ﻣﺎﮔﯩﺴﺘﯩﺮ ﯞﻩ ﺩﻭﻛﺘﻮﺭﻟﯘﻕ ﺋﯘﻧﯟﺍﻧﯩﻨﻰ ﺋﻪﻧﮕﻠﯩﻴﻪ ﻻﻧﻜﯧﺴﺘﯩﺮ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﺎﻟﻐﺎﻥ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﻣﯘﺳﺘﺎﻓﺎ ﺋﺎﻳﺪﯨﻦ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﯜﺳﺘﯩﺪﯨﻤﯘ ﺋﯚﺯ ﻛﯚﺯ ﻗﺎﺭﺍﺷﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، 5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ ﯞﻩ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﻫﻪﻗﻘﯩﺪﻩ ﻳﯜﺭﮔﯜﺯﮔﻪﻥ ﻣﯘﻻﻫﯩﺰﯨﺴﯩﺪﻩ ﻣﯘﻧﺪﺍﻕ ﺩﻩﻳﺪﯗ:

"ﺋﯘﻳﻐﯘﺭﻻﺭ ﺋﻪﺯﻩﻟﺪﯨﻦ ﺧﯩﺘﺎﻳﻐﺎ ﻗﺎﺭﺷﻰ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﻪﺭﻧﻰ ﻗﯩﻠﯩﭗ ﻛﻪﻟﮕﻪﻥ. ﻛﯧﻴﯩﻨﻜﻰ ﻳﯩﻠﻼﺭﺩﺍ ﺑﯘ ﺧﯩﻞ ﻧﺎﺭﺍﺯﯨﻠﯩﻖ ﻫﻪﺭﯨﻜﻪﺗﻠﯩﺮﻯ ﺗﯧﺨﯩﻤﯘ ﺋﯧﺸﯩﭗ ﺑﺎﺭﺩﻯ. ﺋﻪﻟﯟﻩﺗﺘﻪ، ﺑﯘﻧﯩﯖﻐﺎ ﺋﺎﻣﯧﺮﯨﻜﯩﻨﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺩﯦﻤﻮﻛﺮﺍﺗﯩﻴﯩﻨﻰ ﺋﯩﻠﮕﯩﺮﻯ ﺳﯜﺭﯛﺵ ﭘﺎﺋﺎﻟﯩﻴﻪﺗﻠﯩﺮﯨﻨﯩﯖﻤﯘ ﺗﻪﺳﯩﺮﻯ ﻳﻮﻕ ﺋﻪﻣﻪﺱ. ﻟﯧﻜﯩﻦ ﺋﻪﯓ ﻣﯘﻫﯩﻤﻰ، 1990 - ﻳﯩﻠﻼﺭﻧﯩﯔ ﺑﯧﺸﯩﺪﺍ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻗﯧﺮﯨﻨﺪﺍﺵ ﺗﯜﺭﻛﯩﻲ ﺧﻪﻟﻘﻠﻪﺭﻧﯩﯔ ﻣﯘﺳﺘﻪﻗﯩﻠﻠﯩﻜﻜﻪ ﺋﯧﺮﯨﺸﯩﺸﻰ ﺋﯘﻳﻐﯘﺭﻻﺭﻧﯩﯔ ﻫﻪﺭﯨﻜﯩﺘﯩﻨﻰ ﺗﯧﺰﻟﻪﺗﺘﻰ. ﭼﯜﻧﻜﻰ ﺋﯘﻻﺭﻧﯩﯔ ﺗﯘﻏﻘﺎﻧﻠﯩﺮﻯ ﻣﯘﺳﺘﻪﻗﯩﻞ ﺑﻮﻟﻐﺎﻥ ﺋﯩﺪﻯ. ﺋﻪﻣﻤﺎ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﻗﺎﺯﺍﻗﯩﺴﺘﺎﻥ ﺑﺎﺷﭽﯩﻠﯩﻘﯩﺪﯨﻜﻰ ﺩﯙﻟﻪﺗﻠﻪﺭﻧﯩﯔ ﻫﯧﭽﻘﺎﻳﺴﯩﺴﻰ ﺑﯘﻧﯩﯖﻐﺎ ﻳﯧﻘﯩﻦ ﻛﻪﻟﻤﯩﺪﻯ. ﺋﯘﻻﺭ ﺧﯩﺘﺎﻳﻨﯩﯔ ﺗﻪﺳﯩﺮﻯ ﺑﯩﻠﻪﻥ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺗﭽﺎﻥ ﺳﯩﻴﺎﺳﻪﺕ ﺋﯧﻠﯩﭗ ﺑﺎﺭﺩﻯ."

ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﻣﯘﺳﺘﺎﻓﺎ ﺋﺎﻳﺪﯨﻦ ﺋﻪﭘﻪﻧﺪﻯ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﻗﯘﺭﯗﻟﯘﺵ ﻣﻪﻗﺴﯩﺘﯩﻨﻰ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ، ﺋﻪﻣﻪﻟﯩﻴﻪﺗﺘﻪ ﺑﯘ ﺗﻪﺷﻜﯩﻼﺗﻨﯩﯔ ﺋﯘﻳﻐﯘﺭﻻﺭﻧﻰ ﻛﻮﻧﺘﺮﻭﻝ ﻗﯩﻠﯩﺶ ﻣﻪﻗﺴﯩﺘﻰ ﺑﯩﻠﻪﻥ ﻗﯘﺭﯗﻟﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﻩﻳﺪﯗ:

"ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﯟﺍﺗﻘﺎﻥ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﻧﯧﻤﻪ ﺋﯜﭼﯜﻥ ﻗﯘﺭﯗﻟﻐﺎﻧﻠﯩﻘﯩﻨﻰ ﻧﯘﺭﻏﯘﻥ ﻛﯩﺸﯩﻠﻪﺭ ﻳﺎ ﺋﻪﺳﻠﯩﻴﻪﻟﻤﻪﻳﺪﯗ ﻳﺎﻛﻰ ﺑﯩﻠﻤﻪﻳﺪﯗ. ﺑﯘ ﮔﯘﺭﯗﻫ ﺋﻪﺳﻠﯩﺪﻩ ﺧﯩﺘﺎﻳﻨﯩﯔ ﺋﯚﺯ ﭼﯧﮕﺮﯨﻠﯩﺮﯨﻨﻰ ﻗﻮﻏﺪﺍﺵ ﻗﺎﻳﻐﯘﺳﻰ ﺑﯩﻠﻪﻥ ﺋﯧﻠﯩﭗ ﺑﺎﺭﻏﺎﻥ ﺋﯘﭼﺮﯨﺸﯩﺸﻠﯩﺮﻯ ﻧﻪﺗﯩﺠﯩﺴﯩﺪﻩ ﺋﻮﺗﺘﯘﺭﯨﻐﺎ ﭼﯩﻘﻘﺎﻥ. ﺋﯘ ﯞﺍﻗﯩﺘﺘﺎ ﺋﯘﻻﺭﻧﯩﯔ ﺗﻪﻫﺪﯨﺖ ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﻐﺎﻧﻠﯩﺮﻯ ﺭﺍﺩﯨﻜﺎﻟﻠﯩﻖ، ﺋﯩﺴﻼﻣﭽﯩﻠﯩﻖ، ﺋﺎﻳﺮﯨﻤﯩﭽﯩﻠﯩﻖ ﺋﯩﺪﻯ. ﺋﯘﻻﺭ ﻣﺎﻧﺎ ﺑﯘ ﺋﯜﭺ ﺗﻪﻫﺪﯨﺘﻜﻪ ﻗﺎﺭﺷﻰ ﻫﻪﻣﻜﺎﺭﻟﯩﺸﯩﺸﯩﻤﯩﺰ ﻻﺯﯨﻢ ﺩﯦﮕﻪﻥ ﺋﯩﺪﻯ. ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﻯ ﯞﻩ ﺭﯗﺳﯩﻴﻪ ﺑﯘ ﺗﻪﻫﺪﯨﺘﻠﻪﺭﮔﻪ ﻗﺎﺭﺷﻰ ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺸﻘﺎ ﺭﺍﺯﻯ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻳﻤﯘ ﺑﯘﻧﯩﯖﻐﺎ ﺟﺎﯞﺍﺑﻪﻥ ﺑﯘ ﺩﯙﻟﻪﺗﻠﻪﺭﮔﻪ ﻣﻪﻧﭙﻪﺋﻪﺕ ﻳﻪﺗﻜﯜﺯﺩﻯ."

"ﻣﻪﺳﯩﻠﻪﻥ، 1. ﺧﯩﺘﺎﻳﻨﯩﯔ ﭘﯜﺗﯜﻥ ﻗﻮﺷﻨﯩﻠﯩﺮﻯ ﺑﯩﻠﻪﻥ ﭼﯧﮕﺮﺍ ﻣﻪﺳﯩﻠﺴﯩﻰ ﺑﺎﺭ ﺋﯩﺪﻯ، ﭼﯧﮕﺮﯨﻠﯩﺮﻯ ﺋﯧﻨﯩﻖ ﺋﻪﻣﻪﺱ ﺋﯩﺪﻯ. ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﭼﯧﮕﺮﯨﺴﯩﻨﯩﯔ ﺳﯩﺰﯨﻠﯩﺸﯩﺪﺍ ﺗﺎﻻﺵ - ﺗﺎﺭﺗﯩﺶ ﻣﻪﯞﺟﯘﺕ ﺋﯩﺪﻯ. ﻣﺎﻧﺎ ﻣﯘﺷﯘ ﭼﯧﮕﺮﺍﻻﺭﻧﯩﯔ ﻫﻪﻣﻤﯩﺴﯩﻨﯩﯔ ﺳﯩﺰﯨﻠﯩﺸﯩﻐﺎ ﺧﯩﺘﺎﻱ ﺭﺍﺯﻯ ﺑﻮﻟﺪﻯ ﯞﻩ ﺑﻪﺯﻯ ﺋﯚﺗﯜﻧﯜﺷﻠﻪﺭﻧﻰ ﻗﯩﻠﺪﻯ. ﻧﯧﻤﯩﺸﻘﺎ ﺋﯘﻧﺪﺍﻕ ﻗﯩﻠﯩﺪﯗ؟ ﺋﻪﻟﯟﻩﺗﺘﻪ ﺋﯘﻳﻐﯘﺭ ﻣﻪﺳﯩﻠﯩﺴﯩﺪﻩ ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﺭﯗﺳﯩﻴﯩﻨﯩﯔ ﺋﺎﻏﺰﯨﻨﻰ ﺗﯘﯞﺍﻗﻼﺵ ﺋﯜﭼﯜﻥ. 2. ﻗﺎﺯﺍﻗﯩﺴﺘﺎﻥ، ﺩﯙﻟﯩﺘﯩﺪﯨﻜﻰ ﺭﯗﺱ ﻧﻮﭘﯘﺳﯩﻐﺎ ﻗﺎﺭﺷﻰ ﻗﺎﺯﺍﻗﻼﺭﻧﯩﯔ ﻧﻮﭘﯘﺳﯩﻨﻰ ﻛﯚﭘﻪﻳﺘﯩﺸﻨﻰ ﺋﻮﻳﻠﯩﺸﯩﯟﺍﺗﺎﺗﺘﻰ. ﻗﺎﺯﺍﻗﻼﺭ ﻳﻪﻧﻪ ﻧﻪﺩﻩ ﺋﻪﯓ ﺟﯩﻖ ﺋﯩﺪﻯ؟ ﻳﻪﻧﻪ ﺷﯘ ﺋﯘﻳﻐﯘﺭ ﺭﺍﻳﻮﻧﯩﺪﺍ. ﺑﯘﻧﯩﯔ ﺑﯩﻠﻪﻥ ﻫﻪﻡ ﻗﺎﺯﺍﻗﯩﺴﺘﺎﻥ ﺋﯘ ﻳﻪﺭﺩﯨﻜﻰ ﻗﺎﺯﺍﻗﻼﺭﻏﺎ ﭘﯘﻝ ﺑﻪﺭﺩﻯ، ﻫﻪﻡ ﺧﯩﺘﺎﻱ ﺋﯘﻻﺭﻧﻰ ﺗﻪﺷﯟﯨﻖ ﻗﯩﻠﯩﭗ، ﺋﯘﻻﺭﻧﯩﯔ ﻛﯚﭼﻤﻪﻧﻠﯩﻚ ﺋﯩﺸﻠﯩﺮﯨﻨﻰ ﺋﺎﺳﺎﻧﻼﺷﺘﯘﺭﺩﻯ. ﺑﯘﻧﯩﯔ ﺑﯩﻠﻪﻥ ﻗﺎﺯﺍﻗﯩﺴﺘﺎﻧﻐﺎ ﻧﯘﺭﻏﯘﻥ ﻗﺎﺯﺍﻗﻼﺭﻧﻰ ﻳﻮﻟﻠﯩﺪﻯ. 3. ﺑﯘ ﺩﯙﻟﻪﺗﻠﻪﺭﮔﻪ ﺧﯩﺘﺎﻱ ﺋﯩﻘﺘﯩﺴﺎﺩﻯ ﯞﻩ ﺗﯩﺠﺎﺭﻯ ﺟﻪﻫﻪﺗﻠﻪﺭﺩﻩ ﺋﺎﻻﻫﯩﺪﻩ ﻛﯚﯕﯜﻝ ﺑﯚﻟﺪﻯ. ﺋﯧﻨﯧﺮﮔﯩﻴﻪ ﺳﺎﻫﻪﺳﯩﮕﻪ ﻧﯘﺭﻏﯘﻥ ﻣﻪﺑﻠﻪﻍ ﺳﺎﻟﺪﻯ. ﻣﺎﻧﺎ ﺑﯘ ﺋﺎﺭﻗﯩﻠﯩﻖ ﺧﯩﺘﺎﻱ ﺋﻮﺗﺘﯘﺭﺍ ﺋﺎﺳﯩﻴﺎﺩﺍ ﻧﺎﻫﺎﻳﯩﺘﻰ ﭼﯩﯔ ﻣﯘﻧﺎﺳﯩﯟﻩﺗﻠﻪﺭ ﺗﻮﺭﯨﻨﻰ ﻫﺎﺳﯩﻞ ﻗﯩﻠﺪﻯ. ﻧﯘﺭﻏﯘﻥ ﻛﯩﺸﯩﻠﻪﺭ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﻰ ﺷﯩﻤﺎﻟﯩﻲ ﺋﺎﺗﻼﻧﺘﯩﻚ ﺋﻪﻫﺪﻯ ﺗﻪﺷﻜﯩﻼﺗﻰ ﺑﯩﻠﻪﻥ ﺳﯧﻠﯩﺸﺘﯘﺭﯨﺪﯗ. ﺋﯩﻜﻜﯩﺴﯩﻨﻰ ﺑﯩﺮ ﺋﻮﺭﯗﻧﻐﺎ ﻗﻮﻳﯩﺪﯗ. ﺋﻪﻣﻪﻟﯩﻴﻪﺗﺘﻪ ﺑﯘﻧﯩﯔ ﻗﯩﻠﭽﯩﻠﯩﻜﻤﯘ ﺋﺎﻻﻗﯩﺴﻰ ﻳﻮﻕ."

ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﻣﯘﺳﺘﺎﻓﺎ ﺋﺎﻳﺪﯨﻦ ﺧﯩﺘﺎﻳﻨﯩﯔ ﻣﺎﻧﺎ ﻣﯘﺷﯘﻧﺪﺍﻕ ﻳﻮﻟﻼﺭ ﺋﺎﺭﻗﯩﻠﯩﻖ ﺋﻮﺗﺘﯘﺭﺍ ﺋﺎﺳﯩﻴﺎ ﺩﯙﻟﻪﺗﻠﯩﺮﯨﺪﯨﻦ ﻛﯜﺗﻜﻪﻥ ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻧﻠﯩﻜﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﻩﻳﺪﯗ:

"ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺑﯘ ﺩﯙﻟﻪﺗﻠﻪﺭﻧﯩﯔ ﺧﯩﺘﺎﻳﻨﻰ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﺎﺭﻗﯩﻠﯩﻖ ﺑﯩﺌﺎﺭﺍﻡ ﻗﯩﻠﻤﺎﺳﻠﯩﻘﻘﺎ ﺑﻪﺭﮔﻪﻥ ﯞﻩﺩﯨﺴﻰ ﯞﻩ ﺧﯩﺘﺎﻳﻨﯩﯔ ﺋﯘﻻﺭﻏﺎ ﻣﻪﻧﭙﻪﺋﻪﺕ ﻳﻪﺗﻜﯜﺯﯨﺪﯨﻐﺎﻧﻠﯩﻖ ﻛﯧﻠﯩﺸﯩﻤﻰ ﺑﯩﻠﻪﻥ ﻗﯘﺭﯗﻟﻐﺎﻥ ﺑﯩﺮ ﺗﻪﺷﻜﯩﻼﺕ. ﺑﯘﻧﻰ ﭼﯜﺷﻪﻧﮕﻪﻥ ﯞﺍﻗﺘﯩﯖﯩﺰﺩﺍ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﻳﯜﺯ ﺑﻪﺭﮔﻪﻥ 5 - ﺋﯩﻴﯘﻝ ﯞﻩﻗﻪﺳﯩﮕﻪ ﻧﯩﺴﺒﻪﺗﻪﻥ ﻗﯧﺮﯨﻨﺪﺍﺵ ﺗﯜﺭﻛﯩﻲ ﻣﯩﻠﻠﻪﺕ ﺩﯙﻟﻪﺗﻠﯩﺮﯨﻨﯩﯔ ﻧﯧﻤﯩﺸﻘﺎ ﻫﯧﭽﻘﺎﻧﺪﺍﻕ ﺋﯩﭙﺎﺩﻩ ﺑﯩﻠﺪﯛﺭﻣﯩﮕﻪﻧﻠﯩﻜﯩﻨﻰ ﺋﺎﺳﺎﻧﻼ ﭼﯜﺷﻪﻧﮕﯩﻠﻰ ﺑﻮﻟﯩﺪﯗ. ﺋﯘﻻﺭ ﯞﻩﻗﻪﮔﻪ ﻧﯩﺴﺒﻪﺗﻪﻥ ﻫﯧﭽﻘﺎﻧﺪﺍﻕ ﺋﯩﭙﺎﺩﻩ ﺑﯩﻠﺪﯛﺭﻣﯩﺪﻯ. ﻫﯧﭽﻨﯧﻤﻪ ﺩﯦﻤﯩﺪﻯ. ﭘﻪﻗﻪﺕ ﺑﻮﻟﻤﯩﻐﺎﻧﺪﺍ 'ﺷﯘ ﺑﻮﻟﻤﯩﻐﺎﻥ ﺑﻮﻟﺴﺎ ﻳﺎﺧﺸﻰ ﺑﻮﻻﺗﺘﻰ' ﺩﯦﻴﯩﺶ ﺑﯩﻠﻪﻧﻼ ﺑﻮﻟﺪﻯ ﻗﯩﻠﺪﻯ. ﺭﯗﺳﯩﻴﯩﻤﯘ 'ﺑﯘ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﻰ' ﺩﯦﻴﯩﺶ ﺑﯩﻠﻪﻧﻼ ﺑﻮﻟﺪﻯ ﻗﯩﻠﺪﻯ."

ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺑﯘﻧﺪﺍﻕ ﻗﺎﺗﺘﯩﻖ ﻗﻮﻝ ﺳﯩﻴﺎﺳﻪﺕ ﺋﯧﻠﯩﭗ ﺑﯧﺮﯨﺸﻰ، ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﺧﯩﺘﺎﻳﻨﯩﯔ ﺗﻪﺭﻩﻗﻘﯩﻴﺎﺗﻰ ﺋﯜﭼﯜﻥ ﻣﯘﻫﯩﻢ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﻪﺗﻜﻪ ﺋﯩﮕﻪ ﺑﻮﻟﻐﺎﻧﻠﯩﻘﯩﺪﯨﻦ ﺩﻩﭖ ﻛﯚﺭﺳﻪﺗﻜﻪﻥ ﭘﺮﻭﻓﯧﺴﺴﻮﺭ ﺩﻭﻛﺘﻮﺭ ﻣﯘﺳﺘﺎﻓﺎ ﺋﺎﻳﺪﯨﻦ ﻣﺎﻗﺎﻟﯩﻨﯩﯔ ﺋﺎﺧﯩﺮﯨﺪﺍ ﺳﯚﺯﯨﻨﻰ ﻣﯘﻧﺪﺍﻕ ﺋﺎﻳﺎﻗﻼﺷﺘﯘﺭﯨﺪﯗ:

"ﺧﯩﺘﺎﻳﻨﯩﯔ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺑﯘﻧﺪﺍﻕ ﻗﺎﺗﺘﯩﻖ ﺗﯘﺭﯗﺷﯩﻨﯩﯔ ﻳﻪﻧﻪ ﺑﯩﺮ ﺳﻪﯞﻩﺑﻰ، ﺋﯘﻳﻐﯘﺭ ﺭﺍﻳﻮﻧﯩﺪﺍ ﻣﻮﻝ ﻣﯩﻘﺪﺍﺭﺩﺍ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯﺩﯨﻦ ﺑﺎﺷﻘﺎ ﻳﻪﻧﻪ ﻧﯘﺭﻏﯘﻧﻠﯩﻐﺎﻥ ﻛﺎﻥ ﺑﺎﻳﻠﯩﻘﻠﯩﺮﯨﻨﯩﯔ ﺑﻮﻟﯘﺷﯩﺪﯗﺭ. ﺋﯘﺭﺍﻥ، ﺋﺎﻟﺘﯘﻥ ﯞﻩ ﻣﯘﺷﯘﻧﯩﯖﻐﺎ ﺋﻮﺧﺸﺎﺵ ﻗﯩﻤﻤﻪﺗﻠﯩﻚ ﺑﺎﻳﻠﯩﻘﻼﺭ ﺧﯩﺘﺎﻳﻨﯩﯔ ﺯﻭﺭﯨﻴﯩﺸﻰ ﯞﻩ ﻫﺎﺯﯨﺮﻗﻰ ﺗﻪﺭﻩﻗﻘﯩﻴﺎﺗﯩﻨﻰ ﺩﺍﯞﺍﻡ ﻗﯩﻠﺪﯗﺭﯗﺷﻰ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﭼﯜﻧﻜﻰ ﺧﯩﺘﺎﻳﻨﯩﯔ ﺟﯩﺪﺩﯨﻲ ﻫﺎﻟﺪﺍ ﺋﯧﻨﯩﺮﮔﯧﻴﯩﮕﻪ ﺋﯧﻬﺘﯩﻴﺎﺟﻰ ﺑﺎﺭ. ﺷﯘﯕﺎ ﻣﺎﻧﺎ ﻣﯘﺷﯘﻧﺪﺍﻕ ﺑﯩﺮ ﺋﯧﻨﯧﺮﮔﯩﻴﻪ ﺋﺎﻣﺒﯩﺮﻯ ﺑﻮﻟﻐﺎﻥ ﺋﯘﻳﻐﯘﺭ ﺭﺍﻳﻮﻧﯩﻨﻰ ﻗﻮﻟﺪﯨﻦ ﭼﯩﻘﯩﺮﯨﭗ ﻗﻮﻳﯘﺷﻨﻰ ﺧﯩﺘﺎﻱ ﻫﻪﺭﮔﯩﺰ ﺧﺎﻟﯩﻤﺎﻳﺪﯗ. ﻳﻪﻧﻰ ﺋﯘﻳﻐﯘﺭﻻﺭﻧﯩﯔ ﻣﯘﺳﺘﻪﻗﯩﻞ ﺑﻮﻟﯘﺷﻰ ﺩﯦﮕﻪﻧﻠﯩﻚ، ﺧﯩﺘﺎﻱ ﺑﯘﻻﺭﺩﯨﻦ ﻗﯘﺭﯗﻕ ﻗﺎﻟﺪﻯ، ﺩﯦﮕﻪﻧﻠﯩﻚ ﺑﻮﻟﯩﺪﯗ. ﻣﺎﻧﺎ ﻣﯘﺷﯘﻧﯩﯖﺪﻩﻙ ﺳﻪﯞﻩﺑﻠﻪﺭﻧﯩﯔ ﻫﻪﻣﻤﯩﺴﻰ ﺋﯘﻳﻐﯘﺭﻻﺭ ﺋﯜﭼﯜﻥ ﺑﯩﺮ ﺗﻮﺳﺎﻟﻐﯘ ﺑﻮﻟﻤﺎﻗﺘﺎ."