ﺧﯩﺘﺎﻳﻨﯩﯔ ﺋﺎﭘﻮﻟﻠﻮ ﺗﻮﺭ ﺑﯧﻜﯩﺘﯩﻨﯩﯔ 4 - ﺋﯚﻛﺘﻪﺑﯩﺮﺩﯨﻜﻰ ﺧﻪﯞﯨﺮﯨﺪﻩ، ﺧﯩﺘﺎﻳﻨﯩﯔ ﺳﯩﭽﯜﻩﻥ ﺋﯚﻟﻜﯩﺴﻰ ﺳﯘﻳﻨﯩﯔ ﺷﻪﻫﯩﺮﯨﺪﻩ 2 - ﯞﻩ 3 - ﺋﯚﻛﺘﻪﺑﯩﺮ ﻛﯜﻧﻠﯩﺮﻯ "ﺑﺎﺷﻘﯩﻼﺭﻏﺎ ﻳﯩﯖﻨﻪ ﺳﺎﻧﺠﯩﺪﻯ"ﺩﯦﮕﻪﻥ ﮔﯘﻣﺎﻥ ﺑﯩﻠﻪﻥ، 5 ﻛﯩﺸﯩﻨﯩﯔ ﺧﯩﺘﺎﻱ ﭘﯘﻗﺮﺍﻟﯩﺮﻯ ﺗﻪﺭﯨﭙﯩﺪﯨﻦ ﺋﯘﺭﯗﭖ ﺋﯚﻟﺘﯜﺭﯛﯞﯦﺘﯩﻠﮕﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭ ﺑﯧﺮﯨﻠﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﻨﯩﯔ ﻫﯚﻛﯜﻣﻪﺕ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﯨﻨﯩﯔ ﻫﯩﭽﻘﺎﻳﺴﯩﺴﯩﺪﺍ ﺑﯘ ﯞﻩﻗﻪ ﻫﻪﻗﻘﯩﺪﻩ ﺧﻪﯞﻩﺭ ﺑﯧﺮﯨﻠﻤﯩﺪﻯ. ﺑﯩﺰ ﺋﻪﻫﯟﺍﻟﻨﯩﯔ ﺗﻪﭘﺴﯩﻼﺗﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﺳﯘﻳﻨﯩﯔ ﺷﻪﻫﯩﺮﯨﺪﯨﻜﻰ ﺳﺎﻗﭽﯩﺨﺎﻧﯩﻼﺭ ﻫﻪﻡ ﻣﯧﻬﻤﺎﻧﺨﺎﻧﯩﻼﺭﻏﺎ ﺗﯧﻠﯧﻔﻮﻥ ﻗﯩﻠﯩﭗ ﺋﻪﻫﯟﺍﻝ ﺋﯩﮕﯩﻠﯩﺪﯗﻕ.

ﺑﯩﺰ ﺳﯘﻳﻨﯩﯔ ﺷﻪﻫﯩﺮﻯ ﺷﯧﺨﻮﯓ ﺳﺎﻗﭽﯩﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺗﯧﻠﯧﻔﻮﻧﯩﻤﯩﺰﻧﻰ ﺋﺎﻟﻐﺎﻥ ﺳﺎﻗﭽﻰ ﺋﺎﯞﯞﺍﻝ ﻣﯘﺧﺒﯩﺮﻧﯩﯔ ﻛﯩﻤﻠﯩﻜﯩﻨﻰ ﻗﺎﺗﺘﯩﻖ ﺳﯜﺭﯛﺷﺘﯜﺭﺩﻯ، ﺋﺎﻧﺪﯨﻦ ﺳﯘﻳﻨﯩﯔ ﺷﻪﻫﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﺋﻪﻫﯟﺍﻟﯩﻨﯩﯔ ﻧﺎﻫﺎﻳﯩﺘﻰ ﻳﺎﺧﺸﻰ ﺋﯩﻜﻪﻧﻠﯩﻜﯩﻨﻰ، ﺑﯘ ﻳﻪﺭﺩﻩ ﻫﯧﭽﻘﺎﻧﺪﺍﻕ ﺋﯩﺸﻨﯩﯔ ﻳﯜﺯ ﺑﻪﺭﻣﯩﮕﻪﻧﻠﯩﻜﯩﻨﻰ ﺑﺎﻳﺎﻥ ﻗﯩﻠﯩﭗ، ﺑﯘﻧﺪﺍﻕ ﯞﻩﻗﻪ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﺋﯩﻨﻜﺎﺭ ﻗﯩﻠﺪﻯ.

ﺑﯩﺰ ﺋﯘﻧﯩﯖﻐﺎ ﺗﻮﺭﺩﯨﻦ 5 ﺋﺎﺩﻩﻣﻨﯩﯔ ﭘﯘﻗﺮﺍﻻﺭ ﺗﻪﺭﯨﭙﯩﺪﯨﻦ "ﻳﯩﯖﻨﻪ ﺳﺎﻧﺠﯩﺪﻯ" ﺩﯦﮕﻪﻥ ﮔﯘﻣﺎﻥ ﺑﯩﻠﻪﻥ ﺋﯘﺭﯗﭖ ﺋﯚﻟﺘﯜﺭﯛﯞﻩﺗﻜﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺧﻪﯞﻩﺭﻧﻰ، ﺭﻩﺳﯩﻤﻰ ﺑﯩﻠﻪﻥ ﻛﯚﺭﮔﯩﻨﯩﻤﯩﺰﻧﻰ، ﺷﯘﯕﺎ ﺑﯘ ﺋﯩﺸﻨﻰ ﺋﯧﻨﯩﻘﻠﯩﻤﺎﻗﭽﻰ ﺑﻮﻟﻐﺎﻧﻠﯩﻘﯩﻤﯩﺰﻧﻰ ﺋﯧﻴﺘﻘﯩﻨﯩﻤﯩﺰﺩﺍ، ﺑﯘ ﺳﺎﻗﭽﻰ ﺑﯩﺰﮔﻪ ﺑﯘﻧﺪﺍﻕ ﺋﯩﺸﻨﯩﯔ ﺑﻮﻟﻐﺎﻧﻠﯩﻘﯩﻨﻰ، ﺋﻪﻣﻤﺎ ﺑﯘﻧﯩﯔ ﺳﻪﯞﻩﺑﻰ ﺗﯧﺨﻰ ﺗﻪﻛﺸﯜﺭﯛﻟﯜﯞﺍﺗﻘﺎﻧﻠﯩﻘﯩﻨﻰ، ﺋﯚﺯﻟﯩﺮﯨﻨﯩﯔ ﭘﻪﻗﻪﺕ ﺩﯙﻟﻪﺕ ﺑﺎﻳﺮﯨﻤﻰ ﻣﻪﺯﮔﯩﻠﯩﺪﯨﻜﻰ ﺑﯩﺨﻪﺗﻪﺭﻟﯩﻜﻜﯩﻼ ﻣﻪﺳﺌﯘﻝ ﺋﯩﻜﻪﻧﻠﯩﻜﯩﻨﻰ، ﺑﯘ ﺋﯩﺶ ﻫﻪﻗﻘﯩﺪﻩ ﻣﻪﻟﯘﻣﺎﺕ ﺑﯧﺮﻩﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ: "ﺑﯩﺰ ﺑﯘ ﺋﯩﺸﻘﺎ ﻣﻪﺳﺌﯘﻝ ﺋﻪﻣﻪﺱ، ﺳﯩﺰ ﺋﻪﯓ ﻳﺎﺧﺸﯩﺴﻰ، ﺑﯘ ﯞﻩﻗﻪ ﻫﻪﻗﻘﯩﺪﻩ ﺳﯘﻳﻨﯩﯔ ﺷﻪﻫﻪﺭﻟﯩﻚ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﺋﯩﺸﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﯩﯔ، ﺑﯩﺰ ﭘﻪﻗﻪﺕ ﺩﯙﻟﻪﺕ ﺑﺎﻳﺮﯨﻤﻰ ﻣﻪﺯﮔﯩﻠﯩﺪﯨﻜﻰ ﺑﯩﺨﻪﺗﻪﺭﻟﯩﻚ ﺋﯩﺸﻠﯩﺮﯨﻐﯩﻼ ﻣﻪﺳﺌﯘﻝ،ﺋﯚﻟﮕﯜﭼﯩﻠﻪﺭﻧﯩﯔ ﻛﯩﻤﻠﯩﻜﻰ ﯞﻩ ﯞﻩﻗﻪﻧﯩﯔ ﺳﻪﯞﻩﺑﻰ ﺗﯧﺨﻰ ﺋﯧﻨﯩﻖ ﺋﻪﻣﻪﺱ. ﺑﯘ ﻳﻪﺭﺩﻩ ﻫﯧﭽﻘﺎﭼﺎﻥ ﺷﯩﻨﺠﺎﯕﻠﯩﻘﻼﺭﻧﯩﯔ ﺋﯘﺭﯗﭖ ﺋﯚﻟﺘﯜﺭﯛﻟﯜﺵ ﯞﻩﻗﻪﺳﻰ ﻳﯜﺯ ﺑﻪﺭﻣﯩﺪﻯ، ﺋﯘﺭﯗﭖ ﺋﯚﻟﺘﯜﺭﯛﻟﮕﯜﭼﯩﻠﻪﺭ ﺑﺎﺷﻘﺎ ﺳﻪﯞﻩﺑﺘﯩﻦ ﺋﯘﺭﯗﭖ ﺋﯚﻟﺘﯜﺭﯛﻟﯜﭘﺘﯘ.ﺋﻪﮔﻪﺭ ﺭﺍﺳﺘﺘﯩﻨﻼ ﻣﯘﺧﺒﯩﺮ ﺑﻮﻟﺴﯩﯖﯩﺰ، ﺑﯘ ﺟﺎﻳﻐﺎ ﻛﯧﻠﯩﭗ ﻳﯜﺯ - ﺗﯘﺭﺍﻧﻪ ﺋﻪﻫﯟﺍﻝ ﺋﯩﮕﯩﻠﻪﯓ، ﺗﻮﺭﺩﯨﻜﻰ ﻳﺎﻟﻐﺎﻥ ﺧﻪﯞﻩﺭﻟﻪﺭﮔﻪ ﺗﺎﻳﯩﻨﯩﭙﻼ ﺧﻪﯞﻩﺭ ﺑﻪﺭﻣﻪﯓ."

ﺳﯘﻳﻨﯩﯔ ﺷﻪﻫﯩﺮﻯ ﺷﯩﯖﺨﯥ ﻣﯧﻬﻤﺎﻧﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﯩﭗ، 5 ﻛﯩﺸﯩﻨﯩﯔ ﭘﯘﻗﺮﺍﻻﺭ ﺗﻪﺭﯨﭙﯩﺪﯨﻦ ﺋﯘﺭﯗﭖ ﺋﯚﻟﺘﯜﺭﯛﻟﯜﺵ ﯞﻩﻗﻪﺳﻰ ﻫﻪﻗﻘﯩﺪﻩ ﺳﻮﺭﯨﻐﯩﻨﯩﻤﯩﺰﺩﺍ، ﻣﯧﻬﻤﺎﻧﺨﺎﻧﺎ ﺧﺎﺩﯨﻤﻰ، ﺋﯚﻟﮕﯜﭼﯩﻠﻪﺭﻧﯩﯔ "ﻳﯩﯖﻨﻪ ﺳﺎﻧﺠﯩﺪﻯ" ﺩﯦﮕﻪﻥ ﮔﯘﻣﺎﻥ ﺑﯩﻠﻪﻥ ﺋﻪﻣﻪﺱ، ﺑﻪﻟﻜﻰ ﺑﺎﺷﻘﺎ ﺳﻪﯞﻩﺑﺘﯩﻦ ﺋﯚﻟﺘﯜﺭﯛﻟﮕﻪﻧﻠﯩﻜﯩﻨﻰ، ﺋﯧﻨﯩﻖ ﺋﻪﻫﯟﺍﻟﻨﻰ ﺋﯚﺯﯨﻤﯘ ﺑﯩﻠﻤﻪﻳﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ.

ﺳﯘﻳﻨﯩﯔ ﺷﻪﻫﯩﺮﯨﺪﯨﻜﻰ ﻳﻪﻧﻪ ﺑﯩﺮ ﻣﯧﻬﻤﺎﻧﺨﺎﻧﺎ ﻛﺎﯕﻨﻪﻥ ﭼﻮﻟﭙﺎﻧﻼﺭ ﻣﯧﻬﻤﺎﻧﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﻐﯩﻨﯩﻤﯩﺰﺩﺍ، ﺗﯧﻠﯧﻔﻮﻧﻨﻰ ﺋﺎﻟﻐﯘﭼﻰ ﺋﺎﻳﺎﻝ ﺧﺎﺩﯨﻢ ﺑﯩﺰﮔﻪ ﺋﯚﺯﻯ ﺑﯩﻠﯩﺪﯨﻐﺎﻥ ﺋﻪﻫﯟﺍﻟﻼﺭﻧﻰ ﺩﻩﭖ ﺑﻪﺭﺩﻯ: "ﭘﯘﻗﺮﺍﻻﺭ ﺗﻪﺭﯨﭙﯩﺪﯨﻦ ﺋﯘﺭﯗﭖ ﺋﻮﻟﺘﯘﺭﯗﯞﯦﺘﯩﻠﮕﻪﻥ ﻛﯩﺸﯩﻠﻪﺭ ﻳﯩﯖﻨﻪ ﯞﻩﻗﻪﺳﻰ ﺳﻪﯞﻩﺑﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﺋﺎﯕﻠﯩﺸﯩﻤﯩﺰﭼﻪ، ﺋﻮﻏﺮﯨﻠﯘﻕ ﻫﻪﻡ ﻳﺎﻧﭽﯘﻗﭽﯩﻠﯩﻖ ﻗﯩﻠﯩﺶ ﺳﻪﯞﻩﺑﯩﺪﯨﻦ ﺋﯘﺭﯗﭖ ﺋﯚﻟﺘﯜﺭﯛﻟﯜﭘﺘﯘ. ﯞﻩﻗﻪ ﻳﯜﺯ ﺑﻪﺭﮔﻪﻧﺪﯨﻦ ﻛﯧﻴﯩﻦ، 4 - ﺋﯚﻛﺘﻪﺑﯩﺮ ﻛﯜﻧﻰ، ﺳﯘﻳﻨﯩﯔ ﺷﻪﻫﻪﺭﻟﯩﻚ ﻫﯚﻛﯜﻣﻪﺕ ﯞﻩ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ ﺩﻩﺭﻫﺎﻝ ﺟﯩﺪﺩﯨﻲ ﻳﯩﻐﯩﻨﻰ ﭼﺎﻗﯩﺮﯨﭗ، ﭘﯘﻗﺮﺍﻻﺭﻏﺎ ﺗﻮﺭ ﺑﻪﺗﻠﯩﺮﯨﺪﻩ ﺗﺎﺭﻗﺎﻟﻐﺎﻥ ﺋﯚﺳﻪﻙ ﺳﯚﺯﻟﻪﺭﮔﻪ ﺋﯩﺸﻪﻧﻤﻪﺳﻠﯩﻚ، ﺩﯙﻟﻪﺕ ﺑﺎﻳﺮﯨﻤﻰ ﻣﻪﺯﮔﯩﻠﯩﺪﻩ ﻫﻪﺭ ﺑﯩﺮ ﭘﯘﻗﺮﺍﻧﯩﯔ ﻧﻮﺭﻣﺎﻝ ﺗﻪﺭﺗﯩﭙﻨﻰ ﺳﺎﻗﻠﯩﺸﻰ ﻫﻪﻗﻘﯩﺪﻩ ﺋﯘﻗﺘﯘﺭﯗﺵ ﻗﯩﻠﺪﻯ. ﺷﻪﻫﻪﺭﻟﯩﻚ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﯩﺪﺍﺭﯨﺴﻰ ﻣﯘﺧﺒﯩﺮﻻﺭﻏﺎ ﯞﻩﻗﻪﻧﯩﯔ ﺳﻪﯞﻩﺑﻰ ﻫﻪﻗﻘﯩﺪﻩ ﻣﯘﺧﺒﯩﺮﻻﺭﻧﻰ ﻛﯜﺗﯜﯞﯦﻠﯩﺶ ﻳﯩﻐﯩﻨﻰ ﺋﺎﭼﺘﻰ، ﻫﯚﻛﯜﻣﻪﺕ ﺗﻪﺭﻩﭘﻨﯩﯔ ﺋﯘﻗﺘﯘﺭﯗﺷﯩﭽﻪ، ﻫﺎﺯﯨﺮ ﺑﯘ ﯞﻩﻗﻪ ﺗﯧﺨﻰ ﺋﯧﻨﯩﻘﻠﯩﻨﯩﯟﯦﺘﯩﭙﺘﯘ، ﺗﻮﺭﺩﯨﻜﻰ ﺧﻪﯞﻩﺭﻟﻪﺭ ﺋﯩﺸﻪﻧﭽﻠﯩﻚ ﺋﻪﻣﻪﺱ، ﺋﺎﯕﻠﯩﺸﯩﻤﭽﻪ، ﺋﯘﻻﺭ ﺷﯩﻨﺠﺎﯕﻠﯩﻖ ﺋﻪﻣﻪﺱ ﺋﯩﻜﻪﻥ، ﺋﯚﻟﮕﯜﭼﯩﻠﻪﺭ ﻳﻪﺭﻟﯩﻚ ﭘﯘﻗﺮﺍﻻﺭ ﺋﯩﻜﻪﻥ. ﺳﺎﻗﭽﻰ ﺋﯩﺪﺍﺭﯨﺴﻰ، ﯞﻩﻗﻪﻧﯩﯔ ﻫﻪﻗﯩﻘﯩﻲ ﺳﻪﯞﻩﺑﻰ ﺗﯧﺨﻰ ﺋﯧﻨﯩﻘﻼﻧﻤﺎﻱ ﺗﯘﺭﯗﭖ ﭘﯘﻗﺮﺍﻻﺭﻧﯩﯔ ﺑﯘ ﻫﻪﻗﺘﻪ ﺋﯚﺯ ﮔﯘﻣﺎﻧﻰ ﺑﯩﻠﻪﻧﻼ ﻳﺎﻟﻐﺎﻥ ﺋﯘﭼﯘﺭ ﺗﺎﺭﻗﯩﺘﯩﭗ، ﺟﻪﻣﺌﯩﻴﻪﺗﺘﻪ ﻗﺎﻻﻳﻤﯩﻘﺎﻧﭽﯩﻠﯩﻖ ﻛﻪﻟﺘﯜﺭﯛﭖ ﭼﯩﻘﺎﺭﻣﺎﺳﻠﯩﻘﯩﻨﻰ، ﺋﻪﮔﻪﺭ ﺷﯘﻧﺪﺍﻕ ﻗﯩﻠﻐﯘﭼﯩﻼﺭ ﺑﺎﻳﻘﺎﻟﺴﺎ، ﺑﯘﻧﺪﺍﻕ ﻛﯩﺸﯩﻠﻪﺭﻧﯩﯔ ﻗﺎﻧﯘﻧﯩﻲ ﺟﺎﯞﺍﺑﻜﺎﺭﻟﯩﻘﻘﺎ ﺗﺎﺭﺗﯩﻠﯩﺪﯨﻐﺎﻧﻠﯩﻘﯩﻨﻰ ﺋﯘﻗﺘﯘﺭﺩﻯ."

