ﻣﺎﻗﺎﻟﯩﺪﺍ 5 ‏- ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﻨﯩﯔ ﺗﺎﺭﯨﺨﯩﻲ ﻳﯩﻠﺘﯩﺰﻯ ﯞﻩ ﻛﯧﻠﭽﻪﻛﺘﻪ ﻛﯚﺭﯛﻟﯩﺪﯨﻐﺎﻥ ﺗﻪﺳﯩﺮﻯ ﺋﯜﺳﺘﯩﺪﻩ ﻧﯘﻗﺘﯩﻠﯩﻖ ﺗﻮﺧﺘﺎﻟﻐﺎﻥ. ﻣﺎﻗﺎﻟﻪ ﻣﯘﻧﺪﺍﻕ ﺑﺎﺷﻠﯩﻨﯩﺪﯗ:

-- ﺋﻪﮔﻪﺭ 1991 ‏ - ﻳﯩﻠﻰ ﮔﻮﺭﺑﺎﭼﯩﻔﻘﺎ ﻗﺎﺭﺷﻰ ﻫﻪﺭﯨﻜﻪﺕ ﻣﻪﻏﻠﯘﭖ ﺑﻮﻟﻤﯩﻐﺎﻥ ﺑﻮﻟﺴﺎ -- ﻳﻪﻧﻰ ﺳﻮﯞﯦﺖ ﺋﯩﺘﺘﯩﭙﺎﻗﻰ ﻳﯩﻘﯩﻠﻤﯩﻐﺎﻥ ﺑﻮﻟﺴﺎ، ﺑﯘ ﻛﯜﻧﻠﻪﺭﺩﻩ ﺷﯩﻨﺠﺎﯕﺪﺍ ﻛﯚﺗﯜﺭﯛﻟﮕﻪﻥ ﺋﯩﺴﻴﺎﻥ، ﺭﯗﺳﯩﻴﯩﺪﯨﻤﯘ ﻛﯚﺗﯜﺭﯛﻟﮕﻪﻥ ﺑﻮﻻﺗﺘﻰ. ﺑﯜﮔﯜﻥ ﺋﯜﺭﯛﻣﭽﯩﺪﻩ ﺋﯧﻘﯩﯟﺍﺗﻘﺎﻥ ﻗﺎﻥ، ﺋﺎﻟﻤﺎﺗﺎﺩﯨﻤﯘ ﺋﺎﻗﻘﺎﻥ ﺑﻮﻻﺗﺘﻰ‏-- ﺋﺎﭘﺘﻮﺭ ﺳﯚﺯﯨﻨﻰ ﻣﯘﻧﺪﺍﻕ ﺩﺍﯞﺍﻣﻼﺷﺘﯘﺭﯨﺪﯗ، ‏ -- ﺋﯘ ﭼﺎﻏﺪﺍ ﺑﯜﮔﯜﻥ ﻗﺎﺯﺍﻕ ﺋﯩﺴﻴﺎﻧﻜﺎﺭﻻﺭﻧﯩﯔ ﭼﻪﺗﺌﻪﻝ ﺑﯩﻠﻪﻥ ﯞﻩ ﺭﺍﺩﯨﻜﺎﻝ ﺋﯩﺴﻼﻡ ﺑﯩﻠﻪﻥ ﺋﺎﻻﻗﯩﺴﻰ ﺑﺎﺭﻟﯩﻘﻰ ﺗﯩﻠﻐﺎ ﺋﯧﻠﯩﻨﻐﺎﻥ ﺑﻮﻻﺗﺘﻰ. ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﻗﺎﺯﺍﻗﯩﺴﺘﺎﻧﻨﯩﯔ ﻫﯧﭽﻘﺎﭼﺎﻥ ﺩﯙﻟﻪﺕ ﺑﻮﻟﯘﭖ ﺑﺎﻗﻤﯩﻐﺎﻧﻠﯩﻘﯩﻨﻰ، ﺋﯘﻛﺮﺍﺋﯩﻨﺎﻧﯩﯔ ﺗﺎﺭﯨﺨﺘﺎ ﺩﯙﻟﻪﺕ ﻗﯘﺭﻏﯩﻨﯩﻨﯩﯔ ﻳﺎﻟﻐﺎﻥ ﺋﯩﻜﻪﻧﻠﯩﻜﯩﻨﻰ ﺋﻮﺗﺘﯘﺭﯨﻐﺎ ﺋﯧﻠﯩﭗ ﭼﯩﻘﻘﺎﻥ ﺑﻮﻻﺗﺘﻰ. ﺗﻪﯕﺮﯨﮕﻪ ﺷﯜﻛﺮﻯ، ﺗﺎﺭﯨﺦ ﺋﯘﻧﺪﺍﻕ ﺑﻮﻟﻤﯩﺪﻯ.

