ﺩﻭﻛﻼﺗﺘﺎ، ﺧﯩﺘﺎﻳﺪﺍ ﺗﯧﺮﯨﻠﻐﯘ ﻳﻪﺭ، ﺳﯘ ﯞﻩ ﻳﺎﻏﺎﭺ ﻗﺎﺗﺎﺭﻟﯩﻖ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﯩﯔ ﺧﻮﺭﺍﺵ ﻧﯩﺴﺒﯩﺘﯩﻨﯩﯔ ﺩﻩﺭﯨﺠﯩﺪﯨﻦ ﺗﺎﺷﻘﯩﺮﻯ ﻳﯘﻗﯩﺮﻯ ﺋﯩﻜﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ ﺑﻮﻟﯘﭖ، ﺭﻭﻳﺘﯧﺮﺳﺘﺎ ﻣﻪﺯﻛﯘﺭ ﺩﻭﻛﻼﺗﺘﯩﻦ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﻠﯩﺸﯩﭽﻪ، ﺧﯩﺘﺎﻳﺪﺍ ﻳﯘﻗﯩﺮﯨﺪﺍ ﺗﯩﻠﻐﺎ ﺋﯧﻠﯩﻨﻐﺎﻥ ﺑﺎﻳﻠﯩﻘﻼﺭﻧﯩﯔ ﺋﯩﺴﺘﯧﻤﺎﻝ ﻗﯩﻠﯩﻨﯩﺶ ﻧﯩﺴﺒﯩﺘﻰ ﺑﯘ ﺑﺎﻳﻠﯩﻘﻼﺭﻧﯩﯔ ﺗﻪﺑﯩﺌﯩﻲ ﻫﺎﻟﺪﺍ ﺋﻪﺳﻠﯩﮕﻪ ﻛﯧﻠﯩﺶ ﺩﻩﺭﯨﺠﯩﺴﯩﺪﯨﻦ ﺋﯩﻜﻜﻰ ﻫﻪﺳﺴﻪ ﺗﯩﺰ ﺑﻮﻟﯘﭖ ﻛﻪﺗﻜﻪﻥ.

ﺧﯩﺘﺎﻱ ﻫﺎﺯﯨﺮ ﺳﺎﺩﯨﺮ ﻗﯩﻠﻐﺎﻥ ﺧﺎﺗﺎﻟﯩﻘﻼﺭﻧﻰ ﺗﯜﺯﯨﺘﯩﺸﺘﻪ ﭘﻪﻗﻪﺕ ﻛﻪﻟﮕﯜﺳﯩﺪﯨﻜﻰ 20 ﻳﯩﻠﻰ ﺋﯩﻨﺘﺎﻳﯩﻦ ﺋﻪﺟﻪﻟﻠﯩﻚ

ﺧﻪﯞﻩﺭﺩﻩ ﻧﻪﻗﯩﻞ ﺋﯧﻠﯩﭗ ﻛﯚﺭﺳﯩﺘﯩﺸﯩﭽﻪ، ﺩﻭﻛﻼﺗﺘﺎ ﺧﯩﺘﺎﻳﺪﺍ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﯩﯔ ﺋﯩﺴﺘﯧﻤﺎﻝ ﻗﯩﻠﯩﻨﯩﺶ ﺩﻩﺭﯨﺠﯩﺴﻰ ﺑﯘ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﻨﯩﯔ ﺗﻪﺑﯩﺌﯩﻲ ﻗﺎﻧﯘﻧﯩﻴﻪﺕ ﺑﻮﻳﯩﭽﻪ ﻳﯧﯖﯩﻠﯩﻨﯩﺶ ﺩﻩﺭﯨﺠﯩﺴﯩﺪﯨﻦ ﺋﯧﺸﯩﭗ ﻛﻪﺗﻜﻪﻧﻠﯩﻜﻰ ﺳﻪﯞﻩﺑﯩﺪﯨﻦ، ﻫﺎﺯﯨﺮ ﺑﯩﺨﻠﯩﻨﯩﺶ ﻫﺎﻟﯩﺘﯩﺪﻩ ﺗﯘﺭﻏﺎﻥ ﺧﯩﺘﺎﻱ ﺋﯩﻘﺘﯩﺴﺎﺩﻯ ﻫﻪﻣﺪﻩ ﺗﯩﺰﺩﯨﻦ ﺋﯚﺳﯜﯞﺍﺗﻘﺎﻥ ﻧﻮﭘﯘﺳﯩﻨﻰ ﺗﺎﻳﯩﻨﯩﺪﯨﻐﺎﻥ ﻣﯘﻗﯩﻢ ﻫﺎﻳﺎﺗﻠﯩﻖ ﻣﻪﻧﺒﻪﺳﻰ ﺑﯩﻠﻪﻥ ﺗﻪﻣﯩﻦ ﺋﯧﺘﯩﺸﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺶ ﺋﯜﭼﯜﻥ، ﺧﯩﺘﺎﻱ ﻫﺎﺯﯨﺮ ﺳﺎﺩﯨﺮ ﻗﯩﻠﻐﺎﻥ ﺧﺎﺗﺎﻟﯩﻘﻼﺭﻧﻰ ﺗﯜﺯﯨﺘﯩﺸﺘﻪ ﭘﻪﻗﻪﺕ ﻛﻪﻟﮕﯜﺳﯩﺪﯨﻜﻰ 20 ﻳﯩﻠﻰ ﺋﯩﻨﺘﺎﻳﯩﻦ ﺋﻪﺟﻪﻟﻠﯩﻚ ﺩﻩﭖ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

1961 ‏ - ﻳﯩﻠﯩﺪﯨﻦ ﺑﯘﻳﺎﻥ ﺧﯩﺘﺎﻳﺪﺍ ﺳﯘ ﯞﻩ ﻳﻪﺭ ﺋﯩﺸﻠﯩﺘﯩﺶ ﻧﯩﺴﺒﯩﺘﻰ ﺋﯩﻜﻜﻰ ﻫﻪﺳﺴﻪ ﺋﺎﺷﻘﺎﻥ

ﻣﻪﻟﯘﻡ ﺑﻮﻟﯘﺷﯩﭽﻪ، ﺧﯩﺘﺎﻳﺪﺍ ﻫﺎﺯﯨﺮ ﻣﻪﯞﺟﯘﺕ ﻧﻮﭘﯘﺳﯩﻨﯩﯔ ﺳﯘ ﯞﻩ ﻳﻪﺭ ﺋﯩﺸﻠﯩﺘﯩﺶ ﻧﯩﺴﺒﯩﺘﻰ ﺑﯘﻳﯩﭽﻪ ﻫﯧﺴﺎﺑﻠﯩﻐﺎﻧﺪﺍ،ﺧﯩﺘﺎﻳﺪﺍ ﻫﻪﺭ ﺑﯩﺮ ﺋﺎﺩﻩﻡ 1.6 ﮔﯧﻜﺘﺎﺭ ﺯﯦﻤﯩﻨﺪﯨﻜﻰ ﺑﺎﻳﻠﯩﻘﺘﯩﻦ ﭘﺎﻳﺪﯨﻠﯩﻨﯩﭗ ﻫﺎﻳﺎﺕ ﻛﻪﭼﯜﺭﯨﺪﯨﻐﺎﻥ ﺑﻮﻟﯘﭖ، ﮔﻪﺭﭼﻪ ﺑﯘ 2.2 ﮔﯧﻜﺘﺎﺭﻟﯩﻖ ﺧﻪﻟﻘﺌﺎﺭﺍﻟﯩﻖ ﺋﻮﺗﺘﯘﺭﯨﭽﻪ ﺋﯚﻟﭽﻪﻣﺪﯨﻦ ﻫﺎﺯﯨﺮﭼﻪ ﺗﯚﯞﻩﻥ ﺑﻮﻟﺴﯩﻤﯘ، ﺋﻪﻣﻤﺎ ﺑﯘ ﻧﯩﺴﺒﻪﺕ 1961 - ﻳﯩﻠﯩﺪﯨﻜﯩﺪﯨﻦ ﺋﯩﻜﻜﻰ ﻫﻪﺳﺴﻪ ﺋﺎﺷﻘﺎﻥ.

