ﻣﻪﺯﻣﯘﻥ ﺩﺍﺋﯩﺮﯨﺴﻰ ﻛﻪﯓ، ﻗﺎﺗﻨﺎﺷﻘﺎﻥ ﺋﺎﺩﻩﻡ ﺳﺎﻧﻰ ﺑﯩﺮ ﻗﻪﺩﻩﺭ ﻛﯚﭖ ﺑﻮﻟﻐﺎﻥ ﻣﻪﺯﻛﯘﺭ ﺧﻪﻟﻘﺌﺎﺭﺍﻟﯩﻖ ﻣﯘﻫﺎﻛﯩﻤﻪ ﻳﯩﻐﯩﻨﯩﺪﺍ ﺋﯘﻳﻐﯘﺭﻻﺭﻏﺎ ﺋﺎﺋﯩﺖ ﻣﺎﻗﺎﻟﯩﻼﺭﻣﯘ ﺋﻮﻗﯘﭖ ﺋﯚﺗﯜﻟﺪﻯ ﺷﯘﻧﯩﯖﺪﻩﻙ ﺑﯘ ﻳﯩﻐﯩﻨﻐﺎ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﯩﺮﯨﻤﯘ ﺋﯩﺸﺘﯩﺮﺍﻙ ﻗﯩﻠﺪﻯ.

ﺋﺎﻣﯧﺮﯨﻜﺎ ﭘﺎﻳﺘﻪﺧﺘﯩﺪﻩ ﺋﯚﺗﻜﯜﺯﯛﻟﮕﻪﻥ ﺑﯘ ﻳﯩﻐﯩﻨﻐﺎ ﺋﺎﻣﯧﺮﯨﻜﺎ، ﻳﺎﭘﻮﻧﯩﻴﻪ، ﺭﯗﺳﯩﻴﻪ، ﺗﯜﺭﻛﯩﻴﻪ، ﺋﯚﺯﺑﯧﻜﯩﺴﺘﺎﻥ، ﻗﺎﺯﺍﻗﯩﺴﺘﺎﻥ، ﻗﯩﺮﻏﯩﺰﯨﺴﺘﺎﻥ، ﺗﺎﺟﯩﻜﯩﺴﺘﺎﻥ ﯞﻩ ﺑﺎﺷﻘﺎ ﺩﯙﻟﻪﺗﻠﻪﺭﻧﯩﯔ ﻛﯚﭘﻠﯩﮕﻪﻥ ﻣﯘﺗﻪﺧﻪﺳﺴﯩﺴﻠﯩﺮﻯ ﻗﺎﺗﻨﺎﺷﻘﺎﻥ ﺑﻮﻟﯘﭖ، ﺗﯧﻤﺎ ﻣﻪﺯﻣﯘﻧﻠﯩﺮﻯ ﺭﺍﻳﻮﻧﻼﺭ ﺑﻮﻳﯩﭽﯩﻤﯘ ﺋﺎﻳﺮﯨﻠﻐﺎﻥ. ﻣﻪﺭﻛﯩﺰﯨﻲ ﺋﺎﺳﯩﻴﺎ، ﻛﺎﯞﻛﺎﺯﯨﻴﻪ، ﻗﺎﺭﺍ ﺩﯦﯖﯩﺰ ﯞﻩ ﺋﯩﺮﺍﻥ، ﺋﺎﻓﻐﺎﻧﯩﺴﺘﺎﻥ ﺭﺍﻳﻮﻧﻰ، ﻣﻮﯕﻐﯘﻟﯩﻴﻪ ﯞﻩ ﺳﯩﺒﯩﺮﯨﻴﻪ ﻫﻪﻣﺪﻩ ﯞﻭﻟﮕﺎ ﺑﻮﻳﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﻛﻪﯓ ﻳﺎﯞﺭﻭ - ﺋﺎﺳﯩﻴﺎ ﺭﺍﻳﻮﻧﯩﺪﯨﻜﻰ ﺗﺎﺭﯨﺦ، ﺗﯩﻞ - ﻣﻪﺩﻩﻧﯩﻴﻪﺕ، ﺩﯨﻦ ﯞﻩ ﺳﯩﻴﺎﺳﻪﺕ، ﺋﯩﺠﺘﯩﻤﺎﺋﯩﻲ - ﺋﯩﻘﺘﯩﺴﺎﺩ، ﺋﯧﻨﯧﺮﮔﯩﻴﻪ ﯞﻩ ﺳﯩﻴﺎﺳﯩﻲ ﺋﯩﺴﺘﺮﺍﺗﯧﮕﯩﻴﻪ ﺷﯘﻧﯩﯖﺪﻩﻙ ﺑﺎﺷﻘﺎ ﻣﻪﺳﯩﻠﯩﻠﻪﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ 60 ﺩﻭﻛﻼﺕ ﺑﯧﺮﯨﺶ ﻣﯘﻧﺒﯩﺮﻯ ﺋﻮﺭﯗﻧﻼﺷﺘﯘﺭﯗﻟﯘﭖ، ﻫﻪﺭ ﻗﺎﻳﺴﻰ ﺩﯙﻟﻪﺗﻠﻪﺭﺩﯨﻦ ﻛﻪﻟﮕﻪﻥ ﺋﺎﻟﯩﻤﻼﺭ ﺋﯚﺯ ﻛﻪﺳﯩﭗ ﺩﺍﺋﯩﺮﯨﺴﻰ ﺑﻮﻳﯩﭽﻪ ﺋﯩﻠﻤﯩﻲ ﺩﻭﻛﻼﺕ ﺑﻪﺭﮔﻪﻥ ﯞﻩ ﻣﯘﻧﺎﺯﯨﺮﻩ ﺋﯧﻠﯩﭗ ﺑﺎﺭﻏﺎﻥ.

ﺋﯘﻳﻐﯘﺭ ﻣﯘﺯﯨﻜﯩﻠﯩﺮﻯ ﯞﻩ ﺋﯘﺳﯘﻟﻠﯩﺮﻯ ﻳﯩﻐﯩﻨﻨﯩﯔ ﻛﻪﭼﻠﯩﻚ ﭘﺎﺋﺎﻟﯩﻴﯩﺘﯩﮕﻪ ﻫﻮﺯﯗﺭ ﺋﯧﻠﯩﭗ ﻛﻪﻟﺪﻯ

19 - ﺳﯧﻨﺘﻪﺑﯩﺮ ﻛﯜﻧﻰ ﻛﻪﭼﺘﻪ ﺑﯘ ﻗﯧﺘﯩﻤﻘﻰ ﻳﯩﻐﯩﻨﻨﯩﯔ ﺳﺎﻫﯩﺒﺨﺎﻧﻰ ﺟﻮﺭﺟﯩﺘﺎﯞﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﻳﺎﯞﺭﻭ - ﺋﺎﺳﯩﻴﺎ، ﺭﯗﺳﯩﻴﻪ ﯞﻩ ﺷﻪﺭﻗﯩﻲ ﻳﺎﯞﺭﻭﭘﺎ ﺗﻪﺗﻘﯩﻘﺎﺕ ﻣﻪﺭﻛﯩﺰﻯ ﻳﯩﻐﯩﻦ ﻗﺎﺗﻨﺎﺷﻘﯘﭼﯩﻠﯩﺮﻯ ﺋﯜﭼﯜﻥ ﻣﻪﺧﺴﯘﺱ ﻛﻪﭼﻠﯩﻚ ﺯﯨﻴﺎﭘﻪﺕ ﻫﻪﻡ ﺋﯩﺨﺘﯩﻴﺎﺭﻯ ﺋﯘﭼﺮﯨﺸﯩﺶ ﭘﺎﺋﺎﻟﯩﻴﯩﺘﻰ ﺋﯘﻳﯘﺷﺘﯘﺭﻏﺎﻥ ﺑﻮﻟﯘﭖ، ﺋﯘﻧﯩﯟﯦﺮﺳﯩﺘﯧﺖ ﺑﺎﻏﭽﯩﺴﯩﺪﺍ ﺋﯚﺗﻜﯜﺯﯛﻟﮕﻪﻥ ﺑﯘ ﭘﺎﺋﺎﻟﯩﻴﻪﺕ ﺋﯘﻳﻐﯘﺭ ﻣﯘﺯﯨﻜﯩﻠﯩﺮﻯ ﯞﻩ ﺋﯘﻳﻐﯘﺭ ﺋﯘﺳﯘﻟﻰ ﺑﯩﻠﻪﻥ ﺑﺎﺷﻼﻧﺪﻯ.

ﻣﻪﺯﻛﯘﺭ ﺋﯘﻧﯩﯟﯦﺮﺳﯩﺘﯧﺘﻨﯩﯔ ﺋﻮﻗﯘﻏﯘﭼﯩﻠﯩﺮﯨﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺑﯩﺮ ﺋﯘﺳﯘﻝ ﮔﯘﺭﯗﭘﭙﯩﺴﻰ، ﻳﻪﻧﻰ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻴﯩﻤﻠﯩﺮﯨﻨﻰ ﻛﯩﻴﮕﻪﻥ ﺋﺎﻣﯧﺮﯨﻜﯩﻠﯩﻖ ﻗﯩﺰ - ﻳﯩﮕﯩﺘﻠﻪﺭ ﺋﺎﺗﺎﻗﻠﯩﻖ ﻧﺎﺧﺸﯩﭽﻰ ﺋﻪﺭﻛﯩﻦ ﺋﺎﺑﺪﯗﻟﻼﻧﯩﯔ ﺋﯜﻧﺌﺎﻟﻐﯘ ﻟﯧﻨﺘﯩﺴﯩﻐﺎ ﺋﯧﻠﯩﻨﻐﺎﻥ ﻧﺎﺧﺸﯩﺴﯩﻐﺎ ﺋﯘﺳﯘﻝ ﺋﻮﻳﻨﺎﭖ، ﻣﻪﻳﺪﺍﻧﻐﺎ ﻳﯘﻗﯩﺮﻯ ﻛﻪﻳﭙﯩﻴﺎﺕ ﻗﻮﺷﺘﻰ. ﺳﺎﺑﯩﻖ ﺋﯚﺯﺑﯧﻜﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﻚ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﻛﻮﻣﯩﺘﯧﺘﻰ ﻗﺎﺭﻣﯩﻐﯩﺪﯨﻜﻰ ﺋﯘﻳﻐﯘﺭ ﻧﺎﺧﺸﺎ - ﺋﯘﺳﯘﻝ ﺋﺎﻧﺴﺎﻣﺒﯩﻠﯩﻨﯩﯔ ﻧﺎﺧﺸﯩﭽﯩﺴﻰ، ﻫﺎﺯﯨﺮ ﺋﺎﻣﯧﺮﯨﻜﯩﺪﺍ ﻳﺎﺷﺎﯞﺍﺗﻘﺎﻥ ﺳﯘﻟﺘﺎﻥ ﻣﻪﻣﻪﺗﻮﻑ ﺋﻪﭘﻪﻧﺪﻯ ﻛﯚﭘﭽﯩﻠﯩﻚ ﺋﯜﭼﯜﻥ ﺋﯚﺯﯨﻨﯩﯔ ﺑﯩﺮ ﻳﯜﺭﯛﺵ ﻣﯘﺯﯨﻜﯩﻠﯩﺮﻯ ﯞﻩ ﻣﯘﻗﺎﻣﻠﯩﺮﯨﻨﻰ ﺋﻮﺭﯗﻧﺪﺍﭖ، ﻛﯚﭘﭽﯩﻠﯩﻜﻨﯩﯔ ﻗﯩﺰﻏﯩﻦ ﺋﺎﻟﻘﯩﺸﯩﻐﺎ ﺋﯧﺮﯨﺸﺘﻰ.

ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﯩﺮﯨﻤﯘ ﻣﺎﻗﺎﻟﻪ ﺋﻮﻗﯘﺩﻯ

ﻣﻪﺭﻛﯩﺰﯨﻲ ﻳﺎﯞﺭﻭ - ﺋﺎﺳﯩﻴﺎ ﺗﻪﺗﻘﯩﻘﺎﺕ ﺟﻪﻣﯩﻴﯩﺘﯩﻨﯩﯔ ﺑﯘ ﻗﯧﺘﯩﻤﻘﻰ ﻳﯩﻐﯩﻨﯩﺪﯨﻜﻰ ﺋﯚﺯﮔﯩﭽﯩﻠﯩﻚ ﺷﯘﻛﻰ، ﻣﯘﻫﺎﻛﯩﻤﻪ ﻳﯩﻐﯩﻨﻰ ﺟﻪﺭﻳﺎﻧﯩﺪﺍ ﺋﯘﻳﻐﯘﺭﻻﺭ ﯞﻩ ﺋﯘﻳﻐﯘﺭ ﺋﯧﻠﻰ ﻫﻪﻗﻘﯩﺪﻩ ﺋﻮﻥ ﭘﺎﺭﭼﻪ ﺋﯩﻠﻤﯩﻲ ﺩﻭﻛﻼﺕ ﺋﻮﻗﯘﭖ ﺋﯚﺗﯜﻟﮕﻪﻥ.

