ﺑﯘ ﺋﻪﺳﻪﺭﻧﻰ ﻛﯚﺭﮔﻪﻥ ﻳﺎﯞﺭﯗﭘﺎ ﺷﻪﺭﻗﯩﻲ ﺗﯜﺭﻛﯩﺴﺘﺎﻥ ﺑﯩﺮﻟﯩﻜﻰ ﺗﻪﺷﻜﯩﻼﺗﯩﻨﯩﯔ ﻣﯘﺋﺎﯞﯨﻦ ﺭﻩﺋﯩﺴﻰ ﺗﯘﺭﺳﯘﻥ ﺋﻪﭘﻪﻧﺪﻯ، ﺧﯩﺘﺎﻳﺪﯨﻜﻰ ﺋﯚﺯﮔﯩﺮﯨﺸﻨﯩﯔ ﺋﻪﻣﻪﻟﮕﻪ ﺋﺎﺷﻤﺎﻳﺪﯨﻐﺎﻥ ﻣﻪﺳﯩﻠﻪ ﺋﻪﻣﻪﺱ، ﺑﻪﻟﻜﻰ ﭘﻪﻗﻪﺗﻼ ﯞﺍﻗﯩﺖ ﻣﻪﺳﯩﻠﯩﺴﻰ ﺋﯩﻜﻪﻧﻠﯩﻜﯩﻨﻰ ﺋﻪﺳﻜﻪﺭﺗﺘﻰ.

ﻣﻪﻣﻠﯩﻜﻪﺕ ﺧﺎﺭﺍﻛﺘﯧﺮﻟﯩﻚ ﺋﻮﻣﯘﻣﻰ ﺗﻮﭘﯩﻼﯓ

ﻛﺎﻟﺒﯧﺮﯨﺲ ﺋﻪﭘﻪﻧﺪﻯ ﺳﯚﺯﯨﺪﻩ، 2008 - ﻳﯩﻠﺪﯨﻦ ﻛﯧﻴﯩﻦ ﺧﯩﺘﺎﻳﺪﺍ ﻳﻪﺭﻟﯩﻜﻠﻪﺭﻧﯩﯔ ﻗﺎﺭﺷﯩﻠﯩﻖ ﻫﻪﺭﯨﻜﻪﺗﻠﯩﺮﯨﻨﯩﯔ ﺋﯜﺯﻟﯜﻛﺴﯩﺰ ﺑﺎﺵ ﻛﯚﺗﯜﺭﯨﺪﯨﻐﺎﻧﻠﯩﻘﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﯘﭖ ﻣﯘﻧﺪﺍﻕ ﺩﻩﻳﺪﯗ: "ﺧﯩﺘﺎﻳﺪﯨﻜﻰ ﻳﯧﺰﯨﻠﯩﻘﻼﺭ ﺑﯩﻠﻪﻥ ﺷﻪﻫﻪﺭﻟﯩﻜﻠﻪﺭﻧﯩﯔ ﺗﯘﺭﻣﯘﺵ ﺳﻪﯞﯨﻴﯩﺴﯩﺪﯨﻜﻰ ﭘﻪﺭﻗﻨﯩﯔ ﺋﺎﺭﺗﯩﭗ ﺑﯧﺮﯨﺸﻰ ﯞﻩ ﺗﯘﺭﻣﯘﺵ ﺷﺎﺭﺍﺋﯩﺘﻠﯩﺮﯨﺪﯨﻜﻰ ﺋﺎﺩﺍﻟﻪﺗﺴﯩﺰﻟﯩﻜﻠﻪﺭ، ﻫﯚﻛﯜﻣﻪﺗﻨﯩﯔ ﭼﯩﺮﯨﻜﻠﯩﻜﻰ، ﻣﯘﻫﯩﺖ ﺑﯘﻟﻐﯩﻨﯩﺸﻰ ﺗﯜﭘﻪﻳﻠﻰ ﭘﻪﻳﺪﺍ ﺑﻮﻟﯩﺪﯨﻐﺎﻥ ﻛﯧﺴﻪﻟﻠﯩﻜﻠﻪﺭ ﺳﺎﻧﯩﻨﯩﯔ ﻫﻪﺳﺴﯩﻠﻪﭖ ﺋﺎﺭﺗﯩﭗ ﺑﯧﺮﯨﺸﻰ 2008 - ﻳﯩﻠﺪﯨﻦ ﻛﯧﻴﯩﻦ ﺧﯩﺘﺎﻳﺪﺍ ﺋﺎﻟﺪﯨﻨﻰ ﺋﺎﻟﻐﯘﺳﯩﺰ ﺯﻭﺭ ﻗﺎﺭﺷﯩﻠﯩﻘﻼﺭﻧﻰ ﻣﻪﻳﺪﺍﻧﻐﺎ ﻛﻪﻟﺘﯜﺭﯨﺪﯗ. 2015 - ﻳﯩﻠﯩﻐﺎ ﻳﻪﺗﻜﻪﻧﺪﻩ، ﺑﯘ ﺧﯩﻞ ﻗﺎﺭﺷﯩﻠﯩﻘﻼﺭ ﻣﻪﻣﻠﯩﻜﻪﺕ ﺧﺎﺭﺍﻛﺘﯧﺮﻟﯩﻚ ﺋﻮﻣﯘﻣﻰ ﺧﻪﻟﻖ ﺗﻮﭘﯩﻠﯩﯖﯩﻐﺎ ﺋﺎﻳﻠﯩﻨﯩﺸﻘﺎ ﺑﺎﺷﻼﻳﺪﯗ."

ﻛﺎﻟﺒﯧﺮﯨﺲ ﺋﻪﭘﻪﻧﺪﻯ ﻳﻪﻧﻪ، ﺧﯩﺘﺎﻳﻨﯩﯔ ﺋﯘﭼﻘﺎﻧﺪﻩﻙ ﺋﯩﻠﮕﯩﺮﯨﻠﻪﯞﺍﺗﻘﺎﻥ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﻰ ﭘﻪﻳﺪﺍ ﻗﯩﻠﯩﺪﯨﻐﺎﻥ ﭘﺎﺟﯩﺌﻪﻟﻪﺭ ﻫﻪﻗﻘﯩﺪﻩ ﺗﻮﺧﺘﯩﻠﯩﭗ: "ﭼﻪﻛﻠﯩﻤﯩﺴﯩﺰ ﺋﯧﺸﯩﯟﺍﺗﻘﺎﻥ ﺋﯩﻘﺘﯩﺴﺎﺩﻯ ﻛﯧﺮﯨﻢ ﻣﯩﻠﻴﻮﻧﻠﯩﻐﺎﻥ ﺋﯩﻨﺴﺎﻧﻼﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺪﯗ. ﺧﯩﺘﺎﻳﺪﯨﻜﻰ ﺋﯩﻘﺘﯩﺴﺎﺩﻯ ﺷﻪﺭﻩﭖ ﺑﯩﻠﻪﻥ ﺋﯩﺠﺘﯩﻤﺎﺋﯩﻲ ﭘﺎﺭﺍﯞﺍﻧﻠﯩﻖ ﻧﻪﺯﻩﺭﯨﻴﯩﺴﻰ ﺟﻪﻣﺌﯩﻴﻪﺕ ﺋﺎﺩﺍﻟﻪﺗﺴﯩﺰﻟﯩﻜﻰ ﺑﯩﻠﻪﻥ ﺟﻪﻣﺌﯩﻴﻪﺗﻜﻪ ﺑﻮﻟﻐﺎﻥ ﺑﯘﺯﻏﯘﻧﭽﯩﻠﯩﻖ ﻛﯧﻠﯩﻤﺎﺗﯩﻨﯩﯔ ﺋﺎﻟﺪﯨﻨﻰ ﺋﺎﻻﻟﻤﺎﻳﺪﯗ. ﺧﯩﺘﺎﻳﺪﺍ ﺋﯩﻘﺘﯩﺴﺎﺩﻯ ﻛﯧﺮﯨﻢ ﻣﻪﻳﻠﻰ ﻗﺎﻧﭽﯩﻠﯩﻚ ﺋﺎﺷﻤﯩﺴﯘﻥ، ﺋﯘ ﺋﯩﻨﺴﺎﻧﻼﺭ ﯞﻩ ﺗﻪﺑﯩﺌﯩﻲ ﻣﯘﻫﯩﺘﻘﺎ ﺑﻮﻟﻐﺎﻥ ﻏﺎﻳﻪﺕ ﺯﻭﺭ ﺯﯨﻴﺎﻧﻜﻪﺷﻠﯩﻜﻜﻪ ﺋﺎﺭﺍ ﺗﯘﺭﺍﻟﻤﺎﻳﺪﯗ" ﺩﻩﻳﺪﯗ.

"ﺧﯩﺘﺎﻳﺪﺍ 2016 - ﻳﯩﻠﻰ ﺗﯘﻧﺠﻰ ﻗﯧﺘﯩﻢ ﺋﻪﺭﻛﯩﻦ ﺳﺎﻳﻼﻡ ﺋﯧﻠﯩﭗ ﺑﯧﺮﯨﻠﯩﺪﯗ "

2030 - ﻳﯩﻠﯩﺪﯨﻦ ﺋﯩﻠﮕﯩﺮﯨﻜﻰ ﺧﯩﺘﺎﻳﻨﯩﯔ ﺗﻪﺭﻩﻗﻘﯩﻴﺎﺕ ﻣﻪﻧﺰﯨﺮﯨﺴﻰ ﺗﻮﻏﺮﯨﺴﯩﺪﺍ ﺋﯩﻠﻤﯩﻲ ﻗﯩﻴﺎﺳﻠﯩﺮﯨﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﻛﺎﻟﺒﯧﺮﯨﺲ ﺋﻪﭘﻪﻧﺪﻯ، "2017 - ﻳﯩﻠﻰ ﺧﯩﺘﺎﻳﺪﺍ ﺗﻮﭘﯩﻼﯓ ﻳﯜﺯ ﺑﯧﺮﯨﺪﯗ" ﻧﺎﻣﻠﯩﻖ ﺋﻪﺳﯩﺮﯨﺪﻩ، ﺧﯩﺘﺎﻳﺪﯨﻜﻰ ﺋﯩﺠﺎﺑﯩﻲ ﯞﻩ ﺳﻪﻟﺒﯩﻲ ﺗﻪﺭﻩﻗﻘﯩﻴﺎﺕ ﺗﻮﻏﺮﯨﺴﯩﺪﺍ ﺋﻪﺗﺮﺍﭘﻠﯩﻖ ﺗﻮﺧﺘﯩﻠﯩﭗ ﺋﯚﺗﻜﻪﻥ. ﺋﯘ ﺧﯩﺘﺎﻱ ﺗﻪﺭﻩﻗﻘﯩﻴﺎﺗﯩﻨﯩﯔ ﺋﯩﺠﺎﺑﯩﻲ ﺗﻪﺭﻩﭘﻠﯩﺮﯨﻨﻰ ﺗﯩﻠﻐﺎ ﺋﺎﻟﻐﺎﻧﺪﺍ ﻣﯘﻧﺪﺍﻕ ﺩﯦﮕﻪﻥ: "ﺧﯩﺘﺎﻱ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﺴﻰ ﯞﻩ ﺩﯙﻟﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﺋﯩﭽﻜﻰ ﻗﺎﺗﻠﯩﻤﯩﺪﺍ، ﺋﯩﺴﻼﻫﺎﺗﭽﯩﻼﺭ ﮔﯘﺭﯗﻫﯩﻨﯩﯔ ﺳﺎﺩﺍﻟﯩﺮﻯ ﻛﯜﭼﯩﻴﯩﺪﯗ. ﺋﯘﻻﺭ ﺩﯙﻟﻪﺗﻨﯩﯔ ﺋﺎﺳﺎﺳﻰ ﻧﯩﺸﺎﻧﯩﻨﻰ ﺋﯚﺯﮔﻪﺭﺗﯩﭗ، ﺋﯩﻘﺘﯩﺴﺎﺩﻯ ﺋﯩﮕﯩﻠﯩﻜﻜﻪ ﺗﺎﻳﯩﻨﯩﭗ ﺗﯘﺭﯗﭖ ﭘﯘﻗﺮﺍﻻﺭ ﺟﻪﻣﺌﯩﻴﯩﺘﻰ ﯞﻩ ﺩﯦﻤﻮﻛﺮﺍﺗﯩﻚ ﺗﯜﺯﯛﻟﻤﻪ ﺑﻪﺭﭘﺎ ﻗﯩﻠﯩﺸﻨﻰ ﺗﻪﻟﻪﭖ ﻗﯩﻠﯩﺪﯗ."

 ﻛﺎﻟﺒﯧﺮﯨﺲ ﺋﻪﭘﻪﻧﺪﻯ ﻳﻪﻧﻪ، ﺧﯩﺘﺎﻳﺪﯨﻜﻰ ﺋﯩﺠﺎﺑﯩﻲ ﺗﻪﺭﻩﻗﻘﯩﻴﺎﺕ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯦﮕﻪﻥ: "2016 - ﻳﯩﻠﯩﻐﺎ ﺑﺎﺭﻏﺎﻧﺪﺍ ﻫﻪﺭ ﻗﺎﻳﺴﻰ ﺋﯚﻟﻜﻪ، ﺷﻪﻫﻪﺭﻟﻪﺭ ﺗﯘﻧﺠﻰ ﻗﯧﺘﯩﻢ ﺋﻪﺭﻛﯩﻦ ﺳﺎﻳﻼﻡ ﺋﯧﻠﯩﭗ ﺑﺎﺭﯨﺪﯗ. ﻳﺎﻟﻐﯘﺯ ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻼ ﺋﻪﻣﻪﺱ، ﻫﻪﺭ ﻗﺎﻳﺴﻰ ﻗﺎﻧﯘﻧﻠﯘﻕ ﺗﻪﺷﻜﯩﻼﺗﻼﺭ ﺳﺎﻳﻼﻡ ﻧﺎﻣﺰﺍﺗﻰ ﺑﻮﻟﯩﺪﯗ. ﺋﯘﻻﺭ ﺋﯜﭼﯜﻥ ﺋﺎﻟﺪﯨﻦ ﺷﻪﺭﺕ ﺑﻮﻟﺴﺎ، ﺟﻪﻣﺌﯩﻴﻪﺕ ﭘﺎﺭﺍﯞﺍﻧﻠﯩﻘﻰ ﭘﺮﯨﻨﺴﯩﭙﯩﻐﺎ ﻫﯚﺭﻣﻪﺕ ﻗﯩﻠﯩﺸﺘﯩﻦ ﺋﯩﺒﺎﺭﻩﺕ. "

" ﺩﯙﻟﻪﺕ ﺭﻩﺋﯩﺴﯩﻨﻰ ﺧﻪﻟﻖ ﺑﯩﯟﺍﺳﺘﻪ ﺳﺎﻳﻼﻳﺪﯗ"

ﺧﯩﺘﺎﻳﺪﯨﻜﻰ ﺋﯩﺠﺎﺑﯩﻲ ﺗﻪﺭﻩﻗﻘﯩﻴﺎﺗﻨﯩﯔ 2020 - ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺧﯩﺘﺎﻳﻨﯩﯔ ﻫﺎﻛﯩﻤﯩﻴﻪﺕ ﻗﺎﺗﻠﯩﻤﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﯩﻨﻰ ﺗﯩﻠﻐﺎ ﺋﺎﻟﻐﺎﻥ ﻛﺎﻟﺒﯧﺮﯨﺲ ﺋﻪﭘﻪﻧﺪﻯ ﻳﻪﻧﻪ ﻣﯘﻧﺪﺍﻕ ﺩﻩﻳﺪﯗ: "2020 - ﻳﯩﻠﯩﻐﺎ ﺑﺎﺭﻏﺎﻧﺪﺍ، ﺧﯩﺘﺎﻱ ﺩﯙﻟﯩﺘﯩﻨﯩﯔ ﻣﻪﺭﻛﯩﺰﻯ ﻫﺎﻛﯩﻤﯩﻴﯩﺘﻰ ﺧﯩﺘﺎﻳﭽﻪ ﺩﯦﻤﻮﻛﺮﺍﺗﯩﻴﯩﻠﯩﺸﯩﺶ ﻗﻪﺩﯨﻤﯩﻨﻰ ﺑﺎﺳﯩﺪﯗ. ﻛﻮﻣﻤﯘﻧﯩﺴﺘﯩﻚ ﭘﺎﺭﺗﯩﻴﯩﻨﯩﯔ ﺧﻪﻟﻖ ﻗﯘﺭﯗﻟﺘﯩﻴﯩﺪﯨﻜﻰ ﯞﻩﻛﯩﻠﻠﯩﻚ ﻧﯩﺴﺒﯩﺘﻰ ﺋﺎﺭﺍﻥ %25 ﻧﻰ ﺋﯩﮕﯩﻠﻪﻳﺪﯗ. ﻗﺎﻟﻐﺎﻥ %75 ﯞﻩﻛﯩﻠﻨﻰ ﺧﻪﻟﻖ ﺳﺎﻳﻼﻡ ﺑﯩﻠﻪﻥ ﺑﻪﻟﮕﯩﻠﻪﻳﺪﯗ.

ﺑﯘﻧﺪﯨﻦ ﺑﺎﺷﻘﺎ، ﺩﯙﻟﻪﺕ ﺭﻩﺋﯩﺴﯩﻨﻰ ﺧﻪﻟﻖ ﺑﯩﯟﺍﺳﺘﻪ ﺳﺎﻳﻼﻳﺪﯗ. ﻛﻮﻣﭙﺎﺭﺗﯩﻴﻪ ﺳﯩﺮﺗﯩﺪﯨﻜﻰ ﺯﺍﺗﻼﺭ ﺧﻪﻟﻖ ﺗﻪﺷﻜﯩﻼﺗﻠﯩﺮﻯ ﯞﻩ ﮔﯘﺭﯗﻫﻼﺭﻧﯩﯔ ﻗﻮﻟﻠﯩﺸﻰ ﻫﻪﻣﺪﻩ ﺑﯩﺮ ﻣﯩﻠﻴﻮﻥ ﻛﯩﺸﯩﻠﯩﻚ ﺋﯩﻤﺰﺍﻏﺎ ﺋﯧﺮﯨﺸﻜﻪﻥ ﺋﻪﻫﯟﺍﻝ ﺋﺎﺳﺘﯩﺪﺍ، ﺭﻩﺋﯩﺴﻠﯩﻚ ﻧﺎﻣﺰﺍﺗﻰ ﺑﻮﻻﻻﻳﺪﯗ. ﺋﺎﻳﺎﻟﻼﺭﻧﯩﯔ ﻫﺎﻛﯩﻤﯩﻴﻪﺗﺘﯩﻜﻰ ﻧﯩﺴﺒﯩﺘﻰ %25 ﻛﻪ ﻳﯧﺘﯩﺪﯗ. ﺧﯩﺘﺎﻳﺪﺍ 2024 - ﻳﯩﻠﻰ ﺗﯘﻧﺠﻰ ﻧﯚﯞﻩﺗﻠﯩﻚ ﻣﻪﻣﻠﯩﻜﻪﺗﻠﯩﻚ ﭼﻮﯓ ﺳﺎﻳﻼﻡ ﺋﯧﻠﯩﭗ ﺑﯧﺮﯨﻠﯩﺪﯗ ﻫﻪﻡ ﻧﻪﺗﯩﺠﯩﻠﯩﻚ ﺋﺎﺧﯩﺮﻟﯩﺸﯩﺪﯗ."

ﻫﯚﻛﯜﻣﻪﺕ ﺗﻪﺭﯨﭙﯩﺪﯨﻦ ﭼﻪﺗﻜﻪ ﻗﯧﻘﯩﻠﻐﺎﻧﻼﺭ ﺋﯧﺘﯩﺒﺎﺭﻏﺎ ﺋﯧﺮﯨﺸﯩﺪﯗ

ﻛﺎﻟﺒﯧﺮﯨﺲ ﺋﻪﭘﻪﻧﺪﻯ "2017 - ﻳﯩﻠﻰ ﺧﯩﺘﺎﻳﺪﺍ ﺗﻮﭘﯩﻼﯓ ﻳﯜﺯ ﺑﯧﺮﯨﺪﯗ" ﻧﺎﻣﻠﯩﻖ ﻗﯩﻴﺎﺳﯩﺪﺍ، 2020 - ﻳﯩﻠﻼﺭﺩﯨﻦ ﻛﯧﻴﯩﻦ، ﺧﻪﻟﻖ ﺋﯩﭽﯩﺪﻩ ﺯﻭﺭ ﺗﻪﺳﯩﺮﮔﻪ ﺋﯩﮕﻪ ﺑﻮﻟﻐﺎﻥ، ﻟﯧﻜﯩﻦ ﺧﯩﺘﺎﻱ ﻫﯚﻛﯜﻣﯩﺘﻰ ﺗﻪﺭﯨﭙﯩﺪﯨﻦ ﻧﻪﺯﻩﺭﺩﯨﻦ ﭼﯜﺷﯜﭖ ﻗﺎﻟﻐﺎﻥ ﻳﺎﻛﻰ ﻗﻪﺳﺘﻪﻥ ﭼﻪﺗﻜﻪ ﻗﯧﻘﯩﻠﻐﺎﻥ ﻣﻪﺷﻬﯘﺭ ﺷﻪﺧﺴﻠﻪﺭﻧﯩﯔ ﻫﯚﻛﯜﻣﻪﺗﺴﯩﺰ ﺗﻪﺷﻜﯩﻼﺗﻼﺭﻧﻰ ﻗﯘﺭﯨﺪﯨﻐﺎﻧﻠﯩﻘﯩﻨﻰ ﺋﯩﻠﮕﯩﺮﻯ ﺳﯜﺭﯨﺪﯗ.

2030 - ﻳﯩﻠﯩﻐﺎ ﻛﻪﻟﮕﻪﻧﺪﻩ، ﺑﯜﻳﯜﻙ ﺟﻪﻣﺌﯩﻴﻪﺕ ﻫﻪﻡ ﺋﯧﻜﻮﻟﻮﮔﯩﻴﯩﻠﯩﻚ ﻣﯘﻫﯩﺘﻘﺎ ﻳﯜﺯﻟﯩﻨﯩﭗ، ﻛﯩﺸﯩﻠﯩﻚ ﻫﻮﻗﯘﻕ ﯞﻩ ﺋﻪﯓ ﺋﻪﻗﻪﻟﻠﻰ ﻗﺎﻧﯘﻥ - ﺗﯜﺯﯛﻡ ﺑﯩﺨﻪﺗﻪﺭﻟﯩﻜﯩﻨﻰ ﻛﺎﭘﺎﻟﻪﺗﻜﻪ ﺋﯩﮕﻪ ﻗﯩﻠﯩﺸﻘﺎ ﺑﺎﺭﻟﯩﻖ ﺋﺎﯞﺍﻡ ﺧﻪﻟﻘﻨﻰ ﺳﻪﭘﻪﺭﯞﻩﺭ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﻫﻪﻣﺪﻩ ﺑﻪﻟﮕﯩﻠﯩﻚ ﻣﯘﻛﻪﻣﻤﻪﻟﻠﯩﻜﻨﻰ ﺭﻭﻳﺎﭘﻘﺎ ﭼﯩﻘﯩﺮﯨﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﻳﺪﯗ.

" ﻳﻪﻧﻪ ﺑﯩﺮ ﻗﯧﺘﯩﻢ ﻗﺎﻧﻠﯩﻖ ﻗﯩﺮﻏﯩﻨﭽﯩﻠﯩﻖ ﻳﯜﺯ ﺑﯧﺮﯨﺪﯗ "

ﻛﺎﻟﺒﯧﺮﯨﺲ ﺋﻪﭘﻪﻧﺪﻯ، ﺑﯜﮔﯜﻧﻜﻰ ﻛﯜﻧﺪﻩ ﻳﯩﻠﯩﻐﺎ 90 ﻣﯩﯔ ﻗﯧﺘﯩﻤﺪﯨﻦ ﺋﺎﺭﺗﯘﻕ ﻗﺎﺭﺷﯩﻠﯩﻖ ﻳﯜﺯ ﺑﯧﺮﯨﯟﺍﺗﻘﺎﻥ، 200 ﻣﯩﻠﻴﻮﻧﺪﯨﻦ ﺋﺎﺭﺗﯘﻕ ﺋﺎﺩﻩﻡ ﻛﯜﻧﯩﮕﻪ ﺑﯩﺮ ﺩﻭﻟﻼﺭﻏﺎ ﺋﯩﺸﻠﻪﻳﺪﯨﻐﺎﻥ ﺧﯩﺘﺎﻱ ﺩﯙﻟﯩﺘﯩﻨﯩﯔ ﺋﯩﻘﺘﯩﺴﺎﺩﻯ ﺗﻪﺭﻩﻗﻘﯩﻴﺎﺗﯩﻨﯩﯔ ﺳﻪﻟﺒﯩﻲ ﺗﻪﺭﻩﭘﻠﯩﺮﻯ ﺗﻮﻏﺮﯨﺴﯩﺪﺍ ﺗﻮﺧﺘﺎﻟﻐﺎﻧﺪﺍ، ﻣﺎﻝ ﺑﺎﻫﺎﺳﯩﻨﯩﯔ ﺋﯘﭼﻘﺎﻧﺪﻩﻙ ﺋﯚﺭﻟﻪﻳﺪﯨﻐﺎﻧﻠﯩﻘﯩﻨﻰ، ﺋﯩﺸﺴﯩﺰﻟﯩﻖ ﻫﻪﻡ ﻧﺎﻣﺮﺍﺗﻠﯩﻘﻨﯩﯔ ﻫﻪﺳﺴﯩﻠﻪﭖ ﺋﺎﺷﯩﺪﯨﻐﺎﻧﻠﯩﻘﯩﻨﻰ، ﺑﺎﺯﺍﺭ ﺋﯩﮕﯩﻠﯩﻜﻰ ﻫﻪﻡ ﻳﻪﺭ - ﻣﯜﻟﯜﻙ ﺳﻮﺩﯨﺴﯩﻨﯩﯔ ﯞﻩﻳﺮﺍﻥ ﺑﻮﻟﯩﺪﯨﻐﺎﻧﻠﯩﻘﯩﻨﻰ، ﺋﯩﻘﺘﯩﺴﺎﺩﻧﯩﯔ ﺳﯩﺮﺗﻘﺎ ﺋﯧﻘﯩﭗ، ﺋﯩﮕﯩﻠﯩﻜﻨﯩﯔ ﺑﯩﺮ ﺋﯩﺰﺩﺍ ﺗﻮﺧﺘﺎﭖ ﻗﺎﻟﯩﺪﯨﻐﺎﻧﻠﯩﻘﯩﻨﻰ ﺗﻪﻛﯩﺘﻠﻪﭖ ﻛﯧﻠﯩﭗ، ﺑﯘﻧﯩﯔ ﻧﻪﺗﯩﺠﯩﺴﯩﺪﻩ ﻣﻪﻳﺪﺍﻧﻐﺎ ﻛﯧﻠﯩﺪﯨﻐﺎﻥ ﺳﯩﻴﺎﺳﯩﻲ ﺋﺎﻗﯩﯟﻩﺗﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ: " ﺧﯘ ﺟﯩﻨﺘﺎﯞ ﯞﻩ ﯞﯦﻦ ﺟﻴﺎﺑﺎﯞﻻﺭﻧﯩﯔ ﻗﺎﺭﺷﻰ ﺗﯘﺭﯗﺷﻘﺎ ﻣﺎﺩﺍﺭﻯ ﻳﻪﺗﻤﻪﺳﻠﯩﻚ ﺳﻪﯞﻩﺑﯩﺪﯨﻦ ﻳﻮﻟﻐﺎ ﻗﻮﻳﯘﻟﻐﺎﻥ ﺋﯩﺴﻼﻫﺎﺗﺘﯩﻦ ﻛﯧﻴﯩﻦ، 2016 - ﻳﯩﻠﻰ ﻛﯜﭼﻠﯜﻙ ﮔﯘﺭﯗﻫﻼﺭ ﺋﯘﻻﺭﻧﻰ ﯞﻩﺯﯨﭙﯩﺴﯩﺪﯨﻦ ﺋﯧﻠﯩﭗ ﺗﺎﺷﻼﻳﺪﯗ. ﻟﯧﻜﯩﻦ ﻫﺎﻛﯩﻤﯩﻴﻪﺗﻨﻰ ﺗﯩﺰﮔﯩﻨﯩﮕﻪ ﺋﺎﻟﻐﺎﻥ ﺑﯘ ﻛﯜﭼﻠﯜﻙ ﮔﯘﺭﯗﻫﻼﺭﻧﯩﯔ ﻣﯘﺳﺘﻪﺑﯩﺖ ﻫﯚﻛﯜﻣﺮﺍﻧﻠﯩﻘﻰ ﺋﺎﺳﺘﯩﺪﺍ، ﺩﯙﻟﻪﺕ ﻫﺎﻛﯩﻤﯩﻴﯩﺘﻰ ﺋﺎﯞﺍﻡ ﺧﻪﻟﻖ ﺑﯩﻠﻪﻥ ﺋﺎﺷﻜﺎﺭﺍ ﺩﯨﺌﺎﻟﻮﮒ ﻗﯘﺭﻣﺎﻳﺪﯗ. ﺋﺎﯞﺍﻡ ﺧﻪﻟﻘﻨﯩﯔ ﺟﻪﻣﺌﯩﻴﻪﺗﻠﻪﺭﮔﻪ ﺋﯘﻳﯘﺷﯘﺷﯩﻨﻰ ﭼﻪﻛﻠﻪﻳﺪﯗ. ﺋﺎﻛﺘﯩﭙﻼﺭ ﺯﯨﻴﺎﻧﻜﻪﺷﻠﯩﻚ ﯞﻩ ﺟﯩﻨﺎﻳﻪﺕ ﺑﯩﻠﻪﻥ ﻗﺎﺭﯨﻠﯩﻨﯩﺪﯗ. 2017 - ﻳﯩﻠﯩﻐﺎ ﻛﻪﻟﮕﻪﻧﺪﻩ ﻣﻪﻣﻠﯩﻜﻪﺕ ﺧﺎﺭﺍﻛﺘﯧﺮﻟﯩﻚ ﺗﻮﭘﯩﻼﯓ ﻳﯜﺯ ﺑﯧﺮﯨﺪﯗ. ﺋﺎﺭﻣﯩﻴﻪ ﯞﻩ ﺳﺎﻗﭽﻰ ﺧﻪﻟﻘﻨﻰ ﺭﻩﻫﯩﻤﺴﯩﺰﻟﻪﺭﭼﻪ ﺑﺎﺳﺘﯘﺭﯨﺪﯗ. ﻗﺎﻧﭽﻪ ﺋﻮﻥ ﻣﯩﯖﻠﯩﻐﺎﻥ ﻛﯩﺸﻰ ﻗﻮﻟﻐﺎ ﺋﯧﻠﯩﻨﯩﺪﯗ. ﺋﯘﻻﺭ ﺩﯙﻟﻪﺕ ﺑﯩﺨﻪﺗﻪﺭﻟﯩﻜﯩﮕﻪ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﯘﭼﻰ، ﯞﻩﺗﻪﻥ ﺧﺎﺋﯩﻨﻰ، ﻫﺎﻛﯩﻤﯩﻴﻪﺗﻨﻰ ﺋﺎﻏﺪﯗﺭﯗﺷﻨﻰ ﭘﯩﻼﻧﻠﯩﻐﺎﻥ ﯞﻩ ﺋﯘﺭﯗﻧﻐﺎﻥ ﺩﯦﮕﻪﻥ ﺟﯩﻨﺎﻳﻰ ﺑﻪﺗﻨﺎﻣﻼﺭ ﺑﯩﻠﻪﻥ ﺋﯘﺯﯗﻥ ﻣﯘﺩﺩﻩﺗﻠﯩﻚ ﻗﺎﻣﺎﻕ ﺟﺎﺯﺍﻟﯩﺮﯨﻐﺎ ﺋﯘﭼﺮﺍﻳﺪﯗ. ﺑﺎﺵ ﺑﻮﻟﻐﯘﭼﯩﻼﺭ ﺋﯚﻟﯜﻡ ﺟﺎﺯﺍﻟﯩﺮﯨﻐﺎ ﻣﻪﻫﻜﯘﻡ ﻗﯩﻠﯩﻨﯩﺪﯗ. 2030 - ﻳﯩﻠﯩﺪﯨﻦ ﺋﯩﻠﮕﯩﺮﯨﻜﻰ ﺑﯘ ﺋﺎﭘﻪﺕ ﺧﺎﺭﺍﻛﺘﯧﺮﻟﯩﻚ ﺗﻪﺭﻩﻗﻘﯩﻴﺎﺕ ﺑﺎﺳﻘﯘﭼﯩﻨﯩﯔ ﺗﯜﭖ ﻣﻪﻧﺒﯩﺌﻰ ﺑﻮﻟﺴﺎ، ﻛﻮﻣﭙﺎﺭﺗﯩﻴﻪ ﯞﻩ ﻫﯚﻛﯜﻣﻪﺗﻨﯩﯔ ﺋﯚﺯ ﻫﻮﻗﯘﻗﯩﻨﻰ ﻫﻪﻡ ﺋﯩﻤﺘﯩﻴﺎﺯﯨﻨﻰ ﺳﺎﻗﻼﭖ ﻗﯧﻠﯩﺸﻘﺎ ﺋﯘﺭﯗﻧﯘﺷﻰ، ﺩﯦﻤﻮﻛﺮﺍﺗﯩﻚ ﺗﯜﺯﯛﻟﻤﻪ ﻫﻪﻣﺪﻩ ﻛﺎﭘﯩﺘﺎﻟﯩﺰﯨﻤﻐﺎ ﺑﻮﻟﻐﺎﻥ ﻗﺎﺭﻏﯘﻻﺭﭼﻪ ﺋﯚﭼﻤﻪﻧﻠﯩﻜﺘﯩﻦ ﻗﯘﺗﯘﻻﻟﻤﯩﻐﺎﻧﻠﯩﻘﯩﺪﯨﻦ ﺋﯩﺒﺎﺭﻩﺕ."