ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺭﯗﺱ ﻗﺎﻧﯩﻠﻰ ﻗﯩﺮﻏﯩﺰﯨﺴﺘﺎﻧﺪﺍ ﺗﺎﻻﺵ - ﺗﺎﺭﺗﯩﺶ ﻗﻮﺯﻏﺎﭖ، ﺑﻪﺯﯨﻠﻪﺭﻧﯩﯔ ﻗﻮﻟﻠﯩﺸﯩﻐﺎ ﺋﯧﺮﯨﺸﺴﻪ، ﻳﻪﻧﻪ ﺑﻪﺯﯨﻠﻪﺭﻧﻰ ﺑﯩﺌﺎﺭﺍﻡ ﻗﯩﻠﯩﺸﻘﺎ ﺑﺎﺷﻠﯩﻐﺎﻥ.

ﻗﯩﺮﻏﯩﺰﯨﺴﺘﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺋﻪﻟﻠﯩﺮﯨﻨﯩﯔ ﺋﯩﭽﯩﺪﻩ ﺧﯩﺘﺎﻳﻨﯩﯔ ﺗﻪﺳﯩﺮ ﻛﯜﭼﻰ ﺋﻪﯓ ﻛﯚﺭﯛﻧﻪﺭﻟﯩﻚ ﺳﯩﯖﮕﻪﻥ ﺩﯙﻟﻪﺗﺘﯘﺭ. ﺧﯩﺘﺎﻳﻨﯩﯔ ﺑﯘ ﺩﯙﻟﻪﺗﺘﯩﻜﻰ ﺗﻪﺳﯩﺮ ﻛﯜﭼﻰ ﻫﺎﺯﯨﺮﻏﺎ ﻗﻪﺩﻩﺭ ﺳﻮﺩﺍ - ﺋﯩﻘﺘﯩﺴﺎﺩ ﯞﻩ ﺑﯩﺨﻪﺗﻪﺭﻟﯩﻚ ﺟﻪﻫﻪﺗﻠﻪﺭﺩﻩ ﺋﯚﺯ ﺋﯩﭙﺎﺩﯨﺴﯩﻨﻰ ﺗﯧﭙﯩﭗ ﻛﻪﻟﮕﻪﻥ ﺋﯩﺪﻯ. ﻟﯧﻜﯩﻦ ﺧﯩﺘﺎﻱ ﻳﯧﻘﯩﻨﺪﯨﻦ ﺑﯘﻳﺎﻥ ﺋﯩﺪﯨﻴﻪ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻜﻰ ﺗﻪﺳﯩﺮ ﺩﺍﺋﯩﺮﯨﺴﻨﻰ ﻛﯧﯖﻪﻳﺘﯩﺸﻜﻪ ﻛﯩﺮﯨﺸﻜﻪﻥ.

ﺋﺎﻧﺎﻟﯩﺰﭼﯩﻼﺭ، ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﻳﯧﻘﯩﻨﺪﺍ ﺭﯗﺱ ﺗﯩﻠﯩﺪﺍ ﺭﻩﺳﻤﯩﻲ ﭘﺮﻭﮔﺮﺍﻣﻤﺎ ﺗﺎﺭﻗﯩﺘﯩﺸﻘﺎ ﺑﺎﺷﻠﯩﻐﺎﻧﻠﯩﻘﻰ ﺧﯩﺘﺎﻳﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﺋﯩﺪﯨﻴﻪ ﯞﻩ ﻣﻪﺩﻩﻧﯩﻴﻪﺕ ﺟﻪﻫﻪﺗﺘﯩﻜﻰ ﺗﻪﺳﯩﺮ ﻛﯜﭼﯩﻨﻰ ﻛﯜﭼﻪﻳﺘﯩﺸﻜﻪ ﺑﺎﺷﻠﯩﻐﺎﻧﻠﯩﻘﯩﻨﯩﯔ ﺋﯩﭙﺎﺩﯨﺴﻰ، ﺩﻩﭖ ﻗﺎﺭﺍﺷﻤﺎﻗﺘﺎ. ﺗﯜﺭﻛﯩﻴﻪ ﭘﺎﻳﺘﻪﺧﺘﻰ ﺋﻪﻧﻘﻪﺭﻩﺩﯨﻜﻰ ﻫﺎﺟﯩﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺩﻭﺗﺴﯧﻨﺘﻰ، ﺗﯜﺭﻛﯩﻴﻪ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﭘﯩﻜﯩﺮ - ﭼﯜﺷﻪﻧﭽﯩﻠﻪﺭ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﻣﯘﺗﻪﺧﻪﺳﺴﯩﺴﻰ ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ، ﺗﯧﻠﯧﯟﯨﺰﯨﻴﻪ ﻗﺎﻧﯩﻠﻰ ﺧﯩﺘﺎﻳﻨﯩﯔ ﺭﺍﻳﻮﻧﺪﺍ ﻣﻪﺩﻩﻧﯩﻴﻪﺕ ﺗﻪﺳﯩﺮ ﺩﺍﺋﯩﺮﯨﺴﯩﻨﻰ ﻛﯧﯖﻪﻳﺘﯩﺸﻜﻪ ﺧﯩﺰﻣﻪﺕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺭﯗﺱ ﺗﯩﻠﻰ ﻗﺎﻧﯩﻠﻰ ﻗﯩﺮﻏﯩﺰﯨﺴﺘﺎﻧﺪﺍ ﺋﻮﺧﺸﯩﻤﯩﻐﺎﻥ ﺋﯩﻨﻜﺎﺱ ﻗﻮﺯﻏﯩﻐﺎﻥ. ﺏ ﺏ ﺱ ﻧﯩﯔ ﺧﻪﯞﯨﺮﯨﮕﻪ ﻗﺎﺭﯨﻐﺎﻧﺪﺍ، ﺑﯘ ﭘﺮﻭﮔﺮﺍﻣﻤﺎ ﺑﻪﺯﯨﻠﻪﺭﻧﯩﯔ ﻗﺎﺭﺷﻰ ﺋﯧﻠﯩﺸﯩﻐﺎ ﺋﯧﺮﯨﺸﻜﻪﻥ ﺑﻮﻟﺴﺎ، ﻳﻪﻧﻪ ﺑﻪﺯﯨﻠﻪﺭ ﺑﯘﻧﯩﯖﻐﺎ ﮔﯘﻣﺎﻧﻰ ﭘﻮﺯﯨﺘﺴﯩﻴﻪ ﺗﯘﺗﻘﺎﻥ. ﺑﯘ ﭘﺮﻭﮔﺮﺍﻣﻤﯩﻨﻰ ﻗﺎﺭﺷﻰ ﺋﺎﻟﻐﺎﻧﻼﺭﻧﯩﯔ ﻛﯚﭖ ﻗﯩﺴﯩﻤﻰ ﻫﯚﻛﯜﻣﻪﺗﺘﯩﻜﻰ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﺋﻪﻣﻪﻟﺪﺍﺭﻻﺭ ﯞﻩ ﻳﺎﻛﻰ ﻫﯚﻛﯜﻣﻪﺕ ﺑﯩﻠﻪﻥ ﻳﯧﻘﯩﻦ ﻣﯘﻧﺎﺳﯩﯟﻩﺗﺘﯩﻜﻰ ﺗﻪﺗﻘﯩﻘﺎﺗﭽﯩﻼﺭﺩﯗﺭ.

ﻗﯩﺮﻏﯩﺰﯨﺴﺘﺎﻥ ﺩﯙﻟﻪﺕ ﺧﻪﯞﭘﺴﯩﺰﻟﯩﻚ ﻛﻮﻣﯩﺘﯧﺘﯩﻨﯩﯔ ﻣﻪﺳﺌﯘﻟﻰ ﻧﯩﻴﺎﺯﻭﻑ، ﺧﯩﺘﺎﻱ ﺗﯧﻠﯧﯟﯨﺰﯨﻴﻪ ﻗﺎﻧﯩﻠﯩﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﭘﺮﻭﮔﺮﺍﻣﻤﺎ ﺗﺎﺭﻗﯩﺘﯩﺸﻰ ﻗﯩﺮﻏﯩﺰﯨﺴﺘﺎﻥ ﺩﯙﻟﻪﺕ ﻣﻪﻧﭙﻪﺋﻪﺗﻰ ﺑﯩﻠﻪﻥ ﺗﻮﻗﯘﻧﯘﺷﻤﺎﻳﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ. ﺋﯘ، ﺏ ﺏ ﺱ ﻏﺎ ﺑﻪﺭﮔﻪﻥ ﺑﯘ ﻫﻪﻗﻘﯩﺪﯨﻜﻰ ﺑﺎﻳﺎﻧﺎﺗﯩﺪﺍ، ﺑﯘ ﺑﯘ ﻣﻪﺳﯩﻠﯩﮕﻪ ﺳﯩﻴﺎﺳﻰ ﻧﯘﻗﺘﯩﻨﻪﺯﻩﺭﻧﻰ ﭼﯩﻘﯩﺶ ﻗﯩﻠﻤﺎﻱ، ﺋﯩﻘﺘﯩﺴﺎﺩﻯ ﻣﻪﺳﯩﻠﻪ ﺳﯜﭘﯩﺘﯩﺪﻩ ﻣﯘﺋﺎﻣﯩﻠﻪ ﻗﯩﻠﯩﺸﻨﻰ ﺗﻪﻛﯩﺘﻠﯩﮕﻪﻥ ﺑﻮﻟﯘﭖ، ﺗﯧﻠﯧﯟﯨﺰﯨﻴﯩﻨﯩﯔ ﺋﯧﻼﻥ ﺳﻪﻧﺌﻪﺕ ﺳﻮﺩﯨﺴﻰ ﺋﯩﻜﻪﻧﻠﯩﻜﯩﻨﻰ، ﻣﻪﺯﻛﯘﺭ ﺗﯧﻠﯧﯟﯨﺰﯨﻴﻪ ﻗﺎﻧﯩﻠﻰ ﺧﯩﺘﺎﻱ ﻣﺎﻟﻠﯩﺮﯨﻨﻰ ﺗﻮﻧﯘﺷﺘﯘﺭﯗﭖ، ﺯﻭﺭ ﭘﺎﻳﺪﺍ ﺗﯧﭙﯩﺸﻰ ﻣﯘﻣﻜﯩﻨﻠﯩﻜﯩﻨﻰ ﺋﯩﻠﮕﯩﺮﻯ ﺳﯜﺭﮔﻪﻥ.

ﻟﯧﻜﯩﻦ ﻗﯩﺮﻏﯩﺰﯨﺴﺘﺎﻧﺪﯨﻜﻰ ﺑﻪﺯﻯ ﺳﯩﻴﺎﺳﯩﻲ ﭘﺎﺭﺗﯩﻴﻪ-ﮔﯘﺭﯗﻫﻼﺭ ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﯨﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﻛﯧﯖﯩﻴﯩﺘﯩﯟﺍﺗﻘﺎﻧﻠﯩﻘﯩﻐﺎ ﺳﻪﮔﻪﻙ ﺑﻮﻟﯘﺷﻨﻰ ﺋﺎﮔﺎﻫﻼﻧﺪﯗﺭﯛﭖ، ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﻗﯩﺮﻏﯩﺰﯨﺴﺘﺎﻧﺪﺍ ﭘﺮﻭﮔﺮﺍﻣﻤﺎ ﺗﺎﺭﻗﯩﺘﯩﺸﯩﻐﺎ ﻗﺎﺭﺷﻰ ﭼﯩﻘﻘﺎﻥ.

ﺏ ﺏ ﺱ ﻏﺎ ﺑﯘ ﺋﻪﻫﯟﺍﻟﻨﻰ "ﻳﺎﺧﺸﻰ ﺋﯩﺶ ﺋﻪﻣﻪﺱ" ﺩﻩﭖ ﺗﻪﻛﯩﺘﻠﯩﮕﻪﻥ ﻗﯩﺮﻏﯩﺰﯨﺴﺘﺎﻥ ﺋﻪﺭﻛﯩﻨﻠﯩﻚ ﭘﺎﺭﺗﯩﻴﯩﺴﯩﻨﯩﯔ ﺭﻩﺋﯩﺴﻰ ﺗﻮﭘﭽﯘﺑﯧﻚ ﺗﯘﺭﻏﺎﻧﺌﻪﻟﯩﻴﯧﻒ ﺋﺎﻣﯧﺮﯨﻜﯩﻨﯩﯔ ﺳﺎﺑﯩﻖ ﺩﯙﻟﻪﺕ ﺧﻪﯞﭘﺴﯩﺰﻟﯩﻚ ﻣﻪﺳﻠﯩﻬﻪﺗﭽﯩﺴﻰ ﺑﯧﺮﮊﯨﮋﯨﻨﯩﺴﻜﯩﻴﻨﯩﯔ ﺳﯚﺯﯨﻨﻰ ﻧﻪﻗﯩﻞ ﻛﻪﻟﺘﯜﺭﯛﭖ، 21" ‏- ﺋﻪﺳﯩﺮ ﺋﯘﭼﯘﺭ ﺩﻩﯞﺭﻯ. ﺋﯘﭼﯘﺭﻧﯩﯔ ﺗﺎﺭﻗﯩﻠﯩﺸﯩﻨﻰ ﻛﯩﻢ ﺋﯩﮕﯩﻠﯩﺴﻪ، ﺩﯗﻧﻴﺎﻧﻰ ﺷﯘ ﻛﻮﻧﺘﺮﻭﻝ ﻗﯩﻠﯩﺪﯗ. ﺷﯜﺑﻬﯩﺴﯩﺰﻛﻰ ﺧﯩﺘﺎﻱ ﺑﯩﻠﻪﻥ ﺭﯗﺳﯩﻴﯩﻨﯩﯔ ﺋﯩﻤﭙﯩﺮﯨﻴﺎﻟﯩﺴﺘﯩﻚ ﻏﻪﺭﯨﺰﻯ ﺑﺎﺭ. ﻗﯩﺮﻏﯩﺰﯨﺴﺘﺎﻧﻐﺎ ﻛﯧﻠﯩﺪﯨﻐﺎﻥ ﺧﻪﯞﭖ ﺋﯩﺴﺘﯩﺒﺪﺍﺕ ﻳﺎﻛﻰ ﻳﯧﺮﯨﻢ ﺋﯩﺴﺘﯩﺒﺪﺍﺕ ﺩﯙﻟﻪﺗﻠﻪﺭﺩﯨﻦ ﻛﯧﻠﯩﺪﯗ" ﺩﯦﮕﻪﻥ.

ﻫﺎﺟﯩﺘﻪﭘﻪ ﺋﯘﻧﯩﯟﯦﺮﺳﯩﺘﯧﺘﯩﺪﯨﻜﻰ ﺋﻪﺭﻛﯩﻦ ﺋﻪﻛﺮﻩﻡ ﺑﻮﻟﺴﺎ، ﻗﯩﺮﻏﯩﺰﯨﺴﺘﺎﻥ ﺩﯙﻟﻪﺕ ﺑﯩﺨﻪﺗﻪﺭﻟﯩﻚ ﻛﻮﻣﯩﺘﯧﺘﯩﻨﯩﯔ ﻣﻪﺳﺌﯘﻟﻰ ﻧﯩﻴﺎﺯﻭﻓﻨﯩﯔ ﭼﯜﺷﻪﻧﺪﯛﺭﯛﺷﯩﮕﻪ ﻗﯧﺘﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﻣﻪﺗﺒﯘﺋﺎﺗﻠﯩﺮﯨﻨﯩﯔ ﻗﯩﺮﻏﯩﺰﯨﺴﺘﺎﻧﻐﺎ ﺳﯩﯖﯩﭗ ﻛﯩﺮﯨﺸﻜﻪ ﺋﺎﻛﺘﯩﭗ ﻫﻪﺭﯨﻜﻪﺕ ﻗﯩﻠﯩﯟﺍﺗﻘﺎﻧﻠﯩﻘﻰ ﻳﯧﯖﻰ ﯞﻩﻗﻪ ﺋﻪﻣﻪﺱ. ﺧﯩﺘﺎﻱ ﻗﯩﺮﻏﯩﺰﻻﺭ ﺑﯩﻠﻪﻥ ﺑﻮﻟﻐﺎﻥ ﺋﺎﺧﺒﺎﺭﺍﺕ ﺳﺎﻫﻪﺳﯩﺪﯨﻜﻰ ﻫﻪﻣﻜﺎﺭﻟﯩﻘﯩﻨﻰ ﺋﯩﻜﻜﻰ ﻳﯩﻠﻨﯩﯔ ﺋﺎﻟﺪﯨﺪﯨﻼ ﺑﺎﺷﻠﯩﯟﻩﺗﻜﻪﻥ. ﺧﯩﺘﺎﻱ - ﻗﯩﺮﻏﯩﺰﯨﺴﺘﺎﻥ ﺋﺎﺭﯨﺴﯩﺪﯨﻜﻰ ﻛﯧﻠﯩﺸﯩﻤﮕﻪ ﺋﺎﺳﺎﺳﻪﻥ، "ﺷﯩﻨﺠﺎﯓ ﺗﯧﻠﯧﺮﯞﯨﺰﯨﻴﻪ ﺋﯩﺴﺘﺎﻧﺴﯩﺴﻰ" ﻗﯩﺮﻏﯩﺰﯨﺴﺘﺎﻥ ﺩﯙﻟﻪﺗﻠﯩﻚ ﺗﯧﻠﯧﯟﯨﺰﯨﻴﻪ ﺋﯩﺴﺘﺎﻧﺴﯩﺴﯩﻐﺎ ﺑﻪﺯﻯ ﭘﺮﻭﮔﺮﺍﻣﻤﯩﻼﺭﻧﻰ ﺋﯩﺸﻠﻪﭖ ﺑﯧﺮﯨﺶ ﯞﻩﺯﯨﭙﯩﺴﯩﻨﻰ ﺋﯜﺳﺘﯩﮕﻪ ﺋﺎﻟﻐﺎﻥ ﺋﯩﺪﻯ.

ﺩﻭﻛﺘﻮﺭ ﺋﻪﺭﻛﯩﻦ ﺋﻪﻛﺮﻩﻡ، ﺧﯩﺘﺎﻳﻨﯩﯔ ﻗﯩﺮﻏﯩﺰﯨﺴﺘﺎﻥ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﺪﻩ ﺋﺎﻻﻫﯩﺪﻩ ﺋﻮﻳﻠﯩﺸﯩﺪﯨﻐﺎﻥ ﺋﯩﻜﻜﻰ ﻧﯘﻗﺘﺎ ﺑﺎﺭﻟﯩﻘﯩﻨﻰ، ﺑﯘﻧﯩﯔ ﺑﯩﺮﻯ ﺋﯧﻨﯩﺮﮔﯩﻴﻪ، ﻳﻪﻧﻪ ﺑﯩﺮﻯ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﺧﯩﺘﺎﻱ ﻣﻪﺭﻛﯩﺰﻯ ﺗﯧﻠﯧﯟﺯﯨﻴﻪ ﺋﯩﺴﺘﺎﻧﺴﯩﺴﯩﻨﯩﯔ ﺭﯗﺱ ﺗﯩﻠﻰ ﭘﺮﻭﮔﺮﺍﻣﻤﯩﺴﻰ ﻗﯩﺮﻏﯩﺰﯨﺴﺘﺎﻥ ﭘﯘﻗﺮﺍﻟﯩﺮﯨﺪﺍ ﻗﺎﻧﺪﺍﻕ ﺋﯩﻨﻜﺎﺱ ﻗﻮﺯﻏﺎﯞﺍﺗﯩﺪﯗ ؟ ﻗﯩﺮﻏﯩﺰ ﺧﻪﻟﻘﻰ ﺧﯩﺘﺎﻱ ﺗﯧﻠﯧﯟﯨﺰﯨﻴﻪ ﭘﺮﻭﮔﺮﺍﻣﻤﯩﺴﯩﻨﻰ ﻛﯚﺭﯛﯞﺍﺗﺎﻣﺪﯗ؟

ﺏ ﺏ ﺱ ﻧﯩﯔ ﺑﯘ ﻫﻪﻗﺘﯩﻜﻰ ﺧﻪﯞﯨﺮﯨﺪﻩ، "ﻗﯩﺮﻏﯩﺰﯨﺴﺘﺎﻥ ﺧﻪﻟﻘﯩﻨﯩﯔ ﺋﻪﯓ ﻳﺎﻗﺘﯘﺭﻣﺎﻳﺪﯨﻐﺎﻥ ﺗﻪﺭﯨﭙﻰ ﺧﯩﺘﺎﻳﻨﯩﯔ ﺳﯩﻴﺎﺳﯩﺘﻰ، ﻗﯩﺮﻏﯩﺰ ﺧﻪﻟﻘﻰ ﺋﻪﯓ ﻳﯩﺮﮔﯩﻨﯩﺪﯨﻐﺎﻥ ﻧﻪﺭﺳﻪ ﺳﯩﻴﺎﺳﯩﻲ ﺗﻪﺷﯟﯨﻘﺎﺗﺘﯘﺭ" ﺩﻩﻳﺪﯗ.

ﺏ ﺏ ﺱ ﺋﻮﺗﺘﯘﺭﺍ ﺋﺎﺳﯩﻴﺎ ﺑﯚﻟﯜﻣﯩﻨﯩﯔ ﺗﻪﻫﺮﯨﺮﻯ ﺭﻭﺑﯩﻨﺴﻮﻥ ﺧﺎﻧﯩﻢ ﺑﻮﻟﺴﺎ "ﻗﯩﺮﻏﯩﺰ ﺧﻪﻟﻘﻰ ﻗﯩﭗ-ﻳﺎﻟﯩﯖﺎﭺ ﺳﯩﻴﺎﺳﻰ ﺗﻪﺷﯟﯨﻘﺎﺗﻨﻰ ﺋﺎﯕﻠﯩﻤﺎﺳﻠﯩﻘﻰ ﻣﯘﻣﻜﯩﻦ. ﺟﯘﯕﮕﻮ ﺑﯩﺮ ﭘﺎﺭﺗﯩﻴﻪ ﺋﯩﺴﺘﯩﺒﺪﺍﺗﻠﯩﻘﯩﺪﯨﻜﻰ ﺩﯙﻟﻪﺕ، ﻗﯩﺮﻏﯩﺰﯨﺴﺘﺎﻥ ﺑﻮﻟﺴﺎ ﺋﯩﻘﺘﯩﺴﺎﺩﯨﻲ ﯞﻩ ﺳﯩﻴﺎﺳﻰ ﺟﻪﻫﻪﺗﻠﻪﺭﺩﻩ ﺗﺎﺷﻘﯩﺮﯨﻐﺎ ﺋﯧﭽﯩﻠﯩﯟﺍﺗﻘﺎﻥ ﺋﻪﻟﺪﯗﺭ. ﺷﯘﯕﺎ ﺧﯩﺘﺎﻳﻨﯩﯔ ﺗﻪﺳﯩﺮﻯ ﻳﻪﻧﯩﻼ ﻛﯩﺸﯩﻠﻪﺭﻧﻰ ﺋﻪﻧﺪﯨﺸﯩﮕﻪ ﺳﺎﻟﯩﺪﯗ،" ﺩﯦﮕﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز