ﻧﺎﻣﺎﻳﯩﺸﭽﯩﻼﺭ ﭼﺎﺭﺷﻪﻧﺒﻪ ﻛﯜﻧﻰ ﺳﺎﺋﻪﺕ 11 ﺋﻪﺗﺮﺍﭘﯩﺪﺍ ﺗﻮﻛﻴﻮ ﺷﻪﻫﯩﺮﯨﻨﯩﯔ ﻣﻪﺭﻛﯩﺰﻯ ﺑﺎﻏﭽﯩﺴﯩﻐﺎ ﺗﻮﭘﻼﻧﻐﺎﻥ؛ ﻟﻮﺯﯗﻧﻜﯩﻠﯩﺮﯨﺪﺍ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻚ ﺋﯚﺗﻜﯜﺯﯛﺵ ﺳﺎﻻﻫﯩﻴﯩﺘﻰ ﻳﻮﻗﻠﯘﻗﯩﻨﻰ ﺑﺎﻳﺎﻥ ﻗﯩﻠﻐﺎﻥ ﻧﺎﻣﺎﻳﯩﺸﭽﯩﻼﺭ،ﺳﺎﺋﻪﺕ 12 ﺩﻩ ﺑﺎﻏﭽﯩﺪﯨﻦ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﯩﻐﺎ ﻗﺎﺭﺍﭖ ﻳﯜﺭﯛﺵ ﻗﯩﻠﻐﺎﻥ . ﻳﯜﺭﯛﺵ ﺟﻪﺭﻳﺎﻧﯩﺪﺍ ﺋﯩﻜﻜﻰ ﻧﻪﭘﻪﺭ ﺋﯘﻳﻐﯘﺭ ﻧﺎﻣﺎﻳﯩﺸﭽﻰ، ﻗﻮﻟﻠﯩﺮﯨﻐﺎ ﻛﻮﻳﺰﺍ ، ﺑﻮﻳﻨﯩﻐﺎ ﺗﺎﺧﺘﺎﻱ ﺋﯧﺴﯩﻠﻐﺎﻥ ﻛﯚﺭﯛﻧﯜﺷﺘﻪ ﻣﯧﯖﯩﭗ ، ﺋﯘﻳﻐﯘﺭ ﯞﻩﺯﯨﻴﯩﺘﯩﺪﯨﻜﻰ ﺟﯩﺪﺩﯨﻴﻠﯩﻜﻨﻰ ﺑﯩﻠﺪﯛﺭﮔﻪﻥ.

ﻧﺎﻣﺎﻳﯩﺸﭽﯩﻼﺭ ﺧﯩﺘﺎﻱ ﺋﻪﻟﭽﯩﺨﺎﻧﯩﺴﻰ ﺋﺎﻟﺪﯨﻐﺎ ﻛﻪﻟﮕﻪﻧﺪﻩ، ﻳﺎﭘﻮﻧﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺑﺎﺷﻠﯩﻘﻰ ﺋﯩﻠﻬﺎﻡ ﻣﺎﺧﻤﯘﺕ ﻧﺎﻣﺎﻳﯩﺸﻨﯩﯔ ﺑﺎﻳﺎﻧﺎﺗﯩﻨﻰ ﺋﻮﻗﯘﭖ ﺋﯚﺗﻜﻪﻥ. ﺋﯩﻠﻬﺎﻡ ﻣﺎﺧﻤﯘﺕ ﺑﺎﻳﺎﻧﺎﺗﯩﺪﺍ،ﺋﺎﺳﺎﺳﻠﯩﻖ ﺧﯩﺘﺎﻳﻨﯩﯔ ﺑﯘ ﻧﯚﯞﻩﺕ ﺋﯘﻳﻐﯘﺭ ﺧﻪﻟﻘﯩﻨﯩﯔ ﺋﯩﺮﺍﺩﯨﺴﯩﮕﻪ ﺧﯩﻼﭖ ﻫﺎﻟﺪﺍ، ﺋﻮﻟﯩﻤﭙﯩﻚ ﻣﻪﺷﺌﯩﻠﯩﻨﻰ ﺋﯘﻳﻐﯘﺭ ﺭﺍﻳﻮﻧﯩﺪﺍ ﺋﺎﻳﻼﻧﺪﯗﺭﻏﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﻐﺎﻥ . ﺋﯘ ﺑﺎﻳﺎﻧﺎﺗﯩﺪﺍ ﻳﻪﻧﻪ ، ﺧﯩﺘﺎﻳﻨﻰ ﺋﯘﻳﻐﯘﺭ ﺭﺍﻳﻮﻧﯩﻨﯩﯔ ﯞﻩﺯﯨﻴﯩﺘﻰ ﻫﻪﻗﻘﯩﺪﻩ ﺩﯗﻧﻴﺎﻏﺎ ﺳﺎﺧﺘﺎ ﻣﻪﻟﯘﻣﺎﺕ ﺑﯧﺮﯨﺸﻨﻰ ﺗﻮﺧﺘﯩﺘﯩﺸﻘﺎ؛ ﺋﻮﻟﯩﻤﭙﯩﻚ ﺗﻪﻳﻴﺎﺭﻟﯩﻘﻰ ﺳﻪﯞﻩﺑﻠﯩﻚ ﻗﻮﻟﻐﺎ ﺋﯧﻠﯩﻨﻐﺎﻧﻼﺭﻧﻰ ﻗﻮﻳﯘﭖ ﺑﯧﺮﯨﺸﻜﻪ ﭼﺎﻗﯩﺮﻏﺎﻥ. ﻧﺎﻣﺎﻳﯩﺸﺘﺎ ﺋﯩﻜﻜﻰ ﻧﻪﭘﻪﺭ ﭘﺎﺭﻻﻣﯧﻨﺖ ﺋﻪﺯﺍﺳﯩﻤﯘ ﺳﯚﺯ ﻗﯩﻠﯩﭗ، ﺧﯩﺘﺎﻳﻨﯩﯔ ﺋﻮﻟﯩﻤﭙﯩﻜﻨﻰ ﺗﺎﭘﺸﯘﺭﯗﯞﺍﻟﻐﺎﻥ ﭼﯧﻐﯩﺪﺍ ﺩﯗﻧﻴﺎﻏﺎ ﺑﻪﺭﮔﻪﻥ ﯞﻩﺩﯨﺴﯩﺪﻩ ﺗﯘﺭﻣﯩﻐﺎﻧﻠﯩﻘﯩﻨﻰ ﺗﻪﻧﻘﯩﺪ ﻗﯩﻠﻐﺎﻥ. ﺋﯩﻠﻬﺎﻡ ﻣﺎﺧﻤﯘﺕ ﻳﺎﭘﻮﻥ ﺧﻪﻟﻘﯩﻐﻪ ﺧﯩﺘﺎﭖ ﻗﯩﻠﯩﭗ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﯩﯔ ﺧﯩﺘﺎﻳﻨﯩﯔ ﺋﯩﭽﻜﻰ ﺋﯩﺸﻰ ﺋﻪﻣﻪﺱ ، ﺑﻪﻟﻜﻰ ﺧﻪﻟﻘﺌﺎﺭﺍﻟﯩﻖ ﻣﻪﺳﯩﻠﻪ ﺋﯩﻜﻪﻧﻠﯩﻜﯩﻨﻰ، ﻳﺎﭘﻮﻧﯩﻴﯩﻨﯩﯔ ﺋﯘﻳﻐﯘﺭﻻﺭ ﺩﯗﭺ ﻛﯧﻠﯩﯟﺍﺗﻘﺎﻥ ﺑﺎﺳﺘﯘﺭﯗﺵ ﻫﻪﺭﯨﻜﻪﺗﻠﯩﺮﯨﮕﻪ ﺗﺎﻣﺎﺷﯩﺒﯩﻦ ﺑﻮﻟﯘﭖ ﻗﺎﺭﺍﭖ ﺗﯘﺭﻣﺎﺳﻠﯩﻘﻰ ﻛﯧﺮﻩﻛﻠﯩﻜﯩﻨﻰ، ﻳﺎﭘﻮﻧﯩﻴﯩﻨﯩﯔ ﺋﺎﺳﯩﻴﺎﻧﯩﯔ ﻛﯜﭼﻠﯜﻙ ﯞﻩ ﺩﯦﻤﻮﻛﺮﺍﺗﯩﻚ ﺑﯩﺮ ﺩﯙﻟﯩﺘﻰ ﺑﻮﻟﯘﺵ ﺳﺎﻻﻫﯩﻴﯩﺘﻰ ﺑﯩﻠﻪﻥ ﺋﯘﻳﻐﯘﺭ ﻣﻪﺳﯩﻠﯩﺴﯩﮕﻪ ﺋﺎﺭﯨﻠﯩﺸﯩﺸﻰ ﻛﯧﺮﻩﻛﻠﯩﻜﯩﻨﻰ ﺑﯩﻠﺪﯛﺭﮔﻪﻥ.

ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺶ ﻳﺎﭘﻮﻧﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﯩﯔ ﺗﯘﻧﺠﻰ ﭘﺎﺋﺎﻟﯩﻴﯩﺘﻰ ﻫﯧﺴﺎﺑﻠﯩﻨﯩﺪﯗ. ﺟﻪﻣﺌﯩﻴﻪﺕ ﺑﺎﺷﻠﯩﻘﻰ ﺋﯩﻠﻬﺎﻡ ﻣﺎﺧﻤﯘﺕ ﺧﯩﺘﺎﻳﻐﺎ ﻗﺎﺭﺷﻰ ﺳﯩﻴﺎﺳﯩﻲ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺋﯚﺗﻜﻪﻥ ﻳﯩﻠﻨﯩﯔ ﺋﺎﺧﯩﺮﯨﺪﺍ ﺑﺎﺷﻠﯩﻐﺎﻥ ﯞﻩ ﻫﺎﺯﯨﺮﻏﺎ ﻗﻪﺩﻩﺭ ﻳﺎﭘﻮﻧﯩﻴﯩﻨﯩﯔ ﺭﺍﺩﯨﺌﻮ ﯞﻩ ﺗﯧﻠﯧﯟﯨﺰﯨﻴﻪ ﻗﺎﻧﺎﻟﻠﯩﺮﯨﺪﺍ ﺑﯩﺮ ﻗﺎﻧﭽﻪ ﻗﯧﺘﯩﻢ ﭘﺮﻭﮔﺮﺍﻣﻤﯩﻐﺎ ﻗﺎﺗﻨﯩﺸﯩﭗ، ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﻳﺎﭘﻮﻧﯩﻴﻪ ﺟﻪﻣﺌﯩﻴﯩﺘﯩﮕﻪ ﺗﻮﻧﯘﺷﺘﯘﺭﻏﺎﻥ ﺋﯩﺪﻯ. ﺋﯩﻠﻬﺎﻡ ﻣﺎﺧﻤﯘﺗﻨﯩﯔ ﺑﯘ ﭘﺎﺋﺎﻟﯩﻴﯩﺘﻰ ﻗﯩﺴﻘﯩﻐﯩﻨﺎ ﯞﺍﻗﯩﺖ ﺋﯩﭽﯩﺪﻩ ﺑﯩﺮ ﺗﯜﺭﻛﯜﻡ ﻳﺎﭘﻮﻥ ﺟﺎﻣﺎﺋﯩﺘﯩﻨﯩﯔ ﻗﯩﺰﻏﯩﻦ ﻗﻮﻟﻠﯩﺸﯩﻐﺎ ﺋﯧﺮﯨﺸﻜﻪﻥ ﯞﻩ ﺋﯘ ﭘﺎﺋﺎﻟﯩﻴﯩﺘﯩﻨﻰ ﺗﯧﺨﯩﻤﯘ ﻣﯘﻧﺘﯩﺰﯨﻢ ﺋﯧﻠﯩﭗ ﺑﯧﺮﯨﺶ ﺋﯜﭼﯜﻥ ﻳﺎﭘﻮﻧﯩﻴﻪ ﺋﯘﻳﻐﯘﺭ ﺟﻪﻣﺌﯩﻴﯩﺘﯩﻨﻰ ﺗﻪﺷﻜﯩﻠﻠﯩﮕﻪﻥ ﺋﯩﺪﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﺑﯘ ﻗﯧﺘﯩﻤﻘﻰ ﻧﺎﻣﺎﻳﯩﺸﻘﺎ ﻗﯧﺘﯩﻠﻐﺎﻥ ﻳﺎﭘﻮﻧﻠﯘﻗﻼﺭﻧﯩﯔ ﺑﯩﺮ ﻗﯩﺴﻤﻰ ﺋﯘﻳﻐﯘﺭ ﻣﻪﺳﯩﻠﯩﺴﯩﻨﻰ ﻳﯧﻘﯩﻨﻘﻰ ﺋﺎﻳﻼﺭﺩﯨﻦ ﺑﯧﺮﻯ ﺋﺎﺧﺒﺎﺭﺍﺕ ﯞﺍﺳﯩﺘﯩﺴﻰ ﺋﺎﺭﻗﯩﻠﯩﻖ ﺗﻮﻧﯩﻐﺎﻧﻼﺭ، ﻳﻪﻧﻪ ﺑﯩﺮﻗﯩﺴﻤﻰ ﺑﻮﻟﺴﺎ، ﺋﯘﻳﻐﯘﺭ ﺭﺍﻳﻮﻧﯩﻨﻰ ﺑﯘﺭﯗﻥ ﺯﯨﻴﺎﺭﻩﺕ ﻗﯩﻠﻐﺎﻥ ﯞﻩ ﺋﯘﻳﻐﯘﺭﻻﺭﻧﯩﯔ ﯞﻩﺯﯨﻴﯩﺘﯩﻨﻰ ﺋﯚﺯ ﻛﯚﺯﻯ ﺑﯩﻠﻪﻥ ﻛﯚﺭﯛﭖ ﻛﻪﻟﮕﻪﻧﻠﻪﺭ.

ﺋﯩﻠﻬﺎﻡ ﻣﺎﺧﻤﯘﺕ ﺯﯨﻴﺎﺭﯨﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻧﺪﺍ، ﻳﺎﭘﻮﻧﯩﻴﯩﺪﻩ ﺷﻪﺭﻗﻰ ﺗﯜﺭﻛﯩﺴﺘﺎﻥ ﻣﻪﺳﯩﻠﯩﺴﯩﻨﻰ ﺗﻮﻧﯘﺷﺘﯘﺭﯗﺷﻨﯩﯔ ﺋﻪﻫﻤﯩﻴﯩﺘﻰ ﺋﯜﺳﺘﯩﺪﻩ ﺗﻮﺧﺘﺎﻟﺪﻯ. ﺋﯘﻧﯩﯔ ﺑﯩﻠﺪﯛﺭﯛﺷﯩﭽﻪ، ﻧﯚﯞﻩﺗﺘﻪ ﺷﻪﺭﻗﻰ ﺩﯦﯖﯩﺰﻧﯩﯔ ﺋﯩﻜﻜﻰ ﺩﯙﻟﻪﺕ ﺋﺎﺭﯨﺴﯩﺪﯨﻜﻰ ﺗﺎﻻﺵ - ﺗﺎﺭﺗﯩﺸﻠﯩﻖ ﺭﺍﻳﻮﻧﯩﺪﺍ ﺑﺎﻳﻘﺎﻟﻐﺎﻥ ﻧﯧﻔﯩﺘﻠﯩﻚ ، ﺯﺍﭘﺎﺱ ﻣﯩﻘﺪﺍﺭﯨﻨﯩﯔ ﻛﯚﭘﻠﯩﻜﻰ ﺑﯘﻳﯩﭽﻪ ﺩﯗﻧﻴﺎﻧﯩﯔ 4 ‏ - ﭼﻮﯓ ﻧﯧﻔﯩﺘﻠﯩﻜﻰ. ﺋﺎﺭﯨﺴﯩﺪﺍ ﺑﯘ ﻗﻪﺩﻩﺭ ﭼﻮﯓ ﻣﻪﻧﭙﻪﺋﻪﺕ ﺗﻮﻗﯘﻧﯘﺷﻰ ﺑﻮﻟﻐﺎﻥ ﺋﯩﻜﻜﻰ ﺩﯙﻟﻪﺗﻨﯩﯔ ﻣﯘﻧﺎﺳﯩﯟﯨﺘﯩﻨﯩﯔ ﻛﻪﻟﮕﯜﺳﻰ ﺗﻪﺭﻩﻗﻘﯩﻴﺎﺗﯩﻨﯩﯔ ﭘﺎﺭﻻﻕ ﺑﻮﻟﯘﺷﻰ ﺋﯧﻬﺘﯩﻤﺎﻟﺪﯨﻦ ﺋﯘﺯﺍﻕ. ﺋﯘﻧﯩﯔ ﺋﯜﺳﺘﯩﮕﻪ ﻳﺎﭘﻮﻧﯩﻴﻪ ﺋﺎﺳﯩﻴﺎﻧﯩﯔ ﺑﯩﺮﺩﯨﻦ ‏ - ﺑﯩﺮ ﻛﯜﭼﻠﯜﻙ ﯞﻩ ﺩﯦﻤﻮﻛﺮﺍﺗﯩﻚ ﺩﯙﻟﯩﺘﻰ. ﺋﯩﻠﻬﺎﻡ ﻣﺎﺧﻤﯘﺕ ﺳﯚﺯ ﺋﺎﺧﯩﺮﯨﺪﺍ ﺋﯘﻳﻐﯘﺭ ﻣﻪﺳﯩﻠﯩﺴﻰ ﺋﯜﭼﯜﻥ ﻣﺎﻧﺎ ﻣﯘﺷﯘﻧﺪﺍﻕ ﺋﻪﯞﺯﻩﻟﻠﯩﻜﻜﻪ ﺋﯩﮕﻪ ﺑﯩﺮ ﺩﯙﻟﻪﺗﺘﻪ ﻳﺎﺷﺎﺵ، ﺑﯘ ﺩﯙﻟﻪﺗﺘﻪ ﻳﺎﺷﺎﯞﺍﺗﻘﺎﻥ ﺋﯘﻳﻐﯘﺭﻻﺭﻏﺎ ﺗﻪﺑﯩﺌﯩﻲ ﻫﺎﻟﺪﺍ ﺋﺎﻻﻫﯩﺪﻩ ﺑﯩﺮ ﻣﻪﺳﺌﯘﻟﯩﻴﻪﺗﻨﻰ ﻳﯜﻛﻠﻪﻳﺪﯗ ﺩﻩﭖ ﺋﻪﺳﻜﻪﺭﺗﺘﻰ.