ﺩﺍﻻﻱ ﻻﻣﺎ، ﺧﯩﺘﺎﻱ - ﻓﺮﺍﻧﺴﯩﻴﻪ ﻣﯘﻧﺎﺳﯩﯟﻩﺗﻠﯩﺮﯨﻨﯩﯔ ﻳﯩﺮﯨﻜﻠﯩﺸﯩﺸﯩﮕﻪ ﺳﻪﯞﻩﺏ ﺑﻮﻟﻐﺎﻥ ﺑﯘ ﻗﯧﺘﯩﻤﻘﻰ ﻓﺮﺍﻧﺴﯩﻴﻪ ﺯﯨﻴﺎﺭﯨﺘﻰ ﺟﻪﺭﻳﺎﻧﯩﺪﺍ، ﻓﺮﺍﻧﺴﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﻪﺭﻧﺎﺭﺩ ﻛﻮﭼﻨﻪﺭ، ﻓﺮﺍﻧﺴﯩﻴﻪ ﻛﯩﺸﯩﻠﯩﻚ ﻫﻮﻗﯘﻕ ﻣﯩﻨﯩﺴﺘﯩﺮﻯ ﺭﺍﺩﺍ ﻳﺎﺩﻩ ﯞﻩ ﻓﺮﺍﻧﺴﯩﻴﻪ ﭘﺮﯦﺰﯨﺪﯦﻨﺘﻰ ﺳﺎﺭﻛﻮﺯﯨﻴﻨﯩﯔ ﺧﺎﻧﯩﻤﻰ ﻛﺎﺭﻻ ﺑﺮﻭﻧﻰ ﺳﺎﺭﻛﻮﺯﯨﻲ ﻗﺎﺗﺎﺭﻟﯩﻖ ﻓﺮﺍﻧﺴﯩﻴﻪ ﺩﯙﻟﻪﺕ ﯞﻩ ﻫﯚﻛﯜﻣﻪﺕ ﺭﻩﻫﺒﻪﺭﻟﯩﺮﻯ، ﺳﯩﻴﺎﺳﯩﻲ ﭘﺎﺭﺗﯩﻴﯩﻠﻪﺭﻧﯩﯔ ﯞﻩﻛﯩﻠﻠﯩﺮﻯ ﺷﯘﻧﯩﯖﺪﻩﻙ ﻛﯩﺸﯩﻠﯩﻚ ﻫﻮﻗﯘﻕ ﺗﻪﺷﻜﯩﻼﺗﻠﯩﺮﯨﻨﯩﯔ ﯞﻩﻛﯩﻠﻠﯩﺮﻯ ﺑﯩﻠﻪﻥ ﻛﯚﺭﯛﺷﻜﻪﻥ.

ﺧﯩﺘﺎﻱ ﻫﯚﻛﯜﻣﯩﺘﻰ ﺩﺍﻻﻱ ﻻﻣﺎ ﻧﯩﯔ ﻓﺮﺍﻧﯩﺴﻴﮕﻪ ﻗﺎﺭﺍﺗﻘﺎﻥ ﺯﯨﻴﺎﺭﯨﺘﯩﮕﻪ ﺑﻮﻟﯘﭘﻤﯘ ﻓﺮﺍﻧﺴﯩﻴﻪ ﺗﺎﺷﻘﻰ ﺋﯩﺸﻼﺭ ﻣﯩﻨﯩﺴﺘﯩﺮﻯ ﺑﻪﺭﻧﺎﺭﺩ ﻛﻮﭼﻨﻪﺭ ﻗﺎﺗﺎﺭﻟﯩﻖ ﻓﺮﺍﻧﺴﯩﻴﻪ ﻫﯚﻛﯜﻣﻪﺕ ﺭﻩﻫﺒﻪﺭﻟﯩﺮﯨﻨﯩﯔ ﺩﺍﻻﻱ ﻻﻣﺎ ﺑﯩﻠﻪﻥ ﺋﯘﭼﺮﺍﺷﻘﺎﻧﻠﯩﻘﯩﻐﺎ ﻗﺎﺗﺘﯩﻖ ﻧﺎﺭﺍﺯﯨﻠﯩﻖ ﺑﯩﻠﺪﯛﺭﺩﻯ.

ﺧﯩﺘﺎﻱ ﺗﺎﺷﻘﻰ ﺋﯩﺸﻼﺭ ﻣﯩﻨﺴﺘﯩﺮﻟﯩﻜﯩﻨﯩﯔ ﺑﺎﻳﺎﻧﺎﺗﭽﯩﺴﻰ ﭼﺎﺭﺷﻪﻧﺒﻪ ﻛﯜﻧﻰ ﺑﯧﻴﺠﯩﯖﺪﺍ ﺑﻪﺭﮔﻪﻥ ﺑﺎﻳﺎﻧﺎﺗﯩﺪﺍ ﻓﺮﺍﻧﺴﯩﻴﻪ ﻫﯚﻛﯜﻣﯩﺘﯩﻨﻰ ﺧﯩﺘﺎﻱ ﺋﯜﭼﯜﻥ ﻧﺎﻫﺎﻳﯩﺘﻰ " ﻣﯘﻫﯩﻢ ﯞﻩ ﺳﻪﺯﮔﯜﺭ ﻣﻪﺳﯩﻠﻪ ﺑﻮﻟﻐﺎﻥ ﺗﯩﺒﻪﺕ ﻣﻪﺳﯩﻠﯩﺴﯩﮕﻪ ﺋﯧﻬﺘﯩﻴﺎﺗﭽﺎﻧﻠﯩﻖ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺶ ﺗﻮﻏﺮﯨﺴﯩﺪﺍ ﺋﺎﮔﺎﻫﻼﻧﺪﯗﺭﻏﺎﻥ.