ﺋﺎﭘﺘﻮﺭ ﺑﯘ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ 1989 - ﻳﯩﻠﯩﺪﯨﻜﻰ ﺗﻴﻪﻧﺌﻪﻧﻤﯧﻦ ﯞﻩﻗﻪﺳﯩﺪﯨﻦ ﻛﯧﻴﯩﻦ، ﺭﯗﺳﯩﻴﯩﺪﯨﻦ ﺗﺎﻣﺎﻣﻪﻥ ﭘﻪﺭﻗﻠﯩﻖ ﻳﻮﻝ ﺗﺎﻟﻠﯩﻐﺎﻧﻠﯩﻘﯩﻨﻰ، ﻳﻪﻧﻰ ﺩﯦﻤﻮﻛﺮﺍﺗﯩﻴﯩﻠﯩﺸﯩﺶ ﺋﻮﺭﻧﯩﻐﺎ ﺩﯨﻜﺘﺎﺗﻮﺭﻟﯘﻗﻨﻰ ﺩﺍﯞﺍﻣﻼﺷﺘﯘﺭﻏﺎﻧﻠﯩﻘﯩﻨﻰ، ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﺋﻪﺭﻛﯩﻦ ﺳﯩﻴﺎﺳﻪﺕ ﻳﯜﺭﮔﯜﺯﯛﭖ، ﺳﯩﻴﺎﺳﯩﻲ ﺟﻪﻫﻪﺗﺘﻪ ﺋﯚﺯ ﺧﻪﻟﻘﻰ ﺑﻮﻟﻐﺎﻥ ﺧﯩﺘﺎﻳﻼﺭﻏﯩﻤﯘ ﺋﻪﺭﻛﯩﻨﻠﯩﻚ ﺑﻪﺭﻣﯩﮕﻪﻧﻠﯩﻜﯩﻨﻰ ﺋﻪﺳﻜﻪﺭﺗﯩﺪﯗ ﯞﻩ ﻣﯘﻧﺪﺍﻕ ﺩﻩﻳﺪﯗ: " ﺩﻩﻝ ﻣﯘﺷﯘ ﺳﻪﯞﻩﺑﺘﯩﻦ ﻳﻪﻧﻰ ﺗﺎﺭﯨﺨﻨﯩﯔ ﺋﻪﯓ ﻣﯘﻫﯩﻢ ﺑﯩﺮ ﺩﻭﻗﻤﯘﺷﯩﺪﺍ ﺭﯗﺳﯩﻴﻪ ﺑﯩﻠﻪﻥ ﺧﯩﺘﺎﻱ ﭘﻪﺭﻗﻠﯩﻖ ﺋﯩﻜﻜﻰ ﻳﻮﻟﻨﻰ ﺗﺎﻟﻠﯩﻐﯩﻨﻰ ﺋﯜﭼﯜﻥ، ﺑﯜﮔﯜﻥ ﻗﺎﺯﺍﻗﯩﺴﺘﺎﻥ ﺑﯩﻠﻪﻥ ﺋﯘﻛﺮﺍﺋﯩﻨﺎ ﻣﯘﺳﺘﻪﻗﯩﻞ؛ ﺗﯩﺒﻪﺕ ﺑﯩﻠﻪﻥ ﺷﯩﻨﺠﺎﯓ ﺑﻮﻟﺴﺎ ﺋﯩﺴﻴﺎﻥ ﯞﻩ ﻗﺎﻧﻠﯩﻖ ﺑﺎﺳﺘﯘﺭﯗﺵ ﺑﯩﻠﻪﻥ ﺗﻪﯞﺭﻩﻧﻤﻪﻛﺘﻪ."

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﻩ ﻳﻪﻧﻪ، ﻧﯚﯞﻩﺗﺘﻪ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﻗﺎﺗﺘﯩﻖ ﻗﻮﻝ ﺳﯩﻴﺎﺳﯩﺘﯩﻨﻰ، ﺟﯜﻣﻠﯩﺪﯨﻦ ﺋﺎﺯ ﺳﺎﻧﻠﯩﻖ ﻣﯩﻠﻠﻪﺗﻠﻪﺭ ﺳﯩﻴﺎﺳﯩﺘﯩﻨﻰ ﺧﯩﺘﺎﻱ ﺧﻪﻟﻘﯩﻨﯩﯔ ﻛﯚﭖ ﻗﯩﺴﻤﯩﻨﯩﯔ ﻗﻮﻟﻼﯞﺍﺗﻘﺎﻧﻠﯩﻘﯩﻨﻰ، ﺋﻪﻣﻤﺎ ﺧﯩﺘﺎﻱ ﺧﻪﻟﻘﯩﻨﯩﯔ ﻛﻪﻟﮕﯜﺳﯩﺪﻩ ﺑﯘ ﻗﯩﻠﻐﯩﻨﻰ ﺋﯜﭼﯜﻥ ﺋﺎﭼﭽﯩﻖ ﺑﻪﺩﻩﻝ ﺗﯚﻟﻪﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﺪﯗ ﯞﻩ ﺑﯘﻧﯩﯔ ﻗﯘﺭﯗﻕ ﭘﻪﺭﻩﺯ ﺋﻪﻣﻪﺱ، ﺗﺎﺭﯨﺨﺘﺎ ﻧﯘﺭﻏﯘﻥ ﻗﯧﺘﯩﻢ ﺋﯩﺴﭙﺎﺗﻼﻧﻐﺎﻧﻠﯩﻘﯩﻨﻰ ﻣﯩﺴﺎﻟﻼﺭ ﺑﯩﻠﻪﻥ ﻛﯚﺭﺳﯩﺘﯩﺪﯗ. ﺋﺎﭘﺘﻮﺭﻧﯩﯔ ﻛﯚﺭﺳﯩﺘﯩﺸﯩﭽﻪ، 1863 ‏- ﻳﯩﻠﻰ ﭘﻮﻟﺸﺎﻟﯩﻘﻼﺭ ﺭﯗﺳﻼﺭﻏﺎ ﻗﺎﺭﺷﻰ ﺋﯩﺴﻴﺎﻥ ﻛﯚﺗﯜﺭﮔﻪﻥ ﭼﯧﻐﯩﺪﺍ، ﺭﯗﺳﻼﺭ ﺋﯩﺴﻴﺎﻧﻨﻰ ﻗﺎﻧﻠﯩﻖ ﺑﺎﺳﺘﯘﺭﻏﺎﻥ. ﺋﻪﻳﻨﻰ ﭼﺎﻏﺪﺍ Alexder Herzen ﺋﯩﺴﯩﻤﻠﯩﻚ ﺑﯩﺮ ﺭﯗﺱ ﺋﺎﻟﯩﻤﻰ ﺭﯗﺱ ﻫﯚﻛﯜﻣﯩﺘﯩﻨﻰ ﺋﺎﮔﺎﻫﻼﻧﺪﯗﺭﯗﭖ، ﻗﺎﻧﻠﯩﻖ ﺑﺎﺳﺘﯘﺭﯗﺷﻨﯩﯔ ﭘﻮﻟﺸﺎ ﻣﻪﺳﯩﻠﯩﺴﯩﮕﻪ ﭼﺎﺭﻩ ﺑﻮﻻﻟﻤﺎﻳﺪﯨﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﻜﻪﻥ. ﺑﯜﮔﯜﻥ ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺯﻟﯩﺮﯨﻨﻰ ﺋﺎﮔﺎﻫﻼﻧﺪﯗﺭﻏﺎﻥ ﺋﯘﻳﻐﯘﺭﺑﯩﺰ ﺗﻮﺭ ﺑﯧﺘﻰ ﻗﺎﺗﺎﺭﻟﯩﻖ ﺗﻮﺭ ﺑﻪﺗﻠﻪﺭﻧﻰ ﺗﺎﻗﯩﯟﻩﺗﻜﯩﻨﯩﺪﻩﻙ، ﺋﺎﻟﯧﻜﺴﺎﻧﺪﯨﺮ ﻫﻪﺭﺯﻩﻧﻨﯩﯔ ﻛﻮﻟﻮﻛﻮﻝ ﺩﯦﮕﻪﻥ ﮔﯧﺰﯨﺘﻰ ﺗﺎﻗﯩﯟﯦﺘﯩﻠﮕﻪﻥ.

ﺧﯩﺘﺎﻳﻨﯩﯔ ﻳﯧﯖﻰ ﭼﯧﮕﺮﯨﺴﯩﺪﯨﻜﻰ ﻛﻮﻧﺎ ﻣﺎﺟﯩﺮﺍ ﻧﺎﻣﻠﯩﻖ ﻣﺎﻗﺎﻟﯩﺪﻩ ﺋﺎﭘﺘﻮﺭ ﻳﻪﻧﻪ، ﺋﯘﻳﻐﯘﺭﻻﺭﻧﯩﯔ ﺗﺎﺭﯨﺨﺘﺎ ﻫﻪﺭ ﻗﯧﺘﯩﻢ ﭘﯘﺭﺳﻪﺗﻨﻰ ﻗﺎﭼﯘﺭﻣﯩﻐﺎﻧﻠﯩﻘﯩﻨﻰ 1930 - ﯞﻩ 1940 - ﻳﯩﻠﻠﯩﺮﻯ 2 ﻗﯧﺘﯩﻢ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺟﯘﻣﻬﯘﺭﻳﯩﺘﯩﻨﻰ ﻗﯘﺭﻏﺎﻧﻠﯩﻘﯩﻨﻰ، ﺋﻪﻣﻤﺎ ﺭﯗﺱ ﯞﻩ ﺧﯩﺘﺎﻳﻨﯩﯔ ﻫﻪﻣﻜﺎﺭﻟﯩﻘﻰ ﺑﯩﻠﻪﻥ ﺑﯘ ﺋﯩﻜﻜﻰ ﺟﯘﻣﻬﯘﺭﯨﻴﻪﺗﻨﯩﯔ ﻳﯩﻘﯩﻠﻐﺎﻧﻠﯩﻘﯩﻨﻰ ﺋﻪﺳﻠﻪﭖ ﺋﯚﺗﯩﺪﯗ. ﺋﯘ ﺑﯘ ﻧﯘﻗﺘﯩﻐﺎ ﻛﻪﻟﮕﻪﻧﺪﻩ 2 ‏- ﻗﯧﺘﯩﻤﻠﯩﻖ ﺷﻪﺭﻗﻰ ﺗﯜﺭﻛﯩﺴﺘﺎﻥ ﺭﻩﻫﺒﻪﺭﻟﯩﺮﯨﻨﯩﯔ ﺋﺎﻳﺮﻭﭘﯩﻼﻥ ﻗﺎﺯﺍﺳﯩﻐﺎ ﺋﯘﭼﺮﯨﺸﯩﻨﯩﯔ " ﺳﺘﺎﻟﯩﻨﻨﯩﯔ ﺳﯜﻳﻘﻪﺳﺘﻰ" ﺑﻮﻟﯘﺵ ﺋﯧﻬﺘﯩﻤﺎﻟﻠﯩﻘﯩﻨﻰ ﻗﯩﺴﺘﯘﺭﯗﭖ ﺋﯚﺗﯩﺪﯗ ﯞﻩ ﻣﯘﻧﺪﺍﻕ ﺩﻩﻳﺪﯗ: ﺋﻪﻧﻪ ﺷﯘ ﻛﯜﻧﺪﯨﻦ ﺑﺎﺷﻼﭖ، ﺷﻪﺭﻗﻰ ﺗﯜﺭﻛﯩﺴﺘﺎﻥ ﺩﯦﮕﻪﻥ ﻧﺎﻡ ﻗﻪﻏﻪﺯ ﻳﯜﺯﯨﺪﻩ ﻗﺎﻟﺪﻯ. ﻫﺎﺯﯨﺮ ﺷﻪﺭﻗﻰ ﺗﯜﺭﻛﯩﺴﺘﺎﻥ ﯞﺍﻛﺎﻟﻪﺗﺴﯩﺰ ﻣﯩﻠﻠﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺋﻪﺯﺍﺳﻰ."

ﺋﺎﭘﺘﻮﺭ ﻣﺎﻗﺎﻟﯩﺴﯩﺪﺍ ﻳﻪﻧﻪ، ﺋﻪﺳﻠﯩﺪﻩ 5 - ﺋﯩﻴﯘﻝ ﯞﻩﻗﻪﺳﯩﻨﯩﯔ ﻣﯘﺳﺘﻪﻗﯩﻠﻠﯩﻖ ﺗﻪﻟﯩﭙﯩﺪﯨﻜﻰ ﻣﯩﻠﻠﯩﻲ ﻫﻪﺭﯨﻜﻪﺕ ﺋﻪﻣﻪﺳﻠﯩﻜﯩﻨﻰ، ﭘﻪﻗﻪﺕ ﺯﯗﻟﯘﻣﻐﺎ ﻗﺎﺭﺷﻰ ﻧﺎﺭﺍﺯﯨﻠﯩﻖ ﺋﯩﻜﻪﻧﻠﯩﻜﯩﻨﻰ، ﻫﯚﻛﯜﻣﻪﺕ ﻗﺎﻧﻠﯩﻖ ﺷﻪﻛﯩﻠﺪﻩ ﺑﺎﺳﺘﯘﺭﯗﯞﺍﺗﻘﯩﻨﻰ ﺋﯜﭼﯜﻥ، ﺑﯘﻧﺪﯨﻦ ﻛﯧﻴﯩﻦ ﺑﯘ ﺟﺎﻳﺪﺍ ﺭﺍﺩﯨﻜﺎﻝ ﺷﻪﻛﯩﻠﺪﻩ ﻗﺎﺭﺷﯩﻠﯩﻘﻼﺭﻧﯩﯔ ﻳﯜﺯ ﺑﯧﺮﯨﺶ ﺋﯧﻬﺘﯩﻤﺎﻟﯩﻘﻰ ﻳﯘﻗﯩﺮﯨﻠﯩﻘﯩﻨﻰ ﻛﯚﺭﺳﯩﺘﯩﭗ ﺋﯚﺗﯩﺪﯗ. ﺋﺎﭘﺘﻮﺭ ﻣﯘﻧﺪﺍﻕ ﺩﻩﻳﺪﯗ: "ﻫﺎﺯﯨﺮﻧﻰ ﺋﻮﻳﻠﯩﺴﺎﻕ، ﺧﯩﺘﺎﻱ ﺷﯩﻨﺠﺎﯕﻨﻰ ﯞﺍﻗﺘﯩﻨﭽﻪ ﺗﯩﻨﺠﯩﺘﺎﻻﻳﺪﯗ؛ ﭼﯜﻧﻜﻰ ﺏ ﺩ ﺕ ﺑﯩﺨﻪﺗﻪﺭﻟﯩﻚ ﻛﯧﯖﯩﺸﯩﻨﯩﯔ ﺩﺍﺋﯩﻤﯩﻲ ﺋﻪﺍﺯﺍﺳﻰ ﺑﻮﻟﻐﺎﻥ ﺧﯩﺘﺎﻳﻐﺎ ﺧﻪﻟﻘﺌﺎﺭﺍ ﺟﺎﻣﺎﺋﻪﺕ ﺑﻪﻙ ﻗﺎﺭﺷﯩﻠﯩﻖ ﻛﯚﺭﺳﯩﺘﯩﭗ ﻛﯧﺘﻪﻟﻤﻪﺳﻠﯩﻜﻰ ﻣﯘﻣﻜﯩﻦ. ﺋﻪﻣﻤﺎ ﺋﯘﺯﯗﻧﻨﻰ ﻛﯚﺯﻟﯩﮕﯩﻨﯩﻤﯩﺰﺩﻩ، ﺧﯩﺘﺎﻱ ﻫﯧﭽﻘﺎﭼﺎﻥ ﺷﯩﻨﺠﺎﯕﺪﯨﻦ ﺧﺎﺗﯩﺮﺟﻪﻡ ﺑﻮﻻﻟﻤﺎﻳﺪﯗ. ﭼﯜﻧﻜﻰ ﺩﯗﻧﻴﺎﻧﯩﯔ ﺳﯩﻴﺎﺳﯩﻲ ﺧﻪﺭﯨﺘﯩﺴﻰ ﺗﺎﺵ ﺋﯜﺳﺘﯩﮕﻪ ﺳﯩﺰﯨﻠﻐﺎﻥ ﺧﻪﺭﯨﺘﻪ ﺋﻪﻣﻪﺱ." ﺋﺎﭘﺘﻮﺭ ﺑﯘ ﺳﯚﺯﻟﯩﺮﯨﺪﯨﻦ ﻛﯧﻴﯩﻦ، ﺧﯩﺘﺎﻳﻨﯩﯔ ﻗﺎﺭﺷﻰ ﺗﯘﺭﻏﯩﻨﯩﻐﺎ ﯞﻩ ﺑﯩﺮ ﻗﯩﺴﯩﻢ ﺩﯙﻟﻪﺗﻠﻪﺭﻧﯩﯔ ﺗﻮﻧﯘﻣﯩﻐﯩﻨﯩﻐﺎ ﻗﺎﺭﯨﻤﺎﻱ، ﻣﯘﺳﺘﻪﻗﯩﻞ ﻛﻮﺳﻮﯞﺍ ﺩﯙﻟﯩﺘﯩﻨﯩﯔ ﻗﯘﺭﯗﻟﯘﭖ ﺑﻮﻟﻐﺎﻧﻠﯩﻘﯩﻨﻰ ﺋﻪﺳﻜﻪﺭﺗﯩﭗ ﺋﯚﺗﯩﺪﯗ.

