ﺋﻪﻣﻤﺎ، ﺋﻪﻣﯩﻠﯩﻴﻪﺗﺘﻪ ﺧﯩﺘﺎﻱ ﺟﻪﻣﯩﻴﯩﺘﯩﺪﻩ ﺑﻪﻟﮕﯩﻠﯩﻚ ﺳﺎﺭﺍﺳﯩﻤﻪ ﭘﻪﻳﺪﺍ ﺑﻮﻟﻐﺎﻧﻠﯩﻘﻰ ﻣﻪﻟﯘﻡ. ﺋﺎﺧﺒﺎﺭﺍﺗﻼﺭﺩﯨﻦ ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﺪﺍ ﺷﯩﻨﺠﺎﯕﻠﯩﻘﻼﺭﺩﯨﻦ ﭼﯚﭼﯜﺵ ﻳﻪﻧﻰ ﺋﯘﻳﻐﯘﺭﻻﺭﻏﺎ ﺋﺎﻻﻫﯩﺪﻩ ﺳﻪﺯﮔﯜﺭ ﻣﯘﺋﺎﻣﯩﻠﻪ ﻗﯩﻠﯩﺸﻘﺎ ﺋﻮﺧﺸﺎﺵ ﻫﺎﻟﻪﺗﻠﻪﺭﻧﯩﯔ ﻳﻪﻧﯩﻤﯘ ﻛﯜﭼﻪﻳﮕﻪﻧﻠﯩﻜﻰ ﺋﺎﺷﻜﺎﺭﯨﻼﻧﻤﺎﻗﺘﺎ.

ﺋﯘﻳﻐﯘﺭﻻﺭ ﺧﯩﺘﺎﻱ ﺳﺎﻗﭽﯩﻼﺭﻧﯩﯔ ﮔﯘﻣﺎﻥ ﻧﯘﻗﺘﯩﺴﯩﻐﺎ ﺋﺎﻳﻼﻧﺪﻯ

ﺑﯧﻴﺠﯩﯔ ﺋﻮﻟﯩﻤﭙﯩﻜﯩﻐﺎ ﺗﯚﺕ ﻛﯜﻥ ﻗﺎﻟﻐﺎﻧﺪﺍ ﻳﯜﺯ ﺑﻪﺭﮔﻪﻥ، ﻗﻪﺷﻘﻪﺭﺩﯨﻜﻰ ﺧﯩﺘﺎﻱ ﭼﯧﮕﺮﺍ ﻣﯘﺩﺍﭘﯩﺌﻪ ﻗﯩﺴﻢ ﺋﻪﺳﻜﻪﺭﻟﯩﺮﯨﻨﯩﯔ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭﻧﯩﯔ ﺗﯘﻳﯘﻗﺴﯩﺰ ﻫﯘﺟﯘﻣﯩﻐﺎ ﺋﯘﭼﺮﺍﺵ ﯞﻩﻗﻪﺳﻰ، ﻧﯚﯞﻩﺗﺘﻪ ﭼﻪﺗﺌﻪﻝ ﺷﯘﻧﺪﺍﻗﻼ ﺧﯩﺘﺎﻳﺪﯨﻜﻰ ﺋﺎﺧﺒﺎﺭﺍﺗﻼﺭﻧﯩﯔ ﺋﻪﯓ ﻣﯘﻫﯩﻢ ﻧﯘﻗﺘﯩﺴﯩﻨﯩﯔ ﺑﯩﺮﻯ ﺑﻮﻟﯘﭖ ﻗﺎﻟﺪﻯ.

ﺳﻪﻳﺸﻪﻧﺒﻪ ﻛﯜﻧﻰ ﻗﻪﺷﻘﻪﺭ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﺷﻰ ﺩﺍﮔﺎﯓ ﯞﻩﻗﻪﻧﻰ ﺗﯧﺮﺭﻭﺭﻟﯘﻕ ﻫﯘﺟﯘﻡ ﺩﻩﭖ، ﺋﯘﻧﻰ ﭼﻪﺗﺌﻪﻟﻠﻪﺭﺩﯨﻜﻰ ﺋﻪﻟﻘﺎﺋﯩﺪﻩ ﺗﻪﺷﻜﯩﻼﺗﻠﯩﺮﻯ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺩﻩﭖ ﻛﯚﺭﺳﻪﺗﻜﻪﻧﺪﯨﻦ ﺑﺎﺷﻘﺎ "ﺑﯘ ﻛﯜﭼﻠﻪﺭ ﺋﻮﻟﯩﻤﭙﯩﻜﻜﻪ ﻗﺎﺭﺷﻰ ﭘﺴﯩﺨﻮﻟﻮﮔﯩﻴﯩﻠﯩﻚ ﯞﻩ ﺯﻭﺭﺍﯞﺍﻧﻠﯩﻖ ﺗﯜﺳﯩﺪﯨﻜﻰ ﻫﯘﺟﯘﻡ ﻗﯩﻠﯩﺸﻘﯩﻼ ﺋﯘﺭﯗﻧﻤﺎﻗﺘﺎ" ﺩﯦﮕﻪﻥ ﻫﻪﻣﺪﻩ: "ﺋﯘﻻﺭ 2008 - ﻳﯩﻠﻨﻰ ﺧﯩﺘﺎﻳﻨﯩﯔ ﻫﺎﺯﺍ ﻳﯩﻠﯩﻐﺎ ﺋﺎﻳﻼﻧﺪﯗﺭﻣﺎﻗﭽﻰ" ﺩﯦﮕﻪﻥ ﺋﯩﺪﻯ، ﺑﯘ ﺑﺎﻳﺎﻧﻼﺭ ﺧﯩﺘﺎﻳﻨﯩﯔ ﺑﺎﺭﻟﯩﻖ ﺋﺎﺧﺒﺎﺭﺍﺗﻠﯩﺮﯨﺪﺍ ﺋﯧﻼﻥ ﻗﯩﻠﯩﻨﺪﻯ.

