ﻣﺎﻗﺎﻟﯩﺪﻩ ﻗﻪﺷﻘﻪﺭ ﺷﻪﻫﯩﺮﯨﻨﯩﯔ ﭼﯧﻘﯩﻠﯩﺸﻰ ﯞﻩ "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ"ﻧﻰ ﭼﯚﺭﯨﺪﯨﮕﻪﻥ ﻫﺎﻟﺪﺍ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﯘ ﻳﯩﻞ ﺋﯘﻳﻐﯘﺭﻻﺭ ﻫﻪﻡ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﮕﻪ ﻗﺎﺭﯨﺘﺎ ﻳﯜﺭﮔﯜﺯﮔﻪﻥ ﺑﺎﺳﺘﯘﺭﯗﺵ ﻫﻪﻡ ﻳﻮﻗﯩﺘﯩﺶ ﺳﯩﻴﺎﺳﯩﺘﻰ ﯞﻩ ﺋﯘﻧﯩﯔ ﺋﯧﻠﯩﭗ ﻛﻪﻟﮕﻪﻥ ﺋﺎﻗﯩﯟﻩﺗﻠﯩﺮﻯ ﻣﯘﻻﻫﯩﺰﻩ ﻗﯩﻠﯩﻨﻐﺎﻥ. ﺋﺎﭘﺘﻮﺭ ﻣﺎﻗﺎﻟﯩﺪﻩ ﻗﻪﺷﻘﻪﺭ، ﺧﻮﺗﻪﻥ، ﺋﯜﺭﯛﻣﭽﯩﻠﻪﺭﺩﻩ ﺋﯚﺯﻯ ﺑﯩﯟﺍﺳﯩﺘﻪ ﺋﯘﭼﺮﺍﺷﻘﺎﻥ ﺋﯘﻳﻐﯘﺭﻻﺭ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺗﻠﻪﺭﻧﻰ ﻫﻪﻡ ﺋﯚﺯﯨﻨﯩﯔ ﺑﯘ ﺷﻪﻫﻪﺭﻟﻪﺭﻧﻰ ﻛﯚﺭﮔﻪﻧﺪﯨﻦ ﻛﯧﻴﯩﻨﻜﻰ ﻫﯧﺲ ﺗﯘﻳﻐﯘﻟﯩﺮﯨﻨﻰ ﻳﯧﺰﯨﺶ ﺋﺎﺭﻗﯩﻠﯩﻖ ﻫﻪﻣﺪﻩ ﻧﯚﯞﻩﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﺑﺎﺳﺘﯘﺭﯗﺵ ﺳﯩﻴﺎﺳﯩﺘﯩﮕﻪ ﻧﯩﺴﺒﻪﺗﻪﻥ، ﺋﯚﺯﯨﻨﯩﯔ ﺑﯩﺮ ﻏﻪﺭﺑﻠﯩﻚ ﻣﯘﺧﺒﯩﺮ ﺑﻮﻟﯘﺵ ﺳﺎﻻﻫﯩﻴﯩﺘﻰ ﺑﯩﻠﻪﻥ ﺋﻪﻳﻨﻪﻥ ﺋﻪﻫﯟﺍﻟﻼﺭﻧﻰ ﺗﻪﺳﯟﯨﺮﻟﻪﺵ ﺋﺎﺭﻗﯩﻠﯩﻖ ﺋﯘﻳﻐﯘﺭ ﺋﯧﻠﻰ ﯞﻩﺯﯨﻴﯩﺘﯩﻨﻰ ﻳﻮﺭﯗﺗﻤﺎﻗﭽﻰ ﺑﻮﻟﻐﺎﻥ. ﺗﯚﯞﻩﻧﺪﻩ ﺋﻪﺩﻩﺑﯩﻲ ﺧﺎﺗﯩﺮﻩ ﺷﻪﻛﻠﯩﺪﻩ ﻳﯧﺰﯨﻠﻐﺎﻥ ﺑﯘ ﻣﺎﻗﺎﻟﯩﻨﯩﯔ 1 - ﻗﯩﺴﻤﯩﻨﻰ ﺭﺍﺩﯨﺌﻮ ﺋﺎﯕﻠﯩﻐﯘﭼﻰ ﺩﻭﺳﺘﻼﺭﻧﯩﯔ ﻫﯘﺯﯗﺭﯨﻐﺎ ﺳﯘﻧﻤﺎﻗﭽﯩﻤﻪﻥ.

ﺋﺎﭘﺘﻮﺭ ﭘﺎﺋﻮﻝ ﻣﻮﺯﻭﺭ ﻣﺎﻗﺎﻟﯩﺴﯩﻨﻰ ﻣﯘﻧﺪﺍﻕ ﺑﺎﺷﻼﻳﺪﯗ، "ﻗﻪﺷﻘﻪﺭ ﺑﯘ ﻗﻪﺩﯨﻤﯩﻲ ﺷﻪﻫﻪﺭ ﻣﯚﺟﯩﺰﯨﻠﻪﺭﮔﻪ ﺗﻮﻟﻐﺎﻥ ﺑﻮﻟﯘﭖ، ﺋﯚﺯﮔﯩﭽﻪ ﺋﯘﺳﻠﯘﺑﺘﺎ ﺳﯧﻠﯩﻨﻐﺎﻥ ﺋﺎﻳﯟﺍﻥ ﺳﺎﺭﺍﻳﻼﺭ 400 ﻳﯩﻠﺪﯨﻦ ﺑﯘﻳﺎﻥ ﺋﯘﻳﻐﯘﺭ ﻣﯧﻤﺎﺭﭼﯩﻠﯩﻘﯩﻨﯩﯔ ﺷﺎﻫﯩﺘﻰ ﺳﯜﭘﯩﺘﯩﺪﻩ ﻗﻪﺩ ﻛﯚﺗﯜﺭﯛﭖ ﺗﯘﺭﻣﺎﻗﺘﺎ ﺋﯩﺪﻯ. ﻫﺎﻟﺒﯘﻛﻰ ﺑﯜﮔﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﻗﻪﺩﯨﻤﯩﻲ ﺷﻪﻫﻪﺭﺩﯨﻜﻰ ﺋﻪﻧﺌﻪﻧﯩﯟﻯ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﯩﯔ ﺷﺎﻫﯩﺘﻰ ﺑﻮﻟﻐﺎﻥ ﺑﯘ ﺑﯩﺒﺎﻫﺎ ﮔﯚﻫﻪﺭﻧﻰ ﻗﺎﻧﺪﺍﻗﺘﯘﺭ، "ﻳﻪﺭ ﺗﻪﯞﺭﻩﺷﻜﻪ ﭼﯩﺪﯨﻤﺎﻳﺪﯗ" ﺩﯦﮕﻪﻧﺪﻩﻙ ﺑﺎﻫﺎﻧﯩﻠﻪﺭ ﺑﯩﻠﻪﻥ ﭼﺎﻗﻤﺎﻗﺘﺎ، ﯞﻩﻳﺮﺍﻥ ﻗﯩﻠﻤﺎﻗﺘﺎ.ﺑﯘ ﻳﻪﺭﺩﻩ ﻧﻪﭼﭽﻪ ﺋﻪﯞﻻﺩﺗﯩﻦ ﺑﯘﻳﺎﻥ ﻳﺎﺷﺎﭖ ﺗﯩﺮﯨﻜﭽﯩﻠﯩﻚ ﻗﯩﻠﯩﭗ ﻛﯧﻠﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﻰ ﺋﯚﺯ ﻣﺎﻛﺎﻧﯩﺪﯨﻦ ﺋﺎﻳﺮﯨﭗ، "ﻫﯚﻛﯜﻣﻪﺗﻨﯩﯔ ﻏﻪﻣﺨﻮﺭﻟﯘﻗﯩﻨﻰ ﻳﻪﺗﻜﯜﺯﯛﭖ، ﺋﯘﻻﺭﻧﻰ ﭘﯜﺗﯜﻧﻠﻪﻱ ﻳﯧﯖﯩﭽﻪ ﺋﯘﺳﻠﯘﺑﺘﺎ ﺳﯧﻠﯩﻨﻐﺎﻥ ﺑﯩﻨﺎ ﺋﯚﻳﻠﻪﺭﮔﻪ ﻣﻪﺟﺒﯘﺭﯨﻲ ﻛﯚﭼﯜﺭﻣﻪﻛﺘﻪ."

ﺋﺎﭘﺘﻮﺭ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﺳﯧﻠﯩﻨﻐﺎﻥ ﺑﯘ ﺑﯩﻨﺎ ﺋﯚﻳﻠﻪﺭ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ، ﺷﯘﻧﺪﺍﻕ ﻳﺎﺯﯨﺪﯗ،"ﺗﺎﻣﻠﯩﺮﻯ ﻧﯩﭙﯩﺰ ﻳﺎﺳﺎﻟﻐﺎﻥ، ﺳﯩﺮﻟﯩﺮﻯ ﺳﻮﻳﯘﻟﯘﺷﻘﺎ ﺑﺎﺷﻠﯩﻐﺎﻥ ﻗﺎﺗﺎﺭ - ﻗﺎﺗﺎﺭ ﺑﯩﻨﺎﻻﺭﺩﯨﻦ ﺗﻪﺭﻛﯩﭗ ﺗﺎﭘﻘﺎﻥ، ﺑﯘ ﻳﯧﯖﻰ ﺋﻮﻟﺘﯘﺭﺍﻕ ﺭﺍﻳﻮﻧﻰ ﭘﯜﺗﯜﻧﻠﻪﻱ ﺯﺍﻣﺎﻧﯩﯟﻯ ﺋﯘﺳﻠﯘﺑﺘﺎ ﺳﯧﻠﯩﻨﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺳﯜﭘﯩﺘﻰ ﻧﺎﭼﺎﺭ ﺑﻮﻟﻐﺎﻥ ﺑﯘ ﺑﯩﻨﺎﻻﺭﻧﯩﯔ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﻠﯩﻖ ﺑﻮﻟﯘﺷﻰ ﻧﺎﺗﺎﻳﯩﻦ،ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺋﯘﻳﻐﯘﺭﻻﺭﻧﻰ ﺋﯚﺯ ﻣﺎﻛﺎﻧﯩﺪﯨﻦ ﺋﺎﻳﺮﯨﭗ، ﺑﯘ ﻳﻪﺭﮔﻪ ﺋﻪﻛﯧﻠﯩﺸﻰ،ﺋﻪﺳﻠﯩﺪﯨﻜﻰ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﻳﯩﻠﺘﯩﺰﯨﺪﯨﻦ ﻗﻮﻣﯘﺭﯗﯞﯦﺘﯩﺶ ﺋﯘﭼﯘﻥ ﺋﯧﻠﯩﻨﻐﺎﻥ ﺑﯩﺮ ﻗﻪﺩﻩﻡ، ﻫﻪﻡ ﺋﯘﻳﻐﯘﺭﻻﺭﻧﻰ ﺋﯩﺴﻜﻪﻧﺠﻪ ﺋﺎﺳﺘﯩﻐﺎ ﺋﯧﻠﯩﺸﺘﯩﻦ ﺑﺎﺷﻘﺎ ﻧﻪﺭﺳﻪ ﺑﻮﻟﻤﯩﺴﺎ ﻛﯧﺮﻩﻙ."
 
ﺋﺎﭘﺘﻮﺭ ﻳﯧﯖﻰ ﺋﻮﻟﺘﯘﺭﺍﻕ ﺭﺍﻳﻮﻥ ﻳﯩﻨﯩﺪﯨﻜﻰ ﻣﻪﺭﻫﯘﻡ (ﺋﺎﭘﺘﻮﺭ ﺑﻪﻟﻜﯩﻢ ﺑﯘ ﻛﯩﺸﯩﻨﯩﯔ ﺋﻪﺳﻠﻰ ﺋﯩﺴﻤﯩﻨﻰ ﺋﯧﻠﯩﺸﻨﻰ ﺧﺎﻟﯩﻤﯩﻐﺎﻥ ﺑﻮﻟﺴﺎ ﻛﯧﺮﻩﻙ) ﺋﯩﺴﯩﻤﻠﯩﻚ ﺋﯘﻳﻐﯘﺭﻧﯩﯔ ﭼﯧﻘﯩﻠﯩﺶ ﺋﺎﻟﺪﯨﺪﯨﻜﻰ ﺋﯚﻳﯩﻨﯩﯔ ﻗﯘﺭﯗﻟﻤﯩﺴﯩﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ،"ﻣﻪﺭﻫﯘﻣﻨﯩﯔ ﺋﯚﻳﻰ ﻗﺎﺭﯨﻤﺎﻗﻘﺎ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺭﺍﻳﻮﻧﺪﯨﻜﻰ ﺋﯚﻳﻠﻪﺭﻧﻰ ﭼﯩﻘﯩﯟﺍﺗﻘﺎﻧﻠﯩﻘﻰ ﺳﻪﯞﻩﺑﯩﺪﯨﻦ ﺑﻮﻟﺴﺎ ﻛﯧﺮﻩﻙ، ﭼﺎﯓ - ﺗﻮﺯﺍﻥ ﺑﺎﺳﻘﺎﻥ ﻫﺎﻟﻪﺗﺘﻪ ﻛﻮﻧﺎ ﻫﻪﻡ ﻗﺎﺭﺍﯕﻐﯘ ﻛﯚﺭﯛﻧﻪﺗﺘﻰ، ﺋﻪﻣﻤﺎ ﺑﯘ ﺋﻮﻱ ﻫﻪﺭﮔﯩﺰﻣﯘ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺳﯟﯨﺮﻟﯩﮕﻪﻧﺪﻩﻙ ﻳﻪﺭ ﺗﻪﯞﺭﻩﺷﻜﻪ ﭼﯩﺪﺍﻣﺴﯩﺰ، ﻧﺎﭼﺎﺭ ﺋﯚﻱ ﺋﻪﻣﻪﺱ ﺋﯩﺪﻯ، ﺋﯩﭽﻰ ﺳﻪﻝ ﻗﺎﺭﺍﯕﻐﯘ ﺑﻮﻟﻐﺎﻥ ﺑﯘ ﺋﯚﻱ ﺗﻮﻟﯩﻤﯘ ﺳﺎﻟﻘﯩﻦ ﻫﻪﻡ ﺭﺍﻫﻪﺕ ﺋﯩﺪﻯ. ﻣﻪﺭﻫﯘﻡ ﺋﯚﺯ ﺋﯚﻳﯩﻨﯩﯔ ﺧﻪﺗﻪﺭﻟﯩﻜﯩﺪﯨﻦ ﺋﺎﺯﺭﺍﻗﻤﯘ ﺋﻪﻧﺴﯩﺮﯨﮕﻪﻧﺪﻩﻙ ﻗﯩﻠﻤﺎﻳﺘﺘﻰ. ﺋﯩﻜﻜﯩﻤﯩﺰ ﺋﺎﺭﯨﺴﯩﺪﯨﻜﻰ ﻗﯩﺴﻘﺎ ﺳﯚﻫﺒﻪﺗﺘﯩﻦ ﻛﯧﻴﯩﻦ، ﺋﯘ ﻣﯧﻨﻰ ﻗﯩﺰﻏﯩﻨﻠﯩﻖ ﺑﯩﻠﻪﻥ ﺋﯚﻳﯩﮕﻪ ﺗﻪﻛﻠﯩﭗ ﻗﯩﻠﺪﻯ. ﻣﻪﻥ ﺋﯘﻧﯩﯔ ﺑﺎﺷﻠﯩﺸﻰ ﺑﯩﻠﻪﻥ ﺋﯘﺳﺘﻰ ﭘﯜﺗﯜﻧﻠﻪﻱ ﻳﯧﭙﯩﻖ ﺑﻮﻟﻐﺎﻥ ﻫﻮﻳﻼ (ﺋﺎﻳﯟﺍﻥ ﺩﯦﻤﻪﻛﭽﻰ ) ﺋﯩﭽﯩﮕﻪ ﻛﯩﺮﯨﭗ ﻛﻪﻟﺪﯨﻢ. ﺋﯘ ﻗﻮﺵ ﻗﺎﻧﺎﺗﻠﯩﻖ ﻳﺎﻏﺎﭺ ﺋﯩﺸﯩﻜﻨﻰ ﺋﯧﭽﯩﭗ، ﻣﯧﻨﻰ ﺳﺎﺭﺍﻱ ﺋﯚﻳﯩﮕﻪ ﺑﺎﺷﻠﯩﺪﻯ. ﺋﯚﻱ ﺋﯩﭽﻰ ﭘﯜﺗﯜﻧﻠﻪﻱ ﺋﯘﻳﻐﯘﺭ ﺑﯩﻨﺎﻛﺎﺭﻟﯩﻖ ﺋﯘﺳﻠﯘﺑﯩﺪﯨﻜﻰ ﻧﻪﻗﯩﺸﻠﻪﺭ ﺑﯩﻠﻪﻥ ﺑﯧﺰﻩﻟﮕﻪﻥ، ﺗﺎﻣﻼﺭﻏﺎ ﺋﺎﻟﺘﯘﻥ ﮔﯩﺮﯞﻩﻛﻠﯩﻚ ﺭﺍﻣﻜﯩﻼﺭ ﺋﯩﭽﯩﮕﻪ ﺋﯧﻠﯩﻨﻐﺎﻥ ﻫﻪﺭ ﺧﯩﻞ ﺭﻩﯕﺴﯩﺰ ﻓﻮﺗﻮ ﺭﻩﺳﯩﻤﻠﻪﺭ ﺋﯧﺴﯩﻠﻐﺎﻥ ﺋﯩﺪﻯ، ﺗﺎﻣﺪﯨﻜﻰ ﺋﻮﻳﯘﻕ ﺋﯩﭽﯩﮕﻪ ﻗﯩﻤﻤﻪﺕ ﺑﺎﻫﺎﻟﯩﻖ ﻗﺎﭼﺎ - ﻗﯘﭼﺎ، ﻟﻮﯕﻘﯩﻼﺭ ﺗﯩﺰﯨﻠﯩﭗ ﭼﯩﺮﺍﻳﻠﯩﻖ ﺑﯧﺰﻩﻟﮕﻪﻥ ﺋﯩﺪﻯ. ﺳﯘﭘﺎ ﺋﯜﺳﺘﯩﮕﻪ ﺯﯨﻠﭽﺎ - ﮔﯩﻠﻪﻣﻠﻪﺭ، ﻳﯘﻣﺸﺎﻕ ﻛﯚﺭﭘﯩﻠﻪﺭ ﺳﯧﻠﯩﻨﻐﺎﻥ ﺑﻮﻟﯘﭖ، ﺋﯚﻳﻨﯩﯔ ﺋﻮﺗﺘﯘﺭﯨﺴﯩﻐﺎ ﺩﺍﺳﺘﯩﺨﺎﻥ ﺳﯧﻠﯩﻨﻐﺎﻥ ﺷﯩﺮﻩ، ﻳﯚﻟﯩﻨﯩﭗ ﺋﻮﻟﺘﯘﺭﯗﺵ ﺋﯜﭼﯜﻥ، ﺭﻩﯕﻠﯩﻚ ﻣﻪﺷﯘﺗﺘﺎ ﻛﻪﺷﺘﯩﻠﯩﮕﻪﻥ ﻳﯘﻣﯩﻼﻕ ﻳﺎﺳﺘﯘﻗﻼﺭ ( ﺗﻪﻛﻰ ﺩﯦﻤﻪﻛﭽﻰ ﺑﻮﻟﺴﺎ ﻛﯧﺮﻩﻙ) ﺗﺎﺷﻼﭖ ﻗﻮﻳﯘﻟﻐﺎﻥ ﺋﯩﺪﻯ. ﺋﺎﺩﻩﻣﻨﻰ ﻫﻪﻳﺮﺍﻥ ﻗﺎﻟﺪﯗﺭﯨﺪﯨﻐﯩﻨﻰ،ﺗﻮﺭﯗﺳﺘﯩﻜﻰ ﺑﯩﺮ - ﺑﯩﺮﯨﮕﻪ ﻛﯩﺮﯨﺸﺘﯜﺭﯛﻟﯜﭖ ﻣﯧﻬﺮﺍﺏ ﺷﻪﻛﻠﯩﺪﻩ ﻳﺎﺳﺎﻟﻐﺎﻥ ﯞﺍﺳﺎﺟﯘﭘﻼﺭﻏﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻧﻨﯩﯔ ﺳﯩﻤﯟﻭﻟﻰ ﺑﻮﻟﻐﺎﻥ ﺋﺎﻱ ﯞﻩ ﻳﯘﻟﺘﯘﺯﻻﺭ ﻧﻪﻗﯩﺸﻠﻪﻧﮕﻪﻥ ﺋﯩﺪﻯ. ﺑﯘ ﻛﯚﺭﯛﻧﯜﺵ ﺋﯩﺨﺘﯩﻴﺎﺭﺳﯩﺰ ﻣﻪﻧﺪﻩ ﺳﻮﺋﺎﻝ ﺗﯘﻏﺪﯗﺭﺩﻯ."

ﺋﺎﭘﺘﻮﺭ ﺋﯚﻱ ﺋﯩﭽﯩﺪﻩ ﻣﻪﺭﻫﯘﻡ ﺑﯩﻠﻪﻥ ﺑﻮﻟﻐﺎﻥ ﺳﯚﻫﺒﻪﺕ ﺟﻪﺭﻳﺎﻧﯩﻨﻰ ﻣﯘﻧﺪﺍﻕ ﻳﺎﺯﯨﺪﯗ:

"ﺑﯘ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ " ﺩﯦﺪﻯ ﻣﻪﺭﻫﯘﻡ ﺑﯩﺮ ﺭﻩﺳﯩﻤﻨﻰ ﻣﺎﯕﺎ ﻛﯚﺭﺳﯩﺘﯩﭗ، ﺭﻩﺳﯩﻤﺪﻩ 1933 - 1934 - ﻳﯩﻠﻠﯩﺮﻯ ﻗﯘﺭﯗﻟﻐﺎﻥ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺋﯩﺴﻼﻡ ﺟﯘﻣﻬﯘﺭﯨﻴﯩﺘﯩﻨﯩﯔ ﻗﯘﺭﻏﯘﭼﯩﻠﯩﺮﻯ ﺩﻩﭖ ﻗﺎﺭﺍﻟﻐﺎﻥ ﺑﯩﺮ ﮔﯘﺭﯗﭘﭙﺎ ﺋﺎﺩﻩﻣﻠﻪﺭ ﺑﺎﺭ ﺋﯩﺪﻯ. ﺋﯘ ﻳﻪﻧﻪ 1989 - ﻳﯩﻠﻰ ﺑﯧﻴﺠﯩﯖﺪﯨﻜﻰ ﺗﻴﻪﻧﺌﻪﻧﻤﯩﻦ ﻣﻪﻳﺪﺍﻧﯩﻐﺎ ﺑﯧﺴﯩﭗ ﻛﯩﺮﮔﻪﻥ ﺗﺎﻧﻜﯩﻼﺭ ﻫﻪﻡ ﺗﺎﻧﻜﯩﻨﯩﯔ ﺋﺎﻟﺪﯨﻨﻰ ﺗﻮﺳﯘﯞﺍﻟﻐﺎﻥ ﻳﺎﺷﻨﯩﯔ ﺭﻩﺳﯩﻤﯩﻨﻰ ﯞﻩ ﺑﺎﺷﻘﺎ ﺭﻩﺳﯩﻤﻠﻪﺭﻧﻰ ﻛﯚﺭﺳﻪﺗﺘﻰ. ﺑﯩﺰ ﺳﯚﻫﺒﻪﺕ ﺟﻪﺭﻳﺎﻧﯩﺪﺍ ﺋﯚﺯ - ﺋﺎﺭﺍ ﭼﯜﺷﯩﻨﯩﺸﺘﻪ ﻗﯩﻴﻨﺎﻟﻐﺎﻧﻠﯩﻘﯩﻤﯩﺰ ﺋﯜﭼﯜﻥ، ﺋﯘ ﺧﯩﺘﺎﻱ ﺗﯩﻠﯩﻨﻰ ﺑﯩﺮ ﻗﻪﺩﻩﺭ ﻳﺎﺧﺸﻰ ﺑﯩﻠﯩﺪﯨﻐﺎﻥ ﻗﯩﺰﯨﻨﻰ ﺗﻪﺭﺟﯩﻤﺎﻧﻠﯩﻘﻘﺎ ﭼﺎﻗﯩﺮﺩﻯ، ﺋﻪﻣﻤﺎ ﺑﯘ ﻗﯩﺰ ﺩﺍﺩﯨﺴﻰ ﺋﯩﻜﻜﯩﻤﯩﺰ ﺋﻮﺗﺘﯘﺭﯨﺴﯩﺪﺍ ﺑﻮﻟﯘﯞﺍﺗﻘﺎﻥ ﺳﯚﻫﺒﻪﺗﺘﻪ ﺗﻪﺭﺟﯩﻤﺎﻧﻠﯩﻖ ﻗﯩﻠﻐﯩﻨﯩﺪﯨﻦ ﺗﺎﺯﺍ ﺧﯘﺷﺎﻝ ﺋﻪﻣﻪﺳﺘﻪﻙ ﻗﯩﻼﺗﺘﻰ. ﻗﯩﺰﻯ ﭼﯩﻘﯩﭗ ﻛﻪﺗﻜﻪﻧﺪﯨﻦ ﻛﯧﻴﯩﻦ ﻣﻪﺭﻫﯘﻡ ﺋﯚﺯﯨﻨﯩﯔ ﺭﺍﯞﺍﻥ ﺑﻮﻟﻤﯩﻐﺎﻥ ﺧﯩﺘﺎﻱ ﺗﯩﻠﻰ ﺑﯩﻠﻪﻥ، "ﺳﯩﻠﻪﺭﻧﯩﯔ ﺋﯘ ﺗﻪﺭﻩﭘﺘﯩﻜﻰ ﺧﻪﻟﻖ، ﻏﻪﺭﺑﻠﯩﻜﻠﻪﺭ ﺑﯩﺰﻧﯩﯔ ﺑﯘ ﻳﻪﺭﺩﻩ ﻳﯜﺯ ﺑﯧﺮﯨﯟﺍﺗﻘﺎﻥ ﯞﻩﻗﻪﻟﻪﺭﺩﯨﻦ ﺧﻪﯞﻩﺭ ﺗﺎﭘﺘﯩﻤﯘ؟ ﺋﯘﻻﺭ ﺑﯘ ﻳﻪﺭﺩﯨﻜﻰ ﺋﻪﻫﯟﺍﻟﻼﺭﻧﻰ ﺑﯩﻠﻪﻣﺪﯗ؟ ﺳﯩﺰ ﻗﺎﻳﺘﻘﺎﻧﺪﯨﻦ ﻛﯧﻴﯩﻦ ﺑﯘ ﻳﻪﺭﺩﻩ ﺋﯚﺯ ﻛﻮﺯﯨﯖﯩﺰ ﺑﯩﻠﻪﻥ ﻛﯚﺭﮔﻪﻧﻠﯩﺮﯨﯖﯩﺰﻧﻰ ﺋﯘﻻﺭﻏﺎ ﺋﻪﻳﻨﻪﻥ ﺩﻩﭖ ﺑﯧﺮﯨﯔ"ﺩﯦﺪﻯ. ﻣﻪﺭﻫﯘﻡ ﺳﯚﺯﯨﻨﻰ ﺩﺍﯞﺍﻣﻼﺷﺘﯘﺭﯗﭖ، "5 - ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﯞﻩ ﺋﯘﻧﯩﯖﺪﯨﻦ ﻛﯧﻴﯩﻦ ﻧﯘﺭﻏﯘﻥ ﺋﺎﺩﻩﻡ ﻗﯩﺮﯨﻠﯩﭗ ﻛﻪﺗﺘﻰ، ﺋﯚﻟﮕﻪﻧﻠﻪﺭ ﯞﻩ ﻫﻪﻡ ﺗﯘﺗﯘﻟﻐﺎﻧﻼﺭ 50 ﻣﯩﯖﺪﯨﻦ ﺋﺎﺷﯩﺪﯗ. ﺑﯩﺰ ﺋﯘﻳﻐﯘﺭﻻﺭ ﺑﯩﺰﮔﻪ ﻳﺎﺧﺸﯩﻠﯩﻖ ﻗﯩﻠﻐﺎﻧﻼﺭﻏﺎ ﻳﺎﺧﺸﻰ ﻣﯘﺋﺎﻣﯩﻠﻪ ﻗﯩﻠﯩﻤﯩﺰ، ﻣﯧﻬﻤﺎﻧﺪﻭﺳﺘﻠﯩﻘﯩﻤﯩﺰﻧﻰ ﺑﯩﻠﺪﯛﺭﯨﻤﯩﺰ، ﺋﻪﻣﻤﺎ ﺑﯩﺰﮔﻪ ﻳﺎﻣﺎﻥ ﻣﯘﺋﺎﻣﯩﻠﯩﺪﻩ ﺑﻮﻟﻐﺎﻧﻼﺭﻏﺎ ﻧﯩﺴﺒﻪﺗﻪﻥ ﻗﺎﺭﺍﭖ ﺗﯘﺭﻣﺎﻳﻤﯩﺰ"، ﺋﯘ ﺑﯩﺮﺩﻩﻡ ﺗﻮﺧﺘﯩﯟﺍﻟﻐﺎﻧﺪﯨﻦ ﻛﯧﻴﯩﻦ،" ﺑﯩﺰﻧﯩﯔ ﻗﻮﻟﯩﻤﯩﺰﺩﺍ ﺑﺎﺭﻯ ﺋﺎﺷﯘ ﻛﯩﭽﯩﻜﻜﯩﻨﻪ ﺧﻪﻧﺠﻪﺭ ﺋﯩﻜﻪﻥ، ﺋﻪﮔﻪﺭ ﻗﻮﻟﯩﻤﯩﺰﺩﺍ ﻗﻮﺭﺍﻟﻠﯩﺮﯨﻤﯩﺰ ﺑﻮﻟﻐﺎﻥ ﺑﻮﻟﺴﺎ، ﺑﯩﺰ ﺋﯘﻻﺭ ﺑﯩﻠﻪﻥ ﺟﺎﻥ ﺗﯩﻜﯩﭗ ﺋﯧﻠﯩﺸﺎﺗﺘﯘﻕ " ﺋﯘ ﮔﯧﭙﯩﻨﻰ ﺩﺍﯞﺍﻣﻼﺷﺘﯘﺭﺍﻟﻤﯩﺪﻯ، ﺋﯘﻧﯩﯔ ﺋﺎﯞﺍﺯﻯ ﺑﻮﻏﯘﻟﯘﭖ ﻛﻪﺗﺘﻰ. ﺧﯩﺘﺎﻱ ﻫﯚﻛﯜﻣﯩﺘﻰ ﮔﻪﺭﭼﻪ ﺋﯚﻟﮕﻪﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ ﻫﻪﻗﻘﯩﺪﻩ ﺋﯧﻨﯩﻖ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﻧﯘﺭﻏﯘﻥ ﻛﯩﺸﯩﻠﻪﺭ ﺑﯘ ﻗﯧﺘﯩﻤﻠﯩﻖ ﺑﺎﺳﺘﯘﺭﯗﺷﺘﺎ ﺋﯚﻟﮕﻪﻧﻠﻪﺭﻧﯩﯔ ﺳﺎﻧﻰ 1000 - ﺩﯨﻦ 2000 ﻏﺎ ﻗﻪﺩﻩﺭ ﺩﯦﻴﯩﺸﻤﻪﻛﺘﻪ ﺋﯩﺪﻯ. ﻣﻪﺭﻫﯘﻡ ﺑﻮﻟﺴﺎ ﺋﯚﺯﯨﻨﯩﯔ 50 ﻣﯩﯔ ﺩﯦﮕﻪﻥ ﺳﺎﻧﯩﺪﺍ ﭼﯩﯔ ﺗﯘﺭﺍﺗﺘﻰ ﻫﻪﻡ ﺑﯘ ﺳﺎﻧﻠﯩﻖ ﻣﻪﻟﯘﻣﺎﺗﻨﻰ ﺋﯘﻳﻐﯘﺭ ﺳﺎﻗﭽﯩﻠﯩﺮﯨﺪﯨﻦ ﺋﺎﯕﻠﯩﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﻳﺘﻰ."

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ ﻳﻪﻧﻪ، ﻣﻪﺭﻫﯘﻣﻨﯩﯔ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﯨﻨﯩﯔ ﭘﺎﺋﺎﻟﯩﻴﻪﺗﻠﯩﺮﯨﮕﻪ ﺩﺍﺋﯩﺮ ﺧﻪﯞﻩﺭﻟﻪﺭﻧﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮﺳﯩﻨﯩﯔ ﺧﻪﯞﯨﺮﯨﺪﯨﻦ ﺋﺎﯕﻼﭖ ﺗﯘﺭﯨﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺑﺎﻳﺎﻧﯩﻨﻰ ﻣﯘﻧﺪﺍﻕ ﻳﺎﺯﯨﺪﯗ. "ﻣﻪﻥ ﺋﯘﻧﯩﯖﺪﯨﻦ ﭼﻪﺗﺌﻪﻟﻠﻪﺭﺩﯨﻜﻰ ﺋﯘﻳﻐﯘﺭ ﺗﻪﺷﻜﯩﻼﺗﻠﯩﺮﻯ ﯞﻩ ﻏﻪﺭﺑﻠﯩﻜﻠﻪﺭﮔﻪ ﺩﺍﺋﯩﺮ ﺧﻪﯞﻩﺭﻟﻪﺭﻧﻰ ﻗﺎﻧﺪﺍﻕ ﺋﺎﯕﻼﻳﺪﯨﻐﺎﻧﻠﯩﻘﯩﻨﻰ ﺳﻮﺭﯨﻐﯩﻨﯩﻤﺪﺍ، ﺋﯘ ﻣﺎﯕﺎ ﺳﯩﺮﻟﯩﻖ ﻗﺎﺭﺍﭖ ﻗﻮﻳﯘﭖ، ﭘﻮﻝ ﺋﺎﺳﺘﯩﻐﺎ ﺗﯩﻘﯩﭗ ﻗﻮﻳﻐﺎﻥ ﺭﺍﺩﯨﺌﻮﻧﻰ ﻛﯚﺭﺳﯩﺘﯩﭗ، "ﻣﻪﻧﺪﻩ ﭼﻪﺗﺌﻪﻟﻠﻪﺭﺩﯨﻜﻰ ﺧﻪﯞﻩﺭﻧﻰ ﺋﺎﯕﻠﯩﻴﺎﻻﻳﺪﯨﻐﺎﻥ ﺭﺍﺩﯨﺌﻮ ﺑﺎﺭ، ﻣﻪﻥ ﺋﯘﻧﻰ ﺳﺎﻗﭽﯩﻼﺭﺩﯨﻦ ﻳﻮﺷﯘﺭﯗﭖ ﺗﯩﻘﯩﭗ ﻗﻮﻳﯩﻤﻪﻥ، ﻣﻪﻥ ﻛﯚﭘﯩﻨﭽﻪ ﺧﻪﯞﻩﺭﻟﻪﺭﻧﻰ ﺋﻪﺭﻛﯩﻦ ﺋﺎﺳﯩﻴﺎ ﺭﺍﺩﯨﺌﻮ ﺋﯩﺴﺘﺎﻧﺴﯩﺴﯩﻨﯩﯔ ﺋﺎﻣﯧﺮﯨﻜﯩﺪﯨﻦ ﺑﯧﺮﯨﺪﯨﻐﺎﻥ ﺋﯘﻳﻐﯘﺭﭼﻪ ﭘﺮﻭﮔﺮﺍﻣﻤﯩﺴﯩﻨﻰ ﺋﺎﯕﻼﻳﻤﻪﻥ. ﺋﺎﻣﯧﺮﯨﻜﺎ ﻫﯚﻛﯜﻣﯩﺘﻰ ﺧﯩﺘﺎﻱ ﺑﯩﺰﮔﻪ ﺋﺎﯕﻼﺗﻤﯩﻐﺎﻥ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﭼﻪﻛﻠﻪﻧﮕﻪﻥ ﺧﻪﯞﻩﺭﻟﻪﺭﻧﻰ ﺋﺎﯕﻠﯩﺘﯩﯟﺍﺗﯩﺪﯗ" ﺩﯦﺪﻯ. ﺋﯘ ﻳﻪﻧﻪ ﻛﯚﯕﻠﻰ ﺑﯘﺯﯗﻟﻐﺎﻥ ﻫﺎﻟﺪﺍ، "ﻧﯘﺭﻏﯘﻧﻠﯩﻐﺎﻥ ﺩﻭﺳﺘﻠﯩﺮﯨﻢ ﻗﻮﻟﻐﺎ ﺋﯧﻠﯩﻨﯩﭗ ﻛﻪﺗﺘﻰ، ﻧﯘﺭﻏﯘﻧﻠﯩﺮﻯ ﺋﯚﻟﯜﭖ ﻛﻪﺗﺘﻰ. ﺋﺎﻣﯧﺮﯨﻜﺎ، ﮔﯧﺮﻣﺎﻧﯩﻴﻪ، ﺋﻪﻧﮕﻠﯩﻴﻪ ﻗﺎﺗﺎﺭﻟﯩﻖ ﺩﯙﻟﻪﺗﻠﻪﺭ ﻗﺎﻧﺪﺍﻕ ﻗﯩﻠﯩﺸﻨﻰ ﺋﻮﻳﻼﯞﺍﺗﯩﺪﯗ؟ ﻫﺎﺯﯨﺮ ﺑﯩﺰ ﺋﯜﻣﯩﺪﺳﯩﺰ ﻫﺎﻟﻪﺗﺘﻪ،" ﺩﯦﺪﻯ.

