ﺋﻪﻧﮕﯩﻠﯩﻴﻪ ﺏ ﺏ ﺱ ﺭﺍﺩﯨﺌﻮ - ﺗﯧﻠﯧﯟﯨﺰﯨﻴﻪ ﺷﯩﺮﻛﯩﺘﻰ ﯞﻩ ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﻰ ﻗﺎﺗﺎﺭﻟﯩﻖ ﺋﺎﺧﺒﺎﺭﺍﺕ ﺋﻮﺭﯗﻧﻠﯩﺮﻯ ﻣﯧﮕﻠﯧﻨﺎ ﻛﯘﻧﯧﯟﺍﻧﯩﯔ، ﺋﻪﮔﻪﺭ ﺧﯩﺘﺎﻱ، ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻚ ﺟﻪﻫﻪﺗﺘﯩﻜﻰ ﺧﯩﺰﻣﻪﺗﻠﯩﺮﯨﺪﻩ ﺋﯩﺴﻼﻫﺎﺕ ﺋﯧﻠﯩﭗ ﺑﺎﺭﻣﯩﺴﺎ، ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﯩﯔ ﻳﺎﯞﺭﯗﭘﺎ ﺑﺎﺯﯨﺮﯨﻐﺎ ﻛﯩﺮﯨﺸﯩﻨﻰ ﭼﻪﻛﻠﻪﻳﺪﯨﻐﺎﻧﻠﯩﻘﻰ ﻫﻪﻗﻘﯩﺪﯨﻜﻰ ﺳﯚﺯﻟﯩﺮﯨﻨﻰ ﺋﯧﻼﻥ ﻗﯩﻠﺪﻯ.
 ﺗﯚﯞﻩﻧﺪﻩ ﻣﯘﺧﺒﯩﺮﯨﻤﯩﺰ ﺋﻪﻗﯩﺪﻩ ﺑﯘ ﻫﻪﻗﺘﻪ ﺳﯩﻠﻪﺭﮔﻪ ﻣﻪﻟﯘﻣﺎﺕ ﺑﯧﺮﯨﺪﯗ.

ﻳﺎﯞﺭﯗﭘﺎ ﺋﯩﺴﺘﯩﻤﺎﻟﭽﯩﻼﺭ ﻛﻮﻣﯩﺘﯧﺘﯩﻨﯩﯔ ﺋﯩﺶ ﺑﯧﺠﯩﺮﯨﺶ ﺧﺎﺩﯨﻤﻰ ﻣﯧﮕﻠﯧﻨﺎ ﻛﯘﻧﯧﯟﺍ ﺧﯩﺘﺎﻱ، ﻣﻪﻫﺴﯘﻻﺗﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﺑﺎﺷﻘﯘﺭﯗﺵ ﺧﯩﺰﻣﯩﺘﯩﻨﻰ ﺋﯚﺯﮔﻪﺭﺗﻤﯩﺴﻪ، ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﻰ ﻳﺎﯞﺭﻭﭘﺎﻏﺎ ﺋﯧﻜﺴﭙﻮﺭﺕ ﻗﯩﻠﯩﺸﻨﻰ ﺗﻮﺧﺘﯩﺪﯨﻐﺎﻧﻠﯩﻘﯩﻨﻰ ﺭﻩﺳﻤﯩﻲ ﺟﺎﻛﺎﺭﻟﯩﻐﺎﻧﺪﯨﻦ ﻛﯧﻴﯩﻦ، ﺧﯩﺘﺎﻱ ﻫﯚﻛﯜﻣﯩﺘﻰ ﺑﯘﻧﯩﯖﻐﺎ ﻗﺎﺭﯨﺘﺎ ﺳﻪﻟﺒﯩﻲ ﭘﻮﺯﯨﺘﺴﯩﻴﯩﺴﯩﻨﻰ ﺋﯩﭙﺎﺩﯨﻠﯩﮕﻪﻥ ﺋﯩﺪﻯ.

