ﺭﯗﺳﯩﻴﻪ ﺑﺎﺵ ﻣﯩﻨﯩﺴﺘﯩﺮﻯ ﭘﯘﺗﯩﻦ 12‏ - ﺋﯚﻛﺘﻪﺑﯩﺮ ﻛﯜﻧﻰ ﻛﻪﭼﺘﻪ ﺑﯧﻴﺠﯩﯖﻐﺎ ﺋﯜﭺ ﻛﯜﻧﻠﯜﻙ ﺯﯨﻴﺎﺭﻩﺗﻜﻪ ﻛﻪﻟﮕﻪﻧﺪﻩ، ﺧﯩﺘﺎﻱ ﺑﺎﺵ ﻣﯩﻨﺴﯩﺘﯩﺮﻯ ﯞﯦﻦ ﺟﻴﺎﺑﺎﯞ ﺋﯘﻧﻰ ﻗﯩﺰﯨﻞ ﭘﺎﻳﺎﻧﺪﺍﺯ ﺳﯧﻠﯩﭗ ﻗﺎﺭﺷﻰ ﺋﺎﻟﺪﻯ. ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﻫﺎﺯﯨﺮ ﺧﻪﻟﻘﺌﺎﺭﺍﻏﺎ ﻫﻪﺭ ﺧﯩﻞ ﺗﯧﻤﯩﺪﺍ ﺧﻪﯞﻩﺭ ﺋﯧﻼﻥ ﻗﯩﻠﯩﭗ، ﺧﯩﺘﺎﻱ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﻰ ﻫﻪﺩﻩﭖ ﻣﺎﺧﺘﺎﺷﻘﺎ ﺑﺎﺷﻠﯩﺪﻯ.

ﯞﯦﻦ ﺟﻴﺎﺑﺎﯞ : ﺧﯩﺘﺎﻱ - ﺭﯗﺳﯩﻴﻪ ﻫﻪﻣﻜﺎﺭﻟﯩﻘﯩﺪﺍ ﻳﯧﯖﯩﭽﻪ ﻣﯘﻧﺎﺳﯩﯟﻩﺕ ﺑﺎﺷﻼﻧﺪﻯ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺑﺎﺵ ﻣﯩﻨﯩﺴﺘﯩﺮﻯ ﯞﯦﻦ ﺟﻴﺎﺑﺎﯞ ﻗﺎﺭﺷﻰ ﺋﯧﻠﯩﺶ ﻧﯘﺗﻘﯩﺪﺍ 'ﺧﯩﺘﺎﻱ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﻰ 60 ﻳﯩﻠﺪﯨﻦ ﻛﯧﻴﯩﻦ ﭘﯩﺸﯩﭗ ﻳﯧﺘﯩﻠﺪﻯ، ﺑﻮﻟﯘﭘﻤﯘ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﻫﻪﻣﻜﺎﺭﻟﯩﻖ ﻣﯘﻧﺎﺳﯩﯟﻩﺕ ﺋﻮﺭﻧﯩﺘﯩﻠﻐﺎﻥ 13 ﻳﯩﻠﺪﯨﻦ ﺑﯘﻳﺎﻥ ﺗﯧﺨﯩﻤﯘ ﺗﻪﺭﻩﻗﻘﻰ ﻗﯩﻠﺪﻯ. ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﻰ ﺑﯩﺨﻪﺗﻪﺭﻟﯩﻚ ﻛﻮﻣﯩﺘﯧﺘﯩﺪﺍ ﺩﺍﯞﺍﻣﻼﺷﺘﯘﺭﯗﭖ ﻛﯧﻠﯩﯟﺍﺗﻘﺎﻥ ﺋﻮﺭﺗﺎﻕ ﻣﻪﻧﭙﻪﺋﻪﺕ ﺋﺎﺳﺎﺳﯩﯩﺪﯨﻜﻰ ﻫﻪﻣﻜﺎﺭﻟﯩﻘﻰ، ﺑﯘ ﻗﯧﺘﯩﻢ ﻳﯧﯖﻰ ﻛﯧﻠﯩﺸﯩﻤﻠﻪﺭ ﺗﯜﺯﯛﺵ ﺋﺎﺭﻗﯩﻠﯩﻖ ﺗﯧﺨﯩﻤﯘ ﭼﻮﯕﻘﯘﺭﻟﯩﺸﯩﺪﯗ. ﻫﺎﺯﯨﺮ ﺑﯩﺰ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﻳﯧﯖﯩﭽﻪ ﻫﻪﻣﻜﺎﺭﻟﯩﻖ ﺑﺎﺷﻼﻧﺪﻯ ' ﺩﯦﮕﻪﻥ.

ﭘﯘﺗﯩﻦ: ﻫﺎﺯﯨﺮﻗﻰ ﺭﯗﺳﻴﻪ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﺩﯗﻧﻴﺎﻧﯩﯔ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺷﻨﯩﯔ ﺋﺎﺳﺎﺳﻰ

ﺭﯗﺳﻴﻪ ﺑﺎﺵ ﻣﯩﻨﯩﺴﺘﯩﺮﻯ ﯞﯨﻼﺩﯦﻤﯩﺮ ﭘﯘﺗﯩﻦ 'ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﭼﯧﮕﺮﺍ ﻣﻪﺳﯩﻠﯩﺴﻰ ﺋﯜﺯﯛﻝ - ﻛﯧﺴﯩﻞ ﻫﻪﻝ ﻗﯩﻠﯩﻨﯩﭗ ﺑﻮﻟﺪﻯ، ﺳﻮﺩﺍ ﺳﺎﻫﻪﺳﯩﺪﯨﻜﻰ ﻫﻪﻣﻜﺎﺭﻟﯩﻖ ﻛﯜﻧﺴﯧﺮﻯ ﻛﯧﯖﯩﻴﯩﯟﺍﺗﯩﺪﯗ، ﺋﻪﻣﺪﻯ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﯩﻠﻪﺭﺩﻩ ﺋﻮﺭﺗﺎﻕ ﻣﻪﻧﭙﻪﺋﻪﺕ ﺋﺎﺳﺎﺳﯩﺪﯨﻜﻰ ﻫﻪﻗﯩﻘﯩﻲ ﯞﻩ ﺋﻮﻣﯘﻣﻴﯜﺯﻟﯜﻙ ﻫﻪﻣﻜﺎﺭﻟﯩﻖ ﺑﺎﺷﻼﻧﺪﻯ، ﻫﺎﺯﯨﺮﻗﻰ ﺭﯗﺳﻴﻪ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﺩﯗﻧﻴﺎﻧﯩﯔ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺷﻨﯩﯔ ﺋﺎﺳﺎﺳﻰ' ﺩﯦﮕﻪﻥ.

ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ 12 ﺗﯜﺭﻟﯜﻙ ﻛﯧﻠﯩﺸﯩﻢ ﺋﯩﻤﺰﺍﻟﯩﺪﻯ ﯞﻩ ﺋﻮﺭﺗﺎﻕ ﻣﺎﻟﯩﻴﻪ ﺋﻮﺭﮔﯩﻨﻰ ﺗﻪﺳﯩﯩﺲ ﻗﯩﻠﯩﺸﻘﺎ ﻛﯧﻠﯩﺸﺘﻰ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯜﮔﯜﻥ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﺋﯩﻤﺰﺍﻻﻧﻐﺎﻥ 12 ﺗﯜﺭﻟﯜﻙ ﻣﯘﻫﯩﻢ ﻛﯧﻠﯩﺸﯩﻢ، ﺭﯗﺳﯩﻴﯩﻨﯩﯔ ﺳﻜﻮﯞﻭﺭﻭﺩﯨﻨﻮﺩﯨﻦ ﺧﯩﺘﺎﻳﻨﯩﯔ ﺩﺍﭼﯩﯔ ﺷﻪﻫﯩﺮﯨﮕﻪ ﺗﯘﺗﺎﺷﺘﯘﺭﯗﻟﯩﺪﯨﻐﺎﻥ ﺗﻪﺑﯩﺌﯩﻲ ﮔﺎﺯ ﯞﻩ ﻧﯧﻔﯩﺖ ﺗﯘﺭﯗﺑﯩﺴﯩﻨﻰ 2010 ‏ - ﻳﯩﻠﻰ ﭘﯜﺗﺘﯜﺭﯛﭖ، 2011‏ - ﻳﯩﻠﯩﺪﺍ ﺧﯩﺘﺎﻳﻨﻰ ﺗﻪﺑﯩﺌﯩﻲ ﮔﺎﺯ ﯞﻩ ﻧﯧﻔﯩﺖ ﺑﯩﻠﻪﻥ ﺗﻪﻣﯩﻨﻠﻪﺷﻜﻪ ﺑﺎﺷﻼﺵ ﻛﯧﻠﯩﺸﯩﻤﻰ، ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﻳﯘﻗﯩﺮﯨﻲ ﺳﯜﺭﺋﻪﺗﻠﯩﻚ ﭘﻮﻳﯩﺰ ﻗﺎﺗﻨﯩﺘﯩﺶ ﻛﯧﻠﯩﺸﯩﻤﻰ، ﺳﯩﻴﺎﺳﯩﻲ ﺟﻪﻫﻪﺗﺘﻪ ﺋﯚﺯ - ﺋﺎﺭﺍ ﺋﯩﺸﯩﻨﯩﺶ ﻛﯧﻠﯩﺸﯩﻤﻰ، ﺑﺎﺷﻘﯘﺭﯗﻟﯩﺪﯨﻐﺎﻥ ﺑﻮﻣﺒﺎ ﭘﺎﺋﺎﻟﯩﻴﯩﺘﯩﺪﻩ ﺋﯚﺯ - ﺋﺎﺭﺍ ﺧﻪﯞﻩﺭﻟﻪﻧﺪﯛﺭﯛﺵ ﻛﯧﻠﯩﺸﯩﻤﻰ ﻗﺎﺗﺎﺭﻟﯩﻘﻼﺭﺩﯨﻦ ﺋﯩﺒﺎﺭﻩﺕ. ﺑﯘ ﻛﯧﻠﯩﺸﯩﻤﻠﻪﺭﻧﻰ ﺋﯩﻤﺰﻻﺷﻘﺎ ﻗﺎﺗﻨﺎﺷﻘﺎﻥ ﺧﯩﺘﺎﻳﻨﯩﯔ ﻣﯘﺋﺎﯞﯨﻦ ﺑﺎﺵ ﻣﯩﻨﯩﺴﯩﺘﯩﺮﻯ ﺟﺎﯓ ﺩﯦﺠﺎﯓ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺗﻪﯓ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻯ ﺋﺎﻟﯧﻜﺴﺎﻧﺪﯨﺮ ﺟﯘﻛﻮﻑ ﻳﻪﻧﻪ ﺑﯘ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ 4 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻠﯩﻖ ﻣﺎﻟﯩﻴﻪ ﺋﻮﺭﮔﯩﻨﻰ ﺗﻪﺳﺴﯩﺲ ﻗﯩﻠﯩﺸﻘﺎ ﻛﯧﻠﯩﺸﻜﻪﻥ.

ﺧﯩﺘﺎﻱ ﺑﯩﻠﻪﻥ ﺭﯗﺳﻴﻪ ﺋﯩﻤﺰﺍﻟﯩﻐﺎﻥ ﻛﯧﻠﯩﺸﯩﻤﻠﻪﺭ ﺭﯗﺳﯩﻴﯩﻨﯩﯔ ﺷﻪﺭﻗﯩﻲ ﺷﯩﻤﺎﻟﻰ ﺑﯩﻠﻪﻥ ﺧﯩﺘﺎﻳﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ ﺭﺍﻳﻮﻧﻼﺭﻏﺎ ﻗﺎﺭﯨﺘﯩﻠﻐﺎﻥ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﻰ ﺑﯧﻴﺠﯩﯖﺪﯨﻜﻰ ﺧﻪﻟﻖ ﺳﺎﺭﯨﻴﯩﺪﺍ ﺋﯩﻤﺰﺍﻻﻧﻐﺎﻥ ﺑﯘ ﻛﯧﻠﯩﺸﯩﻤﻠﻪﺭﻧﻰ، ﺧﯩﺘﺎﻳﻨﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ ﺭﺍﻳﻮﻥ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺷﻪﺭﻗﯩﻲ ﺷﯩﻤﺎﻟﯩﺪﯨﻜﻰ ﺳﯧﺒﯩﺮﯨﻴﻪ ﺭﺍﻳﻮﻧﯩﺪﺍ ﺋﻪﻣﻪﻟﮕﻪ ﺋﺎﺷﯘﺭﯗﻟﯩﺪﯨﻐﺎﻥ ﻛﯧﻠﯩﺸﯩﻢ، ﺩﻩﭖ ﺟﺎﻛﺎﺭﻟﯩﺪﻯ.

ﺑﯘ ﻛﯧﻠﯩﺸﯩﻤﻠﻪﺭ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﯩﻨﯩﯔ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯘﭼﺮﯨﺸﯩﺸﯩﺪﺍ ﺋﻪﻣﻪﻟﯩﻴﻠﻪﺷﺘﯜﺭﯛﻟﯩﺪﯨﻜﻪﻥ

ﺷﯩﻨﺨﯘﺍ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ ﻳﻪﻧﻪ، ﺋﻪﺗﻪ ﺧﯩﺘﺎﻱ، ﺭﯗﺳﯩﻴﻪ، ﺋﯜﺯﺑﯧﻜﺴﺘﺎﻥ، ﺗﺎﺟﯩﻜﺴﺘﺎﻥ، ﻗﯩﺮﻏﯩﺰﺳﺘﺎﻥ، ﻗﺎﺯﺍﻗﺴﺘﺎﻧﺪﯨﻦ ﺋﯩﺒﺎﺭﻩﺕ 6 ﺩﯙﻟﻪﺕ 2001 ‏ - ﻳﯩﻠﻰ ﻗﯘﺭﻏﺎﻥ، ﻣﻮﯕﻐﯘﻟﯩﻴﻪ، ﻫﯩﻨﯩﺪﺳﺘﺎﻥ، ﺋﯩﺮﺍﻥ، ﭘﺎﻛﯩﺴﺘﺎﻧﻼﺭ ﻛﯚﺯﻩﺗﻜﯜﭼﻰ ﺳﯜﭘﯩﺘﯩﺪﻩ ﻗﺎﺗﻨﯩﺸﯩﺪﯨﻐﺎﻥ 'ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ'ﻏﺎ ﺋﻪﺯﺍ ﺩﯙﻟﻪﺕ ﺑﺎﺷﻠﯩﻘﻠﯩﺮﯨﻨﯩﯔ ﺋﺎﻟﯩﻲ ﺩﻩﺭﯨﺠﯩﻠﯩﻚ ﺋﯘﭼﺮﯨﺸﯩﺸﻰ ﺑﺎﺷﻠﯩﻨﯩﺪﯨﻜﻪﻥ. ﺑﯘ ﺋﯘﭼﺮﯨﺸﯩﺸﺘﺎ، ﺑﯘ ﻗﯧﺘﯩﻢ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ ﺗﯜﺯﯛﻟﮕﻪﻥ ﻛﯧﻠﯩﺸﯩﻤﻠﻪﺭ ﺋﻪﻣﻪﻟﯩﻴﻠﻪﺷﺘﯘﺭﯗﻟﯜﺷﻰ ﻣﯘﻣﻜﯩﻦ.

ﺧﯩﺘﺎﻱ - ﺭﯗﺳﻴﻪ ﻣﯘﻧﺎﺳﯩﯟﯨﺘﻰ ﻗﺎﻧﺪﺍﻕ ﻣﯘﻧﺎﺳﯩﯟﻩﺕ؟

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺭﯗﺳﯩﻴﻪ ﺑﺎﺵ ﻣﯩﻨﯩﺴﯩﺘﯩﺮﻯ ﭘﯘﺗﯩﻦ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺸﻘﺎ ﺑﺎﺷﻠﯩﻐﺎﻧﺪﯨﻦ ﺑﯘﻳﺎﻥ، ﺧﯩﺘﺎﻱ ﺑﯩﻠﻪﻥ ﺭﯗﺳﻴﻪ ﺋﻮﺗﺘﯘﺭﯨﺴﯩﺪﺍ 30 ﺩﯨﻦ ﺋﺎﺭﺗﯘﻕ ﻛﯧﻠﯩﺸﯩﻢ ﺋﯩﻤﺰﺍﻻﻧﺪﻯ، ﺑﯘﻧﯩﯔ ﻗﯩﻤﻤﯩﺘﻰ 5 ﻣﯩﻠﻴﺎﺭﺩ 500 ﻣﯩﻠﻴﻮﻥ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﺪﯨﻦ ﺋﺎﺷﯩﺪﯗ. ﺑﯘﻧﯩﯖﺪﯨﻦ ﺑﯘﺭﯗﻥ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﻪ ﺋﻮﺗﺘﯘﺭﯨﺴﯩﺪﺍ 25 ﻣﯩﻠﻴﺎﺭﺩ ﺋﺎﻣﯧﺮﯨﻜﺎ ﺩﻭﻟﻠﯩﺮﯨﻠﯩﻖ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﻛﯧﻠﯩﺸﯩﻤﻰ ﺋﯩﻤﺰﺍﻟﯩﻨﯩﭗ ﺑﻮﻟﻐﺎﻥ ﺋﯩﺪﻯ.

 ﺧﯩﺘﺎﻱ ﻧﯧﻔﯩﺖ ﺳﻪﺭﭖ ﻗﯩﻠﯩﺸﺘﺎ ﺋﯩﻜﻜﯩﻨﭽﻰ ﺋﻮﺭﯗﻧﺪﺍ ﺗﯘﺭﯨﺪﯗ، ﺭﯗﺳﻴﻪ ﺑﻮﻟﺴﺎ ﻣﻮﻝ ﻧﯧﻔﯩﺖ ﺑﺎﻳﻠﯩﻘﯩﻐﺎ ﺋﯩﮕﻪ ﺩﯙﻟﻪﺗﻠﻪﺭﻧﯩﯔ ﺑﯩﺮﻯ، ﺑﯘ ﺋﯩﻜﻜﻰ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﺍ ﺑﯘ ﻳﯩﻞ ﺋﻪﺗﯩﻴﺎﺯﺩﺍ، ﺳﯧﺒﯩﺮﯨﻴﯩﺪﯨﻦ ﺧﯩﺘﺎﻳﻐﺎ ﻧﯧﻔﯩﺖ ﯞﻩ ﺗﻪﺑﯩﺌﯩﻲ ﮔﺎﺯ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺗﯘﺭﯗﺑﺎ ﻗﯘﺭﯗﻟﯘﺷﻰ ﺑﺎﺷﻼﻧﺪﻯ.ﮔﻪﺭﭼﻪ ﺑﯘ ﻳﯩﻞ ﺭﯗﺳﯩﻴﯩﺪﻩ ﺧﯩﺘﺎﻳﻐﺎ ﻗﺎﺭﺷﻰ ﺭﯗﺱ ﻣﯩﻠﻠﻪﺗﭽﯩﻠﯩﻜﻰ ﺋﻪﯞﺝ ﺋﯧﻠﯩﭗ، ﺭﯗﺳﯩﻴﯩﻨﯩﯔ ﺳﻮﺩﺍ ﺑﺎﺯﺍﺭﻟﯩﺮﯨﺪﯨﻤﯘ،ﺧﯩﺘﺎﻱ ﻣﺎﻟﻠﯩﺮﯨﻨﻰ ﭼﻪﻛﻠﻪﻳﺪﯨﻐﺎﻥ ﺟﯩﺪﺩﯨﻲ ﻫﻪﺭﯨﻜﻪﺗﻠﻪﺭ ﺭﯗﺳﻴﻪ ﺑﺎﺵ ﻣﯩﻨﯩﺴﯩﺘﯩﺮﯨﻨﯩﯔ ﺑﯩﯟﺍﺳﺘﻪ ﺑﯘﻳﺮﯗﻗﻰ ﺑﯘﻳﯩﭽﻪ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻱ ﺗﻪﺭﻩﭖ ﻳﻪﻧﯩﻼ ﺑﯘ ﻳﯩﻠﻘﻰ ﺧﯩﺘﺎﻱ - ﺭﯗﺳﯩﻴﻪ ﻣﯘﻧﺎﺳﯩﯟﯨﺘﯩﻨﻰ 'ﺑﯩﺮ ﻳﯧﯖﯩﭽﻪ ﻣﯘﻧﺎﺳﯩﯟﻩﺕ ﺑﺎﺷﻼﻧﻐﺎﻥ ﻳﯩﻞ' ﺩﻩﭖ ﺗﻪﺳﯟﯨﺮﻟﯩﺪﻯ.

 ﺏ ﺏ ﺱ ﺗﻮﺭ ﺑﯧﺘﯩﺪﻩ 'ﺧﯩﺘﺎﻱ - ﺭﯗﺳﻴﻪ ﻣﯘﻧﺎﺳﯩﯟﯨﺘﻰ ﻗﺎﻧﺪﺍﻕ ﻣﯘﻧﺎﺳﯩﯟﻩﺕ؟ ' ﺩﯦﮕﻪﻥ ﺗﯧﻤﯩﺪﺍ ﺑﯜﮔﯜﻥ ﺑﺎﺷﻼﻧﻐﺎﻥ ﺋﻪﺭﻛﯩﻦ ﻣﯘﻧﺎﺯﯨﺮﯨﺪﻩ، ﻧﺎﻣﺴﯩﺰ ﻳﻮﻟﻼﻧﻐﺎﻥ ﺋﻮﺑﺰﻭﺭﻻﺭﺩﺍ، ﻫﺎﺯﯨﺮﻗﻰ ﺧﯩﺘﺎﻱ - ﺭﯗﺳﻴﻪ ﻣﯘﻧﺎﺳﯩﯟﯨﺘﻰ ﭘﻪﻗﻪﺕ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺋﯧﻨﯧﺮﮔﯩﻴﻪ ﻣﻪﻧﺒﻪﻟﯩﺮﯨﻨﻰ ﻛﻮﻧﺘﺮﻭﻝ ﻗﯩﻠﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ ﻣﯘﻧﺎﺳﯩﯟﻩﺕ ﺋﯩﻜﻪﻧﻠﯩﻜﻰ، ﺭﯗﺳﻴﻪ ﺋﻪﺳﻠﯩﺪﻩ ﺧﯩﺘﺎﻳﻨﯩﯔ ﺩﯛﺷﻤﯩﻨﻰ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﺯﯗﻥ ﻳﯩﻠﻠﯩﻖ ﺧﯩﺘﺎﻱ - ﺭﯗﺳﯩﻴﻪ ﭘﻪﻗﻪﺕ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺗﯜﺭﻛﯩﻲ ﺗﯩﻠﺪﺍ ﺳﯚﺯﻟﯩﺸﯩﺪﯨﻐﺎﻥ ﺧﻪﻟﻘﻠﻪﺭﻧﻰ ﺑﺎﺵ ﻛﯚﺗﯜﺭﮔﯜﺯﻣﻪﺳﻠﯩﻜﻨﻰ ﻣﻪﻗﺴﻪﺕ ﻗﯩﻠﯩﭗ ﻫﻪﻣﻜﺎﺭﻟﯩﺸﯩﯟﺍﺗﻘﺎﻧﻠﯩﻘﻰ، ﻫﺎﺯﯨﺮﻣﯘ ﻳﻪﻧﯩﻼ ﺷﺎﯕﺨﻪﻱ ﻫﻪﻣﻜﺎﺭﻟﯩﻖ ﺗﻪﺷﻜﯩﻼﺗﻰ ﺋﺎﺭﻗﯩﻠﯩﻖ ﺑﯘ ﻣﻪﻗﺴﻪﺗﻨﻰ ﺋﻪﻣﻪﻟﮕﻪ ﺋﺎﺷﯘﺭﻣﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﻛﯚﺳﯩﺘﯩﻠﺪﻯ.

