ﻫﻪﻣﺪﻩ ﺗﺎﻛﻰ 1989 - ﻳﯩﻠﯩﻐﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﺋﯚﺯﺍﺭﺍ ﺩﯛﺷﻤﻪﻧﻠﯩﻚ ﯞﻩ ﺳﻮﻏﯘﻗﭽﯩﻠﯩﻖ ﺟﻪﺭﻳﺎﻧﻠﯩﺮﯨﻨﻰ ﺑﺎﺷﺘﯩﻦ ﻛﻪﭼﯜﺭﯛﭖ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﺭﻩﻫﺒﯩﺮﻯ ﮔﻮﺭﺑﺎﭼﯧﯟﻧﯩﯔ ﺧﯩﺘﺎﻳﻨﻰ ﺯﯨﻴﺎﺭﻩﺕ ﻗﯩﻠﯩﺸﻰ، ﺧﯩﺘﺎﻱ ﺑﺎﺵ ﻣﯩﻨﯩﺴﺘﯩﺮﻯ ﻟﻰ ﭘﯧﯖﻨﯩﯔ ﻣﻮﺳﻜﯟﺍﻧﻰ ﺯﯨﻴﺎﺭﻩﺕ ﻗﯩﻠﯩﺸﻰ ﺑﯩﻠﻪﻥ ﺋﯩﻜﻜﻰ ﺗﻪﺭﻩﭖ ﺋﺎﺭﯨﺴﯩﺪﺍ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﯘﭼﺮﯨﺸﯩﺶ ﺑﺎﺷﻠﯩﻨﯩﭗ، ﻣﯘﻧﺎﺳﯩﯟﻩﺗﻠﯩﺮﻯ ﻧﻮﺭﻣﺎﻟﻼﺷﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﺯﯗﻧﻐﺎ ﺑﺎﺭﻣﺎﻱ، ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻤﯩﺮﯨﻠﺪﻯ.

ﺭﯗﺱ - ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﻯ ﺋﯜﭼﯜﻥ ﻗﯩﺰﯨﻘﺎﺭﻟﯩﻖ ﺗﯧﻤﺎ

ﺑﯜﮔﯜﻧﻜﻰ ﻛﯜﻧﺪﻩ ﺧﯩﺘﺎﻱ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻦ ﺋﺎﻳﺮﯨﻠﯩﭗ ﻣﯘﺳﺘﻪﻗﯩﻞ ﺑﻮﻟﻐﺎﻥ 15 ﺩﯙﻟﻪﺕ ﺑﯩﻠﻪﻥ ﻫﻪﻣﻜﺎﺭﻟﯩﻖ ﻣﯘﻧﺎﺳﯩﯟﻩﺕ ﺋﻮﺭﻧﺎﺗﻘﺎﻥ ﺑﻮﻟﯘﭖ، ﺑﯘﻻﺭﻧﯩﯔ ﺋﯩﭽﯩﺪﻩ ﺭﯗﺳﯩﻴﻪ ﺧﯩﺘﺎﻳﻨﯩﯔ ﺋﻪﯓ ﻳﯧﻘﯩﻦ ﯞﻩ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺷﯧﺮﯨﻜﯩﮕﻪ ﺋﺎﻳﻼﻧﺪﻯ. ﺋﯘﻧﺪﺍﻗﺘﺎ ﺳﻮﯞﯦﺖ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﺋﻪﻳﻨﻰ ﯞﺍﻗﯩﺘﺘﺎ ﺑﯘﺯﯗﻟﯘﭖ، ﺋﯩﺘﺘﯩﭙﺎﻗﭽﯩﺪﯨﻦ ﺩﯛﺷﻤﻪﻧﮕﻪ ﺋﺎﻳﻠﯩﻨﯩﺸﻰ ﻫﻪﺗﺘﺎ، ﺋﯩﻜﻜﻰ ﺗﻪﺭﻩﭘﻨﯩﯔ ﺑﯩﺮ ﻗﺎﻧﭽﻪ ﻣﯩﻠﻴﻮﻥ ﻛﯩﺸﯩﻠﯩﻚ ﻗﻮﺷﯘﻧﻠﯩﺮﻯ ﭼﯧﮕﺮﺍ ﺑﻮﻳﻠﯩﺮﯨﻐﺎ ﺗﻮﭘﻠﯩﻨﯩﭗ، ﺑﯩﺮ - ﺑﯩﺮﯨﮕﻪ ﺧﯩﺮﯨﺲ ﻗﯩﻠﯩﺪﯨﻐﺎﻥ ﺋﯘﺭﯗﺵ ﯞﻩﺯﯨﻴﯩﺘﯩﻨﯩﯔ ﺷﻪﻛﯩﻠﻠﯩﻨﯩﺸﯩﮕﻪ ﻫﻪﻣﺪﻩ ﺟﯧﻨﺒﺎﯞﺩﺍﯞ( ﺩﺍﻣﺎﻧﺴﻜﻲ) ﯞﻩ ﺗﺎﺭﺑﺎﻏﺎﺗﺎﻱ ﻗﺎﺗﺎﺭﻟﯩﻖ ﺟﺎﻳﻼﺭﺩﺍ ﭼﯧﮕﺮﺍ ﺗﻮﻗﯘﻧﯘﺷﻰ ﻳﯜﺯ ﺑﯧﺮﯨﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ ﺋﺎﺳﺎﺳﻠﯩﻖ ﺋﺎﻣﯩﻠﻼﺭ ﻧﯧﻤﻪ ؟

ﻳﯧﻘﯩﻨﻘﻰ ﯞﺍﻗﯩﺘﻼﺭﺩﺍ ﺭﯗﺳﯩﻴﻪ ﯞﻩ ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﻯ ﺑﯘ ﻣﻪﺳﯩﻠﯩﻠﻪﺭ ﺑﻮﻳﯩﭽﻪ ﻛﯚﭘﻠﯩﮕﻪﻥ ﺋﻪﺳﻪﺭﻟﯩﺮﯨﻨﻰ ﺋﯧﻼﻥ ﻗﯩﻠﺪﻯ. ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺋﯩﭽﯩﺪﻩ ﺷﯧﻦ ﺟﯩﺨﯘﺋﺎ، ﻟﻰ ﺩﻩﻧﺨﯘﻱ ﻗﺎﺗﺎﺭﻟﯩﻘﻼﺭ ﺑﯩﺮ ﻗﻪﺩﻩﺭ ﺳﯩﺴﺘﯧﻤﯩﻠﯩﻖ ﺗﻪﺗﻘﯩﻘﺎﺕ ﻗﯩﻠﻐﺎﻥ ﺑﻮﻟﯘﭖ، ﺋﯘﻻﺭ ﺋﺎﺳﺎﺳﻠﯩﻘﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﯞﻩ ﺧﯩﺘﺎﻳﻨﯩﯔ ﺋﺎﺭﺧﯩﭗ ﻣﺎﺗﯧﺮﯨﻴﺎﻟﻠﯩﺮﯨﻐﺎ ﺗﺎﻳﺎﻧﻐﺎﻥ. ﺳﻮﯞﯦﺖ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﺑﯘﺯﯗﻟﯘﺷﻰ ﻫﻪﻗﻘﯩﺪﻩ ﺭﯗﺳﯩﻴﻪ ﯞﻩ ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﻛﯚﺯ ﻗﺎﺭﺍﺷﻠﯩﺮﻯ ﻫﻪﺭ ﺧﯩﻞ ﺑﻮﻟﯘﭖ، ﺋﻪﻳﻨﻰ ﯞﺍﻗﯩﺘﺘﺎ ﺋﯩﻜﻜﻰ ﺩﯙﻟﻪﺕ ﺑﯩﺮ - ﺑﯩﺮﯨﻨﻰ ﻗﺎﺗﺘﯩﻖ ﺋﻪﻳﯩﺒﻠﻪﭖ، ﺋﯩﺪﯦﺌﻮﻟﻮﮔﯩﻴﻪ ﺳﺎﻫﻪﺳﯩﺪﯨﻤﯘ ﺑﯩﺮ - ﺑﯩﺮﯨﮕﻪ ﻫﯘﺟﯘﻡ ﻗﯩﻠﻐﺎﻥ ﺋﯩﺪﻯ.

ﺧﯩﺘﺎﻱ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯧﻼﻥ ﻗﯩﻠﻐﺎﻥ ﺑﯘ ﻫﻪﻗﺘﯩﻜﻰ ﺗﻪﺗﻘﯩﻘﺎﺗﻠﯩﺮﯨﺪﺍ ﺳﻮﯞﯦﺖ - ﺧﯩﺘﺎﻱ ﻣﯘﻧﺎﺳﯩﯟﯨﺘﯩﻨﯩﯔ ﺑﯘﺯﯗﻟﯘﺷﯩﺪﯨﻜﻰ ﺋﺎﺳﺎﺳﻠﯩﻖ ﺳﻪﯞﻩﺑﻨﻰ ﻳﻪﻧﯩﻼ ﺳﺘﺎﻟﯩﻦ ﯞﻩ ﺋﯘﻧﯩﯖﺪﯨﻦ ﻛﯧﻴﯩﻨﻜﻰ ﺧﺮﯗﺷﯧﯟﻗﺎ ﺋﺎﺭﺗﯩﭗ، ﺋﯘﻻﺭﻧﯩﯔ ﺟﯘﯕﮕﻮﻏﺎ ﺯﻭﻣﯩﮕﻪﺭﻟﯩﻚ ﻗﯩﻠﻐﺎﻧﻠﯩﻘﯩﻨﻰ ﻛﯚﺭﺳﯩﺘﯩﺸﯩﺪﯗ. ﺋﻪﻣﻤﺎ، ﺭﯗﺳﯩﻴﻪ ﻣﯘﺗﻪﺧﻪﺳﺴﯩﺴﻠﯩﺮﻯ ﺑﻮﻟﺴﺎ، ﺧﯩﺘﺎﻱ ﻛﻮﻣﻤﯘﻧﯩﺴﺘﻠﯩﺮﯨﻨﯩﯔ ﻏﻪﻟﯩﺒﻪ ﻗﺎﺯﯨﻨﯩﺸﻰ ﻫﻪﺗﺘﺎ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﻰ ﻗﯘﺭﯗﭖ، ﻳﯧﯖﻰ ﺟﯘﯕﮕﻮﻧﯩﯔ ﺗﯩﻜﻠﯩﻨﯩﺸﯩﺪﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻏﺎﻳﻪﺕ ﺯﻭﺭ ﺭﻭﻝ ﺋﻮﻳﻨﯩﻐﺎﻥ ﺑﻮﻟﯘﺷﯩﻐﺎ ﻗﺎﺭﯨﻤﺎﻱ، ﺳﺘﺎﻟﯩﻦ ﺋﯚﻟﮕﻪﻧﺪﯨﻦ ﻛﯧﻴﯩﻦ، ﻣﺎﯞﺯﯦﺪﯗﯕﻨﯩﯔ ﺧﻪﻟﻘﺌﺎﺭﺍ ﻛﻮﻣﻤﯘﻧﯩﺰﻡ ﻫﻪﺭﯨﻜﯩﺘﯩﻨﯩﯔ ﺩﺍﻫﯩﻴﯩﺴﯩﻠﯩﻖ ﺋﻮﺭﻧﯩﻨﻰ ﺗﺎﻟﯩﺸﯩﭗ، ﺳﺘﺎﻟﯩﻦ ﺩﻩﯞﺭﯨﺪﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﻨﻰ ﺑﯩﺮﺩﯨﻨﻼ ﺋﯚﺯﮔﻪﺭﺗﯩﭗ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﻳﺎﺭﺩﻩﻣﻠﯩﺮﯨﮕﻪ ﻳﯜﺯﺳﯩﺰﻟﯩﻚ ﻗﯩﻠﻐﺎﻧﻠﯩﻘﻰ، ﺋﺎﺧﯩﺮﯨﺪﺍ ﺑﯧﺮﯨﭗ، ﺋﯘﻧﯩﯖﺪﯨﻦ ﻳﯜﺯ ﺋﯚﺭﯛﺵ ﭘﻮﺯﯨﺘﺴﯩﻴﯩﺴﻰ ﻗﻮﻟﻼﻧﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﺪﯗ.

ﺋﻪﻣﻤﺎ، ﻳﯧﻘﯩﻨﻘﻰ ﯞﺍﻗﯩﺘﻼﺭﺩﯨﻜﻰ ﺑﯩﺮ ﻗﯩﺴﯩﻢ ﺧﯩﺘﺎﻱ ﺋﺎﭘﺘﻮﺭﻟﯩﺮﻯ ، ﻣﺎﯞﺯﯦﺪﯗﯕﻨﯩﯔ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻗﺎﺗﺘﯩﻖ ﭘﻮﺯﯨﺘﺴﯩﻴﻪ ﻗﻮﻟﻠﯩﻨﯩﺸﻰ ﯞﻩ ﺋﯘﻧﯩﯖﺪﯨﻦ ﺳﺘﺎﻟﯩﻦ ﺩﻩﯞﺭﯨﺪﻩ ﺗﯜﺯﮔﻪﻥ ﻛﯧﻠﯩﺸﯩﻤﻠﻪﺭﻧﻰ ﺋﺎﺧﯩﺮﻻﺷﺘﯘﺭﯗﭖ، ﺋﺎﺧﯩﺮﯨﺪﺍ ﺳﻮﯞﯦﺖ ﻣﯘﺗﻪﺧﻪﺳﺴﯩﺴﻠﯩﺮﯨﻨﻰ ﻗﻮﻏﻼﭖ ﭼﯩﻘﯩﺮﯨﺸﯩﺪﺍ ﺋﯘﻧﯩﯔ ﻗﻪﻟﺒﯩﺪﻩ ﺋﻪﺳﻠﯩﺪﯨﻦ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺟﯜﻣﻠﯩﺪﯨﻦ ﺳﺘﺎﻟﯩﻨﻐﺎ ﻧﺎﺭﺍﺯﯨﻠﯩﻘﻠﯩﺮﻯ ﻳﻮﺷﯘﺭﯗﻧﻐﺎﻧﻠﯩﻘﻰ، ﻳﯧﯖﻰ ﺟﯘﯕﮕﻮﻧﯩﯔ ﺗﯧﺨﻰ ﺋﺎﺟﯩﺰ ﯞﻩ ﺧﻪﻟﻘﺌﺎﺭﺍﻟﯩﻖ ﺋﻮﺭﻧﯩﻨﯩﯔ ﻳﻮﻗﻠﯘﻗﻰ ﺗﯜﭘﻪﻳﻠﯩﺪﯨﻦ ﺳﺘﺎﻟﯩﻨﻨﯩﯔ ﻫﻪﺭ ﻗﺎﻧﺪﺍﻕ ﺷﻪﺭﺗﻠﯩﺮﯨﮕﻪ ﻣﺎﻗﯘﻝ ﺩﯦﻴﯩﺸﻜﻪ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﻰ ﺋﺎﻛﺎ، ﺟﯘﯕﮕﻮﻧﻰ ﺋﯘﻛﺎ ﻗﺎﺗﺎﺭﯨﺪﺍ ﻛﯚﺭﯛﺷﻜﻪ ﻣﻪﺟﺒﯘﺭ ﺑﻮﻟﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﺷﯩﺪﯗ.

ﻣﺎﯞ ﺯﯦﺪﯗﯕﻨﻰ ﺧﺎﭘﺎ ﻗﯩﻠﻐﺎﻥ ﺳﺘﺎﻟﯩﻨﻨﯩﯔ ﺗﯚﺕ ﺧﯩﻞ ﺧﺎﺗﺎﻟﯩﻘﻰ

"ﺑﻮﺷﯜﻥ" ﺗﻮﺭﯨﺪﺍ ﺋﯧﻼﻥ ﻗﯩﻠﯩﻨﻐﺎﻥ "ﺟﯘﯕﮕﻮ - ﺳﻮﯞﯦﺖ ﻣﯘﻧﺎﺳﯩﯟﻩﺗﻠﯩﺮﻯ ﭼﻮﯓ ﺋﯩﺸﻠﯩﺮﻯ ﺑﺎﻳﺎﻧﻰ" ﻧﺎﻣﻠﯩﻖ ﻛﯩﺘﺎﺑﺘﯩﻦ ﻧﻪﻗﯩﻞ ﻛﻪﻟﺘﯜﺭﯛﻟﮕﻪﻥ ﺋﯘﭼﯘﺭﻻﺭﻏﺎ ﺋﺎﺳﺎﺳﻼﻧﻐﺎﻧﺪﺍ، ﻣﺎﯞﺯﯦﺪﯗﯓ ﺋﻪﻳﻨﻰ ﯞﺍﻗﯩﺘﺘﺎ ﺳﺘﺎﻟﯩﻨﺪﯨﻦ ﻗﺎﺗﺘﯩﻖ ﻧﺎﺭﺍﺯﻯ ﺑﻮﻟﻐﺎﻥ ﺑﻮﻟﯘﭖ، ﺋﯘ ﺳﺘﺎﻟﯩﻨﻨﻰ ﺟﯘﯕﮕﻮ ﺋﯩﻨﻘﯩﻼﺑﻰ ﻣﻪﺳﯩﻠﯩﺴﯩﺪﻩ ﺋﺎﺳﺎﺳﻠﯩﻖ ﺗﯚﺕ ﺧﯩﻞ ﺧﺎﺗﺎﻟﯩﻖ ﺋﯚﺗﻜﯜﺯﺩﻯ ﺩﻩﭖ ﺋﻪﻳﯩﺒﻠﯩﮕﻪﻥ. ﺑﯩﺮﺍﻕ، ﺋﯘ ﺳﺘﺎﻟﯩﻦ ﻫﺎﻳﺎﺕ ﯞﺍﻗﺘﯩﺪﺍ ﺑﯘﻧﻰ ﺋﺎﻏﺰﯨﺪﯨﻦ ﭼﯩﻘﯩﺮﺍﻟﻤﯩﻐﺎﻥ ﺑﻮﻟﯘﭖ، ﭘﻪﻗﻪﺕ ﺳﺘﺎﻟﯩﻦ ﺋﯚﻟﯜﭖ، ﺧﺮﯗﺷﯧﯟ ﺳﺘﺎﻟﯩﻨﻨﻰ ﺗﻪﻧﻘﯩﺪ ﻗﯩﻠﻐﺎﻧﺪﯨﻦ ﻛﯧﻴﯩﻨﻼ ﺋﯧﻴﺘﺎﻟﯩﻐﺎﻥ.

ﻣﺎﯞﺯﯦﺪﯗﯕﻨﯩﯔ ﻗﺎﺭﯨﺸﯩﭽﻪ، ﺳﺘﺎﻟﯩﻨﻨﯩﯔ ﺋﯚﺗﻜﯜﺯﮔﻪﻥ ﺋﺎﺳﺎﺳﻠﯩﻖ ﺗﯚﺕ ﺧﯩﻞ ﺧﺎﺗﺎﻟﯩﻘﻰ ﺷﯘﻛﻰ، ﺑﯩﺮﯨﻨﭽﯩﺪﯨﻦ ﺳﺘﺎﻟﯩﻦ 30 - ﻳﯩﻠﻼﺭﺩﺍ ﯞﺍﯓ ﻣﯩﯖﻨﻰ ﻗﻮﻟﻼﭖ، ﺋﯘﻧﯩﯔ ﺧﯩﺘﺎﻱ ﻛﻮﻣﭙﺎﺭﺗﯩﻴﯩﺴﯩﮕﻪ ﺭﻩﻫﺒﻪﺭﻟﯩﻚ ﻗﯩﻠﯩﭗ، ﺧﺎﺗﺎﻟﯩﻖ ﺋﯚﺗﻜﯜﺯﯛﺷﯩﮕﻪ ﺳﻪﯞﻩﺏ ﺑﻮﻟﻐﺎﻥ. ﺋﯩﻜﻜﯩﻨﭽﯩﺪﯨﻦ، ﻳﺎﭘﻮﻧﻐﺎ ﻗﺎﺭﺷﻰ ﺋﯘﺭﯗﺵ ﻣﻪﺯﮔﯩﻠﯩﺪﻩ ﺳﺘﺎﻟﯩﻨﻨﯩﯔ ﻳﻪﻧﻪ ﯞﺍﯓ ﻣﯩﯖﻨﻰ ﻣﻮﺳﻜﯟﺍﺩﯨﻦ ﻳﻪﻧﺌﻪﻧﮕﻪ ﺋﻪﯞﻩﺗﻜﻪﻧﻠﯩﻜﻰ. ﺋﯜﭼﯩﻨﭽﯩﺪﯨﻦ ، ﺋﯩﻜﻜﯩﻨﭽﻰ ﺩﯗﻧﻴﺎ ﺋﯘﺭﯗﺷﻰ ﺋﺎﺧﯩﺮﻻﺷﻘﺎﻧﺪﯨﻦ ﻛﯧﻴﯩﻦ ﺳﺘﺎﻟﯩﻨﻨﯩﯔ ﺟﯘﯕﮕﻮﻧﻰ ﭘﯜﺗﯜﻧﻠﻪﻱ ﺋﺎﻣﯧﺮﯨﻜﯩﻐﺎ ﯞﻩ ﺟﺎﯕﻜﻪﻳﺸﯩﮕﻪ ﺑﯧﺮﯨﯟﯦﺘﯩﺸﻨﻰ ﻗﺎﺭﺍﺭ ﻗﯩﻠﯩﺸﻰ. ﺗﯚﺗﯩﻨﭽﯩﺪﯨﻦ ﺳﺘﺎﻟﯩﻨﻨﯩﯔ ﻣﺎﯞ ﺯﯦﺪﯗﯕﻨﻰ ﻳﯧﺮﯨﻢ ﺗﯧﺘﻮ ﻫﯧﺴﺎﺑﻠﯩﻐﺎﻧﻠﯩﻘﻰ ﻗﺎﺗﺎﺭﻟﯩﻘﻼﺭﺩﯗﺭ.

ﻣﻪﺯﻛﯘﺭ ﻣﺎﻗﺎﻟﯩﺪﻩ ﻧﻪﻗﯩﻞ ﻛﻪﻟﺘﯜﺭﯛﺷﯩﭽﻪ، ﻣﺎﯞﺯﯦﺪﯗﯓ ﺳﺘﺎﻟﯩﻨﻨﯩﯔ ﺟﯘﯕﮕﻮ ﻛﻮﻣﻤﯘﻧﯩﺴﺘﻼﺭ ﭘﺎﺭﺗﯩﻴﯩﺴﯩﮕﻪ ﺋﯩﺸﻪﻧﻤﯩﮕﻪﻧﻠﯩﻜﻰ، ﺋﯘﻧﯩﯔ ﺋﯚﺯﯨﻨﻰ ﺋﺎﺳﯩﻴﺎﻧﯩﯔ ﺗﯧﺘﻮﺳﻰ ﺩﯦﮕﻪﻧﻠﯩﻜﻰ ﺳﻪﯞﻩﺑﯩﺪﯨﻦ ﺑﯘ ﺋﯩﺸﻨﯩﯔ ﺋﯘﻧﯩﯔ ﻗﻪﻟﺒﯩﺪﻩ ﺋﺎﻟﺘﻪ ﻳﯩﻠﺪﯨﻦ ﺋﺎﺭﺗﯘﻕ ﯞﺍﻗﯩﺖ ﺳﺎﻗﻼﻧﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ ﺋﯩﻜﻪﻥ. ﻣﺎﯞﺯﯦﺪﯗﯓ ﻳﻪﻧﻪ 1949 - ﻳﯩﻠﻰ 12 - ﺋﺎﻳﺪﺍ ﺋﯚﺯﯨﻨﯩﯔ ﺗﯘﻧﺠﻰ ﻗﯧﺘﯩﻢ ﻣﻮﺳﻜﯟﺍﻧﻰ ﺯﯨﻴﺎﺭﻩﺕ ﻗﯩﻠﻐﺎﻧﺪﺍ ﺳﺘﺎﻟﯩﻨﻨﯩﯔ ﺋﯚﺯﯨﮕﻪ ﺳﻮﻏﯘﻕ ﻣﯘﺋﺎﻣﯩﻠﻪ ﻗﯩﻠﻐﺎﻧﻠﯩﻘﯩﻨﻰ ﺋﯘﻧﺘﺎﻟﻤﯩﻐﺎﻥ ﺑﻮﻟﯘﭖ، ﺋﯘ ﻣﻮﺳﻜﯟﺍﺩﺍ ﺋﯜﭺ ﺋﺎﻱ ﺗﯘﺭﯗﺵ ﺟﻪﺭﻳﺎﻧﯩﺪﺍ ﻛﯚﭖ ﺑﯩﺌﺎﺭﺍﻣﻠﯩﻖ ﻫﯧﺲ ﻗﯩﻠﻐﺎﻥ. ﺋﯘ ﭼﺎﻏﺪﺍ ﻣﺎﯞﺯﯦﺪﯗﯓ ﺳﺘﺎﻟﯩﻨﻨﯩﯔ 70 ﻳﺎﺷﻠﯩﻖ ﻣﯘﺭﺍﺳﯩﻤﯩﻐﺎ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺋﯘ ﺳﺘﺎﻟﯩﻨﺪﯨﻦ ﺟﯘﯕﮕﻮ - ﺳﻮﯞﯦﺖ ﺩﻭﺳﺘﻠﯘﻕ ﻛﯧﻠﯩﺸﯩﻤﻰ ﺗﯜﺯﯛﺷﻨﻰ ﺋﯜﻣﯩﺪ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ، ﺑﯩﺮﺍﻕ ﺳﺘﺎﻟﯩﻦ ﺑﯘﻧﯩﯖﻐﺎ ﺑﯩﺮﺍﻗﻼ ﻗﻮﺷﯘﻟﻤﺎﻱ، ﯞﺍﻗﯩﺘﻨﻰ ﺳﻮﺯﻏﺎﻥ.

ﺳﺘﺎﻟﯩﻦ ﺋﯘﻳﻐﯘﺭ ﺩﯨﻴﺎﺭﯨﻨﻰ ﻣﺎﯞ ﺯﯦﺪﻭﯕﻐﺎ ﺑﯩﻜﺎﺭﻏﺎ ﺑﻪﺭﻣﯩﮕﻪﻥ

ﺳﺘﺎﻟﯩﻦ ﺋﯘﺯﯗﻥ ﻣﯘﺩﺩﻩﺗﻠﯩﻚ ﺳﯜﻛﯜﺗﺘﯩﻦ ﻛﯧﻴﯩﻦ، ﺋﺎﺧﯩﺮﻯ ﺧﯩﺘﺎﻱ ﺑﯩﻠﻪﻥ ﻛﯧﻠﯩﺸﯩﻢ ﺗﯜﺯﯛﺷﻜﻪ ﯞﻩ ﺧﯩﺘﺎﻳﻐﺎ ﺯﻭﺭ ﻣﯩﻘﺪﺍﺭﺩﺍ ﺋﯩﻘﺘﯩﺴﺎﺩﯨﻲ، ﺗﯧﺨﻨﯩﻜﺎ ﯞﻩ ﺑﺎﺷﻘﺎ ﺟﻪﻫﻪﺗﻠﻪﺭﺩﯨﻦ ﻳﺎﺭﺩﻩﻡ ﺑﯧﺮﯨﺸﻜﻪ ﻗﻮﺷﯘﻟﻐﺎﻥ. ﺋﻪﻣﻤﺎ، ﺑﯘﻧﯩﯔ ﺋﯜﭼﯜﻥ ﺋﯘ ﻣﺎﯞ ﺯﯦﺪﯗﯕﻨﻰ ﺑﯩﺮ ﻗﺎﻧﭽﻪ ﻣﻪﺳﯩﻠﯩﻠﻪﺭﺩﻩ ﻳﻮﻝ ﻗﻮﻳﯘﺷﻘﺎ ﻣﻪﺟﺒﯘﺭ ﻗﯩﻠﻐﺎﻥ. ﺳﺘﺎﻟﯩﻦ "ﺷﯩﻨﺠﺎﯓ ﻣﻪﺳﯩﻠﯩﺴﻰ"ﺩﻩ ﻣﺎﯞ ﺯﯦﺪﯗﯕﻨﻰ ﻛﺎﻥ ﻣﻪﻫﺴﯘﻻﺗﻠﯩﺮﻯ ﯞﻩ ﻧﯧﻔﯩﺖ ﺳﺎﻫﻪﺳﻰ ﺑﻮﻳﯩﭽﻪ ﺋﯩﻜﻜﻰ ﺑﯩﺮﻟﻪﺷﻤﻪ ﺷﯩﺮﻛﻪﺕ ﻗﯘﺭﯗﭖ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺑﯘ ﺟﺎﻳﺪﺍ ﺋﯩﻤﺘﯩﻴﺎﺯﯨﻨﻰ ﺗﯩﻜﻠﯩﺸﯩﮕﻪ ﻣﻪﺟﺒﯘﺭ ﻗﯩﻠﻐﺎﻥ.

ﺑﯘﻧﯩﯖﺪﯨﻦ ﺑﺎﺷﻘﺎ ﻳﻪﻧﻪ ﺷﻪﺭﻗﯩﻲ ﺷﯩﻤﺎﻝ ﺗﯚﻣﯜﺭ ﻳﻮﻟﯩﻨﻰ ﺋﯩﻜﻜﻰ ﺗﻪﺭﻩﭖ ﺑﯩﺮﻟﯩﻜﺘﻪ ﺑﺎﺷﻘﯘﺭﯗﺵ، ﻟﯜﺷﯜﻥ ﭘﻮﺭﺗﯩﻨﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺩﯦﯖﯩﺰ ﺋﺎﺭﻣﯩﻴﻪ ﺑﺎﺯﯨﺴﻰ ﻗﯩﻠﯩﺶ ﻣﻪﺳﯩﻠﯩﻠﻪﺭﺩﻩ ﻗﻪﺗﺌﯩﻲ ﺗﻪﻟﻪﭖ ﻗﯩﻠﻐﺎﻥ ﺑﻮﻟﯘﭖ، ﻣﺎﯞﺯﯦﺪﯗﯓ ﺑﯘﻧﯩﯖﻐﺎ ﻗﻮﺷﯘﻟﻤﺎﺳﻠﯩﻘﻘﺎ ﺋﺎﻣﺎﻟﺴﯩﺰ ﻗﺎﻟﻐﺎﻥ. ﻗﯩﺴﻘﯩﺴﻰ ، ﺳﺘﺎﻟﯩﻦ 1949 - ﻳﯩﻠﻰ ﺋﯩﻠﻰ، ﺗﺎﺭﺑﺎﻏﺎﺗﺎﻱ ﯞﻩ ﺋﺎﻟﺘﺎﻳﺪﯨﻜﻰ ﻣﯘﺳﺘﻪﻗﯩﻞ ﺋﯜﭺ ﯞﯨﻼﻳﻪﺕ ﻫﯚﻛﯜﻣﯩﺘﯩﻨﯩﯔ ﺋﻪﻣﻪﻟﺪﯨﻦ ﻗﯧﻠﯩﭗ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﺧﯩﺘﺎﻱ ﺋﺎﺭﻣﯩﻴﯩﺴﻰ ﺗﻪﺭﻛﯩﺒﯩﮕﻪ ﻛﯩﺮﯨﺸﻰ، ﺑﯘﺭﻫﺎﻥ ﺷﻪﻫﯩﺪﻯ ﯞﻩ ﺗﺎﯞ ﺳﯩﻴﯜﺋﯥ ﻗﺎﺗﺎﺭﻟﯩﻖ ﮔﻮﻣﯩﻨﺪﺍﯓ ﻫﻪﺭﺑﯩﻲ - ﺳﯩﻴﺎﺳﯩﻲ ﺋﻪﻣﻪﻟﺪﺍﺭﻟﯩﺮﯨﻨﯩﯔ ﺗﻪﺳﻠﯩﻢ ﺑﻮﻟﯘﭖ، ﺋﺎﺯﺍﺩﻟﯩﻖ ﺋﺎﺭﻣﯩﻴﯩﻨﯩﯔ ﺋﯘﻳﻐﯘﺭ ﺋﯧﻠﯩﻨﻰ ﺋﯩﮕﯩﻠﯩﺸﯩﺪﻩ ﻫﻪﻝ ﻗﯩﻠﻐﯘﭺ ﺭﻭﻝ ﺋﻮﻳﻨﯩﻐﺎﻥ ﺑﻮﻟﯘﭖ، ﻣﯘﻧﺪﺍﻗﭽﻪ ﻗﯩﻠﯩﭗ ﺋﯧﻴﺘﻘﺎﻧﺪﺍ ﺋﯘﻳﻐﯘﺭ ﺩﯨﻴﺎﺭﯨﻨﯩﯔ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺗﻪﯞﻩﺳﯩﮕﻪ ﻛﯩﺮﮔﯜﺯﯛﻟﯩﺸﯩﺪﯨﻜﻰ ﻣﯘﻫﯩﻢ ﺋﺎﻣﯩﻞ ﺑﻮﻟﯘﭖ ﻗﺎﻟﻐﺎﻧﺪﯨﻦ ﺳﯩﺮﺕ ﻳﻪﻧﻪ ﺷﻪﺭﻗﯩﻲ ﺷﯩﻤﺎﻟﻐﯩﻤﯘ ﻗﻮﺷﯘﻥ ﻛﯩﺮﮔﯜﺯﯛﭖ، ﺋﯘ ﻳﻪﺭﺩﯨﻦ ﻳﺎﭘﻮﻧﯩﻴﯩﻨﻰ ﻗﻮﻏﻠﯩﻐﺎﻥ ﺋﯩﺪﻯ.

"ﻣﺎﯞﺯﯦﺪﯗﯓ ﺑﯩﻠﯩﻨﻤﯩﮕﻪﻥ ﻫﯧﻜﺎﻳﻪ" ﻧﺎﻣﻠﯩﻖ ﻛﯩﺘﺎﺑﺘﺎ ﻳﯧﺰﯨﻠﯩﺸﯩﭽﻪ، ﻣﺎﯞﺯﯦﺪﯗﯓ ﻣﻮﺳﻜﯟﺍﺩﺍ ﺳﺘﺎﻟﯩﻦ ﺑﯩﻠﻪﻥ ﺳﯚﻫﺒﻪﺗﻠﻪﺷﻜﻪﻧﺪﻩ ﻫﻪﺗﺘﺎ "ﺷﯩﻨﺠﺎﯕﻨﻰ ﻣﯘﺳﺘﻪﻣﻠﯩﻜﻪ" ﺩﻩﭖ ﺋﺎﺗﯩﻐﺎﻧﺪﯨﻦ ﺳﯩﺮﺕ ﻳﻪﻧﻪ ﺗﺎﺷﻘﻰ ﻣﻮﯕﻐﯘﻟﯩﻴﯩﻨﯩﯔ ﻣﯘﺳﺘﻪﻗﯩﻠﻠﯩﻘﯩﻨﻰ ﺋﯧﺘﯩﺮﺍﭖ ﻗﯩﻠﯩﺪﯨﻐﺎﻧﻠﯩﻘﯩﻨﯩﻤﯘ ﺋﯩﺰﻫﺎﺭ ﻗﯩﻠﻐﺎﻥ. ﺳﺘﺎﻟﯩﻦ ﺑﯘ ﺑﻪﺩﻩﻟﻠﯩﺮﻯ ﺋﯜﭼﯜﻥ ﻣﺎﯞ ﺯﯦﺪﯗﯕﻨﻰ ﺋﯚﺯﯨﻨﯩﯔ ﺋﺎﻟﺪﯨﺪﺍ ﻳﺎﺷﯩﺴﯘﻥ ﺳﺘﺎﻟﯩﻦ ﺩﻩﭖ ﺗﻮﯞﻻﺷﻘﺎ، ﺋﯚﺯﯨﻨﻰ ﻣﻪﺩﻫﯩﻴﯩﻠﻪﭖ ﻣﺎﻗﺎﻟﻪ ﻳﯧﺰﯨﺸﻘﺎ ﻣﻪﺟﺒﯘﺭ ﻗﯩﻠﻐﺎﻥ. ﺋﻪﻣﻤﺎ ﺋﯘ ﺋﯚﻟﮕﻪﻧﺪﯨﻦ ﯞﻩ ﺟﯘﯕﮕﻮﻧﯩﯔ ﺋﯩﮕﯩﻠﯩﻜﯩﻨﻰ ﺗﯩﻜﻠﯩﯟﺍﻟﻐﺎﻧﺪﯨﻦ ﻛﯧﻴﯩﻦ، ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺟﯘﯕﮕﻮﻏﺎ ﺋﺎﻛﯩﻼﺭﭼﻪ ﻣﯘﺋﺎﻣﯩﻠﻪ ﻗﯩﻠﯩﺸﯩﻐﺎ ﻳﻮﻝ ﻗﻮﻳﻤﺎﻱ، ﺋﯘﻧﯩﯖﺪﯨﻦ ﻳﯜﺯ ﺋﯚﺭﯛﺷﻜﻪ ﻫﻪﺗﺘﺎ ﺋﯘﻧﯩﯔ ﺑﯩﻠﻪﻥ ﺋﯘﺭﯗﺵ ﻗﯩﻠﯩﺸﻘﯩﻤﯘ ﺗﻪﻳﻴﺎﺭﻻﻧﻐﺎﻥ.

"ﺑﻮﺷﯜﻥ" ﺗﻮﺭﯨﺪﯨﻜﻰ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ، ﻗﯩﺴﻘﯩﺴﻰ، ﺳﺘﺎﻟﯩﻨﻨﯩﯔ ﻣﺎﯞ ﺯﯦﺪﯗﯕﻨﻰ ﻛﯚﺯﮔﻪ ﺋﯩﻠﻤﯩﻐﺎﻧﻠﯩﻘﻰ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺋﻪﻧﻪ ﺷﯘﻧﺪﺍﻕ ﺋﺎﻛﯩﻼﺭﭼﻪ ﻣﯘﺋﺎﻣﯩﻠﻪ ﻗﯩﻠﯩﺸﻰ، ﻣﺎﯞﺯﯦﺪﯗﯕﻨﯩﯔ ﻗﻪﻟﺒﯩﮕﻪ ﭼﻮﯕﻘﯘﺭ ﺋﻮﺭﯗﻧﻼﺷﻘﺎﻥ ﺑﻮﻟﯘﭖ، ﺑﯘ ﺋﺎﺧﯩﺮﯨﺪﺍ ﺑﯘ ﺩﯙﻟﻪﺕ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﺮﯨﻨﻰ ﺑﯘﺯﯗﯞﯦﺘﯩﺸﯩﺪﯨﻜﻰ ﺳﻪﯞﻩﺑﻠﻪﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻐﺎﻥ ﺋﯩﻜﻪﻥ.