ﺭﻭﻳﺘﯧﺮﺳﺘﺎ ﺑﯘ ﻫﻪﻗﺘﻪ ﻣﯩﺴﺎﻝ ﻗﯩﻠﯩﻨﻐﺎﻥ ﺋﺎﻧﺎﻟﯩﺰﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﺋﻪﮔﻪﺭ ﺧﯩﺘﺎﻱ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﻰ ﯞﻩ ﻫﺎﻳﺎﺕ ﻛﻪﭼﯜﺭﯛﺷﺘﻪ ﺳﻪﺭﭖ ﻗﯩﻠﯩﻨﯩﺪﯨﻐﺎﻥ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﺋﯩﺸﻠﯩﺘﯩﺶ ﺩﻩﺭﯨﺠﯩﺴﯩﻨﻰ ﻣﯘﺷﯘ ﺧﯩﻞ ﺗﯧﺰﻟﯩﻚ ﯞﻩ ﻧﯩﺴﺒﻪﺗﻨﻰ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ ﺋﯩﻜﻜﻰ ﺧﯩﻞ ﺗﺎﻟﻼﺷﻘﺎ ﻳﻪﻧﻰ، ﺑﯩﺮ ﺑﻮﻟﺴﺎ، ﺋﺎﺩﻩﻡ ﻳﺎﺷﺎﺷﻘﺎ ﻣﺎﺱ ﻳﻪﺭ ﯞﻩ ﺳﯘ ﻛﯚﻟﯩﻤﯩﻨﻰ ﺑﯩﺮ ﻫﻪﺳﺴﻪ ﺋﺎﺷﯘﺭﯗﺵ، ﺑﯩﺮ ﺑﻮﻟﺴﺎ ﺧﯩﺘﺎﻳﺪﺍ ﻣﻪﯞﺟﯘﺕ ﺑﻮﻟﻐﺎﻥ ﺑﺎﻳﻠﯩﻘﺘﯩﻦ ﭘﺎﻳﺪﯨﻠﯩﻨﯩﺶ ﻧﯩﺴﺒﯩﺘﯩﻨﻰ ﺑﯩﺮ ﻫﻪﺳﺴﻪ ﻛﯧﻤﻪﻳﺘﯩﭗ 0.8 ﮔﯧﻜﺘﺎﺭﻟﯩﻖ ﭼﻪﻛﻜﻪ ﭼﯜﺷﯜﺭﯛﺷﻜﻪ ﺩﯗﭺ ﻛﯧﻠﯩﺪﯨﻜﻪﻥ.

"ﺋﯩﻨﺴﺎﻧﻼﺭ ﻫﺎﻳﺎﺕ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ ﻳﻪﺭ ﺷﺎﺭﯨﻐﺎ ﺋﻮﺧﺸﺎﺵ ﻳﻪﻧﻪ ﺑﯩﺮ ﭘﻼﻧﯧﺘﻘﺎ ﺋﯧﻬﺘﯩﻴﺎﺟﻠﯩﻖ ﺑﻮﻟﯩﺪﯗ"

ﺗﻪﺑﯩﺌﻪﺗﻨﻰ ﻗﻮﻏﺪﺍﺵ ﺧﻪﻟﻘﺌﺎﺭﺍ ﻓﻮﻧﺪﻯ ﺟﻪﻣﺌﯩﻴﯩﺘﻰ 10 - ﺋﯩﻴﯘﻥ ﺋﯧﻼﻥ ﻗﯩﻠﻤﺎﻗﭽﻰ ﺑﻮﻟﻐﺎﻥ "ﺧﯩﺘﺎﻱ: ﺋﺎﺩﻩﻡ ﻳﺎﺷﺎﺷﻘﺎ ﺑﺎﭖ ﻛﯧﻠﯩﺪﯨﻐﺎﻥ ﺯﯦﻤﯩﻦ ﯞﻩ ﺋﯩﻨﺴﺎﻧﻼﺭ ﭘﺎﺭﺍﯞﺍﻧﻠﯩﻘﻰ" ﻧﺎﻣﻠﯩﻖ ﺩﻭﻛﻼﺗﻨﯩﯔ ﺋﺎﺳﺎﺳﯩﻲ ﻣﻪﺯﻣﯘﻧﻠﯩﺮﻯ ﺭﻭﻳﺘﯧﺮﺱ ﺋﺎﮔﯧﻨﺘﻠﯩﻘﯩﺪﺍ ﺧﻪﯞﻩﺭ ﻗﯩﻠﯩﻨﻐﺎﻥ ﺑﻮﻟﯘﭖ، ﺑﯘ ﻫﻪﻗﺘﯩﻜﻰ ﺧﻪﯞﻩﺭﺩﻩ ﺑﯩﻠﺪﯛﺭﯛﻟﯩﺸﯩﭽﻪ، ﺩﻭﻛﻼﺗﺘﺎ، ﺋﻪﮔﻪﺭ ﺩﯗﻧﻴﺎ ﺑﺎﻳﻠﯩﻖ ﻣﻪﻧﺒﻪﻟﯩﺮﯨﺪﯨﻦ ﭘﺎﻳﺪﯨﻠﯩﻨﯩﺶ ﻫﻪﻣﺪﻩ ﻗﺎﻟﺪﯗﻕ ﺋﻪﺧﻠﻪﺗﻠﻪﺭﻧﻰ ﺗﺎﺷﻼﺵ ﻧﯩﺴﺒﯩﺘﯩﻨﻰ ﻫﺎﺯﯨﺮﻗﻰ ﻗﻪﺩﻩﻣﺪﻩ ﺩﺍﯞﺍﻣﻼﺷﺘﯘﺭﯨﺪﯨﻐﺎﻥ ﺑﻮﻟﺴﺎ، 2050 ﻳﯩﻠﯩﻐﺎ ﺑﺎﺭﻏﺎﻧﺪﺍ ﺋﯩﻨﺴﺎﻧﻼﺭ ﻫﺎﻳﺎﺕ ﺳﺎﻗﻼﭖ ﻗﯧﻠﯩﺶ ﺋﯜﭼﯜﻥ ﻳﻪﺭﺷﺎﺭﯨﻐﺎ ﺋﻮﺧﺸﺎﺵ ﻳﻪﻧﻪ ﺑﯩﺮ ﭘﻼﻧﯧﺘﻘﺎ ﺋﯧﻬﺘﯩﻴﺎﺟﻠﯩﻖ ﺑﻮﻟﯩﺪﯗ ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﺎﯞﺳﺘﺮﺍﻟﯩﻴﯩﺪﻩ ﭼﯩﻘﯩﺪﯨﻐﺎﻥ ﺋﯧﺮﺍ ﻳﻪﻧﻰ (TheAge) ﺗﻮﺭﯨﺪﺍ ﻣﻪﺯﻛﯘﺭ ﺩﻭﻛﻼﺕ ﺗﻮﻧﯘﺷﺘﯘﺭﯗﻟﯘﭖ ﺋﯧﻼﻥ ﻗﯩﻠﯩﻨﻐﺎﻥ ﻣﺎﻗﺎﻟﯩﺪﻩ ﻛﯚﺭﺳﯩﺘﯩﺸﯩﭽﻪ، ﺧﯩﺘﺎﻱ ﻫﺎﺯﯨﺮ ﺩﯗﻧﻴﺎﺩﯨﻜﻰ ﺑﺎﺭﻟﯩﻖ ﺋﯧﻜﻮﻟﻮﮔﯩﻴﯩﻠﯩﻚ ﺑﺎﻳﻠﯩﻖ ﺋﯩﻘﺘﯩﺪﺍﺭﯨﻨﯩﯔ 15 ﭘﯩﺮﺳﻪﻧﺘﯩﻨﻰ ﺋﯩﺴﺘﯧﻤﺎﻝ ﻗﯩﻠﯩﺪﯨﻐﺎﻥ ﺑﻮﻟﯘﭖ، ﺧﯩﺘﺎﻳﺪﯨﻜﻰ ﺳﺎﻧﺎﺋﻪﺗﻠﯩﺸﯩﺶ ﻳﻪﻧﻪ ﺩﯗﻧﻴﺎﺩﺍ ﻧﯧﻔﯩﺖ ﺑﯩﻠﻪﻥ ﺗﻪﻣﯩﻨﻠﻪﺵ ﺋﯧﻬﺘﯩﻴﺎﺟﯩﻨﯩﻤﯘ ﺋﺎﺷﯘﺭﯗﯞﻩﺗﻜﻪﻥ.

ﺩﻭﻛﻼﺗﻨﯩﯔ ﺋﺎﺧﯩﺮﯨﺪﺍ، ﺧﯩﺘﺎﻳﺪﯨﻜﻰ ﺗﻪﺑﯩﺌﯩﻲ ﺑﺎﻳﻠﯩﻘﻼﺭﻧﻰ ﺧﻮﺭﯨﺘﯩﺶ ﻣﻪﺳﯩﻠﯩﺴﯩﮕﻪ ﺗﺎﻗﺎﺑﯩﻞ ﺗﯘﺭﯗﺷﺘﺎ ﺑﯩﺮ ﻧﻪﭼﭽﻪ ﺧﯩﻞ ﺋﯩﺴﺘﺮﺍﺗﯧﮕﯩﻴﯩﻠﯩﻚ ﺗﻪﻛﻠﯩﭗ ﺑﯧﺮﯨﻠﮕﻪﻥ ﺑﻮﻟﯘﭖ، ﺑﯘﻧﯩﯖﺪﺍ ﭘﺎﻛﯩﺰ ﺋﯧﻨﯧﺮﮔﯩﻴﻪ ﺗﯧﺨﻨﻮﻟﻮﮔﯩﻴﯩﺴﯩﮕﻪ ﻣﻪﺑﻠﻪﻍ ﺳﯧﻠﯩﺶ، ﺋﯩﺨﭽﺎﻡ ﺷﻪﻫﻪﺭ ﺗﻪﺭﻩﻗﻘﯩﻴﺎﺗﯩﻐﺎ ﻳﯜﺯﻟﯩﻨﯩﺶ، ﺷﻪﺧﺴﻠﻪﺭﻣﯘ ﺋﯚﺯ ﺋﺎﻟﺪﯨﻐﺎ ﻣﻪﺳﺌﯘﻟﯩﻴﻪﺕ ﺗﯘﻳﻐﯘﺳﻰ ﻳﯧﺘﯩﻠﺪﯛﺭﯛﺵ، ﻳﻮﺷﯘﺭﯗﻥ ﺋﯩﺴﺮﺍﭖ ﻗﯩﻠﯩﺸﺘﯩﻦ ﺳﺎﻗﻠﯩﻨﯩﺶ، ﻳﻪﺭ ﺑﺎﺷﻘﯘﺭﯗﺷﻨﻰ ﻛﯜﭼﻪﻳﺘﯩﺶ، ﺋﯜﻧﯜﻣﺪﺍﺭﻟﯩﻘﻨﻰ ﺋﯩﻠﮕﯩﺮﻯ ﺳﯜﺭﯛﺵ ﯞﻩ ﻛﺎﺭﺑﻮﻥ ﮔﺎﺯﯨﻨﻰ ﻗﻮﻳﯘﭖ ﺑﯧﺮﯨﺸﻨﻰ ﻛﯧﻤﻪﻳﺘﯩﺶ ﻗﺎﺗﺎﺭﻟﯩﻘﻼﺭ ﺋﺎﺳﺎﺳﻰ ﺋﻮﺭﯗﻧﺪﺍ ﺗﯘﺭﯨﺪﯗ.