ﺋﯘﻧﯩﯖﺪﺍ ﺋﯧﻴﺘﯩﻠﯩﺸﯩﭽﻪ، ﺧﯩﺘﺎﻳﻨﯩﯔ ﺋﯩﺴﺘﺮﺍﺗﯧﮕﯩﻴﯩﺴﻰ 'ﻳﯧﺮﺍﻗﺘﯩﻜﻰ ﺩﯛﺷﻤﻪﻥ ﺑﯩﻠﻪﻥ ﺩﻭﺱ ﺑﻮﻟﯘﭖ، ﻳﯧﻘﯩﻨﺪﯨﻜﻰ ﺩﯛﺷﻤﻪﻧﮕﻪ ﻗﺎﺭﺷﻰ ﺋﯘﺭﯗﺵ ﻗﯩﻠﯩﺶ'. ﺑﯘ ﺋﯩﺴﺘﺮﺍﺗﯧﮕﯩﻴﻪ ﺑﯘﻳﯩﭽﻪ، ﺧﯩﺘﺎﻳﻨﯩﯔ ﻫﺎﺯﯨﺮﻗﻰ ﺩﯛﺷﻤﯩﻨﻰ ﻛﺎﭘﯩﺘﺎﻟﯩﺰﻡ ﺋﻪﻣﻪﺱ، ﺋﺎﻣﯧﺮﯨﻜﯩﻤﯘ، ﻳﺎﭘﻮﻧﯩﻴﯩﻤﯘ ﺋﯘﻧﯩﯔ ﺩﯛﺷﻤﯩﻨﻰ ﺋﻪﻣﻪﺱ، ﺑﻪﻟﻜﻰ ﺗﯧﮕﻰ - ﺗﻪﻛﺘﯩﺪﯨﻦ ﺋﯧﻴﺘﻘﺎﻧﺪﺍ، ﺧﯩﺘﺎﻳﻨﯩﯔ ﺩﯛﺷﻤﯩﻨﻰ ﺭﯗﺳﯩﻴﻪ ﺑﯩﻠﻪﻥ ﻫﯩﻨﯩﺪﺳﺘﺎﻥ.

ﺭﯗﺳﯩﻴﻪ ﺗﺎﺭﯨﺨﺘﯩﻦ ﺑﯘﻳﺎﻥ ﻳﻮﻟﻐﺎ ﻗﻮﻳﯘﭖ ﻛﯧﻠﯩﯟﺍﺗﻘﺎﻥ ﺋﻪﺗﺮﺍﭘﺘﯩﻜﻰ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﻨﯩﯔ ﻧﻪﺗﯩﺠﯩﺴﯩﺪﻩ، ﻫﺎﺯﯨﺮ ﭼﯧﭽﻪﻧﺴﺘﺎﻥ، ﮔﺮﻭﺯﯨﻴﻪ، ﺋﻮﻛﺮﺍﺋﯩﻨﺎ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭﻧﯩﯔ ﺋﺎﺷﻜﺎﺭﺍ ﻗﺎﺭﺷﯩﻠﯩﻘﻰ، ﺗﯜﺭﻛﻰ ﺗﯩﻠﺪﺍ ﺳﯚﺯﻟﯩﺸﯩﺪﯨﻐﺎﻥ ﺩﯙﻟﻪﺗﻠﻪﺭﻧﯩﯔ ﻳﯘﺷﯘﺭﯗﻥ ﻫﺎﻟﺪﺍ ﺋﻪﯞﺝ ﺋﯧﻠﯩﯟﺍﺗﻘﺎﻥ ﻗﺎﺭﺷﯩﻠﯩﻘﻰ ﺑﯩﻠﻪﻥ ﻣﯩﺴﻠﯩﺴﯩﺰ ﺩﻩﺭﯨﺠﯩﺪﻩ ﻳﯧﺘﯩﻢ ﻗﺎﻟﺪﻯ. ﺧﯩﺘﺎﻱ ﺑﻮﻟﺴﺎ، ﺗﺎﺭﯨﺨﺘﯩﻦ ﺑﯘﻳﺎﻥ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﺋﻪﺗﺮﺍﭘﯩﺪﯨﻜﻰ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﻰ ﻳﻮﻗﯩﺘﯩﺶ ﺳﯩﻴﺎﺳﯩﺘﯩﻨﯩﯔ ﻧﻪﺗﯩﺠﯩﺴﯩﺪﻩ، ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﻗﺎﺭﺷﯩﻠﯩﻘﻘﺎ، ﺑﻮﻟﯘﭘﻤﯘ ﺗﯩﺒﻪﺗﻠﻪﺭﻧﯩﯔ، ﺋﯘﻳﻐﯘﺭﻻﺭﻧﯩﯔ ﻗﻪﺗﺌﯩﻲ ﻧﯩﻴﻪﺗﻜﻪ ﻛﻪﻟﮕﻪﻥ ﻗﺎﺭﺷﯩﻠﯩﻘﯩﻐﺎ ﺋﯘﭼﺮﯨﺪﻯ.

ﺧﯩﺘﺎﻱ ﻫﺎﺯﯨﺮ ﺑﯘﻧﺪﺍﻕ ﺷﺎﺭﺍﺋﯩﺘﺘﺎ، ﺑﻮﻟﯘﭘﻤﯘ، ﻳﺎﯞﺭﻭﭘﺎ ﺑﯩﺮﻟﯩﻜﻰ ﺑﯩﻠﻪﻥ ﺋﺎﻣﯧﺮﯨﻜﺎ ﻳﻮﻟﻐﺎ ﻗﻮﻳﯘﯞﺍﺗﻘﺎﻥ ﻗﻮﺭﺍﻝ ﻳﯚﺗﻜﻪﺷﻨﻰ ﻣﻪﻧﺌﯩﻲ ﻗﯩﻠﯩﺶ ﺳﯩﻴﺎﺳﯩﺘﻰ ﺷﺎﺭﺍﺋﯩﺘﯩﺪﺍ، ﺭﯗﺳﻴﻪ ﺑﯩﻠﻪﻥ ﺩﻭﺱ ﺑﻮﻟﯩﺪﯨﻐﺎﻥ ﭘﻪﺳﻜﻪﺵ ﺳﯩﻴﺎﺳﻪﺗﻨﻰ ﻳﻮﻟﻐﺎ ﻗﻮﻳﯘﯞﺍﺗﯩﺪﯗ. ﺧﯩﺘﺎﻱ ﻛﯜﻧﻠﻪﺭﻧﯩﯔ ﺑﯩﺮﯨﺪﻩ ﻗﻮﺭﺍﻝ ﻳﯚﺗﻜﻪﺵ ﻫﻮﻗﯘﻗﯩﻐﺎ ﺋﯩﮕﻪ ﺑﻮﻟﺴﯩﻼ، ﺋﺎﻟﺪﻯ ﺑﯩﻠﻪﻥ ﺭﯗﺳﯩﻴﯩﮕﻪ ﻗﺎﺭﺷﻰ ﺋﯘﺭﯗﺵ ﻗﯩﻠﯩﺪﯗ.