ﭘﯜﺗﯜﻥ ﺧﯩﺘﺎﻱ ﻣﯩﻘﻴﺎﺳﯩﺪﺍ ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ ﺗﻪﻛﯩﺘﻠﯩﻨﯩﯟﺍﺗﻘﺎﻥ ﭘﻪﻳﺘﺘﻪ ﻳﯜﺯ ﺑﻪﺭﮔﻪﻥ ﺑﯘ ﯞﻩﻗﻪ ﮔﻪﺭﭼﻪ ﺑﯧﻴﺠﯩﯔ ﺋﻮﻟﯩﻤﭙﯩﻚ ﻣﻪﻳﺪﺍﻧﯩﻐﺎ ﺗﯚﺕ ﻣﯩﯔ ﻛﯩﻠﻮﻣﯧﺘﯩﺮ ﻳﯩﺮﺍﻗﺘﯩﻜﻰ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﺑﻮﻟﺴﯩﻤﯘ،ﺩﻩﺭ ﯞﻩﻗﻪ ﺑﯘ ﺧﯩﺘﺎﻱ ﺋﻮﻟﯩﻤﭙﯩﻜﻰ ﺋﺎﻟﺪﯨﺪﯨﻜﻰ ﺧﯩﺘﺎﻳﻨﻰ ﻫﻪﻣﻤﯩﺪﯨﻦ ﺑﻪﻙ ﺳﺎﺭﺍﺳﯩﻤﯩﮕﻪ ﺳﺎﻟﻐﺎﻥ ﺑﯩﺮ ﯞﻩﻗﻪ ﺑﻮﻟﯘﭖ ﻗﺎﻟﻐﺎﻥ. ﺑﯘﻧﯩﯖﺪﯨﻦ ﺧﯩﺘﺎﻱ ﺋﯩﭽﯩﺪﻩ ﭘﻪﻳﺪﺍ ﺑﻮﻟﯘﯞﺍﺗﻘﺎﻥ ﺋﯩﻨﻜﺎﺳﻼﺭ ﺩﯗﻧﻴﺎ ﻣﻪﺗﺒﯘﺋﺎﺗﻠﯩﺮﯨﻨﯩﯖﻤﯘ ﺩﯨﻘﻘﻪﺕ ﻧﯘﻗﺘﯩﻠﯩﺮﯨﻨﯩﯔ ﺑﯩﺮﻯ ﺑﻮﻟﻤﺎﻗﺘﺎ.

ﺑﯩﺮﻟﻪﺷﻤﻪ ﺋﺎﮔﯧﻨﺘﻠﯩﻘﯩﻨﯩﯔ ﺧﻪﯞﯨﺮﯨﺪﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﻫﺎﺯﯨﺮ ﺧﯩﺘﺎﻱ ﺑﯩﺨﻪﺗﻪﺭﻟﯩﻚ ﺗﺎﺭﻣﺎﻗﻠﯩﺮﻯ ﻗﻪﺷﻘﻪﺭﻧﯩﯔ ﻣﯘﻫﯩﻢ ﻳﻮﻝ ﺋﯧﻐﯩﺰﻟﯩﺮﯨﻨﻰ ﻗﺎﻣﺎﻝ ﻗﯩﻠﯩﭗ ﯞﻩ ﺩﻭﻗﻤﯘﺷﻼﺭﻏﺎ ﺗﻪﻛﺸﯜﺭﯛﺵ ﭘﻮﻧﻜﯩﺘﻠﯩﺮﯨﻨﻰ ﻗﯘﺭﯗﭖ ﻗﻪﺷﻘﻪﺭ ﺷﻪﻫﯩﺮﯨﮕﻪ ﻛﯩﺮﯨﭗ ‏ - ﭼﯩﻘﯩﯟﺍﺗﻘﺎﻥ ﺋﺎﭘﺘﻮﻣﻮﺑﯩﻠﻼﺭﻧﻰ ﺗﻮﺧﺘﯩﺘﯩﭗ ﺗﻪﻛﺸﯜﺭﯛﺷﻜﻪ ﺑﺎﺷﻠﯩﻐﺎﻥ ﻫﻪﻣﺪﻩ ﻛﻮﭼﯩﻼﺭﺩﯨﻤﯘ ﮔﯘﻣﺎﻧﻼﻧﻐﺎﻥ ﻛﯩﺸﯩﻠﻪﺭﻧﯩﯔ ﻛﯩﻤﻠﯩﻜﯩﻨﻰ ﺗﻪﻛﺸﯜﺭﻣﻪﻛﺘﻪ ﺋﯩﻜﻪﻥ.

