣﺎﻧﻼﺷﺘﯘﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﺳﺘﺎﺗﯩﺴﺘﯩﻜﯩﻠﯩﻖ ﻣﻪﻟﯘﻣﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﻛﯜﻧﺪﯨﻠﯩﻚ ﺋﯩﺸﻠﻪﭘﭽﯩﻘﯩﺮﯨﻠﯩﯟﺍﺗﻘﺎﻥ ﻧﯧﻔﯩﺖ ﻣﯩﻘﺪﺍﺭﻯ 27 ﻣﯩﻠﻴﻮﻥ ﺗﻮﻧﻨﺎ، ﻳﻪﻧﻰ 550 ﻣﯩﯔ ﺑﺎﻙ؛ ﺑﯘ ﺧﯩﺘﺎﻳﺪﺍ ﺋﻮﻣﯘﻣﻰ ﺋﯩﺸﻠﻪﭘﭽﯩﻘﯩﺮﯨﻠﯩﯟﺍﺗﻘﺎﻥ ﻧﯧﻔﯩﺖ ﻣﯩﻘﺪﺍﺭﯨﻨﯩﯔ 30%ﮔﻪ ﺗﻪﯓ. ﺧﯩﺘﺎﻱ ﻳﻪﻧﻪ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻦ ﺋﺎﻟﺪﯨﻤﯩﺰﺩﯨﻜﻰ 30 ﻳﯩﻞ ﺋﯩﭽﯩﺪﻩ ﻳﯩﻠﯩﻐﺎ 40 ﻣﯩﻠﻴﺎﺭﺩ ﻛﯘﭘﻤﯧﺘﯩﺮ ﻧﯧﻔﯩﺖ ﻳﯚﺗﻜﯩﻤﻪﻛﭽﻰ. ﺋﯜﺗﻜﻪﻥ ﻳﯩﻠﻰ ﻗﺎﺯﺍﻗﯩﺴﺘﺎﻧﺪﯨﻦ ﺋﯩﻤﭙﻮﺭﺕ ﻗﯩﻠﻐﺎﻥ ﻧﯧﻔﯩﺘﻰ 115 ﻣﯩﯔ ﺑﺎﻙ ﻳﻪﻧﻰ 10ﻣﯩﻠﻴﻮﻥ ﺗﻮﻧﻨﺎ ﺋﻪﺗﺮﺍﭘﯩﺪﺍ. ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﻳﯧﻘﯩﻨﻘﻰ 30 ﻳﯩﻠﻠﯩﻖ ﺋﯩﻘﺘﯩﺴﺎﺩﯨﻲ ﺗﻪﺭﻩﻗﻘﯩﻴﺎﺗﯩﻨﻰ ﺩﺍﯞﺍﻣﻼﺷﺘﯘﺭﯗﺵ ﺋﯜﭼﯜﻥ ﺋﯧﻨﯩﺮﮔﯩﻴﻪ ﻣﻪﻧﺒﻪﺳﯩﮕﻪ ﻣﯘﻫﺘﺎﺝ.
 
ﯞﺍﺷﯩﻨﮕﯩﺘﻮﻧﺪﯨﻜﻰ ﺧﻪﻟﻘﺌﺎﺭﺍﻟﯩﻖ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﯨﻨﯩﯔ ﺗﻪﺗﻘﯩﻘﺎﺗﭽﯩﺴﻰ ﯞﻩ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﻰ ﻣﯘﺗﻪﺧﻪﺳﺴﯩﺴﻰ Robert Ebel، ﺧﯩﺘﺎﻳﻨﯩﯔ ﻧﯧﻔﯩﺖ ﺗﯘﺭﯗﺑﺎ ﻳﻮﻟﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﯟﺍﺗﻘﺎﻥ ﻣﯘﺗﻪﺧﻪﺳﺴﯩﺴﻠﻪﺭﺩﯨﻦ ﺑﯩﺮﯨﺪﯗﺭ. ﺋﯘ ﺧﯩﺘﺎﻳﻨﯩﯔ ﻧﯧﻔﯩﺖ ﺗﯘﺭﯗﺑﺎ ﻳﻮﻟﯩﻨﯩﯔ ﻣﯘﺳﺎﭘﯩﺴﯩﻨﯩﯔ ﺋﯘﺯﯗﻧﻠﯘﻗﯩﻨﻰ ﺋﻪﺳﻜﻪﺭﺗﯩﭗ ﻣﯘﻧﺪﺍﻕ ﺩﯦﮕﻪﻥ: "ﺋﻪﮔﻪﺭ ﺑﯘ ﻧﯧﻔﯩﺖ ﺗﯘﺭﯗﺑﺎ ﻳﻮﻟﻠﯩﺮﻯ(ﻗﺎﺭﺷﻰ ﮔﯘﺭﯗﭘﭙﯩﺪﯨﻜﯩﻠﻪﺭﻧﯩﯔ) ﻫﯘﺟﯘﻡ ﻧﯩﺸﺎﻧﻰ ﺑﻮﻟﯘﭖ ﻗﺎﻟﺴﺎ، ﺗﯘﺭﯗﺑﺎ ﻳﻮﻟﯩﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺵ ﻣﯘﻣﻜﯩﻦ ﺋﻪﻣﻪﺱ. ﻣﻪﻧﭽﻪ ﺑﯘ، ﻛﻪﻟﮕﯜﺳﯩﺪﻩ ﺑﯧﻴﺠﯩﯔ ﺩﺍﺋﯩﺮﯨﻠﯩﺮﯨﻨﯩﯔ ﭼﯧﭽﯩﻐﺎ ﺋﺎﻕ ﻛﯩﺮﮔﯜﺯﯨﺪﯨﻐﺎﻥ ﺑﯩﺮ ﻣﻪﺳﯩﻠﻪ."
 
ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﻐﺎ ﺋﺎﺋﯩﺖ ﻛﻪﻟﮕﯜﺳﻰ ﺗﻪﺭﻩﻗﻘﯩﻴﺎﺕ ﭘﯩﻼﻧﻰ ﯞﻩ ﺭﺍﻳﻮﻧﺪﺍ ﻳﯜﺯﮔﯜﺯﯛﯞﺍﺗﻘﺎﻥ ﻣﯩﻠﻠﻪﺗﻠﻪﺭ ﺳﯩﻴﺎﺳﯩﺘﻰ، ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺧﯧﻠﻰ ﺑﯘﺭﯗﻧﻼ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﯞﻩ ﺧﯩﺘﺎﻳﻨﻰ ﺭﺍﻳﻮﻧﺪﯨﻜﻰ ﺋﯩﻘﺘﯩﺴﺎﺩﯨﻲ ﻣﻪﻧﭙﻪﺋﻪﺗﻨﻰ ﻛﺎﭘﺎﻟﻪﺕ ﺋﺎﺳﺘﯩﻐﺎ ﺋﯧﻠﯩﺶ ﺋﯜﭼﯜﻥ ﺭﺍﻳﻮﻧﺪﯨﻜﻰ ﻳﻪﺭﻟﯩﻚ ﺧﻪﻟﻘﻨﯩﯔ ﻣﻪﻧﭙﻪﺗﯩﮕﻪ ﻫﯚﺭﻣﻪﺕ ﻗﯩﻠﯩﺸﻘﺎ ﭼﺎﻗﯩﺮﻏﺎﻥ ﺋﯩﺪﻯ.

ﻣﺎﻧﺎ ﺑﯘﻻﺭﺩﯨﻦ ﺑﯩﺮﻯ، ﻣﯘﺳﺘﻪﻗﯩﻞ ﺗﻪﺗﻘﯩﻘﺎﺗﭽﻰ ﺋﯩﻠﻬﺎﻡ ﺗﻮﺧﺘﻰ ﺑﻮﻟﯘﭖ، ﺋﯘ، ﺋﻪﮔﻪﺭ ﺧﯩﺘﺎﻱ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﺗﻮﻏﺮﺍ ﺑﯩﺮ ﺗﻪﺭﻩﭖ ﻗﯩﻼﻟﻤﯩﺴﺎ، ﺧﯩﺘﺎﻳﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺳﯩﻴﺎﺳﯩﺘﯩﻨﯩﯔ ﻣﻪﻏﻠﯘﭖ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ ﺋﯩﺪﻯ.
 
ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﯨﻦ ﺷﺎﯕﺨﻪﻳﮕﻪ ﺗﯘﺗﺎﺷﺘﯘﺭﯗﻟﻐﺎﻥ ﻏﻪﺭﺏ - ﺷﻪﺭﻕ ﮔﺎﺯ ﺗﯘﺭﯗﺑﯩﺴﻰ، 4000 ﻛﯩﻠﻮﻣﯧﺘﯩﺮ ﺋﯘﺯﯗﻧﻠﯘﻗﺘﺎ. ﺑﯘ ﭘﯜﺗﯜﻥ ﻣﯘﺳﺎﭘﯩﺴﻰ ﺑﻮﻳﯩﭽﻪ 10 ﺋﯚﻟﻜﻪ 66 ﻧﺎﻫﯩﻴﯩﻨﻰ ﺑﯧﺴﯩﭗ ﺋﯚﺗﯩﺪﯗ. ﻧﯚﯞﻩﺗﺘﻪ ﻳﻪﻧﻪ، ﺋﯘﻳﻐﯘﺭ ﺋﯧﻠﯩﺪﯨﻦ ﮔﯘﺍﯕﺪﯗﯓ، ﺳﯩﭽﯜﻩﻥ، ﻓﯘﺟﻴﻪﻥ ﺋﯚﻟﻜﯩﻠﯩﺮﯨﮕﻪ ﻧﯧﻔﯩﺖ ﺗﯘﺭﯗﺑﯩﺴﻰ ﺋﻮﺭﻧﯩﺘﯩﺶ ﭘﯩﻼﻧﻰ ﻗﯘﺭﯗﻟﯘﺵ ﺑﺎﺳﻘﯘﭼﯩﺪﺍ ﺗﯘﺭﻣﺎﻗﺘﺎ. ﺧﯩﺘﺎﻳﻨﯩﯔ ﺗﯜﺭﻛﻤﻪﻧﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻥ ﯞﻩ ﻗﺎﺯﺍﻗﯩﯩﺴﺘﺎﻥ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﻮﺗﺘﯘﺭﺍ ﺋﺎﺳﯩﻴﺎ ﻧﯧﻔﯩﺖ ﺗﯘﺭﯗﺑﯩﺴﻰ ﻳﻪﻧﻪ ﺋﯘﻳﻐﯘﺭ ﺯﯦﻤﯩﻨﯩﺪﯨﻦ ﺋﯜﺗﯩﺪﯗ.
 
ﺑﯩﺮ ﻗﯩﺴﯩﻢ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﺎﺭﯨﺸﯩﭽﻪ، ﻧﯚﯞﻩﺗﺘﻪ ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﻯ، ﺋﺎﻟﺪﻯ ﺑﯩﻠﻪﻥ ﺑﯩﻠﻪﻥ ﺧﯩﺘﺎﻳﻨﯩﯔ ﻳﯧﻘﯩﻦ ﯞﻩ ﻛﻪﻟﮕﯜﺳﻰ ﻣﻪﻧﭙﻪﺗﯩﮕﻪ ﻳﻪﻧﻰ ﺋﯘﻧﯩﯔ ﺋﯧﻨﯩﺮﮔﯩﻴﯩﺪﯨﻦ ﺋﯩﺒﺎﺭﻩﺕ ﺟﺎﻧﯩﺠﺎﻥ ﻣﻪﻧﭙﻪﺗﯩﮕﻪ ﺯﯨﻴﺎﻧﻠﯩﻖ. ﺋﻪﻣﻤﺎ ﺧﯩﺘﺎﻱ ﺑﯘ ﺧﯩﻞ ﺗﻪﻛﻠﯩﭗ ﭘﯩﻜﯩﺮﻟﻪﺭﻧﻰ ﻗﯘﺗﺮﺍﺗﻘﯘﻟﯘﻕ، ﺑﯘ ﺧﯩﻞ ﭘﯩﻜﯩﺮ ﺑﻪﺭﮔﯜﭼﯩﻠﻪﺭﻧﻰ ﺩﯛﺷﻤﻪﻥ ﻛﯜﭼﻠﻪﺭ ﺩﻩﭖ ﻗﺎﺭﺍﭖ ﻛﻪﻟﻤﻪﻛﺘﻪ.