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﯩﯔ 1 - ﺑﯚﻟﯩﻜﯩﻨﻰ ﻣﯘﻧﺪﺍﻕ ﺋﺎﺧﯩﺮﻻﺷﺘﯘﺭﯨﺪﯗ:

"ﺋﺎﻳﺮﯨﻠﯩﺶ ﺋﺎﻟﺪﯨﺪﺍ ﻣﻪﺭﻫﯘﻡ ﻣﺎﯕﺎ ﺑﯩﺮ ﻧﻪﭼﭽﻪ ﭘﺎﺭﭼﻪ ﺭﻩﺳﯩﻤﻠﻪﺭﻧﻰ ﺑﯧﺮﯨﭗ، "ﺑﯘ ﺭﻩﺳﯩﻤﻠﻪﺭﻧﻰ ﺋﻮﺑﺪﺍﻥ ﺳﺎﻗﻼﯓ، ﺋﯘﻻﺭﻧﻰ ﻛﯩﺸﯩﻠﻪﺭﮔﻪ ﻛﯚﺭﺳﯩﺘﯩﯔ، ﺋﯘﻻﺭ ﺑﯩﺰﻧﯩﯔ ﺋﻪﻫﯟﺍﻟﯩﻤﯩﺰﻧﻰ ﻫﻪﻡ ﺑﯘ ﻳﻪﺭﺩﻩ ﻳﯜﺯ ﺑﯧﺮﯨﯟﺍﺗﻘﺎﻥ ﺋﯩﺸﻼﺭﻧﻰ ﺑﯩﻠﺴﯘﻥ." ﻣﻪﻥ ﻣﻪﺭﻫﯘﻣﻨﯩﯔ ﺳﺎﻟﻘﯩﻦ ﻫﻪﻡ ﻗﺎﺭﺍﯕﻐﯘ ﺋﯚﻳﯩﺪﯨﻦ ﺋﺎﻳﺮﯨﻠﻐﯩﻨﯩﻤﺪﺍ ﻣﯘﺭﻩﻛﻜﻪﭖ ﻫﯧﺲ - ﺗﯘﻳﻐﯘﻻﺭ ﻗﻪﻟﺒﯩﻤﻨﻰ ﭼﯘﻟﻐﯩﯟﺍﻟﺪﻯ. ﻣﻪﺭﻫﯘﻡ ﻣﺎﯕﺎ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﯩﻠﻤﯩﺸﻠﯩﺮﻯ ﻫﻪﻗﻘﯩﺪﻩ ﺳﯚﺯﻟﯩﮕﻪﻥ ﺑﯩﺮﺩﯨﻦ - ﺑﯩﺮ ﺋﯘﻳﻐﯘﺭ ﺋﻪﻣﻪﺱ ﺋﯩﺪﻯ. ﻣﻪﻥ ﺋﯘﻳﻐﯘﺭ ﺋﯧﻠﯩﺪﻩ ﻧﯘﺭﻏﯘﻥ ﻛﯩﺸﯩﻠﻪﺭﻧﻰ ﻛﯚﺭﺩﯛﻡ، ﺋﯘﻻﺭﻧﯩﯔ ﺋﺎﺭﯨﺴﯩﺪﺍ ﻣﺎﻝ ﺳﺎﺗﻘﯘﭼﯩﻼﺭ، ﺗﺎﻛﺴﻰ ﺷﻮﭘﯘﺭﻟﯩﺮﻯ، ﺳﺎﻳﺎﻫﻪﺕ ﻳﯧﺘﻪﻛﭽﯩﻠﯩﺮﻯ، ﻫﻪﺗﺘﺎ ﻫﯚﻛﯜﻣﻪﺕ ﺧﯩﺰﻣﻪﺗﭽﯩﻠﯩﺮﻯ ﺑﺎﺭ ﺋﯩﺪﻯ. ﺋﯘﻻﺭ ﻣﺎﯕﺎ --- ﺑﯩﺮ ﭼﻪﺗﺌﻪﻟﻠﯩﻜﻜﻪ ﺋﯚﺯﻟﯩﺮﯨﻨﯩﯔ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﺪﯨﻜﻰ ﺋﻪﻫﯟﺍﻟﻠﯩﺮﻯ ﻫﻪﻗﻘﯩﺪﻩ ﺳﯚﺯﻟﻪﭖ ﺑﻪﺭﺩﻯ."

ﻫﯚﺭﻣﻪﺗﻠﯩﻚ ﺋﻮﻗﯘﺭﻣﻪﻧﻠﻪﺭ، ﻳﯘﻗﯩﺮﯨﺪﺍ ﺗﻪﻳﯟﻩﻥ ﻣﯘﺧﺒﯩﺮﻯ ﭘﺎﺋﯘﻝ ﻣﻮﺯﻭﺭﻧﯩﯔ: "ﺧﯩﺘﺎﻱ ﺋﯘﻳﻐﯘﺭ ﻣﻪﺩﻩﻧﯩﻴﯩﺘﯩﻨﻰ ﻳﯩﻠﺘﯩﺰﯨﺪﯨﻦ ﻳﻮﻗﺎﺗﻤﺎﻗﭽﻰ" ﻧﺎﻣﻠﯩﻖ ﻣﺎﻗﺎﻟﯩﺴﯩﻨﯩﯔ ﺩﻩﺳﻠﻪﭘﻜﻰ ﻗﯩﺴﻤﯩﻨﻰ ﺗﻮﻧﯘﺷﺘﯘﺭﺩﯗﻕ، ﻣﺎﻗﺎﻟﯩﻨﯩﯔ ﺩﺍﯞﺍﻣﯩﻨﻰ ﻛﯧﻴﯩﻨﻜﻰ ﻧﯚﯞﻩﺗﻠﯩﻚ ﺋﺎﯕﻠﯩﺘﯩﺸﯩﻤﯩﺰﺩﺍ ﺋﺎﯕﻠﯩﻐﯘﭼﯩﻠﯩﺮﯨﻤﯩﺰﻧﯩﯔ ﻫﯘﺯﯗﺭﯨﻐﺎ ﺳﯘﻧﻤﺎﻗﭽﯩﻤﯩﺰ.