ﺋﯜﺭﯛﻣﭽﯩﺪﻩ ﺑﻮﻟﺴﺎ 5 - ﺋﺎﯞﻏﯘﺳﺘﺘﯩﻦ ﺑﺎﺷﻼﭖ ﻛﻮﭼﯩﻼﺭﺩﺍ ﻫﻪﺭ ﻳﯜﺯ ﻣﯧﺘﯩﺮﺩﺍ ﺑﯩﺮﺩﯨﻦ ﭘﻮﺱ ﺗﯘﺭﻏﯘﺯﯗﺵ ﻳﻮﻟﻐﺎ ﻗﻮﻳﯘﻟﻐﺎﻥ ﻫﻪﻣﺪﻩ ﺑﺎﺭﻟﯩﻖ ﺋﺎﻣﻤﯩﯟﻯ ﺳﻮﺭﯗﻧﻼﺭﻏﺎ ﻛﯩﺮﮔﻪﻥ ‏ - ﭼﯩﻘﻘﺎﻧﻼﺭ ﺑﯩﺮﺩﻩﻙ ﺋﺎﺧﺘﯘﺭﯗﻟﯘﯞﺍﺗﻘﺎﻥ ﺋﯩﻜﻪﻥ.

ﺷﯘﻧﺪﺍﻗﻼ ﺧﻪﯞﻩﺭﻟﻪﺭﺩﯨﻦ ﻣﻪﻟﯘﻡ ﺑﻮﻟﻐﺎﻧﺪﻩﻙ، ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ، ﺑﻮﻟﯘﭘﻤﯘ ﻗﻪﺷﻘﻪﺭﺩﻩ ﺯﯨﻴﺎﺭﻩﺗﺘﻪ ﺑﻮﻟﯘﺷﻰ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﻗﺎﺗﺘﯩﻖ ﺗﻮﺳﻘﯘﻧﻠﯘﻗﯩﻐﺎ ﺋﯘﭼﺮﯨﻤﺎﻗﺘﺎ، ﺳﻪﻳﺸﻪﻧﺒﻪ ﻛﯜﻧﻰ ﺋﯩﻜﻜﻰ ﻳﺎﭘﻮﻧﯩﻴﯩﻠﯩﻚ ﻣﯘﺧﺒﯩﺮ ﺧﯩﺘﺎﻱ ﺳﺎﻗﭽﯩﻠﯩﺮﯨﻨﯩﯔ ﺯﻭﺭﻟﯘﻕ ‏ - ﺯﻭﻣﺒﯘﻟﯘﻗﯩﻐﺎ ﺋﯘﭼﺮﯨﻐﺎﻥ ﺋﯩﺪﻯ.
 ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﭼﺎﺭﺷﻪﻧﺒﯩﺪﯨﻜﻰ ﺧﻪﯞﯨﺮﯨﺪﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺧﯩﺘﺎﻱ ﺑﯩﺨﻪﺗﻪﺭﻟﯩﻜﻰ ﺩﺍﺋﯩﺮﯨﻠﯩﺮﯨﻨﯩﯔ ﺳﯚﺯﯨﻨﻰ ﻧﻪﻗﯩﻞ ﺋﯧﻠﯩﺸﯩﭽﻪ، ﺋﻮﻟﯩﻤﭙﯩﻚ ﺗﻪﻧﻬﻪﺭﯨﻜﻪﺕ ﻳﯩﻐﯩﻨﻰ ﺋﯧﭽﯩﻠﯩﺶ ﻣﯘﺭﺍﺳﯩﻤﻰ ﺋﺎﻟﺪﯨﺪﺍ ﭘﯜﺗﯜﻥ ﻳﻮﻟﻼﺭﺩﺍ ﺗﻪﻛﺸﯜﺭﯛﺵ ﻛﯜﭼﻪﻳﺘﯩﻠﮕﻪﻥ، ﻛﻮﭼﯩﻼﺭﺩﯨﻤﯘ ﺗﻮﻟﯘﻕ ﻗﻮﺭﺍﻟﻼﻧﻐﺎﻥ ﭼﺎﺭﻻﺵ ﺋﻪﺗﺮﯨﺘﻰ 24 ﺳﺎﺋﻪﺕ ﺷﻪﻫﻪﺭ ﻛﻮﭼﯩﻠﯩﺮﯨﻨﻰ ﭼﺎﺭﻟﯩﻐﺎﻧﺪﯨﻦ ﺑﺎﺷﻘﺎ، ﺋﺎﻫﺎﻟﯩﻠﻪﺭﻧﯩﯔ ﺋﯩﭽﯩﻤﻠﯩﻚ ﺳﯜﻳﯩﻨﻰ ﺗﻪﻣﯩﻨﻠﻪﺵ ﺋﻮﺭﯗﻧﻠﯩﺮﯨﻐﺎ ﺋﻮﺧﺸﺎﺵ ﻣﯘﻫﯩﻢ ﺋﯩﺪﺍﺭﻩ ‏ - ﺋﻮﺭﮔﺎﻧﻼﺭ 24 ﺳﺎﺋﻪﺕ ﺳﯩﻨﺌﺎﻟﻐﯘﻟﯘﻕ ﻛﯜﺯﯨﺘﯩﻠﻤﻪﻛﺘﻪ ﺋﯩﻜﻪﻥ.

" ﺷﯩﻨﺠﺎﯕﻠﯩﻘﺘﯩﻦ ﭼﯚﭼﯜﺵ" ﻛﯧﺴﯩﻠﻰ

ﻗﻪﺷﻘﻪﺭ ﺑﯩﺨﻪﺗﻪﺭﻟﯩﻚ ﺩﺍﺋﯩﺮﻟﯩﺮﯨﻤﯘ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﻩ ﭼﻪﺗﺌﻪﻝ ﻣﯘﺧﺒﯩﺮﻟﯩﺮﯨﻨﯩﯔ ﺳﻮﺋﺎﻟﯩﻐﺎ ﺟﺎﯞﺍﺏ ﺑﻪﺭﮔﻪﻧﺪﻩ"ﺑﯩﺰ ﻗﻮﻟﻠﯩﻨﯩﺶ ﻣﯘﻣﻜﯩﻨﭽﯩﻠﯩﻜﻰ ﺑﻮﻟﻐﺎﻥ ﺑﺎﺭﻟﯩﻖ ﺑﯩﺨﻪﺗﻪﺭﻟﯩﻚ ﺗﻪﺩﺑﯩﺮﻟﯩﺮﯨﻨﻰ ﻗﻮﻟﻠﯩﻨﯩﭗ ﺑﻮﻟﺪﯗﻕ، ﺋﻪﻣﺪﻯ ﺑﺎﺷﻘﺎ ﭼﺎﺭﯨﻤﯩﺰ ﻗﺎﻟﻤﯩﺪﻯ"ﺩﯦﮕﻪﻥ.

ﻫﺎﻟﺒﯘﻛﻰ ﺷﯩﻨﺠﺎﯓ ﺧﻪﯞﻩﺭ ﺗﻮﺭﻯ ﺑﯜﮔﯜﻥ "ﻗﻪﺷﻘﻪﺭ ﯞﻩﺯﯨﻴﯩﺘﻰ ﺋﯩﻨﺘﺎﻳﯩﻦ ﺗﯧﻨﯩﭻ، ﻗﻪﺷﻘﻪﺭ ﺋﺎﻣﻤﯩﺴﻰ ﺑﯘﺭﯗﻧﻘﯩﺪﻩﻛﻼ ﺧﺎﺗﯩﺮﺟﻪﻡ ﺧﯘﺷﺎﻝ ‏ - ﺧﻮﺭﺍﻡ ﻛﯜﻥ ﺋﯚﺗﻜﯜﺯﻣﻪﻛﺘﻪ "ﺩﯦﮕﻪﻥ ﺗﯧﻤﯩﺪﺍ ﺑﺎﺵ ﻣﺎﻗﺎﻟﻪ ﺋﯧﻼﻥ ﻗﯩﻠﺪﻯ ﯞﻩ ﺑﯘﻧﯩﯖﺪﺍ ﻗﻪﺷﻘﻪﺭﺩﻩ ﻳﺎﺷﯩﻐﯩﻠﻰ 49 ﻳﯩﻞ ﺑﻮﻟﻐﺎﻥ ﺑﯩﺮ ﺧﯩﺘﺎﻱ ﻛﯚﭼﻤﻪﻧﻨﯩﯔ " ﺑﯩﺰﻧﯩﯔ ﻳﺎﺧﺸﻰ ﻛﯜﻧﻠﯩﺮﯨﻤﯩﺰﻧﻰ ﺑﯘﺯﻣﺎﻗﭽﻰ ﺑﻮﻟﻐﺎﻧﻼﺭ ﻫﻪﺭﮔﯩﺰﻣﯘ ﻳﺎﺧﺸﻰ ﺋﺎﺩﻩﻣﻠﻪﺭ ﺋﻪﻣﻪﺱ" ﺩﯦﮕﻪﻥ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﺩﻯ. ﺷﯘﻧﺪﺍﻗﻼ ﻳﻪﻧﻪ ﺑﯩﺮ ﺧﯩﺘﺎﻱ ﻳﺎﺷﻨﯩﯔ ﺋﻪﺗﺮﺍﭘﯩﻤﯩﺰﺩﺍ ﺗﯧﺮﺭﻭﺭﻟﯘﻕ، ﻣﯩﻠﻠﯩﻲ ﺑﯚﻟﮕﯜﻧﭽﯩﻠﯩﻚ ﻫﻪﺭﯨﻜﻪﺗﻠﯩﺮﯨﻨﻰ ﺋﯧﻠﯩﭗ ﺑﯧﺮﯨﺶ ﻧﯩﻴﯩﺘﯩﺪﯨﻜﻰ ﻣﯘﺷﯘﻧﺪﺍﻕ ﻛﯩﺸﯩﻠﻪﺭﺩﯨﻦ ﻫﻪﺯﻩﺭ ﺋﻪﻳﻠﯩﺸﯩﻤﯩﺰ ﻛﯧﺮﻩﻙ" ﺩﯦﮕﻪﻥ ﺳﯚﺯﻟﯩﺮﯨﻨﻰ ﻫﻪﻡ ﻧﻪﻗﯩﻞ ﺋﺎﻟﻐﺎﻥ.

ﺑﯧﺮﯨﺘﺎﻧﯩﻴﻪ ﺋﺎﺧﺒﺎﺭﺍﺗﻰ ﻫﻪﻣﺪﻩ ﺋﺎﻣﯧﺮﯨﻜﺎ ﺋﺎﯞﺍﺯﻯ ﻗﺎﺗﺎﺭﻟﯩﻖ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﻨﯩﯔ ﭼﺎﺭﺷﻪﻧﺒﯩﺪﯨﻜﻰ ﺧﻪﯞﻩﺭﻟﯩﺮﯨﺪﻩ ﺋﯧﻴﺘﯩﻠﻐﺎﻧﺪﻩﻙ، ﺧﯩﺘﺎﻱ ﺟﻪﻣﺌﯩﻴﯩﺘﯩﺪﻩ ﻧﯚﯞﻩﺗﺘﻪ " ﺷﯩﻨﺠﺎﯕﻠﯩﻘﻼﺭﺩﯨﻦ ﻫﻪﺯﻩﺭ ﺋﻪﻳﻠﻪﺵ" ﺧﺎﻫﯩﺸﻰ ﺋﺎﻻﻫﯩﺪﻩ ﮔﻪﯞﺩﯨﻠﯩﻨﯩﯟﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﻗﻮﺭﺍﻟﻠﯩﻖ ﺳﺎﻗﭽﻰ ﻗﯩﺴﯩﻤﻠﯩﺮﻯ ﯞﻩﻗﻪ ﻳﯜﺯ ﺑﻪﺭﮔﻪﻥ ﻗﻪﺷﻘﻪﺭ ﺷﯘﻧﺪﺍﻗﻼ ﺋﯘﻳﻐﯘﺭ ﺋﯧﻠﯩﻨﯩﯔ ﺑﺎﺷﻘﺎ ﺟﺎﻳﻠﯩﺮﯨﺪﯨﻼ ﺋﻪﻣﻪﺱ ﮔﯘﺍﯕﺠﯘ، ﺷﯧﻨﺠﯩﻨﻐﺎ ﺋﻮﺧﺸﺎﺵ ﺷﻪﻫﻪﺭﻟﯩﺮﯨﺪﯨﻤﯘ ﺋﯘﻳﻐﯘﺭﻻﺭﻧﯩﯔ ﻛﯩﻤﻠﯩﻜﯩﻨﻰ ﺗﻪﻛﺸﯜﺭﯛﺵ، ﺋﯘﻻﺭﻧﻰ ﺋﺎﻻﻫﯩﺪﻩ ﻧﺎﺯﺍﺭﻩﺕ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ ﺑﻮﻟﯘﭖ، ﺗﻪﻳﯟﻩﻥ ﻣﻪﺭﻛﯩﺰﻯ ﺋﺎﺧﺒﺎﺭﺍﺗﻰ ﺑﯘ ﻫﻪﻗﺘﯩﻜﻰ ﺧﻪﯞﻩﺭﻟﯩﺮﯨﺪﻩ، ﻗﻪﺷﻘﻪﺭﺩﯨﻜﻰ ﯞﻩﻗﻪﺩﯨﻦ ﻛﯧﻴﯩﻦ ﺧﯩﺘﺎﻳﺪﺍ ﻛﯚﺭﯛﻟﯜﯞﺍﺗﻘﺎﻥ ﺑﯘ ﺧﯩﻞ ﺋﯩﻨﻜﺎﺳﻨﻰ ﺧﯩﺘﺎﻳﺪﺍ "ﺷﯩﻨﺠﺎﯕﻠﯩﻘﻼﺭﺩﯨﻦ ﭼﯚﭼﯜﺵ" ﻛﯧﺴﯩﻠﻰ ﺗﺎﺭﻗﺎﻟﻤﺎﻗﺘﺎ ﺩﻩﭖ ﺗﻪﺳﯟﯨﺮﻟﯩﮕﻪﻥ.

ﺗﻪﻳﯟﻩﻥ ﻣﻪﺭﻛﯩﺰﻯ ﺋﺎﺧﺒﺎﺭﺍﺗﯩﻨﯩﯔ ﺧﻪﯞﻩﺭ ﻗﯩﻠﯩﺸﯩﭽﻪ، ﮔﯘﺍﯕﺠﯘﺩﺍ ﺋﺎﺷﺨﺎﻧﺎ ﺋﺎﭼﯩﺪﯨﻐﺎﻥ ﯞﻩ ﺋﯘﺷﺸﺎﻕ ﺗﯩﺠﺎﺭﻩﺕ ﻗﯩﻠﯩﺪﯨﻐﺎﻥ ﺋﯘﻳﻐﯘﺭﻻﺭ ﺑﯩﺮ ﻗﻪﺩﻩﺭ ﻛﯚﭖ ﺑﻮﻟﯘﭖ، ﻗﻪﺷﻘﻪﺭﺩﻩ ﯞﻩﻗﻪ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ ﮔﯘﺍﯕﺠﯘ ﺳﺎﻗﭽﻰ ﺩﺍﺋﯩﺮﯨﻠﯩﺮﻯ ﺳﺎﻗﭽﯩﻼﺭﻧﯩﯔ ﺩﻩﻡ ﺋﯧﻠﯩﺸﯩﻨﻰ ﺑﯩﻜﺎﺭ ﻗﯩﻠﯩﭗ، ﺑﯩﺨﻪﺗﻪﺭﻟﯩﻜﻨﻰ ﻛﯜﭼﻪﻳﺘﯩﺸﻜﻪ ﺳﻪﭘﻪﺭﯞﻩﺭ ﻗﯩﻠﻐﺎﻥ. ﮔﯘﺍﯕﺠﯘ ﺳﺎﻗﭽﯩﻠﯩﺮﻯ ﺋﯘﻳﻐﯘﺭﻻﺭﻧﯩﯔ ﻛﯩﻤﻠﯩﻜﯩﻨﻰ ﺗﻪﻛﺸﯜﺭﯛﭖ، ﮔﯘﺍﯕﺠﯘﺩﺍ ﺗﯘﺭﯗﺵ ﺭﻩﺳﻤﯩﻴﻪﺗﻠﯩﺮﻯ ﻳﻮﻕ ﻳﺎﻛﻰ ﺗﻮﻟﯘﻕ ﺋﻪﻣﻪﺱ ﻛﯩﺸﯩﻠﻪﺭﻧﻰ ﺋﯧﻠﯩﭗ ﻛﯧﺘﯩﯟﺍﺗﻘﺎﻥ ﺑﻮﻟﯘﭖ، ﻧﯘﺭﻏﯘﻥ ﺋﯘﻳﻐﯘﺭﻻﺭﻻ ﺋﻪﻣﻪﺱ ﻳﻪﺭﻟﯩﻚ ﺧﯧﺮﯨﺪﺍﺭﻻﺭﻣﯘ، ﺳﺎﻗﭽﯩﻼﺭﻧﯩﯔ ﺑﯩﻬﯘﺩﻩ ﺋﺎﯞﺍﺭﻩ ﻗﯩﻠﯩﺸﯩﺪﯨﻦ ﺳﺎﻗﻠﯩﻨﯩﺶ ﺋﯜﭼﯜﻥ ﺋﯘﻳﻐﯘﺭ ﺗﺎﺋﺎﻣﻠﯩﺮﻯ ﺋﺎﺷﺨﺎﻧﯩﻠﯩﺮﯨﻐﯩﻤﯘ ﻛﯩﺮﻣﻪﺱ ﺑﻮﻟﯘﭖ ﻗﺎﻟﻤﺎﻗﺘﺎ ﺋﯩﻜﻪﻥ.

ﺋﯚﭼﻤﻪﻧﻠﯩﻚ... ﺋﻪﻧﺪﯨﺸﻪ...

ﺧﯩﺘﺎﻳﻨﯩﯔ ﺑﯩﺮ ﻗﯩﺴﯩﻢ ﻣﯘﻻﻫﯩﺰﻩ ﺗﻮﺭ ﺑﻪﺗﻠﯩﺮﯨﺪﻩ ﺑﻮﻟﺴﺎ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﻩ ﻣﯘﻻﻫﯩﺰﻩ ﺋﯧﻼﻥ ﻗﯩﻠﯩﯟﺍﺗﻘﺎﻥ ﺑﯩﺮ ﻗﯩﺴﯩﻢ ﻛﯩﺸﯩﻠﻪﺭ ﺋﻮﭼﯘﻕ ‏ - ﺋﺎﺷﻜﺎﺭﺍ ﻫﺎﻟﺪﺍ ﺋﯘﻳﻐﯘﺭﻻﺭﻧﻰ ﻫﺎﻗﺎﺭﻩﺗﻠﻪﻳﺪﯨﻐﺎﻥ ﻫﻪﺗﺘﺎ " ﺑﺎﺭﻟﯩﻖ ﺋﯘﻳﻐﯘﺭﻻﺭﻧﻰ ﻗﯩﺮﯨﯟﯦﺘﯩﺶ ﻛﯧﺮﻩﻙ"، " ﺧﻪﭖ ﺋﻮﻟﯩﻤﭙﯩﻚ ﺗﯜﮔﻪﭖ ﺑﺎﻗﺴﯘﻥ"، " ﺋﯘﻻﺭﻧﯩﯔ ﻛﯚﺭﮔﯜﻟﯜﻛﯩﻨﻰ ﻛﯚﺭﺳﯩﺘﯩﻤﯩﺰ، ﺩﯙﻟﯩﺘﯩﻤﯩﺰﻧﯩﯔ ﻳﯜﺯﯨﻨﻰ ﺩﻩﭖ ﺋﯘﻻﺭﻧﻰ ﻫﺎﺯﯨﺮﭼﻪ ﺋﺎﻳﺎﭖ ﻗﻮﻳﺎﻳﻠﻰ"، " ﺋﯘﻳﻐﯘﺭ ﺗﯧﺮﺭﻭﺭﭼﯩﻼﺭﻧﯩﯔ ﻣﻪﻗﺴﯩﺘﻰ ﺋﯧﻨﯩﻖ، ﺋﯘﻻﺭ ﺧﯩﺘﺎﻳﻼﺭﻏﺎ ﺟﺎﻥ ﺟﻪﻫﻠﯩﺪﯨﻦ ﺋﯚﭺ، ﺋﯘﻻﺭﻧﯩﯔ ﯞﺍﻗﺘﯩﻨﭽﻪ ﺗﯩﻨﭽﻠﯩﻨﯩﭗ ﻗﺎﻟﻐﯩﻨﯩﻐﺎ ﺋﺎﻟﺪﺍﻧﻤﺎﺳﻠﯩﻖ ﻛﯧﺮﻩﻙ" ، " ﺋﯘﻳﻐﯘﺭﻻﺭﻧﯩﯔ ﻫﻪﻣﻤﯩﺴﻰ ﺷﯩﻨﺠﺎﯕﻨﻰ ﺑﯚﻟﯜﭖ ﭼﯩﻜﯩﺘﯩﺸﻨﻰ ﺋﻮﻳﻼﻳﺪﯗ، ﺋﯘﻻﺭ ﺗﯧﺮﺭﻭﺭﭼﻰ، ﺋﯘﻻﺭ ﻫﺎﻣﺎﻥ ﺑﯩﺰﮔﻪ ﺑﺎﺵ ﺋﻪﮔﻤﻪﻳﺪﯗ " ﺩﯦﮕﻪﻧﺪﻩﻙ ﻛﯜﭼﻠﯜﻙ ﻣﯩﻠﻠﯩﻲ ﺋﯚﭼﻤﻪﻧﻠﯩﻚ ﺗﯘﻳﻐﯘﺳﻰ ﺋﯩﭙﺎﺩﯨﻠﻪﻧﮕﻪﻥ ﻛﯚﺯ ﻗﺎﺭﺍﺵ ﭘﯩﻜﯩﺮﻟﯩﺮﯨﻨﻰ ﺋﯧﻼﻥ ﻗﯩﻠﻤﺎﻗﺘﺎ.

ﻫﺎﻟﺒﯘﻛﻰ ﺋﯘﻳﻐﯘﺭﭼﻪ ﺗﻮﺭ ﺑﻪﺗﻠﻪﺭﺩﻩ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﯞﻩﻗﻪ ﻫﻪﻗﻘﯩﺪﻩ ﺧﻪﯞﻩﺭ ﺋﯧﻼﻥ ﻗﯩﻠﯩﺶ ﻫﻪﻣﺪﻩ ﺗﻮﺭﺩﺍﺷﻼﺭﻧﯩﯔ ﭘﯩﻜﯩﺮ ﺑﺎﻳﺎﻥ ﻗﯩﻠﯩﺸﯩﻤﯘ ﻗﺎﺗﺘﯩﻖ ﭼﻪﻛﻠﻪﻧﮕﻪﻥ. ﻣﻪﻟﯘﻡ ﺩﺍﯕﻠﯩﻖ ﺋﯘﻳﻐﯘﺭﭼﻪ ﻣﯘﻻﻫﯩﺰﻩ ﺗﻮﺭ ﺑﯧﺘﯩﺪﻩ ﻗﻪﺷﻘﻪﺭﺩﻩ 4 - ﺋﺎﯞﻏﯘﺳﺖ ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﻗﯩﺴﻘﯩﭽﻪ ﺧﻪﯞﻩﺭ ﻗﻮﻳﯘﻟﻐﺎﻥ ﺑﻮﻟﺴﯩﻤﯘ، ﺑﯩﺮ ﻗﺎﻧﭽﻪ ﺳﺎﺋﻪﺗﺘﯩﻦ ﻛﯧﻴﯩﻦ ﺋﯚﭼﯜﺭﯛﻟﮕﻪﻥ ﺋﯩﺪﻯ.

ﮔﻪﺭﭼﻪ ﺧﯩﺘﺎﻱ ﺩﺍﺋﯩﺮﯨﻠﯩﺮﻯ 4 - ﺋﺎﯞﻏﯘﺳﺖ ﻗﻪﺷﻘﻪﺭﺩﻩ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﭼﯧﮕﺮﺍ ﻣﯘﺩﺍﭘﯩﺌﻪ ﻗﯩﺴﯩﻢ ﺋﻪﺳﻜﻪﺭﻟﯩﺮﯨﻨﯩﯔ ﻫﯘﺟﯘﻣﻐﺎ ﺋﯘﭼﺮﺍﺵ ﯞﻩﻗﻪﺳﯩﻨﻰ ﺗﯧﺮﺭﻭﺭﻟﯘﻕ ﻫﯘﺟﯘﻡ ﺩﻩﭖ ﻛﯚﺭﺳﯩﺘﯩﺸﻜﻪ ﺋﯘﺭﯗﻧﯘﯞﺍﺗﻘﺎﻥ ﺑﻮﻟﺴﯩﻤﯘ، ﻫﺎﺯﯨﺮﻏﺎ ﻗﻪﺩﻩﺭ ﭼﻪﺗﺌﻪﻝ ﺋﺎﺧﺒﺎﺭﺍﺗﻠﯩﺮﻯ ﻣﻪﺯﻛﯘﺭ ﯞﻩﻗﻪﻧﻰ ﻳﻪﺭﻟﯩﻚ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻳﯩﻠﻼﺭﺩﯨﻦ ﺑﯧﺮﻯ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺑﺎﺳﺘﯘﺭﯗﺷﻠﯩﺮﯨﻐﺎ ﻗﺎﺭﺷﻰ ﻗﻮﺯﻏﺎﻟﻐﺎﻥ ﻧﺎﺭﺍﺯﯨﻠﯩﻖ ﻫﻪﺭﯨﻜﯩﺘﻰ ﺩﻩﭖ ﻣﯘﻻﻫﯩﺰﻩ ﻗﯩﻠﯩﭗ ﻛﻪﻟﻤﻪﻛﺘﻪ.

ﻫﺎﺯﯨﺮﻏﯩﭽﻪ ﺋﯧﻼﻥ ﻗﯩﻠﯩﻨﯩﯟﺍﺗﻘﺎﻥ ﻣﻪﻟﯘﻣﺎﺗﻼﺭﻧﯩﯔ ﻫﻪﻣﻤﯩﺴﯩﺪﻩ ﻗﻪﺷﻘﻪﺭﺩﻩ ﯞﻩﻗﻪﻧﻰ ﺳﺎﺩﯨﺮ ﻗﯩﻠﻐﯘﭼﻰ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭ ﻳﺎﺷﻨﯩﯔ ﺋﺎﺩﻩﺗﺘﯩﻜﻰ ﻛﯩﺸﯩﻠﻪﺭ ‏ - ﭘﯘﻗﺮﺍﻻﺭ ﺋﯩﻜﻪﻧﻠﯩﻜﻰ، ﺋﯘﻻﺭﻧﯩﯔ ﻳﻪﺭﻟﯩﻚ ﺋﯘﺳﯘﻟﺪﺍ ﻳﺎﺳﯩﯟﺍﻟﻐﺎﻥ ﺑﻮﻣﺒﺎ ﻫﻪﻡ ﻗﻮﺭﺍﻝ ﺑﯩﻠﻪﻥ ﺧﯩﺘﺎﻱ ﻗﻮﺭﺍﻟﻠﯩﻖ ﻗﯩﺴﯩﻤﻐﺎ ﻫﯘﺟﯘﻡ ﻗﯩﻠﻐﺎﻧﻠﯩﻘﻰ، ﺑﯘﻻﺭﻧﯩﯔ ﻫﻪﺭﯨﻜﯩﺘﻰ ﮔﻪﺭﭼﻪ ﭘﯩﻼﻧﻠﯩﻖ ﺋﯧﻠﯩﭗ ﺑﯧﺮﯨﻠﻐﺎﻥ ﺑﻮﻟﺴﯩﻤﯘ، ﻫﯧﭽﻘﺎﻧﺪﺍﻕ ﺗﯧﺮﺭﻭﺭﻟﯘﻕ ﺗﻪﺷﻜﯩﻼﺕ ﻳﺎﻛﻰ ﮔﯘﺭﯗﭘﭙﺎ ﺑﯩﻠﻪﻥ ﺋﺎﻻﻗﯩﺴﻰ ﻳﻮﻗﻠﯘﻗﻰ ﺗﻪﻛﯩﺘﻠﻪﻧﻤﻪﻛﺘﻪ.

ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩﻗﻪﺩﯨﻦ ﻛﯧﻴﯩﻦ ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﯞﻩﻗﻪ ﺑﺎﻫﺎﻧﯩﺴﯩﺪﺍ ﺋﻪﺳﻠﯩﺪﯨﻼ ﺑﯧﺴﯩﻤﻐﺎ ﺋﯘﭼﺮﺍﯞﺍﺗﻘﺎﻥ ﺋﯘﻳﻐﯘﺭ ﺧﻪﻟﻘﯩﮕﻪ ﺑﻮﻟﻐﺎﻥ ﺳﯩﻴﺎﺳﯩﻲ ﺑﯧﺴﯩﻤﻨﻰ ﻳﻪﻧﯩﻤﯘ ﻛﯜﭼﻪﻳﺘﯩﺸﻰ، ﺋﯚﭺ ﺋﯧﻠﯩﺶ ﺧﺎﺭﺍﻛﺘﯧﺮﻟﯩﻚ ﺳﯩﻴﺎﺳﻪﺗﻠﻪﺭﻧﻰ ﻗﻮﻟﻠﯩﻨﯩﺸﯩﺪﯨﻦ ﺋﻪﻧﺪﯨﺸﻪ ﻫﯧﺲ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﻤﻪﻛﺘﻪ.