ﺧﯩﺘﺎﻳﻨﯩﯔ ﺋﯚﺯﯨﺪﯨﻼ ﺑﯘ ﺧﯩﻞ ﺯﯗﻛﺎﻡ ﯞﯨﺮﻭﺳﻰ ﻳﯘﻗﺘﯘﺭﯗﯞﺍﻟﻐﺎﻧﻠﯩﻘﯩﻐﺎ ﺩﺍﺋﯩﺮ 3000 ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻥ. ﺋﯩﻨﺴﺎﻧﻼﺭﻏﺎ ﺗﻪﻫﺪﯨﺖ ﺷﻪﻛﯩﻠﻠﻪﻧﺪﯛﺭﯛﯞﺍﺗﻘﺎﻥ ﭼﻮﺷﻘﺎ ﺯﯗﻛﺎﻣﻰ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﻣﯘﺧﺒﯩﺮﯨﻤﯩﺰ ﮔﯜﻟﭽﯧﻬﺮﻩ ﻳﻪﻧﯩﻤﯘ ﺗﻪﭘﺴﯩﻠﯩﻲ ﻣﻪﻟﯘﻣﺎﺕ ﺑﯧﺮﯨﺪﯗ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﺧﻪﻟﻘﺌﺎﺭﺍﻟﯩﻖ H1N1 ﺗﯩﭙﻠﯩﻖ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﻭﺳﻰ ﯞﻩ ﺋﯘﻧﯩﯖﻐﺎ ﻗﺎﺭﺷﻰ ﺗﻪﻳﻴﺎﺭﻟﯩﻘﻼﺭ ﻣﯘﻫﺎﻛﯩﻤﻪ ﻳﯩﻐﯩﻨﻰ، ﺧﯩﺘﺎﻱ ﭘﺎﻳﺘﻪﺧﺘﻰ ﺑﯧﻴﺠﯩﯖﺪﺍ ﺋﯧﭽﯩﻠﻤﺎﻗﺘﺎ. ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ 21 - ﺋﺎﯞﻏﯘﺳﺘﺘﯩﻜﻰ ﺧﻪﯞﯨﺮﯨﺪﻩ، ﻣﻪﺯﻛﯘﺭ ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺩﻭﻛﻼﺗﻼﺭ ﻫﻪﻗﻘﯩﺪﻩ ﺑﻪﺭﮔﻪﻥ ﻣﻪﻟﯘﻣﺎﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﯚﯞﻩﺗﺘﻪ ﭼﻮﺷﻘﺎ ﺯﯗﻛﺎﻣﻰ ﺋﺎﺗﺎﻟﻐﺎﻥ H1N1 ﺗﯩﭙﻠﯩﻖ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﯗﺳﻨﯩﯔ ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﺗﺎﺭﻗﯩﻠﯩﺶ ﯞﻩﺯﯨﻴﯩﺘﻰ ﻳﻪﻧﯩﻼ ﺟﯩﺪﺩﯨﻲ ﺑﻮﻟﻤﺎﻗﺘﺎ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﺑﯩﺮ ﻧﻪﭘﻪﺭ ﺋﻪﻣﻪﻟﺪﺍﺭﻯ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ ﺑﻪﺭﮔﻪﻥ ﺩﻭﻛﻼﺗﯩﺪﺍ، "ﺋﯩﻨﺴﺎﻧﻼﺭ ﺋﺎﻟﺪﯨﻤﯩﺰﺩﯨﻜﻰ ﺋﺎﻳﻼﺭﺩﺍ H1N1 ﺗﯩﭙﻠﯩﻖ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﯗﺳﻨﯩﯔ ﻳﻪﻧﻪ ﺑﯩﺮ ﻳﯘﻗﯩﺮﻯ ﺑﺎﺳﻘﯘﭼﻠﯘﻕ ﺗﺎﺭﻗﯩﻠﯩﺶ ﻣﻪﺯﮔﯩﻠﯩﻨﻰ ﻛﯜﺗﯜﯞﺍﻟﯩﺪﯗ، ﺷﯘ ﯞﻩﺟﯩﺪﯨﻦ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺩﯙﻟﻪﺗﻠﻪﺭ ﺋﯚﺯ ﺗﻪﯞﻩﻟﯩﻜﯩﺪﻩ ﭼﻮﺷﻘﺎ ﺯﯗﻛﺎﻣﯩﻨﯩﯔ ﺗﺎﺭﻗﯩﻠﯩﺸﻨﻰ ﺗﯩﺰﮔﯩﻨﻠﻪﺵ، ﺋﺎﻟﺪﯨﻨﻰ ﺋﯧﻠﯩﺶ ﺗﻪﻳﻴﺎﺭﻟﯩﻘﯩﻨﻰ ﺗﯧﺨﯩﻤﯘ ﺟﯩﺪﺩﯨﻲ ﺋﯧﻠﯩﭗ ﺑﯧﺮﯨﺸﻰ ﻛﯧﺮﻩﻙ " ﺩﻩﭖ ﺋﺎﮔﺎﻫﻼﻧﺪﯗﺭﯗﺵ ﺑﻪﺭﮔﻪﻥ.

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻛﯚﺭﺳﯩﺘﯩﺸﯩﮕﻪ ﻗﺎﺭﯨﻐﺎﻧﺪﺍ، ﻛﯧﻠﻪﺭﻛﻰ ﺑﯩﺮ ﻗﺎﻧﭽﻪ ﺋﺎﻳﺪﺍ ﺷﯩﻤﺎﻟﯩﻲ ﻳﯧﺮﯨﻢ ﺷﺎﺭ ﻗﯩﺶ ﭘﻪﺳﻠﯩﮕﻪ ﻛﯩﺮﯨﺪﯗ، ﻗﯩﺶ ﭘﻪﺳﻠﻰ ﺑﻮﻟﺴﺎ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﻭﺳﯩﻨﯩﯔ ﺋﻪﯓ ﺗﺎﺭﻗﯩﻠﯩﺸﭽﺎﻥ ﭘﻪﺳﻠﻰ ﻫﯧﺴﺎﺑﻠﯩﻨﯩﺪﯗ، ﺑﯘﻧﯩﯖﻐﺎ ﺋﻪﮔﯩﺸﯩﭗ ﭼﻮﺷﻘﺎ ﺯﯗﻛﺎﻣﯩﻨﯩﯔ ﺗﺎﺭﻗﯩﻠﯩﺸﯩﺪﺍ ﻳﻪﻧﻪ ﻳﯘﻗﯩﺮﻯ ﻳﯘﻗﯘﻡ ﺩﻭﻟﻘﯘﻧﻰ ﻛﯚﺗﯜﺭﯛﻟﯜﺷﻰ ﻣﯘﻗﻪﺭﺭﻩﺭ.