19 - ﺳﯧﻨﺘﻪﺑﯩﺮ ﻛﯜﻧﻰ ﺋﻪﺗﯩﮕﻪﻧﺪﻩ ﺋﯚﺗﻜﯜﺯﯛﻟﮕﻪﻥ ﺋﯩﺠﺘﯩﻤﺎﺋﯩﻲ - ﺳﯩﻴﺎﺳﯩﻲ ﯞﻩ ﺋﯩﻘﺘﯩﺴﺎﺩﯨﻲ ﺋﯚﺯﮔﯩﺮﯨﺶ ﺋﻪﻫﯟﺍﻟﯩﻐﺎ ﺋﺎﺋﯩﺖ ﺩﻭﻛﻼﺕ ﺑﯧﺮﯨﺶ ﺳﻮﺭﯗﻧﯩﺪﺍ ﺗﺎﺟﯩﻚ، ﺋﯚﺯﺑﯧﻚ ﻫﻪﻡ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺴﻠﻪﺭﻧﯩﯔ ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺶ ﻣﻪﺳﯩﻠﯩﻠﯩﺮﯨﮕﻪ ﺋﺎﺋﯩﺖ ﺩﻭﻛﻼﺗﻼﺭ ﺋﻮﻗﯘﭖ ﺋﯚﺗﯜﻟﺪﻯ.

ﺧﺎﺭﯞﺍﺭﺩ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯩﻠﻤﯩﻲ ﺗﻪﺗﻘﯩﻘﺎﺕ ﺑﻮﻳﯩﭽﻪ ﺷﯘﻏﯘﻟﻠﯩﻨﯩﯟﺍﺗﻘﺎﻥ ﺋﯘﻳﻐﯘﺭ ﻣﯘﺗﻪﺧﻪﺳﺴﯩﺲ ﻣﻪﺗﺘﯘﺭﺳﯘﻥ ﺑﻪﻳﺪﯗﻟﻼ " ﺩﻩﺭﻳﺎ ﺑﻮﻳﯩﺪﯨﻜﻰ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺶ ﺋﯘﻳﻐﯘﺭ ﺋﯧﻠﯩﺪﯨﻜﻰ ﺋﻮﻣﯘﻣﯩﻲ ﺋﯚﺯﮔﯩﺮﯨﺸﻨﯩﯔ ﻛﯩﭽﯩﻚ ﺑﯩﺮ ﻣﯩﺴﺎﻟﻰ " ﻧﺎﻣﻠﯩﻖ ﻣﺎﻗﺎﻟﯩﺴﯩﻨﻰ ﺋﻮﻗﯘﻏﺎﻥ . ﺑﯘ ﻣﺎﻗﺎﻟﯩﺪﻩ ﺧﻮﺗﻪﻧﻨﯩﯔ ﻛﯧﺮﯨﻴﻪ ﻧﺎﻫﯩﻴﯩﺴﯩﮕﻪ ﺗﻪﯞﻩ ﺩﻩﺭﻳﺎ ﺑﻮﻳﻰ ﻳﯧﺰﯨﺴﯩﺪﯨﻜﻰ ﺋﯘﻳﻐﯘﺭﻻﺭﻧﯩﯔ ﻫﺎﻳﺎﺗﯩﻨﯩﯔ ﺋﯩﺠﺘﯩﻤﺎﺋﯩﻲ ﺋﯚﺯﮔﯩﺮﯨﺸﻰ ﺋﻪﻫﯟﺍﻟﻰ ﻳﻮﺭﯗﺗﯘﻟﻐﺎﻥ.

ﺋﯘﻳﻐﯘﺭﻻﺭ ﻫﻪﻗﻘﯩﺪﻩ ﻣﻪﺧﺴﯘﺱ ﺋﯩﻜﻜﻰ ﺋﯩﻠﻤﯩﻲ ﺩﻭﻛﻼﺕ ﺳﻮﺭﯗﻧﻰ ﺗﻪﺷﻜﯩﻠﻠﻪﻧﺪﻯ

20 - ﺳﯧﻨﺘﻪﺑﯩﺮ ﭼﯜﺷﺘﯩﻦ ﺑﯘﺭﯗﻥ "ﺋﯘﻳﻐﯘﺭ ﺋﯧﻠﻰ ﯞﻩ ﺋﯘﻳﻐﯘﺭﻻﺭﻧﯩﯔ ﺯﺍﻣﺎﻧﯩﯟﻯ ﺗﺎﺭﯨﺨﺸﯘﻧﺎﺳﻠﯩﻘﻰ ﻫﻪﻣﺪﻩ ﺧﯩﺘﺎﻱ ﺗﯩﻠﯩﺪﯨﻦ ﺑﺎﺷﻘﺎ ﻣﻪﻧﺒﻪﻟﻪﺭ "ﻣﺎﯞﺯﯗ ﺋﺎﺳﺘﯩﺪﺍ ﻣﻪﺧﺴﯘﺱ ﺩﻭﻛﻼﺕ ﺑﯧﺮﯨﺶ ﻳﯩﻐﯩﻨﻰ ﺋﯘﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ ﺋﺎﻣﯧﺮﯨﻜﯩﺪﯨﻜﻰ ﺟﻮﺭﺝ ﯞﺍﺷﯩﻨﮕﺘﻮﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﭘﺮﻭﻓﯧﺴﺴﻮﺭﻯ ﺷﻮﻥ ﺭﻭﺑﯧﺮﺕ " ﺋﯘﻳﻐﯘﺭﯨﺴﺘﺎﻥ ﺋﯩﺪﯨﻴﯩﺴﯩﻨﯩﯔ ﺭﯗﺳﯩﻴﻪ ﺋﯩﻤﭙﯧﺮﯨﻴﯩﺴﻰ ﯞﻩ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﺍ ﻣﻪﻳﺪﺍﻧﻐﺎ ﻛﯧﻠﯩﺸﻰ"، ﺩﻭﻛﺘﻮﺭ ﻧﻪﺑﯩﺠﺎﻥ ﺗﯘﺭﺳﯘﻥ " 20 - ﺋﻪﺳﯩﺮﻧﯩﯔ ﺩﻩﺳﻠﻪﭘﻜﻰ ﻳﯧﺮﯨﻤﯩﮕﻪ ﺋﺎﺋﯩﺖ ﺋﯘﻳﻐﯘﺭ ﻣﻪﻧﺒﻪﻟﯩﺮﻯ ﯞﻩ ﻧﯘﻗﺘﯩﺌﯩﻨﻪﺯﻩﺭﻟﯩﺮﻯ" ﻫﻪﻣﺪﻩ ﻳﺎﭘﻮﻧﯩﻴﯩﻠﯩﻚ ﺋﯘﻳﻐﯘﺭﺷﯘﻧﺎﺱ ﺋﯘﻳﻐﯘﺭﻻﺭﻧﯩﯔ 19 - ﺋﻪﺳﯩﺮﻧﯩﯔ ﺋﺎﺧﯩﺮﻟﯩﺮﯨﺪﯨﻜﻰ ﺋﻪﺭﺯ ﻫﯚﺟﺠﻪﺗﻠﯩﺮﻯ ﯞﻩ ﺋﯩﺴﻼﻣﯩﻲ ﺋﻪﺭﺯﯨﻴﻪﺕ ﻣﻪﺳﯩﻠﯩﻠﯩﺮﯨﮕﻪ ﺋﺎﺋﯩﺖ ﻣﺎﻗﺎﻟﯩﺴﯩﻨﻰ ﺋﻮﻗﯘﭖ ﺋﯚﺗﺘﻰ.
 
ﺋﯘﻳﻐﯘﺭ ﺗﺎﺭﯨﺨﯩﻐﺎ ﻗﯩﺰﯨﻘﻘﯘﭼﯩﻼﺭ ﯞﻩ ﺗﻪﺗﻘﯩﻘﺎﺕ ﻗﯩﻠﻐﯘﭼﯩﻼﺭ ﻗﺎﺗﻨﺎﺷﻘﺎﻥ ﺑﯘ ﺳﻮﺭﯗﻧﻐﺎ ﺟﻮﺭﺟﯩﺘﺎﯞﻥ ﺋﯘﻧﯩﯟﯦﺮﺳﯩﺘﯧﺘﯩﻨﯩﯔ ﺋﯘﻳﻐﯘﺭ ﺋﯧﻠﻰ ﺗﺎﺭﯨﺨﻰ ﺑﻮﻳﯩﭽﻪ ﭘﺮﻭﻓﯧﺴﺴﻮﺭﻯ ﺟﯧﻤﺲ ﻣﯩﻠﻠﯟﺍﺭﺩ ﺭﯨﻴﺎﺳﻪﺗﭽﯩﻠﯩﻚ ﻗﯩﻠﺪﻯ، ﺋﻮﺧﺎﻳﻮ ﺷﺘﺎﺗﯩﺪﯨﻜﻰ ﻣﯩﺌﺎﻣﻰ ﺋﯘﻧﯩﯟﯦﺮﺳﯩﺘﯧﺘﯩﺪﺍ ﺋﯘﻳﻐﯘﺭ ﺋﯧﻠﯩﻨﯩﯔ ﻧﻮﭘﯘﺱ ﯞﻩ ﺋﯩﻘﺘﯩﺴﺎﺩﯨﻲ ﺟﯘﻏﺮﺍﭘﯩﻴﯩﺴﻰ ﻫﻪﻗﻘﯩﺪﻩ ﺗﻪﺗﻘﯩﻘﺎﺕ ﻳﯜﺭﮔﯜﺯﯛﯞﺍﺗﻘﺎﻥ ﭘﺮﻭﻓﯧﺴﺴﻮﺭ ﺳﺘﺎﻧﻠﯩﻲ ﺗﻮﭘﺲ ﻣﺎﻗﺎﻟﯩﻼﺭﻏﺎ ﺑﺎﻫﺎ ﺑﻪﺭﺩﻯ. ﻳﯩﻐﯩﻦ ﺋﺎﺧﯩﺮﯨﺪﺍ ﺑﻪﺱ - ﻣﯘﻧﺎﺯﯨﺮﻩ ﯞﻩ ﺳﻮﺋﺎﻝ ﺟﺎﯞﺍﺑﻼﺭ ﺩﺍﯞﺍﻣﻼﺷﻘﺎﻥ ﺑﻮﻟﯘﭖ، ﺋﺎﺳﺎﺳﻠﯩﻖ ﺳﻮﺋﺎﻝ - ﺟﺎﯞﺍﺑﻼﺭ ﻧﻪﺑﯩﺠﺎﻥ ﺗﯘﺭﺳﯘﻥ ﯞﻩ ﺷﻮﻥ ﺭﻭﺑﯧﺮﺗﻨﯩﯔ ﺋﯘﻳﻐﯘﺭﻻﺭﻧﯩﯔ 20 - ﺋﻪﺳﯩﺮﻧﯩﯔ ﺑﯩﺮﯨﻨﭽﻰ ﻳﯧﺮﯨﻤﯩﺪﯨﻜﻰ ﺗﺎﺭﯨﺨﻰ ﺗﻪﺗﻘﯩﻘﺎﺗﯩﺪﺍ ﺋﯘﻳﻐﯘﺭ ﻣﻪﻧﺒﻪﻟﯩﺮﯨﺪﯨﻦ ﭘﺎﻳﺪﯨﻠﯩﻨﯩﺶ ﯞﻩ ﻫﺎﺯﯨﺮﻗﻰ ﺯﺍﻣﺎﻥ ﺳﯩﻴﺎﺳﯩﻲ ﻫﻪﻡ ﻣﻪﺩﻩﻧﯩﻴﻪﺕ ﺗﺎﺭﯨﺨﻰ ﻫﻪﻣﺪﻩ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻤﻠﯩﻜﻰ ﯞﻩ ﻣﯩﻠﻠﻪﺗﭙﻪﺭﯞﻩﺭﻟﯩﻚ ﺋﯩﺪﯨﻴﯩﺴﯩﻨﯩﯔ ﻛﯜﭼﯩﻴﯩﺸﻰ ﻣﻪﺳﯩﻠﯩﻠﯩﺮﯨﮕﻪ ﻗﺎﺭﯨﺘﯩﻠﺪﻯ.

ﻣﻪﺯﻛﯘﺭ ﻳﯩﻐﯩﻨﻨﯩﯔ 21 - ﺳﯧﻨﺘﻪﺑﯩﺮ ﻛﯜﻧﯩﺪﯨﻜﻰ ﺳﯩﻴﺎﺳﻪﺗﺸﯘﻧﺎﺳﻠﯩﻖ ﻣﻪﺳﯩﻠﯩﻠﯩﺮﯨﮕﻪ ﺋﺎﺋﯩﺖ ﻗﯩﺴﻤﯩﺪﺍ ﻳﻪﻧﻪ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﯩﻨﯩﯔ ﺑﯜﮔﯜﻧﻜﻰ ﺳﯩﻴﺎﺳﯩﻲ، ﺋﯩﺠﺘﯩﻤﺎﺋﯩﻲ ﯞﻩ ﻣﻪﺩﻩﻧﯩﻴﻪﺕ، ﻗﻮﺵ ﺗﯩﻠﻠﯩﻖ ﻣﺎﺋﺎﺭﯨﭗ ﻣﻪﺳﯩﻠﯩﻠﯩﺮﯨﮕﻪ ﻗﺎﺭﯨﺘﯩﻠﻐﺎﻥ ﺑﯩﺮ ﺩﻭﻛﻼﺕ ﺳﻮﺭﯗﻧﻰ ﺋﯘﻳﯘﺷﺘﯘﺭﯗﻟﻐﺎﻥ ﺑﻮﻟﯘﭖ، ﺑﯘﻧﯩﯖﺪﺍ " ﺷﯩﻨﺠﺎﯕﺪﺍ ﺋﯘﻳﻐﯘﺭ ﺗﯩﺒﺎﺑﯩﺘﯩﻨﯩﯔ ﺋﻮﺭﺗﺎﻕ ﺋﯩﺸﻠﯩﺘﯩﻠﯩﺸﻰ ﻫﻪﻗﻘﯩﺪﻩ"،" " ﺷﯩﻨﺠﺎﯕﺪﺍ ﺋﺎﻧﺎ ﺗﯩﻞ ﻣﺎﺋﺎﺭﯨﭙﻰ ﯞﻩ ﺋﯘﻧﯩﯔ ﺋﯚﺗﻤﯜﺷﻰ ﻫﻪﻡ ﺑﯜﮔﯜﻧﻰ"، " ﺑﯩﯖﺘﯘﻩﻧﺪﻩ ﺋﺎﭘﺘﻮﻧﻮﻣﯩﻴﻪ ﺑﺎﺭﻣﯘ؟ " ﻣﺎﯞﺯﯗﻟﯘﻕ ﻣﺎﻗﺎﻟﯩﻠﯩﺮﻯ ﺋﻮﻗﯘﭖ ﺋﯚﺗﯜﻟﺪﻯ.

ﺑﯘﻻﺭﺩﯨﻦ ﺑﺎﺷﻘﺎ ﻳﻪﻧﻪ ﻫﻪﺭ ﻗﺎﻳﺴﻰ ﺩﻭﻛﻼﺕ ﺳﻮﺭﯗﻧﻠﯩﺮﯨﺪﯨﻤﯘ ﺋﯘﻳﻐﯘﺭﻻﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺗﯚﺕ ﭘﺎﺭﭼﻪ ﻣﺎﻗﺎﻟﻪ ﺋﻮﻗﯘﻟﺪﻯ.

ﺋﯘﻳﻐﯘﺭ ﺗﻪﺗﻘﯩﻘﺎﺗﭽﯩﻠﯩﺮﯨﻨﯩﯔ ﺳﺎﻧﻰ ﺋﺎﺷﻤﺎﻗﺘﺎ

ﺧﻪﻟﻘﺌﺎﺭﺍ ﺋﯩﻠﯩﻢ ﺳﺎﻫﻪﺳﯩﺪﯨﻜﻰ ﻧﻮﭘﯘﺯﻟﯘﻕ ﺟﻪﻣﺌﯩﻴﻪﺗﻠﻪﺭﻧﯩﯔ ﺑﯩﺮﻯ ﻫﯧﺴﺎﺑﻠﯩﻨﯩﺪﯨﻐﺎﻥ ﻣﻪﺭﻛﯩﺰﯨﻲ ﻳﺎﯞﺭﻭ - ﺋﺎﺳﯩﻴﺎ ﺟﻪﻣﯩﻴﯩﺘﯩﻨﯩﯔ ﺑﯘ ﻗﯧﺘﯩﻤﻘﻰ ﻳﯩﻐﯩﻨﺪﺍ ﺋﯘﻳﻐﯘﺭﻻﺭﻏﺎ ﻣﯘﻧﺎﺳﯩﯟﻩﺗﻠﯩﻚ ﺋﻮﻥ ﭘﺎﺭﭼﻪ ﻣﺎﻗﺎﻟﻪ ﺋﻮﻗﯘﻟﯘﺷﻰ ﯞﻩ ﺋﯘﻳﻐﯘﺭ ﺗﯧﻤﯩﺴﻰ ﺋﯜﭼﯜﻥ ﻣﻪﺧﺴﯘﺱ ﺋﯩﻜﻜﻰ ﺩﻭﻛﻼﺕ ﺑﯧﺮﯨﺶ ﺳﻮﺭﯗﻧﻰ ﺋﯘﻳﯘﺷﺘﯘﺭﯗﻟﯘﺵ ﻫﻪﻣﺪﻩ ﻳﺎﺵ ﺋﻪﯞﻻﺩ ﺋﺎﻣﯧﺮﯨﻜﺎ ﻣﯘﺗﻪﺧﻪﺳﺴﯩﺴﻠﯩﺮﯨﻨﯩﯔ ﺩﻭﻛﻼﺗﻠﯩﺮﯨﻐﺎ ﺳﻮﺭﯗﻥ ﻳﺎﺭﯨﺘﯩﭗ ﺑﯧﺮﯨﺶ ﻛﯚﺭﯛﻧﻪﺭﻟﯩﻚ ﻳﯧﯖﯩﻠﯩﻖ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ.

ﻧﯚﯞﻩﺗﺘﻪ، ﺋﺎﻣﯧﺮﯨﻜﯩﻨﯩﯔ ﺋﯩﻨﺪﯨﺌﺎﻧﺎ، ﺧﺎﺭﯞﺍﺭﺩ ﻗﺎﺗﺎﺭﻟﯩﻖ ﺑﯩﺮ ﻗﺎﻧﭽﻪ ﺋﯘﻧﯩﯟﯦﺮﺳﯩﺘﯧﺘﻠﯩﺮﯨﺪﺍ ﻣﻪﺧﺴﯘﺱ ﺋﯘﻳﻐﯘﺭ ﺋﯧﻠﻰ ﯞﻩ ﺋﯘﻳﻐﯘﺭﻻﺭ ﺗﺎﺭﯨﺨﻰ، ﺗﯩﻞ - ﻣﻪﺩﻩﻧﯩﻴﻪﺕ ﯞﻩ ﺳﯩﻴﺎﺳﻪﺕ ﻣﻪﺳﯩﻠﯩﻠﯩﺮﻯ ﺑﻮﻳﯩﭽﻪ ﺩﻭﻛﺘﻮﺭﻟﯘﻕ ﻫﻪﻡ ﻣﺎﮔﯩﺴﺘﯩﺮﻟﯩﻖ ﺋﯘﻧﯟﺍﻧﻰ ﺋﯜﭼﯜﻥ ﺋﯩﻠﻤﯩﻲ ﻣﺎﻗﺎﻟﻪ ﻳﯧﺰﯨﯟﺍﺗﻘﺎﻧﻼﺭﻧﯩﯔ ﺷﯘﻧﯩﯖﺪﻩﻙ ﺑﯘ ﺳﺎﻫﻪ ﺑﻮﻳﯩﭽﻪ ﺗﻪﺗﻘﯩﻘﺎﺕ ﻳﯜﺭﮔﯜﺯﯨﯟﺍﺗﻘﺎﻧﻼﺭﻧﯩﯔ ﺳﺎﻧﻰ ﺋﺎﺷﻤﺎﻗﺘﺎ.

ﺑﯘ ﻗﯧﺘﯩﻤﻘﻰ ﻳﯩﻐﯩﻨﻐﺎ ﻗﺎﺗﻨﺎﺷﻘﺎﻥ ﺋﯘﻳﻐﯘﺭﺷﯘﻧﺎﺳﻼﺭﻧﯩﯔ ﻫﻪﻣﻤﯩﺴﻰ ﺩﯦﮕﯜﺩﻩﻙ ﺋﯘﻳﻐﯘﺭ ﺗﯩﻠﯩﻨﻰ ﺧﯧﻠﻰ ﻳﺎﺧﺸﻰ ﺋﯚﮔﻪﻧﮕﻪﻥ ﺑﻮﻟﯘﭖ، ﺋﯘﻻﺭ ﺋﯚﺯ ﺗﻪﺗﻘﯩﻘﺎﺗﻠﯩﺮﯨﺪﺍ ﺋﯘﻳﻐﯘﺭ ﺗﯩﻠﯩﺪﯨﻜﻰ ﻣﺎﺗﯧﺮﯨﻴﺎﻟﻼﺭﺩﯨﻦ ﺋﯜﻧﯜﻣﻠﯜﻙ ﭘﺎﻳﺪﯨﻼﻧﻐﺎﻧﻠﯩﻘﯩﻨﻰ ﻧﺎﻣﺎﻳﻪﻥ ﻗﯩﻠﺪﻯ.