ﺋﻪﻣﻤﺎ ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ ﺗﻪﺭﯨﭙﯩﺪﯨﻦ ﺋﯩﺴﭙﺎﺗﻼﻧﻐﺎﻥ ﺑﯘ ﯞﻩﻗﻪ، ﺧﺎﻧﺌﯧﺮﯨﻖ ﻳﯧﺰﯨﺴﯩﺪﯨﻜﻰ ﺳﺎﻗﭽﻰ ﺗﻪﺭﯨﭙﯩﺪﯨﻦ ﭘﯜﺗﯜﻧﻠﻪﻱ ﺭﻩﺕ ﻗﯩﻠﯩﻨﺪﻯ. ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ، ﺧﯩﺘﺎﻱ ﺳﯩﻴﺎﺳﯩﺘﯩﻨﻰ ﺋﺎﻗﻼﺷﻘﺎ ﺗﯩﺮﯨﺸﻘﺎﻥ ﺳﺎﻗﭽﯩﻼﺭﻧﯩﯔ ﺋﻪﺯﻩﻟﺪﯨﻦ ﺭﺍﺱ ﺳﯚﺯ ﻗﯩﻠﻤﺎﻳﺪﯨﻐﺎﻧﻠﯩﻘﯩﻨﻰ ﺑﯩﻠﺪﯛﺭﻣﻪﻛﺘﻪ. ﺗﯚﯞﻩﻧﺪﻩ ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ ﺳﯩﻠﻪﺭﮔﻪ ﺑﯘ ﻫﻪﻗﺘﻪ ﺋﺎﯕﻠﯩﺘﯩﺶ ﺑﯧﺮﯨﺪﯗ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﻰ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ ﺗﻪﻣﯩﻨﻠﯩﮕﻪﻥ ﺋﯘﭼﯘﺭﻏﺎ ﺋﺎﺳﺎﺳﻪﻥ، ﺧﻮﺗﻪﻥ ﻧﺎﻫﯩﻴﯩﺴﻰ ﺧﺎﻧﺌﯧﺮﯨﻖ ﻳﯧﺰﯨﺴﯩﺪﯨﻜﻰ ﺑﯩﺮ ﻗﯩﺴﯩﻢ ﺋﯘﻳﻐﯘﺭﻻﺭﻧﯩﯔ ﺧﯩﺘﺎﻳﻨﯩﯔ ﺩﯨﻨﯩﻲ ﯞﻩ ﭘﯩﻼﻧﻠﯩﻖ ﺗﯘﻏﯘﺕ ﺳﯩﻴﺎﺳﯩﺘﯩﮕﻪ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﻪﻧﻠﯩﻜﻰ ﺷﯘﻧﯩﯖﺪﻩﻙ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﮔﯜﭼﯩﻠﻪﺭﻧﯩﯔ ﺳﺎﻗﭽﯩﻼﺭ ﺗﻪﺭﯨﭙﯩﺪﯨﻦ ﺯﻭﺭﺍﯞﺍﻧﻠﯩﻖ ﺑﯩﻠﻪﻥ ﺑﺎﺳﺘﯘﺭﯗﻟﻐﺎﻧﻠﯩﻘﻰ، ﻫﻪﺗﺘﺎ ﺑﯩﺮ ﺋﺎﺋﯩﻠﯩﺪﯨﻜﻰ 4 ﺋﺎﻛﺎ - ﺋﯘﻛﯩﻨﯩﯔ 3 ﯨﻨﯩﯔ ﻗﻮﻟﻐﺎ ﺋﯧﻠﯩﻨﯩﭗ، ﺑﯩﺮﯨﻨﯩﯔ ﺋﺎﺭﻗﯩﺴﯩﺪﯨﻦ ﺗﯘﺗﯘﺵ ﺑﯘﻳﺮﯗﻗﻰ ﭼﯩﻘﯩﺮﯨﻠﻐﺎﻧﻠﯩﻘﯩﺪﯨﻦ ﺧﻪﯞﻩﺭﺩﺍﺭ ﺑﻮﻟﺪﯗﻕ.

ﺑﯩﺰ ﺑﯘ ﯞﻩﻗﻪ ﻫﻪﻗﻘﯩﺪﻩ ﺋﯧﻨﯩﻖ ﺑﯩﺮ ﻣﻪﻟﯘﻣﺎﺗﻘﺎ ﺋﯧﺮﯨﺸﯩﺶ ﺋﯜﭼﯜﻥ، ﺧﺎﻧﺌﯧﺮﯨﻖ ﻳﯧﺰﯨﺴﯩﺪﯨﻜﻰ ﺳﺎﻗﭽﻰ ﭘﻮﻧﻜﯩﺘﯩﻐﺎ ﺗﯧﻠﯧﻔﯘﻥ ﺋﯘﺭﺩﯗﻕ. ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺳﺎﻗﭽﻰ ﺧﺎﺩﯨﻢ ﺑﯘﻧﺪﺍﻕ ﺑﯩﺮ ﯞﻩﻗﻪﻧﯩﯔ ﻳﯜﺯ ﺑﻪﺭﮔﻪﻧﻠﯩﻜﯩﻨﻰ ﭘﯜﺗﯜﻧﻠﻪﻱ ﺋﯩﻨﻜﺎﺭ ﻗﯩﻠﺪﻯ.

ﺑﯘ ﺋﺎﺭﯨﺪﺍ ﺧﯩﺘﺎﻱ ﺋﺎﺧﺒﺎﺭﺍﺕ ﯞﺍﺳﺘﯩﻠﯩﺮﻯ، ﺧﻮﺗﻪﻥ ﻧﺎﻫﯩﻴﯩﺴﻰ ﺩﺍﺋﯩﺮﯨﻠﯩﺮﯨﻨﯩﯔ ﺑﺎﺭﻟﯩﻖ ﻛﯜﭼﯩﻨﻰ ﺋﯩﺸﻘﺎ ﺳﯧﻠﯩﭗ، ﻣﻪﺭﻛﯩﺰﻯ ﻫﯚﻛﯜﻣﻪﺕ، ﺋﺎﭘﺘﻮﻧﻮﻡ ﺭﺍﻳﻮﻥ، ﺷﯘﻧﯩﯖﺪﻩﻙ ﯞﯨﻼﻳﻪﺕ ﺋﻮﺭﯗﻧﻼﺷﺘﯘﺭﻏﺎﻥ ﻣﯘﻗﯩﻤﻠﯩﻖ ﺧﯩﺰﻣﻪﺗﻠﯩﺮﻯ ﺑﯘﻳﯩﭽﻪ ﺋﯩﺶ ﻛﯚﺭﯛﭖ، " ﺋﻮﻟﯩﻤﭙﯩﻚ ﺑﯩﺨﻪﺗﻪﺭﻟﯩﻜﻰ"ﺧﯩﺰﻣﯩﺘﯩﺪﻩ ﻧﻪﺗﯩﺠﯩﮕﻪ ﺋﯧﺮﯨﺸﻜﻪﻧﻠﯩﻜﻰ ﺑﺎﻳﺎﻥ ﻗﯩﻠﯩﻨﻐﺎﻧﺪﯨﻦ ﺳﯩﺮﺕ، ﻧﺎﻫﯩﻴﯩﻠﯩﻚ ﻫﯚﻛﯜﻣﻪﺗﻨﯩﯔ ﺭﻩﻫﺒﻪﺭﻟﯩﻜﯩﺪﻩ ﻳﯧﺰﺍ ‏ - ﻛﻪﻧﺘﻠﻪﺭﺩﯨﻜﻰ ﺋﻪﻛﺴﯩﻴﻪﺗﭽﯩﻞ ﻛﯜﭼﻠﻪﺭﮔﻪ ﺯﻩﺭﺑﻪ ﺑﯧﺮﯨﺶ ﺭﻩﻫﺒﻪﺭﻟﯩﻚ ﮔﯘﺭﯗﭘﭙﯩﺴﻰ ﺗﻪﺳﯩﺲ ﻗﯩﻠﯩﭗ، ﺟﺎﻣﺎﺋﻪﺕ ﺧﻪﯞﭘﺴﯩﺰﻟﯩﻚ ﺋﻮﺭﮔﺎﻧﻠﯩﺮﯨﻨﻰ ﻣﻪﺭﻛﻪﺯ ﻗﯩﻠﻐﺎﻥ ﺋﺎﺳﺎﺳﺘﺎ، ﻗﺎﻧﯘﻥ ﺑﯘﻳﯩﭽﻪ ﺧﻮﺗﻪﻥ ﻧﺎﻫﯩﻴﯩﺴﻰ ﺧﺎﻧﺌﯧﺮﯨﻖ ﻳﯧﺰﯨﺴﯩﺪﯨﻜﻰ 4 ﺋﺎﻛﺎ ‏‏ - ﺋﯘﻛﯩﻨﯩﯔ ﯞﻩﻗﻪﺳﯩﻨﻰ ﺑﯩﺮ ﺗﻪﺭﻩﭖ ﻗﯩﻠﻐﺎﻧﻠﯩﻘﯩﻨﻰ ﺋﯧﻼﻥ ﻗﯩﻠﻐﺎﻥ.

ﺩﯗﻧﻴﺎ ﺋﯘﻳﻐﯘﺭ ﻗﯘﺭﯗﻟﺘﯩﻴﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﺩﯨﻠﺸﺎﺕ ﺭﯦﺸﯩﺖ، ﺧﻮﺗﻪﻥ ﻧﺎﻫﯩﻴﯩﺴﻰ ﺧﺎﻧﺌﯧﺮﯨﻖ ﻳﯧﺰﯨﺴﻰ ﺳﺎﻗﭽﻰ ﺧﺎﺩﯨﻤﻠﯩﺮﯨﻨﯩﯔ ﻣﻪﺯﻛﯜﺭ ﻳﯧﺰﯨﺪﺍ ﻳﯜﺯ ﺑﻪﺭﮔﻪﻥ ﯞﻩﻗﻪﻧﻰ ﭘﯜﺗﯜﻧﻠﻪﻱ ﺋﯩﻨﻜﺎﺭ ﻗﯩﻠﯩﭗ، ﺋﯘﻧﺪﺍﻕ ﺑﯩﺮ ﯞﻩﻗﻪ ﻳﯜﺯ ﺑﻪﺭﻣﯩﮕﻪﻧﻠﯩﻜﻰ ﻫﻪﻗﻘﯩﺪﯨﻜﻰ ﺳﯚﺯﻟﯩﺮﯨﮕﻪ ﻗﺎﺭﯨﺘﺎ ﺭﻩﺩﺩﯨﻴﻪ ﺑﻪﺭﺩﻯ.