ﺋﻮﻗﺘﯘﺭﯗﺷﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ، ﺧﻪﻟﻖ ﺋﯩﺸﻼﺭ، ﻣﺎﻟﯩﻴﻪ، ﺳﻪﻫﯩﻴﻪ ﯞﻩ ﺗﯘﺭﺍﻟﻐﯘ ﯞﻩ ﺷﻪﻫﻪﺭ -  ﻳﯧﺰﺍ ﻗﯘﺭﯗﺵ ﻣﯩﻨﯩﺴﺘﯩﺮﻟﯩﻘﻠﯩﺮﻯ ﻫﻪﻡ ﺋﯘﻻﺭﻧﯩﯔ ﺟﺎﻳﻼﺭﺩﯨﻜﻰ ﺗﺎﺭﻣﺎﻕ ﺋﯩﺪﺍﺭﯨﻠﯩﺮﻯ ﻫﻪﻣﻜﺎﺭﻟﯩﺸﯩﭗ 2009  -  ﺋﺎﯞﻏﯘﺳﺘﺘﯩﻦ ﺑﺎﺷﻼﭖ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺳﻪﺭﮔﻪﺭﺩﺍﻥ ﯞﻩ ﺋﺎﻟﺪﺍﻧﻐﺎﻥ، ﺳﯧﺘﯩﻠﻐﺎﻥ ﺋﯚﺳﻤﯜﺭ ﺑﺎﻟﯩﻼﺭ ﻫﻪﻡ ﺋﺎﻳﺎﻟﻼﺭﻧﻰ ﺗﻪﻛﺸﯜﺭﯛﭖ ﺋﯧﻨﯩﻘﻼﺵ ﻫﻪﻣﺪﻩ ﺋﯘﻻﺭﻧﯩﯔ DNA ﻗﺎﻥ ﺋﻪﯞﺭﯨﺸﻜﯩﻠﯩﺮﯨﻨﻰ ﻳﯩﻐﯩﭗ، ﺳﺎﻧﻠﯩﻖ ﻣﻪﻟﯘﻣﺎﺕ ﺋﺎﻣﺒﯩﺮﻯ ﻗﯘﺭﯗﺷﻘﺎ ﻫﻪﺭﯨﻜﻪﺗﻠﯩﻨﯩﺪﯨﻜﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﮔﻪﺭﭼﻪ ﻳﯩﻠﻼﺭﺩﯨﻦ ﺑﯘﻳﺎﻥ ﺑﯘ ﺧﯩﻠﺪﯨﻜﻰ ﺑﺎﻻ ﻫﻪﻡ ﺋﺎﻳﺎﻟﻼﺭﻧﯩﯔ ﻫﻮﻗﯘﻗﯩﻨﻰ ﻗﻮﻏﺪﺍﭖ، ﻗﯘﺗﻘﯘﺯﯗﺷﻘﺎ ﺩﺍﺋﯩﺮ ﺧﯩﺰﻣﻪﺗﻠﻪﺭﻧﻰ ﻗﺎﻧﺎﺕ ﻳﺎﻳﺪﯗﺭﯗﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺗﻪﺷﯟﯨﻖ ﻗﯩﻠﯩﭗ ﻛﻪﻟﮕﻪﻥ ﺑﻮﻟﺴﯩﻤﯘ، ﺧﻪﯞﻩﺭﺩﻩ ﻛﯚﺭﺳﯩﺘﯩﺸﯩﭽﻪ، ﺑﯘ ﻗﯧﺘﯩﻤﻘﯩﺴﻰ ﺧﯩﺘﺎﻳﺪﺍ ﺋﻪﯓ ﻛﯚﭖ ﺋﻮﺭﮔﺎﻧﻼﺭﻧﯩﯔ ﻗﺎﺗﻨﯩﺸﻰ ﺑﯩﻠﻪﻥ ﻛﯜﭼﻠﯜﻙ ﺗﻪﺩﺑﯩﺮﻟﻪﺭ ﻗﻮﻟﻠﯩﻨﯩﭗ ﻛﻪﯓ ﺩﺍﺋﯩﺮﯨﺪﻩ ﺋﯧﻠﯩﭗ ﺑﯧﺮﯨﻠﯩﺪﯨﻐﺎﻥ ﻫﻪﺭﯨﻜﻪﺕ ﺋﯩﻜﻪﻥ.

