ﻣﯘﻻﻫﯩﺰﯨﭽﯩﻠﻪﺭ ﻫﺎﺯﯨﺮ ﺑﯘ ﭼﻮﯓ ﻫﻪﺷﻪﻣﻪﺗﺘﯩﻦ ﻗﺎﻟﯩﺪﯨﻐﺎﻥ ﺗﺎﺭﯨﺨﯩﻲ ﻣﯩﺮﺍﺱ ﻧﯧﻤﻪ؟ ﺩﯦﮕﻪﻥ ﺗﯧﻤﺎ ﺋﯜﺳﺘﯩﺪﻩ ﭘﯩﻜﯩﺮ ﻗﯩﻠﻤﺎﻗﺘﺎ. ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺋﻮﺑﺰﻭﺭﭼﯩﺴﻰ ﭼﯧﻦ ﻛﯘﻳﺪﯤ ﺋﻪﭘﻪﻧﺪﯨﻨﯩﯔ ﺑﯘ ﻫﻪﻗﺘﻪ ﻣﯘﻻﻫﯩﺰﻩ ﻳﯜﺭﮔﯜﺯﯛﻟﮕﻪﻥ 'ﺋﻮﻟﯩﻤﭙﯩﻚ ﻛﯧﺴﯩﻠﻰ' ﺩﯦﮕﻪﻥ ﺋﻮﺑﺰﻭﺭﻯ 'ﻛﯚﺯﯨﺘﯩﺶ ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﯩﻨﺪﻯ.

'ﻣﯘﺯﯨﻜﯩﻠﯩﻖ، ﭘﺎﺭﻻﻕ ﺋﻮﺗﻮﭘﯩﻴﻪ'

ﺑﯘ ﺋﻮﺑﺰﻭﺭﺩﺍ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺑﯧﻴﺠﯩﯖﺪﯨﻜﻰ 'ﭼﺎﯕﮕﺎ' ﺷﻪﻛﯩﻠﻠﯩﻚ ﺗﻪﻧﺘﻪﺭﺑﯩﻴﻪ ﻣﻪﻳﺪﺍﻧﯩﺪﺍ ﻻﻳﯩﻬﯩﻠﻪﻧﮕﻪﻥ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﻰ ﻧﺎﻫﺎﻳﯩﺘﻰ ﻫﻪﺷﻪﻣﻪﺗﻠﯩﻚ ﻛﯚﺭﯛﻧﯩﺪﯗ. ﺋﯘﻧﯩﯖﺪﯨﻜﻰ ﺭﻩﯕﮕﺎ - ﺭﻩﯓ ﭼﯩﺮﺍﻗﻼﺭ ﻛﯚﺯﻧﻰ ﭼﺎﻗﻨﯩﺘﯩﺪﯗ، ﻣﯘﺯﯨﻜﯩﻼﺭ ﻛﯩﺸﯩﻨﻰ ﻣﻪﻫﻠﯩﻴﺎ ﻗﯩﻠﯩﺪﯗ. ﺋﯘﻧﯩﯖﻐﺎ ﺧﯩﺰﻣﻪﺕ ﻗﯩﻠﯩﯟﺍﺗﻘﺎﻥ ﺋﺎﺩﻩﻣﻠﻪﺭﻧﯩﯔ ﻛﯚﭘﻠﯜﻛﻰ ﻛﯩﺸﯩﻨﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯗ. ﺑﯘﻧﺪﺍﻕ ﭼﻮﯓ ﻫﻪﺷﻪﻣﻪﺕ ﺋﯜﭼﯜﻥ ﻗﺎﻧﭽﯩﻠﯩﻚ ﭘﯘﻝ ﺳﻪﺭﭖ ﻗﯩﻠﯩﺶ، ﻗﺎﻧﭽﯩﻠﯩﻚ ﺋﺎﺩﻩﻡ ﺋﯩﺸﻠﯩﺘﯩﺶ، ﻗﺎﻧﭽﯩﻠﯩﻚ ﯞﺍﻗﯩﺖ ﺯﺍﻳﺎ ﻗﯩﻠﯩﺶ ﺑﯩﻠﻪﻥ ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﭘﻪﺭﯞﺍﻳﻰ ﭘﻪﻟﻪﻙ. ﺋﯘﻧﯩﯖﺪﺍ ﺋﯩﺴﺮﺍﭖ ﺑﻮﻟﯩﺪﯨﻐﯩﻨﻰ ﺑﻪﺭﯨﺒﯩﺮ ﺋﯚﺯﯨﻨﯩﯔ ﭘﯘﻟﻰ ﺋﻪﻣﻪﺱ، ﺧﻪﻟﻘﻨﯩﯔ ﻗﺎﻥ - ﺗﻪﺭﯨﺪﯨﻦ ﻛﯧﻠﯩﯟﯦﺮﯨﺪﯗ. ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺋﺎﺭﻗﯩﻠﯩﻖ ﭘﻪﻗﻪﺕ ﺋﯚﺯﯨﻨﯩﯔ ﺑﯩﺮ 'ﻣﯘﺯﯨﻜﯩﻠﯩﻖ، ﭘﺎﺭﻻﻕ ﺋﻮﺗﻮﭘﯩﻴﻪ' ﺳﯩﻨﻰ ﻛﯚﺭﮔﻪﺯﻣﻪ ﻗﯩﻠﯩﯟﺍﻟﺴﯩﻼ ﺑﻮﻟﺪﻯ.

'ﺩﻩﯞﺭ ﺭﻭﻫﻰ ﺑﻮﻟﻤﯩﻐﺎﻥ ﮔﯜﺯﻩﻝ ﻛﻪﺷﺘﻪ'

ﭼﯧﻦ ﻛﯘﻳﺪﯤ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺑﯘ ﻣﯘﺭﺍﺳﯩﻤﻨﯩﯔ ﺷﻪﻛﻠﯩﮕﻪ ﻧﺎﻫﺎﻳﯩﺘﻰ ﻛﯚﭖ ﻛﯜﭺ ﺳﻪﺭﭖ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﺋﺎﯓ - ﭘﯩﻜﯩﺮ ﺟﻪﻫﻪﺗﺘﻪ ﻫﯧﭽﻘﺎﻧﺪﺍﻕ ﻗﯩﻤﻤﯩﺘﻰ ﻳﻮﻕ. ﺑﯘ ﻣﯘﺭﺍﺳﯩﻤﻨﯩﯔ ﺷﻪﻛﻠﻰ ﺧﯘﺩﺩﻯ ﺳﺎﻥ - ﺳﺎﻧﺎﻗﺴﯩﺰ ﺭﻩﯕﮕﺎ - ﺭﻩﯓ ﺋﻪﯞﺭﯨﺸﯩﻢ ﺑﯩﻠﻪﻥ ﺗﯩﻜﯩﻠﮕﻪﻥ ﺑﯩﺮ ﮔﯜﺯﻩﻙ ﻛﻪﺷﺘﯩﮕﻪ ﺋﻮﺧﺸﯩﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﺍ ﺩﻩﯞﺭﮔﻪ ﻻﻳﯩﻖ ﺭﻭﻫ ﻳﻮﻕ.

ﺑﯘ ﻣﯘﺭﺍﺳﯩﻤﺪﺍ 'ﺑﯩﺮ ﺩﯗﻧﻴﺎ، ﺑﯩﺮ ﺋﺎﺭﺯﯗ' ﺩﯦﮕﻪﻥ ﮔﯜﺯﻩﻝ ﺷﯘﺋﺎﺭ ﺑﺎﺭ، ﺋﻪﻣﻤﺎ ﺋﯘﻧﯩﯖﺪﺍ ﺑﯘ 'ﺑﯩﺮ ﺋﺎﺭﺯﯗ' ﺩﯦﮕﻪﻥ ﺋﻪﺭﻛﯩﻨﻠﯩﻜﻤﯘ ﻳﺎﻛﻰ ﻛﻮﻣﻤﯘﻧﯩﺰﻣﻤﯘ؟ ﺩﯦﻤﻮﻛﺮﺍﺗﯩﻴﯩﻤﯘ ﻳﺎﻛﻰ ﻣﯘﺳﺘﻪﺑﯩﺘﻠﯩﻜﻤﯘ؟ ﺋﯩﻨﺴﺎﻧﭙﻪﺭﯞﻩﺭﻟﯩﻜﻤﯘ ﻳﺎﻛﻰ ﭘﺎﺩﯨﺸﺎﻫﻘﺎ ﻏﺎﻟﭽﯩﻠﯩﻘﻤﯘ؟ ﺧﯘﺳﯘﺳﯩﻲ ﺋﯩﮕﯩﻠﯩﻜﻤﯘ ﻳﺎﻛﻰ ﻛﻮﻟﻠﯧﻜﺘﯩﭗ ﺋﯩﮕﯩﻠﯩﻜﻤﯘ ﯞﻩ ﻳﺎﻛﻰ ﺩﯙﻟﻪﺕ ﺋﯩﮕﯩﻠﯩﻜﯩﻤﯘ؟ ﺋﯘﻧﯩﯔ ﻣﯘﺋﻪﻳﻴﻪﻥ ﻣﻪﻧﯩﺴﻰ ﻳﺎﻛﻰ ﺭﻭﻫﻰ ﻧﺎﻣﻪﻟﯘﻡ. ﺩﯦﻤﻪﻙ ﺑﯘ، ﻛﻮﻣﻤﯘﻧﯩﺴﺖ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﯨﻨﯩﯔ ﻏﻪﺭﯨﺰﯨﻨﻰ ﻳﯘﺷﯘﺭﯗﯞﺍﺗﻘﺎﻥ ﻣﯘﺭﺍﺳﯩﻢ.

'ﺑﯧﻴﺠﯩﯔ ﺋﻮﻟﯩﻤﭙﯩﻜﯩﺪﯨﻦ ﻛﯧﻴﯩﻦ ﭘﻪﻗﻪﺕ ﺷﯘ ﻫﻪﺷﻪﻣﻪﺗﻨﯩﯔ ﻻﻣﭙﺎ ﺳﯘﻧﯘﻗﻠﯩﺮﻯ ﯞﻩ ﻗﻪﻏﻪﺯ ﭘﺎﺭﭼﯩﻠﯩﺮﯨﺪﯨﻦ ﺑﺎﺷﻘﺎ ﻣﯩﺮﺍﺱ ﻗﺎﻟﻤﺎﻳﺪﯗ'

ﭼﯧﻦ ﻛﯘﻳﺪﯤ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺩﯗﻧﻴﺎﺩﺍ ﺑﯘﺭﯗﻥ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﻠﯩﺮﯨﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻐﺎ ﺋﯩﻨﺘﺎﻳﯩﻦ ﺋﺎﺯ ﭘﯘﻝ ﺳﻪﺭﭖ ﻗﯩﻠﯩﻨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯔ ﻫﻪﻣﻤﯩﺴﯩﺪﻩ ﺋﻪﺭﻛﯩﻨﻠﯩﻚ ﺭﻭﻫﻰ ﻳﺎﯕﺮﺍﻳﺘﻰ.

ﺋﯘﻧﯩﯖﺪﯨﻦ ﭼﯩﻘﻘﺎﻥ ﻫﻪﺭ ﺑﯩﺮ ﺳﺎﺩﺍ ﻛﯩﺸﯩﻨﯩﯔ ﻳﯜﺭﻩﻙ ﺗﺎﺭﯨﻨﻰ ﭼﯧﻜﯩﺪﯗ، ﻣﯘﺭﺍﺳﯩﻢ ﺑﯩﻠﻪﻥ ﻫﻪﺭ ﺑﯩﺮ ﻛﯩﺸﯩﻨﯩﯔ ﻗﻪﻟﺒﯩﺪﻩ ﺗﻪﯓ ﭘﻪﻳﺪﺍ ﺑﻮﻟﻐﺎﻥ ﺑﯩﺮ ﺳﺎﺩﺍ ﻣﯘﺭﺍﺳﯩﻤﺪﯨﻦ ﻛﯧﻴﯩﻨﻤﯘ ﺋﯘﺯﯗﻥ ﻳﯩﻠﻼﺭﻏﯩﭽﻪ ﻛﯩﺸﯩﻨﯩﯔ ﺋﯧﺴﯩﺪﯨﻦ ﻛﯚﺗﯜﺭﯛﻟﻤﻪﻳﺪﯗ. ﺋﻪﻣﻤﺎ ﺑﯘ ﻗﯧﺘﯩﻢ ﺑﯧﻴﺠﯩﯖﺪﺍ ﺋﯚﺗﻜﯜﺯﯛﻟﮕﻪﻥ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﺪﯨﻦ ﻛﯧﻴﯩﻦ، ﻛﯩﺸﯩﮕﻪ ﭘﻪﻗﻪﺕ ﺷﯘ ﻫﻪﺷﻪﻣﻪﺗﻨﯩﯔ ﻻﻣﭙﺎ ﺳﯘﻧﯘﻗﻠﯩﺮﻯ ﯞﻩ ﻗﻪﻏﻪﺯ ﭘﺎﺭﭼﯩﻠﯩﺮﯨﺪﯨﻦ ﺑﺎﺷﻘﺎ ﻣﯩﺮﺍﺱ ﻗﺎﻟﻤﺎﻳﺪﯗ.

