19 - ﻧﻮﻳﺎﺑﯩﺮ ﻛﯜﻧﻰ ﻳﯧﯖﻰ ﺩﻩﯞﺭ ﺗﻮﺭ ﺑﯧﻜﯩﺘﯩﺪﻩ، ﺩﯗ ﮔﯘﺍﯓ ﺋﻪﭘﻪﻧﺪﯨﻨﯩﯔ " ﻗﺎﻧﯘﻧﺪﺍ ﺑﻪﻟﮕﯩﻠﻪﻧﮕﻪﻥ ﺩﺍﺋﯩﺮﯨﺪﯨﻤﯘ ﭼﻪﻛﻠﯩﻨﯩﯟﺍﺗﻘﺎﻥ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ" ﺗﯧﻤﯩﺴﯩﺪﯨﻜﻰ ﻣﺎﻗﺎﻟﯩﺴﻰ ﺋﯧﻼﻥ ﻗﯩﻠﯩﻨﻐﺎﻥ ﺑﻮﻟﯘﭖ، ﻣﺎﻗﺎﻟﯩﺪﻩ ﺧﯩﺘﺎﻱ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ ﺋﺎﺗﺎﻟﻤﯩﺶ " ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ" ﻧﯩﯔ ﺋﻪﻣﻪﻟﯩﻴﻪﺗﺘﻪ ﻫﯧﭽﻘﺎﭼﺎﻥ ﺋﯩﺠﺮﺍ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﻰ ﻧﯘﺭﻏﯘﻥ ﺋﻪﻣﻪﻟﯩﻲ ﭘﺎﻛﯩﺘﻼﺭ ﺋﺎﺭﻗﯩﻠﯩﻖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﻰ، " ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺋﺎﺳﺎﺳﯩﻲ ﻗﺎﻧﯘﻧﯩﻨﯩﯔ 36 - ﻣﺎﺩﺩﯨﺴﯩﺪﺍ ﺑﻪﻟﮕﯩﻠﯩﻨﯩﺸﯩﭽﻪ: 'ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﭘﯘﻗﺮﺍﻟﯩﺮﯨﻨﯩﯔ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺶ ﺋﻪﺭﻛﯩﻨﻠﯩﻜﻰ ﺑﺎﺭ. ﻫﻪﺭ ﻗﺎﻧﺪﺍﻕ ﺋﯩﺪﺍﺭﻩ ﺋﻮﺭﮔﺎﻥ، ﺋﯩﺠﺘﯩﻤﺎﺋﯩﻲ ﺗﻪﺷﻜﯩﻼﺕ ﻳﺎﻛﻰ ﺷﻪﺧﺴﻠﻪﺭﻧﯩﯔ ﭘﯘﻗﺮﺍﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﻰ ﭼﻪﻛﻠﻪﺵ، ﻛﻪﻣﺴﯩﺘﯩﺶ ﻫﻮﻗﯘﻗﻰ ﻳﻮﻕ. ﭘﯘﻗﺮﺍﻻﺭﻧﯩﯔ ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﯩﺶ ﻳﺎﻛﻰ ﻗﯩﻠﻤﺎﺳﻠﯩﻖ ﺋﻪﺭﻛﯩﻨﻠﯩﻜﻰ ﺋﯚﺯ ﺋﯩﺨﺘﯩﻴﺎﺭﯨﺪﺍ ﺑﻮﻟﯩﺪﯗ. ﺩﯙﻟﻪﺕ ﻧﻮﺭﻣﺎﻝ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﻰ ﻗﻮﻏﺪﺍﻳﺪﯗ' ﺩﻩﭖ ﺑﻪﻟﮕﯩﻠﻪﻧﮕﻪﻥ ﺋﯩﺪﻯ. ﺋﻪﻣﻤﺎ ﺑﯘ ﻗﺎﻧﯘﻥ ﺭﯦﺌﺎﻝ ﺋﻪﻣﻪﻟﯩﻴﻪﺗﺘﻪ ﻫﯧﭽﻘﺎﭼﺎﻥ ﺋﯩﺠﺮﺍ ﻗﯩﻠﯩﻨﻤﯩﺪﻯ. 'ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ' ﭘﻪﻗﻪﺕ ﻗﻪﻏﻪﺯ ﻳﯜﺯﯨﺪﯨﻼ ﺑﺎﺭ ﻗﯘﺭﯗﻕ ﺷﻮﺋﺎﺭ، ﺋﻪﻣﻪﻟﯩﻴﻪﺗﺘﻪ ﻫﯧﭽﻘﺎﻧﺪﺍﻕ ﺑﯩﺮ ﭘﯘﻗﺮﺍ ﺋﯘﻧﯩﯖﺪﯨﻦ ﺑﻪﻫﺮﯨﻤﻪﻥ ﺑﻮﻻﻟﻤﯩﺪﻯ،" ﺩﯦﮕﻪﻥ ﺟﯜﻣﻠﯩﻠﻪﺭ ﺑﯩﻠﻪﻥ ﺑﺎﺷﻼﻳﺪﯗ.

