ﻫﻪﺭ ﻳﯩﻠﻰ ﺑﯩﺮ ﻗﯧﺘﯩﻢ ﺋﯚﺗﻜﯜﺯﯛﻟﯩﺪﯨﻐﺎﻥ ﻣﻪﺯﻛﯘﺭ ﺧﻪﻟﻘﺌﺎﺭﺍﻟﯩﻖ ﻣﯘﻫﺎﻛﯩﻤﻪ ﻳﯩﻐﯩﻨﯩﻨﻰ ﺋﯚﺗﻜﯜﺯﯛﺵ ﺑﯘ ﻳﯩﻠﻰ ﺟﻮﺭﺟﯩﺘﺎﯞﻥ ﺋﯘﻧﯩﯟﯦﺮﺳﯩﺘﯧﺘﯩﻐﺎ ﻧﯧﺴﯩﭗ ﺑﻮﻟﻐﺎﻥ ﺑﻮﻟﯘﭖ، ﻫﻪﺭ ﻳﯩﻠﻰ ﺑﯩﺮ ﺋﯘﻧﯩﯟﯦﺮﺳﯩﺘﯧﺖ ﻳﯩﻐﯩﻦ ﺋﯚﺗﻜﯜﺯﯛﺵ ﯞﻩﺯﯨﭙﯩﺴﯩﻨﻰ ﺗﺎﭘﺸﯘﺭﯨﯟﺍﻟﯩﺪﯗ. ﺋﺎﻣﯧﺮﯨﻜﺎ ﭘﺎﻳﺘﻪﺧﺘﯩﺪﻩ ﺋﯚﺗﻜﯜﺯﯛﻟﮕﻪﻥ ﺑﯘ ﻳﯩﻐﯩﻨﻐﺎ ﺋﺎﻣﯧﺮﯨﻜﺎ، ﺋﻮﺗﺘﯘﺭﺍ ﺋﺎﺳﯩﻴﺎ ﻣﻪﻣﻠﯩﻜﻪﺗﻠﯩﺮﻯ، ﺗﯜﺭﻛﯩﻴﻪ، ﭘﺎﻛﯩﺴﺘﺎﻥ، ﺋﺎﻓﻐﺎﻧﯩﺴﺘﺎﻥ، ﺭﯗﺳﯩﻴﻪ، ﻳﺎﭘﻮﻧﯩﻴﻪ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﻛﯚﭘﻠﯩﮕﻪﻥ ﻣﯘﺗﻪﺧﻪﺳﺴﯩﺲ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺗﺎﺭﯨﺦ، ﺗﯩﻞ - ﺋﻪﺩﻩﺑﯩﻴﺎﺕ، ﻣﻪﺩﻩﻧﯩﻴﻪﺕ، ﺳﯩﻴﺎﺳﻪﺕ، ﺋﯩﺠﺘﯩﻤﺎﺋﯩﻲ - ﺋﯩﻘﺘﯩﺴﺎﺩ، ﺧﻪﻟﻘﺌﺎﺭﺍ ﻣﯘﻧﺎﺳﯩﯟﻩﺕ ﻗﺎﺗﺎﺭﻟﯩﻖ ﻫﻪﺭ ﺧﯩﻞ ﻣﻪﺯﻣﯘﻧﻼﺭ ﺑﻮﻳﯩﭽﻪ ﺩﻭﻛﻼﺕ ﺋﯘﻳﯘﺷﺘﯘﺭﯗﻟﻐﺎﻥ.

ﺑﯘ ﻳﯩﻐﯩﻨﻨﯩﯔ ﻳﻪﻧﻪ ﺑﯩﺮ ﺋﺎﻻﻫﯩﺪﯨﻠﯩﻜﻰ ﺷﯘﻛﻰ، ﻛﯚﭘﻠﯩﮕﻪﻥ ﺗﯧﻤﯩﻼﺭ ﺭﺍﻳﻮﻧﻼﺭ ﺑﻮﻳﯩﭽﯩﻤﯘ ﺋﺎﻳﺮﯨﻠﻐﺎﻥ ﺑﻮﻟﯘﭖ، ﺋﻮﺗﺘﯘﺭﺍ ﺋﺎﺳﯩﻴﺎ ﺟﯜﻣﻠﯩﺪﯨﻦ،ﻗﯩﺮﻏﯩﺰﯨﺴﺘﺎﻥ، ﻗﺎﺯﺍﻗﯩﺴﺘﺎﻥ، ﺋﯚﺯﺑﯧﻜﯩﺴﺘﺎﻥ، ﺋﯘﻳﻐﯘﺭ ﺋﯧﻠﻰ، ﻛﺎﯞﻛﺎﺯﯨﻴﻪ، ﺗﯜﺭﻛﯩﻴﻪ ﯞﻩ ﺑﺎﺷﻘﺎ ﺭﺍﻳﻮﻧﻼﺭﺩﯨﻜﻰ ﺗﯜﺭﻟﯜﻙ ﻣﻪﺳﯩﻠﯩﻠﻪﺭ ﻣﻪﺧﺴﯘﺱ ﺋﻮﺗﺘﯘﺭﯨﻐﺎ ﻗﻮﻳﯘﻟﯘﭖ، ﻣﯘﺯﺍﻛﯩﺮﻩ ﻗﯩﻠﯩﻨﻐﺎﻥ. ﻣﻪﺭﻛﯩﺰﯨﻲ ﻳﺎﯞﺭﻭ - ﺋﺎﺳﯩﻴﺎ ﺟﻪﻣﺌﯩﻴﯩﺘﻰ ﺧﻪﻟﻘﺌﺎﺭﺍ ﺧﺎﺭﺍﻛﺘﯧﺮﻟﯩﻖ ﺋﯩﻠﻤﯩﻲ ﺟﻪﻣﯩﻴﻪﺕ ﺑﻮﻟﯘﭖ، ﺋﯘﻧﯩﯖﻐﺎ ﻫﻪﺭ ﻗﺎﻳﺴﻰ ﺋﻪﻟﻠﻪﺭﻧﯩﯔ ﻣﻪﺭﻛﯩﺰﯨﻲ ﺋﺎﺳﯩﻴﺎ ﺗﻪﺗﻘﯩﻘﺎﺗﻰ ﺑﻮﻳﯩﭽﻪ ﻣﯘﺗﻪﺧﻪﺳﺴﯩﺴﻠﯩﺮﻯ ﺋﻪﺯﺍﻟﯩﻘﻘﺎ ﻗﻮﺑﯘﻝ ﻗﯩﻠﯩﻨﯩﺪﯗ. ﺷﺘﺎﺑﻰ ﺋﺎﻣﯧﺮﯨﻜﯩﻐﺎ ﺟﺎﻳﻼﺷﻘﺎﻥ ﺑﯘ ﺟﻪﻣﯩﻴﻪﺕ ﻳﯩﻠﺪﯨﻦ ﻳﯩﻠﻐﺎ ﺗﻪﺭﻩﻗﻘﻰ ﻗﯩﻠﻤﺎﻗﺘﺎ ﯞﻩ ﺭﺍﯞﺍﺟﻼﻧﻤﺎﻗﺘﺎ.

ﺟﯜﻣﻪ ﻛﯜﻧﻰ ﺭﻩﺳﻤﯩﻲ ﺋﯩﻠﻤﯩﻲ ﺩﻭﻛﻼﺕ ﺑﯧﺮﯨﺶ ﺑﺎﺷﻼﻧﻐﺎﻥ ﺑﻮﻟﯘﭖ، ﺋﻪﺗﯩﮕﻪﻧﺪﻩ ﺋﯚﺗﻜﯜﺯﯛﻟﮕﻪﻥ ﺋﯩﺠﺘﯩﻤﺎﺋﯩﻲ - ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺋﯚﺯﮔﯩﺮﯨﺶ ﺋﻪﻫﯟﺍﻟﯩﻐﺎ ﺋﺎﺋﯩﺖ ﺩﻭﻛﻼﺕ ﺑﯧﺮﯨﺶ ﭘﺎﺋﺎﻟﯩﻴﯩﺘﯩﺪﻩ ﺗﺎﺟﯩﻚ، ﺋﯚﺯﺑﯧﻚ ﻫﻪﻡ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺗﺎﺟﯩﻜﯩﺴﺘﺎﻥ ﯞﻩ ﺋﻮﺗﺘﯘﺭﺍ ﺋﺎﺳﯩﻴﺎﺩﯨﻜﻰ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺶ ﻣﻪﺳﯩﻠﯩﻠﯩﺮﯨﮕﻪ ﺋﺎﺋﯩﺖ ﺩﻭﻛﻼﺗﻼﺭ ﺋﻮﻗﯘﭖ ﺋﯚﺗﯜﻟﺪﻯ.

ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺑﻮﻳﯩﭽﻪ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺲ ﻣﻪﺗﺘﯘﺭﺳﯘﻥ ﺑﻪﻳﺪﯗﻟﻼﻧﯩﯔ " ﺩﻩﺭﻳﺎ ﺑﻮﻳﯩﺪﯨﻜﻰ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺶ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻮﻣﯘﻣﯩﻲ ﺋﯚﺯﮔﯩﺮﯨﺸﻨﯩﯔ ﻛﯩﭽﯩﻚ ﺑﯩﺮ ﻣﯩﺴﺎﻟﻰ" ﻧﺎﻣﻠﯩﻖ ﻣﺎﻗﺎﻟﯩﺴﻰ ﺋﻮﻗﯘﭖ ﺋﯚﺗﯜﻟﮕﻪﻥ.

ﺑﯘ ﻣﺎﻗﺎﻟﯩﺪﻩ، ﺧﻮﺗﻪﻧﻨﯩﯔ ﻛﯧﺮﯨﻴﻪ ﻧﺎﻫﯩﻴﯩﺴﯩﮕﻪ ﺗﻪﯞﻩ ﺩﻩﺭﻳﺎ ﺑﻮﻳﻰ ﻳﯧﺰﯨﺴﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﻨﯩﯔ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺸﻰ، ﻣﻪﺩﻩﻧﯩﻴﻪﺕ - ﻣﺎﺋﺎﺭﯨﭗ ﺋﯚﺯﮔﯩﺮﯨﺶ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﯞﻩ ﺑﺎﺷﻘﺎ ﺑﯩﺮ ﻗﺎﺗﺎﺭ ﻣﻪﺳﯩﻠﯩﻠﯩﺮﻯ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ. ﻣﯘﺗﻪﺧﻪﺳﺴﯩﺲ ﺑﯘ ﻣﻪﺳﯩﻠﯩﻠﻪﺭ ﺑﻮﻳﯩﭽﻪ ﺑﯩﯟﺍﺳﯩﺘﻪ ﺗﻪﻛﺸﯜﺭﯛﺵ ﺋﯧﻠﯩﭗ ﺑﺎﺭﻏﺎﻥ. ﺋﯘﻧﯩﯔ ﺗﻪﻛﻠﯩﻤﺎﻛﺎﻥ ﺋﻮﺗﺘﯘﺭﺳﯩﺪﯨﻜﻰ ﺑﯘ ﻳﯧﺰﯨﺪﯨﻜﻰ ﺋﯚﺯﮔﯩﺮﯨﺸﻠﻪﺭ ﻫﻪﻗﻘﯩﺪﯨﻜﻰ ﺑﺎﻳﺎﻧﻠﯩﺮﻯ ﻳﯩﻐﯩﻦ ﻗﺎﺗﻨﺎﺷﻘﯘﭼﯩﻠﯩﺮﻯ ﻫﻪﻡ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﻗﯩﺰﯨﻘﯩﺸﯩﻨﻰ ﻗﻮﺯﻏﯩﺪﻯ.

ﻣﻪﺭﻛﯩﺰﯨﻲ ﻳﺎﯞﺭﻭ - ﺋﺎﺳﯩﻴﺎ ﺗﻪﺗﻘﯩﻘﺎﺕ ﺟﻪﻣﺌﯩﻴﯩﺘﯩﻨﯩﯔ ﺑﯘ ﻗﯧﺘﯩﻤﻘﻰ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﺋﻮﻥ ﭘﺎﺭﭼﻪ ﺩﻭﻛﻼﺕ ﻗﻮﺑﯘﻝ ﻗﯩﻠﯩﻨﻐﺎﻥ. ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﺑﯧﺮﯨﻠﯩﺪﯨﻐﺎﻥ ﺩﻭﻛﻼﺗﻼﺭﻧﯩﯔ ﺳﺎﻧﻰ ﻳﯩﻠﺪﯨﻦ ﻳﯩﻠﻐﺎ ﻛﯚﭘﻪﻳﮕﻪﻥ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﻫﺎﺯﯨﺮﻗﻰ ﺯﺍﻣﺎﻥ ﺗﺎﺭﯨﺨﻰ، ﺋﯘﻳﻐﯘﺭ ﺋﯩﺠﺘﯩﻤﺎﺋﯩﻲ - ﺳﯩﻴﺎﺳﯩﻲ ﯞﻩ ﻣﻪﺩﻩﻧﯩﻴﻪﺕ ﻣﻪﺳﯩﻠﯩﻠﯩﺮﻯ ﺟﯜﻣﻠﯩﺪﯨﻦ ﺋﯘﻳﻐﯘﺭﻻﺭﻧﯩﯔ ﻧﯚﯞﻩﺗﺘﯩﻜﻰ ﺳﯩﻴﺎﺳﯩﻲ ﺳﺎﻻﻫﯩﻴﯩﺘﻰ ﯞﻩ ﺑﺎﺷﻘﺎ ﻣﻪﺳﯩﻠﯩﻠﻪﺭ ﻣﯘﻫﺎﻛﯩﻤﻪ ﻗﯩﻠﯩﻨﻐﺎﻥ. ﻫﺎﺯﯨﺮ، ﺋﺎﻣﯧﺮﯨﻜﺎ ﻗﺎﺗﺎﺭﻟﯩﻖ ﻏﻪﺭﺏ ﺩﯙﻟﻪﺗﻠﯩﺮﯨﺪﻩ ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻗﯩﺰﯨﻘﯩﺶ ﻛﯜﭼﻪﻳﻤﻪﻛﺘﻪ.