ﻧﯚﯞﻩﺗﺘﻪ ﻫﻪﺭ ﻗﺎﻳﺴﻰ ﺩﯙﻟﻪﺕ ﻫﻪﻡ ﺭﺍﻳﻮﻧﻼﺭ ﭼﻮﺷﻘﺎ ﺯﯗﻛﺎﻣﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ ﻗﺎﻧﺪﺍﻕ ﺋﻮﺧﺸﺎﺵ ﺑﻮﻟﻤﯩﻐﺎﻥ ﺗﻪﺩﺑﯩﺮﻟﻪﺭﻧﻰ ﻗﻮﻟﻠﯩﻨﯩﭗ ﻛﯧﻠﯩﯟﺍﺗﻘﺎﻧﻠﯩﻘﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ، ﺟﯩﺪﺩﯨﻲ ﻗﯘﺗﻘﯘﺯﯗﺵ، ﺋﺎﻟﺪﯨﻨﻰ ﺋﯧﻠﯩﺶ، ﺩﻭﺭﺍ -ﺋﻮﻛﯘﻝ،ﯞﺍﻛﺴﯩﻨﯩﺴﻰ، ﺳﻪﻫﯩﻴﻪ ﺋﻪﺳﻠﯩﻬﻪﻟﯩﺮﻯ ﺗﻪﻳﻴﺎﺭﻟﯩﻘﯩﻨﻰ ﺋﺎﻟﺪﯨﻦ ﺗﻮﻟﯘﻗﻼﺵ، ﺟﯩﺪﺩﯨﻲ ﺗﺎﺭﻗﯩﻠﯩﺶ ﯞﻩﺯﯨﺘﯩﻨﻰ ﺑﯩﺮ ﺗﻪﺭﻩﭖ ﻗﯩﻼﻻﻳﺪﯨﻐﺎﻥ ﺗﻪﻳﻴﺎﺭﻟﯩﻖ ﺑﻮﻟﯘﺷﻰ ﻛﯧﺮﻩﻙ ﺋﯩﻜﻪﻥ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺧﻪﯞﯨﺮﯨﺪﻩ ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﻏﻪﺭﺑﯩﻲ ﺗﯩﻨﭻ ﺋﻮﻛﻴﺎﻥ ﺭﺍﻳﻮﻧﻰ ﺑﯚﻟﯜﻣﻰ ﺑﺎﺷﻠﯩﻘﻰ ﺷﯧﻦ ﻳﯩﺸﯘﻧﯩﯔ ﺳﯚﺯﯨﻨﻰ ﻧﻪﻗﯩﻞ ﺋﯧﻠﯩﺸﯩﭽﻪ " ﺩﯗﻧﻴﺎ ﻣﯩﻘﻴﺎﺳﯩﺪﺍ ﭼﻮﺷﻘﺎ ﺯﯗﻛﺎﻣﻰ ﺗﺎﺭﻗﯩﻠﯩﭗ ﻫﺎﺯﯨﺮﻏﯩﭽﻪ ﺑﻮﻟﻐﺎﻥ ﺗﻪﺗﻘﯩﻘﺎﺕ ﻫﻪﻡ ﺗﻪﻛﺸﯜﺭﯛﺷﻠﻪﺭﮔﻪ ﺋﺎﺳﺎﺳﻼﻧﻐﺎﻧﺪﺍ، ﭼﻮﺷﻘﺎ ﺯﯗﻛﺎﻣﯩﻨﯩﯔ ﺗﺎﺭﻗﯩﻠﯩﺸﻰ ﺋﺎﻟﺪﯨﻤﯩﺰﺩﯨﻜﻰ ﺑﯩﺮ ﻗﺎﻧﭽﻪ ﺋﺎﻱ ﺋﯩﭽﯩﺪﻩ ﻳﻪﻧﯩﻤﯘ ﻛﻪﯓ ﺩﺍﺋﯩﺮﯨﺪﻩ ﻫﻪﻡ ﺟﯩﺪﺩﯨﻲ ﺑﻮﻟﯩﺪﯗ، ﺑﯘ ﺧﯩﻞ H1N1 ﺗﯩﭙﻠﯩﻖ ﻳﯘﻗﯘﻣﻠﯘﻕ ﺯﯗﻛﺎﻡ ﯞﯨﺮﯗﺳﻰ ﺑﯩﻠﻪﻥ ﻳﯘﻗﯘﻣﻠﯩﻨﯩﭗ ﺋﯚﻟﮕﯜﭼﯩﻠﻪﺭ ﺳﺎﻧﻰ ﺋﯚﺭﻟﻪﻳﺪﯗ، ﻫﻪﺭ ﻗﺎﻳﺴﻰ ﺩﯙﻟﻪﺕ ﻫﻪﻡ ﺭﺍﻳﻮﻧﻼﺭﺩﺍ ﺋﯩﻨﺴﺎﻧﻼﺭﻏﺎ ﻗﺎﺭﯨﺘﺎ ﻳﯘﻗﯘﻣﻠﯩﻨﯩﺸﻨﯩﯔ ﺋﺎﻟﺪﯨﻨﻰ ﺋﯧﻠﯩﺶ ﺗﻪﺭﺑﯩﻴﯩﺴﯩﻨﻰ ﻛﯜﭼﻪﻳﺘﯩﺶ، ﺗﯩﺒﺒﯩﻲ ﺟﻪﻫﻪﺗﺘﯩﻜﻰ ﺗﻪﻳﻴﺎﺭﻟﯩﻘﻨﻰ ﭘﯘﺧﺘﺎ ﺋﯩﺸﻠﻪﺵ، ﻛﯧﺴﯩﻠﻰ ﺋﯧﻐﯩﺮ ﻳﯘﻗﯘﻣﺪﺍﺭﻻﺭﻧﻰ ﻗﯘﺗﻘﯘﺯﯗﺵ ﻫﻪﻡ ﻗﻮﻏﺪﺍﺷﻨﻰ ﺟﯩﺪﺩﯨﻲ ﺋﯧﻠﯩﭗ ﺑﯧﺮﯨﺶ، ﺋﺎﺩﻩﻣﻠﻪﺭﻧﯩﯔ ﺑﯩﻬﯘﺩﻩ ﻛﯚﭖ ﺋﯚﻟﯜﺷﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﻘﺎ ﺗﻪﻳﻴﺎﺭﻟﯩﻖ ﻛﯚﺭﯛﺵ ﻛﯧﺮﻩﻙ."

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﺳﺘﺎﺗﺴﺘﯩﻜﯩﻠﯩﻖ ﺩﻭﻛﻼﺗﯩﻐﺎ ﻗﺎﺭﯨﻐﺎﻧﺪﺍ، ﺑﯘ ﻳﯩﻞ ﺋﺎﭘﺮﯨﻠﺪﯨﻦ ﺑﺎﺷﻼﭖ ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﭗ ﺋﯚﺗﻜﻪﻥ ﻫﻪﭘﺘﯩﻨﯩﯔ ﺋﺎﺧﯩﺮﯨﻐﺎ ﻗﻪﺩﻩﺭ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ،ﺩﯗﻧﻴﺎ ﻣﯩﻘﻴﺎﺳﯩﺪﺍ ﭼﻮﺷﻘﺎ ﺯﯗﻛﺎﻡ ﺑﯩﻠﻪﻥ ﺋﯚﻟﮕﻪﻥ ﺋﯩﻨﺴﺎﻧﻼﺭ 1800ﮔﻪ ﻳﻪﺗﻜﻪﻥ.

ﺧﯩﺘﺎﻳﻤﯘ ﺩﯗﻧﻴﺎﺩﺍ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﻯ ﺋﻪﯓ ﻛﯚﭖ ﻛﯚﺭﯛﻟﮕﻪﻥ ﺩﯙﻟﻪﺗﻠﻪﺭﻧﯩﯔ ﺑﯩﺮﻯ، ﻫﺎﺯﯨﺮﻏﺎ ﻗﻪﺩﻩﺭ ﺧﯩﺘﺎﻳﺪﺍ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻯ ﺩﻩﭖ ﺩﯨﺌﺎﮔﻨﻮﺯ ﻗﻮﻳﯘﻟﻐﺎﻧﻼﺭ 3000ﮔﻪ ﻳﻪﺗﻜﻪﻥ.

ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﺧﯩﺘﺎﻳﺪﺍ ﺗﯘﺭﯗﺷﻠﯘﻕ ﺑﺎﻳﺎﻧﺎﺗﭽﯩﺴﻰ ﺧﯩﺘﺎﻳﺪﯨﻜﻰ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻡ ﺋﻪﻫﯟﺍﻟﻰ ﻫﻪﻗﻘﯩﺪﻩ ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﻰ ﻣﯘﺧﺒﯩﺮﯨﻨﯩﯔ ﺯﯨﻴﺎﺭﯨﺘﯩﻨﻰ ﻗﻮﺑﯘﻝ ﻗﯩﻠﯩﭗ: "ﺧﯩﺘﺎﻳﺪﯨﻜﻰ ﭼﻮﺷﻘﺎ ﺯﯗﻛﺎﻡ ﻳﯘﻗﯘﻣﺪﺍﺭﻟﯩﺮﯨﻨﯩﯔ ﺳﺎﻥ ﺟﻪﻫﻪﺗﺘﯩﻜﻰ ﺋﯚﺭﻟﻪﺵ ﺋﻪﻫﯟﺍﻟﻰ ﺗﯘﺭﺍﻗﻠﯩﻖ ﻛﯧﺘﯩﭗ ﺑﺎﺭﯨﺪﯗ، ﺑﯘﻧﯩﯖﺪﯨﻦ ﺧﯩﺘﺎﻳﺪﺍ ﭼﻮﺷﻘﺎ ﺯﯗﯗﻛﯘﻣﯩﻨﯩﯔ ﺗﺎﺭﻗﯩﻠﯩﺸﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺗﻪﺩﺑﯩﺮﻟﯩﺮﯨﻨﯩﯔ ﻣﯘﯞﺍﭘﯩﻖ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﻛﯚﺭﯨﯜﯞﯦﻠﯩﺸﻘﺎ ﺑﻮﻟﯩﺪﯗ،" ﺩﯦﮕﻪﻥ.

ﺩﯗﻧﻴﺎﺩﯨﻜﻰ ﺋﯩﻨﺴﺎﻧﻼﺭ ﻧﻮﭘﯘﺳﯩﻨﯩﯔ ﺗﯚﺗﺘﯩﻦ ﺑﯩﺮﻯ ﻳﺎﺷﺎﯞﺍﺗﻘﺎﻥ ﻏﺎﻳﻪﺕ ﺯﻭﺭ ﻧﻮﭘﯘﺳﻠﯘﻕ ﺩﯙﻟﻪﺕ ﺧﯩﺘﺎﻳﻐﺎ ﻧﯩﺴﺒﻪﺗﻪﻥ ﺑﯘ ﻗﯧﺘﯩﻢ ﭼﻮﺷﻘﺎ ﺯﯗﻛﺎﻡ ﺗﺎﺭﻗﯩﻠﯩﺸﻰ ﺗﯧﺰ ﺗﻪﺳﯩﺮ ﻛﯚﺭﺳﻪﺗﺘﻰ، ﺧﻪﻟﻘﺌﺎﺭﺍﺩﺍ ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﭼﻮﺷﻘﺎ ﺯﯗﻛﯘﻣﯩﻨﯩﯔ ﺋﺎﻟﺪﯨﻨﻰ ﺋﯧﻠﯩﺸﺘﺎ، ﺋﯩﻠﮕﯩﺮﯨﻜﻰ ﻳﯘﻗﯘﻣﻠﯘﻕ ﻛﯧﺴﻪﻟﻠﯩﻜﻠﻪﺭ ﺗﺎﺭﻗﯩﻠﯩﺶ ﯞﻩﺯﯨﻴﯩﺘﯩﮕﻪ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﯩﺪﯨﻦ ﺟﯩﺪﺩﯨﻴﺮﻩﻙ ﺗﻪﺩﺑﯩﺮ ﺋﺎﻟﻐﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺧﯩﺘﺎﻳﻨﯩﯔ ﻗﻮﻟﻼﻧﻐﺎﻥ ﻳﯘﻗﯘﻣﺪﺍﺭﻻﺭﻧﻰ ﻛﻪﻣﺴﯩﺘﯩﺶ ﺧﺎﺭﺍﻛﺘﯧﺮﻟﯩﻚ، ﺋﯩﻨﺴﺎﻧﭙﻪﺭﯞﻩﺭﻟﯩﻜﺘﯩﻦ ﻫﺎﻟﻘﯩﻐﺎﻥ ﻗﺎﺗﺘﯩﻖ ﺗﻪﺩﺑﯩﺮﻟﯩﻚ ﻛﺎﺭﺍﻧﺘﯩﻦ ﻗﯩﻠﯩﺶ ﻫﻪﺭﯨﻜﻪﺗﻠﯩﺮﻯ ﺩﯗﻧﻴﺎﻧﯩﯔ ﺗﻪﻧﻘﯩﺪﯨﮕﻪ ﺋﯘﭼﺮﯨﺪﻯ ﻫﻪﻣﺪﻩ ﺧﯩﺘﺎﻳﻨﯩﯔ ﻳﯘﻗﯘﻣﺪﺍﺭ ﺋﯩﻨﺴﺎﻧﻼﺭﻧﻰ ﻗﯘﺗﻘﯘﺯﯗﺵ ﻫﻪﻡ ﺋﯘﻻﺭﻏﺎ ﻳﺎﺭﺩﻩﻡ ﻗﯩﻠﯩﺸﻨﻰ ﺑﯩﺮﯨﻨﭽﻰ ﺋﻮﺭﯗﻧﻐﺎ ﻗﻮﻳﯘﺷﻨﻰ ﺗﻪﺷﻪﺑﺒﯘﺱ ﻗﯩﻠﺪﻯ.

 ﺩﯗﻧﻴﺎ ﺳﻪﻫﯩﻴﻪ ﺗﻪﺷﻜﯩﻼﺗﻰ ﻳﯧﻘﯩﻨﺪﺍ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، ﺋﺎﻟﺪﯨﻤﯩﺰﺩﯨﻜﻰ ﺋﯩﻜﻜﻰ ﻳﯩﻞ ﺋﯩﭽﯩﺪﻩ ﺩﯗﻧﻴﺎ ﻣﯩﻘﻴﺎﺳﯩﺪﺍ ﺋﯩﻜﻜﻰ ﻣﯩﻠﻴﺎﺭﺩ ﺋﺎﺩﻩﻣﻨﯩﯔ ﻳﻪﻧﻰ ﺩﯗﻧﻴﺎ ﻧﻮﭘﯘﺳﯩﻨﯩﯔ ﺋﯜﭼﺘﯩﻦ ﺑﯩﺮﯨﻨﯩﯔ ﭼﻮﺷﻘﺎ ﺯﯗﻛﺎﻣﺪﯨﻦ ﻳﯘﻗﯘﻣﻠﯩﻨﯩﺶ ﺋﯧﻬﺘﯩﻤﺎﻟﻠﯩﻘﻰ ﺑﺎﺭﻟﯩﻘﯩﺪﯨﻦ ﺋﺎﮔﺎﻫﻼﻧﺪﯗﺭﻏﺎﻥ ﺋﯩﺪﻯ. ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﭼﻮﺷﻘﺎ ﺯﯗﻛﺎﻡ 170 ﺩﯙﻟﻪﺗﺘﻪ ﺗﺎﺭﺍﻟﻐﺎﻥ ﻳﯘﻗﯘﻣﺪﺍﺭﻻﺭ 182 ﻣﯩﯔ 166 ﻧﻪﭘﻪﺭﮔﻪ ﻳﻪﺗﻜﻪﻥ.

ﻫﻪﺭ ﺋﯧﻬﺘﯩﻤﺎﻟﻐﺎ ﻗﺎﺭﺷﻰ، ﻧﯚﯞﻩﺗﺘﻪ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺋﯩﺸﻠﻪﭘﭽﯩﻘﯩﺮﯨﻠﯩﺸﻘﺎ ﺑﺎﺷﻠﯩﺪﻯ، ﯞﺍﻛﺴﯩﻨﯩﻨﯩﯔ ﻣﯘﺳﺒﻪﺕ ﺋﯜﻧﯜﻡ ﻫﺎﺳﯩﻞ ﻗﯩﻠﯩﺸﻰ ﺑﯩﻠﻪﻥ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﺋﯩﻨﺴﺎﻧﻼﺭﺩﺍ ﺋﯜﻣﯩﺪ ﭘﻪﻳﺪﺍ ﺑﻮﻟﺪﻯ ﻫﻪﻡ ﺋﯩﻠﮕﯩﺮﯨﻜﻰ ﭼﻮﺷﻘﺎ ﺯﯗﻛﺎﻡ ﭘﻪﻳﺪﺍ ﻗﯩﻠﻐﺎﻥ ﯞﻩﻫﯩﻤﻪ ﺋﺎﺟﯩﺰﻟﯩﺪﻯ. ﺋﺎﻣﯧﺮﯨﻜﯩﻨﯩﯔ ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﺋﯧﻠﯩﭗ ﺑﺎﺭﻏﺎﻥ ﻛﯩﻠﯩﻨﯩﻜﯩﻠﯩﻖ ﺗﻪﺟﯩﺮﯨﺒﯩﺴﻰ ﻏﻪﻟﯩﺒﯩﻠﯩﻚ ﺑﻮﻟﺪﻯ. ﻧﯚﯞﻩﺗﺘﻪ 6 ﺋﺎﻳﻠﯩﻘﺘﯩﻦ ﻳﯘﻗﯩﺮﻯ 17 ﻳﺎﺷﺘﯩﻦ ﺗﯚﯞﻩﻥ ﺑﺎﻟﯩﻼﺭﻏﺎ ﺋﯩﻜﻜﻰ ﻗﯧﺘﯩﻤﺪﯨﻦ ﯞﻩ ﻳﻪﻧﻪ ﻫﺎﻣﯩﻠﺪﺍﺭﻻﺭﻏﺎ ﺋﺎﯞﺍﻝ ﯞﺍﻛﺴﯩﻨﺎ ﻳﻪﺗﻜﯜﺯﯛﺵ ﺋﯧﻠﯩﭗ ﺑﯧﺮﯨﻠﯩﺶ ﺋﺎﻟﺪﯨﺪﺍ ﺗﯘﺭﯨﺪﯗ.

ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﻛﯧﻠﻪﺭ ﺋﺎﻳﺪﺍ ﻛﻪﯓ ﻛﯚﻟﻪﻣﻠﯩﻚ ﯞﺍﻛﺴﯩﻨﺎ ﺋﻪﻣﻠﻪﺵ ﺋﯧﻠﯩﭗ ﺑﺎﺭﯨﺪﯨﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﺪﻯ. ﺋﻪﻣﻤﺎ ﺳﻪﻫﯩﻴﻪ ﺗﻪﺷﻜﯩﻼﺗﯩﻨﯩﯔ ﻛﯚﺭﺳﯩﺘﯩﺸﯩﭽﻪ، ﭼﻮﺷﻘﺎ ﺯﯗﻛﺎﻣﯩﻐﺎ ﻗﺎﺭﺷﻰ ﯞﺍﻛﺴﯩﻨﺎ ﺗﻪﻳﻴﺎﺭﻻﺷﻘﺎ ﺋﯘﺯﯗﻥ ﯞﺍﻗﯩﺖ ﻛﻪﺗﻜﻪﻧﻠﯩﻜﻰ ﻫﻪﻣﺪﻩ ﺑﯘ ﺟﻪﺭﻳﺎﻧﺪﺍ ﺗﺎﺭﻗﯩﻠﯩﺶ ﺳﯜﺭﺋﯩﺘﻰ ﺟﯩﺪﺩﯨﻲ ﺑﻮﻟﯘﭖ ﻛﻪﻟﮕﻪﻧﻠﯩﻜﻰ ﺋﯜﭼﯜﻥ ﻗﯩﺴﻘﺎ ﯞﺍﻗﯩﺘﺘﺎ ﺑﺎﺭﻟﯩﻖ ﺟﺎﻳﻼﺭﻏﺎ ﯞﺍﻛﺴﯩﻨﺎ ﻳﻪﺗﻜﯜﺯﯛﺵ ﺭﯨﻘﺎﺑﻪﺗﻜﻪ ﺋﯘﭼﺮﯨﻤﺎﻗﺘﺎ.