ﺷﯘﻧﯩﯖﺪﯨﻦ ﻛﯧﻴﯩﻦ، ﺗﻪﻳﯟﻩﻥ ﭘﺮﯦﺰﯨﺪﯦﻨﺘﻰ ﻣﺎ ﻳﯩﯖﺠﯘ ﺋﯚﺯﯨﻨﯩﯔ ﺧﯩﺘﺎﻱ-ﺗﻪﻳﯟﻩﻥ ﻣﯘﻧﺎﺳﯩﯟﯨﺘﻰ ﺗﻮﻏﺮﯨﺴﯩﺪﯨﻜﻰ ﺗﻪﺷﻪﺑﺒﯘﺳﯩﻨﻰ ﺳﯚﺯﻟﻪﭖ ﭼﯜﺷﻪﻧﺪﯛﺭﯛﺷﻜﻪ ﺑﺎﺷﻠﯩﺪﻯ. ﻣﺎ ﻳﯩﯖﺠﯘ ﺋﻪﭘﻪﻧﺪﻯ ﺑﯜﮔﯜﻥ 9 ‏- ﺋﺎﻳﻨﯩﯔ 4 ‏- ﻛﯜﻧﻰ ﺋﯚﺯﯨﻨﯩﯔ ﺑﯘ ﻛﯚﺯ ﻗﺎﺭﯨﺸﯩﻨﻰ ﻳﻪﻧﻪ ﻣﯧﻜﺴﯩﻜﯩﺪﺍ ﭼﯩﻘﯩﺪﯨﻐﺎﻥ 'ﻗﻮﻳﺎﺵ ﮔﯧﺰﯨﺘﻰ'ﻧﯩﯔ ﻣﯘﺧﺒﯩﺮﯨﻐﺎ ﺗﻮﻧﯘﺷﺘﯘﺭﺩﻯ.

'ﺗﻪﻳﯟﻩﻥ ﺑﯩﻠﻪﻥ ﭼﻮﯓ ﻗﯘﺭﯗﻗﻠﯘﻗﻨﯩﯔ ﻣﯘﻧﺎﺳﯩﯟﯨﺘﻰ ﺩﯙﻟﻪﺕ ﺑﯩﻠﻪﻥ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺋﻪﻣﻪﺱ'

'ﺋﺎﻣﯧﺮﯨﻜﺎ ﺋﺎﯞﺍﺯﻯ'ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺑﯜﮔﯜﻥ ﺗﻪﻳﯟﻩﻥ ﭘﺮﯦﺰﯨﺪﯦﻨﺘﻰ ﻣﺎ ﻳﯩﯖﺠﯘ ﺋﯚﺯﯨﻨﯩﯔ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺗﻪﻳﯟﻩﻧﻨﯩﯔ ﺳﯩﻴﺎﺳﯩﻲ ﺋﻮﺭﻧﯩﻨﻰ ﻗﺎﻧﺪﺍﻕ ﺑﯧﻜﯩﺘﯩﺶ ﻣﻪﺳﯩﻠﯩﺴﯩﺪﯨﻜﻰ ﻛﯚﺯ ﻗﺎﺭﯨﺸﯩﻨﻰ ﻣﯧﻜﺴﯩﻜﯩﺪﺍ ﭼﯩﻘﯩﺪﯨﻐﺎﻥ'ﻗﻮﻳﺎﺵ ﮔﯧﺰﯨﺘﻰ'ﻧﯩﯔ ﻣﯘﺧﺒﯩﺮﯨﻐﺎ ﺗﻮﻧﯘﺷﺘﯘﺭﺩﻯ. ﺋﯘﻧﯩﯔ ﻗﺎﺭﯨﺸﯩﭽﻪ، ﺗﻪﻳﯟﻩﻥ ﺑﯩﻠﻪﻥ ﭼﻮﯓ ﻗﯘﺭﯗﻗﻠﯘﻗﻨﯩﯔ ﻣﯘﻧﺎﺳﯩﯟﯨﺘﻰ ﺩﯙﻟﻪﺕ ﺑﯩﻠﻪﻥ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺋﻪﻣﻪﺱ، ﺑﻪﻟﻜﻰ ﺑﯩﺮ ﺧﯩﻞ ﭘﻪﯞﻗﯘﻟﺌﺎﺩﺩﻩ ﻣﯘﻧﺎﺳﯩﯟﻩﺕ.

ﻣﺎ ﻳﯩﯖﺠﯘ ﺳﯚﺯﯨﺪﻩ ﻳﻪﻧﻪ 'ﺑﯩﺰ ﻫﺎﺯﯨﺮ 1992 ‏- ﻳﯩﻠﻰ ﭼﻮﯓ ﻗﯘﺭﯗﻗﻠﯘﻕ ﺑﯩﻠﻪﻥ ﻛﯧﻠﯩﺸﻜﻪﻥ 'ﺑﯩﺮﻟﯩﻜﻜﻪ ﻛﻪﻟﺘﯜﺭﻣﻪﺳﻠﯩﻚ، ﻣﯘﺳﺘﻪﻗﯩﻞ ﺑﻮﻟﻤﺎﺳﻠﯩﻖ، ﺋﯚﺯ-ﺋﺎﺭﺍ ﻗﻮﺭﺍﻝ ﺋﯩﺸﻠﻪﺗﻤﻪﺳﻠﯩﻚ' ﺩﯦﮕﻪﻥ ﻛﯧﻠﯩﺸﯩﻢ ﺑﯘﻳﯩﭽﻪ ﺋﯩﺶ ﻗﯩﻠﯩﻤﯩﺰ'ﺩﯦﺪﻯ.

'ﭼﻮﯓ ﻗﯘﺭﯗﻗﻠﯘﻕ ﺟﯘﯕﺨﯘﺍ ﻣﯩﻨﮕﻮﻧﯩﯔ ﺑﯩﺮ ﻗﯩﺴﻤﻰ'

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺗﻪﻳﯟﻩﻧﺪﯨﻜﻰ ﮔﻮﻣﯩﻨﺪﺍﯓ ﭘﺎﺭﺗﯩﻴﯩﺴﯩﻨﯩﯔ ﻗﺎﻧﯘﻥ ﺗﯩﻜﻠﻪﺵ ﻛﻮﻣﯩﺘﯧﺖ ﺋﻪﺯﺍﺳﻰ ﺧﻮﯓ ﺷﻴﯘﺟﯘ 'ﺟﯘﯕﺨﯘﺍ ﻣﯩﻨﮕﻮﻧﯩﯔ ﺋﺎﺳﺎﺳﯩﻲ ﻗﺎﻧﯘﻧﻰ ﺑﯘﻳﯩﭽﻪ، ﭼﻮﯓ ﻗﯘﺭﯗﻗﻠﯘﻕ ﺟﯘﯕﺨﯘﺍ ﻣﯩﻨﮕﻮﻧﯩﯔ ﺑﯩﺮ ﻗﯩﺴﻤﻰ، ﻫﺎﺯﯨﺮﻗﻰ ﺗﻪﻳﯟﻩﻥ ﻗﺎﻧﯘﻧﻰ ﺑﻮﻳﯩﭽﯩﻤﯘ ﭼﻮﯓ ﻗﯘﺭﯗﻗﻠﯘﻗﻨﻰ ﺩﯙﻟﻪﺕ ﺩﻩﭖ ﺋﯧﺘﯩﺮﺍﭖ ﻗﯩﻠﯩﺸﻘﺎ ﺑﻮﻟﻤﺎﻳﺪﯗ، ﺗﻪﻳﯟﻩﻧﻤﯘ ﭼﻮﯓ ﻗﯘﺭﯗﻗﻠﯘﻗﺘﯩﻜﻰ ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﯩﻨﯩﯔ ﺑﯩﺮ ﻗﯩﺴﻤﻰ ﺋﻪﻣﻪﺱ' ﺩﯦﺪﻯ.

'ﻗﺎﻧﯘﻥ ﺑﯘﻳﯩﭽﻪ، ﺗﻪﻳﯟﻩﻥ ﺭﺍﻳﻮﻧﻰ ﯞﻩ ﭼﻮﯓ ﻗﯘﺭﯗﻗﻠﯘﻕ ﺭﺍﻳﻮﻧﻰ ﺩﻩﭖ ﺋﺎﺗﯩﻠﯩﺪﯗ'

ﺗﻪﻳﯟﻩﻥ ﻗﺎﻧﯘﻥ ﭘﺎﻻﺗﺎﺳﯩﻨﯩﯔ ﺑﺎﺷﻠﯩﻘﻰ ﯞﺍﯓ ﺟﯩﯖﭙﯩﯔ ﺑﻮﻟﺴﺎ 'ﺗﻪﻳﯟﻩﻥ ﺑﻮﻏﯘﺯﯨﻨﯩﯔ ﺋﯩﻜﻜﻰ ﺗﻪﺭﯨﭙﯩﺪﯨﻜﻰ ﺧﻪﻟﻘﻠﻪﺭﻧﯩﯔ ﻣﯘﻧﺎﺳﯩﯟﯨﺘﯩﻨﻰ 'ﺗﻪﻳﯟﻩﻥ -ﭼﻮﯓ ﻗﯘﺭﯗﻗﻠﯘﻕ ﻣﯘﻧﺎﺳﯩﯟﯨﺘﻰ ﻗﺎﻧﯘﻧﻰ ﺑﯘﻳﯩﭽﻪ ﺑﯧﻜﯩﺘﯩﺶ ﻛﯧﺮﻩﻙ، ﺑﯘ ﻗﺎﻧﯘﻥ ﺑﯘﻳﯩﭽﻪ ﺗﻪﻳﯟﻩﻥ ﺭﺍﻳﻮﻧﻰ ﯞﻩ ﭼﻮﯓ ﻗﯘﺭﯗﻗﻠﯘﻕ ﺭﺍﻳﻮﻧﻰ ﺩﻩﭖ ﺋﺎﺗﯩﻠﯩﺪﯗ' ﺩﯦﺪﻯ.

 'ﺩﯙﻟﯩﺘﯩﻤﯩﺰﻧﯩﯔ ﻧﺎﻣﻰ ﺟﯘﯕﮕﻮ ﺋﻪﻣﻪﺱ، ﺗﻪﻳﯟﻩﻥ'

ﺏ ﺏ ﺱ ﻧﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﻣﺎ ﻳﯩﯖﺠﻴﯘ ﺋﻪﭘﻪﻧﺪﻯ ﺋﯚﺗﻜﻪﻥ ﻫﻪﭘﺘﯩﺪﻩ 'ﺗﻪﻳﯟﻩﻥ ﺑﯩﻠﻪﻥ ﭼﻮﯓ ﻗﯘﺭﯗﻗﻠﯘﻗﻨﯩﯔ ﻣﯘﻧﺎﺳﯩﯟﯨﺘﻰ ﺩﯙﻟﻪﺕ ﺑﯩﻠﻪﻥ ﺩﯙﻟﻪﺕ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﺋﻪﻣﻪﺱ، ﺑﻪﻟﻜﻰ ﺑﯩﺮ ﺧﯩﻞ ﭘﻪﯞﻗﯘﻟﺌﺎﺩﺩﻩ ﻣﯘﻧﺎﺳﯩﯟﻩﺕ' ﺩﻩﭖ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، 8 ‏- ﺋﺎﻳﻨﯩﯔ 30 ﻛﯜﻧﻰ ﺗﻪﻳﯟﻩﻧﺪﻩ 40 ﻣﯩﯖﺪﯨﻦ ﺋﺎﺭﺗﯘﻕ ﻏﻪﺯﻩﭘﻜﻪ ﻛﻪﻟﮕﻪﻥ ﺋﺎﺩﻩﻡ ﭘﺮﯦﺰﯨﺪﯦﻨﺖ ﻣﻪﻫﻜﯩﻤﯩﺴﻰ ﺋﻪﺗﺮﺍﭘﯩﻐﺎ ﺗﻮﭘﻠﯩﻨﯩﭗ 'ﺩﯙﻟﯩﺘﯩﻤﯩﺰﻧﯩﯔ ﻧﺎﻣﻰ ﺟﯘﯕﮕﻮ ﺋﻪﻣﻪﺱ، ﺗﻪﻳﯟﻩﻥ' ﺩﯦﮕﻪﻥ ﻟﻮﺯﯗﻧﻜﯩﻼﺭﻧﻰ ﻛﯚﺗﯜﺭﯛﭖ ﻧﺎﻣﺎﻳﯩﺶ ﻗﯩﻠﯩﭗ، ﻣﺎ ﻳﯩﯖﺠﻴﯘﻧﻰ'ﭼﻮﯓ ﻗﯘﺭﯗﻗﻠﯘﻗﻘﺎ ﺗﻪﺳﻠﯩﻢ ﺑﻮﻟﺪﻯ' ﺩﻩﭖ ﺳﯚﻛﺘﻰ ﯞﻩ 'ﻣﺎ ﻳﯩﯖﺠﻴﯘﻧﯩﯔ ﺑﯧﻴﺠﯩﯖﻐﺎ ﺋﯧﻐﯩﭗ ﻛﯧﺘﯩﺸﻰ ﺗﻪﻳﯟﻩﻧﮕﻪ ﺋﺎﭘﻪﺕ ﻛﻪﻟﺘﯜﺭﯨﺪﯗ' ﺩﻩﭖ ﻗﻪﻳﺖ ﻗﯩﻠﺪﻯ.

ﺧﻪﯞﻩﺭﺩﻩ ﺋﯧﻴﺘﯩﻠﯩﺸﯩﭽﻪ، ﺑﯘ ﻧﺎﻣﺎﻳﯩﺸﺘﺎ ﻳﻪﻧﻪ، ﻣﺎ ﻳﯩﯖﺠﻴﯘ ﻫﯚﻛﯜﻣﯩﺘﯩﺪﯨﻦ ﻣﺎﻝ ﺑﺎﻫﺎﺳﯩﻨﻰ ﻣﯘﻗﯩﻢ ﻗﯩﻠﯩﺸﻨﻰ، ﺗﻪﻳﯟﻩﻧﻨﯩﯔ ﺋﯩﮕﯩﻠﯩﻚ ﻫﻮﻗﯘﻗﯩﻨﻰ، ﺑﯩﺨﻪﺗﻪﺭﻟﯩﻜﯩﻨﻰ ﻗﻮﻏﺪﺍﺷﻨﻰ ﯞﻩ ﺋﻮﭼﯘﻕ-ﻳﻮﺭﯗﻕ ﺑﻮﻟﯘﺷﻨﻰ ﺗﻪﻟﻪﭖ ﻗﯩﻠﯩﺪﯨﻐﺎﻥ ﻟﻮﺯﯗﻧﻜﯩﻼﺭ ﺑﺎﺭ.

'ﺋﺎﻣﯧﺮﯨﻜﺎ ﺋﯚﺯﯨﻨﯩﯔ ﺗﻪﻳﯟﻩﻥ ﻣﯘﻧﺎﺳﯩﯟﯨﺘﻰ ﻗﺎﻧﯘﻧﻰ ﺑﯘﻳﯩﭽﻪ ﺗﻪﻳﯟﻩﻧﻨﯩﯔ ﺋﯚﺯﯨﻨﻰ ﻗﻮﻏﺪﯨﺸﯩﻐﺎ ﻳﺎﺭﺩﻩﻡ ﺑﯧﺮﯨﺪﯗ'

ﺑﯘ ﻗﯧﺘﯩﻢ ﺗﻪﻳﯟﻩﻧﺪﻩ، ﺟﯘﯕﺨﯘﺍ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﺑﯩﻠﻪﻥ ﺗﻪﻳﯟﻩﻧﻨﯩﯔ ﺳﯩﻴﺎﺳﯩﻲ ﺋﻮﺭﻧﯩﻨﻰ ﻗﺎﻧﺪﺍﻕ ﺑﯧﻜﯩﺘﯩﺶ ﻣﻪﺳﯩﻠﯩﺴﻰ ﺑﯘﻳﯩﭽﻪ ﻗﻮﺯﻏﺎﻟﻐﺎﻥ ﻳﻪﻧﻪ ﺑﯩﺮ ﺟﯩﺪﺩﯨﻲ ﻣﯘﻧﺎﺯﯨﺮﻩ، ﻫﻪﺗﺘﺎ ﭼﻮﯓ ﻧﺎﻣﺎﻳﯩﺶ، ﺩﻩﻝ ﺋﺎﻣﯧﺮﯨﻜﯩﺪﯨﻜﻰ ﭘﺮﯦﺰﯨﺪﯦﻨﺖ ﺳﺎﻳﻠﯩﻤﻰ ﺋﯩﻜﻜﯩﻨﭽﻰ ﺑﺎﺳﻘﯘﭼﻘﺎ ﻗﻪﺩﻩﻡ ﺑﯧﺴﯩﯟﺍﺗﻘﺎﻥ ﯞﻩﺯﯨﻴﻪﺗﺘﻪ ﻳﯜﺯ ﺑﻪﺭﺩﻯ.

ﺋﺎﻣﯧﺮﯨﻜﺎ ﺋﺎﯞﺍﺯﯨﻨﯩﯔ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﯩﺪﯨﻜﻰ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﻳﯧﻘﯩﻨﺪﺍ ﺋﯚﺗﻜﯜﺯﯛﻟﮕﻪﻥ ﻣﻪﻣﻠﯩﻜﻪﺗﻠﯩﻚ ﻗﯘﺭﯗﻟﺘﯩﻴﯩﺪﺍ ﺑﯧﻜﯩﺘﯩﻠﮕﻪﻥ ﺳﺎﻳﻼﻡ ﻧﯩﺰﺍﻣﯩﺪﺍ 'ﺗﻪﻳﯟﻩﻥ ﻣﻪﺳﯩﻠﯩﺴﻰ ﭼﯘﻗﯘﻡ ﺗﻪﻳﯟﻩﻥ ﺧﻪﻟﻘﯩﻨﯩﯔ ﺭﺍﺯﯨﻠﯩﻘﯩﺪﯨﻦ ﺋﯚﺗﻜﻪﻥ ﺋﺎﺳﺎﺳﺘﺎ ﻫﻪﻝ ﻗﯩﻠﯩﻨﯩﺸﻰ ﻛﯧﺮﻩﻙ، ﺗﻪﻳﯟﻩﻥ ﺑﯩﻠﻪﻥ ﭼﻮﯓ ﻗﯘﺭﯗﻗﻠﯘﻗﺘﯩﻦ ﺋﯩﺒﺎﺭﻩﺕ ﻫﻪﺭ ﺋﯩﻜﻜﻰ ﺗﻪﺭﻩﭘﻨﯩﯔ ﻫﺎﺯﯨﺮﻗﻰ ﻫﺎﻟﻪﺗﻨﻰ ﺋﯚﺯﮔﻪﺭﺗﯩﺸﯩﮕﻪ ﻗﺎﺭﺷﻰ ﺗﯘﺭﯨﻤﯩﺰ، ﺋﻪﮔﻪﺭ ﺧﯩﺘﺎﻱ ﺑﯘﺭﯗﻥ ﺑﯩﺮﻟﯩﻜﻜﻪ ﻛﻪﻟﮕﻪﻥ ﺗﻪﻳﯟﻩﻥ ﻣﻪﺳﯩﻠﯩﺴﯩﻨﻰ ﺗﯩﻨﭻ ﻳﻮﻝ ﺑﯩﻠﻪﻥ ﻫﻪﻝ ﻗﯩﻠﯩﺶ ﺩﯦﮕﻪﻥ ﭘﺮﯨﻨﺴﯩﭙﻘﺎ ﺧﯩﻼﭘﻠﯩﻖ ﻗﯩﻠﺴﺎ، ﺋﺎﻣﯧﺮﯨﻜﺎ ﺋﯚﺯﯨﻨﯩﯔ 'ﺗﻪﻳﯟﻩﻥ ﻣﯘﻧﺎﺳﯩﯟﯨﺘﻰ ﻗﺎﻧﯘﻧﻰ ﺑﯘﻳﯩﭽﻪ ﺗﻪﻳﯟﻩﻧﻨﯩﯔ ﺋﯚﺯﯨﻨﻰ ﻗﻮﻏﺪﯨﺸﯩﻐﺎ ﻳﺎﺭﺩﻩﻡ ﺑﯧﺮﯨﺪﯗ' ﺩﻩﭖ ﺟﺎﻛﺎﺭﻟﯩﺪﻯ.

ﺧﻪﻟﻘﺌﺎﺭﺍﺩﺍ ﺧﯩﺘﺎﻳﭽﻪ ﭼﯩﻘﯩﺪﯨﻐﺎﻥ 'ﺷﯩﯖﺪﺍﯞ ﺗﻮﺭ ﺑﯧﺘﻰ' ﺩﻩ ﺑﺎﻳﺎﻥ ﻗﯩﻠﯩﺸﯩﭽﻪ، ﺋﺎﻣﯧﺮﯨﻜﯩﺪﯨﻜﻰ ﺩﯦﻤﻮﻛﺮﺍﺗﻼﺭ ﭘﺎﺭﺗﯩﻴﯩﺴﻰ ﻳﯩﻠﻼﺭﺩﯨﻦ ﺑﯘﻳﺎﻥ، ﺑﯩﺮ ﺟﯘﯕﮕﻮ ﺳﯩﻴﺎﺳﯩﺘﻰ ﯞﻩ ﺋﺎﻣﯧﺮﯨﻜﯩﻨﯩﯔ 'ﺗﻪﻳﯟﻩﻥ ﻣﯘﻧﺎﺳﯩﯟﯨﺘﻰ ﻗﺎﻧﯘﻧﻰ' ﺩﯦﮕﻪﻥ ﻗﺎﻧﯘﻧﺪﺍ ﭼﯩﯔ ﺗﯘﺭﯗﺷﻨﻰ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ. ﺋﻪﻣﻤﺎ ﺟﯘﻣﻬﯘﺭﯨﻴﻪﺗﭽﯩﻠﻪﺭ ﭘﺎﺭﺗﯩﻴﯩﺴﻰ ﺑﻮﻟﺴﺎ 'ﺑﯩﺮ ﺟﯘﯕﮕﻮ ﺳﯩﻴﺎﺳﯩﺘﻰ' ﺩﯦﮕﻪﻧﻨﻰ ﭘﻪﻗﻪﺕ ﺗﯩﻠﻐﺎ ﺋﺎﻟﻤﺎﻱ، ﺋﺎﻣﯧﺮﯨﻜﯩﻨﯩﯔ 'ﺗﻪﻳﯟﻩﻥ ﻣﯘﻧﺎﺳﯩﯟﯨﺘﻰ ﻗﺎﻧﯘﻧﻰ' ﻏﺎ ﺋﻪﻣﻪﻝ ﻗﯩﻠﯩﺸﻨﯩﻼ ﺗﻪﻛﯩﺘﻠﻪﭖ ﻛﯧﻠﯩﯟﺍﺗﯩﺪﯗ.