ﺧﯩﺘﺎﻱ ﺑﯩﻠﻪﻥ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯔ ﺑﯘ ﺟﻪﻫﻪﺗﺘﯩﻜﻰ ﻫﻪﻣﻜﺎﺭﻟﯩﻘﯩﻨﻰ ﺋﺎﺷﯘﺭﯗﺵ ﺷﯘﻧﯩﯖﺪﻩﻙ ﺧﯩﺘﺎﻱ ﻣﻪﻫﺴﯘﻻﺗﻠﯩﺮﯨﻨﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻛﯜﭼﻪﻳﺘﯩﺸﻨﻰ ﻣﻪﻗﺴﻪﺕ ﻗﯩﻠﻐﺎﻥ، ﻣﯧﮕﻠﯧﻨﺎ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﺯﯨﻴﺎﺭﯨﺘﯩﻨﻰ ﺑﺎﺷﻠﯩﯟﻩﺗﺘﻰ، ﺋﯘ ﺋﯚﺗﻜﻪﻥ 12 ﺋﺎﻱ ﺋﯩﭽﯩﺪﻩ ﺧﯩﺘﺎﻳﺪﺍ 3 ﻗﯧﺘﯩﻢ ﺯﯨﻴﺎﺭﻩﺗﺘﻪ ﺑﻮﻟﺪﻯ.

ﺋﺎﻣﯧﺮﯨﻜﺎ ﺋﺎﯞﺍﺯﻯ ﺭﺍﺩﯨﺌﻮﺳﯩﻨﯩﯔ ﺑﯘ ﻫﻪﻗﺘﻪ ﺑﻪﺭﮔﻪﻥ ﺧﻪﯞﯨﺮﯨﮕﻪ ﺋﺎﺳﺎﺳﻼﻧﻐﺎﻧﺪﺍ، ﻣﯧﮕﻠﯧﻨﺎ ﺑﯧﻴﺠﯩﯖﺪﺍ ﺧﯩﺘﺎﻱ ﺳﯜﭘﻪﺕ ﺗﻪﻛﺸﯜﺭﯛﺵ ﺑﺎﺵ ﺋﯩﺪﺍﺭﯨﺴﯩﻨﯩﯔ ﺑﺎﺷﻠﯩﻘﻰ ﻟﻰ ﭼﺎﯕﺠﺎﯓ ﺑﯩﻠﻪﻥ ﻛﯚﺭﯛﺷﻜﻪﻧﺪﯨﻦ ﻛﯧﻴﯩﻦ ﺋﯚﺗﻜﯜﺯﯛﻟﮕﻪﻥ ﺋﺎﺧﺒﺎﺭﺍﺕ ﺋﯧﻼﻥ ﻗﯩﻠﯩﺶ ﻳﯩﻐﯩﻨﯩﺪﺍ ﺋﯩﻜﻜﻰ ﻛﯜﻧﺪﯨﻦ ﺑﯧﺮﻯ ﺧﯩﺘﺎﻱ ﺧﺎﺩﯨﻤﻠﯩﺮﯨﻨﯩﯔ ﺑﯘ ﻣﻪﺳﯩﻠﯩﮕﻪ ﺟﯩﺪﺩﯨﻲ ﻣﯘﺋﺎﻣﯩﻠﻪ ﻗﯩﻠﯩﯟﺍﺗﻘﺎﻧﻠﯩﻘﯩﻨﻰ ﺑﯩﻠﺪﯛﺭﮔﻪﻥ.

ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﺋﯩﺴﺘﯧﻤﺎﻟﭽﯩﻼﺭﻧﯩﯔ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺵ ﺋﻮﺭﮔﯩﻨﯩﻨﯩﯔ ﺑﺎﻳﺎﻧﺎﺗﭽﯩﺴﻰ Helen Kearns ﻧﯩﯔ ﺑﯩﻠﺪﯛﺭﯛﺷﯩﭽﻪ، ﺧﯩﺘﺎﻱ ﻣﻪﺯﻛﯜﺭ ﻣﻪﺳﯩﻠﯩﺪﻩ ﺧﯧﻠﻰ ﻛﯚﺭﯛﻧﻪﺭﻟﯩﻚ ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ.