 ﺧﯩﺘﺎﻱ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﻣﯩﻨﯩﺴﺘﯩﺮﻟﯩﻘﻰ ﺗﺎﺭﻗﺎﺗﻘﺎﻥ ﺋﯘﻗﺘﯘﺭﯗﺷﺘﺎ، ﻣﻪﺯﻛﯘﺭ ﻫﻪﺭﯨﻜﻪﺗﻨﯩﯔ ﻣﻪﻗﺴﯩﺘﻰ" ﺷﻪﻫﻪﺭ ‏ -  ﺑﺎﺯﺍﺭﻻﺭﺩﯨﻜﻰ ﺋﯧﻘﯩﭗ ﻳﯜﺭﮔﻪﻥ ﺳﻪﺭﮔﻪﺭﺩﺍﻥ، ﺑﺎﺵ ﭘﺎﻧﺎﻫﺴﯩﺰ ﺑﺎﻻ ﻫﻪﻡ ﺋﺎﻳﺎﻟﻼﺭﻧﻰ ﻗﯘﺗﻘﯘﺯﯗﺵ ﯞﻩ ﻳﺎﺵ ﺋﯚﺳﻤﯜﺭﻟﻪﺭﻧﻰ ﺟﯩﻨﺎﻳﻪﺗﻜﻪ ﻣﻪﺟﺒﯘﺭﻻﺷﻘﺎ ﺯﻩﺭﺑﻪ ﺑﯧﺮﯨﺶ " ﺩﻩﭖ ﻛﯚﺭﺳﯩﺘﯩﻠﮕﻪﻥ.

 ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭﺩﻩ، ﺧﯩﺘﺎﻳﺪﺍ ﻳﯧﻘﯩﻨﻘﻰ ﻳﯩﻠﻼﺭﺩﯨﻦ ﺑﯘﻳﺎﻥ ﻳﺎﺵ ﺋﯚﺳﻤﯜﺭﻟﻪﺭﻧﯩﯔ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﯩﺶ، ﺑﺎﻻ ﻫﻪﻡ ﺋﺎﻳﺎﻟﻼﺭﻧﻰ ﺋﺎﻟﺪﺍﭖ ﺳﯧﺘﯩﺸﻘﺎ ﺩﺍﺋﯩﺮ ﯞﻩﻗﻪﻟﻪﺭ ﺑﺎﺭﻏﺎﻧﭽﻪ ﺋﯧﻐﯩﺮﻻﭖ ﺑﯧﺮﯨﯟﺍﺗﻘﺎﻥ ﺑﻮﻟﯘﭖ، ﺑﻮﻟﯘﭘﻤﯘ، ﺑﺎﻻ ﻫﻪﻡ ﺋﯚﺳﻤﯜﺭﻟﻪﺭﻧﯩﯔ ﺗﯜﺭﻟﯜﻙ ﺟﯩﻨﺎﻳﻪﺕ ﮔﯘﺭﯗﻫﻠﯩﺮﻯ ﺗﻪﺭﯨﭙﯩﺪﯨﻦ ﺩﯨﯟﺍﻧﯩﻠﯩﻚ ﯞﻩ ﺋﻮﻏﺮﻯ ‏ -  ﻳﺎﻧﭽﯘﻗﭽﯩﻠﯩﻘﻘﺎ ﻣﻪﺟﺒﯘﺭﻟﯩﻨﯩﺸﯩﺪﻩﻙ ﺋﻪﻫﯟﺍﻝ ﺑﻪﻛﻤﯘ ﺋﯧﻐﯩﺮ ﺋﯩﻜﻪﻥ. ﺑﯘﻧﯩﯔ ﺑﯩﻠﻪﻥ ﺋﯚﺯﯨﻨﻰ ﻗﻮﻏﺪﺍﺵ ﺋﯩﻘﺘﯩﺪﺍﺭﯨﻐﺎ ﺋﯩﮕﻪ ﺑﻮﻟﻤﯩﻐﺎﻥ ﺑﯘ ﺧﯩﻠﺪﯨﻜﻰ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻥ ﺑﺎﻟﯩﻼﺭ، ﻣﺎﻝ ﺋﻮﺭﻧﯩﺪﺍ ﺳﯧﺘﯩﻠﯩﺶ، ﺋﺎﻟﺪﯨﻨﯩﺶ،ﺗﻪﻥ ﺟﺎﺯﺍﺳﯩﻐﺎ ﺋﯘﭼﺮﺍﺵ، ﺧﻮﺭﻟﯩﻨﯩﺶ، ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﺍﭖ ﺟﯩﺴﻤﺎﻧﯩﻲ ﻫﻪﻡ ﺭﻭﻫﯩﻲ ﺟﻪﻫﻪﺗﺘﯩﻦ ﻗﻪﺳﺘﻪﻥ ﻣﯧﻴﯩﭙﻘﺎ ﺋﺎﻳﻼﻧﺪﯗﺭﯗﻟﯘﺵ، ﻫﻪﺗﺘﺎ ﺋﯚﻟﺘﯜﺭﯛﻟﯜﺵ، ﺑﺎﺳﻘﯘﻧﭽﯩﻠﯩﻘﻘﺎ ﺋﯘﭼﺮﺍﺷﻘﺎ ﺋﻮﺧﺸﺎﺵ ﻗﯩﺴﻤﻪﺗﻠﻪﺭﮔﻪ ﺩﯗﭼﺎﺭ ﺑﻮﻟﯘﯞﺍﺗﻘﺎﻥ ﺑﻮﻟﯘﭖ، ﺧﯩﺘﺎﻱ ﺟﻪﻣﺌﯩﻴﯩﺘﯩﺪﯨﻜﻰ ﺋﯧﻐﯩﺮ ﻣﻪﺳﯩﻠﯩﮕﻪ ﺋﺎﻳﻼﻧﻐﺎﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺑﯘ ﻗﯧﺘﯩﻤﻘﻰ ﻣﻪﻣﻠﯩﻜﻪﺕ ﺑﻮﻳﯩﭽﻪ ﺑﺎﻻ ﻫﻪﻡ ﺋﺎﻳﺎﻟﻼﺭﻧﻰ ﺳﯧﺘﯩﺶ، ﺋﺎﻟﺪﺍﺷﻘﺎ ﺩﺍﺋﯩﺮ ﺟﯩﻨﺎﻳﻪﺕ ﻫﻪﻡ ﺟﯩﻨﺎﻳﻪﺗﭽﯩﻠﻪﺭﮔﻪ ﺑﯩﺮ ﺗﯘﺗﺎﺵ ﺯﻩﺭﺑﻪ ﺑﯧﺮﯨﺶ ﻫﻪﻡ ﺑﯘ ﺟﻪﺭﻳﺎﻧﺪﺍ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﺎﻥ ﺑﺎﻻ ﻫﻪﻡ ﺋﺎﻳﺎﻟﻼﺭﻧﻰ ﺋﯧﻨﯩﻘﻼﭖ ﻗﯘﺗﻘﯘﺯﯗﺵ ﻫﻪﺭﯨﻜﯩﺘﯩﺪﻩ، ﻗﺎﻳﺴﻰ ﺋﻮﺭﮔﺎﻥ ﺑﺎﻳﻘﯩﻐﺎﻥ ﺑﻮﻟﺴﺎ، ﺷﯘ ﺋﻮﺭﮔﺎﻥ، ﺷﯘ ﺟﺎﻳﺪﺍ ﺑﯩﺮ ﺗﻪﺭﻩﭖ ﻗﯩﻠﯩﺶ، ﻫﻪﺭ ﻗﺎﻳﺴﻰ ﺋﻮﺭﮔﺎﻧﻼﺭ ﺋﯚﺯ ﺩﺍﺋﯩﺮﯨﺴﯩﺪﯨﻜﻰ ﺧﯩﺰﻣﻪﺗﻠﻪﺭﻧﻰ ﻣﯘﻛﻪﻣﻤﻪﻝ ﺋﻪﺳﺘﺎﻳﯩﺪﯨﻞ ﺋﯩﺸﻠﻪﺵ، ﺟﻪﻣﺌﯩﻴﻪﺗﻨﻰ ﺳﻪﭘﻪﺭﯞﻩﺭ ﻗﯩﻠﯩﭗ، ﻛﻮﭼﯩﻼﺭﺩﯨﻜﻰ ﻳﺎﻟﻐﯘﺯ، ﺋﯩﮕﻪ ‏ -  ﭼﺎﻗﯩﺴﯩﺰ، ﺳﻪﺭﮔﻪﺭﺩﺍﻥ ﺑﺎﻟﯩﻼﺭﻧﻰ ﺋﯧﻨﯩﻘﻼﺵ، ﻳﯩﻐﯩﭗ ﻗﯘﺗﻘﯘﺯﯗﺵ، ﺋﻪﯞﺭﯨﺸﻜﻪ ﻳﯩﻐﯩﺶ ﻫﻪﻡ ﺳﺎﻧﻠﯩﻖ ﻣﻪﻟﯘﻣﺎﺕ ﺗﯘﺭﻏﯘﺯﯗﺷﺘﻪﻙ ﺧﯩﺰﻣﻪﺗﻠﻪﺭﻧﻰ ﭼﯩﯔ ﺗﯘﺗﯘﭖ، ﺗﻪﺭﺗﯩﭙﻠﯩﻚ، ﻣﯘﻛﻪﻣﻤﻪﻝ ﺋﯩﺸﻠﻪﺵ، ﺩﺍﺋﯩﺮﯨﻠﻪﺭﻧﯩﯔ ﻫﻪﺭﯨﻜﯩﺘﯩﮕﻪ ﻣﺎﺳﻼﺷﻤﯩﻐﺎﻧﻼﺭﻏﺎ ﻗﺎﺭﯨﺘﺎ ﻗﺎﺗﺘﯩﻖ ﯞﺍﺳﯩﺘﯩﻠﻪﺭﻧﻰ ﻗﻮﻟﻠﯩﻨﯩﭗ ﻗﺎﻧﯘﻥ ﺑﻮﻳﯩﭽﻪ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﺋﻮﺧﺸﺎﺵ ﭼﺎﺭﯨﻠﻪﺭﻧﻰ ﻗﻮﻟﻠﯩﻨﯩﭗ ﻛﯚﺯﻟﯩﮕﻪﻥ ﻧﯩﺸﺎﻧﻐﺎ ﻳﻪﺗﻤﻪﻛﭽﻰ ﺋﯩﻜﻪﻥ.

ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﻗﯧﺘﯩﻢ ﺑﺎﺷﻠﯩﻐﺎﻥ ﺋﯚﺳﻤﯜﺭ ﺑﺎﻟﯩﻼﺭﻧﯩﯔ ﺟﯩﻨﺎﻳﻪﺕ ﺋﯚﺗﻜﯜﺯﯛﺷﯩﻨﻰ ﻛﻮﻧﺘﺮﻭﻝ ﻗﯩﻠﯩﺶ ﻫﻪﻡ ﺋﺎﻟﺪﺍﻧﻐﺎﻥ ﺳﯧﺘﯩﻠﻐﺎﻥ ﺋﺎﻳﺎﻝ ﯞﻩ ﺑﺎﻟﯩﻼﺭﻧﻰ ﺋﯧﻨﯩﻘﻼﺵ ﻫﻪﻡ ﻗﯘﺗﻘﯘﺯﯗﺵ ﻫﻪﺭﯨﻜﯩﺘﯩﺪﻩ ﺑﻪﺯﻯ ﺯﯙﺭﯛﺭ ﺑﻮﻟﻐﺎﻥ ﺟﯩﺪﺩﯨﻲ ﻫﻪﻡ ﻣﻪﺟﺒﯘﺭﻻﺵ ﯞﺍﺳﯩﺘﯩﻠﯩﺮﯨﻨﻰ ﻗﻮﻟﻠﯩﻨﯩﺪﯨﻐﺎﻧﻠﯩﻘﻰ ﻫﻪﻣﺪﻩ ﭼﯧﺘﯩﻠﯩﺪﯨﻐﺎﻥ ﺋﻮﺭﮔﺎﻧﻼﺭﻧﯩﯔ ﻛﯚﭘﻠﯜﻛﻰ ﻗﺎﺗﺎﺭﻟﯩﻖ ﺗﻪﺭﻩﭘﻠﻪﺭ ﺧﯩﺘﺎﻱ ﻛﯚﺯﻩﺗﻜﯜﭼﯩﻠﻪﺭﺩﻩ " ﺑﯘ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ 60 ﻳﯩﻠﻠﯩﻖ ﺗﻮﻳﯩﻨﻰ ﺋﯚﺗﻜﯜﺯﯛﺵ ﺋﺎﻟﺪﯨﺪﯨﻜﻰ ﺟﻪﻣﺌﯩﻴﻪﺗﺘﻪ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭼﻮﯓ ﻛﯚﻟﻪﻣﻠﯩﻚ ﺗﺎﺯﯨﻼﺵ ﻫﻪﺭﯨﻜﯩﺘﯩﻨﯩﯔ ﺑﯩﺮ ﻗﯩﺴﯩﻤﻰ" ﺩﯦﮕﻪﻥ ﻗﺎﺭﺍﺷﻼﺭﻧﻰ ﺋﻮﺗﺘﯘﺭﯨﻐﺎ ﭼﯩﻘﺎﺭﺩﻯ.

ﺑﯘ ﻫﻪﻗﺘﻪ ﺧﯩﺘﺎﻱ ﺗﯧﻠﯧﮕﺮﺍﻑ ﮔﯧﺰﯨﺘﯩﻨﯩﯔ ﺧﻪﯞﯨﺮﯨﺪﻩ، ﺧﯩﺘﺎﻱ ﺋﯩﺠﺘﯩﻤﺎﺋﯩﻲ ﭘﻪﻧﻠﻪﺭ ﺋﺎﻛﺎﺩﯦﻤﯩﻴﯩﺴﻰ ﺟﻪﻣﺌﯩﻴﻪﺕ ﺗﻪﺗﻘﯩﻘﺎﺗﭽﯩﺴﻰ ﭘﺮﻭﻓﯧﺴﺴﻮﺭ ﻟﻰ ﻳﯩﯖﺸﯧﯖﻨﯩﯔ ﺳﯚﺯﯨﻨﻰ ﻧﻪﻗﯩﻞ ﺋﯧﻠﯩﺸﯩﭽﻪ" ﺧﯩﺘﺎﻳﺪﺍ ﺑﻪﺵ ﺋﻮﺭﮔﺎﻥ ﺑﯩﺮﻟﻪﺷﻜﻪﻥ ﻣﯘﻧﺪﺍﻕ ﭼﻮﯓ ﺗﯩﭙﺘﯩﻜﻰ ﻫﻪﺭﯨﻜﻪﺗﻨﯩﯔ ﺗﯘﻧﺠﻰ ﻗﯧﺘﯩﻢ ﺋﯧﻠﯩﭗ ﺑﯧﺮﯨﻠﯩﺸﻰ، ﺑﻮﻟﯘﭘﻤﯘ ﺩﯨﯟﺍﻧﯩﻠﯩﻖ ﻗﯩﻠﯩﯟﺍﺗﻘﺎﻥ ﺳﻪﺭﮔﻪﺭﺩﺍﻧﻼﺭ ﺑﯩﻠﻪﻥ ﺟﯩﻨﺎﻳﻪﺕ ﻳﻮﻟﯩﻐﺎ ﻣﻪﺟﺒﯘﺭﻻﻧﻐﺎﻥ ﻳﺎﺵ ﺋﯚﺳﻤﯜﺭﻟﻪﺭﮔﻪ ﻧﯩﺴﺒﻪﺗﻪﻥ ﻣﻪﺧﺴﯘﺱ ﻗﺎﻧﯘﻧﯩﻲ ﯞﺍﺳﯩﺘﯩﻠﻪﺭ ﺑﯩﻠﻪﻥ ﻣﻪﺟﺒﯘﺭﯨﻲ ﺧﺎﺭﺍﻛﺘﯧﺮﻟﯩﻚ ﺑﺎﺷﻘﯘﺭﯗﺵ ﺋﯘﺳﯘﻟﻰ ﻗﻮﻟﻠﯩﻨﯩﻠﯩﺸﻰ ﺗﯘﻧﺠﻰ ﻗﯧﺘﯩﻤﻠﯩﻘﻰ ﻫﯧﺴﺎﺑﻠﯩﻨﯩﺪﯗ."

ﺋﯘﻳﻐﯘﺭﻻﺭﻧﯩﯔ ﻗﺎﺭﯨﺸﯩﭽﻪ،ﺧﯩﺘﺎﻳﺪﺍ ﮔﻪﺭﭼﻪ ﺑﺎﻻ ﻫﻪﻡ ﺋﺎﻳﺎﻟﻼﺭﻧﯩﯔ ﻫﻮﻗﯘﻕ ﻣﻪﻧﭙﻪﺋﻪﺗﯩﻨﯩﯔ ﻣﯘﯞﺍﭘﯩﻖ ﻗﻮﻏﺪﺍﻟﻤﺎﺳﻠﯩﻘﻰ، ﺋﯘﻻﺭﻧﯩﯔ ﺋﺎﻟﺪﯨﻨﯩﭗ، ﺳﯧﺘﯩﻠﯩﭗ، ﻫﻪﺭ ﺧﯩﻞ ﺟﯩﻨﺎﻳﻪﺕ ﮔﯘﺭﯗﻫﻠﯩﺮﯨﻨﯩﯔ ﻗﻮﺭﺍﻟﯩﻐﺎ ﺋﺎﻳﻼﻧﺪﯗﺭﯗﻟﯩﺸﻰ ﭘﯜﺗﻜﯜﻝ ﻣﻪﻣﻠﯩﻜﻪﺗﻜﻪ ﺗﺎﺭﺍﻟﻐﺎﻥ، ﻳﯩﻠﺘﯩﺰﻯ ﭼﻮﯕﻘﯘﺭ، ﺗﻪﺳﯩﺮﻯ ﺯﻭﺭ ﺑﻮﻟﻐﺎﻥ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﻪ ﺑﻮﻟﺴﯩﻤﯘ، ﺋﯘﻳﻐﯘﺭﻻﺭﻏﺎ ﻧﯩﺴﺒﻪﺗﻪﻥ ﺑﯩﺮ ﻣﯩﻠﻠﯩﻲ ﻣﻪﺳﯩﻠﯩﺪﯗﺭ.

ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺋﯘﻳﻐﯘﺭ ﺳﻪﺭﮔﻪﺭﺩﺍﻥ ﺑﺎﻻ ﻫﻪﻡ ﺋﺎﻳﺎﻟﻼﺭ ﻣﻪﺳﯩﻠﯩﺴﯩﮕﻪ ﻛﯚﯕﯜﻝ ﺑﯚﻟﯜﭖ ﻛﯧﻠﯩﯟﺍﺗﻘﺎﻥ ﺑﻪﺯﻯ ﺋﯘﻳﻐﯘﺭ ﻛﯚﺯﻩﺗﭽﯩﻠﻪﺭﻧﯩﯔ ﻗﺎﺭﯨﺸﯩﭽﻪ، ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﺳﻪﺭﮔﻪﺭﺩﺍﻥ ﺋﯘﻳﻐﯘﺭ ﺑﺎﻻ ﻫﻪﻡ ﺋﺎﻳﺎﻟﻼﺭﻏﺎ ﻧﯩﺴﺒﻪﺗﻪﻥ، ﺧﯩﺘﺎﻱ ﻗﻮﻟﻼﻧﻤﺎﻗﭽﻰ ﺑﻮﻟﻐﺎﻥ ﺑﯘ ﻗﯧﺘﯩﻤﻠﯩﻖ ﻗﺎﺗﺘﯩﻖ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﯩﺘﻰ ﻗﺎﻧﺪﺍﻗﺘﯘﺭ ﺑﯩﺮ ﻗﯘﺗﻘﯘﺯﯗﺵ ﻫﻪﺭﯨﻜﯩﺘﻰ ﺑﻮﻟﻤﺎﺳﺘﯩﻦ، ﺑﻪﻟﻜﻰ ﺧﯩﺘﺎﻱ ﻫﯚﻛﯜﻣﯩﺘﯩﻨﯩﯔ ﺑﺎﻫﺎﻧﯩﺪﻩ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﯨﻜﻰ ﯞﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺷﻪﻫﻪﺭ ‏ - ﻧﺎﻫﯩﻴﯩﻠﯩﺮﯨﺪﯨﻜﻰ ﺋﯘﻳﻐﯘﺭﻻﺭﻧﻰ ﻗﺎﻳﺘﯩﺪﯨﻦ ﻛﻮﻧﺘﺮﻭﻝ ﻗﯩﻠﯩﺶ ﻫﻪﻡ ﺗﺎﺯﯨﻼﺷﺘﯩﻦ ﺩﯦﺮﻩﻙ ﺑﯧﺮﯨﺪﯨﻜﻪﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﻣﯘﺋﺎﯞﯨﻦ ﺑﺎﺵ ﻛﺎﺗﯩﭙﻰ، ﻛﺎﻧﺎﺩﺍﺩﺍ ﻳﺎﺷﺎﯞﺍﺗﻘﺎﻥ ﺗﯘﻳﻐﯘﻧﺠﺎﻥ ﺋﻪﭘﻪﻧﺪﻯ، ﺧﯩﺘﺎﻳﻨﯩﯔ ﺑﯘ ﻫﻪﺭﯨﻜﯩﺘﻰ  - 5 ﺋﯩﻴﯘﻝ ﺋﯜﺭﯛﻣﭽﻰ ﯞﻩﻗﻪﺳﯩﺪﯨﻦ ﻛﯧﻴﯩﻨﻜﻰ ﺋﯘﻳﻐﯘﺭﻻﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﯟﺍﺗﻘﺎﻥ ﭼﻮﯓ ﺗﺎﺯﯨﻼﺵ ﻫﻪﺭﯨﻜﯩﺘﯩﻨﯩﯔ ﺑﯩﺮ ﻗﯩﺴﻤﻰ ﺑﻮﻟﯘﺷﻰ ﻣﯘﻣﻜﯩﻦ ﺩﯦﮕﻪﻥ ﮔﯘﻣﺎﻧﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﻰ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺑﺎﺷﻠﯩﻘﻰ ﺋﯜﻣﯩﺪ ﺋﺎﮔﺎﻫﻰ ﺋﻪﭘﻪﻧﺪﻯ، ﺧﯩﺘﺎﻳﻨﯩﯔ ﺑﯘ ﻫﻪﺭﯨﻜﯩﺘﻰ ﺋﯘﻳﻐﯘﺭﻻﺭ ﺋﯜﭼﯜﻥ ﻳﺎﺧﺸﯩﻠﯩﻘﺘﯩﻦ ﺩﯦﺮﻩﻙ ﺑﻪﺭﻣﻪﻳﺪﯗ ﺩﻩﭖ ﻗﺎﺭﺍﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺧﯩﺘﺎﻱ ﺗﯩﻨﭽﻠﯩﻖ ﺗﻮﺭﯨﺪﯨﻜﻰ ﻣﯘﻧﺎﺳﯩﯟﻩﺗﻠﯩﻚ ﺋﯘﭼﯘﺭﻻﺭﻏﺎ ﻗﺎﺭﯨﻐﺎﻧﺪﺍ 2008 - ﻳﯩﻠﯩﻨﯩﯔ ﺋﯚﺯﯨﺪﯨﻼ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺗﺎﺭﻣﺎﻗﻠﯩﺮﻯ ﺑﺎﻟﯩﻼﺭﻧﻰ ﺋﺎﻟﺪﺍﭖ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﯩﮕﻪ ﺋﺎﭘﯩﺮﯨﭗ ﺳﺎﺗﻘﺎﻥ ﻫﻪﻣﺪﻩ ﺑﺎﻻ ﻳﺎﻧﭽﯘﻗﭽﯩﻼﺭ ﮔﯘﺭﯗﻫﻠﯩﺮﯨﻨﻰ ﻗﯘﺭﯗﭖ ﺟﯩﻨﺎﻳﻪﺕ ﺳﺎﺩﯨﺮ ﻗﯩﻠﻐﺎﻥ 8 ﭼﻮﯓ ﺟﯩﻨﺎﻳﻪﺕ ﮔﯘﺭﯗﻫﯩﻨﻰ ﭘﺎﺵ ﻗﯩﻠﻐﺎﻥ، 177 ﺋﺎﺩﻩﻣﻨﻰ ﻗﻮﻟﻐﺎ ﺋﺎﻟﻐﺎﻥ، ﺑﯘ ﺟﯩﻨﺎﻳﻪﺕ ﮔﯘﺭﯗﻫﻠﯩﺮﻯ ﺗﻪﺭﯨﭙﯩﺪﯨﻦ ﺧﯩﺘﺎﻱ ﺋﯚﻟﻜﯩﻠﯩﺮﯨﮕﻪ ﺋﺎﻟﺪﺍﭖ ﻛﯧﺘﯩﻠﯩﭗ ﺗﯜﺭﻟﯜﻙ ﺯﯨﻴﺎﻧﻜﻪﺷﻠﯩﻜﻠﻪﺭﮔﻪ ﺋﯘﭼﺮﺍﭖ ﻗﯘﺗﻘﯘﺯﯗﯞﯦﻠﯩﻨﻐﺎﻥ ﺑﺎﻟﯩﻼﺭ 746 ﻧﻪﭘﻪﺭ ﺋﯩﻜﻪﻥ، ﺋﺎﻟﺪﯨﻨﻘﻰ ﺋﯜﭺ ﻳﯩﻠﺪﺍ ﺋﯘﻳﻐﯘﺭ ﺋﯧﻠﯩﺪﯨﻦ ﺧﯩﺘﺎﻳﻐﺎ ﺋﺎﻟﺪﺍﭖ ﻛﯧﺘﯩﻠﮕﻪﻥ ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﺳﺎﻧﻰ 3059 ﺋﯩﻜﻪﻥ.