 ﺩﯗ ﮔﯘﺍﯓ ﺋﻪﭘﻪﻧﺪﻯ ﻣﺎﻗﺎﻟﯩﺴﯩﺪﻩ ﺧﯩﺘﺎﻳﺪﯨﻜﻰ ﭘﯘﻗﺮﺍﻻﺭﻧﯩﯔ ﻧﻮﺭﻣﺎﻝ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﯩﯔ ﭼﻪﻛﻠﯩﻤﯩﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺋﺎﺳﺎﺳﻠﯩﻘﻰ ﺧﯩﺘﺎﻳﺪﯨﻜﻰ ﺗﻪﺧﻤﯩﻨﻪﻥ ﻳﯜﺯ ﻣﯩﻠﻴﻮﻥ ﺋﻪﺗﺮﺍﭘﯩﺪﯨﻜﻰ ﺧﺮﯨﺴﺘﻴﺎﻥ ﺩﯨﻨﯩﻲ ﻣﯘﺭﯨﺘﻠﯩﺮﯨﻨﯩﯔ ﺋﯜﺯﻟﯜﻛﺴﯩﺰ ﻫﺎﻟﺪﺍ، ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭ ﺗﻪﺭﯨﭙﯩﺪﯨﻦ ﻫﻪﺭ ﺧﯩﻞ ﺑﯧﺴﯩﻢ ﯞﻩ ﭼﻪﻛﻠﯩﻤﯩﻠﻪﺭﮔﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻧﻠﯩﻘﻰ، ﻫﻪﺗﺘﺎ ﺋﯘﻻﺭﻧﯩﯔ ﻧﻮﺭﻣﺎﻝ ﭘﺎﺋﺎﻟﯩﻴﻪﺗﻠﯩﺮﯨﻨﯩﯔ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﻨﯩﭗ، ﺋﯚﺯﻟﯩﺮﯨﻨﯩﯔ ﺗﯜﺭﻟﯜﻙ ﺑﺎﻫﺎﻧﻪ - ﺳﻪﯞﻩﺑﻠﻪﺭ ﺑﯩﻠﻪﻥ ﺟﺎﺯﺍﻟﯩﻨﯩﯟﺍﺗﻘﺎﻧﻠﯩﻘﻰ، ﭘﻪﻗﻪﺕ ﺑﯘ ﻳﯩﻞ 11 - ﺋﺎﻱ ﻛﯩﺮﮔﻪﻧﺪﯨﻦ ﺑﯘﻳﺎﻥ، ﺧﯩﺘﺎﻳﻨﯩﯔ ﺑﯧﻴﺠﯩﯔ، ﺷﺎﯕﺨﻪﻱ ﻗﺎﺗﺎﺭﻟﯩﻖ ﭼﻮﯓ ﺷﻪﻫﻪﺭﻟﯩﺮﯨﺪﻩ 10 ﻣﯩﯖﺪﯨﻦ ﺋﺎﺭﺗﯘﻕ ﺧﺮﯨﺴﺘﻴﺎﻥ ﻣﯘﺭﯨﺘﻠﯩﺮﯨﻨﯩﯔ ﻧﻮﺭﻣﺎﻝ ﭘﺎﺋﺎﻟﯩﻴﻪﺗﻠﯩﺮﻯ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﻨﻐﺎﻧﻠﯩﻘﻰ ﻗﺎﺗﺎﺭﻟﯩﻖ ﯞﻩﻗﻪﻟﻪﺭﻧﻰ ﻣﯩﺴﺎﻝ ﻛﻪﻟﺘﯜﺭﯛﺵ ﺋﺎﺭﻗﯩﻠﯩﻖ، ﺧﯩﺘﺎﻱ ﻗﺎﻧﯘﻧﯩﺪﺍ ﺩﯦﻴﯩﻠﯩﯟﺍﺗﻘﺎﻥ ﺩﯨﻨﯩﻲ ﺋﻪﺭﻛﯩﻨﻠﯩﻜﻨﯩﯔ ﺋﻪﻣﻪﻟﯩﻴﻪﺗﺘﻪ ﺧﯩﺘﺎﻱ ﺩﯙﻟﯩﺘﯩﺪﻩ ﻫﯧﭽﻘﺎﭼﺎﻥ ﺋﯩﺠﺮﺍ ﻗﯩﻠﯩﻨﯩﭗ ﺑﺎﻗﻤﯩﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ.

"ﺑﯧﻴﺠﯩﯔ ﺑﺎﻫﺎﺭﻯ" ﮊﯗﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺧﯘ ﭘﯩﯔ ﺋﻪﭘﻪﻧﺪﻯ ﺧﯩﺘﺎﻱ ﻗﺎﻧﯘﻧﻠﯩﺮﻯ ﻫﻪﻗﻘﯩﺪﯨﻜﻰ ﻗﺎﺭﺍﺷﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻳﺪﺍ ﻗﺎﻧﯘﻧﺪﺍ ﺑﻪﻟﮕﯩﻠﻪﻧﮕﻪﻥ ﻣﺎﺩﺩﯨﻼﺭﻧﯩﯔ ﺋﻪﻣﻪﻟﯩﻴﻪﺗﺘﻪ ﺋﯩﺠﺮﺍ ﻗﯩﻠﯩﻨﯩﺸﯩﺪﯨﻦ ﺋﯜﻣﯩﺪ ﻛﯜﺗﻜﯩﻠﻰ ﺑﻮﻟﻤﺎﻳﺪﯗ. ﺋﻪﮔﻪﺭ ﺧﯩﺘﺎﻱ ﺋﯚﺯ ﻗﺎﻧﯘﻧﯩﺪﺍ ﺑﻪﻟﮕﯩﻠﯩﮕﻪﻥ ﻗﺎﻧﯘﻧﯩﻲ ﻣﺎﺩﺩﯨﻼﺭﻏﺎ ﻫﯚﺭﻣﻪﺕ ﻗﯩﻠﯩﺪﯨﻐﺎﻥ، ﺋﯘﻧﻰ ﺋﻪﻣﻪﻟﯩﻴﯩﺘﯩﺪﻩ ﺋﯩﺠﺮﺍ ﻗﯩﻠﯩﺪﯨﻐﺎﻥ ﻫﯚﻛﯜﻣﻪﺕ ﺑﻮﻟﺴﺎ ﺋﯩﺪﻯ، ﺗﯩﺒﻪﺕ ﯞﻩ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﯩﺪﺍ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻯ ﺑﻪﻟﮕﯩﻠﯩﮕﻪﻥ ﺋﺎﭘﺘﻮﻧﻮﻣﯩﻴﻪ ﻗﺎﻧﯘﻧﻰ ﯞﻩ ﺩﯨﻨﯩﻲ ﻗﺎﻧﯘﻧﻠﯩﺮﯨﻐﺎ ﻫﯚﺭﻣﻪﺕ ﻗﯩﻠﻐﺎﻥ ﻫﻪﻡ ﺋﯘﻧﯩﯔ ﺑﯩﺮ ﻗﯩﺴﻤﯩﻨﻰ ﺑﻮﻟﺴﯩﻤﯘ ﺋﯩﺠﺮﺍ ﻗﯩﻠﻐﺎﻥ ﺑﻮﻻﺗﺘﻰ. ﻟﯧﻜﯩﻦ ﻫﺎﺯﯨﺮ ﺑﯘ ﺭﺍﻳﻮﻧﻼﺭﺩﺍ ﻗﺎﺗﺘﯩﻖ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﻰ ﻳﯜﺭﮔﯜﺯﯛﯞﺍﺗﯩﺪﯗ. ﺑﯘﻧﺪﺍﻕ ﺋﻪﻫﯟﺍﻟﺪﺍ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﯩﯔ ﺋﻪﻣﻪﻟﯩﻴﻪﺗﺘﻪ ﺋﯩﺠﺮﺍ ﻗﯩﻠﯩﻨﯩﺸﻰ ﺗﯧﺨﯩﻤﯘ ﻣﯘﻣﻜﯩﻦ ﺋﻪﻣﻪﺱ."

ﻫﻪﻗﯩﻘﻪﺗﻪﻧﻤﯘ، ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﯞﻩ ﺗﯩﺒﻪﺕ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﺧﯩﺘﺎﻱ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ " ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ " ﻳﻮﻟﻐﺎ ﻗﻮﻳﯘﻟﻤﺎﻳﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﭘﯘﻗﺮﺍﻻﺭﻧﯩﯔ ﺋﻪﯓ ﺋﻪﻗﻪﻟﻠﯩﻲ ﺑﻮﻟﻐﺎﻥ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻤﯘ ﺗﻪﻗﯩﺐ ﺋﺎﺳﺘﯩﻐﺎ ﺋﯧﻠﯩﻨﯩﭗ، ﺑﯘ ﺳﻪﯞﻩﺑﺘﯩﻦ ﻧﯘﺭﻏﯘﻥ ﻛﯩﺸﯩﻠﻪﺭ ﺟﺎﺯﺍﻻﻧﻐﺎﻥ ﺋﯩﺪﻯ. ﺑﯘ ﻳﯩﻞ 6 - ﺋﺎﻱ ﻣﻪﺯﮔﯩﻠﯩﺪﻩ ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﯩﮕﻪ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﺋﯘﭼﯘﺭ ﻳﻪﺗﻜﯜﺯﮔﻪﻥ ﺑﯩﺮ ﺋﻮﻗﯘﺗﻘﯘﭼﻰ ﺋﯚﺯﯨﻨﯩﯔ ﭘﻪﻗﻪﺕ ﺟﯜﻣﻪ ﻧﺎﻣﯩﺰﯨﻐﺎ ﺑﺎﺭﻏﺎﻧﻠﯩﻘﻰ ﺋﯜﭼﯜﻧﻼ ﺩﻩﺭﺱ ﺋﯚﺗﯜﺷﺘﯩﻦ ﺗﻮﺧﺘﯩﺘﯩﻠﻐﺎﻧﻠﯩﻘﯩﻨﻰ ﺩﯦﮕﻪﻥ ﺋﯩﺪﻯ.

ﺋﯩﺴﺘﺎﻧﺴﯩﻤﯩﺰ ﺋﯘﻳﻐﯘﺭ ﺑﯚﻟﯜﻣﯩﮕﻪ 5 - ﺋﺎﻱ ﻣﻪﺯﮔﯩﻠﯩﺪﻩ ﺋﯘﭼﯘﺭ ﻳﻪﺗﻜﯜﺯﮔﻪﻥ ﻳﻪﻧﻪ ﺑﯩﺮﻩﻳﻠﻪﻥ، ﻣﻪﻫﻪﻟﻠﯩﺴﯩﺪﯨﻜﻰ ﻣﻪﻟﯘﻡ ﺑﯩﺮ ﻣﻪﻛﺘﻪﭖ ﻣﯘﺩﯨﺮﯨﻨﯩﯔ، ﻫﯚﻛﯜﻣﻪﺗﻨﯩﯔ ﺷﯘ ﺋﻪﺗﺮﺍﭘﺘﯩﻜﻰ ﻣﻪﺳﭽﯩﺘﻜﻪ ﺟﯜﻣﻪ ﻧﺎﻣﯩﺰﯨﻐﺎ ﻛﯩﺮﮔﻪﻥ ﻫﯚﻛﯜﻣﻪﺕ ﻛﺎﺩﯨﺮﻟﯩﺮﯨﻨﻰ ﺗﯩﺰﯨﻤﻼﺵ ﺑﯘﻳﺮﯗﻗﯩﻨﻰ ﺋﯩﺠﺮﺍ ﻗﯩﻠﯩﺸﻨﻰ ﺭﻩﺕ ﻗﯩﻠﻐﺎﻧﻠﯩﻘﻰ ﺋﯜﭼﯜﻥ، ﻣﻪﻛﺘﻪﭖ ﻣﯘﺩﯨﺮﻟﯩﻖ ﯞﻩﺯﯨﭙﯩﺴﯩﺪﯨﻦ ﻗﺎﻟﺪﯗﺭﯗﻟﻐﺎﻧﻠﯩﻘﯩﻨﻰ، ﺑﯘ ﻣﯘﺩﯨﺮﻧﯩﯔ ﺋﻮﻗﯘﺗﻘﯘﭼﯩﻠﯩﻘﺘﯩﻨﻤﯘ ﺋﯩﺴﺘﯩﭙﺎ ﺑﻪﺭﮔﻪﻧﻠﯩﻜﯩﻨﻰ ﺧﻪﯞﻩﺭ ﻗﯩﻠﻐﺎﻥ ﺋﯩﺪﻯ.

 ﺋﯘﻳﻐﯘﺭ ﺋﯧﻠﯩﺪﯨﻦ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺑﯩﺮ ﺋﯘﻳﻐﯘﺭ، ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﺎﻧﯘﻧﯩﺪﺍ ﺑﻪﻟﮕﯩﻠﻪﻧﮕﻪﻥ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ ﻫﻪﻗﻘﯩﺪﻩ ﺋﯚﺯ ﻣﻪﻫﻪﻟﻠﯩﺴﯩﺪﯨﻜﻰ ﺋﻪﻫﯟﺍﻟﻼﺭﻧﻰ ﺑﺎﻳﺎﻥ ﻗﯩﻠﻐﺎﻥ ﺋﯩﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺋﯩﭽﻜﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺋﯧﻠﺸﺎﺕ ﺋﻪﭘﻪﻧﺪﻯ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺷﯟﯨﻖ ﻗﯩﻠﯩﯟﺍﺗﻘﺎﻥ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﯩﯔ ﭘﻪﻗﻪﺕ ﻗﻪﻏﻪﺯ ﻳﯜﺯﯨﺪﯨﻜﻰ ﻗﺎﻧﯘﻥ ﺋﯩﻜﻪﻧﻠﯩﻜﯩﻨﻰ، ﺋﯘﻧﯩﯔ ﻫﯧﭽﻘﺎﭼﺎﻥ ﺋﯩﺠﺮﺍ ﻗﯩﻠﯩﻨﻤﺎﻳﺪﯨﻐﺎﻧﻠﯩﻘﯩﻨﻰ، ﺑﯘﻧﯩﯔ ﺑﯩﺮ ﺋﺎﻟﺪﺍﻣﭽﯩﻠﯩﻖ ﺋﯩﻜﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﺪﻯ.

ﺧﯩﺘﺎﻳﺪﯨﻜﻰ ﭘﯘﻗﺮﺍﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺩﯨﻨﯩﻲ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﯩﻨﯩﯔ ﺧﯩﺘﺎﻳﺪﺍ ﺩﺍﯞﺍﻣﻠﯩﻖ ﺗﯜﺭﻟﯜﻙ ﭼﻪﻛﻠﯩﻤﯩﻠﻪﺭﮔﻪ ﺋﯘﭼﺮﺍﭖ، ﺩﯨﻨﻐﺎ ﺋﯧﺘﯩﻘﺎﺩ ﻗﯩﻠﻐﯘﭼﯩﻼﺭﻧﯩﯔ ﻫﻪﺭ ﺧﯩﻞ ﺑﺎﻫﺎﻧﯩﻠﻪﺭ ﺑﯩﻠﻪﻥ ﺗﯘﺗﻘﯘﻥ ﻗﯩﻠﯩﻨﯩﯟﺍﺗﻘﺎﻧﻠﯩﻘﻰ ﺳﻪﯞﻩﺑﯩﺪﯨﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﯜﺯﻟﯜﻛﺴﯩﺰ ﻫﺎﻟﺪﺍ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﻯ ﻫﻪﻡ ﺩﯨﻨﯩﻲ ﺋﻪﺭﻛﯩﻨﻠﯩﻚ ﺗﻪﺷﻜﯩﻼﺗﻠﯩﺮﯨﻨﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻥ ﺋﯩﺪﻯ.

پىكىر - قاراشلىرىڭىزنى ئوتتۇرىغا قويۇڭ

پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر يېزىقىدا يېزىپ يوللاڭ. پىكىر - بايانلىرىڭىز، ئەركىن ئاسىيا رادىئوسى تور بەت ئىشلىتىش بەلگىلىمىلىرى بويىچە تور باشقۇرغۇچىسى تەرىپىدىن تەستىقلانغاندىن كېيىن ئېلان قىلىنىدۇ. ئوقۇرمەنلەرنىڭ تورغا يوللىغان پىكىر - بايانلىرى ئۆزىگە خاس بولۇپ، ئەركىن ئاسىيا رادىئوسىغا ۋەكىللىك قىلالمايدۇ.

ئىسىم (ئىختىيار)

شەھەر (ئىختىيار)

دەلىل كودى (ﺗﻪﻟﻪﭖ ﻗﯩﻠﯩﻨﯩﺪﯗ)


سۈرەتتە كۆرۈلگەن ھەرپ ياكى سانلارنى بۇ يەرگە تولدۇرۇڭ.

Text (Required):

پىكىر - قاراشلىرىڭىز (ﺗﻪﻟﻪﭖ ﻗﯩﻠﯩﻨﯩﺪﯗ)