ﻛﯜﺭﺷﺎﺕ ﺗﯜﺯﻣﻪﻥ ﺧﯩﺘﺎﻱ ﺑﯩﻠﻪﻥ ﺑﯘ ﻫﻪﻗﺘﻪ ﻣﯘﺯﺍﻛﯩﺮﻩ ﺋﯚﺗﻜﯜﺯﮔﻪﻥ

ﺗﯜﺭﻛﯩﻴﯩﻨﯩﯔ ﺋﻪﯓ ﻧﻮﭘﯘﺯﻟﯘﻕ ﮔﯧﺰﯨﺘﻠﯩﺮﯨﺪﯨﻦ ﺑﯩﺮﻯ ﺑﻮﻟﻐﺎﻥ "ﻫﯜﺭﺭﯨﻴﻪﺕ" ﮔﯧﺰﯨﺘﯩﻨﯩﯔ 9 - ﺋﺎﻳﻨﯩﯔ 3 - ﻛﯜﻧﯩﺪﯨﻜﻰ ﺳﺎﻧﯩﺪﺍ، `ﺧﯩﺘﺎﻱ: ﺗﯜﺭﻛﯩﻴﻪ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﺋﯩﺶ ﭘﯩﻼﻧﯩﻨﻰ ﺑﯩﺰﮔﻪ ﺑﻪﺭﺳﻪ ﺋﺎﺗﻮﻡ ﺗﻪﺟﺮﯨﺒﯩﻤﯩﺰﻧﻰ ﺋﻮﺭﺗﺎﻗﻠﯩﺸﯩﻤﯩﺰ` ﻣﺎﯞﺯﯗﻟﯘﻕ ﺧﻪﯞﻩﺭ ﺋﯧﻼﻥ ﻗﯩﻠﯩﻨﺪﻯ.

ﻫﯜﺭﺭﯨﻴﻪﺕ ﮔﯧﺰﯨﺘﯩﻨﯩﯔ ﻣﯘﺧﺒﯩﺮﻯ ﺳﯘﻻﻳﻤﺎﻥ ﺩﯦﻤﯩﺮﻗﺎﻥ ﺋﯜﺭﯛﻣﭽﯩﺪﻩ ﺗﯘﺭﯗﭖ ﻳﺎﺯﻏﺎﻥ ﺑﯘ ﺧﻪﯞﻩﺭﺩﻩ، ﺗﯧﺰﻻ ﺗﻪﺭﻩﻗﻘﻰ ﻗﯩﻠﯩﯟﺍﺗﻘﺎﻥ ﺧﯩﺘﺎﻳﻨﯩﯔ، ﺗﯜﺭﻛﯩﻴﻪ ﺗﯘﻧﺠﻰ ﻗﯧﺘﯩﻢ ﻗﯘﺭﻣﺎﻗﭽﻰ ﺑﻮﻟﯩﯟﺍﺗﻘﺎﻥ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﺋﯩﺶ ﭘﯩﻼﻧﯩﻐﺎ ﻗﺎﺗﻨﺎﺷﻘﺎﻧﻠﯩﻘﯩﻨﻰ ﻳﺎﺯﻏﺎﻥ. ﺑﯘ ﺧﻪﯞﻩﺭﺩﻩ ﺑﺎﻳﺎﻥ ﻗﯩﻠﯩﻨﯩﺸﯩﭽﻪ، ﺗﯜﺭﻛﯩﻴﯩﻨﯩﯔ ﺗﯘﻧﺠﻰ ﻗﯧﺘﯩﻢ ﻗﯘﺭﻣﺎﻗﭽﻰ ﺑﻮﻟﻐﺎﻥ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﺋﯩﺸﯩﻨﻰ ﺋﯧﻠﯩﺶ ﺋﯜﭼﯜﻥ ﺷﻪﺭﺗﻨﺎﻣﯩﻼﺭﻧﻰ ﺗﻮﻟﺪﯗﺭﯗﭖ ﺋﯩﻠﺘﯩﻤﺎﺱ ﻗﯩﻠﻐﺎﻥ ﺷﯩﺮﻛﻪﺗﻠﻪﺭﺩﯨﻦ ﺑﯩﺮﻯ ﺧﯩﺘﺎﻱ ﺋﯩﻨﺠﯧﻨﯧﺮﻟﯩﻖ ﺷﯩﺮﻛﯩﺘﻰ ﺋﯩﻜﻪﻥ. ﺑﯘ ﺷﯩﺮﻛﻪﺕ ﺗﯜﺭﻛﯩﻴﯩﮕﻪ ﻳﺎﺩﺭﻭ ﺗﯧﺨﻨﻮﻟﻮﮔﯩﻴﯩﺴﯩﻨﻰ ﺑﯧﺮﯨﺪﯨﻐﺎﻧﻠﯩﻘﻰ ﯞﻩ ﺑﯘ ﺳﺎﻫﻪﺩﻩ ﺗﯜﺭﻙ ﺋﯩﻨﺠﯧﻨﯧﺮﻟﯩﺮﯨﻨﻰ ﺗﻪﺭﺑﯩﻴﯩﻠﻪﭖ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ.

ﻫﺎﺯﯨﺮ ﺋﯜﺭﯛﻣﭽﯩﺪﻩ ﺯﯨﻴﺎﺭﻩﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ ﻛﯜﺭﺷﺎﺕ ﺗﯜﺯﻣﻪﻥ ﺑﯧﻴﺠﯩﯖﺪﺍ ﺑﯘ ﺷﯩﺮﻛﻪﺗﻨﯩﯔ ﻣﯘﺩﯨﺮﻯ ﺟﯩﻤﻤﻲ ﯞﻭﯓ ﺑﯩﻠﻪﻥ ﺋﯜﺭﯛﻣﭽﯩﺪﻩ ﺑﻮﻟﺴﺎ ﻣﯘﺩﯨﺮ ﻳﺎﺭﺩﻩﻣﭽﯩﺴﻰ ﺟﺎﯓ ﯞﯦﻨﮕﯧﯔ ﺑﯩﻠﻪﻥ ﺑﯘ ﻫﻪﻗﺘﻪ ﻣﯘﺯﺍﻛﯩﺮﻩ ﺋﯚﺗﻜﯜﺯﮔﻪﻥ.

ﺗﯜﺭﻛﯩﻴﻪ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ

ﻫﯜﺭﺭﯨﻴﻪﺕ ﮔﯧﺰﯨﺘﯩﺪﯨﻜﻰ ﺧﻪﯞﻩﺭﺩﻩ ﺧﯩﺘﺎﻱ ﺋﯩﻨﺠﯧﻨﯧﺮﻟﯩﻖ ﺷﯩﺮﻛﯩﺘﻰ ﻣﻪﺳﺌﯘﻟﻠﯩﺮﯨﻨﯩﯔ ﺗﯜﺭﻙ ﻣﯩﻨﯩﺴﺘﯩﺮﯨﮕﻪ ﺩﯦﮕﻪﻥ ﺳﯚﺯﻟﯩﺮﯨﮕﻪ ﻳﻪﺭ ﺑﯧﺮﯨﻠﮕﻪﻥ ﺑﻮﻟﯘﭖ، ﻣﯘﻧﺪﺍﻕ ﺩﯦﻴﯩﻠﮕﻪﻥ: "ﺗﯜﺭﻛﯩﻴﯩﻨﯩﯔ ﻳﺎﺩﺭﻭ ﺋﯧﻨﯧﺮﮔﯩﻴﻪ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﯩﻨﻰ ﺑﯩﺰ ﻗﯘﺭﯗﺷﻨﻰ ﺧﺎﻻﻳﻤﯩﺰ. ﺑﯘ ﺑﯩﺰ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ. ﺗﯜﺭﻛﯩﻴﻪ - ﺧﯩﺘﺎﻱ ﻣﯘﻧﺎﺳﯩﯟﯨﺘﻰ ﺋﯜﭼﯜﻥ ﻧﺎﻫﺎﻳﯩﺘﻰ ﻣﯘﻫﯩﻢ. ﺑﯘ ﺋﯩﺶ ﭘﯩﻼﻧﻰ ﺗﯜﺭﻛﯩﻴﻪ ﺧﯩﺘﺎﻱ ﺋﻮﺗﺘﯘﺭﯨﺴﯩﺪﯨﻜﻰ ﺗﯩﺠﺎﺭﯨﻲ ﯞﻩ ﺋﯩﻘﺘﯩﺴﺎﺩﯨﻲ ﻣﯘﻧﺎﺳﯩﯟﻩﺗﻠﻪﺭﻧﻰ ﺗﻪﺭﻩﻗﻘﯩﻲ ﻗﯩﻠﺪﯗﺭﯗﺵ ﺋﯜﭼﯜﻥ ﺋﯩﻨﺘﺎﻳﯩﻦ ﻣﯘﻫﯩﻢ. ﺑﯘﻧﯩﯔ ﺋﯜﭼﯜﻥ ﺧﯩﺘﺎﻱ ﺧﻪﻟﻖ ﺟﯘﻣﻬﯘﺭﯨﻴﯩﺘﻰ ﻫﯚﻛﯜﻣﯩﺘﻰ ﺷﯩﺮﻛﯩﺘﯩﻤﯩﺰﻧﻰ ﻗﻮﻟﻼﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺧﯩﺘﺎﻱ ﻫﯚﻛﯜﻣﯩﺘﻰ 12 ﻳﯧﯖﻰ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﻫﻪﻗﻘﯩﺪﻩ ﻗﺎﺭﺍﺭ ﻣﺎﻗﯘﻟﻠﯩﺪﻯ. ﺑﯘ 12 ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﯩﻨﯩﯔ 10 ﻧﯩﻨﻰ ﺑﯩﺰﻧﯩﯔ ﺷﯩﺮﻛﻪﺕ ﻗﯘﺭﯗﺩﯗ. ﺧﯩﺘﺎﻱ ﺩﯗﻧﻴﺎﺩﺍ ﺋﻪﯓ ﻛﯚﭖ ﻳﺎﺩﺭﻭ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﯩﻐﺎ ﺋﯩﮕﻪ ﺑﯩﺮ ﺩﯙﻟﻪﺕ. ﺑﯩﺰﻧﯩﯔ ﺧﯩﺘﺎﻱ ﺋﯩﻨﺠﯧﻨﯧﺮﻟﯩﻖ ﺷﯩﺮﻛﯩﺘﯩﻤﯩﺰ ﺑﻮﻟﺴﺎ ﺧﯩﺘﺎﻳﺪﺍ ﺋﻪﯓ ﻛﯚﭖ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﭖ ﺋﯘﻧﻰ ﺑﺎﺷﻘﯘﺭﯗﯞﺍﺗﻘﺎﻥ ﺷﯩﺮﻛﻪﺗﻠﻪﺭﺩﯨﻦ ﺑﯩﺮﻯ."

ﺗﯜﺭﻛﯩﻴﻪ ﺑﯩﻠﻪﻥ ﭘﯜﺗﯜﻥ ﺋﯩﻠﻐﺎﺭ ﺗﯧﺨﻨﻮﻟﻮﮔﯩﻴﯩﻤﯩﺰﻧﻰ ﺋﻮﺭﺗﺎﻗﻠﯩﺸﯩﺸﻘﺎ ﺗﻪﻳﻴﺎﺭ

ﺧﻪﯞﻩﺭﺩﻩ ﺑﯘ ﺷﯩﺮﻛﻪﺕ ﻣﻪﺳﺌﯘﻟﻠﯩﺮﯨﻨﯩﯔ ﺗﯜﺭﻙ ﻣﯩﻨﯩﺴﺘﯩﺮﯨﮕﻪ، ﺗﯜﺭﻛﯩﻴﯩﮕﻪ ﻳﺎﺩﺭﻭ ﺗﯧﺨﻨﻮﻟﻮﮔﯩﻴﯩﺴﯩﻨﻰ ﺑﯧﺮﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻧﻠﯩﻜﻰ ﻫﻪﻗﻘﯩﺪﻩ ﻣﯘﻧﺪﺍﻕ ﻳﯧﺰﯨﻠﻐﺎﻥ: "ﺗﯜﺭﻛﯩﻴﻪ ﺑﯩﺮ ﻣﯩﻠﻴﻮﻥ ﻣﯧﮕﺎﯞﺍﺕ ﺳﺎﺋﻪﺗﻠﯩﻚ ﺑﯩﺮ ﺋﯧﻠﯧﻜﺘﯩﺮ ﺋﯩﺴﺘﺎﻧﺴﯩﺴﻰ ﻗﯘﺭﯗﺷﻨﻰ ﭘﯩﻼﻧﻼﯞﺍﺗﯩﺪﯗ. ﺋﻪﮔﻪﺭ ﺑﯘ ﺋﯩﺶ ﭘﯩﻼﻧﯩﻨﻰ ﺗﯜﺭﻛﯩﻴﻪ ﺑﯩﺰﮔﻪ ﺑﻪﺭﺳﻪ ﺗﯜﺭﻛﯩﻴﻪ ﺑﯩﻠﻪﻥ ﭘﯜﺗﯜﻥ ﺋﯩﻠﻐﺎﺭ ﺗﯧﺨﻨﻮﻟﻮﮔﯩﻴﯩﻤﯩﺰﻧﻰ ﺋﻮﺭﺗﺎﻗﻠﯩﺸﯩﺸﻘﺎ ﺗﻪﻳﻴﺎﺭ ﺑﯩﺰ. ﺑﯩﺰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﻮﻟﻼﭖ ﻗﯘﯞﯞﻩﺗﻠﯩﺸﯩﻨﻰ ﻗﻮﻟﻐﺎ ﻛﻪﻟﺘﯜﺭﺩﯗﻕ، ﺗﯜﺭﻛﯩﻴﻪ ﻫﯚﻛﯜﻣﯩﺘﯩﻨﯩﯖﻤﯘ ﺑﯩﺰﻧﻰ ﻗﻮﻟﻠﯩﺸﯩﻨﻰ ﺋﯩﺶ ﭘﯩﻼﻧﯩﻨﻰ ﺑﯩﺰﮔﻪ ﺑﯧﺮﯨﺸﯩﻨﻰ ﺋﯜﻣﯩﺪ ﻗﯩﻠﯩﻤﯩﺰ."
 
ﺧﯩﺘﺎﻱ ﺷﯩﺮﻛﯩﺘﯩﻨﯩﯔ ﻣﻪﺳﺌﯘﻟﻠﯩﺮﻯ ﺑﯘﻧﻰ ﺩﯦﮕﻪﻧﺪﯨﻦ ﻛﯧﻴﯩﻦ، ﺗﯜﺭﻛﯩﻴﻪ ﺩﯙﻟﻪﺕ ﻣﯩﻨﯩﺴﺘﯩﺮﻯ، ﺧﯩﺘﺎﻳﻼﺭﻧﯩﯔ ﺑﯘ ﺗﻪﻟﯩﭙﯩﻨﻰ ﺋﯚﺯ ﻫﯚﻛﯜﻣﯩﺘﯩﮕﻪ ﻳﻪﺗﻜﯜﺯﯛﭖ ﻗﻮﻳﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﻘﺎﻥ.

ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯧﺮﻯ ﺧﯩﺘﺎﻱ ﻫﯚﻛﯜﻣﯩﺘﻰ ﺗﯜﺭﻛﯩﻴﯩﺪﯨﻜﻰ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﻪﺗﻜﻪ ﺋﯩﮕﻪ ﻗﯘﺭﯗﻟﯘﺷﻼﺭﻧﻰ ﺳﯧﻠﯩﺶ ﺋﯩﺶ ﭘﯩﻼﻧﻠﯩﺮﯨﻨﻰ ﺋﯧﻠﯩﺸﻘﺎ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﻪﺭﻣﻪﻛﺘﻪ. 1990 - ﻳﯩﻠﻼﺭﻧﯩﯔ ﺋﺎﺧﯩﺮﯨﺪﺍ ﺧﯩﺘﺎﻳﻼﺭ ﺗﯜﺭﻛﯩﻴﯩﮕﻪ ﺑﺎﺷﻘﯘﺭﯨﻠﯩﺪﯨﻐﺎﻥ ﺑﻮﻣﺒﺎ ﻳﺎﺳﺎﺵ ﺗﯧﺨﻨﻮﻟﻮﮔﯩﻴﯩﺴﯩﻨﻰ ﺑﯧﺮﯨﻤﻪﻥ ﺩﻩﭖ ﯞﻩﺩﻩ ﻗﯩﻠﻐﺎﻥ ﺑﻮﻟﺴﯩﻤﯘ، ﺗﯜﺭﻛﯩﻴﻪ ﻳﯧﺘﻪﺭﻟﯩﻚ ﺩﻩﺭﯨﺠﯩﺪﻩ ﺗﯧﺨﻨﻮﻟﻮﮔﯩﻴﻪ ﺋﺎﻻﻟﻤﯩﻐﺎﻥ. ﻫﺎﺯﯨﺮ ﺑﻮﻟﺴﺎ ﺗﯜﺭﻛﯩﻴﯩﮕﻪ ﻳﺎﺩﺭﻭ ﺋﯧﻨﯧﺮﮔﯩﻴﯩﺴﻰ ﺗﯧﺨﻨﻮﻟﻮﮔﯩﻴﯩﺴﻰ ﺑﯧﺮﯨﺶ ﻫﻪﻗﻘﯩﺪﻩ ﯞﻩﺩﻩ ﺑﻪﺭﮔﻪﻥ.

ﺗﯜﺭﻛﯩﻴﯩﺪﻩ ﭘﺎﺋﺎﻟﯩﻴﻪﺕ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﺎﻣﻤﯩﯟﯨﻲ ﺗﻪﺷﻜﯩﻼﺗﻠﯩﺮﻯ ﺑﯘ ﺧﯩﻞ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺋﻪﻫﻤﯩﻴﻪﺗﻜﻪ ﺋﯩﮕﻪ ﻣﻪﺳﯩﻠﯩﻠﻪﺭﺩﻩ ﺧﯩﺘﺎﻳﻨﯩﯔ ﺗﯜﺭﻛﯩﻴﻪ ﺑﯩﻠﻪﻥ ﻫﻪﻣﻜﺎﺭﻟﯩﻖ ﻗﯩﻠﯩﺸﯩﻐﺎ ﮔﯘﻣﺎﻥ ﺑﯩﻠﻪﻥ ﻗﺎﺭﯨﻤﺎﻗﺘﺎ. ﺋﯘﻻﺭ ﺑﯘ ﺧﯩﻞ ﻫﻪﻣﻜﺎﺭﻟﯩﻘﻨﯩﯔ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺩﻩﯞﺍﺳﯩﻐﺎ ﺳﻪﻟﺒﯩﻲ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯛﺷﻤﻪﻛﺘﻪ. ﺑﯘ ﺭﺍﺳﺘﯩﻨﻼ ﺷﯘﻧﺪﺍﻗﻤﯘ؟ ﺑﯘ ﻫﻪﻗﺘﯩﻜﻰ ﻛﯚﺯ ﻗﺎﺭﯨﺸﯩﻨﻰ ﺋﯧﻠﯩﺶ ﺋﯜﭼﯜﻥ ﺗﯜﺭﻛﯩﻴﻪ ﻳﺎﯞﺭﻭﺋﺎﺳﯩﻴﺎ ﺋﯩﺴﺘﺮﺍﺗﯧﮕﯩﻴﻪ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺗﯜﺭﻛﯩﻴﻪ - ﺧﯩﺘﺎﻱ ﻣﯘﻧﺎﺳﯩﯟﻩﺗﻠﯩﺮﻯ ﻣﯘﺗﻪﺧﻪﺳﺴﯩﺴﻰ ﺳﯘﻧﺎ ﻟﯧﺌﯥ ﺧﺎﻧﯩﻤﻐﺎ ﻣﯩﻜﺮﻭﻓﻮﻧﯩﻤﯩﺰﻧﻰ ﺋﯘﺯﺍﺗﺘﯘﻕ.

ﺳﯘﻧﺎ ﻟﯧﺌﯥ ﺧﺎﻧﯩﻢ ﺑﯘ ﻫﻪﻗﺘﯩﻜﻰ ﻛﯚﺯ ﻗﺎﺭﯨﺸﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﻣﻪﻧﭽﻪ ﺑﯘ ﺗﯜﺭﻛﯩﻴﯩﻨﯩﯔ ﻛﯚﭖ ﺗﻪﺭﻩﭘﻠﯩﻤﯩﻠﯩﻚ ﺗﺎﺷﻘﻰ ﺳﯩﻴﺎﺳﯩﺘﯩﻨﯩﯔ ﺑﯩﺮ ﺋﯩﭙﺎﺩﯨﺴﻰ. ﺳﯩﺰﮔﯩﻤﯘ ﻣﻪﻟﯘﻡ ﺧﯩﺘﺎﻱ ﺑﯩﻠﻪﻥ ﺗﯜﺭﻛﯩﻴﯩﻨﯩﯔ ﻛﯚﺯﮔﻪ ﻛﯚﺭﯛﻧﻪﺭﻟﯩﻚ ﺑﯩﺮ ﻣﯘﻧﺎﺳﯩﯟﯨﺘﻰ ﻳﻮﻕ ﺋﯩﺪﻯ. ﺋﻪﻣﻤﺎ ﻳﺎﺩﺭﻭ ﺋﯧﻨﯧﺮﮔﯩﻴﯩﺴﻰ ﺋﯩﺴﺘﺎﻧﺴﯩﺴﻰ ﻗﯘﺭﯗﺵ ﻣﻪﺳﯩﻠﯩﺴﯩﮕﻪ ﻛﻪﻟﺴﻪﻙ ﺑﯘ ﺑﯜﻳﯜﻙ ﺑﯩﺮ ﻣﯘﻧﺎﺳﯩﯟﻩﺗﻨﯩﯔ ﺋﻮﺭﻧﯩﺘﯩﻠﯩﺸﻰ ﺩﯦﻤﻪﻙ. ﺑﯘ ﺋﯩﺶ ﭘﯩﻼﻧﯩﻨﻰ ﺟﻪﻧﯘﺑﯩﻲ ﻛﻮﺭﯨﻴﻪ ﺑﯩﻠﻪﻥ ﺧﯩﺘﺎﻳﻨﯩﯔ ﺋﯧﻠﯩﺶ ﺋﯧﻬﺘﯩﻤﺎﻟﻰ ﻳﯘﻗﯩﺮﻯ. ﺗﯜﺭﻛﯩﻴﯩﻨﯩﯔ ﻛﻮﺭﯨﻴﻪ ﺑﯩﻠﻪﻥ ﺩﯙﻟﻪﺕ ﻣﯘﺩﺍﭘﯩﺌﻪ ﺳﺎﻧﺎﺋﯩﺘﻰ ﺟﻪﻫﻪﺗﺘﻪ ﻫﻪﻣﻜﺎﺭﻟﯩﻘﻰ ﺑﺎﺭ. ﺋﻪﻣﻤﺎ ﺗﯜﺭﻛﯩﻴﻪ ﺩﯗﻧﻴﺎﺩﺍ ﺗﻪﺳﯩﺮﻯ ﻛﯜﭼﯩﻴﯩﯟﺍﺗﻘﺎﻥ ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﺸﯩﺸﻨﻰ ﺧﺎﻻﯞﺍﺗﻘﺎﻧﺪﻩﻙ ﻗﯩﻠﯩﺪﯗ."

ﺧﯩﺘﺎﻳﻼﺭ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﻛﻮﺯﯨﺮ ﺳﯜﭘﯩﺘﯩﺪﻩ ﻗﻮﻟﻼﻧﻤﺎﻳﺪﯗ

ﺳﯘﻧﺎ ﻟﯧﺌﯥ ﺧﺎﻧﯩﻢ ﺑﯘ ﺧﯩﻞ ﭼﻮﯓ ﺗﯩﭙﺘﯩﻜﻰ ﺋﯩﺶ ﭘﯩﻼﻧﻠﯩﺮﯨﻨﻰ ﺧﯩﺘﺎﻳﻨﯩﯔ ﺗﯜﺭﻛﯩﻴﻪ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻗﺎﺭﺷﻰ ﻛﻮﺯﯨﺮ ﺳﯜﭘﯩﺘﯩﺪﻩ ﻗﻮﻟﻼﻧﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﭗ ﻣﯘﻧﺪﺍﻕ ﺩﯦﺪﻯ: "ﺑﯘ ﺑﯩﺮ ﺋﺎﻣﯩﻞ، ﺋﻪﻣﻤﺎ ﺑﯘﻧﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻗﺎﺭﺷﻰ ﻛﻮﺯﯨﺮ ﺳﯜﭘﯩﺘﯩﺪﻩ ﺋﯩﺸﻠﯩﺘﯩﺸﻰ ﺗﻮﻏﺮﺍ ﺑﻮﻟﻤﺎﻳﺪﯗ. ﻣﻪﻧﭽﻪ ﺧﯩﺘﺎﻳﻤﯘ ﺑﯘﻧﺪﺍﻕ ﻗﯩﻠﻤﺎﻳﺪﯗ. ﺗﯜﺭﻛﯩﻴﯩﻤﯘ ﺑﯘ ﻣﻪﺳﯩﻠﯩﺪﻩ ﻧﺎﺯﯗﻙ ﺑﯩﺮ ﺳﯩﻴﺎﺳﻪﺕ ﻳﯜﺭﮔﯜﺯﯛﭖ ﻛﻪﻟﻤﻪﻛﺘﻪ. ﭼﯜﻧﻜﻰ ﻳﯧﻘﯩﻨﻐﯩﭽﻪ ﺧﯩﺘﺎﻱ ﺗﯜﺭﻙ ﻣﯘﻧﺎﺳﯩﯟﯨﺘﯩﺪﻩ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﻰ ﺟﯩﺪﺩﻯ ﺑﯩﺮ ﻣﻪﺳﯩﻠﻪ ﺋﻪﻣﻪﺱ ﺋﯩﺪﻯ. ﺋﯩﻜﻜﯩﻼ ﺩﯙﻟﻪﺕ ﺩﯨﭙﻠﻮﻣﺎﺗﯩﻚ ﻣﯘﻧﺎﺳﯩﯟﯨﺘﯩﺪﻩ ﺑﯘ ﻣﻪﺳﯩﻠﯩﻨﯩﯔ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﭼﯩﻘﯩﭗ ﻗﯧﻠﯩﺸﯩﻐﺎ ﺋﯧﻬﺘﯩﻴﺎﺕ ﻗﯩﻠﯩﭗ ﻛﻪﻟﺪﻯ. ﺧﯩﺘﺎﻱ ﺋﻮﺗﺘﯘﺭﺍ ﺋﺎﺳﯩﻴﺎ ﺟﯘﻣﻬﯘﺭﯨﻴﻪﺗﻠﯩﺮﻯ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﻪ، ﺑﯘ ﺧﯩﻞ ﺋﯩﺶ ﭘﯩﻼﻧﻠﯩﺮﯨﻨﻰ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﮕﻪ ﻗﺎﺭﺷﻰ ﻛﻮﺯﯨﺮ ﻗﯩﻠﯩﭗ ﺋﯩﺸﻠﻪﺗﻜﻪﻥ ﺑﯩﻠﻪﻥ ﺗﯜﺭﻛﯩﻴﻪ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﻩﺗﺘﻪ ﺋﯩﺸﻠﯩﺘﻪﻟﻤﻪﻳﺪﯗ. ﭼﯜﻧﻜﻰ ﺑﯘﻧﯩﯖﺪﯨﻦ ﻛﯧﻴﯩﻨﻜﻰ ﺗﯩﺠﺎﺭﯨﻲ ﻣﯘﻧﺎﺳﯩﯟﯨﺘﯩﺪﻩ ﺯﯨﻴﺎﻥ ﺗﺎﺭﺗﯩﺪﯗ. ﺧﯩﺘﺎﻳﻼﺭﻧﯩﯔ ﺗﯜﺭﻛﯩﻴﻪ ﺑﺎﺯﯨﺮﯨﻐﺎ ﺋﯧﻬﺘﯩﻴﺎﺟﻰ ﺑﺎﺭ."