' ﻣﯩﺴﻠﻰ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﻫﻪﺷﻪﻣﻪﺗﻠﯩﻚ ﻛﯚﭘﯜﻙ'

ﭼﯧﻦ ﻛﯘﻳﺪﯤ ﺋﻪﭘﻪﻧﺪﯨﻨﯩﯔ ﻗﺎﺭﯨﺸﯩﭽﻪ، ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﯘﺭﺍﺳﯩﻤﯩﺪﯨﻦ ﺋﯩﺒﺎﺭﻩﺕ ﺑﯘ ﮔﯜﺯﻩﻝ ﻛﻪﺷﺘﯩﻨﯩﯔ ﻗﺎﺗﻠﯩﺮﯨﻨﻰ ﺋﺎﭼﺴﺎ، ﺋﯘﻧﯩﯔ ﺋﯩﭽﯩﺪﯨﻦ ﻗﻪﺩﯨﻤﻘﻰ ﺯﺍﻣﺎﻧﺪﺍ ﺧﻪﻟﻖ ﻟﻪﻧﻪﺕ ﻳﺎﻏﺪﯗﺭﻏﺎﻥ ﺯﺍﻟﯩﻢ ﭼﯧﻦ ﺷﯩﺨﯘﺍﯕﺪﻩﻙ 'ﻗﻪﻫﺮﯨﻤﺎﻥ' ﯞﻩ ﺧﯩﺘﺎﻱ ﻣﻪﺩﻩﻧﯩﻴﯩﺘﯩﺪﯨﻜﻰ ﻣﻪﺗﺒﻪﺋﻪ، ﻛﻮﻣﭙﺎﺱ، ﻗﻪﻏﻪﺯ، ﺑﯧﻴﺠﯩﯔ ﺗﯩﻴﺎﺗﯩﺮﻯ، ﺗﻪﻳﺠﻰ ﮔﯘﻣﭙﺎ ﯞﻩ ﺷﯩﭙﺎﻟﯩﻖ ﻛﻮﻣﯘﻻ ﺩﯦﮕﻪﻧﺪﻩﻙ 'ﻛﻪﺷﭙﯩﻴﺎﺗﻼﺭ' ﭼﯩﻘﯩﺪﯗ. ﺋﻪﻣﻤﺎ ﺋﯘﻧﯩﯖﺪﺍ ﺗﺎﺭﯨﺨﻨﻰ ﻣﯘﺋﻪﻳﻴﻪﻥ ﺷﻪﺧﺴﻨﯩﯔ ﻗﻪﻫﺮﯨﻤﺎﻧﻠﯩﻘﻰ ﻳﺎﺭﺍﺗﻘﺎﻧﻠﯩﻘﯩﻨﻰ، ﻫﺎﺯﯨﺮﻣﯘ ﻫﻪﺭ ﺑﯩﺮ ﺷﻪﺧﺲ ﺋﯚﺯﯨﻨﯩﯔ ﻗﻪﻫﺮﯨﻤﺎﻧﻠﯩﻘﻰ ﺑﯩﻠﻪﻥ ﺗﺎﺭﯨﺦ ﻳﺎﺭﯨﺘﯩﯟﺍﺗﻘﺎﻧﻠﯩﻘﻰ ﯞﻩ ﺗﺎﺭﯨﺨﯩﻲ ﻣﻪﺩﻩﻧﯩﻴﻪﺗﻠﻪﺭﺩﯨﻜﻰ ﻫﻪﺭ ﺑﯩﺮ ﺋﯩﺠﺎﺩﯨﻴﻪﺗﻨﯩﯔ ﻣﯘﺋﻪﻳﻴﻪﻥ ﺩﻩﯞﺭ ﺭﻭﻫﻰ ﺋﯧﺘﯩﺮﺍﭖ ﻗﯩﻠﯩﻨﻤﺎﻳﺪﯗ.

ﺧﯩﺘﺎﻳﺪﺍ ﻫﻪﻣﻤﻪ ﺋﺎﺩﻩﻡ ﺑﯩﺮ ﮔﻪﯞﺩﯨﺪﻩﻙ ﻗﯩﻠﯩﭗ ﻛﯚﺭﺳﯩﺘﯩﻠﯩﭗ، ﺭﻩﯕﮕﺎﺭﻩﯓ ﭼﯩﺮﺍﻕ ﻧﯘﺭﻯ ﺑﯩﻠﻪﻥ ﺑﯧﺰﻩﻟﮕﻪﻥ ﺑﯘ ﭼﻮﯓ ﻣﯘﺭﺍﺳﯩﻢ، ﺋﻪﻣﻪﻟﯩﻴﻪﺗﺘﻪ ﻣﯩﺴﻠﻰ ﻛﯚﺭﯛﻟﯜﭖ ﺑﺎﻗﻤﯩﻐﺎﻥ ﻫﻪﺷﻪﻣﻪﺗﻠﯩﻚ ﻛﯚﭘﯜﻙ، ﺷﯘﻧﺪﺍﻗﻼ، ﻣﯘﺳﺎﭘﯩﻨﯩﯔ ﻳﯚﻧﯩﻠﯩﺸﻨﻰ ﻛﯚﺭﺳﻪﺗﻤﻪﻳﺪﯨﻐﺎﻥ ﺭﻩﯕﮕﺎﺭﻩﯓ ﺑﯘﻳﺎﻗﺘﯩﻨﻼ ﺋﯩﺒﺎﺭﻩﺕ. ﺑﯘ ﻣﯘﺭﺍﺳﯩﻤﺪﺍ ﻳﻪﻧﻪ، ﺗﻪﻧﻬﻪﺭﯨﻜﻪﺗﭽﯩﻠﻪﺭ ﺑﯘ ﻗﯧﺘﯩﻤﻘﻰ ﺋﻮﻟﯩﻤﭙﯩﻚ ﺑﺎﻳﺮﯨﻘﯩﻨﻰ ﻛﻮﻣﻤﯘﻧﯩﺴﺖ ﺳﺎﻗﭽﯩﻠﯩﺮﯨﻐﺎ ﺗﯘﺗﻘﯘﺯﻏﺎﻧﻠﯩﻘﻰ، ﺑﯘﻧﯩﯖﺪﺍ ﺗﯧﺨﯩﻤﯘ ﻳﺎﻣﺎﻥ ﻏﻪﺭﻩﺯ ﺑﺎﺭﻟﯩﻘﯩﺪﯨﻦ ﺩﯦﺮﻩﻙ ﺑﯧﺮﯨﺪﯗ.

'ﺧﯩﺘﺎﻳﺪﺍ ﺋﺎﺩﻩﻡ ﻛﯚﭖ ﺋﯩﻜﻪﻧﻠﯩﻜﯩﺪﯨﻦ ﺑﺎﺷﻘﺎ ﻫﯧﭽﻨﯧﻤﯩﻨﻰ ﻛﯚﺭﻣﯩﺪﯨﻢ'

ﻳﺎﭘﻮﻧﯩﻴﯩﺪﻩ ﭼﯩﻘﯩﺪﯨﻐﺎﻥ 'ﺋﺎﺳﺎﺧﻰ ﺷﯩﻨﺒﯘﻥ ﮔﯧﺰﯨﺘﻰ'ﻧﯩﯔ ﻣﯘﺧﺒﯩﺮﻟﯩﺮﻯ ﺗﻮﻛﻴﻮ ﺷﻪﻫﯩﺮﯨﻨﯩﯔ ﺑﺎﺷﻠﯩﻘﻰ ﺳﯩﻨﺘﺎﺭﻭ ﺋﯩﺸﯩﺨﺎﺭﺍ ﺋﻪﭘﻪﻧﺪﯨﺪﯨﻦ، ﺑﻪﺯﻯ ﻛﯩﺸﯩﻠﻪﺭ ﺑﯧﻴﺠﯩﯖﺪﯨﻜﻰ ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻨﯩﯔ ﺋﯧﭽﯩﻠﯩﺶ ﻣﯘﺭﺍﺳﯩﻤﯩﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ، ﺋﯘﻧﻰ ﺧﯩﺘﺎﻳﻨﯩﯔ ﻳﯘﻗﯩﺮﻯ ﭘﻪﻥ - ﺗﯧﺨﻨﯩﻜﯩﺴﯩﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ﻣﯘﺭﺍﺳﯩﻢ ﺩﻩﯞﺍﺗﻘﺎﻧﻠﯩﻘﯩﻨﻰ، ﺳﯩﻨﺘﺎﺭﻭ ﺋﻪﭘﻪﻧﺪﯨﻨﯩﯖﻤﯘ ﺑﯘ ﻣﯘﺭﺍﺳﯩﻤﻨﻰ ﻛﯚﺭﮔﻪﻧﺪﯨﻦ ﻛﯧﻴﯩﻦ ﺷﯘﻧﺪﺍﻕ ﻫﯧﺴﺴﯩﻴﺎﺗﻘﺎ ﻛﻪﻟﮕﻪﻥ ﻳﺎﻛﻰ ﻛﻪﻟﻤﯩﮕﻪﻧﻠﯩﻜﯩﻨﻰ ﺳﻮﺭﯨﻐﺎﻧﺪﺍ، ﺳﯩﻨﺘﺎﺭﻭ ﺋﻪﭘﻪﻧﺪﻯ 'ﺑﯘ ﻣﯘﺭﺍﺳﯩﻤﺪﺍ ﺑﯩﺮ ﻣﯩﻠﻴﺎﺭﺩ 300 ﻣﯩﻠﻴﻮﻥ ﺋﺎﺩﻩﻡ ﺑﺎﺭﻟﯩﻘﯩﻨﻰ ﻛﯚﺭﮔﻪﺯﻣﻪ ﻗﯩﻠﯩﭗ ﺑﺎﺷﻘﯩﻼﺭﻧﻰ ﭼﯚﭼﯜﺗﻤﻪﻛﭽﻰ ﺑﻮﻟﻐﺎﻧﻠﯩﻘﺘﯩﻦ ﺑﺎﺷﻘﺎ ﻫﯧﭽﻨﯧﻤﯩﻨﻰ ﻛﯚﺭﻣﯩﺪﯨﻢ'ﺩﯦﮕﻪﻥ.

ﺳﯩﻨﺘﺎﺭﻭ ﺋﻪﭘﻪﻧﺪﻯ ﻣﯘﺧﺒﯩﺮﻏﺎ ﻳﻪﻧﻪ، "ﺑﯘ ﻣﯘﺭﺍﺳﯩﻤﺪﺍ ﺋﺎﺩﻩﻡ ﺩﯦﯖﯩﺰﻯ ﻛﯚﺭﯛﻧﺪﻯ، ﺑﯘ ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ 'ﺋﺎﺩﻩﻡ ﺩﯦﯖﯩﺰﻯ ﺗﺎﻛﺘﯩﻜﯩﺴﻰ' ﺩﯦﮕﻪﻥ ﺗﺎﻛﺘﯩﻜﯩﺴﻰ ﺑﻮﻟﺴﺎ ﻛﯧﺮﻩﻙ. ﺧﯩﺘﺎﻱ ﺋﯚﺯﯨﻨﯩﯔ ﺑﯘ 'ﺋﺎﺩﻩﻡ ﺩﯦﯖﯩﺰﻯ ﺗﺎﻛﺘﯩﻜﯩﺴﻰ'ﻏﺎ 'ﺳﻪﺗﻪﯓ ﺧﺎﻧﯩﻢ ﻫﯧﻠﯩﺴﻰ' ﻧﻰ ﻗﻮﺷﯘﭖ ﺋﻮﻳﻨﯩﺪﻯ، ﺑﯘﻧﺪﺍﻕ ﺗﺎﻛﺘﯩﻜﯩﻤﯘ ﻳﯧﯖﻰ ﻧﻪﺭﺳﻪ ﺋﻪﻣﻪﺱ،" ﺩﯦﮕﻪﻥ.