ﻣﯧﮕﻠﯧﻨﺎ ﺑﯘ ﻗﯧﺘﯩﻢ ﻳﻪﻧﻪ، ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯔ ﺧﯩﺘﺎﻳﻐﺎ ﻗﺎﺭﺍﺗﻘﺎﻥ ﻣﯘﻫﯩﻢ ﺋﯜﭺ ﭘﺮﯨﻨﺴﯩﭙﻨﻰ ﺋﻮﺗﺘﯘﺭﯨﻐﺎ ﻗﻮﻳﻐﺎﻥ ﺑﻮﻟﯘﭖ، ﺋﯘﻻﺭﻧﯩﯔ ﺑﯩﺮﯨﻨﭽﯩﺴﻰ، ﺋﻪﺭﻛﯩﻦ ﺑﺎﺯﺍﺭ ﺑﯩﻠﻪﻥ ﺋﺎﺩﯨﻞ ﺭﯨﻘﺎﺑﻪﺕ ﺋﯧﻠﯩﭗ ﺑﯧﺮﯨﺶ، ﺋﯩﻜﻜﯩﻨﭽﯩﺴﻰ، ﺧﯩﺘﺎﻱ ﺑﯩﻠﻪﻥ ﻫﻪﻣﻜﺎﺭﻟﯩﻖ ﻣﯘﻧﺎﺳﯩﯟﯨﺘﻰ ﺋﻮﺭﻧﯩﺘﯩﺶ، ﺋﯜﭼﯩﻨﭽﯩﺴﻰ، ﺋﯩﺴﺘﯧﻤﺎﻟﭽﯩﻼﺭﻧﯩﯔ ﺑﯩﺨﻪﺗﻪﺭﻟﯩﻜﯩﻨﻰ ﻫﻪﻣﻤﯩﺪﯨﻦ ﺋﯜﺳﺘﯜﻥ ﺋﻮﺭﯗﻧﻐﺎ ﻗﻮﻳﯘﺵ ﺩﯦﮕﻪﻥ ﻣﻪﺯﻣﯘﻧﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯩﺪﻯ.

ﺑﯧﻴﺠﯩﯖﺪﯨﻜﻰ ﺯﯨﻴﺎﺭﯨﺘﯩﻨﻰ ﺋﺎﻳﺎﻏﻼﺷﺘﯘﺭﻏﺎﻥ ﻣﯧﮕﻠﯧﻨﺎ ﻳﻪﻧﻪ ﮔﯘﺍﯕﺪﯗﯕﺪﯨﻤﯘ ﺯﯨﻴﺎﺭﻩﺗﺘﻪ ﺑﻮﻟﻐﺎﻥ. ﮔﯘﺍﯕﺪﯗﯓ ﺧﯩﺘﺎﻳﻨﯩﯔ ﺑﺎﻟﯩﻼﺭ ﺋﻮﻳﯘﻧﭽﯘﻗﻰ ﺋﯩﺸﻠﻪﭘﭽﯩﻘﯩﺮﯨﺪﯨﻐﺎﻥ ﺯﺍﯞﯗﺗﻠﯩﺮﻯ ﻣﻪﺭﻛﻪﺯﻟﻪﺷﻜﻪﻥ ﺟﺎﻱ ﺑﻮﻟﯘﭖ، ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯔ ﻧﻪﺯﯨﺮﯨﺪﻩ " ﺧﻪﺗﻪﺭﻟﯩﻚ" ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﺶ ﻣﻪﺭﻛﯩﺰﻯ ﺩﻩﭖ ﻗﺎﺭﯨﻠﯩﺪﯗ. ﺑﯘ ﻗﯧﺘﯩﻢ ﺧﯩﺘﺎﻱ ﺯﺍﯞﯗﺗﻠﯩﺮﯨﻨﻰ ﺗﻪﻛﺸﯜﺭﯛﺷﻜﻪ ﻣﯧﮕﻠﯧﻨﺎ ﺑﯩﻠﻪﻥ ﺑﯩﺮﮔﻪ ﻳﻪﻧﻪ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﯩﻨﯩﯔ ﻣﯘﺗﻪﺧﻪﺳﺴﯩﺴﻠﯩﺮﯨﻤﯘ ﻗﺎﺗﻨﺎﺷﻘﺎﻥ.

ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﺋﯩﺴﺘﯩﻤﺎﻟﭽﯩﻼﺭ ﻣﻪﻧﭙﻪﺋﻪﺗﯩﻨﻰ ﻗﻮﻏﺪﺍﺵ ﺋﻮﺭﮔﯩﻨﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﻫﯧﻠﯧﻨﻨﯩﯔ ﺋﯧﻴﺘﯩﺸﯩﭽﻪ " ﻣﯧﮕﻠﯧﻨﺎ ﻳﻪﻧﻪ، ﺧﯩﺘﺎﻳﺪﯨﻜﻰ ﺳﯜﭘﻪﺕ ﺗﻪﻛﺸﯜﺭﯛﺵ ﺋﻮﺭﯗﻧﻠﯩﺮﯨﻨﯩﯔ ﺧﺎﺩﯨﻤﻠﯩﺮﻯ ﺑﯩﻠﻪﻥ ﻛﯚﺭﯛﺷﯜﺵ ﯞﻩ ﻳﺎﯞﺭﻭﭘﺎﺩﯨﻦ ﻛﻪﻟﮕﻪﻥ ﻣﯘﺗﻪﺧﻪﺳﺴﯩﺴﻠﻪﺭ ﺑﯩﻠﻪﻥ ﺯﺍﯞﯗﺗﻼﺭﻏﺎ ﺑﯧﺮﯨﭗ ﻧﻪﻕ ﻣﻪﻳﺪﺍﻥ ﺗﻪﻛﺸﯜﺭﯛﺷﻰ ﺋﯧﻠﯩﭗ ﺑﯧﺮﯨﺶ ﺑﯩﻠﻪﻥ ﺑﯩﺮﮔﻪ، ﺋﯩﺸﭽﯩﻼﺭﻏﺎ، ﺑﯩﺨﻪﺗﻪﺭ ﻣﻪﻫﺴﯘﻻﺕ ﺋﯩﺸﻠﻪﭘﭽﯩﻘﯩﺮﯨﺶ ﯞﻩ ﻳﺎﺳﺎﺷﻨﯩﯔ ﺋﯩﻨﺘﺎﻳﯩﻦ ﻣﯘﻫﯩﻢ ﺋﯩﻜﻪﻧﻠﯩﻜﯩﻨﻰ ﺗﻮﻧﯘﺗﯘﺵ ﺋﯩﺸﻠﯩﺮﻯ ﺋﯧﻠﯩﭗ ﺑﺎﺭﯨﺪﯨﻜﻪﻥ".

ﻳﺎﯞﺭﻭﭘﺎ ﺋﯩﺘﺘﯩﭙﺎﻗﯩﻨﯩﯔ ﻣﻪﻫﺴﯘﻻﺗﻼﺭﻧﯩﯔ ﺑﯩﺨﻪﺗﻪﺭﻟﯩﻜﻰ ﻣﯘﻧﺎﺳﯩﯟﯨﺘﻰ ﺋﯧﻼﻥ ﻗﯩﻠﻐﺎﻥ ﺩﻭﻛﻼﺗﯩﺪﺍ، 2007 ‏ - ﻳﯩﻠﻰ ﻳﺎﯞﺭﻭﭘﺎﻏﺎ ﺋﯧﻜﺴﭙﻮﺭﺕ ﻗﯩﻠﯩﻨﻐﺎﻥ ﺑﯩﺨﻪﺗﻪﺭ ﺑﻮﻟﻤﯩﻐﺎﻥ ﻣﻪﻫﺴﯘﻻﺗﻼﺭﻧﯩﯔ ﺗﻪﯓ ﻳﯧﺮﯨﻤﻰ ﺧﯩﺘﺎﻳﺪﯨﻦ ﻛﯩﺮﮔﯜﺯﯛﻟﮕﻪﻧﻠﯩﻜﻰ ﺋﻮﺗﺘﯘﺭﯨﻐﺎ ﻗﻮﻳﯘﻟﻐﺎﻥ.