ﺋﯘﻳﻐﯘﺭ ﺑﺎﻟﯩﻠﯩﺮﯨﻨﯩﯔ ﺟﯩﻨﺎﻳﻪﺕ ﮔﯘﺭﯗﻫﻠﯩﺮﻯ ﺗﻪﺭﯨﭙﯩﺪﯨﻦ ﺋﺎﻟﺪﺍﺵ، ﺳﯧﺘﯩﺶ ﻳﻮﻟﻠﯩﺮﻯ ﺑﯩﻠﻪﻥ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﺗﯜﺭﻟﯜﻙ ﺟﯩﻨﺎﻳﻰ ﻫﻪﺭﯨﻜﻪﺗﻠﻪﺭﮔﻪ ﻣﻪﺟﺒﯘﺭﻟﯩﻨﯩﺸﻰ ﻳﯧﻘﯩﻨﻘﻰ 10 ﻳﯩﻠﺪﯨﻦ ﺑﯘﻳﺎﻥ ﻛﯜﻧﺴﺎﻳﯩﻦ ﺋﯧﻐﯩﺮﻻﺷﻘﺎﻥ ﺑﯩﺮ ﻣﻪﺳﯩﻠﻪ ﺑﻮﻟﻐﺎﻥ ﺑﻮﻟﺴﯩﻤﯘ، ﻫﺎﺯﯨﺮﻏﯩﭽﻪ ﻣﯘﻧﺎﺳﯩﯟﻩﺗﻠﯩﻚ ﺩﺍﺋﯩﺮﯨﻠﻪﺭ ﺧﯩﺘﺎﻱ ﺋﯚﻟﻜﯩﻠﯩﺮﯨﺪﻩ ﻫﻮﻗﯘﻕ ﻣﻪﻧﭙﻪﺋﻪﺗﻠﯩﺮﻯ ﺋﯧﻐﯩﺮ ﺩﻩﺧﻠﻰ ﺗﻪﺭﯗﺯﻏﺎ ﺋﯘﭼﺮﺍﭖ ﻛﯧﻠﯩﯟﺍﺗﻘﺎﻥ ﺑﯘ ﺋﯘﻳﻐﯘﺭ ﺑﺎﻟﯩﻼﺭﻧﯩﯔ ﺳﺎﻧﻰ ﻫﻪﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﻣﻪﻟﯘﻣﺎﺕ ﺗﺎﺭﻗﺎﺗﻤﯩﻐﺎﻥ ﺷﯘﻧﺪﺍﻗﻼ ﺋﺎﺩﻩﻡ ﺑﯧﺪﯨﻜﻠﯩﺮﯨﮕﻪ ﺯﻩﺭﺑﻪ ﺑﯧﺮﯨﺶ ﻫﻪﺭﯨﻜﻪﺗﻠﯩﺮﻯ ﻫﯧﭽﻘﺎﻧﭽﻪ ﺋﯜﻧﯜﻡ ﻛﯚﺭﺳﻪﺗﻤﯩﮕﻪﻥ ﺋﯩﺪﻯ.

ﺋﯜﺭﯛﻣﭽﯩﺪﯨﻜﻰ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﺋﯜﺭﯛﻣﭽﯩﻨﯩﯔ ﺋﯚﺯﯨﺪﻩ ﺋﯘﻳﻐﯘﺭ ﺋﯧﻠﯩﻨﯩﯔ ﺟﻪﻧﯘ‏ -  ﺷﯩﻤﺎﻟﯩﺪﯨﻦ ﻛﯧﻠﯩﭗ ﺗﯜﺭﻟﯜﻙ ﯞﺍﻗﯩﺘﻠﯩﻖ ﺋﯩﺸﻼﺭ ﺑﯩﻠﻪﻥ ﺟﺎﻥ ﺑﯧﻘﯩﯟﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺳﺎﻧﻰ 500 ﻣﯩﯔ ﺋﻪﺗﺮﺍﭘﯩﺪﺍ ﺋﯩﻜﻪﻥ.

ﺳﯩﻨﺎ ﺗﻮﺭﯨﺪﺍ ﺑﯧﺮﯨﻠﮕﻪﻥ ﺑﯩﺮ ﺋﯘﭼﯘﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﺧﯩﺘﺎﻳﻨﯩﯔ ﻫﻪﺭ ﻗﺎﻳﺴﻰ ﭼﻮﯓ ﺷﻪﻫﻪﺭﻟﯩﺮﯨﺪﻩ ﺋﯧﻘﯩﭗ ﻳﯜﺭﮔﻪﻥ، ﺩﯨﯟﺍﻧﯩﭽﯩﻠﯩﻖ، ﺋﻮﻏﺮﻯ، ﻳﺎﻧﭽﯘﻗﭽﯩﻠﯩﻘﻘﺎ ﻣﻪﺟﺒﯘﺭﻟﯩﻨﯩﭗ ﺗﯜﺭﻟﯜﻙ ﺧﻮﺭﻟﯘﻕ ﺋﯩﭽﯩﺪﻩ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭ ﺋﯚﺳﻤﯜﺭ ﺑﺎﻟﯩﻼﺭﻧﯩﯔ ﺳﺎﻧﻰ  50 ﻣﯩﯖﺪﯨﻦ ﺋﺎﺷﯩﺪﯨﻜﻪﻥ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز