ﻳﯩﻐﯩﻦ ﺋﺎﯞﺳﺘﺮﺍﻟﯩﻴﯩﻨﯩﯔ Brisbane ﺷﻪﻫﯩﺮﯨﺪﻩ ﺋﯚﺗﻜﯜﺯﯛﻟﮕﻪﻥ. ﻳﯩﻐﯩﻨﻐﺎ ﻣﯘﻫﺎﺟﯩﺮﻩﺗﺘﯩﻜﻰ ﺗﯩﺒﻪﺕ ﭘﺎﺋﺎﻟﯩﻴﻪﺗﭽﯩﻠﯩﺮﻯ، ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﻯ ﯞﻩ ﺋﺎﯞﺳﺘﺮﺍﻟﯩﻴﯩﻨﯩﯔ ﺑﯩﺮ ﺗﯜﺭﻛﯜﻡ ﭘﺎﺭﻻﻣﯧﻨﺖ ﺋﻪﺯﺍﻟﯩﺮﻯ ﺑﻮﻟﯘﭖ، 60 ﺗﯩﻦ ﺋﺎﺭﺗﯘﻕ ﻛﯩﺸﻰ ﻗﺎﺗﻨﺎﺷﻘﺎﻥ. ﻳﯩﻐﯩﻨﺪﺍ ﺋﺎﻟﺪﻯ ﺑﯩﻠﻪﻥ ﺋﻮﻟﯩﻤﭙﯩﻜﻨﯩﯔ ﺋﺎﻟﺪﻯ - ﻛﻪﻳﻨﯩﺪﯨﻜﻰ ﺧﯩﺘﺎﻱ ﯞﻩ ﺗﯩﺒﻪﺕ ﯞﻩﺯﯨﻴﯩﺘﻰ، ﺋﯩﻜﻜﻰ ﺗﻪﺭﻩﭖ ﺳﯚﻫﺒﯩﺘﯩﻨﯩﯔ ﻧﯚﯞﻩﺗﺘﯩﻜﻰ ﺋﻪﻫﯟﺍﻟﻰ ﺩﻭﻛﻼﺕ ﻗﯩﻠﯩﻨﻐﺎﻥ. ﺋﺎﺭﻗﯩﺪﯨﻦ ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺗﯩﻴﯩﻠﯩﺸﯩﺸﻰ ﺑﯩﻠﻪﻥ ﺗﯩﺒﻪﺗﺘﻪ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﯩﻨﻰ ﻳﻮﻟﻐﺎ ﻗﻮﻳﯘﺷﻨﯩﯔ ﺋﺎﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺕ ﻣﯘﻫﺎﻛﯩﻤﻪ ﻗﯩﻠﯩﻨﻐﺎﻥ.

ﻳﯩﻐﯩﻨﺪﺍ ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﺪﯨﻦ Yuan jiesheng ﺳﯚﺯ ﻗﯩﻠﯩﭗ ﻣﯘﻧﺪﺍﻕ ﺩﯦﮕﻪﻥ: " ﻧﯚﯞﻩﺗﺘﻪ ﺩﺍﻻﻱ ﻻﻣﺎ، ﺋﺎﻟﯩﻲ ﺋﺎﭘﺘﻮﻧﻮﻣﯩﻴﻪ ﺗﻪﻟﻪﭖ ﻗﯩﻠﯩﯟﺍﺗﯩﺪﯗ، ﺑﯘ ﺩﯦﮕﻪﻧﻠﯩﻚ، ﺗﯩﺒﻪﺗﻨﯩﯔ ﺩﯙﻟﻪﺕ ﻣﯘﺩﺍﭘﯩﺌﻪ ﯞﻩ ﺩﯨﭙﻠﻮﻣﺎﺗﯩﻴﻪ ﺋﯩﺸﻠﯩﺮﯨﺪﯨﻦ ﺑﺎﺷﻘﺎ ﺑﺎﺭﻟﯩﻖ ﺋﯩﺸﻠﯩﺮﻯ ﺗﯩﺒﻪﺕ ﺧﻪﻟﻘﻰ ﺗﻪﺭﯨﭙﯩﺪﯨﻦ ﺑﺎﺷﻘﯘﺭﯗﻟﯘﺷﻰ ﻛﯧﺮﻩﻙ ﺩﯦﮕﻪﻧﻠﯩﻜﺘﯘﺭ. ﺋﻪﻣﻪﻟﯩﻴﻪﺗﺘﻪ ﺟﯘﯕﮕﻮ ﺩﯦﻤﻮﻛﯩﺮﺍﺗﭽﯩﻠﯩﺮﯨﻨﯩﯔ ﺗﻪﻟﻪﭖ ﻗﯩﻠﯩﯟﺍﺗﻘﯩﻨﯩﻤﯘ، ﻫﻮﻗﯘﻗﻨﻰ ﻣﻪﺭﻛﯩﺰﻯ ﻫﯚﻛﯜﻣﻪﺗﺘﯩﻦ ﻳﻪﺭﻟﯩﻚ ﻫﯚﻛﯜﻣﻪﺗﻠﻪﺭﮔﻪ ﺋﯚﺗﻜﯜﺯﯛﺵ، ﻣﻪﺭﻛﯩﺰﻯ ﻫﯚﻛﯜﻣﻪﺗﻨﯩﯔ ﻫﻪﻣﻤﯩﻨﻰ ﭼﺎﯕﮕﯩﻠﯩﻐﺎ ﺋﯧﻠﯩﯟﯦﻠﯩﺶ، ﻫﻪﻣﻤﯩﻨﻰ ﺑﺎﺷﻘﯘﺭﯗﺵ ﺋﯩﺴﺘﯩﻠﯩﻐﺎ ﺧﺎﺗﯩﻤﻪ ﺑﯧﺮﯨﺶ ﺩﯦﻤﻪﻛﺘﯘﺭ."

ﻳﯜﻩﻥ ﺟﯩﯧﺸﯧﯔ ﺑﯘ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ، ﺩﺍﻻﻱ ﻻﻣﺎ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﻫﻪﻗﻠﻪﺭﻧﯩﯔ ﻳﺎﻟﻐﯘﺯ ﺗﯩﺒﻪﺕ ﺋﯜﭼﯜﻥ ﺋﻪﻣﻪﺱ، ﺧﯩﺘﺎﻳﺪﯨﻜﻰ ﺑﺎﺭﻟﯩﻖ ﺋﯚﻟﻜﯩﻠﻪﺭ ﺋﯜﭼﯜﻧﻤﯘ ﻛﯧﺮﻩﻛﻠﯩﻚ ﻫﻪﻗﻠﻪﺭ ﺋﯩﻜﻪﻧﻠﯩﻜﯩﻨﻰ ﺗﻪﻛﯩﺘﻠﯩﮕﻪﻥ.

ﻳﯩﻐﯩﻨﺪﺍ ﻳﻪﻧﻪ، ﺗﯩﺒﻪﺕ ﺋﺎﻳﺎﻟﻼﺭ ﺟﻪﻣﺌﯩﻴﯩﺘﯩﻨﯩﯔ ﻣﻪﺳﺌﯘﻟﻰ ﺳﯚﺯ ﻗﯩﻠﯩﭗ،ﺧﯩﺘﺎﻱ ﺧﻪﻟﻘﻰ ﺑﯩﻠﻪﻥ ﺗﯩﺒﻪﺕ ﺧﻪﻟﻘﯩﻨﯩﯔ ﻧﻪﭼﭽﻪ ﻳﯜﺯ ﻳﯩﻞ ﺋﯩﻨﺎﻕ ﻗﻮﺷﻨﺎ ﺑﻮﻟﯘﭖ ﻳﺎﺷﯩﻐﺎﻧﻠﯩﻘﯩﻨﻰ، ﺋﻪﻣﻤﺎ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﺋﯩﻜﻜﻰ ﻣﯩﻠﻠﻪﺕ ﺋﺎﺭﯨﺴﯩﻐﺎ ﺋﯚﭺ - ﺋﺎﺩﺍﯞﻩﺕ ﺋﯘﺭﯗﻗﻰ ﭼﺎﭼﻘﺎﻧﻠﯩﻘﯩﻨﻰ، ﺑﯘ ﯞﻩﺯﯨﻴﻪﺗﻨﻰ ﺋﻮﯕﺸﺎﺵ ﻣﻪﺳﺌﯘﻟﯩﻴﯩﺘﯩﻨﻰ ﭘﻪﻗﻪﺕ ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﺪﯨﻦ ﻛﯜﺗﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻳﯩﻐﯩﻨﺪﺍ ﻳﻪﻧﻪ، ﺗﯩﺒﻪﺕ ﻣﯩﻠﻠﯩﻲ ﻫﻪﺭﯨﻜﯩﺘﯩﻨﯩﯔ ﻛﯜﺭﻩﺵ ﻳﻮﻟﻰ ﻫﻪﻗﻘﯩﺪﻩ ﻗﯩﺰﻏﯩﻦ ﻣﯘﺯﺍﻛﯩﺮﻩ ﺩﺍﯞﺍﻡ ﻗﯩﻠﻐﺎﻥ. ﻳﯩﻐﯩﻨﺪﺍ ﺳﯚﺯ ﻗﯩﻠﻐﺎﻥ ﺗﯩﺒﻪﺕ ﻳﺎﺷﻼﺭ ﺗﻪﺷﻜﯩﻼﺗﯩﻨﯩﯔ ﯞﻩﻛﯩﻠﻰ، ﺗﯩﺒﻪﺕ ﻳﺎﺷﻠﯩﺮﯨﻨﯩﯔ ﺑﯘﻧﺪﯨﻦ ﻛﯧﻴﯩﻦ، ﺩﺍﻻﻱ ﻻﻣﺎﻧﯩﯔ ﺗﯧﻨﭽﻠﯩﻖ ﻳﻮﻟﯩﺪﺍ ﻣﯧﯖﯩﺸﻘﺎ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ. ﺋﻪﻣﻤﺎ ﺋﯘ، ﺑﯘ ﻧﯘﻗﺘﯩﺪﺍ ﺩﺍﻻﻱ ﻻﻣﺎﺩﯨﻦ ﭘﻪﺭﻗﻠﯩﻖ ﻣﻪﻳﺪﺍﻧﯩﻨﻰ ﻳﻪﻧﻪ ﺑﯩﺮ ﻗﯧﺘﯩﻢ ﺗﻪﻛﯩﺘﻠﯩﮕﻪﻥ. ﺑﯜﮔﯜﻧﮕﻪ ﻗﻪﺩﻩﺭ ﺩﺍﻻﻱ ﻻﻣﺎ، ﺗﯧﻨﭽﻠﯩﻘﻨﻰ ﺷﻪﺭﺗﺴﯩﺰ ﻫﺎﻟﺪﺍ، ﺗﯩﺒﻪﺕ ﻳﺎﺷﻼﺭ ﺗﻪﺷﻜﯩﻼﺗﻰ ﺑﻮﻟﺴﺎ، ﺗﯧﻨﭽﻠﯩﻘﻨﻰ ﺷﻪﺭﺗﻠﯩﻚ ﻫﺎﻟﺪﺍ ﺗﻪﻛﯩﺘﻠﻪﭖ ﻛﻪﻟﻤﻪﻛﺘﻪ. ﻳﺎﺷﻼﺭ ﺗﻪﺷﻜﯩﻼﺗﯩﻨﯩﯔ ﻗﺎﺭﯨﺸﯩﭽﻪ، ﺗﯧﻨﭽﻠﯩﻖ ﻳﺎﻟﻐﯘﺯ ﺑﯩﺮ ﺗﻪﺭﻩﭘﻨﯩﯔ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﺋﻪﻣﻪﺱ، ﻣﻪﺳﯩﻠﯩﮕﻪ ﭼﯧﺘﯩﺸﻠﯩﻖ ﻫﻪﺭ ﺋﯩﻜﻜﻰ ﺗﻪﺭﻩﭘﻨﯩﯔ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﺋﻪﻣﻪﻟﮕﻪ ﺋﺎﺷﯩﺪﯗ. ﺋﻪﮔﻪﺭ ﺑﯩﺮ ﺗﻪﺭﻩﭖ ﺗﯧﻨﭽﻠﯩﻖ ﻳﻮﻟﯩﻨﻰ ﺋﯩﻨﻜﺎﺭ ﻗﯩﻠﺴﺎ، ﺋﯩﻜﻜﯩﻨﭽﻰ ﺗﻪﺭﻩﭘﻨﯩﯖﻤﯘ ﺗﻪﺑﯩﺌﯩﯩﻲ ﻫﺎﻟﺪﺍ، ﺯﻭﺭﺍﯞﺍﻧﻠﯩﻖ ﻳﻮﻟﯩﻐﺎ ﻣﯧﯖﯩﺶ ﺋﯧﻬﺘﯩﻴﺎﺟﻰ ﺗﯘﻏﯘﻟﯩﺪﯗ.

