ﺋﺎﻣﯧﺮﯨﻜﯩﻨﯩﯔ ﻓﻠﻮﺭﯨﺪﺍ ﺷﯩﺘﺎﺗﯩﺪﺍ ﭼﯩﻘﯩﺪﯨﻐﺎﻥ ﺋﻮOrlando Sentinel ﮔﯧﺰﯨﺘﻰ ﺳﯧﻨﺘﻪﺑﯩﺮﻧﯩﯔ ﺑﯧﺸﯩﺪﺍ ﻣﻪﺧﺴﯘﺱ ﺋﻮﺑﺰﻭﺭ ﺋﯧﻼﻥ ﻗﯩﻠﯩﭗ، ﺋﻮﻟﯩﻤﭙﯩﻜﺘﯩﻦ ﻛﯧﻴﯩﻨﻜﻰ ﺧﯩﺘﺎﻳﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﻳﺎﻛﻰ ﻗﯩﻠﻤﺎﺳﻠﯩﻖ ﻣﻪﺳﯩﻠﯩﺴﻰ ﺋﯜﺳﺘﯩﺪﻩ ﻣﯘﻻﻫﯩﺰﻩ ﻳﯜﺭﮔﯜﺯﺩﻯ. ﻣﻪﺯﻛﯜﺭ ﻣﯘﻻﻫﯩﺰﻩ ﺧﯩﺘﺎﻳﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﻨﯩﯔ ﻛﻪﻳﻨﯩﮕﻪ ﭼﯧﻜﯩﻨﯩﺶ ﺋﻪﻣﻪﺱ ﺑﻪﻟﻜﻰ ﺗﻪﺭﻩﻗﻘﯩﻴﺎﺗﻘﺎ ﻗﺎﺭﺍﭖ ﻳﻮﻝ ﺋﺎﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﭻ ﺑﺎﻏﻠﯩﻐﺎﻥ ﻛﯩﺸﯩﻠﻪﺭﮔﻪ ﻳﺎﺧﺸﻰ ﺑﯩﺮ ﺟﺎﯞﺍﺏ ﻫﺎﺯﯨﺮﻟﯩﻐﺎﻥ ﺑﻮﻟﯘﭖ، ﺑﻮﻟﯘﭘﻤﯘ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﭘﯘﺗﺒﻮﻝ ﻛﻮﻣﺎﻧﺪﯨﺴﻰ ﻫﻪﻗﻘﯩﺪﻩ ﺋﯧﻼﻥ ﻗﯩﻠﯩﻨﻐﺎﻥ ﺧﻪﯞﻩﺭﻟﻪﺭﻧﻰ ﺑﯩﺮ ﺗﻪﺭﻩﭖ ﻗﯩﻠﯩﺶ ﭘﻮﺯﯨﺘﺴﯩﻴﯩﺴﻰ، ﺧﯩﺘﺎﻳﻨﯩﯔ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﯩﮕﻪ ﺋﯩﺠﺎﺑﯩﻲ ﭘﯩﻜﯩﺮ ﺑﻪﺭﮔﯜﭼﯩﻠﻪﺭﮔﻪ ﺯﻩﺭﺑﻪ ﺑﻪﺭﮔﻪﻥ.

Orlando Sentinel ﻧﯩﯔ ﺋﻮﺑﺰﻭﺭﯨﺪﺍ ﺧﯩﺘﺎﻱ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﭘﯘﺗﺒﻮﻝ ﻛﻮﻣﺎﻧﺪﯨﺴﯩﻨﯩﯔ ﻧﻪﺗﯩﺠﯩﺴﯩﻨﯩﯔ ﻛﯚﺭﯛﻧﻪﺭﻟﯩﻚ ﺑﻮﻟﻤﺎﺳﻠﯩﻘﺘﻪﻙ ﺋﻪﻫﯟﺍﻟﻠﯩﺮﻯ ﻫﻪﻣﺪﻩ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﺪﻩ ﻧﻪﺗﯩﺠﯩﮕﻪ ﺋﯧﺮﯨﺸﻪﻟﻤﯩﮕﻪﻧﻠﯩﻚ ﺳﻪﯞﻩﺑﻠﯩﺮﻯ ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺗﻪﺭﯨﭙﯩﺪﯨﻦ ﻣﻪﺳﺨﯩﺮﻩ ﯞﻩ ﺗﻪﻧﻘﯩﺪ ﻗﯩﻠﯩﺶ ﺷﻪﻛﻠﯩﺪﻩ ﺗﻪﺳﯟﯨﺮﻟﻪﻧﮕﻪﻥ. ﻧﻴﯘﻳﻮﺭﻙ ﯞﺍﻗﺘﻰ ﮔﯧﺰﯨﺘﯩﻨﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﺧﯩﻞ ﺋﻪﺭﻛﯩﻨﻠﯩﻜﻨﻰ ﻗﻮﺑﯘﻝ ﻗﯩﻼﻟﻤﯩﻐﺎﻥ ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺗﻪﺷﯟﯨﻘﺎﺕ ﻣﯩﻨﯩﺴﺘﯩﺮﻟﯩﻘﻰ ﺑﯘﻳﺮﯗﻕ ﭼﯜﺷﯜﺭﯛﭖ، ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﺧﯩﺘﺎﻱ ﭘﯘﺗﺒﻮﻝ ﻛﻮﻣﺎﻧﺪﯨﺴﻰ ﻫﻪﻗﻘﯩﺪﻩ ﺳﯚﺯ ﻗﯩﻠﯩﺸﯩﻨﻰ ﭼﻪﻛﻠﯩﮕﻪﻥ.

ﻣﯘﻻﻫﯩﺰﯨﻨﯩﯔ ﺋﺎﺧﯩﺮﯨﺪﺍ، ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺟﻪﺭﻳﺎﻧﯩﺪﺍ ﺧﯩﺘﺎﻳﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﺋﺎﺯﺭﺍﻕ ﺑﻮﻟﺴﯩﻤﯘ ﺋﻮﺭﯗﻥ ﺑﻪﺭﮔﻪﻧﻠﯩﻜﻰ، ﺋﻪﻣﻤﺎ ﺋﺎﻣﯧﺮﯨﻜﯩﻨﯩﯔ ﻧﻪﺯﯨﺮﯨﺪﯨﻜﻰ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻳﯧﺘﯩﺸﻰ ﺋﯜﭼﯜﻥ، ﺧﯩﺘﺎﻳﻐﺎ ﻳﻪﻧﯩﻼ ﺋﯩﻨﺘﺎﻳﯩﻦ ﺋﯘﺯﯗﻥ ﺑﯩﺮ ﻣﯜﺩﺩﻩﺕ ﻛﯧﺘﯩﺪﯨﻐﺎﻧﻠﯩﻘﻰ ﺗﻪﻛﯩﺘﻠﻪﻧﮕﻪﻥ.

ﭼﯩﻜﺎﮔﻮﺩﺍ ﭼﯩﻘﯩﺪﯨﻐﺎﻥ ﻗﯘﻳﺎﺵ ﯞﺍﻗﺘﻰ ﮔﯧﺰﯨﺘﯩﺪﯨﻤﯘ ﺋﻮﺧﺸﺎﺷﻼ ﺧﯩﺘﺎﻳﻨﯩﯔ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﯩﮕﻪ ﻣﯘﻧﺎﺳﯩﯟﻩﺗﻠﯩﻚ ﺋﻮﺑﺰﻭﺭ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﺳﺘﺎﺗﯩﺴﺘﯩﻜﯩﻠﯩﻖ ﻧﯘﻗﺘﻰ ﻧﻪﺯﻩﺭ ﺑﯘﻳﯩﭽﻪ ﺋﺎﻧﺎﻟﯩﺰ ﻗﯩﻠﯩﻨﻐﺎﻥ ﺑﯘ ﻣﺎﻗﺎﻟﯩﺪﻩ ﺧﯩﺘﺎﻳﻨﯩﯔ ﺑﯘ ﻗﯧﺘﯩﻤﻠﯩﻖ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﺪﺍ ﺋﻪﯓ ﻛﯚﭖ ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﻜﻪﻧﻠﯩﻜﻰ، ﺋﻪﮔﻪﺭ ﺑﯧﻴﺠﯩﯔ ﻣﯘﺷﯘﻧﺪﺍﻕ ﭼﻮﯓ ﺷﺎﻥ - ﺷﻪﺭﻩﭘﻠﻪﺭ ﺋﺎﺳﺘﯩﺪﺍ، ﻣﯘﻫﯩﺘﻨﯩﯔ ﺑﯘﻟﻐﯩﻨﯩﺸﯩﻨﻰ ﻳﺎﺧﺸﯩﻠﯩﻴﺎﻟﯩﺴﺎ ﺑﯘ ﻛﯩﺸﯩﻨﻰ ﺗﯧﺨﯩﻤﯘ ﺧﻮﺷﺎﻝ ﻗﯩﻠﯩﺪﯨﻐﺎﻧﻠﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ.

ﺋﻮﺑﺰﻭﺭﺩﺍ ﻳﻪﻧﻪ، ﺧﯩﺘﺎﻳﻨﯩﯔ 51 ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﯩﭗ، ﺋﺎﻟﺘﯘﻥ ﻣﯧﺪﺍﻝ ﺑﯘﻳﯩﭽﻪ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯨﻐﺎﻥ ﺋﺎﻣﯧﺮﯨﻜﯩﺪﯨﻦ 15 ﺋﺎﻟﺘﯘﻥ ﻣﯧﺪﺍﻟﻨﻰ ﺋﺎﺭﺗﯘﻕ ﺋﺎﻟﻐﺎﻧﻠﯩﻘﻰ ﻗﻪﻳﺖ ﻗﯩﻠﯩﻨﻐﺎﻥ، ﺋﻪﻣﻤﺎ ﺋﺎﺭﻗﯩﺪﯨﻨﻼ 1 ﻣﯩﻠﻴﺎﺭﺩ 300 ﻣﯩﻠﻴﻮﻥ ﻧﻮﭘﯘﺳﻘﺎ ﺋﯩﮕﻪ ﺑﯩﺮ ﺩﯙﻟﻪﺗﻨﯩﯔ 51 ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﯩﺸﯩﻨﯩﯔ ﺋﺎﻧﭽﻪ ﻫﻪﻳﺮﺍﻥ ﻗﺎﻻﺭﻟﯩﻖ ﺑﯩﺮ ﺋﯩﺶ ﺋﻪﻣﻪﺱ ﺋﯩﻜﻪﻧﻠﯩﻜﻰ ﺋﺎﻻﻫﯩﺪﻩ ﺋﻪﺳﻜﻪﺭﺗﯩﭗ ﻗﻮﻳﯘﻟﻐﺎﻥ.

Chicago Sun times ﮔﯧﺰﯨﺘﯩﻨﯩﯔ ﺋﻮﺑﺰﻭﺭﯨﺪﺍ، ﻛﯩﺸﻰ ﺑﯧﺸﻰ ﺑﯘﻳﯩﭽﻪ ﻫﯧﺴﺎﺑﻼﻧﻐﺎﻥ ﻧﻪﺗﯩﺠﯩﺪﯨﻦ ﻗﺎﺭﯨﻐﺎﻧﺪﺍ، ﭘﯜﺗﯜﻥ ﺩﯗﻧﻴﺎ ﻧﻮﭘﯘﺳﯩﻨﯩﯔ 20 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺧﯩﺘﺎﻳﻨﯩﯔ ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﯩﺶ ﻧﯩﺴﺒﯩﺘﻰ %17 ﻛﻪ ﺗﻮﻏﺮﺍ ﻛﻪﻟﮕﻪﻥ ﺑﻮﻟﯘﭖ، ﺋﻮﺧﺸﺎﺵ ﻧﯩﺴﺒﻪﺕ ﺑﯘﻳﯩﭽﻪ ﺩﯗﻧﻴﺎ ﻧﻮﭘﯘﺳﯩﻨﯩﯔ 5.4 ﭘﯩﺮﺳﻪﻧﺘﯩﻨﻰ ﺋﯩﮕﯩﻠﻪﻳﺪﯨﻐﺎﻥ ﺋﺎﻣﯧﺮﯨﻜﯩﻨﯩﯔ ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﯩﺶ ﻧﯩﺴﺒﯩﺘﻰ %12  ﻛﻪ ﻳﻪﺗﻜﻪﻥ.

ﺑﯘﻧﯩﯖﺪﯨﻦ ﺑﺎﺷﻘﺎ، ﺋﻮﺑﺰﻭﺭﺩﺍ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﺪﺍ ﻗﻮﻟﻐﺎ ﻛﻪﻟﺘﯜﺭﮔﻪﻥ ﺋﺎﻟﺘﯘﻥ، ﻛﯜﻣﯜﺵ، ﻣﯩﺲ ﻣﯧﺪﺍﻟﻠﯩﺮﯨﻨﯩﯔ 100 ﮔﻪ ﻳﻪﺗﻜﻪﻧﻠﯩﻜﻰ، ﺋﺎﻣﯧﺮﯨﻜﺎ ﺋﯧﺮﯨﺸﻜﻪﻥ ﺑﺎﺭﻟﯩﻖ ﻣﯧﺪﺍﻟﻼﺭﻧﯩﯔ ﺋﻮﻣﯘﻣﯩﻲ ﺳﺎﻧﯩﻨﯩﯔ ﺑﻮﻟﺴﺎ 110 ﻏﺎ ﻳﯧﺘﯩﭗ، ﺋﻮﻣﯘﻣﯩﻲ ﻧﻪﺗﯩﺠﻪ ﺋﺎﻣﯧﺮﯨﻜﯩﻐﺎ ﺗﻪﯞﻩ ﺑﻮﻟﻐﺎﻧﻠﯩﻘﻰ ﻣﯘﻻﻫﯩﺰﻩ ﻗﯩﻠﯩﻨﯩﺶ ﺑﯩﻠﻪﻥ ﺑﯩﺮﮔﻪ، ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﻫﯧﺴﺎﺑﻼﺵ ﺋﯘﺳﯘﻟﯩﻨﻰ ﻫﻪﺭ ﺧﯩﻞ ﻣﯘﺩﺩﯨﺌﺎﻻﺭ ﺋﯜﭼﯜﻥ ﺋﯩﺸﻘﺎ ﺳﯧﻠﯩﺸﻘﺎ ﺑﻮﻟﯩﺪﯨﻐﺎﻧﻠﯩﻘﻰ ﻛﯚﺭﺳﯩﺘﯩﻠﮕﻪﻥ. ﺋﻮﺑﺰﻭﺭﻧﯩﯔ ﺋﺎﺧﯩﺮﯨﺪﺍ ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺋﯚﺗﻜﯜﺯﯛﺵ ﺋﯜﭼﯜﻥ ﺋﯩﺸﻠﻪﺗﻜﻪﻥ ﺑﺎﺭﻟﯩﻖ ﺋﯧﻨﯧﺮﮔﯩﻴﯩﺴﯩﻨﻰ ﺋﯩﺸﻘﺎ ﺳﺎﻟﻐﺎﻧﻐﺎ ﺋﻮﺧﺸﺎﺵ، ﻣﯘﻫﯩﺖ ﺑﯘﻟﻐﯩﻨﯩﺸﯩﻨﻰ ﻳﺎﺧﺸﯩﻼﺵ ﺋﯜﭼﯜﻧﻤﯘ ﺋﻮﺧﺸﺎﺵ ﻛﯜﭺ ﭼﯩﻘﯩﺮﯨﺸﻰ ﻛﯧﺮﻩﻛﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﺟﻪﺭﻳﺎﻧﯩﺪﯨﻜﻰ ﻣﻪﺳﯩﻠﯩﻠﯩﺮﯨﻨﻰ ﻧﺎﻫﺎﻳﯩﺘﻰ ﺋﺎﺩﺩﻯ ﺋﯘﻗﯘﻣﻼﺭ ﺑﯩﻠﻪﻥ ﺧﯘﻻﺳﯩﻼﭖ ﺑﻪﺭﮔﻪﻥ، ﺋﺎﻣﯧﺮﯨﻜﯩﻨﯩﯔ ﺑﯘ ﺋﯩﻜﻜﻰ ﻣﻪﺗﺒﯘﺋﺎﺗﻰ ﺧﯩﺘﺎﻳﻨﯩﯔ ﻗﺎﺗﺘﯩﻖ ﺗﻪﻧﻘﯩﺪﯨﮕﻪ ﺋﯘﭼﺮﯨﻐﺎﻥ ﺑﻮﻟﯘﭖ، ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﻜﻪﻥ ﺧﯩﺘﺎﻱ ﺗﻪﻧﺘﻪﺭﺑﯩﻴﻪ ﻣﺎﻫﯩﺮﻟﯩﺮﻯ ﺋﺎﻣﯧﺮﯨﻜﺎ ﻣﻪﺗﺒﯘﺋﺎﺗﻠﯩﺮﻯ ﺗﻪﺭﯨﭙﯩﺪﯨﻦ ﻫﯘﺟﯘﻣﻐﺎ ﺋﯘﭼﺮﯨﻤﺎﻗﺘﺎ ﺩﯦﻴﯩﻠﮕﻪﻥ. ﺋﺎﻳﺎﻝ ﮔﯩﻤﻨﺎﺳﺘﯩﻜﺎ ﻣﯘﺳﺎﺑﯩﻘﯩﺴﯩﺪﻩ ﺋﺎﻟﺘﯘﻥ ﻣﯧﺪﺍﻟﻐﺎ ﺋﯧﺮﯨﺸﻜﻪﻥ ﺑﯩﺮ ﻗﺎﻧﭽﻪ ﺧﯩﺘﺎﻱ ﮔﯩﻤﻨﺎﺳﺘﯩﻜﯩﭽﯩﻠﯩﺮﯨﻨﯩﯔ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﺗﻪﻧﺘﻪﺭﺑﯩﻴﻪ ﻛﻮﻣﯩﺘﯧﺘﯩﻨﯩﯔ ﺋﯚﻟﭽﻪﻣﻠﯩﺮﯨﮕﻪ ﺧﯩﻼﭘﻠﯩﻖ ﻗﯩﻠﯩﭗ، ﻳﺎﺵ ﭼﻪﻛﻠﯩﻤﯩﺴﺪﻩ ﻛﯚﺯ ﺑﻮﻳﺎﻣﭽﯩﻠﯩﻖ ﻗﯩﻠﻐﺎﻧﻠﯩﻘﻰ ﺗﻮﻏﺮﯨﺴﯩﺪﯨﻜﻰ ﺧﻪﯞﻩﺭ ﺋﺎﻣﯧﺮﯨﻜﺎ ﻣﻪﺗﺒﯘﺋﺎﺗﻠﯩﺮﯨﺪﺍ ﺋﺎﺷﻜﺎﺭﯨﻼﻧﻐﺎﻥ ﺋﯩﺪﻯ.