ﺋﺎﭘﺘﻮﺭ ﻣﺎﻗﺎﻟﯩﺴﯩﻨﯩﯔ ﺋﺎﺧﯩﺮﯨﺪﺍ، ﺧﯩﺘﺎﻳﻨﯩﯔ ﺑﯜﮔﯜﻥ ﺋﯜﺭﯛﻣﭽﯩﺪﻩ ﯞﻩ ﻻﺳﺎﺩﺍ ﺋﯚﺗﻜﯜﺯﮔﻪﻥ ﺧﺎﺗﺎﻟﯩﻘﻰ ﺋﯜﭼﯜﻥ، ﺑﯘ ﺟﺎﻳﺪﯨﻜﻰ ﺧﯩﺘﺎﻱ ﺧﻪﻟﻘﯩﻨﯩﯔ ﻛﻪﻟﮕﯜﺳﯩﺪﻩ ﺋﺎﭼﭽﯩﻖ ﺑﻪﺩﻩﻝ ﺗﯚﻟﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﯛﭖ ﺋﯚﺗﯩﺪﯗ ﯞﻩ ﺧﯩﺘﺎﻱ ﻫﯚﻛﯜﻣﯩﺘﯩﻨﻰ ﺭﯗﺳﻼﺭﻧﯩﯔ 1863 ‏ - ﻳﯩﻠﯩﺪﯨﻜﻰ ﭘﻮﻟﺸﺎ ﺋﯩﺴﻴﺎﻧﯩﻨﻰ ﻗﺎﻧﻠﯩﻖ ﺑﺎﺳﺘﯘﺭﯗﭖ ﻧﻪﺗﯩﺠﻪ ﻗﺎﺯﺍﻧﻤﯩﻐﺎﻧﻠﯩﻘﯩﺪﯨﻦ ﺩﻩﺭﺱ ﺋﯧﻠﯩﺸﻘﺎ ﭼﺎﻗﯩﺮﯨﺪﯗ.

ﺋﺎﭘﺘﻮﺭ ﻛﻮﻧﺴﺘﺎﻧﺘﻲ ﮔﯧﺒﯧﺮﺕ، ﭘﻮﻟﺸﺎﻟﯩﻖ ﺑﯩﺮ ﺗﻪﺗﻘﯩﻘﺎﺗﭽﻰ ﺑﻮﻟﯘﭖ، ﺋﯘ ﻳﺎﯞﺭﻭﭘﺎ ﺗﺎﺭﯨﺨﻰ ﯞﻩ ﭘﻮﻟﺸﺎ ﺗﺎﺭﯨﺨﻰ ﻫﻪﻗﻘﯩﺪﻩ 10ﺩﯨﻦ ﺋﺎﺭﺗﯘﻕ ﻛﯩﺘﺎﺏ ﻳﺎﺯﻏﺎﻥ. ﺳﺎﺑﯩﻖ ﭘﻮﻟﺸﺎ ﻣﯩﻨﯩﺴﺘﯩﺮﻯ Tadeusz Mazowiecki ﮔﻪ ﺑﺎﺵ ﻣﻪﺳﻠﯩﻬﻪﺗﭽﻰ ﺑﻮﻟﻐﺎﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز