ﺧﯩﺘﺎﻱ ﭼﺎﺭﺷﻪﻧﺒﻪ ﻛﯜﻧﻰ ﺑﯘ ﻣﻪﺳﯩﻠﯩﺪﻩ ﻳﻪﻧﻪ ﺋﻪﻳﯩﺒﻠﻪﻧﺪﻯ. ﺑﯘ ﻗﯧﺘﯩﻢ ﺧﯩﺘﺎﻱ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻗﻪﺷﻘﻪﺭﺩﻩ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﺪﻩ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﻫﻪﺭﯨﻜﻪﺕ ﺋﻪﺭﻛﯩﻨﻠﯩﻜﯩﻨﻰ ﭼﻪﻛﻠﻪﺵ ﺑﯩﻠﻪﻥ ﺋﻪﻳﯩﺒﻠﻪﻧﻤﻪﻛﺘﻪ.

ﭼﺎﺭﺷﻪﻧﺒﻪ ﻛﯜﻧﻰ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻗﻪﺷﻘﻪﺭﺩﻩ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﺪﻩ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﯩﯔ ﻧﺎﻫﺎﻳﯩﺘﻰ ﻗﺎﺗﺘﯩﻘﻠﯩﻘﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ. ﻟﯧﻜﯩﻦ ﺑﯘ ﻣﯘﺧﺒﯩﺮﻻﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﻘﺎﻥ ﺑﯩﺮﺩﯨﻦ - ﺑﯩﺮ ﻣﻪﺳﯩﻠﻪ ﺋﻪﻣﻪﺱ ﺋﯩﺪﻯ. ﺧﻪﻟﻘﺌﺎﺭﺍ ﻣﻪﺗﺒﯘﺋﺎﺗﻼﺭ ﺑﯩﺨﻪﺗﻪﺭﻟﯩﻜﻨﻰ ﻗﻮﻏﺪﺍﺵ ﻧﺎﻣﯩﺪﯨﻜﻰ ﺑﯘ ﺗﻪﺩﺑﯩﺮﻟﻪﺭﻧﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﺋﯚﺗﯩﺪﯨﻐﺎﻥ ﻛﻮﭼﯩﻼﺭﻧﯩﯔ ﻗﺎﺗﻨﯩﺸﯩﻨﻰ ﺗﻮﺧﺘﯩﺘﯩﺶ، ﺩﯗﻛﺎﻧﻼﺭﻧﻰ ﺗﺎﻗﺎﺵ، ﺋﺎﯞﺍﻡ ﭘﯘﻗﺮﺍﻻﺭﻧﻰ ﺗﺎﻻﻏﺎ ﭼﯩﻘﻤﺎﻱ ﺋﯚﻳﯩﺪﻩ ﺋﻮﻟﺘﯘﺭﯗﺵ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﺵ ﺑﯩﻠﻪﻥ ﭼﻪﻛﻠﻪﻧﻤﻪﻳﺪﯨﻐﺎﻧﻠﯩﻘﻰ، ﺑﯘ ﭼﻪﻛﻠﯩﻤﯩﻠﻪﺭ ﻳﻪﻧﻪ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺋﻪﺭﻛﯩﻦ ﻫﻪﺭﯨﻜﻪﺕ ﻗﯩﻠﯩﺸﯩﻨﻰ ﭼﻪﻛﻠﻪﺷﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ.

" ﺋﯘﻻﺭ ﻣﯘﺧﺒﯩﺮﻻﺭﻧﯩﯔ ﻛﻮﭼﯩﺪﯨﻜﻰ ﭘﯘﻗﺮﺍﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ "

ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ، ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﻗﻪﺷﻘﻪﺭﺩﯨﻜﻰ ﭘﺎﺋﺎﻟﯩﻴﻪﺗﻨﻰ ﻛﯚﺯﯨﺘﯩﺸﻜﻪ ﺑﺎﺭﻏﺎﻥ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﻳﺎﻟﻐﯘﺯ ﻫﻪﺭﯨﻜﻪﺕ ﻗﯩﻠﯩﺶ، ﭘﯘﻗﺮﺍﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺶ، ﺋﯘﻻﺭﻧﻰ ﺯﯨﻴﺎﺭﻩﺕ ﻗﯩﻠﯩﺸﯩﻨﻰ ﭼﻪﻛﻠﯩﮕﻪﻥ.

ﺭﻭﻳﺘﯧﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﻰ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، ﺧﯩﺘﺎﻳﺪﯨﻜﻰ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺧﻪﻟﻘﺌﺎﺭﺍﺩﺍ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﺪﯨﻜﻰ ﻛﯚﯕﯜﻟﺴﯩﺰﻟﯩﻜﻠﻪﺭ ﺗﯜﭘﻪﻳﻠﻰ ﭼﻪﺗﺌﻪﻟﻠﯩﻜﻠﻪﺭﻧﯩﯔ ﻣﻪﻣﻠﯩﻜﻪﺕ ﺋﯩﭽﯩﺪﯨﻜﻰ ﭘﺎﺋﺎﻟﯩﻴﻪﺗﻜﻪ ﻗﺎﺗﻨﯩﺸﯩﺸﯩﻨﻰ ﻣﻪﻣﻨﯘﻧﯩﻴﻪﺕ ﺑﯩﻠﻪﻥ ﻗﺎﺭﺷﻰ ﺋﺎﻟﻐﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﻣﻪﻣﻨﯘﻧﯩﻴﻪﺗﻨﻰ ﺋﯘﻳﻐﯘﺭ ﺋﯧﻠﯩﺪﻩ ﻛﯚﺭﯛﺷﻜﻪ ﻧﯧﺴﯩﭗ ﺑﻮﻟﻤﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ. ﻳﻪﺭﻟﯩﻚ ﺩﺍﺋﯩﺮﯨﻠﻪﺭ ﺋﻪﺳﻠﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻗﻪﺷﻘﻪﺭﺩﻩ ﻳﻪﺗﻜﯜﺯﯛﻟﮕﻪﻧﺪﻩ ﺋﯘﻻﺭﻧﯩﯔ ﭘﯘﻗﺮﺍﻻﺭ ﺑﯩﻠﻪﻥ ﺳﯚﺯﻟﯩﺸﯩﺸﯩﮕﻪ ﻳﻮﻝ ﻗﻮﻳﯩﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﯞﻩﺩﻩ ﺑﻪﺭﮔﻪﻥ.

ﻟﯧﻜﯩﻦ ﺩﺍﺋﯩﺮﯨﻠﻪﺭ ﺳﻪﻳﺸﻪﻧﺒﻪ ﻛﯜﻧﻰ ﻳﻪﻧﻰ ﻣﻪﺷﺌﻪﻟﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﻰ ﺑﺎﺷﻠﯩﻨﯩﺸﻨﯩﯔ ﻫﺎﺭﭘﺎ ﻛﯜﻧﻰ ﻣﯘﺧﺒﯩﺮﻻﺭﻧﯩﯔ ﻛﻮﭼﯩﺪﯨﻜﻰ ﭘﯘﻗﺮﺍﻻﺭ ﺑﯩﻠﻪﻥ ﭘﺎﺭﺍﯕﻠﯩﺸﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﺋﯘﻻﺭﻧﯩﯔ ﻫﻪﺭﯨﻜﯩﺘﻰ ﭘﺎﺋﺎﻟﯩﻴﻪﺗﻨﯩﯔ ﺋﯧﭽﯩﻠﯩﺶ ﯞﻩ ﻳﯧﭙﯩﻠﯩﺶ ﻣﯘﺭﺍﺳﯩﻤﯩﻐﺎ ﻗﺎﺗﻨﯩﺸﯩﺶ ﺑﯩﻠﻪﻥ ﭼﻪﻛﻠﯩﻨﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺧﯩﺘﺎﻱ ﻫﯚﻛﯜﻣﯩﺘﻰ 2008 ‏ - ﻳﯩﻠﻰ 1 ‏ - ﺋﺎﻳﻨﯩﯔ 1 - ﻛﯜﻧﻰ ﻳﻮﻟﻐﺎ ﻗﻮﻳﻐﺎﻥ "ﺟﯘﯕﮕﻮﺩﯨﻜﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺋﺎﺧﺒﺎﺭﺍﺕ ﭘﺎﺋﺎﻟﯩﻴﯩﺘﻰ ﻗﺎﺋﯩﺪﯨﺴﻰ"ﺩﻩ ﻣﯘﺧﺒﯩﺮﻻﺭﻧﯩﯔ ﺧﺎﻟﯩﻐﺎﻥ ﻛﯩﺸﯩﻨﻰ، ﺧﺎﻟﯩﻐﺎﻥ ﻳﻪﺭﺩﻩ ﺯﯨﻴﺎﺭﻩﺕ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﺑﻪﻟﮕﯩﻠﯩﮕﻪﻥ ﺋﯩﺪﻯ.

" ﺋﯘﻻﺭ ﺑﯘ ﻣﯘﺳﺎﺑﯩﻘﯩﺪﻩ ﻫﻪﺭ ﻗﺎﻧﺪﺍﻕ ﺑﻪﻟﮕﯩﻠﯩﻤﯩﮕﻪ ﺧﯩﻼﭖ ﺋﯩﺸﻼﺭﻧﻰ ﺑﺎﺳﺘﯘﺭﯗﺷﻘﺎ ﺗﻪﻳﻴﺎﺭ ﺗﯘﺭﯗﯞﺍﺗﯩﺪﯗ "

ﻣﻪﺭﻛﯩﺰﻯ ﻧﻴﯘ ﻳﻮﺭﻛﺘﯩﻜﻰ ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﻰ ﺷﯘ ﻛﯜﻧﻰ ﻗﻪﺷﻘﻪﺭﺩﯨﻜﻰ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﺪﻩ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﭼﻪﻛﻠﯩﻤﯩﮕﻪ ﺋﯘﭼﺮﯨﻐﺎﻧﻠﯩﻘﯩﻨﻰ ﺗﻪﻧﻘﯩﺪﻟﯩﺪﻯ. ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﯩﻨﯩﯔ ﺋﺎﺳﯩﻴﺎ ﺋﯩﺸﻠﯩﺮﻯ ﻛﻮﺭﺩﯨﻨﺎﺗﻮﺭﻯ ﺑﺎﺏ ﺩﯦﺘﺲ ﻣﯘﺧﺒﯩﺮﯨﻤﯩﺰﻏﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ " ﺑﯘ ﯞﻩﻗﻪ ﺑﯩﺰﻧﻰ ﺋﻪﭘﺴﯘﺳﻼﻧﺪﯗﺭﺩﻯ. ﺑﯘ ﺧﯩﺘﺎﻳﻨﯩﯔ 2001 ‏ - ﻳﯩﻠﻰ ﺋﻮﻟﯩﻤﭙﯩﻚ ﺳﺎﻫﯩﺒﺨﺎﻧﻠﯩﻘﯩﻨﻰ ﺗﺎﻻﺷﻘﺎﻧﺪﺍ ﺑﻪﺭﮔﻪﻥ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﻰ ﺗﻮﻏﺮﯨﺴﯩﺪﯨﻜﻰ ﯞﻩﺩﯨﺴﯩﮕﻪ ﻗﺎﻧﭽﯩﻠﯩﻚ ﺭﯨﺌﺎﻳﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﺳﯩﺘﯩﺪﯗ " ﺩﻩﭖ ﻛﯚﺭﺳﻪﺗﺘﻰ.

ﺋﻮﻟﯩﻤﭙﯩﻚ ﻣﯘﺳﺎﺑﯩﻘﯩﺴﯩﻐﺎ 6 - 7 ﻫﻪﭘﺘﯩﻠﯩﻚ ﯞﺍﻗﯩﺖ ﻗﺎﻟﻐﺎﻥ ﺑﯜﮔﯜﻧﻜﻰ ﻛﯜﻧﺪﻩ ﺋﻮﻟﯩﻤﭙﯩﻚ ﻣﻪﺷﺌﯩﻠﻰ ﻳﻪﺗﻜﯜﺯﯨﻠﯩﺪﯨﻐﺎﻥ ﺟﺎﻳﻼﺭﻏﺎ ﻛﯩﺮﯨﺶ ﭼﻪﻛﻠﯩﻨﯩﯟﺍﺗﻘﺎﻧﻠﯩﻘﯩﻨﻰ ﺋﻪﻳﯩﺒﻠﯩﮕﻪﻥ ﺑﺎﺏ ﺩﯨﺘﺲ، "ﺧﯩﺘﺎﻱ ﯞﻩ ﺧﻪﻟﻘﺌﺎﺭﺍ ﺋﻮﻟﯩﻤﭙﯩﻚ ﻛﻮﻣﯩﺘﯧﺘﯩﻨﯩﯔ 2001 ‏ - ﻳﯩﻠﻰ ﺑﯧﺮﯨﻠﮕﻪﻥ ﯞﻩﺩﯨﻠﻪﺭﻧﻰ ﺋﻪﻣﻪﻟﮕﻪ ﺋﺎﺷﯘﺭﺍﻟﻤﺎﺳﻠﯩﻘﻰ ﻣﯧﻨﻰ ﺋﻪﻧﺪﯨﺸﯩﮕﻪ ﺳﯧﻠﯩﯟﺍﺗﯩﺪﯗ " ﺩﻩﻳﺪﯗ.

ﺭﻭﻳﺘﯧﺮﺱ ﺋﺎﺧﺒﺎﺭﺍﺕ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ، ﺑﯩﺮ ﺋﻪﻣﻪﻟﺪﺍﺭﻧﯩﯔ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﻗﻪﺷﻘﻪﺭﺩﻩ ﺋﻪﺭﻛﯩﻦ ﻫﻪﺭﯨﻜﻪﺕ ﻗﯩﻠﯩﺶ ﭼﻪﻛﻠﯩﻤﯩﺴﻰ ﻗﻮﻳﯘﻟﻐﺎﻧﻠﯩﻘﯩﻨﻰ ﺋﺎﻗﻼﭖ، " ﺑﯘ ﺳﯩﻠﻪﺭﻧﯩﯔ ﺧﯩﺰﻣﯩﺘﯩﯖﻼﺭﻏﺎ ﻗﻮﻻﻳﻠﯩﻖ ﻳﺎﺭﯨﺘﯩﺶ" ﺩﯦﮕﻪﻧﻠﯩﻜﯩﻨﻰ، ﺳﺎﻗﭽﻰ ﯞﻩ ﺋﻪﻣﻪﻟﺪﺍﺭﻻﺭﻧﯩﯔ ﻣﯘﺧﺒﯩﺮﻻﺭﻧﻰ ﻧﺎﺯﺍﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ. ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﯩﺪﯨﻜﻰ ﺑﺎﺏ ﺩﯨﺘﺲ، ﺧﯩﺘﺎﻳﺪﺍ ﺋﺎﺧﺒﺎﺭﺍﺕ ﺋﻪﺭﻛﯩﻨﻠﯩﻜﻰ ﻳﺎﺧﺸﯩﻠﯩﻨﯩﺶ ﺋﻪﻣﻪﺱ، ﺑﯘﺭﯗﻧﻘﯩﻐﺎ ﻗﺎﺭﯨﻐﺎﻧﺪﺍ ﺋﺎﺭﻗﯩﻐﺎ ﭼﯧﻜﯩﻨﯩﺶ ﺋﻪﻫﯟﺍﻟﻰ ﺑﺎﺭﻟﯩﻘﯩﻨﻰ ﺋﻪﺳﻜﻪﺭﺗﺘﻰ. ﺋﯘ ﻣﯘﻧﺪﺍﻕ ﺩﻩﻳﺪﯗ،" ﺑﯩﺰ ﺧﯩﺘﺎﻳﻨﯩﯔ ﺋﻪﺭﻛﯩﻦ ﻣﻪﺗﺒﯘﺋﺎﺗﻨﻰ ﺑﯘﺭﯗﻧﻘﯩﻐﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﻗﺎﺗﺘﯩﻖ ﻛﻮﻧﺘﺮﻭﻝ ﻗﯩﻠﯩﺸﻘﺎ ﺗﯩﺮﯨﺸﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﯞﺍﺗﯩﻤﯩﺰ. ﻫﯚﻛﯜﻣﻪﺕ ﺑﯘ ﻗﯧﺘﯩﻤﻘﻰ ﻣﯘﺳﺎﺑﯩﻘﯩﻨﻰ ﻫﯧﭽﻘﺎﻧﺪﺍﻕ ﯞﻩﻗﻪ ﺳﺎﺩﯨﺮ ﻗﯩﻠﻤﺎﻱ ﺋﯚﺗﻜﯜﺯﯛﺷﻜﻪ ﺑﻪﻝ ﺑﺎﻏﻠﯩﻤﺎﻗﺘﺎ. ﺋﯘﻻﺭ ﺑﯘ ﻣﯘﺳﺎﺑﯩﻘﯩﺪﻩ ﺋﯚﺯﻟﯩﺮﻯ ﭼﯩﻘﺎﺭﻏﺎﻥ ﻫﻪﺭ ﻗﺎﻧﺪﺍﻕ ﺑﻪﻟﮕﯩﻠﯩﻤﯩﮕﻪ ﺧﯩﻼﭖ ﺋﯩﺸﻼﺭﻧﻰ ﺑﺎﺳﺘﯘﺭﯗﺷﻘﺎ ﺗﻪﻳﻴﺎﺭ ﺗﯘﺭﯗﯞﺍﺗﯩﺪﯗ ".

" ﺑﯘ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺭﺍﻳﻮﻧﺪﯨﻜﻰ ﺧﺎﺗﯩﺮﺟﻪﻣﺴﯩﺰﻟﯩﻜﯩﻨﻰ ﻧﺎﻣﺎﻳﻪﻥ ﻗﯩﻠﯩﺪﯗ "

ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﻩ ﺭﺍﻳﻮﻧﺪﯨﻜﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻧﯩﯔ ﺳﯘﺋﺎﻟﻠﯩﺮﯨﻐﺎ ﺟﺎﯞﺍﺏ ﺑﯧﺮﯨﺸﻨﻰ ﺭﻩﺕ ﻗﯩﻠﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﺧﻪﯞﻩﺭﻟﻪﺭﮔﻪ ﻗﺎﺭﯨﻐﺎﻧﺪﺍ ﺋﯘﻳﻐﯘﺭ ﺋﺎﭘﺘﻮﻧﻮﻡ ﺭﺍﻳﻮﻧﻰ ﻫﯚﻛﯜﻣﯩﺘﻰ ﭼﻪﺗﺌﻪﻟﻠﯩﻚ ﻣﯘﺧﺒﯩﺮﻻﺭﻏﺎ ﺑﯩﺮ ﻗﻮﻟﻼﻧﻤﺎ ﺗﺎﺭﻗﺎﺗﻘﺎﻥ ﺑﻮﻟﯘﭖ، ﻗﻮﻟﻼﻧﻤﯩﺪﺍ ﻣﯘﺧﺒﯩﺮﻻﺭﻧﻰ"ﺗﺎﺳﺎﺩﯨﭙﻰ ﯞﻩﻗﻪﻟﻪﺭ" ﻳﯜﺯ ﺑﻪﺭﺳﻪ ﺧﻪﯞﻩﺭ ﻗﯩﻠﯩﺸﻘﺎ ﺑﻮﻟﻤﺎﻳﺪﯨﻐﺎﻧﻠﯩﻘﻰ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﯗﭖ، ﺧﻪﯞﻩﺭ ﻗﯩﻠﻐﯘﭼﯩﻼﺭﻧﯩﯔ ﺟﺎﺯﺍﻟﯩﻨﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

ﺧﻪﻟﻘﺌﺎﺭﺍ ﻛﯚﺯﻩﺗﻜﯜﭼﯩﻠﻪﺭ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﻳﻪﺗﻜﯜﺯﯛﺵ ﭘﺎﺋﺎﻟﯩﻴﯩﺘﯩﺪﻩ ﭘﻪﯞﻗﯘﻟﺌﺎﺩﺩﻩ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﻳﻮﻟﻐﺎ ﻗﻮﻳﻐﺎﻧﻠﯩﻘﻰ ﺑﯧﻴﺠﯩﯔ ﻫﯚﻛﯜﻣﯩﺘﯩﻨﯩﯔ ﺭﺍﻳﻮﻧﺪﯨﻜﻰ ﺧﺎﺗﯩﺮﺟﻪﻣﺴﯩﺰﻟﯩﻜﯩﻨﻰ ﻧﺎﻣﺎﻳﻪﻥ ﻗﯩﻠﯩﺪﯗ، ﺩﻩﭖ ﺋﺎﻧﺎﻟﯩﺰ ﻗﯩﻠﯩﺸﻤﺎﻗﺘﺎ. ﻛﯩﺸﯩﻠﯩﻚ ﻫﻮﻗﯘﻗﻨﻰ ﻛﯚﺯﯨﺘﯩﺶ ﺗﻪﺷﻜﯩﻼﺗﯩﻨﯩﯔ ﺧﻮﯕﻜﻮﯕﺪﯨﻜﻰ ﻣﯘﺗﻪﺧﻪﺳﺴﯩﺲ ﻧﯩﻜﻮﻻﺱ ﺑﯧﻜﻴﯘﻟﯩﻦ ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻐﺎ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ " ﺑﯩﺨﻪﺗﻪﺭﻟﯩﻚ ﺟﻪﻫﻪﺗﺘﯩﻜﻰ ﺗﻪﺩﺑﯩﺮﻟﻪﺭﻧﯩﯔ ﭘﻪﯞﻗﯘﻟﺌﺎﺩﺩﻩ ﭼﯩﯖﻠﯩﻘﻰ ﺑﯩﺰﮔﻪ ﺑﯧﻴﺠﯩﯖﻨﯩﯔ ﻳﻪﺭﻟﯩﻚ ﺧﻪﻟﻘﻨﯩﯔ ﻧﻪﺯﯨﺮﯨﺪﯨﻜﻰ ﻗﺎﻧﯘﻧﻰ ﺳﺎﻻﻫﯩﻴﯩﺘﯩﺪﯨﻦ ﺧﺎﺗﯩﺮﺟﻪﻡ ﺋﻪﻣﻪﺳﻠﯩﻜﯩﻨﻰ ﻛﯚﺭﺳﻪﺗﻤﻪﻛﺘﻪ " ﺩﻩﻳﺪﯗ. ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﺑﯩﺮ ﭘﯘﻗﺮﺍﺳﻰ ﺑﯘ ﻫﻪﻗﺘﯩﻜﻰ ﺳﯘﺋﺎﻟﻠﯩﺮﯨﻤﯩﺰﻏﺎ ﻧﺎﻫﺎﻳﯩﺘﻰ ﺋﯧﻬﺘﯩﻴﺎﺕ ﺑﯩﻠﻪﻥ ﺟﺎﯞﺍﺏ ﺑﻪﺭﺩﻯ.

ﻣﯘﺧﺒﯩﺮﻻﺭﻧﻰ ﻗﻮﻏﺪﺍﺵ ﻛﻮﻣﯩﺘﯧﺘﯩﺪﯨﻜﻰ ﺑﺎﺏ ﺩﯦﻴﺘﺲ، ﺧﯩﺘﺎﻱ 2001 ‏ - ﻳﯩﻠﻰ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﯩﻨﻰ ﻗﻮﻳﯘﯞﯦﺘﯩﺶ ﯞﻩﺩﯨﺴﻰ ﺑﻪﺭﮔﻪﻥ ﻳﯩﻠﻼﺭﺩﺍ ﺧﯩﺘﺎﻳﻐﺎ ﺟﺎﯓ ﺯﯦﻤﯩﻦ ﻳﯧﺘﻪﻛﭽﯩﻠﯩﻚ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ، ﻛﯩﺸﯩﻠﻪﺭ ﺧﯘ ﺟﯩﻨﺘﺎﯞ ﺭﻩﻫﺒﻪﺭﻟﯩﻚ ﻗﯩﻠﺴﺎ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﺸﯩﺪﯗ، ﺩﻩﭖ ﺋﻮﻳﻠﯩﻐﺎﻧﻠﯩﻘﯩﻨﻰ، ﻟﯧﻜﯩﻦ ﺧﯘ ﺟﯩﻨﺘﺎﯞ ﺩﻩﯞﺭﯨﺪﻩ ﻣﻪﺗﺒﯘﺋﺎﺕ ﺋﻪﺭﻛﯩﻨﻠﯩﻜﯩﻨﯩﯔ ﺋﺎﺭﻗﯩﻐﺎ ﭼﯧﻜﯩﻨﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.