ﺧﯩﺘﺎﻱ ﻫﯚﻛﯜﻣﯩﺘﻰ ﺋﯚﺗﻜﻪﻥ ﺋﻪﺳﯩﺮﻧﯩﯔ 80 - ﻳﯩﻠﻠﯩﺮﯨﺪﯨﻦ ﺑﺎﺷﻼﭖ، ﻣﻪﺟﺒﯘﺭﯨﻲ ﻫﺎﻟﺪﯨﻜﻰ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﻐﺎﻧﺪﯨﻦ ﺑﯘﻳﺎﻥ، ﺧﯩﺘﺎﻳﺪﯨﻜﻰ ﺗﯘﻏﯘﺕ ﻳﯧﺸﯩﺪﯨﻜﻰ ﺋﻪﺭ - ﺋﺎﻳﺎﻟﻼﺭﻧﯩﯔ ﺗﯜﺭﻟﯜﻙ ﺟﯩﻨﺴﻰ ﻛﯧﺴﻪﻟﻠﻪﺭ ﻫﻪﻡ ﺗﯘﻏﻤﺎﺳﻠﯩﻖ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﺵ ﻧﯩﺴﭙﯩﺘﯩﻨﯩﯔ ﺋﯧﺸﯩﭗ ﺑﯧﺮﯨﺸﻰ، ﺑﻮﯞﺍﻗﻼﺭﻧﯩﯔ ﻣﯧﻴﯩﭗ ﺗﯘﻏﯘﻟﯘﺷﻰ ﻳﺎﻛﻰ ﺑﺎﻟﺪﯗﺭ ﺗﯘﻏﯘﻟﯘﺷﻰ ﻗﺎﺗﺎﺭﻟﯩﻘﻼﺭ ﺧﯩﺘﺎﻳﺪﯨﻜﻰ ﺋﯧﻐﯩﺮ ﺋﯩﺠﺘﯩﻤﺎﺋﻰ ﻣﻪﺳﯩﻠﯩﻠﻪﺭﻧﯩﯔ ﺑﯩﺮﯨﮕﻪ ﺋﺎﻳﻼﻧﻤﺎﻗﺘﺎ.

ﺑﯘ ﻳﯩﻞ 8 - ﺋﺎﻳﺪﺍ ﺑﯧﻴﺠﯩﯖﺪﺍ ﺋﯧﭽﯩﻠﻐﺎﻥ "2009 - ﻳﯩﻠﻠﯩﻖ ﺧﻪﻟﻘﺌﺎﺭﺍ ﺗﯘﻏﻤﺎﺳﻠﯩﻖ ﻛﯧﺴﻪﻟﻠﯩﻜﻠﯩﺮﻯ ﻣﯘﻫﺎﻛﯩﻤﻪ ﻳﯩﻐﯩﻨﻰ"ﺩﺍ، ﺋﯧﻼﻥ ﻗﯩﻠﯩﻨﻐﺎﻥ "2009 - ﻳﯩﻠﻠﯩﻖ ﺧﯩﺘﺎﻱ ﻧﻮﭘﯘﺳﯩﻨﯩﯔ ﺗﯘﻏﯘﺕ ﺩﻭﻛﻼﺩﻯ"ﺩﺍ ﺋﺎﺷﻜﺎﺭﯨﻠﯩﻨﯩﺸﯩﭽﻪ، ﺧﯩﺘﺎﻳﺪﯨﻜﻰ ﺗﯘﻏﯘﺕ ﻳﯧﺸﯩﺪﯨﻜﻰ 40 ﻣﯩﻠﻴﻮﻥ ﺟﯜﭖ ﺋﻪﺭ - ﺋﺎﻳﺎﻟﺪﯨﻦ ﺋﻪﯞﺭﯨﺸﻜﻪ ﺋﯧﻠﯩﭗ ﺗﻪﻛﺸﯜﺭﯛﻟﮕﻪﻧﺪﻩ ﺑﯘﻻﺭﻧﯩﯔ 12.5% ﺗﯩﻨﯩﯔ ﺗﯘﻏﯘﺵ ﺋﯩﻘﺘﯩﺪﺍﺭﯨﺪﺍ ﺋﯧﻐﯩﺮ ﻣﻪﺳﯩﻠﻪ ﺑﺎﺭﻟﯩﻘﻰ ﻳﺎﻛﻰ ﺗﯘﻏﻤﺎﺱ ﺋﯩﻜﻪﻧﻠﯩﻜﻰ ﺋﯧﻨﯩﻘﻼﻧﻐﺎﻥ، ﺧﺘﺎﻳﺪﯨﻜﻰ ﺋﻪﺭﻟﻪﺭﻧﯩﯔ ﺋﯩﺴﭙﯧﺮﻣﯩﺴﻰ ﺑﯘﻧﺪﯨﻦ 40 ﻳﯩﻞ ﺋﯩﻠﮕﯩﺮﯨﻜﻰ ﻫﻪﺭ ﻣﯩﻠﻠﯩﻠﯧﺘﯩﺮﺩﺍ ﺑﯩﺮ ﻣﯩﻠﻴﺎﺭﺩ ﺋﯩﺴﭙﯧﺮﻣﺎ ﺑﻮﻟﯘﺷﺘﯩﻦ ﻫﻪﺭ ﻣﯩﻠﻠﯩﻠﯧﺘﯩﺮﺩﺍ 20 ﻣﯩﻠﻴﻮﻧﺪﯨﻦ 40 ﻣﯩﻠﻴﻮﻧﻐﯩﭽﻪ ﺋﯩﺴﭙﯧﺮﻣﺎ ﺑﻮﻟﯘﺷﺘﻪﻙ ﺋﻪﻫﯟﺍﻟﻐﺎ ﭼﯜﺷﯜﭖ ﻗﺎﻟﻐﺎﻥ.

ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺋﺎﺷﻜﺎﺭﯨﻠﯩﺸﯩﭽﻪ، ﺗﯘﻏﻤﺎﺳﻠﯩﻖ ﻛﯧﺴﯩﻠﯩﻨﻰ ﺩﺍﯞﺍﻟﯩﺘﯩﺸﻨﻰ ﻗﻮﺑﯘﻝ ﻗﯩﻠﻐﺎﻥ 18 ﻣﯩﯔ ﻧﻪﭘﻪﺭ ﺋﻪﺭ ﺋﯜﺳﺘﯩﺪﯨﻦ ﺋﯧﻠﯩﭗ ﺑﯧﺮﯨﻠﻐﺎﻥ ﺩﺍﯞﺍﻻﺵ ﻧﻪﺗﯩﺠﯩﺴﯩﺪﻩ، ﺋﯘﻻﺭﻧﯩﯔ 10%ﻧﯩﯔ ﺗﯘﻏﯘﺵ ﺋﯩﻘﺘﯩﺪﺍﺭﻯ ﺑﯩﺮ ﻳﯩﻠﺪﯨﻦ ﻛﯧﻴﯩﻦ ﺋﻪﺳﻠﯩﮕﻪ ﻛﻪﻟﮕﻪﻥ، 15% ﭘﯩﺮﺳﻪﻧﺘﯩﻨﯩﯔ ﺗﯘﻏﯘﺵ ﺋﯩﻘﺘﯩﺪﺍﺭﻯ 2 ﻳﯩﻠﺪﯨﻦ ﻛﯧﻴﯩﻦ ﺋﻪﺳﻠﯩﮕﻪ ﻛﻪﻟﮕﻪﻥ، 25%ﻧﯩﯔ 10 ﻳﯩﻠﺪﯨﻦ ﻛﯧﻴﯩﻦ ﺋﻪﺳﻠﯩﮕﻪ ﻛﻪﻟﮕﻪﻥ.

ﺋﺎﻳﺎﻟﻼﺭﻧﯩﯔ ﺗﯘﻏﻤﺎﺳﻠﯩﻖ ﺋﻪﻫﯟﺍﻟﯩﻤﯘ ﻧﺎﻫﺎﻳﯩﺘﻰ ﺋﯧﻐﯩﺮ ﺑﻮﻟﯘﭖ، ﺗﯘﻏﯘﺗﻨﻰ ﭼﻪﻛﻠﻪﺵ ﺗﻪﺩﺑﯩﺮﻟﯩﺮﻯ ﺋﯧﻠﯩﭗ ﺑﯧﺮﯨﻠﻐﺎﻥ ﺋﺎﻳﺎﻟﻼﺭﻧﯩﯔ 66% ﭘﯩﺮﺳﻪﻧﺘﻰ ﺗﯘﻏﯘﺵ ﺋﯩﻘﺘﯩﺪﺍﺭﯨﺪﯨﻦ ﭘﯜﺗﯜﻧﻠﻪﻱ ﻣﻪﻫﺮﯗﻡ ﺑﻮﻟﻐﺎﻥ. ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﻣﻪﺑﻠﯩﻘﻰ ﺑﯩﻠﻪﻥ ﻗﯘﺭﯗﻟﻐﺎﻥ ﺟﻪﻧﯘﺑﯩﻲ ﺟﯘﯕﮕﻮ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻗﺎﺭﻣﯩﻘﯩﺪﯨﻜﻰ ﺷﯩﻴﺎﯕﻴﺎ ﺩﻭﺧﺘﯘﺭﺧﺎﻧﯩﺴﯩﻨﯩﯔ ﺗﯘﻏﻤﺎﺳﻠﯩﻘﻨﻰ ﺩﺍﯞﺍﻻﺵ ﻣﻪﺭﻛﯩﺰﯨﺪﻩ، ﻫﻪﺭ ﻛﯜﻧﻰ ﻧﯘﺭﻏﯘﻧﻠﯩﻐﺎﻥ ﺋﻪﺭ - ﺋﺎﻳﺎﻟﻼﺭ ﻧﯚﯞﻩﺕ ﺳﺎﻗﻼﭖ ﺗﯘﺭﯨﺪﯨﻐﺎﻥ ﺑﻮﻟﯘﭖ، ﺟﻪﻧﯘﺑﯩﻲ ﺟﯘﯕﮕﻮ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺗﯘﻏﯘﺵ ﻫﯜﺟﻪﻳﺮﯨﻠﯩﺮﻯ ﺗﻪﺗﻘﯩﻘﺎﺕ ﺋﻮﺭﻧﯩﻨﯩﯔ ﭘﺮﻭﻓﯧﺴﺴﻮﺭﻯ ﺟﺎﯓ ﻟﯘﮔﯟﺍﯓ ﺋﻪﭘﻪﻧﺪﯨﻨﯩﯔ ﺧﻮﯕﻜﯘﯕﺪﺍ ﺋﯧﻨﮕﻠﯩﺰ ﺗﯩﻠﯩﺪﺍ ﭼﯩﻘﯩﺪﯨﻐﺎﻥ "ﺟﻪﻧﯘﺑﯩﻲ ﺟﯘﯕﮕﻮ ﺳﻪﻫﻪﺭ ﮔﯧﺰﯨﺘﻰ" ﻣﯘﺧﺒﯩﺮﯨﻐﺎ ﺋﺎﺷﻜﺎﺭﯨﻠﯩﺸﯩﭽﻪ، ﺋﺎﺩﻩﺗﺘﻪ ﺋﻮﭼﯩﺮﻩﺗﺘﻪ ﺗﯘﺭﻏﯘﭼﯩﻼﺭ ﺋﻪﯓ ﺋﺎﺯ ﺩﯦﮕﻪﻧﺪﻩ ﺑﯩﺮ ﻳﯩﻞ ﻧﯚﯞﻩﺕ ﺳﺎﻗﻼﻳﺪﯨﻜﻪﻥ، ﺋﻪﻣﻤﺎ ﺩﺍﯞﺍﻻﻧﻐﺎﻧﺪﯨﻦ ﻛﯧﻴﯩﻨﻤﯘ ﺋﯘﻻﺭﻧﯩﯔ ﺗﯘﻏﯘﺵ ﺋﯩﻘﺘﯩﺪﺍﺭﯨﻨﯩﯔ ﺋﻪﺳﻠﯩﮕﻪ ﻛﯧﻠﯩﺸﻰ ﻧﺎﻫﺎﻳﯩﺘﻰ ﺋﺎﺳﺘﺎ ﺋﯩﻜﻪﻥ.

5 - ﺋﯚﻛﺘﻪﺑﯩﺮ ﻛﯜﻧﻰ "ﯞﺍﺷﯩﻨﮕﯩﺘﻮﻥ ﭘﻮﭼﺘﯩﺴﻰ ﮔﯧﺰﯨﺘﻰ" ﺩﻩ ﺑﯩﺮﻟﻪﺷﻜﻪﻥ ﺩﯙﻟﻪﺗﻠﻪﺭ ﺗﻪﺷﻜﯩﻼﺗﯩﻨﯩﯔ ﺳﻪﻫﯩﻴﻪ ﻛﻮﻣﯩﺘﯧﺘﻰ ﺋﯧﻼﻥ ﻗﯩﻠﻐﺎﻥ 2009 - ﻳﯩﻠﻠﯩﻖ ﺑﻮﯞﺍﻗﻼﺭﻧﯩﯔ ﺗﯘﻏﯘﻟﯘﺵ ﺋﻪﻫﯟﺍﻟﻰ ﻫﻪﻗﻘﯩﺪﯨﻜﻰ ﺗﻪﻛﺸﯜﺭﯛﺵ ﺩﻭﻛﻼﺩﻯ ﺧﻪﯞﻩﺭ ﻗﯩﻠﯩﻨﻐﺎﻥ. ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺑﯘ ﻳﯩﻞ ﺗﻪﺧﻤﯩﻨﻪﻥ 12 ﻣﯩﻠﻴﻮﻥ 900 ﻣﯩﯔ ﺑﻮﯞﺍﻕ ﺋﯚﺯ ﯞﺍﻗﺘﻰ ﻗﻪﺭﻩﻟﯩﺪﯨﻦ ﺑﺎﻟﺪﯗﺭ ﺗﯘﻏﯘﻟﻐﺎﻥ ﺑﻮﻟﯘﭖ، ﺑﯘﻻﺭ ﺑﯘ ﻳﯩﻞ ﺩﯗﻧﻴﺎ ﺑﻮﻳﯩﭽﻪ ﺗﯘﻏﯘﻟﻐﺎﻥ ﺑﻮﯞﺍﻗﻼﺭﻧﯩﯔ 9.6%ﻧﻰ ﺋﯩﮕﯩﻠﻪﻳﺪﯨﻜﻪﻥ. ﺩﻭﻛﻼﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺑﺎﻟﺪﯗﺭ ﺗﯘﻏﯘﻟﻐﺎﻥ ﺑﻮﯞﺍﻗﻼﺭﻧﯩﯔ ﺋﻪﻱ ﺑﻮﻟﯘﺵ ﻧﯩﺴﭙﯩﺘﻰ ﺗﯚﯞﻩﻥ ﺋﯩﻜﻪﻥ. ﺋﯘﻻﺭﻧﯩﯔ ﺋﯩﭽﯩﺪﻩ 4 ﻣﯩﻠﻴﻮﻥ ﺑﻮﯞﺍﻕ ﺗﯘﻏﯘﻟﯘﭖ ﺋﯘﺯﯗﻥ ﺋﯚﺗﻤﻪﻱ ﺋﯚﻟﯜﭖ ﻛﻪﺗﻜﻪﻥ، ﺑﺎﻟﺪﯗﺭ ﺗﯘﻏﯘﻟﻐﺎﻥ ﺑﻮﯞﺍﻗﻼﺭﻧﯩﯔ ﺗﻪﺧﻤﯩﻨﻪﻥ 28% ﺩﻩ ﻫﻪﺭ ﺧﯩﻞ ﻛﯩﺴﻪﻟﻠﯩﻚ ﺋﺎﻻﻣﻪﺗﻠﯩﺮﻯ ﺑﺎﻳﻘﺎﻟﻐﺎﻥ. ﺩﻭﻛﻼﺗﺘﺎ ﻳﻪﻧﻪ ﺋﯚﺯ ﯞﺍﻗﺘﻰ ﻗﻪﺭﻩﻟﯩﺪﯨﻦ ﺑﯘﺭﯗﻥ ﻫﻪﻡ ﻣﯧﻴﯩﭗ ﺗﯘﻏﯘﻟﻐﺎﻥ ﺑﻮﯞﺍﻗﻼﺭﻧﯩﯔ ﻛﯚﭘﭽﯩﻠﯩﻜﻰ ﺧﯩﺘﺎﻱ ﻫﻪﻡ ﺋﺎﻓﺮﯨﻘﺎ ﺋﻪﻟﻠﯩﺮﯨﺪﻩ ﺩﻩﭖ ﻛﯚﺭﺳﯩﺘﯩﻠﮕﻪﻥ.

ﺋﯩﺴﺘﺮﺍﺗﯧﮕﯩﻴﻪ ﯞﻩ ﺧﻪﻟﻘﺎﺭﺍ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﺑﯘ ﻫﻪﻗﺘﻪ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، ﻳﯧﻘﯩﻨﻘﻰ 30 ﻳﯩﻠﺪﺍ ﺧﯩﺘﺎﻱ ﻧﻮﭘﯘﺳﯩﻨﯩﯔ ﺩﯦﻤﻮﮔﺮﺍﻓﯩﻚ ﻗﯘﺭﯗﻟﻤﯩﺴﯩﺪﺍ ﺯﻭﺭ ﺋﯚﺯﮔﯩﺮﯨﺶ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ، ﻳﺎﺷﺎﻧﻐﺎﻧﻼﺭ ﺑﯩﻠﻪﻥ ﺋﯚﺳﻤﯜﺭﻟﻪﺭ ﻧﻮﭘﯘﺳﯩﻨﯩﯔ ﻧﯩﺴﺒﯩﺘﻰ ﺋﯚﺯﮔﯩﺮﯨﭗ، 1975 ‏ - ﻳﯩﻠﻰ 14 ﻳﺎﺷﻨﯩﯔ ﺗﯚﯞﯨﻨﯩﺪﯨﻜﻰ ﺋﯚﺳﻤﯜﺭﻟﻪﺭﻧﯩﯔ ﺳﺎﻧﻰ 366 ﻣﯩﻠﻴﻮﻥ، 60 ﻳﺎﺷﻨﯩﯔ ﺋﯜﺳﺘﯩﺪﯨﻜﻰ ﻳﺎﺷﺎﻧﻐﺎﻧﻼﺭﻧﯩﯔ ﺳﺎﻧﻰ 64 ﻣﯩﻠﻴﻮﻥ ﺑﻮﻟﻐﺎﻥ ﺑﻮﻟﺴﺎ، 2005 ‏ - ﻳﯩﻠﻰ ﺋﯚﺳﻤﯜﺭﻟﻪﺭﻧﯩﯔ ﺋﻮﻣﯘﻣﻰ ﺳﺎﻧﻰ 284 ﻣﯩﻠﻴﻮﻧﻐﺎ ﺗﯚﯞﻩﻧﻠﯩﮕﻪﻧﻠﯩﻜﯩﻨﻰ، ﻟﯧﻜﯩﻦ ﻗﯧﺮﯨﻼﺭﻧﯩﯔ ﺳﺎﻧﻰ 144 ﻣﯩﻠﻴﻮﻧﻐﺎ ﭼﯩﻘﻘﺎﻧﻠﯩﻘﯩﻨﻰ ﺗﻪﻛﯩﺘﻠﯩﮕﻪﻥ.

9 - ﺋﯚﻛﺘﻪﺑﯩﺮ ﻛﯜﻧﻰ ﺑﻮﺷﯜﻥ ﺗﻮﺭ ﺑﯧﺘﻰ، "ﺋﺎﺳﯩﻴﺎ ﺧﻪﯞﻩﺭﻟﯩﺮﻯ" ﮔﯧﺰﯨﺘﯩﻨﯩﯔ "ﺧﯩﺘﺎﻱ ﺋﯧﻐﯩﺮ ﻫﺎﻟﺪﯨﻜﻰ ﺗﯘﻏﻤﺎﺳﻠﯩﻖ ﺗﻪﻫﺪﯨﺘﯩﮕﻪ ﺩﯗﭺ ﻛﻪﻟﻤﻪﻛﺘﻪ، ﺑﯘ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﻨﯩﯔ ﺋﯧﻐﯩﺮ ﺋﺎﻗﯩﯟﯨﺘﻰ" ﺳﻪﺭﻟﻪﯞﻫﻪﻟﯩﻚ ﻣﺎﻗﺎﻟﯩﺴﯩﻨﻰ ﻛﯚﭼﯜﺭﯛﭖ ﺑﺎﺳﻘﺎﻥ. ﻣﺎﻗﺎﻟﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻳﻪﺭﻟﯩﻚ ﭘﯩﻼﻧﻠﯩﻖ ﺗﯘﻏﯘﺕ ﺋﯩﺸﺨﺎﻧﯩﻠﯩﺮﯨﻨﯩﯔ ﺋﻪﺭ - ﺋﺎﻳﺎﻟﻼﺭﻏﺎ ﻗﺎﺭﯨﺘﺎ ﻣﻪﺟﺒﯘﺭﯨﻲ ﻫﺎﻟﺪﺍ ﺋﯧﻠﯩﭗ ﺑﺎﺭﻏﺎﻥ ﺗﯘﻏﯘﺕ ﭼﻪﻛﻠﻪﺵ ﺋﻮﭘﯩﺮﺍﺗﺴﯩﻴﯩﺴﻰ ﻧﻪﺗﯩﺠﯩﺴﯩﺪﻩ، ﺑﯘ ﻛﯩﺸﯩﻠﻪﺭﻧﯩﯔ ﺗﯘﻏﯘﺵ ﺋﯩﻘﺘﯩﺪﺍﺭﯨﺪﯨﻦ ﻣﻪﯕﮕﯜﻟﯜﻙ ﺋﺎﻳﺮﯨﻠﯩﭗ ﻗﯧﻠﯩﺸﻼ ﺋﻪﻣﻪﺱ، ﺑﻪﻟﻜﻰ ﻧﻮﺭﻣﺎﻝ ﺟﯩﻨﺴﻰ ﺋﯩﻘﺘﯩﺪﺍﺭﯨﺪﯨﻨﻤﯘ ﺋﺎﻳﺮﯨﻠﯩﭗ ﻗﺎﻟﻐﺎﻧﻠﯩﻘﻰ، ﻫﻪﺗﺘﺎ ﺋﻪﻣﮕﻪﻙ ﻗﯩﻠﯩﺶ ﺋﯩﻘﺘﯩﺪﺍﺭﯨﺪﯨﻨﻤﯘ ﺋﺎﻳﺮﯨﻠﯩﭗ ﻣﻪﯕﮕﯜﻟﯜﻙ ﻣﯧﻴﯩﭗ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ؛ ﺗﯘﻏﯘﻟﯘﺵ ﺋﺎﻟﺪﯨﺪﯨﻜﻰ 8 ﺋﺎﻳﻠﯩﻖ ﺑﻮﯞﺍﻗﻼﺭﻧﯩﯖﻤﯘ ﭘﯩﻼﻧﻠﯩﻖ ﺗﯘﻏﯘﺕ ﺧﺎﺩﯨﻤﻠﯩﺮﯨﻨﯩﯔ ﻣﻪﺟﺒﯘﺭﻟﯩﺸﻰ ﺋﺎﺳﺘﯩﺪﺍ ﻗﻮﺳﺎﻕ ﺋﯩﭽﯩﺪﯨﻼ ﺋﯚﻟﺘﯜﺭﯛﻟﯜﭖ، ﺋﺎﻧﯩﻨﯩﯔ ﺑﯘ ﺟﻪﺭﻳﺎﻧﺪﺍ ﻣﻪﯕﮕﯜﻟﯜﻙ ﻣﯧﻴﯩﭗ ﺑﻮﻟﯘﭖ ﻗﺎﻟﻐﺎﻧﻠﯩﻘﻰ ﻫﻪﺗﺘﺎ ﺋﯚﻟﯜﭖ ﻛﻪﺗﻜﻪﻧﻠﯩﻜﻰ ﻗﺎﺗﺎﺭﻟﯩﻘﻼﺭ ﺑﺎﻳﺎﻥ ﻗﯩﻠﯩﻨﯩﭗ، ﺧﯩﺘﺎﻱ ﻫﯚﻛﯜﻣﯩﺘﻰ ﻳﯜﺭﮔﯜﺯﯛﯞﺍﺗﻘﺎﻥ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﻨﻰ"ﺋﯩﻨﺴﺎﻧﻼﺭﻧﯩﯔ ﺋﻪﯓ ﺋﻪﻗﻪﻟﻠﻰ ﺑﻮﻟﻐﺎﻥ ﻛﯩﺸﯩﻠﯩﻚ ﻫﻮﻗﯘﻗﯩﻐﯩﻤﯘ ﻛﺎﭘﺎﻟﻪﺗﻠﯩﻚ ﻗﯩﻠﻤﯩﻐﺎﻥ ﻗﻪﺑﯩﻬ ﺳﯩﻴﺎﺳﻪﺕ،" ﺩﻩﭖ ﺗﻪﻧﻘﯩﺪﻟﯩﮕﻪﻥ.

ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﺪﻩ ﻳﯜﺭﮔﯜﺯﯛﯞﺍﺗﻘﺎﻥ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﻰ ﺗﯧﺨﯩﻤﯘ ﺋﯧﻐﯩﺮ ﺑﻮﻟﯘﭖ، ﺧﯩﺘﺎﻳﻨﯩﯔ ﺋﯘﻳﻐﯘﺭ ﺋﯧﻠﯩﮕﻪ ﺗﻪﻳﯩﻨﻠﯩﮕﻪﻥ ﺋﺎﭘﺘﻮﻧﯘﻡ ﺭﺍﻳﻮﻧﻠﯘﻕ ﭘﺎﺭﺗﻜﻮﻡ ﺳﯧﻜﺮﯨﺘﺎﺭﻯ ﯞﺍﯓ ﻟﯧﭽﯜﻩﻥ 2008 - ﻳﯩﻠﻠﯩﻖ ﭘﯩﻼﻧﻠﯩﻖ ﺗﯘﻏﯘﺕ ﻫﻪﻗﻘﯩﺪﺩﻛﻰ ﻳﯩﻐﯩﻨﺪﺍ ﺑﻪﺭﮔﻪﻥ ﺩﻭﻛﻼﺩﯨﺪﺍ، ﺋﯘﻳﻐﯘﺭ ﺋﯧﻠﯩﺪﻩ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﻰ ﻳﻮﻟﻐﺎ ﻗﻮﻳﯘﻟﻐﺎﻧﺪﯨﻦ ﺑﯘﻳﺎﻧﻘﻰ 20 ﻳﯩﻞ ﺋﯩﭽﯩﺪﻩ، 1 ﻣﯩﻠﻴﻮﻥ 200 ﻣﯩﯔ ﺑﻮﯞﺍﻗﻨﯩﯔ ﺋﺎﺯ ﺗﯘﻏﯘﻟﻐﺎﻧﻠﯩﻘﯩﻨﻰ ﺩﯦﮕﻪﻥ ﺋﯩﺪﻯ.

ﻣﻪﺯﻛﯘﺭ ﻳﯩﻐﯩﻨﺪﺍ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﺷﯩﭽﻪ، 2008 - ﻳﯩﻠﻰ ﺋﺎﭘﺘﻮﻧﻮﻡ ﺭﺍﻳﻮﻥ ﺑﯘﻳﯩﭽﻪ " ﭘﯩﻼﻧﻠﯩﻖ ﺗﯘﻏﯘﺕ " ﺧﯩﺰﻣﯩﺘﯩﮕﻪ ﺋﺎﺟﺮﯨﺘﯩﻠﻐﺎﻥ ﺋﻮﻣﯘﻣﻰ ﻣﻪﺑﻠﻪﻍ 380 ﻣﯩﻠﻴﻮﻥ ﻳﯜﻩﻧﮕﻪ ﻳﯧﺘﯩﭗ، ﺗﺎﺭﯨﺨﺘﯩﻦ ﺑﯘﻳﺎﻥ " ﭘﯩﻼﻧﻠﯩﻖ ﺗﯘﻏﯘﺕ " ﺧﯩﺰﻣﯩﺘﯩﮕﻪ ﺋﻪﯓ ﻛﯚﭖ ﻣﻪﺑﻠﻪﻍ ﺋﺎﺟﺮﯨﺘﯩﻠﻐﺎﻥ ﺑﯩﺮ ﻳﯩﻞ ﺑﻮﻟﻐﺎﻥ، ﺑﯘ ﭘﯘﻟﻼﺭﻧﯩﯔ ﺋﺎﺳﺎﺳﻠﯩﻘﻰ ﭘﯩﻼﻧﻠﯩﻖ ﺗﯘﻏﯘﺕ ﭘﻮﻧﻜﯩﺘﻠﯩﺮﯨﻐﺎ، ﭘﯩﻼﻧﻠﯩﻖ ﺗﯘﻏﯘﺕ ﺋﻮﭘﯧﺮﺍﺗﺴﯩﻴﯩﺴﻰ ﺋﯜﭼﯜﻥ ﺑﯧﺮﯨﻠﮕﻪﻥ. ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﻳﻪﻧﻪ، 2009 - ﻳﯩﻠﻰ ﺋﯩﭽﯩﺪﻩ ﺋﺎﭘﺘﻮﻧﻮﻡ ﺭﺍﻳﻮﻧﻨﯩﯔ ﺋﻮﻣﯘﻣﻰ ﻧﻮﭘﯘﺳﯩﻨﻰ 21 ﻣﯩﻠﻴﻮﻥ 850 ﻣﯩﯔ ﻧﻪﭘﻪﺭ ﺋﯩﭽﯩﺪﻩ ﺗﯩﺰﮔﯩﻨﻠﻪﺵ، ﻧﻮﭘﯘﺳﻨﯩﯔ ﺗﻪﺑﯩﺌﯩﻲ ﻛﯚﭘﯩﻴﯩﺶ ﻧﯩﺴﺒﯩﺘﯩﻨﻰ 11 ﭘﯩﺮﺳﻪﻧﺘﺘﯩﻦ ﺋﺎﺷﯘﺭﯗﯞﻩﺗﻤﻪﺳﻠﯩﻜﻜﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺶ ﺗﻪﻟﻪﭖ ﻗﯩﻠﯩﻨﻐﺎﻥ.

ﺧﯩﺘﺎﻱ ﻫﺎﻛﯩﻤﯩﻴﯩﺘﻰ ﺋﯘﻳﻐﯘﺭ ﺋﯧﻠﯩﺪﻩ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﻨﻰ ﻳﻮﻟﻐﺎ ﻗﻮﻳﻐﺎﻧﺪﯨﻦ ﺑﯘﻳﺎﻥ، ﺗﯘﻏﯘﺕ ﻳﯧﺸﯩﺪﯨﻜﻰ ﺋﯘﻳﻐﯘﺭ ﺋﻪﺭ - ﺋﺎﻳﺎﻟﻠﯩﺮﯨﻐﺎ ﻧﯩﺴﺒﻪﺗﻪﻥ، ﻣﻪﺟﺒﯘﺭﯨﻲ ﻳﻮﺳﯘﻧﺪﯨﻜﻰ ﭘﯩﻼﻧﻠﯩﻖ ﺗﯘﻏﯘﺕ ﺋﻮﭘﯧﺮﺍﺗﺴﯩﻴﯩﺴﻰ ﺋﯧﻠﯩﭗ ﺑﯧﺮﯨﭗ، ﺋﯘﻳﻐﯘﺭ ﺋﻪﺭ - ﺋﺎﻳﺎﻟﻠﯩﺮﻯ ﺋﺎﺭﯨﺴﯩﺪﺍ ﺗﯘﻏﻤﺎﺳﻠﯩﻖ ﻧﯩﺴﺒﯩﺘﯩﻨﯩﯔ ﺋﯧﺸﯩﭗ ﺑﯧﺮﯨﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺋﯘﻻﺭﻧﯩﯔ ﺳﺎﻻﻣﻪﺗﻠﯩﻜﯩﮕﻪ ﻫﻪﻡ ﺭﻭﻫﯩﻴﯩﺘﯩﮕﻪ ﺋﯧﻐﯩﺮ ﺗﻪﻫﺪﯨﺘﻠﻪﺭﻧﻰ ﺋﯧﻠﯩﭗ ﻛﻪﻟﮕﻪﻥ ﺋﯩﺪﻯ.