ﯞﺍﯓ ﻳﺎﺩﯗﯓ ﺳﯚﺯﯨﺪﻩ ﻳﻪﻧﻪ، ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺴﻨﯩﯔ ﺗﯧﺨﻰ ﺗﺎﻣﺎﻣﻪﻥ ﺗﯜﮔﯩﻤﯩﮕﻪﻧﻠﯩﻜﯩﻨﻰ، ﺷﯘﯕﺎ ﺋﯩﺸﺴﯩﺰ ﻗﯧﻠﯩﺶ ﺋﯧﻬﺘﯩﻤﺎﻟﯩﻨﯩﯔ ﻳﻪﻧﯩﻼ ﺋﯩﻨﺘﺎﻳﯩﻦ ﻳﯜﻛﺴﻪﻙ ﺋﯩﻜﻪﻧﻠﯩﻜﯩﻨﻰ ﺩﯦﮕﻪﻥ.

ﻳﻪﺭ ﺷﺎﺭﻯ ﺧﺎﺭﺍﻛﺘﯧﺮﻟﯩﻚ ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺲ ﻳﯜﺯ ﺑﻪﺭﮔﻪﻧﺪﯨﻦ ﺑﯧﺮﻯ ، ﭼﻪﺗﺌﻪﻟﻠﻪﺭﮔﻪ ﻣﺎﻝ ﺳﯧﺘﯩﭗ ﻛﯧﻠﯩﯟﺍﺗﻘﺎﻥ ﺧﯩﺘﺎﻱ ﺩﯙﻟﯩﺘﻰ ﻣﺎﻝ ﺋﯧﻜﯩﺴﭙﻮﺭﺕ ﻗﯩﻠﯩﺸﺘﺎ ﺋﯧﻐﯩﺮ ﺯﯨﻴﺎﻧﻐﺎ ﺋﯘﭼﺮﺍﭖ، ﻧﯘﺭﻏﯘﻧﻠﯩﻐﺎﻥ ﺯﺍﯞﯗﺕ - ﻛﺎﺭﺧﺎﻧﯩﻠﯩﺮﻯ ﺗﺎﻗﯩﻠﯩﭗ ﻛﻪﺗﻜﻪﻥ ﺋﯩﺪﻯ. ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺑﻪﺭﮔﻪﻥ ﺳﺎﻧﻠﯩﻖ ﻣﻪﻟﯘﻣﺎﺗﯩﺪﯨﻦ ﻗﺎﺭﯨﻐﺎﻧﺪﺍ، ﺧﯩﺘﺎﻳﺪﺍ ﺑﯘ ﻗﯧﺘﯩﻤﻠﯩﻖ ﺋﯩﻘﺘﯩﺴﺎﺩﯨﻲ ﻛﺮﯨﺰﯨﺴﺘﯩﻦ ﻛﯧﻴﯩﻦ 30 ﻣﯩﻠﻴﻮﻥ ﺋﺎﻗﻘﯘﻥ ﺋﯩﺸﭽﻰ ﺋﯩﺸﺴﯩﺰ ﻗﺎﻟﻐﺎﻥ ﯞﻩ ﻳﯧﻘﯩﻨﺪﺍ ﺋﺎﻟﯩﻲ ﻣﻪﻛﺘﻪﭘﻨﻰ ﭘﯜﺗﺘﯜﺭﮔﻪﻥ 3 ﻣﯩﻠﻴﻮﻥ ﻳﺎﺷﻤﯘ ﺗﯧﺨﻰ ﺋﯩﺸﻘﺎ ﺋﻮﺭﯗﻧﻠﯩﺸﺎﻟﻤﯩﻐﺎﻥ. ﮔﻪﺭﭼﻪ ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘ ﺋﯩﺸﺴﯩﺰﻟﯩﻘﻨﯩﯔ ﺋﯩﺠﺘﯩﻤﺎﺋﯩﻲ ﻗﺎﻻﻳﻤﯩﻘﺎﻧﭽﯩﻠﯩﻖ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﯩﺪﯨﻦ ﻗﺎﺗﺘﯩﻖ ﺋﻪﻧﺴﯩﺮﻩﯞﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻻﺭ ﺋﯩﺸﺴﯩﺰﻻﺭﻧﻰ ﺋﯩﺸﻘﺎ ﺋﻮﺭﯗﻧﻼﺷﺘﯘﺭﯗﺵ ﺋﯜﭼﯜﻥ ﻫﯚﻛﯜﻣﻪﺗﻨﯩﯔ ﻗﺎﻧﺪﺍﻕ ﺗﻪﺩﺑﯩﺮﻟﻪﺭﻧﻰ ﺋﺎﻟﻐﺎﻧﻠﯩﻘﻰ ﻫﻪﻗﻘﯩﺪﻩ ﺋﯧﻨﯩﻖ ﻣﻪﻟﯘﻣﺎﺕ ﺑﻪﺭﻣﯩﮕﻪﻥ.

ﻫﺎﺯﯨﺮ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻳﻨﻰ ﺋﯩﻘﺘﯩﺴﺎﺩﯨﻲ ﺟﻪﻫﻪﺗﺘﯩﻦ ﻳﯜﻛﺴﯧﻠﯩﯟﺍﺗﻘﺎﻥ ﺑﻮﻟﺴﯩﻤﯘ، ﺋﻪﻣﻤﺎ ﺋﯘﻧﯩﯖﺪﺍ ﭘﺎﺭﺍﯞﺍﻧﻠﯩﻖ، ﺳﺎﻻﻣﻪﺗﻠﯩﻚ، ﺳﯘﻏﯘﺭﺗﺎ، ﺋﯩﺸﺴﯩﺰﻟﯩﻖ ﻗﺎﺗﺎﺭﻟﯩﻖ ﻧﯘﺭﻏﯘﻧﻠﯩﻐﺎﻥ ﺋﯩﺠﺘﯩﻤﺎﺋﯩﻲ ﻣﻪﺳﯩﻠﯩﻠﻪﺭﻧﯩﯔ ﻣﻪﯞﺟﯘﺕ ﺋﯩﻜﻪﻧﻠﯩﻜﯩﻨﻰ ﯞﻩ ﺑﯘﻧﯩﯔ ﺑﺎﺭﻏﺎﻧﺴﯩﯧﺮﻯ ﭼﯩﮕﯩﺸﻠﯩﺸﯩﭗ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﺋﯧﻴﺘﻤﺎﻗﺘﺎ. ﻫﻪﺗﺘﺎ ﺑﻪﺯﻯ ﻣﯘﺗﻪﺧﻪﺳﺴﯩﺴﻠﻪﺭ ﺧﯩﺘﺎﻳﻨﻰ ﻫﻪﺭ ﯞﺍﻗﯩﺖ ﭘﺎﺭﺗﻼﺷﻘﺎ ﺗﻪﻳﻴﺎﺭ ﺗﯘﺭﻏﺎﻥ ﺑﯩﺮ ﺑﻮﻣﺒﯩﻐﺎ ﺋﻮﺧﺸﺎﺗﻤﺎﻗﺘﺎ. ﺑﯘ ﻫﻪﻗﺘﻪ ﺋﯩﻘﺘﯩﺴﺎﺩ ﻛﻪﺳﭙﯩﺪﻩ ﺋﻮﻗﯘﻏﺎﻥ ﯞﻩ ﻫﺎﺯﯨﺮ ﺋﯩﺴﺘﺎﻧﺒﯘﻟﺪﺍ ﻳﺎﺷﺎﻳﺪﯨﻐﺎﻥ ﺋﯘﻳﻐﯘﺭ ﺯﯨﻴﺎﻟﯩﻴﺴﻰ ﺭﯦﺸﯩﺖ ﺋﻪﭘﻪﻧﺪﻯ ﺋﯚﺯ ﻛﯚﺯ ﻗﺎﺭﯨﺸﯩﻨﻰ ﺋﻮﺗﺘﯘﺭﯨﻐﺎ ﻗﻮﻳﺪﻯ.

ﺧﯩﺘﺎﻳﺪﯨﻜﻰ ﺋﯩﺸﺴﯩﺰﻟﯩﻘﻨﯩﯔ ﺑﯘﻧﺪﺍﻕ ﺋﯧﻐﯩﺮﻟﯩﺸﯩﺸﻰ ﺗﻪﺑﺌﯩﻲ ﻫﺎﻟﺪﺍ ﺋﯘﻳﻐﯘﺭ ﺩﯨﻴﺎﺭﯨﺪﯨﻜﻰ ﺋﯩﺸﺴﯩﺰﻟﯩﻖ ﯞﻩ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺋﯩﺶ ﺋﯩﺰﺩﻩﭖ ﻛﯧﻠﯩﯟﺍﺗﻘﺎﻥ ﻣﯩﻠﻴﻮﻧﻼﺭﭼﻪ ﺧﯩﺘﺎﻱ ﺋﺎﻗﻘﯘﻧﻨﻰ ﺋﻪﺳﻜﻪ ﺳﺎﻟﯩﺪﯗ. ﺧﯩﺘﺎﻱ ﺩﺍﺋﯩﺮﯨﻠﯩﺮﻯ ﺋﯘﻳﻐﯘﺭ ﺩﯨﻴﺎﺭﯨﺪﺍ ﺋﯘﻳﻐﯘﺭ ﻳﺎﺷﻠﯩﺮﯨﻨﯩﯔ ﺋﯩﺸﻘﺎ ﺋﻮﺭﯗﻧﻠﯩﺸﯩﺶ ﻣﻪﺳﯩﻠﯩﺴﻰ ﺋﯩﻨﺘﺎﻳﯩﻦ ﻗﯧﻴﯩﻦ ﺑﻮﻟﯘﯞﺍﺗﻘﺎﻥ ﺋﻪﻫﯟﺍﻝ ﺋﺎﺳﺘﯩﺪﯨﻤﯘ ﺧﯩﺘﺎﻳﻼﺭﻧﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﻛﯧﻠﯩﺸﻜﻪ ﺋﯩﺰﭼﯩﻞ ﺗﻪﺷﯟﯨﻖ ﻗﯩﻠﯩﯟﺍﺗﻘﺎﻥ ﺑﻮﻟﯘﭖ، ﺑﯘ ﻫﻪﻗﺘﻪ ﺋﯩﻴﯘﻧﺪﺍ ﺧﯩﺘﺎﻳﻨﯩﯔ ﺋﯩﻘﺘﯩﺴﺎﺩ ﺗﻮﺭﯨﺪﺍ 2009 - ﻳﯩﻠﻠﯩﻖ ﺧﯩﺘﺎﻱ ﺳﺘﯘﺩﯦﻨﺖ ﭘﯩﺪﺍﺋﯩﻴﻼﺭﻧﯩﯔ ﻏﻪﺭﺑﻰ ﺭﺍﻳﻮﻧﺪﺍ ﺧﯩﺰﻣﻪﺕ ﻗﯩﻠﯩﺶ ﭘﯩﻼﻧﯩﻐﺎ ﺋﺎﺳﺎﺳﻪﻥ ﺋﯧﻠﯩﭗ ﺑﯧﺮﯨﻠﻐﺎﻥ ﺗﯩﺰﯨﻤﻼﺵ ﺑﻮﻳﯩﭽﻪ 100 ﻣﯩﯖﻐﺎ ﻳﯧﻘﯩﻦ ﻛﯩﺸﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺑﯧﺮﯨﺸﻘﺎ ﺗﯩﺰﯨﻤﻼﺗﻘﺎﻧﻠﯩﻘﯩﻐﺎ ﺩﺍﺋﯩﺮ ﺧﻪﯞﻩﺭ ﺑﯧﺮﯨﻠﮕﻪﻥ ﺋﯩﺪﻯ.

ﻣﻪﻟﯘﻡ ﺑﻮﻟﯘﺷﯩﭽﻪ، ﺑﯘ ﺗﯧﺨﻰ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺗﯩﺰﯨﻤﻼﺗﻘﺎﻧﻼﺭﻧﯩﯔ ﭘﻪﻗﻪﺗﻼ ﺑﯩﺮ ﻗﯩﺴﻤﻰ ﺑﻮﻟﯘﭖ، ﺑﯘ ﺋﺎﻟﯩﻲ ﻣﻪﻛﺘﻪﭖ ﭘﯜﺗﺘﯜﺭﯛﭖ ﺋﯩﺶ ﺗﺎﭘﺎﻟﻤﺎﻳﯟﺍﺗﻘﺎﻥ ﺋﯘﻳﻐﯘﺭ ﻳﺎﺷﻠﯩﺮﻯ ﺋﯜﭼﯜﻥ ﺑﯩﺮ ﺧﯩﺮﺱ ﺑﻮﻟﯘﭖ ﺗﯘﺭﻣﺎﻗﺘﺎ. ﺋﯘﻧﯩﯔ ﺋﯜﺳﺘﯩﮕﻪ ﺋﯘﻳﻐﯘﺭﻻﺭ ﺧﯩﺘﺎﻳﺪﯨﻦ ﺋﯜﺯﻟﯜﻛﺴﯩﺰ ﻛﯧﻠﯩﯟﺍﺗﻘﺎﻥ ﺧﯩﺘﺎﻱ ﺋﯩﺸﭽﯩﻠﯩﺮﯨﻨﯩﯔ ﺭﯨﻘﺎﺑﯩﺘﯩﮕﻪ ﺋﯘﭼﺮﺍﭘﻼ ﻗﺎﻟﻤﺎﻱ ، ﺋﯘﻻﺭ ﻳﻪﻧﻪ ﺑﯘ ﺋﻪﻣﮕﻪﻙ ﺑﺎﺯﯨﺮﯨﺪﺍ ﺋﺎﻳﺮﯨﻤﯩﭽﯩﻠﯩﻘﻘﺎ ﺋﯘﭼﺮﯨﻤﺎﻗﺘﺎ. ﺑﯘ ﻫﻪﻗﺘﻪ ﺋﺎﻣﯧﺮﯨﻜﺎ ﺩﯙﻟﻪﺕ ﻣﻪﺟﻠﯩﺴﻰ ﺧﯩﺘﺎﻱ ﻣﻪﺳﯩﻠﯩﻠﯩﺮﻯ ﺋﯩﺠﺮﺍﺋﯩﻴﻪ ﻛﻮﻣﯩﺘﯧﺘﻰ ﺩﻭﻛﻼﺕ ﺋﯧﻼﻥ ﻗﯩﻠﯩﭗ، ﺋﯘﻳﻐﯘﺭﻻﺭﻧﯩﯔ ﺧﯩﺰﻣﻪﺗﻜﻪ ﺋﻮﺭﯗﻧﻠﯩﺸﯩﺸﺘﺎ ﺋﻮﭼﯘﻕ - ﺋﺎﺷﻜﺎﺭﺍ ﻣﯩﻠﻠﯩﻲ ﻛﻪﻣﺴﯩﺘﯩﻠﯩﺸﻜﻪ ﺋﯘﭼﺮﺍﯞﺍﺗﻘﺎﻧﻠﯩﻘﯩﻨﻰ ﭘﺎﻛﯩﺘﻠﯩﺮﻯ ﺑﯩﻠﻪﻥ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺋﯩﺪﻯ.

ﺋﯘﻳﻐﯘﺭ ﺯﯨﻴﺎﻟﻴﺴﻰ ﺭﯦﺸﯩﺖ ﺋﻪﭘﻪﻧﺪﻯ ﺧﯩﺘﺎﻳﺪﯨﻜﻰ ﺑﯘ ﺋﯧﻐﯩﺮ ﺋﯩﺸﺴﯩﺰﻟﯩﻖ ﻣﻪﺳﯩﻠﯩﺴﯩﻨﯩﯔ ﺋﯘﻳﻐﯘﺭ ﺩﯨﻴﺎﺭﯨﻐﺎ ﺗﯧﺨﯩﻤﯘ ﺋﯧﻐﯩﺮ ﺑﯧﺴﯩﻤﻼﺭﻧﻰ ﺋﯧﻠﯩﭗ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﺋﯧﻴﺘﺘﻰ. ﺋﯘ ، ﺧﯩﺘﺎﻱ ﻫﯚﻛﯜﻣﯩﺘﻰ ﺋﻪﮔﻪﺭ ﺧﺎﺗﺎﻟﯩﻘﻠﯩﺮﯨﻨﻰ ﯞﺍﻗﺘﯩﺪﺍ ﺗﻮﻧﯘﭖ ﺑﯘﻧﯩﯖﻐﺎ ﺩﻩﺭﻫﺎﻝ ﺗﻪﺩﺑﯩﺮ ﺋﺎﻟﻤﯩﺴﺎ ، ﺗﯧﺨﯩﻤﯘ ﺋﯧﻐﯩﺮ ﺋﺎﻗﯩﯟﻩﺗﻠﻪﺭﻧﯩﯔ ﻛﯧﻠﯩﭗ ﭼﯩﻘﯩﺪﯨﻐﺎﻧﻠﯩﻘﯩﻨﻰ ﺋﯩﭙﺎﺩﯨﻠﯩﺪﻯ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺑﯘ ﻫﻪﻗﺘﯩﻜﻰ ﻣﻪﻟﯘﻣﺎﺗﯩﻤﯩﺰﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.

پىكىر - قاراشلىرىڭىزنى ئوتتۇرىغا قويۇڭ

پىكىر - بايانلىرىڭىز تور باشقۇرغۇچىسى تەرىپىدىن تەستىقلىنىشى كېرەك بولۇپ، تور بەتتە شۇ زامان ئېلان قىلىنمايدۇ. بىر ئاز ۋاقىتتىن كېيىن، پىكىر - بايانلىرىڭىزنىڭ تەستىقلانغان ياكى تەستىقلانمىغانلىقىنى قايتا تەكشۈرۈپ كۆرۈشىگىزنى سورايمىز. پىكىر - قاراشلىرىڭىزنى تۆۋەندىكى جەدۋەل ئارقىلىق، ئۇيغۇر كونا يېزىقى بويىچە يوللىيالايسىز.

ئىسىم (ئىختىيار)

شەھەر (ئىختىيار)

پىكىر - قاراشلىرىڭىز