ﺭﺍﺩﯨﺌﻮﻣﯩﺰ ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﯩﻨﯩﯔ ﺧﻮﺗﻪﻥ ﯞﯨﻼﻳﯩﺘﻰ ﻟﻮﭖ ﻧﺎﻫﯩﻴﯩﺴﯩﺪﻩﺭﺍﻣﯩﺰﺍﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﯞﺍﻗﺘﯩﺪﺍ ﺋﯧﭽﯩﻠﻤﯩﻐﺎﻥ ﺋﯘﻳﻐﯘﺭ ﺋﺎﺷﺨﺎﻧﺎ ﻫﻪﻡ ﺭﯦﺴﺘﯘﺭﺍﻧﻼﺭﻧﯩﯔ ﺋﯩﻘﺘﯩﺴﺎﺩﻯ ﯞﻩ ﺳﯩﻴﺎﺳﯩﻲ ﺯﻩﺭﺑﯩﮕﻪ ﺋﯘﭼﺮﺍﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﻳﻪﺗﻜﯜﺯﮔﻪﻥ ﺋﯘﭼﯘﺭﯨﺪﯨﻦ ﻛﯧﻴﯩﻦ ﺑﯘ ﻫﻪﻗﺘﻪ ﺧﻮﺗﻪﻥ ﯞﯦﻼﻳﯩﺘﯩﺪﯨﻦ ﺗﯧﻠﯧﻔﻮﻥ ﺋﺎﺭﻗﯩﻠﯩﻖ ﻳﻪﻧﯩﻤﯘ ﺗﻮﻟﯘﻕ ﻣﻪﻟﯘﻣﺎﺗﻼﺭ ﺋﯧﻠﯩﺸﻘﺎ ﺗﯩﺮﯨﺸﺘﯘﻕ.

ﻟﻮﭖ ﻧﺎﻫﯩﻴﯩﺴﯩﺪﯨﻜﻰ ﺑﯩﺮ ﺋﯘﻳﻐﯘﺭ ﺭﯦﺴﺘﯘﺭﺍﻧﯩﻨﯩﯔ ﻛﯜﺗﻜﯜﭼﯩﺴﻰ ﺋﯘﻳﻐﯘﺭ ﺋﺎﺷﺨﺎﻧﯩﻼﺭﻧﯩﯔ ﺭﺍﻣﯩﺰﺍﻧﺪﺍ ﺗﺎﻗﺎﺷﻘﺎ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ. ﻟﻮﭖ ﻧﺎﻫﯩﻴﯩﺴﯩﺪﯨﻜﻰ ﺑﯘ ﺋﯘﻳﻐﯘﺭ ﺭﯦﺴﺘﯘﺭﺍﻧﯩﻐﺎ ﻳﯧﻘﯩﻨﻼ ﺟﺎﻳﻐﺎ ﺋﯧﭽﯩﻠﻐﺎﻥ 'ﻗﯩﺰﯨﻞ ﻗﻮﻧﺎﻕ' ﺧﯩﺘﺎﻱ ﺭﯦﺴﺘﯘﺭﺍﻧﯩﻐﺎ ﺗﯧﻠﯩﻔﻮﻥ ﻗﯩﻠﻐﯩﻨﯩﻤﯩﺰﺩﺍ ، ﺭﯦﺴﺘﯘﺭﺍﻥ ﺧﻮﺟﺎﻳﯩﻨﻰ ﻫﯚﻛﯜﻣﻪﺗﺘﯩﻦ ﺋﯩﺸﯩﻚ ﺗﺎﻗﺎﺷﻘﺎ ﻳﻮﻝ ﻗﻮﻳﯘﻟﻤﺎﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﻩ ﻫﯧﭽﻘﺎﻧﺪﺍﻕ ﺋﯘﻗﺘﯘﺭﯗﺵ ﺗﺎﭘﺸﯘﺭﯗﯞﺍﻟﻤﯩﻐﺎﻧﻠﯩﻘﯩﻨﻰ ﺑﯩﻠﺪﯛﺭﺩﻯ.

ﺑﯩﺰﻧﯩﯔ ﻟﻮﭖ ﻧﺎﻫﯩﻴﯩﻠﯩﻚ ﺑﺎﺝ ﺋﯩﺪﺍﺭﯨﺴﯩﻐﺎ ﻗﺎﺭﺍﺗﻘﺎﻥ ﺗﯧﻠﯩﻔﻮﻥ ﺯﯨﻴﺎﺭﯨﺘﯩﻤﯩﺰﺩﯨﻦ ﺭﺍﻣﯩﺰﺍﻧﺪﺍ ﺗﯩﺠﺎﺭﻩﺕ ﺗﻮﺧﺘﺎﺗﻤﺎﺳﻠﯩﻖ ﻫﻪﻗﻘﯩﺪﯨﻜﻰ ﺋﯘﻗﺘﯘﺭﯗﺷﻨﯩﯔ ﭘﻪﻗﻪﺕ ﺋﯘﻳﻐﯘﺭ ﺭﯦﺴﺘﯘﺭﺍﻧﻠﯩﺮﯨﻨﯩﻼ ﻧﯩﺸﺎﻥ ﻗﯩﻠﻐﺎﻧﻠﯩﻘﻰ ﺋﯧﻨﯩﻖ ﺑﻮﻟﺪﻯ:

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯧﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯨﺸﯩﺘﻨﯩﯔ ﺋﯧﻴﺘﯩﺸﯩﭽﻪ ،ﻟﻮﭖ ﻧﺎﻫﯩﻴﯩﺴﯩﺪﻩ ﺭﺍﻣﯩﺰﺍﻥ ﻣﯘﻧﺎﺳﯩﯟﯨﺘﻰ ﺑﯩﻠﻪﻥ ﯞﺍﻗﺘﯩﺪﺍ ﺋﯧﭽﯩﻠﻤﯩﻐﺎﻥ 11 ﺭﯦﺴﺘﯘﺭﺍﻥ ﯞﻩ ﺋﺎﺷﺨﺎﻧﺎ ﺋﯩﻘﺘﯩﺴﺎﺩﻯ ﯞﻩ ﺳﯩﻴﺎﺳﯩﻲ ﺯﻩﺭﺑﯩﮕﻪ ﺋﯘﭼﺮﯨﻐﺎﻥ . ﭼﺎﺭﯨﺒﺎﻍ ﻳﯧﺰﯨﺴﯩﺪﯨﻜﻰ "ﻗﯧﻴﯘﻣﺠﺎﻥ " ﺋﺎﺷﺨﺎﻧﯩﺴﻰ ﺩﺍﺋﯩﺮﯨﻠﻪﺭ ﺗﻪﺭﯨﭙﯩﺪﯨﻦ 6 ﺋﺎﻳﻐﯩﭽﻪ ﺗﯩﺠﺎﺭﻩﺗﻨﻰ ﺗﻮﺧﺘﯩﺘﯩﺶ ﺟﺎﺯﺍﺳﯩﻐﺎ ﺗﺎﺭﺗﯩﻠﻐﺎﻥ.

ﭼﺎﺭﯨﺒﺎﻍ ﻳﯧﺰﯨﻠﯩﻖ ﺳﺎﻗﭽﯩﺨﺎﻧﯩﻐﺎ ﻗﺎﺭﺍﺗﻘﺎﻥ ﺗﯧﻠﯩﻔﻮﻧﯩﻤﯩﺰﻏﺎ ﻛﻪﭼﻠﯩﻚ ﺯﯨﻴﺎﭘﻪﺗﺘﻪ ﺋﻮﻟﺘﯘﺭﻏﺎﻥ ﺑﯩﺮ ﺳﺎﻗﭽﻰ ﺋﻪﺱ ﻳﺎﺩﻯ ﺋﺎﻧﭽﻪ ﻧﻮﺭﻣﺎﻝ ﺋﻪﻣﻪﺱ ﻫﺎﻟﺪﺍ ﺟﺎﯞﺍﺏ ﻗﯩﻠﺪﻯ.

ﮔﻪﺭﭼﻪ ﺑﯘ ﺳﺎﻗﭽﻰ ﻫﯚﻛﯜﻣﻪﺕ ﺩﺍﺋﯩﺮﯨﻠﯩﺮﯨﻨﯩﯔ ﺑﯘ ﺭﺍﻣﯩﺰﺍﻧﺪﺍ ﺭﯦﺴﺘﯘﺭﺍﻥ ﯞﻩ ﺋﺎﺷﺨﺎﻧﯩﻼﺭﻧﻰ ﺗﺎﻗﺎﺵ، ﺋﺎﻟﯩﻲ، ﺋﻮﺗﺘﯘﺭﺍ ﯞﻩ ﺑﺎﺷﻼﻧﻐﯘﭺ ﻣﻪﻛﺘﻪﭖ ﺋﻮﻗﯘﻏﯘﭼﯩﻠﯩﺮﯨﻨﯩﯔ ﺭﻭﺯﺍ ﺗﯘﺗﯘﺷﻰ، ﺋﺎﻳﺎﻟﻼﺭﻧﯩﯔ ﭼﯚﻣﺒﻪﻝ ﺋﺎﺭﺗﯩﺸﻰ، ﻣﻪﺳﭽﯩﺘﻜﻪ ﻛﯩﺮﯨﺸﻰ ﻗﺎﺗﺎﺭﻟﯩﻖ ﺩﯨﻨﯩﻲ ﭘﺎﺋﺎﻟﯩﻴﻪﺗﻠﻪﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﺸﯩﻨﻰ ﭼﻪﻛﻠﻪﭖ، ﺑﯘﻧﯩﯖﻐﺎ ﺧﯩﻼﭖ ﻫﻪﺭﯨﻜﻪﺕ ﺋﯧﻠﯩﭗ ﺑﺎﺭﻏﯘﭼﯩﻼﺭﻧﻰ ﺟﺎﺯﺍﻻﯞﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ ﺑﻮﻟﺴﯩﻤﯘ ، ﺋﻪﻣﻤﺎ ﺋﻪﻛﺴﯩﭽﻪ ﭼﺎﺭﯨﺒﺎﻍ ﻳﯧﺰﯨﻠﯩﻖ ﭘﺎﺭﺗﻜﻮﻣﯩﻨﯩﯔ ﺗﯧﻠﯩﻔﻮﻥ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺧﯩﺘﺎﻱ ﻛﺎﺩﯨﺮﻯ ﺋﯘﻳﻐﯘﺭﻻﺭﻏﺎ ﻛﻪﯓ ﺋﯧﺘﯩﻘﺎﺩ ﺋﻪﺭﻛﯩﻨﻠﯩﻜﻰ ﺑﯧﺮﯨﻠﮕﻪﻧﻠﯩﻜﯩﻨﻰ ﺋﯧﻴﺘﺘﻰ . ﺋﻪﻣﻤﺎ ﺑﺎﺷﻘﺎ ﺳﻮﺋﺎﻟﻠﯩﺮﯨﻤﯩﺰﻏﺎ ﺟﺎﯞﺍﺏ ﺑﯧﺮﯨﺸﻜﻪ ﺗﻪﺧﯩﺮ ﻗﯩﻼﻟﻤﺎﻳﻼ ﻗﻮﭘﺎﻟﻠﯩﻖ ﺑﯩﻠﻪﻥ ﺯﯨﻴﺎﺭﯨﺘﯩﻤﯩﺰﻧﻰ ﺋﯜﺯﺩﻯ.

ﻟﻮﭖ ﻧﺎﻫﯩﻴﯩﻠﯩﻚ ﭘﺎﺭﺗﻜﻮﻡ ﻣﯩﻠﻠﯩﻲ ﯞﻩ ﺩﯨﻨﯩﻲ ﺋﯩﺸﻼﺭ ﺑﺎﺷﻘﺎﺭﻣﯩﺴﻰ ﺑﯩﻠﻪﻥ ﺋﺎﻻﻗﯩﻼﺷﺘﯘﻕ، ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺧﯩﺘﺎﻱ ﻛﺎﺩﯨﺮ ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﺋﯘﻳﻐﯘﺭﻻﺭﻏﺎ ﻗﻮﻟﻠﯩﻨﯩﯟﺍﺗﻘﺎﻥ ﺩﯨﻨﯩﻲ ﺋﯧﺘﯩﻘﺎﺩﻧﻰ ﭼﻪﻛﻠﻪﺵ ﺗﻪﺩﺑﯩﺮﻟﯩﺮﯨﻨﯩﯔ ﻫﻪﻣﻤﯩﻨﻰ ﺋﯩﻨﻜﺎﺭ ﻗﯩﻠﺪﻯ.

ﺑﯩﺰ ﻟﻮﭖ ﻧﺎﻫﯩﻴﯩﺴﯩﺪﻩ ﺭﺍﻣﯩﺰﺍﻥ ﻣﻪﺯﮔﯩﻠﯩﺪﻩ ﻳﻮﻟﻐﺎ ﻗﻮﻳﯘﻟﯘﯞﺍﺗﻘﺎﻥ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩﯨﻨﻰ ﭼﻪﻛﻠﻪﺵ ﺳﯩﻴﺎﺳﻪﺕ ﺗﻪﺩﺑﯩﺮﻟﯩﺮﯨﻨﯩﯔ ﺑﺎﺷﻘﺎ ﺟﺎﻳﻼﺭﺩﯨﻤﯘ ﺋﯧﻠﯩﭗ ﺑﯧﺮﯨﻠﻐﺎﻥ ‏ - ﺑﯧﺮﯨﻠﻤﯩﻐﺎﻧﻠﯩﻘﯩﻨﻰ ﺋﯩﮕﯩﻠﻪﺵ ﺋﯜﭼﯜﻥ ﻛﯧﺮﯨﻴﻪ ﻧﺎﻫﯩﻴﯩﺴﯩﺪﯨﻜﻰ ﻣﻪﻟﯘﻡ ﺋﯘﻳﻐﯘﺭ ﺋﺎﺷﺨﺎﻧﯩﺴﯩﻐﺎ ﺗﯧﻠﯧﻔﻮﻥ ﻗﯩﻠﺪﯗﻕ.

ﻳﯘﻗﯩﺮﯨﺪﯨﻜﻰ ﺋﺎﯞﺍﺯ ﺋﯘﻟﯩﻨﯩﺸﯩﺪﯨﻦ، ﺧﯩﺘﺎﻱ ﺩﺍﺋﯩﺮﯨﻠﯩﺮﯨﻨﯩﯔ ﺧﻮﺗﻪﻥ ﯞﯨﻼﻳﯩﺘﯩﺪﻩ ﺑﯘ ﺭﺍﻣﯩﺰﺍﻧﺪﺍ ﺋﯘﻳﻐﯘﺭﻻﺭﻧﯩﯔ ﺩﯨﻨﯩﻲ ﺋﯧﺘﯩﻘﺎﺩ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﻗﺎﺗﺘﯩﻖ ﭼﻪﻛﻠﻪﺵ ﺗﻪﺩﺑﯩﺮﻟﯩﺮﯨﻨﻰ ﻳﻮﻟﻐﺎ ﻗﻮﻳﯘﯞﺍﺗﻘﺎﻧﻠﯩﻘﻰ ﻫﻪﻗﻘﯩﺪﻩ ﮔﯜﻟﭽﯧﻬﺮﻩ ﺗﻪﻳﻴﺎﺭﻟﯩﻐﺎﻥ ﻣﻪﻟﯘﻣﺎﺗﻼﺭﻧﯩﯔ ﺗﻪﭘﺴﯩﻼﺗﯩﻨﻰ ﺋﺎﯕﻼﻳﺴﯩﻠﻪﺭ.