ﺑﯩﺰ ﺋﯩﮕﯩﻠﯩﮕﻪﻥ ﻣﻪﻟﯘﻣﺎﺗﻼﺭﻏﺎ ﻗﺎﺭﯨﻐﺎﻧﺪﺍ، ﺧﯩﺘﺎﻱ ﺳﺎﻗﭽﯩﻠﯩﺮﻯ ﺋﯚﺗﻜﻪﻥ ﻳﯩﻠﯩﻤﯘ، ﺑﯘ ﺋﺎﺋﯩﻠﯩﻨﯩﯔ 12 ﻣﻮ ﻳﻪﺭﮔﻪ ﺗﯧﺮﯨﻐﺎﻥ ﻛﯧﯟﻩﺯﻟﯩﺮﯨﻨﻰ ﺋﯧﭽﯩﻠﯩﺶ ﺋﺎﻟﺪﯨﺪﺍ ﺑﯘﺯﯗﭖ ﺋﺎﻏﺪﯗﺭﯗﭖ ﺗﺎﺷﻠﯩﻐﺎﻥ ﺋﯩﻜﻪﻥ.
 
ﺑﯘ ﺋﺎﺋﯩﻠﯩﻨﯩﯔ ﺋﻮﻏﻠﻰ 2007 ‏- ﻳﯩﻠﻰ ﺳﻮﺕ ﻣﻪﻫﻜﯩﻤﯩﺴﻰ ﺗﻪﺭﯨﭙﯩﺪﯨﻦ ﺑﯚﻟﮕﯜﻧﭽﻰ ﺗﻪﺷﻜﯩﻼﺗﻨﯩﯔ ﺑﺎﺷﻠﯩﻘﻰ ﺑﻮﻟﻐﺎﻥ ﺩﻩﭖ ﺋﻪﻳﯩﺒﻠﯩﻨﯩﭗ 15 ﻳﯩﻠﻠﯩﻖ ﻗﺎﻣﺎﻕ ﺟﺎﺯﺍﺳﯩﻐﺎ ﻫﯚﻛﯜﻡ ﻗﯩﻠﯩﻨﻐﺎﻥ ﺑﻮﻟﯘﭖ، ﺧﯩﺘﺎﻳﺪﺍ ﺩﺍﺋﯩﺮﯨﻠﯩﺮﻯ ﺋﯩﻜﻜﻰ ﻳﯩﻠﺪﯨﻦ ﺑﯩﺮﻯ ﺋﯘﻻﺭﻧﻰ ﺋﻮﻏﻠﻰ ﺑﯩﻠﻪﻥ ﻛﯚﺭﯛﺷﺘﯜﺭﻣﯩﮕﻪﻥ.

2009 - ﻳﯩﻠﻰ 7 ‏- ﺋﺎﻳﺪﺍ ﻛﯚﺭﯛﺷﺘﯜﺭﯨﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻧﺪﯨﻦ ﻛﯧﻴﯩﻦ، ﺗﯜﺭﻣﯩﺪﯨﻜﻰ ﻛﯩﺸﯩﻨﯩﯔ ﺋﺎﺩﯨﻠﺠﺎﻥ ﯞﻩ ﺗﺎﻫﯩﺮﺟﺎﻥ ﺋﯩﺴﯩﻤﻠﯩﻚ ﺋﯩﻜﻜﻰ ﺋﯩﻨﯩﺴﻰ ﯞﻩ ﺑﯩﺮ ﺋﺎﭼﯩﺴﻰ ﺋﯘﻧﻰ ﻛﯚﺭﯛﺷﯜﺵ ﺋﯜﭼﯜﻥ ﺋﯜﺭﯛﻣﭽﯩﮕﻪ ﺑﺎﺭﻏﺎﻧﺪﺍ، "5 ‏- ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﻰ" ﻳﯜﺯ ﺑﻪﺭﮔﻪﻥ. ﺷﯘﻧﯩﯔ ﺑﯩﻠﻪﻥ ﺋﺎﺩﯨﻠﺠﺎﻥ ﯞﻩ ﺗﺎﻫﯩﺮﺟﺎﻥ ﺋﯩﺰ ﺩﯦﺮﻩﻛﺴﯩﺰ ﻳﻮﻗﺎﭖ ﻛﻪﺗﻜﻪﻥ. ﺋﺎﭼﯩﺴﻰ ﺋﯩﻨﯩﻠﯩﺮﯨﻨﻰ ﺑﯩﺮ ﻳﯧﺮﯨﻢ ﺋﺎﻱ ﺋﯩﺰﺩﻩﭖ ﺗﺎﭘﺎﻟﻤﯩﻐﺎﻧﺪﯨﻦ ﻛﯧﻴﯩﻦ، ﭘﻪﻳﺰﯨﯟﺍﺗﻘﺎ ﻗﺎﻳﺘﯩﭗ ﻛﻪﺗﻜﻪﻥ. ﺑﯘ ﺋﺎﺋﯩﻠﻪ ﻫﺎﺯﯨﺮﻏﯩﭽﻪ ﺋﯩﻜﻜﻰ ﺋﻮﻏﻠﯩﺪﯨﻦ ﻫﯧﭻ ﻗﺎﻧﺪﺍﻕ ﺧﻪﯞﻩﺭ ﺋﺎﻻﻟﻤﯩﻐﺎﻥ.

ﺑﯩﺰ ﺑﯘ ﻫﻪﻗﺘﻪ ﺗﻮﻟﯘﻕ ﻣﻪﻟﯘﻣﺎﺗﻘﺎ ﺋﯧﺮﯨﺸﯩﺶ ﺋﯜﭼﯜﻥ ﺑﯘ ﺋﺎﺋﯩﻠﯩﻨﯩﯔ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﯞﺍﺗﻘﺎﻥ ﻛﯜﻳﺌﻮﻏﯘﻝ ﺋﻪﻳﺴﺎﺟﺎﻧﻨﻰ ﺯﯨﻴﺎﺭﻩﺕ ﻗﯩﻠﯩﭗ، ﺳﯚﻫﺒﻪﺕ ﺋﯧﻠﯩﭗ ﺑﺎﺭﺩﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.