ﺑﯘﻻﺭ ﺑﻪﺯﻯ ﺋﯩﻨﺴﺎﻧﻼﺭﻧﯩﯔ ﺋﯧﻐﯩﺰﯨﺪﯨﻦ ﭼﯩﻘﯩﺪﯨﻐﺎﻥ، ﺋﯘﻻﺭﻧﻰ ﻳﺎﻣﺎﻧﻠﯩﻘﻘﺎ ﺑﺎﺷﻼﻳﺪﯨﻐﺎﻥ، ﺷﻪﺧﺲ ﻫﻪﻡ ﺟﻪﻣﺌﯩﻴﻪﺗﻜﻪ ﺯﯨﻴﺎﻧﻠﯩﻖ ﺑﻮﻟﻐﺎﻥ، ﺋﺎﻟﻼﻫ ﭼﻪﻛﻠﯩﮕﻪﻥ ﻳﻪﺗﺘﻪ ﺗﯜﺭﻟﯜﻙ ﭼﻮﯓ ﮔﯘﻧﺎﻫﻨﯩﯔ ﺑﯩﺮﯨﺪﯗﺭ.

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﺑﯩﻠﻪﻥ ﺳﯚﻫﺒﻪﺕ

ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﯩﻨﯩﯔ ﻣﻪﻛﻜﻪ ﻣﯘﻛﻪﺭﺭﻩﻣﻪ ﺷﻪﻫﯩﺮﯨﺪﻩ ﺗﯘﺭﯗﺷﻠﯘﻕ ﻳﺎﺵ ﺋﺎﻟﯩﻢ ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻢ ﺋﯩﻨﺴﺎﻧﻼﺭﻧﯩﯔ ﻛﯜﻧﺪﯨﻠﯩﻚ ﻫﺎﻳﺎﺗﯩﺪﺍ ﻳﯜﺯ ﺑﯧﺮﯨﭗ ﺗﯘﺭﯨﺪﯨﻐﺎﻥ ﻳﺎﻟﻐﺎﻧﭽﯩﻠﯩﻘﻼﺭ ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﻣﯘﻧﺪﺍﻕ ﺩﯦﺪﻯ:" ﻫﺎﻳﺎﺗﻠﯩﻖ ﺳﻪﭘﯩﺮﯨﺪﻩ ﺋﯘﭼﺮﺍﭖ ﺗﯘﺭﯨﺪﯨﻐﺎﻥ ﻳﺎﻟﻐﺎﻧﭽﯩﻠﯩﻘﻼﺭ ﻧﺎﻫﺎﻳﯩﺘﻰ ﻛﯚﭖ. ﺋﯘﻻﺭﺩﯨﻦ ﺑﻪﺯﯨﺴﯩﻨﻰ ﺑﺎﻳﺎﻥ ﻗﯩﻠﯩﭗ ﺑﯧﺮﻩﻱ:

1. ﻳﺎﻟﻐﺎﻥ ﺳﯚﺯﻟﻪﺷﻜﻪ ﺋﺎﺩﻩﺗﻠﯩﻨﯩﭗ ﻗﯧﻠﯩﺶ

ﻫﻪﺩﯨﺴﺘﻪ ﻣﯘﻧﺪﺍﻕ ﻛﻪﻟﮕﻪﻥ:" ﺭﺍﺳﺘﭽﯩﻞ ﺑﻮﻟﯘﯕﻼﺭ! ﭼﯜﻧﻜﻰ ﺭﺍﺳﺘﭽﯩﻠﻠﯩﻖ ﻳﺎﺧﺸﯩﻠﯩﻘﻘﺎ ﺑﺎﺷﻼﻳﺪﯗ، ﻳﺎﺧﺸﯩﻠﯩﻖ ﺟﻪﻧﻨﻪﺗﻜﻪ ﺑﺎﺷﻼﻳﺪﯗ. ﻛﯩﻤﻜﻰ ﻫﻪﻣﯩﺸﻪ ﺭﺍﺳﺖ ﮔﻪﭖ ﻗﯩﻠﯩﯟﻩﺭﺳﻪ، ﺭﺍﺳﺘﭽﯩﻞ ﺑﻮﻟﯘﺷﻨﻰ ﻣﻪﻗﺴﻪﺕ ﻗﯩﻠﯩﯟﻩﺭﺳﻪ، ﺋﺎﺧﯩﺮﻯ ﺋﯘ ﻛﯩﺸﻰ ﺋﺎﻟﻼﻫ ﺋﺎﻟﺪﯨﺪﺍ ﺭﺍﺳﺘﭽﯩﻞ ﺑﻪﻧﺪﻩ ﺑﻮﻟﯘﭖ ﻳﯧﺰﯨﻠﯩﺪﯗ؛ ﺳﯩﻠﻪﺭ ﻳﺎﻟﻐﺎﻧﭽﯩﻠﯩﻘﺘﯩﻦ ﺳﺎﻗﻠﯩﻨﯩﯖﻼﺭ! ﭼﯜﻧﻜﻰ ﻳﺎﻟﻐﺎﻧﭽﯩﻠﯩﻖ ﻛﯩﺸﯩﻨﻰ ﺋﺎﺳﯩﻴﻠﯩﻘﻘﺎ ﺋﯧﻠﯩﭗ ﺑﺎﺭﯨﺪﯗ، ﺋﺎﺳﯩﻴﻠﯩﻖ ﺩﻭﺯﺍﺧﻘﺎ ﺋﯧﻠﯩﭗ ﺑﺎﺭﯨﺪﯗ. ﻛﯩﻤﻜﻰ ﻫﻪﻣﯩﺸﻪ ﻳﺎﻟﻐﺎﻧﭽﯩﻠﯩﻖ ﻗﯩﻠﺴﺎ ﯞﻩ ﻳﺎﻟﻐﺎﻧﭽﯩﻠﯩﻘﻨﻰ ﻣﻪﻗﺴﻪﺕ ﻗﯩﻠﯩﯟﻩﺭﺳﻪ، ﺋﺎﺧﯩﺮﻯ ﺋﯘ ﺋﺎﻟﻼﻫ ﺋﺎﻟﺪﯨﺪﺍ ﻳﺎﻟﻐﺎﻧﭽﻰ ﺑﻮﻟﯘﭖ ﻳﯧﺰﯨﻠﯩﺪﯗ". ﻳﺎﻟﻐﺎﻥ ﺳﯚﺯﻟﻪﺵ ﻗﻪﺗﺌﯩﻲ ﺗﻮﻏﺮﺍ ﺋﻪﻣﻪﺱ، ﭘﻪﻗﻪﺕ ﻗﯩﺴﻤﻪﻥ ﺋﻪﻫﯟﺍﻟﺪﺍ ﻣﻪﺳﯩﻠﯩﻨﯩﯔ ﭘﺎﻳﺪﯨﻠﯩﻖ ﺗﻪﺭﯨﭙﯩﻨﻰ ﻛﯚﺯﻟﯩﮕﻪﻥ ﻫﺎﻟﺪﺍ ﻳﺎﻟﻐﺎﻥ ﮔﻪﭖ ﻗﯩﻠﯩﺸﻘﺎ ﺑﻮﻟﯩﺪﯗ. ﺑﯘ ﺧﯩﻞ ﻳﺎﻟﻐﺎﻥ ﺳﯚﺯﻟﻪﺵ ﭘﻪﻗﻪﺕ ﺯﯨﺪﺩﯨﻴﻪﺗﻨﻰ ﻫﻪﻝ ﻗﯩﻠﯩﺶ، ﺋﻪﺭ- ﺧﻮﺗﯘﻧﻼﺭﻧﯩﯔ ﺋﺎﺭﯨﺴﯩﻨﻰ ﺋﻪﭘﻠﻪﺷﺘﯜﺭﯛﭖ ﻗﻮﻳﯘﺵ، ﺋﺎﺩﺍﯞﻩﺗﻠﯩﻚ ﻛﯩﺸﯩﻠﻪﺭﻧﻰ ﻳﺎﺭﺍﺷﺘﯘﺭﯗﭖ ﻗﻮﻳﯘﺵ ﺋﯜﭼﯜﻥ ﺭﻭﻝ ﺋﻮﻳﻨﺎﻳﺪﯨﻐﺎﻥ ﻳﺎﻟﻐﺎﻥ ﺳﯚﺯ ﺑﻮﻟﯘﺷﻰ ﺷﻪﺭﺕ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﺑﯩﺮ ﻫﻪﺩﯨﺴﺘﻪ:" ﺧﻪﻟﻖ ﺋﺎﺭﯨﺴﯩﻨﻰ ﺋﯩﺴﻼﻫ ﻗﯩﻠﯩﺶ ﺋﯜﭼﯜﻥ ﻳﺎﺧﺸﻰ ﺳﯚﺯ ﻗﯩﻠﻐﺎﻥ ﺋﺎﺩﻩﻡ ﻳﺎﻟﻐﺎﻧﭽﻰ ﺋﻪﻣﻪﺱ"ﺩﻩﭖ ﻛﯚﺭﺳﻪﺗﻜﻪﻥ.

2. ﺋﺎﻣﺎﻧﻪﺗﻜﻪ ﺧﯩﻴﺎﻧﻪﺕ ﻗﯩﻠﯩﺶ

ﺋﺎﯞﺍﻡ ﺧﻪﻟﻖ ﺋﺎﻣﺎﻧﻪﺗﻜﻪ ﺧﯩﻴﺎﻧﻪﺕ ﻗﯩﻠﯩﺶ ﺩﯦﮕﻪﻧﻨﻰ ﺋﺎﻣﺎﻧﻪﺕ ﻗﻮﻳﻐﺎﻥ ﻧﻪﺭﺳﯩﻨﻰ ﺳﺎﻗﻠﯩﻤﺎﺳﻠﯩﻖ ﺩﯦﮕﻪﻥ ﺋﺎﺩﺩﯨﻲ ﻣﻪﻧﯩﺪﯨﻼ ﭼﯜﺷﯩﻨﯩﺪﯗ. ﺋﺎﻣﺎﻧﻪﺗﻜﻪ ﺧﯩﻴﺎﻧﻪﺕ ﻗﯩﻠﯩﺶ ﺩﯦﮕﻪﻧﻨﯩﯔ ﻣﻪﻧﯩﺴﻰ ﭼﻮﯕﻘﯘﺭ ﺑﻮﻟﯘﭖ، ﺋﯘ ﺋﯩﺸﻪﻧﭽﻨﻰ ﻳﻪﺭﺩﻩ ﻗﻮﻳﯘﺵ، ﻛﯚﺭﺳﻪﺗﻜﻪﻥ ﻳﻪﺭﺩﯨﻦ ﭼﯩﻘﻤﺎﺳﻠﯩﻘﺘﯘﺭ. ﺋﯘ ﺋﯩﻨﺴﺎﻥ ﺗﻪﺑﯩﺌﯩﺘﯩﺪﯨﻜﻰ ﻧﺎﭼﺎﺭ ﺋﯩﻠﻠﻪﺗﻠﻪﺭﻧﯩﯔ ﺑﯩﺮﻯ. ﺑﯘﻧﯩﯔ ﺯﯨﻴﯩﻨﻰ ﺷﻪﺧﺴﻠﻪﺭﺩﯨﻦ ﻫﺎﻟﻘﯩﭗ، ﭘﯜﺗﯜﻥ ﻛﻮﻟﻠﯩﻜﺘﯩﭗ ﯞﻩ ﺩﯙﻟﻪﺗﻜﯩﭽﻪ ﺑﻮﻟﯩﺪﯗ. ﺧﺎﺋﯩﻨﻠﯩﻖ ﻛﯧﺴﯩﻠﻰ ﻗﺎﻳﺴﻰ ﻣﯩﻠﻠﻪﺗﺘﻪ ﺩﺍﯞﺍﻡ ﻗﯩﻠﺴﺎ ﺷﯘ ﻣﯩﻠﻠﻪﺕ، ﺷﯘ ﺋﻪﻝ ﺧﺎﺭﺍﭖ ﺑﻮﻟﯩﺪﯗ. ﺷﯘﯕﺎ ﺋﺎﻟﻼﻫ ﻗﯘﺭﺋﺎﻥ ﻛﻪﺭﯨﻤﺪﻩ ﺧﯩﻴﺎﻧﻪﺗﭽﯩﻠﯩﻚ ﻗﯩﻠﯩﺸﺘﯩﻦ ﺗﻮﺳﻘﺎﻥ.

3. ﯞﻩﺩﯨﮕﻪ ﺧﯩﻼﭘﻠﯩﻖ ﻗﯩﻠﯩﺶ

ﺑﯘ ﻫﻪﻣﻤﻪ ﺋﺎﺩﻩﻡ ﺋﯚﭺ ﻛﯚﺭﯨﺪﯨﻐﺎﻥ ﻳﺎﻟﻐﺎﻧﭽﯩﻠﯩﻖ ﺑﻮﻟﯘﭖ، ﺑﯘ ﺋﯩﻠﻠﻪﺕ ﻛﯩﻤﺪﻩ ﺑﻮﻟﺴﺎ ﺷﯘ ﺋﺎﺩﻩﻡ ﻳﺎﺧﺸﯩﻠﯩﻖ ﻛﯜﺗﯜﺷﻜﻪ ﻳﺎﺭﯨﻤﺎﻳﺪﯨﻐﺎﻥ، ﺋﯩﺸﻪﻧﮕﯩﻠﻰ ﺑﻮﻟﻤﺎﻳﺪﯨﻐﺎﻥ، ﻳﺎﺭﺍﻣﺴﯩﺰ ﺋﺎﺩﻩﻡ ﻫﯧﺴﺎﺑﻠﯩﻨﯩﺪﯗ. ﺑﯘﻧﺪﺍﻕ ﺋﺎﺩﻩﻡ ﺋﯚﺯﯨﮕﻪ ﯞﻩ ﺑﺎﺷﻘﯩﻼﺭﻏﺎ ﻧﯘﺭﻏﯘﻥ ﺯﯨﻴﺎﻧﻼﺭﻧﻰ ﻛﻪﻟﺘﯜﺭﯨﺪﯗ. ﯞﻩﺩﯨﮕﻪ ﯞﺍﭘﺎ ﻗﯩﻠﻤﺎﺳﻠﯩﻖ ﻟﻪﯞﺯﻯ ﻗﯩﻠﻐﺎﻥ ﺋﯩﺸﻘﺎ ﺋﯩﮕﻪ ﺑﻮﻻﻟﻤﺎﺳﻠﯩﻖ، ﺋﯩﻤﺎﻧﻰ ﺳﯘﺳﻠﯘﻗﺘﯩﻦ ﺩﯦﺮﻩﻙ ﺑﯧﺮﯨﺪﯨﻐﺎﻥ ﻣﯘﻧﺎﭘﯩﻘﻠﯩﻖ ﺧﺎﺭﺍﻛﺘﯧﺮﯨﻐﺎ ﺋﯩﮕﻪ ﻳﺎﻟﻐﺎﻧﭽﯩﻠﯩﻘﺘﯘﺭ. ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ ﻣﯘﻧﺎﭘﯩﻘﻠﯩﻘﻨﯩﯔ ﺋﺎﻻﻣﻪﺗﻠﯩﺮﯨﻨﻰ ﺑﺎﻳﺎﻥ ﻗﯩﻠﯩﭗ:" ﻣﯘﻧﺎﭘﯩﻘﻠﯩﻘﻨﯩﯔ ﺑﻪﻟﮕﯩﺴﻰ ﺋﯜﭼﺘﯘﺭ: ﺳﯚﺯﻟﯩﮕﻪﻧﺪﻩ ﻳﺎﻟﻐﺎﻥ ﺳﯚﺯﻟﻪﻳﺪﯗ؛ ﯞﻩﺩﯨﺴﯩﮕﻪ ﺧﯩﻼﭘﻠﯩﻖ ﻗﯩﻠﯩﺪﯗ؛ ﺋﯩﺸﻪﻧﭻ ﻗﯩﻠﺴﺎ ﺧﯩﻴﺎﻧﻪﺕ ﻗﯩﻠﯩﺪﯗ"ﺩﻩﭖ ﻛﯚﺭﺳﻪﺗﻜﻪﻥ. ﻣﺎﻧﺎ ﺑﯘ ﺋﯜﭺ ﺋﯩﺶ ﺋﯩﺸﻪﻧﭽﻨﻰ ﻳﻮﻗﯩﺘﯩﺸﻨﯩﯔ ﺋﺎﻣﯩﻠﯩﺪﯗﺭ.

4. ﻳﺎﻟﻐﺎﻥ ﮔﯘﯞﺍﻫﻠﯩﻖ ﺑﯧﺮﯨﺶ

ﺑﯘﻣﯘ ﺑﯩﺮ ﺧﯩﻞ ﻳﺎﻟﻐﺎﻧﭽﯩﻠﯩﻖ. ﺑﯘﻧﯩﯔ ﺳﻪﯞﻩﺑﯩﺪﯨﻦ ﻛﯩﺸﯩﻠﻪﺭﻧﯩﯔ ﻣﺎﻝ - ﻣﯜﻟﻜﻰ، ﻳﯜﺯ - ﺋﺎﺑﺮﻭﻳﻰ ﯞﻩ ﺟﯧﻨﯩﻐﺎ ﺯﺍﻣﯩﻦ ﺑﻮﻟﯩﺪﯨﻐﺎﻥ، ﻫﻪﻕ - ﻫﻮﻗﯘﻗﻠﯩﺮﻯ ﺩﻩﭘﺴﻪﻧﺪﻩ ﻗﯩﻠﯩﻨﯩﺪﯨﻐﺎﻥ ﺋﯧﭽﯩﻨﯩﺸﻠﯩﻖ ﺋﺎﻗﯩﯟﻩﺗﻠﻪﺭ ﻛﯧﻠﯩﭗ ﭼﯩﻘﯩﺪﯗ. ﺑﯘﻧﯩﯔ ﻳﺎﻣﺎﻥ ﺋﺎﻗﯩﯟﯨﺘﯩﻨﻰ ﺑﯩﻠﯩﭗ ﻳﻪﺗﻜﻪﻥ ﻣﯚﻣﯩﻦ ﺋﺎﺩﻩﻡ ﻛﯚﺯﻯ ﻛﯚﺭﻣﯩﮕﻪﻥ، ﻗﯘﻟﯩﻘﻰ ﺋﺎﯕﻠﯩﻤﯩﻐﺎﻥ، ﺋﯚﺯﻯ ﺑﯩﻠﻤﻪﻳﺪﯨﻐﺎﻥ ﺋﯩﺸﻘﺎ ﻳﺎﻟﻐﺎﻧﺪﯨﻦ ﮔﯘﯞﺍﻫﻠﯩﻖ ﺑﻪﺭﻣﻪﻳﺪﯗ. ﺋﺎﻟﻼﻫ ﻣﯚﻣﯩﻨﻠﻪﺭﻧﯩﯔ ﺳﯜﭘﯩﺘﯩﻨﻰ ﺑﺎﻳﺎﻥ ﻗﯩﻠﯩﭗ:" ﺋﯘﻻﺭ ﻳﺎﻟﻐﺎﻥ ﮔﯘﯞﺍﻫﻠﯩﻖ ﺑﻪﺭﻣﻪﻳﺪﯗ"ﺩﯦﮕﻪﻥ.

5. ﺗﯚﻫﻤﻪﺕ ﭼﺎﭘﻼﺵ

ﺑﯘﻣﯘ ﺑﯩﺮ ﺧﯩﻞ ﻳﺎﻟﻐﺎﻧﭽﯩﻠﯩﻖ. ﺑﯘﻧﯩﯔ ﺳﻪﯞﻩﺑﻰ ﺑﯩﻠﻪﻥ ﭘﺎﻙ ﺋﺎﺩﻩﻡ ﻧﺎﭘﺎﻙ، ﺋﺎﻕ ﻗﺎﺭﺍ ﯞﻩ ﻫﻪﻕ ﻧﺎﻫﻪﻕ ﺑﻮﻟﯘﭖ ﻗﺎﻟﯩﺪﯗ. ﺑﺎﺷﻘﯩﻼﺭﻏﺎ ﺗﯚﻫﻤﻪﺕ ﻗﯩﻠﻐﯘﭼﻰ ﺑﯩﺮﻩﺭ ﻳﺎﻣﺎﻥ ﻧﯩﻴﻪﺗﻨﻰ ﻛﯚﯕﻠﯩﮕﻪ ﭘﯜﻛﯜﭖ ﺋﯘﻻﺭﻧﯩﯔ ﻣﺎﺩﺩﯨﻲ ﯞﻩ ﻣﻪﻧﯩﯟﻯ ﺟﻪﻫﻪﺗﺘﻪ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻗﯩﻤﻤﻪﺗﻠﯩﻚ ﻧﻪﺭﺳﯩﻠﯩﺮﯨﻨﻰ ﯞﻩﻳﺮﺍﻥ ﻗﯩﻠﯩﺪﯗ. ﺷﯘﯕﺎ ﻗﯘﺭﺋﺎﻥ ﻛﻪﺭﯨﻤﺪﻩ:" ﺋﻰ ﻣﯚﻣﯩﻨﻠﻪﺭ! ﺋﻪﮔﻪﺭ ﺳﯩﻠﻪﺭﮔﻪ ﺑﯩﺮﻩﺭ ﺋﯩﺸﻪﻧﭽﺴﯩﺰ ﺋﺎﺩﻩﻡ ﺑﯩﺮﻩﺭ ﺧﻪﯞﻩﺭ ﺋﯧﻠﯩﭗ ﻛﻪﻟﺴﻪ،(ﺩﻩﺭﻫﺎﻝ ﺋﯩﺸﯩﻨﯩﭗ ﻛﻪﺗﻤﻪﻱ) ﯞﻩﻗﻪﻧﯩﯔ ﺭﺍﺳﺘﯩﻨﻰ ﺑﯩﻠﻤﻪﻱ ﺗﯘﺭﯗﭖ ﺑﯩﺮﻩﺭ ﺟﺎﻣﺎﺋﻪﺗﻨﻰ ﺭﻩﻧﺠﯩﺘﯩﭗ ﻗﻮﻳﯘﭖ، ﻛﯧﻴﯩﻦ ﭘﯘﺷﺎﻳﻤﺎﻥ ﻗﯩﻠﯩﭗ ﻗﺎﻟﻤﺎﺳﻠﯩﻘﯩﯖﻼﺭ ﺋﯜﭼﯜﻥ، ﺋﯘﻧﻰ ﺋﻮﺑﺪﺍﻥ ﺗﻪﻛﺸﯜﺭﯛﭖ ﻛﯚﺭﯛﯕﻼﺭ" ﺩﻩﭖ ﻛﯚﺭﺳﯩﺘﯩﻠﮕﻪﻥ.

6. ﭼﯧﻘﯩﻤﭽﯩﻠﯩﻖ

ﺑﯘ ﺑﯩﺮﺍﯞﺩﯨﻦ ﺋﺎﯕﻠﯩﻐﺎﻥ، ﻗﺎﺭﺷﻰ ﺗﻪﺭﻩﭖ ﺋﺎﯕﻼﭖ ﻗﺎﻟﺴﺎ ﻏﻪﺯﯨﭙﯩﻨﻰ ﻗﻮﺯﻏﺎﻳﺪﯨﻐﺎﻥ ﮔﻪﭘﻨﻰ ﺋﯩﭽﯩﺪﻩ ﺳﯩﻐﺪﯗﺭﺍﻟﻤﺎﻱ، ﻳﺎﻟﻐﺎﻥ ﺳﯚﺯ ﺑﯩﻠﻪﻥ ﺋﯘﻧﻰ ﺯﯨﻨﻨﻪﺗﻠﻪﭖ ﺧﻪﯞﻩﺭ ﺑﯧﺮﯨﺶ ﻳﺎﻟﻐﺎﻧﭽﯩﻠﯩﻘﯩﺪﯗﺭ. ﺑﯘﻧﺪﺍﻕ ﭼﯧﻘﯩﻤﭽﯩﻠﯩﻖ ﺷﯘ ﺋﯩﻨﺴﺎﻧﻨﯩﯔ ﻧﯩﻴﯩﺘﻰ ﺑﯘﺯﯗﻕ، ﺭﻭﻫﻰ ﻛﯧﺴﻪﻝ، ﺑﯩﭙﻪﺭﯞﺍ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ ﺑﯩﻠﺪﯛﺭﯨﺪﯗ. ﺗﻮﺷﯘﻟﻐﺎﻥ ﮔﻪﭘﻨﯩﯔ ﺳﻪﯞﻩﺑﻰ ﺑﯩﻠﻪﻥ ﺋﯚﭼﻤﻪﻧﻠﯩﻚ ﭘﻪﻳﺪﺍ ﺑﻮﻟﯘﭖ، ﺑﻪﺧﺘﻨﯩﯔ ﺋﺎﺳﺎﺳﻰ ﺑﻮﻟﻐﺎﻥ ﺧﺎﺗﯩﺮﺟﻪﻣﻠﯩﻚ، ﺋﯩﻨﺎﻗﻠﯩﻖ ﺑﯘﺯﯗﻟﯩﺪﯗ. ﭼﯧﻘﯩﻤﭽﯩﻠﯩﻘﻘﺎ ﻗﺎﺭﺷﻰ ﺗﯘﺭﯗﺷﻨﯩﯔ ﺋﯜﻧﯜﻣﻠﯜﻙ ﭼﺎﺭﯨﺴﻰ - ﭼﯧﻘﯩﻤﭽﯩﻨﯩﯔ ﺳﯚﺯﯨﮕﻪ ﻗﯘﻻﻕ ﺳﺎﻟﻤﺎﺳﻠﯩﻖ ﻳﺎﻛﻰ ﺋﯩﺸﻪﻧﻤﻪﺳﻠﯩﻜﯩﺪﯗﺭ. ﭼﯧﻘﯩﻤﭽﯩﻨﯩﯔ ﻳﺎﻣﺎﻥ ﺋﺎﻗﯩﯟﯨﺘﻰ ﺗﻮﻏﺮﯗﻟﯘﻕ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ:" ﻛﯩﻤﻜﻰ ﻛﯩﺸﯩﻨﯩﯔ ﺑﺎﺷﻘﯩﻼﺭ ﺋﺎﯕﻼﭖ ﻗﯧﻠﯩﺸﯩﻨﻰ ﻳﺎﻗﺘﯘﺭﻣﺎﻳﺪﯨﻐﺎﻥ ﺳﯚﺯﯨﻨﻰ ﺋﺎﯕﻠﯩﺘﯩﭗ ﻗﻮﻳﯩﺪﯨﻜﻪﻥ، ﻗﯩﻴﺎﻣﻪﺕ ﻛﯜﻧﻰ ﺋﯘﻧﯩﯔ ﺋﯩﻜﻜﻰ ﻗﯘﻟﯩﻘﯩﻐﺎ ﻗﻮﻏﯘﺷﯘﻥ ﻗﻮﻳﯘﻟﯩﺪﯗ"ﺩﻩﭖ ﻛﯚﺭﺳﻪﺗﻜﻪﻥ.

7. ﺳﻮﺩﺍ - ﺳﯧﺘﯩﻘﺘﯩﻜﻰ ﺋﺎﻟﺪﺍﻣﭽﯩﻠﯩﻖ

ﻳﯘ ﺑﺎﺷﻘﯩﻼﺭﻧﻰ ﺯﯨﻴﺎﻥ ﺗﺎﺭﺗﻘﯘﺯﯗﺵ ﺑﻪﺩﯨﻠﯩﮕﻪ ﺋﯚﺯﻯ ﭘﺎﻳﺪﺍ ﺋﺎﻟﯩﺪﯨﻐﺎﻥ، ﺋﻪﺧﻼﻗﻠﯩﻖ ﻛﯩﺸﯩﻠﻪﺭﮔﻪ ﻣﺎﺱ ﻛﻪﻟﻤﻪﻳﺪﯨﻐﺎﻥ، ﺳﺎﺧﺘﺎ ﻣﺎﻟﻼﺭﻧﻰ ﺟﯩﯔ ﻣﺎﻝ، ﺩﻩﭖ ﺳﯧﺘﯩﺶ، ﺗﺎﺭﺍﺯﯨﺪﺍ ﻛﻪﻡ ﺑﯧﺮﯨﺶ ﺋﺎﺭﻗﯩﻠﯩﻖ ﻛﯩﺸﯩﻠﻪﺭﻧﻰ ﺋﺎﻟﺪﺍﻳﺪﯨﻐﺎﻥ ﻳﺎﻟﻐﺎﻧﭽﯩﻠﯩﻖ ﺗﯜﺭﯨﺪﯗﺭ. ﻣﯘﻧﺪﺍﻗﻼﺭﻧﻰ ﺋﺎﻟﺪﺍﻣﭽﯩﻠﯩﻖ ﻳﻮﻟﻰ ﺑﯩﻠﻪﻥ ﺗﺎﭘﻘﺎﻧﻠﯩﺮﻯ ﺋﯚﺯﯨﮕﻪ ﺩﯛﺷﻤﻪﻥ ﺑﻮﻟﯩﺪﯗ. ﺳﯘﺩﺍ - ﺳﯧﺘﯩﻖ ﺋﯩﺸﻠﯩﺮﯨﺪﺍ ﻛﯩﺸﯩﻠﻪﺭﻧﻰ ﺋﺎﻟﺪﯨﻐﯘﭼﯩﻼﺭ ﺋﯩﻨﺴﺎﻧﯜﺭﻧﯩﯔ ﯞﻩ ﺋﺎﻟﻼﻫﻨﯩﯔ ﻟﻪﻧﯩﺘﯩﮕﻪ ﺋﯘﭼﺮﯨﻐﯘﭼﯩﻼﺭﺩﯗﺭ.

8. ﮔﯘﻣﺎﻧﺨﻮﺭﻟﯘﻕ

ﺑﯘ ﺑﺎﺷﻘﯩﻼﺭﺩﯨﻦ ﺳﻪﯞﻩﺑﺴﯩﺰ ﺋﺎﻏﺮﯨﻨﯩﭗ، ﻛﯧﻴﯩﻦ ﺑﻮﻟﯩﺪﯨﻐﺎﻥ " ﺑﻮﻻﺭﻣﯩﻜﯩﻦ، ﻗﯩﻼﺭﻣﯩﻜﯩﻦ، ﺋﯧﺘﻪﺭﻣﯩﻜﯩﻦ" ﺩﯦﮕﻪﻧﺪﻩﻙ ﻗﻮﺷﯘﻣﭽﯩﻼﺭ ﺑﯩﻠﻪﻥ ﮔﻪﭖ ﻗﯩﻠﯩﺶ، ﺑﯘ ﺳﯚﺯﻧﻰ ﺋﯩﻜﻜﯩﻨﭽﻰ ﺑﯩﺮ ﻛﯩﺸﻰ ﺭﺍﺳﺖ ﻗﯩﻠﯩﭗ ﺳﯚﺯﻟﻪﺵ ﺋﺎﺭﻗﯩﻠﯩﻖ ﭘﻪﻳﺪﺍ ﺑﻮﻟﯩﺪﯨﻐﺎﻥ ﻳﺎﻟﻐﺎﻧﭽﯩﻠﯩﻘﺘﯘﺭ. ﺷﯘﯕﺎ ﭘﻪﻳﻐﻪﻣﺒﻪﺭ ﺋﻪﻟﻪﻳﻬﯩﺴﺴﺎﻻﻡ:" ﺳﯩﻠﻪﺭ ﮔﯘﻣﺎﻧﺨﻮﺭﻟﯘﻗﺘﯩﻦ ﺳﺎﻗﻠﯩﻨﯩﯖﻼﺭ. ﭼﯜﻧﻜﻰ ﮔﯘﻣﺎﻥ ﺑﯩﻠﻪﻥ ﻗﯩﻠﯩﻨﻐﺎﻥ ﺳﯚﺯ ﺳﯚﺯﻧﯩﯔ ﺋﻪﯓ ﻳﺎﻟﻐﺎﻧﺮﺍﻗﯩﺪﯗﺭ"ﺩﻩﭖ ﻛﯚﺭﺳﻪﺗﻜﻪﻥ.

ﻳﺎﻟﻐﺎﻧﭽﯩﻠﯩﻖ ﺭﻩﺯﯨﻞ ﺧﯘﻟﯘﻕ

ﺋﺎﺑﺪﯗﻟﻜﯧﺮﯨﻢ ﻫﺎﺟﯩﻤﻨﯩﯔ ﺋﯧﻴﺘﯩﺸﯩﭽﻪ، ﻳﺎﻟﻐﺎﻧﭽﯩﻠﯩﻖ ﭘﯜﺗﯜﻥ ﺭﻩﺯﯨﻠﻠﯩﻜﻠﻪﺭﻧﯩﯔ ﻣﻪﻧﺒﯩﺌﯩﺪﯗﺭ. ﻳﺎﻟﻐﺎﻧﭽﯩﻠﯩﻖ ﺗﯜﭘﻪﻳﻠﯩﺪﯨﻦ ﺋﯩﺘﺘﯩﭙﺎﻗﻠﯩﻖ ﺑﯘﺯﯗﻟﯘﭖ، ﺟﻪﻣﺌﯩﻴﻪﺕ ﺗﻪﺭﺗﯩﭙﻰ ﻗﺎﻻﻳﻤﯩﻘﺎﻧﻠﯩﺸﯩﭗ، ﺋﯩﻨﺴﺎﻧﻼﺭ ﺋﺎﺭﯨﺴﯩﺪﺍ ﻫﻪﻝ ﻗﯩﻠﯩﺶ ﻗﯩﻴﯩﻦ ﺑﻮﻟﻐﺎﻥ ﺯﯨﺪﺩﯨﻴﻪﺗﻠﻪﺭ، ﻫﺎﺩﯨﺴﯩﻠﻪﺭ، ﺯﯨﻴﺎﻧﻼﺭ، ﺋﺎﺩﺍﯞﻩﺗﻠﻪﺭ ﯞﻩ ﺩﻩﭖ ﺗﯜﮔﻪﺗﻜﯜﺳﯩﺰ ﻛﯚﯕﯜﻟﺴﯩﺰﻟﯩﻜﻠﻪﺭ ﻛﯧﻠﯩﭗ ﭼﯩﻘﯩﺪﯗ. ﻳﺎﻟﻐﺎﻧﭽﻰ ﺋﺎﺩﻩﻡ ﺧﻪﻟﻘﻨﯩﯔ ﻧﻪﺯﻩﺭﯨﺪﯨﻦ ﭼﯜﺷﯩﺪﯗ. ﺋﯘﻧﯩﯔ ﺳﯚﺯﯨﮕﻪ ﻫﯧﭽﻜﯩﻢ ﺋﯩﺸﻪﻧﻤﻪﺱ ﺑﻮﻟﯩﺪﯗ. ﻳﺎﻟﻐﺎﻧﭽﯩﻠﯩﻖ ﺳﻪﯞﻩﺑﯩﺪﯨﻦ ﺋﯩﺸﻼﺭ ﺋﻮﯕﯘﺷﻠﯘﻕ ﺑﻮﻟﻤﺎﻳﺪﯗ. ﺷﯘﯕﺎ ﻗﯘﺭﺋﺎﻥ ﻛﻪﺭﯨﻤﺪﻩ:" ﺋﺎﻟﻼﻫ ﺋﯩﺴﺮﺍﭘﺨﻮﺭﻧﻰ، ﻳﺎﻟﻐﺎﻧﭽﻰ ﺋﺎﺩﻩﻣﻨﻰ ﺗﻮﻏﺮﺍ ﻳﻮﻟﻐﺎ ﺑﺎﺷﻠﯩﻤﺎﻳﺪﯗ"ﺩﻩﭖ ﻛﯚﺭﺳﯩﺘﯩﻠﮕﻪﻥ. ﺋﺎﻟﻼﻫ ﺗﯩﻠﻨﻰ ﺳﯚﺯ ﻗﯩﻠﯩﺸﻘﺎ ﻳﺎﺭﺍﺗﻘﺎﻥ، ﺑﯩﺮﺍﻕ ﻗﯩﺰﯨﻞ ﺗﯩﻠﻨﯩﯔ ﺋﯘﺳﺘﯩﺨﯩﻨﻰ ﻳﻮﻕ. ﻧﯧﻤﻪ ﺩﯦﺴﻪ ﺳﯚﺯﻟﻪﯞﯦﺮﯨﺪﯗ. ﺋﯩﻨﺴﺎﻥ ﺗﯩﻠﯩﻨﻰ ﻛﻮﻧﺘﺮﻭﻝ ﻗﯩﻠﻤﯩﻐﺎﻧﺪﺍ ﺋﯚﺯﯨﮕﻪ ﺯﯨﻴﺎﻧﻠﯩﻖ ﺋﯩﺸﻼﺭﻏﺎ ﺳﻪﯞﻩﺏ ﺑﻮﻟﯩﺪﯗ.