ﺧﻮﯕﻜﯘﯕﺪﺍ ﭼﯩﻘﯩﺪﯨﻐﺎﻥ "ﻳﯚﻧﯩﻠﯩﺶ" ﮊﻭﺭﻧﯩﻠﯩﻨﯩﯔ ﺑﺎﺵ ﻣﯘﻫﻪﺭﺭﯨﺮﻯ ﺟﺎﯓ ﯞﯦﻴﮕﻮ ﺋﻪﭘﻪﻧﺪﻯ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﯩﭗ، ﺳﯜﻳﻨﯩﯖﺪﯨﻜﻰ ﭘﯘﻗﺮﺍﻻﺭﻧﯩﯔ ﺗﻮﭘﻠﯩﺸﯩﭗ ﺋﺎﺩﻩﻡ ﺋﯘﺭﯗﭖ ﺋﯚﻟﺘﯜﺭﯛﺵ ﯞﻩﻗﻪﺳﻰ ﻫﻪﻡ ﺧﯩﺘﺎﻳﺪﺍ ﺋﯜﺯﻟﯜﻛﺴﯩﺰ ﻳﯜﺯ ﺑﯧﺮﯨﭗ ﻛﯧﻠﯩﯟﺍﺗﻘﺎﻥ ﺗﻮﭘﻠﯩﺸﯩﭗ ﺋﺎﺩﻩﻡ ﺋﯘﺭﯗﺵ ﻫﻪﺗﺘﺎ ﺋﯚﻟﺘﯜﺭﯛﯞﯦﺘﯩﺶ ﯞﻩﻗﻪﺳﻰ ﻫﻪﻗﻘﯩﺪﯨﻜﻰ ﻗﺎﺭﯨﺸﯩﻨﻰ ﺑﺎﻳﺎﻥ ﻗﯩﻠﯩﭗ ﻣﯘﻧﺪﺍﻕ ﺩﯦﺪﻯ: "ﺧﯩﺘﺎﻳﺪﺍ ﺋﯜﺯﻟﯜﻛﺴﯩﺰ ﻳﯜﺯ ﺑﯧﺮﯨﯟﺍﺗﻘﺎﻥ، ﭘﯘﻗﺮﺍﻻﺭﻧﯩﯔ ﺗﻮﭘﻠﯩﺸﯩﭗ ﺋﺎﺩﻩﻡ ﺋﯘﺭﯗﺵ، ﻫﻪﺗﺘﺎ ﺋﯘﻻﺭﻧﻰ ﺋﯚﻟﺘﯜﺭﯛﯞﯦﺘﯩﺸﺘﯩﻦ ﺋﯩﺒﺎﺭﻩﺕ ﺑﯘ ﺑﯩﺮ ﻗﺎﺗﺎﺭ ﯞﻩﻗﻪﻟﻪﺭ ﺧﯩﺘﺎﻳﻨﯩﯔ ﺋﻪﺯﻩﻟﺪﯨﻨﻼ ﻗﺎﻧﯘﻥ ﺋﺎﺭﻗﯩﻠﯩﻖ ﺋﯩﺪﺍﺭﻩ ﻗﯩﻠﯩﻨﯩﺪﯨﻐﺎﻥ ﺟﻪﺋﯩﯩﻴﻪﺕ ﺋﻪﻣﻪﺳﻠﯩﻜﯩﻨﻰ ﭼﯜﺷﻪﻧﺪﯛﺭﯨﺪﯗ. ﺧﯩﺘﺎﻳﻨﯩﯔ ﺗﺎﺭﯨﺨﯩﺪﯨﻦ ﺋﯧﻠﯩﭗ ﺋﯧﻴﺘﺴﺎﻕ، ﺧﯩﺘﺎﻱ ﻣﻪﺩﻩﻧﯩﻴﯩﺘﯩﺪﻩ ﺋﻪﺯﻩﻟﺪﯨﻦ ﻗﺎﻧﯘﻥ ﺋﺎﺭﻗﯩﻠﯩﻖ ﺩﯙﻟﻪﺗﻨﻰ ﺑﺎﺷﻘﯘﺭﯗﺵ ﺋﯧﯖﻰ ﺑﻮﻟﻤﯩﻐﺎﻥ. ﺗﺎﺭﯨﺨﺘﯩﻦ ﺑﯘﻳﺎﻥ ﺧﯩﺘﺎﻳﺪﺍ ﭘﯘﻗﺮﺍﻻﺭ ﺷﻪﺧﺴﻠﻪﺭﻧﯩﯔ ﺋﯩﺮﺍﺩﯨﺴﻰ ﺑﯘﻳﯩﭽﻪ ﺑﺎﺷﻘﯘﺭﯗﻟﻐﺎﻥ. ﭘﯘﻗﺮﺍﻻﺭﺩﯨﻤﯘ ﻣﻪﺳﯩﻠﯩﻠﻪﺭﻧﻰ ﻗﺎﻧﯘﻧﯩﻲ ﺑﻪﻟﮕﯩﻠﯩﻤﯩﻠﻪﺭ ﺑﻮﻳﯩﭽﻪ ﻛﯧﯖﯩﺸﯩﭗ ﺋﻪﻣﻪﺱ، ﺋﯚﺯ ﺋﯩﺮﺍﺩﯨﺴﻰ ﻫﻪﻡ ﻣﻪﻧﭙﻪﺋﻪﺗﻰ ﺑﻮﻳﯩﭽﻪ ﺯﻭﺭﺍﯞﺍﻧﻠﯩﻖ ﯞﺍﺳﺘﯩﻠﯩﺮﻯ ﺋﺎﺭﻗﯩﻠﯩﻖ ﻫﻪﻝ ﻗﯩﻠﯩﺶ ﺧﺎﻫﺸﻰ ﺷﻪﻛﯩﻠﻠﻪﻧﮕﻪﻥ. ﺋﯘﻧﯩﯔ ﺋﯜﺳﺘﯩﮕﻪ ﺧﯩﺘﺎﻱ ﻣﯩﻠﻠﯩﺘﯩﺪﻩ ﺋﻪﺯﻩﻟﺪﯨﻨﻼ ﺑﯩﺮ ﻣﯘﻛﻪﻣﻤﻪﻝ ﺑﻮﻟﻐﺎﻥ ﺩﯨﻨﯩﻲ ﺋﯧﺘﯩﻘﺎﺩ ﺑﻮﻟﻤﯩﻐﺎﻥ، ﺋﯧﺘﯩﻘﺎﺗﻨﯩﯔ ﺑﻮﻟﻤﺎﺳﻠﯩﻘﻰ ﻛﯩﺸﯩﻠﻪﺭﻧﻰ ﻫﯧﭽﻨﯩﻤﯩﺪﯨﻦ ﻗﻮﺭﻗﻤﺎﻳﺪﯨﻐﺎﻥ، ﻫﻪﻣﻤﻪ ﺋﯩﺸﻨﻰ ﺋﯚﺯ ﺋﺎﺭﺯﯗﺳﻰ، ﺋﯩﺮﺍﺩﯨﺴﻰ ﺑﻮﻳﯩﭽﻪ ﻗﯩﻠﯩﺪﯨﻐﺎﻥ، ﺑﺎﺷﻘﯩﻼﺭ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﺪﯨﻐﺎﻥ ﺷﻪﺧﺴﯩﻴﻪﺗﭽﯩﻠﯩﻚ ﻫﻪﻡ ﺷﻪﭘﻘﻪﺗﺴﯩﺰﻟﯩﻜﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﺧﯩﺘﺎﻳﺪﺍ ﻳﯜﺯ ﺑﯧﺮﯨﯟﺍﺗﻘﺎﻥ ﭘﯘﻗﺮﺍﻻﺭﻧﯩﯔ ﺗﻮﭘﻠﯩﺸﯩﭗ ﺋﺎﺩﻩﻡ ﺋﯘﺭﯗﺷﻰ، ﻫﻪﺗﺘﺎ ﺋﯚﻟﺘﯜﺭﯛﯞﯦﺘﯩﺶ ﺩﻩﺭﯨﺠﯩﺴﯩﮕﻪ ﻳﯧﺘﯩﺸﻰ ﻣﺎﻧﺎ ﺑﯘﻧﯩﯔ ﺋﯩﺴﭙﺎﺗﻰ. ﺋﯘﻧﺪﯨﻦ ﺑﺎﺷﻘﺎ ﺧﯩﺘﺎﻱ ﻛﻮﻣﻤﯘﻧﯩﺴﺖ ﻫﺎﻛﯩﻤﯩﻴﯩﺘﻰ ﺯﻭﺭﻟﯘﻕ ﻛﯜﭼﻰ ﺑﯩﻠﻪﻥ ﺗﯩﻜﻠﻪﻧﮕﻪﻥ ﻫﺎﻛﯩﻤﯩﻴﻪﺕ ﺑﻮﻟﯘﭖ، ﺑﯘ 60 ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻳﺪﺍ ﺳﯩﻨﯩﭙﯩﻲ ﻛﯜﺭﻩﺵ ﻧﺎﻣﯩﺪﺍ ﺋﯧﻠﯩﭗ ﺑﯧﺮﯨﻠﻐﺎﻥ ﺑﯩﺮ ﻗﺎﺗﺎﺭ ﺯﻭﺭﺍﯞﺍﻧﻠﯩﻖ ﻫﻪﺭﯨﻜﻪﺗﻠﯩﺮﻯ، ﻛﻮﻣﻤﯘﻧﯩﺴﺖ ﭘﺎﺭﺗﯩﻴﯩﻨﯩﯔ ﭘﯘﻗﺮﺍﻻﺭﻏﺎ ﺋﯧﻠﯩﭗ ﺑﺎﺭﻏﺎﻥ ﺋﯩﺪﯦﺌﻮﻟﻮﮔﯩﻴﻪ ﺟﻪﻫﻪﺗﺘﻪ ﺩﯨﻨﺴﯩﺰﻟﯩﻘﻨﻰ ﺗﻪﺷﻪﺑﺒﯘﺱ ﻗﯩﻠﯩﺶ، ﻛﯩﺸﯩﻠﻪﺭﻧﻰ ﺳﯩﻨﯩﭙﻼﺭﻏﺎ ﺋﺎﻳﺮﯨﭗ ﺳﯩﻨﯩﭙﻰ ﻛﯜﺭﻩﺵ ﺋﯩﺪﯨﻴﯩﺴﯩﻨﻰ ﭘﯘﻗﺮﺍﻻﺭﻏﺎ ﺳﯩﯖﺪﯛﺭﯛﯞﯦﺘﯩﺸﻰ ﻧﻪﺗﯩﺠﯩﺴﯩﺪﻩ 60 ﻳﯩﻠﺪﯨﻦ ﺑﯘﻳﺎﻥ ﺧﯩﺘﺎﻳﺪﺍ ﺋﺎﺭﻗﺎ - ﺋﺎﺭﻗﯩﺪﯨﻦ ﻣﻪﺩﻩﻧﯩﻴﻪﺕ ﺋﺎﻟﯩﻤﻰ ﻗﻮﺑﯘﻝ ﻗﯩﻼﻟﻤﯩﻐﯩﺪﻩﻙ ﺩﻩﺭﯨﺠﯩﺪﯨﻜﻰ ﭘﺎﺟﯩﺌﻪﻟﻪﺭ ﻳﯜﺯ ﺑﯧﺮﯨﯟﺍﺗﯩﺪﯗ. ﻣﺎﻧﺎ ﺑﯘ ﺧﯩﺘﺎﻳﺪﺍ ﭘﯘﻗﺮﺍﻻﺭﻧﯩﯔ ﻛﯩﺸﯩﻠﯩﻚ ﻫﻮﻗﯘﻗﯩﻐﺎ ﻛﺎﭘﺎﻟﻪﺗﻠﯩﻚ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﯩﯔ ﺳﻪﯞﻩﺑﻰ. ﺧﯩﺘﺎﻳﺪﺍ ﻫﻪﻗﯩﻘﯩﻲ ﻫﺎﻟﺪﯨﻜﻰ ﻣﯘﻛﻪﻣﻤﻪﻝ ﻗﺎﻧﯘﻥ ﺗﯜﺯﯛﻣﻨﯩﯔ ﺑﻪﺭﭘﺎ ﻗﯩﻠﯩﻨﯩﺸﯩﻐﺎ ﻳﻪﻧﻪ ﺋﯘﺯﺍﻕ ﺑﯩﺮ ﻣﻪﺯﮔﯩﻞ ﻛﯧﺘﯩﺪﯗ."

ﺳﯘﻳﻨﯩﯔ ﺷﻪﻫﯩﺮﯨﺪﯨﻜﻰ ﭘﯘﻗﺮﺍﻻﺭﻧﯩﯔ ﺗﻮﭘﻠﯩﺸﯩﭗ ﺋﺎﺩﻩﻡ ﺋﯘﺭﯗﭖ، ﺋﯚﻟﺘﯜﺭﯛﺷﯩﺪﻩﻙ ﺑﯘ ﺧﯩﻞ ﺋﻪﻫﯟﺍﻟﻼﺭ ﺧﯩﺘﺎﻳﺪﺍ ﺩﺍﯞﺍﻣﻠﯩﻖ ﻳﯜﺯ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺑﯘ ﻳﯩﻞ "5 - ﺋﯩﻴﯘﻝ ﺋﯜﺭﯛﻣﭽﻰ ﻧﺎﻣﺎﻳﯩﺸﻰ"ﻏﺎ ﺳﻪﯞﻩﺏ ﺑﻮﻟﻐﺎﻥ، ﮔﯘﺍﯕﺪﯗﯓ ﺋﯚﻟﻜﯩﺴﻰ ﺷﺎﯞﮔﯜﻩﻥ ﺋﻮﻳﯘﻧﭽﯘﻕ ﺯﺍﯞﯗﺗﯩﺪﯨﻜﻰ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﺋﯘﻳﻐﯘﺭ ﺋﯩﺸﭽﯩﻼﺭﻧﻰ ﺋﯘﺭﯗﭖ ﺋﯚﻟﺘﯜﺭﯛﺵ ﯞﻩﻗﻪﺳﻰ؛ 7 - ﺋﯩﻴﯘﻝ ﻛﯜﻧﻰ ﺋﯜﺭﯛﻣﭽﯩﺪﻩ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﻛﺎﻟﺘﻪﻙ ‏ - ﺗﻮﻗﻤﺎﻗﻼﺭ ﺑﯩﻠﻪﻥ ﻛﻮﭼﯩﻐﺎ ﭼﯩﻘﯩﭗ ﺋﯘﭼﺮﯨﻐﺎﻧﻠﯩﻜﻰ ﺋﯘﻳﻐﯘﺭﻻﺭﻧﻰ ﺋﯘﺭﯗﭖ، ﻳﺎﺭﯨﻼﻧﺪﯗﺭﯗﺵ ﻫﻪﺗﺘﺎ ﺋﯚﻟﺘﯜﺭﯛﺵ ﯞﻩﻗﻪﺳﻰ؛ 3 - ﺳﯧﻨﺘﻪﺑﯩﺮ ﻛﯜﻧﻰ ﺋﯜﺭﯛﻣﭽﯩﺪﻩ ﻗﺎﻳﺘﺎ ﻳﯜﺯ ﺑﻪﺭﮔﻪﻥ ﺧﯩﺘﺎﻱ ﭘﯘﻗﺮﺍﻟﯩﺮﯨﻨﯩﯔ ﻛﺎﻟﺘﻪﻙ ‏ - ﺗﻮﻗﻤﺎﻗﻼﺭ ﺑﯩﻠﻪﻥ ﺋﺎﺩﻩﻡ ﺋﯘﺭﯗﭖ ﺋﯚﻟﺘﯜﺭﯛﺵ ﯞﻩﻗﻪﺳﻰ؛ ﺷﯘﻧﺪﺍﻗﻼ ﺑﯘ ﻳﯩﻞ 7 - ﺋﺎﻳﺪﺍ ﺟﯩﻠﯩﻦ ﺋﯚﻟﻜﯩﺴﯩﺪﻩ ﺯﺍﯞﯗﺗﺘﯩﻜﻰ ﺋﯩﺸﭽﯩﻼﺭﻧﯩﯔ ﺯﺍﯞﯗﺕ ﺑﺎﺷﻠﯩﻘﯩﻨﻰ ﺋﯘﺭﯗﭖ ﺋﯚﻟﺘﯜﺭﯛﯞﯦﺘﯩﺶ ﯞﻩﻗﻪﺳﻰ ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﯞﻩﻗﻪﻟﻪﺭ ﺧﻪﻟﻘﺌﺎﺭﺍﻧﯩﯔ ﺩﯨﻘﻘﯩﺘﯩﻨﻰ ﻗﻮﺯﻏﯩﻐﺎﻥ ﺑﻮﻟﯘﭖ، ﺧﻪﻟﻘﺌﺎﺭﺍ ﻛﯩﺸﯩﻠﯩﻚ ﻫﻮﻗﯘﻕ ﺟﻪﻣﺌﯩﻴﻪﺗﻠﯩﺮﻯ ﺧﯩﺘﺎﻳﻨﻰ "ﻛﯩﺸﯩﻠﯩﻚ ﻫﻮﻗﯘﻕ ﺧﺎﺗﯩﺮﯨﺴﻰ ﻧﺎﭼﺎﺭ ﺩﯙﻟﻪﺕ" ﺩﻩﭖ ﺋﻪﻳﯩﺒﻠﻪﭖ، ﭘﯘﻗﺮﺍﻻﺭﻧﯩﯔ ﻗﺎﻧﯘﻧﻰ ﻫﻪﻕ - ﻫﻮﻗﯘﻗﻠﯩﺮﯨﻨﻰ ﻗﻮﻏﺪﺍﺵ ﻫﻪﻡ ﺧﯩﺘﺎﻱ ﭘﯘﻗﺮﺍﻟﯩﺮﯨﻐﺎ ﻗﺎﺭﯨﺘﺎ ﻗﺎﻧﯘﻥ - ﺋﻪﺧﻼﻕ ﺗﻪﺭﺑﯩﻴﯩﺴﻰ ﺋﯧﻠﯩﭗ ﺑﯧﺮﯨﺸﻨﻰ ﻛﯜﭼﻪﻳﺘﯩﺸﻜﻪ ﭼﺎﻗﯩﺮﯨﭗ ﻛﯧﻠﯩﯟﺍﺗﻘﺎﻥ ﺋﯩﺪﻯ.