ﺑﯘ ﻗﯧﺘﯩﻤﻘﻰ ﻳﯩﻐﯩﻦ ﺋﯧﭽﯩﻠﯩﺸﺘﯩﻦ ﺋﯩﻜﻜﻰ ﻫﻪﭘﺘﻪ ﺋﺎﯞﯞﺍﻝ، ﺧﯩﺘﺎﻱ ﻫﯚﻛﯜﻣﯩﺘﻰ ﺗﯩﺒﻪﺕ ﻣﻪﺳﯩﻠﯩﺴﻰ ﻫﻪﻗﻘﯩﺪﻩ ﺋﺎﻕ ﺗﺎﺷﻠﯩﻖ ﻛﯩﺘﺎﺏ ﺋﯧﻼﻥ ﻗﯩﻠﻐﺎﻥ ﯞﻩ ﻛﯩﺘﺎﺑﺘﺎ، ﺗﯩﺒﻪﺕ ﻣﻪﺩﻩﻧﯩﻴﯩﺘﯩﻨﯩﯔ ﻗﻮﻏﺪﯨﻠﯩﯟﺍﺗﻘﺎﻧﻠﯩﻘﻰ، ﺩﺍﻻﻱ ﻻﻣﺎﻧﯩﯔ ﺗﯩﺒﻪﺗﺘﻪ ﺋﯩﭙﺘﯩﺪﺍﺋﯩﻲ ﺗﯜﺯﯛﻣﻨﻰ ﻳﻮﻟﻐﺎ ﻗﻮﻳﻤﺎﻗﭽﻰ ﺑﻮﻟﯘﯞﺍﺗﻘﺎﻧﻠﯩﻘﻰ ﺋﻪﻳﯩﺒﻠﻪﻧﮕﻪﻥ ﺋﯩﺪﻯ. ﻳﯩﻐﯩﻨﺪﺍ ﺧﯩﺘﺎﻳﻨﯩﯔ ﺋﺎﻕ ﺗﺎﺷﻠﯩﻖ ﻛﯩﺘﺎﺑﯩﻤﯘ ﺗﻪﻧﻘﯩﺪﻛﻪ ﺋﯘﭼﺮﯨﻐﺎﻥ. ﺗﯩﺒﻪﺕ ﭘﺎﺋﺎﻟﯩﻴﻪﺗﭽﯩﻠﯩﺮﻯ، ﺗﯩﺒﻪﺗﺘﻪ ﻳﻮﻟﻐﺎ ﻗﻮﻳﯘﻟﯩﺪﯨﻐﺎﻥ ﺋﯩﺠﺘﯩﻤﺎﺋﯩﻲ ﺗﯜﺯﯛﻣﻨﯩﯔ ﺋﯩﻠﻐﺎﺭ ﻳﺎﻛﻰ ﻗﺎﻻﻗﻠﯩﻘﯩﻨﻰ، ﺧﯩﺘﺎﻱ ﻣﻪﺭﻛﯩﺰﻯ ﻫﯚﻛﯜﻣﯩﺘﻰ ﺋﻪﻣﻪﺱ، ﺗﯩﺒﻪﺕ ﺧﻪﻟﻘﻰ ﺑﺎﻫﺎﻟﯩﺸﻰ ﻛﯧﺮﻩﻙ ﺩﻩﭖ ﺑﯩﻠﺪﯛﺭﮔﻪﻥ.

ﻳﯩﻐﯩﻦ ﻗﺎﺗﻨﺎﺷﭽﯩﻠﯩﺮﻯ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﯩﯔ ﻳﯩﻘﯩﻠﯩﺸﻘﺎ ﻣﻪﻫﻜﯘﻡ ﺋﯩﻜﻪﻧﻠﯩﻜﻰ، ﺑﯘﻧﯩﯔ ﭘﻪﻗﻪﺕ ﯞﺍﻗﯩﺖ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﻰ، ﺧﯩﺘﺎﻳﻨﯩﯔ ﺩﯦﻤﻮﻛﺮﺍﺗﯩﻴﯩﻠﯩﺸﯩﺸﻰ ﺑﯩﻠﻪﻥ ﺗﯩﺒﻪﺗﻨﯩﯔ ﺋﺎﻟﯩﻲ ﺋﺎﭘﺘﻮﻧﻮﻣﯩﻴﯩﮕﻪ ﺋﯚﺗﯜﺷﻰ ﺑﯩﺮ - ﺑﯩﺮﯨﻨﻰ ﺋﯩﻠﮕﯩﺮﻯ ﺳﯜﺭﯨﺪﯨﻐﺎﻥ ﯞﻩ ﺑﯩﺮ - ﺑﯩﺮﯨﻨﻰ ﺷﻪﺭﺕ ﻗﯩﻠﻐﺎﻥ ﺳﯩﻴﺎﺳﻰ ﺟﻪﺭﻳﺎﻥ ﺋﯩﻜﻪﻧﻠﯩﻜﯩﺪﻩ ﺋﻮﺭﺗﺎﻕ ﭘﯩﻜﯩﺮﮔﻪ ﻛﻪﻟﮕﻪﻥ.

ﻳﯩﻐﯩﻨﺪﺍ ﻳﻪﻧﻪ ﺑﯩﺮ ﻗﯩﺴﯩﻢ ﺋﻮﺧﺸﯩﻤﯩﻐﺎﻥ ﭘﯩﻜﯩﺮﻟﻪﺭﻣﯘ ﺋﻮﺗﺘﯘﺭﯨﻐﺎ ﭼﯜﺷﻜﻪﻥ. ﻳﯩﻐﯩﻨﺪﺍ ﺧﯩﺘﺎﻱ ﺩﯦﻤﻮﻛﺮﺍﺗﭽﯩﻠﯩﺮﯨﺪﯨﻦ ﯞﯗ ﻳﻮﯓ " ﺗﯩﺒﻪﺕ ﻫﻪﺭﯨﻜﯩﺘﻰ ﺩﯗﭺ ﻛﻪﻟﮕﻪﻥ ﺋﺎﭼﺎ ﻳﻮﻝ" ﻧﺎﻣﻠﯩﻖ ﻣﺎﻗﺎﻟﯩﺴﯩﻨﻰ ﺋﻮﻗﯘﭖ ﺋﯚﺗﻜﻪﻥ. ﺋﯘ ﻣﺎﻗﺎﻟﯩﺴﯩﺪﻩ، ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﯩﻨﻰ ﺗﻪﺧﺘﺘﯩﻦ ﭼﯜﺷﯜﺭﯛﺵ ﺋﯜﭼﯜﻥ، ﻳﺎﻟﻐﯘﺯ ﺗﯧﻨﭽﻠﯩﻖ ﻳﻮﻟﯩﻨﯩﯔ ﺋﺎﺟﯩﺰﻟﯩﻖ ﻗﯩﻠﯩﺪﯨﻐﺎﻧﻠﯩﻘﯩﻨﻰ، ﺗﯧﻨﭽﻠﯩﻖ ﯞﻩ ﺯﻭﺭﺍﯞﺍﻧﻠﯩﻘﺘﯩﻦ ﺋﯩﺒﺎﺭﻩﺕ ﺋﯩﺒﺎﺭﻩﺕ ﺋﯩﻜﻜﻰ ﺧﯩﻞ ﻳﻮﻟﻨﻰ ﺗﻪﯓ ﻗﻮﻟﻠﯩﻨﯩﺶ ﻛﯧﺮﻩﻛﻠﯩﻜﯩﻨﻰ ﺑﺎﻳﺎﻥ ﻗﯩﻠﻐﺎﻥ ﯞﻩ ﺧﯩﺘﺎﻳﺪﺍ ﭘﺎﺭﺍﻛﻪﻧﺪﯨﭽﯩﻠﯩﻚ ﺗﯧﺮﯨﻤﺎﻱ ﺗﯘﺭﯗﭖ،، ﻫﯚﻛﯜﻣﻪﺕ ﺭﻩﻫﺒﻪﺭﻟﯩﺮﯨﻨﻰ ﺳﯚﻫﺒﻪﺕ ﺋﯜﺳﺘﯩﻠﯩﮕﻪ ﺋﻪﭘﻜﻪﻟﮕﯩﻠﻰ ﺑﻮﻟﻤﺎﻳﺪﯗ ﺩﻩﭖ ﺋﻪﺳﻜﻪﺭﺗﻜﻪﻥ.