ﻣﯧﮕﻠﯧﻨﺎ ﺧﯩﺘﺎﻳﻨﯩﯔ ﻣﻪﻫﺴﯘﻻﺕ ﺑﯩﺨﻪﺗﻪﺭﻟﯩﻜﯩﻨﻰ ﺋﺎﺷﯘﺭﯗﺵ ﺋﯜﭼﯜﻥ، ﺋﯚﺗﻜﻪﻥ ﻳﯩﻠﻰ 3500 ﺯﺍﯞﯗﺗﻨﻰ ﺗﻪﻛﺸﯜﺭﯛﭖ، 700 ﮔﻪ ﻳﯧﻘﯩﻦ ﺯﺍﯞﯗﺗﻨﯩﯔ ﺗﯩﺠﺎﺭﻩﺕ ﮔﯘﯞﺍﻫﻨﺎﻣﯩﺴﯩﻨﻰ ﺑﯩﻜﺎﺭ ﻗﯩﻠﯩﺸﺘﻪﻙ ﭼﺎﺭﯨﻠﻪﺭﻧﻰ ﺋﯧﻠﯩﭗ ﺑﺎﺭﻏﺎﻧﻠﯩﻘﯩﻨﻰ ﺗﯩﻠﻐﺎ ﺋﯧﻠﯩﭗ": ﺑﯩﺰ ﺧﯩﺘﺎﻳﻨﯩﯔ ﻳﻪﻧﯩﻤﯘ ﺋﺎﻛﺘﯩﭗ ﺑﻮﻟﯘﺷﯩﻨﻰ ﺗﻪﻟﻪﭖ ﻗﯩﻠﯩﻤﯩﺰ، ﺑﻮﻟﯘﭘﻤﯘ ﺧﯩﺘﺎﻱ ﺗﻪﺭﻩﭖ ﺳﺎﻧﻠﯩﻖ ﻣﻪﻟﯘﻣﺎﺗﻼﺭﻧﻰ ﺑﯩﺰﮔﻪ ﺗﻮﻏﺮﺍ ﻳﻮﻟﻼﺵ ﺋﺎﺭﻗﯩﻠﯩﻖ، ﺋﯚﺯﻟﯩﺮﯨﻨﯩﯔ ﻫﻪﻗﯩﻘﻪﺗﻪﻥ ﺗﻪﻛﺸﯜﺭﯛﺵ ﺋﯧﻠﯩﭗ ﺑﯧﺮﯨﯟﺍﺗﻘﺎﻧﻠﯩﻘﯩﻨﻰ ﺋﯩﺴﭙﺎﺗﻼﺵ ﻛﯧﺮﻩﻙ، ﺧﺎﺗﺎﻟﯩﻘﻨﻰ ﺗﯜﺯﯨﺘﯩﺶ ﻧﯚﯞﻩﺗﺘﯩﻜﻰ ﺋﻪﯓ ﻣﯘﻫﯩﻢ ﯞﻩﺯﯨﭙﻪ" ﺩﯦﺪﻯ.

ﺑﯘ ﻳﯩﻞ 11 ‏ - ﺋﺎﻳﺪﺍ ﺑﯩﺮﻳﯘﺳﯧﻠﺪﺍ، ﺋﺎﻣﯧﺮﯨﻜﺎ، ﺧﯩﺘﺎﻱ ﯞﻩ ﻳﺎﯞﺭﯗﭘﺎ ﺋﯩﺘﺘﯩﭙﺎﻗﻰ ﺋﯚﺯ - ﺋﺎﺭﺍ ﺳﯚﻫﺒﻪﺕ ﺑﺎﺷﻼﭖ، ﻣﻪﻫﺴﯘﻻﺗﻼﺭ ﺋﯚﻟﭽﯩﻤﻰ ﯞﻩ ﺗﯜﺯﯛﻣﯩﻨﻰ ﺑﯩﺮﻟﯩﻜﻜﻪ ﻛﻪﻟﺘﯜﺭﯛﺵ ﻗﺎﺭﺍﺭﯨﻨﻰ ﺑﯧﻜﯩﺘﯩﺪﯗ.